Yangiliklar

Eng yaxshi narxdagi valyuta kurslari, haq to‘lashning yangi tizimi joriy qilingan mahaliy hokimliklar xodimlari — Kursiv Uzbekistan 11-avgustning muhim yangiliklari dayjestini taqdim etadi.

Xorazmda soxta mehnat staji tayyorlamoqchi bo‘lgan shaxs qo‘lga olindi

Gurlan tumanida «Soliq servis» DUK bosh mutaxassisi ikki nafar ishsiz fuqarolar uchun ma’lumotnoma rasmiylashtirishni va’da qilgan. Bu haqda DXX matbuot xizmati ma’lum qildi.

Unga ko‘ra, «abjir xodim ma’lumotnomani 2025-yil yanvardan iyungacha bo‘lgan davr uchun qilmoqchi bo‘lgan. DXX Xorazm viloyati boshqarmasi va Iqtisodiy jinoyatlarga qarshi kurashish departamenti uni 12,5 mln so‘m olgan vaqtida qo‘lga olingan.

11-avgust kuni xorijiy valyutalarni qaysi banklarda qulay narxda almashtirish mumkin

Tijorat banklari 11-avgust...

11-avgust kuni Oliy Majlis Senati Kengashi majlisi bo‘lib o‘tdi. Unda prezident taqdimiga binoan Xolmo‘min Yodgorov O‘zbekiston Respublikasi Sudyalar oliy kengashi raisi lavozimiga saylandi. Bu haqda Oliy Majlis Senati matbuot xizmati ma’lum qildi.

Shuningdek, so‘nggi besh yilda Sudyalar oliy kengashi tomonidan sud hokimiyatining nufuzi va samaradorligini oshirish maqsadida amalga oshirilgan islohotlar muhokama qilindi. Ushbu o‘zgarishlar tizim faoliyatini yangi bosqichga ko‘tarib, fuqarolarning odil sudlovga bo‘lgan ishonchini mustahkamlashga xizmat qilayotgani ta’kidlandi.

Eslatib o‘tamiz, avvalroq Samarqand viloyatining uchta tumaniga yangi hokim tayinlangan edi.

NAFSA va JB International hisob-kitoblariga ko‘ra, 2025-yil kuzida yangi xalqaro talabalar soni 30 – 40 foizga kamayishi, umumiy qabul esa 15 foizga qisqarishi mumkin. Bu haqda The Pie ma’lum qildi.

Unga ko‘ra, mazkur holat AQSh iqtisodiyotiga $7 mlrdlik zarar yetkazib, 60 mingdan ortiq ish o‘rinlarini yo‘qotishga olib keladi.

Asosiy sabablar — may-iyun oylarida AQSh Davlat departamentining viza suhbatlarini vaqtincha to‘xtatishi, viza berishdagi kechikishlar va 19 davlat fuqarolariga qo‘yilgan taqiqlar. Hindiston va Xitoy talabalarining kamayishi eng katta ta’sir ko‘rsatmoqda, chunki ular umumiy qabulning yarmidan ortig‘ini tashkil etadi.

Mutaxassislar AQSh hukumatini talabalar uchun viza jarayonini tezlashtirish va taqiqlardan ozod qilishga chaqirmoqda...

Oliy Majlis Senati Yoshlar, xotin-qizlar, madaniyat va sport masalalari qo‘mitasi a’zosi Malika Kadirxanova O‘zbekiston Milliy teleradiokompaniyasi raisi Abdurashid Juraboyevga senator so‘rovi yo‘lladi. Bu haqda Senat rasmiy sahifasida ma’lum qilindi.

So‘rovda Toshkentdagi 1966-yilda qurilgan Toshkent radioeshittirish uyi binosida imkoniyati cheklangan shaxslar uchun qulay va xavfsiz mehnat muhitini yaratish masalasi ko‘tarildi. Binodagi yagona lift 1982-yildan buyon ishlatilgan bo‘lib, 2023-yildan beri texnik talabga javob bermagani sababli foydalanilmayapti. Bu holat 600 xodim, 2 mingdan ortiq mehmonlar, jumladan, nogironligi bo‘lgan shaxslar va yoshi katta xodimlar uchun katta qiyinchilik tug‘dirmoqda.

