Yangiliklar

Yanvar – iyun oylarida Navoiy kon-metallurgiya kombinati (NKMK)ning daromadi $3,3 mlrdni tashkil etdi. Bu haqda korxona matbuot xizmati Kursiv Uzbekistan nashriga ma’lum qildi.

Unga ko‘ra, bu ko‘rsatkich o‘tgan yilning shu davriga nisbatan 21 foizga ko‘pdir.

NKMKning 2024-yilning birinchi yarmidagi sof foydasi 14 foizga oshib, $882 mlnga yetdi.

Bu davrda kompaniya sof qarzini 2 foizga kamaytirdi, kapital xarajatlar $371 mlndan $325 mlngacha kamaydi.

Avvalroq «Kursiv Uzbekistan» NKMK ishlab chiqarishni kengaytirish uchun 150 million dollar kredit jalb qilgani haqida yozgan edi.

Oʻzbekiston hukumati Termiz shahridagi Afgʻoniston fuqarolari uchun ta’lim muassasasi negizida Global oʻquv markazi tashkil etishni rejalashtirmoqda. Bu haqda Tashqi ishlar vaziri Baxtiyor Saidov BMT Bosh Assambleyasining 79-sessiyasida xabar berdi.

Unga ko‘ra, Saidov o‘z nutqida mamlakatlarni iqlim oʻzgarishi, texnologik innovatsiyalardan foydalanish, qashshoqlik va terrorizmga qarshi kurash kabi sohalarda yaqin hamkorlikka chorladi.

Shuningdek, O‘zbekiston vakili rivojlanayotgan mamlakatlar huquqlarini kengaytirish, Markaziy Osiyoda iqtisodiy aloqalarni faollashtirish va barcha uchun raqamli texnologiyalardan foydalanishni ta’minlashni taklif qildi.

Avvalroq Kursiv Uzbekistan Termizda Afg‘oniston fuqarolariga ham xizmat ko‘rsatuvchi xalqaro savdo markazi ochilgani haqida xabar bergan edi.

O‘zbekiston tashqi ishlar vaziri Baxtiyor Saidov BMT Bosh Assambleyasi 79-sessiyasining umumiy muhokamasida so‘zga chiqdi. Bu haqda o‘zining Telegram kanalida ma’lum qildi.   

TIV rahbari Baxtiyor Saidov o‘z nutqida iqlim o‘zgarishi, kambag‘allik, shuningdek, tengsizlik kabi e’tibor markazida bo‘lgan muammolarni hal etishda global hamkorlikka chaqirdi.

«Biz dunyoning ko‘p nuqtalarida notinchliklar kuchayib borayotganiga guvoh bo‘lmoqdamiz. Iqlim o‘zgarishi, kambag‘allik, texnologik nomutanosiblik kabi dolzarb muammolarni hal qilishda barchani yaqinroq global hamkorlikka chaqiramiz. Barqaror rivojlanish maqsadlariga sodiqlik va Markaziy Osiyoda tinchlik va barqarorlikni ta’minlashda faol ishtirok etish bizning asosiy ustuvor vazifalarimiz bo‘lib qoladi», deya ta’kidladi vazir.

Bundan tashqari, vazir O‘zbekiston...

Xorazm viloyati Shovot tumani Beshmergan mahallasida joylashgan «Yusuf Hamadoniy» ziyoratgohida ehson qutisidan pul o‘g‘irlashga uringan shaxs qo‘lga olindi. Bu haqda Milliy gvardiya veb-saytida ma’lum qilindi.

Unga ko‘ra, holat joriy yilning 25-sentabr kuni ertalab soat 06:15 larda sodir bo‘lgan. Voqea joyida xizmat olib borayotgan qoʻriqlash xodimi noma’lum shaxs tomonidan ziyoratgohga tegishli boʻlgan ehson qutisini ochishga urinayotganini koʻrib qolgan. So‘ng shubhali shaxsni qoʻlga olgan va navbatchilik qismiga xabar bergan.

Ehson qutisidagi pullarni oʻgʻirlamoqchi boʻlgan ushbu shaxs Gurlan tumanida yashovchi 33 yoshli fuqaro ekanligi ma’lum boʻlgan.

Ayni vaqtda mazkur holat yuzasidan tuman IIB mas’ul xodimlari tomonidan surishtiruv ishlari olib borilmoqda.

Joriy yilning 24-sentabr kuni Samarqand viloyatida Nexia rusumli avtomobil harakat vaqtida Koegel tirkamasining orqa qismiga kelib urilishi oqibatida YTH sodir bo‘lgan. Bu haqda viloyat IIB JXX YHXB matbuot xizmati xabar berdi.

Ma’lum qilinishicha, YTH soat 16:30 larda Samarqand viloyati Oqdaryo tumani hududidan o‘tuvchi M-37 avtomobil yo‘lining to‘qqizinchi kilometrida sodir bo‘lgan. YTH natijasida Nexia haydovchisi olgan tan jarohatlari sabab vafot etgan.

Holat yuzasidan Oqdaryo tumani IIB huzuridagi tergov boʻlinmasi tomonidan jinoyat ishi qoʻzgʻatilib, dastlabki tergov harakatlari olib borilmoqda.

Avvalroq Kursiv Uzbekistan Toshkentda yoʻl-transport hodisasi yuz berishi oqibatida bir fuqaro vafot etgani haqida xabar bergan edi.

Xalq deputatlari Muzrabot tumani Kengashining navbatdan tashqari sessiyasida Qurbonov Alisher tuman hokimi etib tayinlandi. Bu haqda hokimlik axborot xizmati xabar berdi.

Shu vaqtga qadar tuman hokimi vazifasida ishlab kelgan Abdurashid Ismailov boshqa ishga oʻtishi munosabati bilan lavozimidan ozod etildi.

Ma’lumot uchun, Alisher Qurbonov 1973-yilda Muzrabot tumanida tugʻilgan. 1995-yilda Toshkent qishloq xoʻjaligi institutini, 2005-yilda Toshkent davlat yuridik institutini tamomlagan. Ma’lumoti boʻyicha mutaxassisligi — iqtisodchi-tashkilotchi, yurisprudensiya.

Faoliyati davomida Ichki ishlar organlarida turli lavozimlarda hamda xususiy sektorda mehnat qilgan. Tayinlovga qadar u «Amirqulbobo KAA» fermer xoʻjaligi rahbari boʻlib faoliyat yuritib kelayotgan edi.

Avvalroq Kursiv Uzbekistan Toshkent shahar Mirzo Ulugʻbek tumaniga yangi hokim...

Bugun, 26-sentabr kuni Toshkent, Sirdaryo, Samarqand, Jizzax viloyatlari va Farg‘ona vodiysida yog‘ingarchilik kuzatiladi. Ayrim hududlarda chang-to‘zonlar ko‘tarilishi mumkin. O‘rtacha havo harorati 23-28 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida ham qisqa muddatli yomg‘ir yog‘adi. Kunduzi havo 28-darajagacha ko‘tariladi. Kechasi esa havo 10-15 daraja iliq bo‘ladi.

Tog‘li hududlarda yomg‘ir yog‘adi. Kunduzi havo 22-daraja iliq bo‘ladi, kechga kelib havo 8-13 daraja salqin bo‘ladi.

O‘zbekiston prezidenti Shavkat Mirziyoyev va Saudiyaning ACWA Power kompaniyasi boshqaruvi raisi Muhammad Abunayyan bir kun avval investitsiya loyihalari amalga oshirilishining borishi haqida suhbatlashdi, deb xabar qildi prezident matbuot xizmati.

Uchrashuv Osiyo infratuzilmaviy investitsiyalar banki (OIIB) Boshqaruvchilar kengashi yig‘ilishida bo‘lib o‘tdi.

Tomonlar energetika, kommunal xo‘jalik, transport va boshqa sohalarda qo‘shma tashabbuslarni hayotga tatbiq etishni jadallashtirishga kelishib oldi

Mirziyoyev Saudiya Arabistonidan investitsiyalarni O‘zbekiston iqtisodiyotiga jalb qilishda ACWA Power asosiy rol o‘ynashini ta’kidladi.

ACWA Power – elektr energiyasi va chuchuk suv ishlab chiqarish qurilmalarining ishlab chiqaruvchisi va operatori. Yaqin Sharq, Markaziy va Janubi-Sharqiy Osiyo, Afrikaning 13 ta davlatida ishlaydi.

Avvalroq Kursiv Uzbekistan...