Shuningdek, yuqori qavatlarga chiqish uchun zarur bo‘lgan pandus, maxsus to‘siq va nogironlar aravachasi ko‘targichlari mavjud...

Toshkent shahri va Qashqadaryo viloyatidagi tekshiruvlarda tadbirkor va fermerlarning elektr energiyasidan noqonuniy foydalanganlik holati aniqlandi. Bu haqda Bosh prokuratura departamenti ma’lum qildi.

Unga ko‘ra, «P.K.» MChJ mas’ullari Yashnobod tumanidagi «G‘ozal» MFYda joylashgan binosida suv nasoslarini umumiy elektr tarmog‘iga to‘g‘ridan to‘g‘ri ulagan. Shuningdek, Mirzo Ulug‘bek tumanidagi «Olimlar» MFY mas’ullari ham MFY binosida shunday qilgan. Natijada jami 236,8 mln so‘mlik elektr energiyasidan noqonuniy foydalanilgani aniqlangan.

Xuddi shunday holat Qashqadaryoning Qamashi va Chiroqchi tumanlarida ham aniqlangan. Ushbu tumanlardagi ikkita fermer xo‘jaligi suv nasoslarini tijorat maqsadida umumiy elektr tarmog‘iga o‘zboshimchalik bilan ulagan. Buning natijasida esa 81 mln so‘mlik elektr energiyasini noqonuniy ishlatgani ma’lum bo‘ldi.

Buxoroda ikki mlrd so‘mlik tabiiy gazni o‘g‘irlagan korxona aniqlandi. Bu haqda Energetika vazirligi xabar berdi.

Unga ko‘ra, Havzi Nav mahallasidagi to‘qimachilik korxonasida gaz hisoblagichiga tashqi ta’sir o‘tkazilib, gazdan noqonuniy foydalanilgani aniqlandi.

Holat bo‘yicha dalolatnoma tuzilib, korxona yetkazgan zarar ikki milliard so‘mga baholangan. Shuningdek, tegishli hujjatlar huquqni muhofaza qiluvchi organlarga topshirilgan.

Bundan avval Termizda 1,3 mlrd so‘mlik gaz noqonuniy ishlatilgani aniqlangani haqida yozgandik.

Xabarga ko‘ra, Surxondaryo viloyatining Termiz shahrida joylashgan MChJga qarashli noturar binoda gaz tarmog‘iga noqonuniy ravishda to‘g‘ridan to‘g‘ri ulanib, tabiiy gazdan ruxsatsiz foydalanib kelingani aniqlangan.

Tailand poytaxti Bangkokda 19 yoshgacha boʻlgan sportchilar oʻrtasida boks boʻyicha Osiyo chempionati yakunlandi. Oʻzbekiston yoshlar terma jamoasi umumjamoa hisobida birinchi oʻrinni egalladi, deya xabar berdi Milliy olimpiya qoʻmitasi.

Oʻzbekistonlik bokschilar musobaqada jami 13 medalga ega chiqdi. Ulardan 7 tasi oltin, 3 tasi kumush va 3 ta bronza.

Ikkinchi oʻrinni Hindiston, uchinchi oʻrinni esa Xitoy terma jamoasi egalladi. Qozogʻiston beshinchi, Qirgʻiziston esa 13-oʻrinda qayd etildi.

Musobaqa doirasida 22 yoshgacha boʻlgan bokschilar oʻrtasida final janglari oʻtkazilishi rejalashtirilgan.

Avvalroq Lazizbek Mullajonovdagi dopingga soch ko‘chirishdagi dorilar sabab bo‘lishi mumkinligi haqida yozgan edik.

Ozarbayjon prezidenti Ilhom Aliyev Energetika vazirligiga Ukrainaga gumanitar yordam koʻrsatish uchun $2 million ajratish haqida farmoyish imzoladi. Bu haqda prezident matbuot xizmati xabar berdi.

Mablagʻ Ozarbayjonda ishlab chiqarilgan elektr uskunalarini sotib olib, Ukrainaga gumanitar yordam sifatida yuborishga sarflanadi.