Rossiya Tashqi ishlar vazirligi (TIV) O‘zbekistondagi hamkasblaridan Toshkentdagi maktablardan birida o‘qituvchi rus tilida so‘zlashuvchi bolaga qo‘pol muomala qilgani bo‘yicha rasmiy tushuntirish berishni so‘radi, deya xabar berdi vazirlik rasmiy vakili Mariya Zaxarova.

«O‘zbekiston tomoniga OAVdagi materialga huquqiy baho berish va asosli bo‘lsa, bolaga nisbatan shafqatsiz munosabatda bo‘lgan aybdorga nisbatan choralar ko‘rish so‘ralgan,» deya Zaxarovadan iqtibos keltirildi Rossiya TIVning Telegram-kanalida.

Uning qo‘shimcha qilishicha, ommaviy axborot vositalarida tarqalgan qo‘pol muomala aks etgan rolikning mazmuni jabrlanuvchiga hamdardlik va xavotir uyg‘otadi.

Zaxarovaning so‘zlariga ko‘ra, davlatlarning strategik sheriklik munosabatlarida «hech qanday adovat bo‘lishi mumkin emas, ayniqsa til bo‘yicha».

Avvalroq OAV va Telegram-kanallarda pedagog o‘z o‘quvchisi...

YXHT Demokratik institutlar va inson huquqlari bo‘yicha byurosi (DIIHB) bugun O‘zbekistonda 27-oktabrga belgilangan parlament saylovlarini kuzatish uchun Kuzatuvchilarni yubordi. Bu haqda YXHT rasmiy veb-sayti ma’lum qildi.

Duglas Veyk boshchiligidagi missiya Toshkentda joylashgan 14 nafar xalqaro asosiy guruh ekspertlari va 2-oktyabrdan mamlakat boʻylab joylashtiriladigan 26 nafar uzoq muddatli kuzatuvchilardan iborat. DIIHB 300 nafar qisqa muddatli kuzatuvchilarni saylov kunidan bir necha kun oldin kelishini talab qiladi.

Mazkur missiya saylovlarning YXHT majburiyatlariga, boshqa xalqaro majburiyatlarga va demokratik saylovlar standartlariga, shuningdek, milliy qonunchilikka muvofiqligini baholaydi.

Kuzatuvchilar saylovning barcha jabhalarini, jumladan, saylovoldi va undan keyingi voqealarni yaqindan kuzatib boradi. Amaldagi qonunchilikka rioya etish, saylov...

2030-yildan poytaxt va unga yaqin hududlardagi isitish va elektr energiya ishlab chiqarish korxonalariga yoqilgʻi sifatida mazutdan foydalanishi taqiqlanadi. Bu haqda Huquqiy axborot Telegram kanali ma’lum qildi.

Unga ko‘ra, Yashil Markaziy Osiyo fondi va Markaziy Osiyo iqlim masalalari markazini tashkil etishning konseptual asoslari ishlab chiqiladi.

Poytaxtga tutash tumanlardagi 1,2 mingdan ortiq issiqxonalarda foydalanilayotgan koʻmir yoqilgʻisining salbiy ta’sirining oldini olish uchun chang-gaz tozalash uskunalari oʻrnatiladi. Bu uchun issiqxona xoʻjaliklariga subsidiya ajratish tizimi yo‘lga qo‘yiladi.

Shuningdek, 2025 – 2030-yillarda poytaxt va Toshkent viloyatidagi umumiy 441 gektar yer maydonlarida «yashil belbogʻ» va «yashil bogʻlar» tashkil etiladi.

2028-yildan «Yevro – 4» standartidan past...

Prezident chang boʻronlariga qarshi kurashish boʻyicha milliy dasturni tasdiqladi. Bu haqda Huquqiy axborot Telegram kanali ma’lum qildi.

Unga koʻra, Oʻzbekistonda chang boʻronlariga qarshi kurashish va ularning oqibatlarini yumshatish boʻyicha 2024 – 2030-yillarga moʻljallangan milliy dasturda bir nechta asosiy yoʻnalishlar belgilandi.

Jumladan, chang va qum boʻronlari oldini olish va oqibatlarini yumshatish uchun ilgʻor texnologiyalar joriy etiladi va barcha hududlarda yashil qoplamalar ko‘paytiriladi.

2028-yilgacha kuchli chang boʻronlar ayni damdagidan 50 foizga qisqartiriladi.