Bu qaror Kiyev va Boku oʻrtasidagi energetika hamkorligiga qaratilgan bosimlar ortidan qabul qilindi. 10-avgust kuni Aliyev va Ukraina prezidenti Vladimir Zelenskiy Ozarbayjonning Ukrainadagi neft ombori hamda gaz yetkazib beruvchi kompressor stansiyasiga qilingan «Rossiya hujumlari»ni qoraladi.

Caliber.az xabariga koʻra, 8-avgustga oʻtar kechasi Odessadagi SOCAR neft bazasiga hujum uyushtirilgan. Rossiya Mudofaa vazirligi esa 2 – 8-avgust oraligʻida Ukrainadagi harbiy va energetika infratuzilmasiga...

Pekinda Robot Mall — dunyodagi ilk gumanoid robotlar supermarketi ochildi. To‘rt qavatli va to‘rt ming kvadrat metr maydonda har qanday turdagi robotni xarid qilish mumkin: barmen, jarroh, zavod ishchisi yoki hatto $97,5 ming turadigan robot-Eynshteyngacha.

Namoyish zonasida robotlar qahva qaynatadi, pitsa tayyorlaydi, rok ijro etadi va kokteyllar tarqatadi. Mahalliy kafeda esa oshpazdan tortib ofitsiantgacha hammasi temirdan yasalgan. Bu yerda sher kiyimidagi robot-itlar, mexanik farmatsevtlar va mukammal xotiraga ega shaxmat chempionlari ham bor.

Mazkur ochilish marosimi Butunjahon robototexnika konferensiyasi (12-avgust) va ilk Butunjahon gumanoid robotlar o‘yinlariga (14-17-avgust) to‘g‘ri kelmoqda. Bu tadbirlarda temir sportchilar futbol, raqs va hatto dorilarni saralash bo‘yicha...

Kia Yevropada 2026-yil boshida Kia EV2 GT kompakt elektromobilini ishlab chiqara boshlaydi. Model EV Day tadbirida konsept ko‘rinishida namoyish etilgan edi.

Eng kuchli GT versiyasi ikki elektromotorli to‘liq yuritmaga ega bo‘ladi. Quvvati 300 ot kuchigacha yetadi va 0–100 km/soat tezlanish 5 soniya atrofida bo‘ladi. 55 kVt·soatli batareya 435 km masofa yurish imkonini beradi.

GT versiyasida boshqaruv tizimi qayta sozlangan, tormozlar kuchaytirilgan, orqa ko‘p bo‘g‘imli osma bilan modernizatsiya qilingan. Bazaviy versiya old yuritmaga ega bo‘lib, 150–200 ot kuchi quvvatli bitta elektromotor bilan keladi.

Har ikkala versiya E-GMP platformasida yaratilgan. 400 voltli arxitektura, tezkor zaryadlash va tashqi qurilmalarni quvvatlantirish (V2L) funksiyasini...

FAW Audi kompaniyasi yangi Audi A6L e-tron sedanini taqdim etishga tayyorlanmoqda. Bu haqda ITHome nashri xabar bermoqda.

Sedan 106,7 kVt·soat sig‘imli CATL batareyaga ega bo‘lib, 785 km masofani bosib o‘tishi mumkin (sinov sharoiti ko‘rsatilmagan). U PPE platformasida qurilgan va Huawei Qiankun avtopiloti bilan jihozlanadi.

O‘lchamlari: uzunligi 5073 mm, kengligi 1950 mm, balandligi 1522 mm. G‘ildirak bazasi 3076 mmni tashkil etadi. Maksimal quvvati 353 ot kuchiga teng.

Model Audi FAW New Energy Plant zavodida, Changchun shahrida ishlab chiqariladi. Savdolar 2025-yilda boshlanishi kutilmoqda.

Eslatib o‘tamiz, Kursiv Uzbekistan Audi A3 avtomobili taqdim etilgani haqida yozgan edi.

Bugun, 11-avgust kuni dollar kursi 83,46 so‘mga pasayib, 12 589,35 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 97,17 so‘mga pasayib, 14 656,52 so‘mni, rubl esa 1,25 so‘mga pasayib, 157,64 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

Rossiyaning Rostov-Don viloyatida joylashgan «Indyushkin dvor» korxonasi 100 nafar o‘zbekistonlikni ish bilan ta’minlash taklifini bildirdi. Bu haqda «Dunyo» axborot agentligi xabar berdi.

O‘zbekiston Bosh konsulxonasi diplomatlari korxona rahbariyati bilan uchrashuv o‘tkazdi. Muzokara davomida Rossiya tomoni ishlab chiqarish faoliyati, xodimlar uchun yaratilgan sharoitlar va imtiyozlar haqida ma’lumot berdi. Ma’lum qilinishicha, korxona kurka go‘shti ishlab chiqaradi va mahsulotlarini 18 ta davlatga eksport qiladi. Hozirda bu yerda 150 nafar xorijlik ishchi ishlamoqda, shundan 26 nafari O‘zbekiston fuqarosi.

Kompaniyaning ishlab chiqarish quvvatlarini kengaytirish rejalari sababli 100 nafar yangi ishchi kuchiga ehtiyoj bor. Rossiya vakillari bu bo‘sh ish o‘rinlariga O‘zbekiston fuqarolarini jalb qilishga tayyor...

Honor Dimensity 8500 chipiga ega yangi smartfon ustida ishlamoqda. Qurilma 10 000 mA·soat sig‘imli katta batareyaga ega bo‘ladi. Bu haqda Gizmochina xabar bermoqda.

Model hozir NPI (yangi mahsulotni joriy etish) bosqichida. Bu jarayon iyul oxirida boshlangan. Qurilmaning aniq nomi hozircha ma’lum emas.

Bozorda Dimensity 8500 chipli ilk model sifatida Redmi Turbo 5 taqdim etilishi kutilmoqda. Honor’ning yangi smartfoni esa Xitoyda unga ergashib, 2025-yil dekabrida yoki 2026-yil yanvarida chiqishi mumkin. Hozircha smartfon haqida faqat chipset va batareya sig‘imi ma’lum.

Eslatib o‘tamiz, Kursiv Uzbekistan Honor Magic8 Ultra Galaxy S26 Ultra va Xiaomi 16 Ultra’dan kuchliroq bo‘lishi haqida yozgan edi.

Qirgʻiziston va Oʻzbekiston Qozogʻistonga janubiy hududlardagi sugʻorish suviga boʻlgan taqchillikni bartaraf etish uchun 600 million kub metr suv yetkazadi. Bu haqda Qozogʻiston bosh vaziri oʻrinbosari Kanat Bozumbayev ma’lum qildi.

Uning soʻzlariga koʻra, Qozogʻiston janubida hozirgi vaziyat zudlik bilan choralar koʻrishni talab qilmoqda. Sirdaryo, Shu, Talas daryolari va boshqa kanallardagi suv oqimi odatdagidan 30 – 40 foizga kamaygan. Yozning anomal issiqligi va yogʻingarchilik yetishmasligi sabab suv sarfi ortgan.

Bozumbayevning aytishicha, bosh vazir Oljas Bektenov Oltoydagi Xalqaro ekologik konferensiya chogʻida qirgʻizistonlik va oʻzbekistonlik hamkasblari bilan kelishuvga erishgan. Soʻngra barcha zarur maslahatlashuvlar oʻtkazilgan.

«Oʻtgan haftada ular bizga suv...

«Toshkent» respublika fond birjasida (RFB) joy olgan yuqori likvidli aksiyalarning aksariyati 4-avgustdan 8-avgustgacha bo‘lgan davrda turli dinamikani ko‘rsatib, UCI fond indeksi 1,05 foizga tushdi.

Bundan avvalgi ikki hafta davomida ham ushbu indeks pasayishni qayd etgandi. O‘tgan haftada undan oldingi davrga nisbatan ko‘plab aksiyalar narxi pasaydi, ammo ba’zi aksiyalar keskin o‘sdi.

Masalan, «Hamkorbank»ning imtiyozli aksiyalari eng katta o‘sishga erishib, 11,07 foizga qimmatlashdi. Shuningdek, «Qo‘qon mexanika zavodi» (+7,87%) va «Biokimyo» (+6,24%) aksiyalarida ham o‘sish qayd etildi.

Biroq «O‘zbektelekom» aksiyalari (imtiyozli) 8,58 foizga arzonlashib, haftaning eng katta pasayishini qayd etdi. Bundan tashqari, «Hamkorbank»ning oddiy aksiyalari (-3,97%) va «Olmaliq KMK» imtiyozli aksiyalari (-3,67%) ham...