Shuningdek, 2025-yil 1-yanvardan poytaxtning 12 ta tumanida fon monitoringini amalga oshirish uchun avtomatlashtirilgan kichik stansiyalar oʻrnatiladi.

2026-yil 1-yanvardan esa poytaxtda oʻrnatilgan maxsus monitor va tablolarda majburiy ravishda atmosfera havosining...

Tashkent Invest kompaniyasi Toshkent shahrining yettita tumanidagi obodonlashtirish loyihalari uchun sarmoyadorlar saralash tanlovini e’lon qildi. Bu haqda poytaxt hokimligi matbuot xizmati xabar berdi.

Unga ko‘ra, saralash bosqichi oktabr boshigacha davom etadi. 10-oktabrdan so‘ng saralangan ishtirokchilar obodonlashtirish uchun ajratilgan hududlarni rivojlantirish bo‘yicha takliflarini taqdim etadi.

Tanlovning birinchi bosqichida jami 0,3 gektardan 15,5 gektargacha bo‘lgan 12 ta uchastka taqdim etildi. Kelajakdagi loyihalarni amalga oshirish muddati hududning kattaligi va joylashuviga qarab 24 oydan 60 oygacha bo‘ladi.

Malaka bosqichining mezonlariga investorning moliyaviy to‘lov qobiliyati va so‘nggi besh yil ichida yirik qurilish loyihalarini amalga oshirish tajribasi borligi kiradi.

Tashkent invest tanlov ishtirokchilariga 48 gektarni...

Londondagi Britaniya muzeyida oʻtkaziladigan «Silk Roads» («Ipak yoʻllari») koʻrgazmasining tantanali ochilish marosimida Saida Mirziyoyeva so‘zga chiqdi. Bu haqda u o‘zining Telegram kanalida ma’lum qildi.

«Britaniya muzeyida oʻtkaziladigan “Silk Roads» koʻrgazmasining tantanali ochilish marosimida qatnashish – men uchun katta sharaf”, dedi Mirziyoyeva.

Uning qayd etilishicha, koʻrgazmada Oʻzbekiston muzeylaridan toʻplangan, boy tarixiy va madaniy merosimizni aks ettiruvchi nodir, qimmatli osoriatiqalar namoyish qilinadi.

«Ishonchim komilki, ushbu loyiha Ipak yoʻli tarixi va madaniyatiga qiziquvchilarga ilhom bagʻishlaydi, xalqlar oʻrtasidagi madaniy aloqalarni mustahkamlash, rivojlantirish yoʻlidagi umumiy sa’y-harakatlarimizni ifoda etadi», deya ta’kidladi Mirziyoyeva.  

Avvalroq...

Toshkent shahar Mirzo Ulug‘bek tumaniga Boxodir Gaibnazarov hokim etib tayinlandi. Bu haqda poytaxt hokimligi xabar berdi.

Tumanning yangi hokimi 1970-yilda Toshkent viloyatida tug‘ilgan. 1997-yilda Toshkent davlat agrar universitetining iqtisodchi-tashkilotchi mutaxassisligi bo‘yicha va 2005-yilda O‘zbekiston Milliy universitetini huquqshunoslik fakultetini tamomlagan.

U 2021-yildan buyon Toshkent shahar hokimligi tashkiliy-kadrlar bo‘limi boshlig‘i lavozimida ishlab kelayotgan edi.

Avvalroq Kursiv Uzbekistan Shayxontohur tumaniga yangi hokim tayinlangani haqida yozgan edi.

Avgust oyida O‘zbekistonda jismoniy shaxslar uchun so‘mdagi kreditlarning o‘rtacha stavkalari 24,5 foizgacha ko‘tarildi va may–iyun oylaridagi darajaga qaytdi, deb xabar beradi Markaziy bank.

Uch oy davomida aholi uchun stavkalar deyarli o‘zgarishsiz qolgan bo‘lsa, tadbirkorlar uchun stavkalar yiliga 22,9 foizdan 22,7 foizgacha pasaytirildi va may–iyun ko‘rsatkichini ko‘rsatdi.

Jismoniy shaxslar uchun milliy valyutadagi yangi omonatlar bo‘yicha foizlar yillik 22 foiz darajasida qoldi, yuridik shaxslar uchun esa 17,8 foizgacha ko‘tarildi.