G‘azo shahridagi al-Shifa shifoxonasi yonida jurnalistlar joylashgan chodirga Isroil tomonidan hujum qilindi. Al Jazeera muxbiri Anas al-Sharif va uning to‘rt hamkasbi halok bo‘ldi. Bu haqda telekanalning o‘zi xabar bermoqda.

Hujum yakshanba oqshomida sodir bo‘lgan. Umumiy hisobda yetti kishi halok bo‘lgan. Qurbonlar orasida muxbir Muhammad Qreiqeh hamda operatorlar Ibrohim Zohir, Muhammad Noufal va Moamen Aliva bor.

28 yoshli Anas al-Sharif G‘azoning shimolida ko‘p yillar davomida ishlagan taniqli jurnalist edi. Hujumdan oldin u ijtimoiy tarmoqda G‘aza sharqiy va janubiy qismida kuchli bombardimon boshlanganini yozgandi.

Uning so‘nggi videosida raketa portlashlari ovozi eshitilib, osmonda yong‘in chaqnashlari ko‘rinadi.

Al-Sharif o‘limidan oldin yozib qoldirgan xabarida...

2025-yilning yanvar – iyun oylarida 783,7 ming nafar chet el fuqarolari sayohat maqsadida O‘zbekistonga kelgan. Bu haqda Milliy statistika qo‘mitasi xabar berdi.

Ushbu ko‘rsatkich o‘tgan yilning mos davriga nisbatan 255,1 ming nafarga, ya’ni 48,3 foizga ko‘p.

Joriy yilning birinchi yarmida O‘zbekistonga sayohat maqsadida kelgan chet el fuqarolari mamlakatlar bo‘yicha quyidagicha:

Majburiy ijro byurosi (MIB) Bekobod shahar davlat ijrochisi mansab vakolatidan foydalanib, fuqarodan ishini bitirib berish evaziga pora olgani aniqlandi. Bu haqda Davlat xavfsizlik xizmati xabar berdi.

Unga ko‘ra, MIB xodimi Bekobod tumanida yashovchi fuqaroning aliment qarzdorligi uchun qo‘yilgan chet elga chiqish taqiqini bekor qilib berishni va’da qilgan. Buning evaziga esa 20 mln so‘m berishni talab qilgan. U mazkur pulning 13 mln so‘mini olayotganida ashyoviy dalillar bilan qo‘lga olindi.

Ma’lum bo‘lishicha, davlat ijrochisi ushbu «xizmati» evaziga avvalroq $450 va 1,3 mln so‘m ham olgan. Ushbu holatlar yuzasidan mazkur shaxs Jinoyat kodeksining tegishli moddalariga ko‘ra aybli deb topildi va olti yil...

8-avgust kuni qabul qilingan qonunga ko‘ra, intellektual mulk obyektlarini davlat ro‘yxatidan o‘tkazish jarayoni soddalashtirildi. U ayrim qonun hujjatlariga o‘zgartirish va qo‘shimchalar kiritadi.

Maqsad – intellektual mulk obyektlarini tez va qulay ro‘yxatga olish. Endi sanoat mulki obyekti ro‘yxatga olingach, patent hujjati arizachiga avtomatik ravishda elektron tizim orqali yuboriladi. Avval patent rasmiy e’lon qilingach, 10 kundan keyin berilardi. Bu kechikish amaliyoti bekor qilindi.

Yangi tartib ariza ko‘rib chiqishni tezlashtiradi. Hisob-kitob va hujjatlar onlayn yuritiladi. Xatoliklar kamayib, jarayon shaffof bo‘lishi kutilmoqda. Ixtirochilar va tadbirkorlar uchun vaqt va xarajat qisqaradi.

Qonun huquqbuzarlik uchun javobgarlikni ham kuchaytirdi. Intellektual mulk huquqlarini buzganlarga nisbatan choralar qat’iylashadi...

Angliya superkubogi bahsida Premyer-liga chempioni «Liverpul» va mamlakat kubogi sohibi «Kristal Pelas» «Uembli» stadionida toʻqnash keldi.