Yuridik shaxslarning chet el valyutasidagi depozitlarining daromadi 5,5 foizgacha oshdi, jismoniy shaxslar uchun esa 4,6 foizgacha pasaydi. Xorijiy valyutadagi qisqa muddatli kreditlar bo‘yicha foizlar yil davomida 10,7 foizga eng baland...

Prezident Shavkat Mirziyoyev OIIB Boshqaruv kengashining Samarqanddagi yig‘ilishida bank tomonidan O‘zbekistonda umumiy qiymati $3 mlrd bo‘lgan 15 ta loyiha amalga oshirayotganini ta’kidladi.

 «Mamnuniyat bilan aytishim kerakki, bularning hisobidan O‘zbekiston bankning top-10 ta hamkoridan biriga aylandi», — dedi prezident.

Shuningdek, Toshkent va OIIB 2027-yilgacha umumiy qiymati $4 milliard bo‘lgan dasturni kelishib olishdi.

Bundan tashqari, bank hozirgi vaqtda O‘zbekistonda suv ta’minoti, infratuzilma, transport va barqaror rivojlanish sohalarida loyihalar ustida ishlamoqda.

Davlat rahbari chiqishida OIIIB rahbari Tszyin Litszyunga va tashkilot a’zosi davlatlarga O‘zbekistonda olib borilayotgan islohotlarni qo‘llab-quvvatlaganliklari uchun minnatdorchilik bildirdi.

Avvalroq «Kursiv» Toshkent viloyatida $1,7 milliardlik...

O‘zbekiston yalpi ichki mahsulotni (YaIM) $160 milliardga yetkazishni maqsad qilgan. Bu haqda Shavkat Mirziyoyev Samarqandda bo‘lib o‘tgan OIIB Boshqaruvchilar kengashi yig‘ilishida ma’lum qildi.

«Bizning yalpi ichki mahsulotimiz ikki baravar oshdi va ilk bor $100 milliardga yetdi. Kelasi besh yil ichida biz ushbu ko‘rsatkichni $160 milliardga yetkazishni rejalashtirmoqdamiz», deya ta’kidladi prezident.

Prezident O‘zbekistonda olib borilayotgan islohotlarning asosiy maqsadi mamlakatni o‘rta daromadli davlatlar qatoriga chiqarish ekanligini ta’kidladi.

Eslatib o‘tamiz, avvalroq Kursiv Uzbekistan to‘rt yil ichida kambag‘allik darajasi 23 foizdan 11 foizga qisqargani haqiga xabar bergan edi.

Oʻzbekiston MDH va BRICS+ mamlakatlarida elektromobillarning tarqalishi boʻyicha quyi oʻrindan joy oldi. Bu haqda Kept konsalting kompaniyasi tomonidan tuzilgan reytingda ma’lum qilindi.

Unga koʻra, Oʻzbekiston mazkur reytingda 16 ta davlat ichida elektromobillarning tarqalishi boʻyicha 14-oʻrinni egalladi. Reytingda yetakchilikni bugungi kunda eng koʻp elektromobil ishlab chiqarayotgan Xitoy egalladi. Keyingi oʻrindan Hindiston joy olgan boʻlsa, Rossiya kuchli uchlikni yakunlab berdi.

Markaziy Osiyo davlatlaridan eng yaxshi koʻrsatkichni Qirgʻiziston qayd etib, reyting jadvalida 7-oʻrindan joy oldi. Shuningdek, Qozogʻiston 9-oʻrindan, Tojikiston 12-oʻrindan joylashdi.

Oʻzbekistonda har ming kishiga toʻgʻri keladigan elektromobillar soni 0,29 tani tashkil etadi. Xitoyda boʻlsa, bu koʻrsatkich har ming kishiga 15 taga toʻgʻri...

Vengriyaning OTP banki O’zbekiston kapital bozorida maxsus «Tartibga solish qumdoni» rejimining ishtirokchisi sifatida ro’yxatga olingan. Istiqbolli loyihalar milliy agentligi (ILMA) bu «qimmatli qog‘ozlar bozoriga yirik hajmdagi investitsiyalarni jalb» qilishga yordam beradi deb xabar berdi. Kursiv Uzbekistan OTP’dan kompaniyaning O‘zbekiston bozoridagi rejalari haqida so‘radi.