Asosiy vaqt 2:2 hisobida yakunlandi. «Liverpul» safida Ugo Ekitike 4-daqiqada, Jeremi Frimpong 21-daqiqada gol urdi. «Kristal Pelas»dan Jan-Filipp Mateta 17-daqiqada, Ismaila Sarr 77-daqiqada javob qaytardi.

Qoʻshimcha boʻlimlar oʻtkazilmadi va gʻolib penaltilar seriyasida aniqlandi. «Kristal Pelas» 3:2 hisobida ustun keldi. «Liverpul»dan Muhammad Saloh zarbani aniq bajara olmadi, Aleksis Makallister va Xarvi Elliotning zarbalarini esa darvozabon Din Henderson qaytardi.

Shu tariqa Oliver Glasner boshchiligidagi «Kristal Pelas» tarixida ilk marta Angliya superkubogini qoʻlga kiritdi. Jamoa bundan avval finalda «Manchester Siti»ni 1:0 hisobida magʻlub etib, ilk bor mamlakat...

2025-yil oxirigacha poytaxtda 50 ming dona «aqlli» sovuq suv hisoblagichi o‘rnatiladi. Bu haqda «Toshkent shahar suv ta’minoti» matbuot kotibi Ravshan Yoqubjonov «O‘zbekiston 24» telekanaliga ma’lum qildi.

Ularni iyul oxiridan boshlab Yangihayot tumanida o‘rnatish boshlandi. Avvalroq qurilmalar ikki yil davomida Shayxontohur tumanida sinovdan o‘tkazilgan.

Loyiha Fransiyaning Suez kompaniyasi bilan hamkorlikda amalga oshirilmoqda va yetti yilga mo‘ljallangan.

Yangi tizim hisob-kitoblarni qo‘lda kiritish zaruratini yo‘qotadi. Ma’lumotlar avtomatik tarzda onlayn bazaga uzatiladi.

Bu xatoliklarni kamaytiradi, iste’molchi va ta’minotchi o‘rtasidagi kelishmovchiliklarni bartaraf etadi hamda shahar suv taqsimotini samarali boshqarishga yordam beradi.

Eslatib o‘tamiz, Kursiv Uzbekistan Fransiyaning MND kompaniyasi Shohimardon turizm loyihasiga qiziqish bildirgani haqida...

2025-yilning yanvar – iyun oylarida O‘zbekiston 13 ta xorijiy davlatdan qiymati $9,4 millionga teng bo‘lgan, jami 1,8 ming tonna muzqaymoq va muzqaymoq mahsulotlarini import qildi. Bu haqda Milliy statistika qo‘mitasi xabar berdi.

Mazkur koʻrsatkich 2024-yilning ushbu davri bilan solishtirilganda 440 tonnaga ko‘p.

Eng koʻp muzqaymoq va muzqaymoq mahsulotlari yetkazib bergan davlatlar:

Qolgan 55 tonna mahsulot boshqa davlatlardan import qilingan.

Bundan avval «Xottabich» muzqaymog‘i sanitariya talablariga mos kelmagani tasdiqlangani haqida yozgandik.

Unga ko‘ra, «X Xasanboy va xolod...

Samsung kompaniyasi bir necha oy oldin AQShdagi chip ishlab chiqarish loyihasiga mo‘ljallangan sarmoyasini qisqartirgan edi. Endi kompaniya yana milliardlab dollar qo‘shib, investitsiyani kengaytirishni rejalashtirmoqda. Bu haqda Sammobile nashri xabar bermoqda.

Janubiy Koreya va AQSh sammiti 25-avgustga belgilangan bo‘lib, Samsung shu kungacha yangi rejasini yakunlashi kutilmoqda. SEDaily xabariga ko‘ra, kompaniya AQShda ilg‘or chip qadoqlash uchun 10 trillion von ($7,2 mlrd) ajratishi mumkin.

Avval reja $44 mlrd bo‘lsa, mijozlar yetishmasligi sabab sarmoya $37 mlrdga tushirilgan va qadoqlash bo‘limi bekor qilingan edi. Endi esa kompaniya Apple va Tesla kabi yirik buyurtmachilarni qo‘lga kiritdi. Tesla bilan $16,5 mlrd qiymatidagi SI chip ishlab chiqarish...