«Ushbu roʻyxatdan oʻtgan ikkinchi xalqaro moliya instituti sifatida OTP Group 2023-yilda “Ipoteka-bank» aksiyalarining aksariyat qismini sotib olish bilan Oʻzbekistonga sodiqligini yana bir bor namoyish etdi. Bu OTP Bank’ga O‘zbekiston kapital bozori bilan mustahkam aloqalar o‘rnatish va shu tariqa o‘z mijozlariga yanada sifatli xizmatlar ko‘rsatish imkoniyatini beradi. Hozirda OTP Bank Oʻzbekiston kapital...

Joriy yilning avgust oyi sarhisob natijalariga ko‘ra, 21,6 ming dona Onix avtomobili ishlab chiqarilgan. Bu haqda Statistika agentligi xabar berdi.

Ushbu ko‘rsatkich o‘tgan yilning mos davrida 18,5 ming donani tashkil qilib, bu yil ishlab chiqarish 3 ming donaga yoki 16,6 foizga ortgan.

Qayd etilishicha, faqatgina Onix avtomobili emas, Tracker hamda Cobalt avtomobili ishlab chiqarishda ham o‘sish kuzatilgan.   

Joriy yilning yanvar – avgust oylarida 27,4 ming dona Tracker avtomobili ishlab chiqarilgan, ushbu raqamlar o‘tgan yilning mos davriga nisbatan deyarli 3 ming donaga yoki 12,1 foizga o‘sgan.

Bunday o‘sish Cobalt avtomobilida ham kuzatilgan. Joriy yilning sakkiz oyi ichida...

Shavkat Mirziyoyev OBII boshqaruv kengashining yillik yig‘ilishida so‘zlagan nutqida O‘zbekistonda kambag‘allik 23 foizdan 11 foizgacha qisqarganini ta’kidladi. Bu haqda prezident matbuot kotibi Sherzod Asadov xabar berdi.  

Davlat tahbarining ta’kidlashicha, joriy yil oxiriga qadar kambag‘allik ko‘rsatkichlarini 9 foizgacha qisqartirish rejalashtirilgan. Shuningdek, 2030-yilga kelib esa, ushbu ko‘rsatkichni ikki barobarga pasaytirish maqsad qilingan.

«Ilg‘or xorijiy yondashuvlar asosida eng quyi bo‘g‘in – mahalla darajasiga tushgan holda kambag‘allikni qisqartirish bo‘yicha O‘zbekiston tajribasini yaratdik», — dedi prezident.

Avvalroq Kursiv Uzbekistan Mirziyoyev 2030-yilga kelib global harorat 1,5 darajaga koʻtarilish ehtimolidan jiddiy xavotirda ekanligi haqida xabar bergan edi.

Oʻzbekistonning Isroildagi elchixonasi ushbu mamlakatda boʻlib turgan oʻzbekistonliklarga murojaat qildi.

«Hozirgi paytda mamlakatning shimoliy hududlarida murakkab vaziyat vujudga kelayotganligini eʼtiborga olib oʻzingizning shaxsiy xavfsizlik choralarini koʻrishingizni va raketa otishmalari paytida boshpanalarni tark etmaslikni tavsiya etamiz», — deyiladi xabarda.

Oʻzbekiston fuqarolariga zarurat boʻlmasa, koʻchaga chiqmaslik, koʻngilochar muassasalarga bormaslik tavsiya qilindi.

Elchixonaning konsullik boʻlimining telefon raqamlari: 03-672-2466, 03-672-2371, 03-758-5075, 03-758-5076. Favqulodda va shoshilinch xabarlar uchun: +972 54 485 1397.

Avvalroq Kursiv Uzbekistan Isroil «Hizbulloh»ning 600 nafar aʼzosini yoʻq qilgani haqida xabar bergan edi.

25-sentabr kuni O‘zbekiston Respublika valyuta birjasida dollarning rasmiy narxi 2,82 so‘mga ko‘tarildi va 12 757,65 so‘mni tashkil qildi.

Banklarda AQSh valyutasi 12 695 – 12 720 so‘mdan xarid qilinmoqda va 12 760 – 12 815 so‘mdan sotilmoqda.

Eslatib o‘tamiz, 24-sentabr kuni O‘zbekiston Respublika valyuta birjasida dollar 7,54 so‘mga qimmatlashgn edi. Uning qiymati 20-sentabrdan buyon to‘rt kun davomida ketma-ket o‘smoqda.