Yangiliklar

O‘zbekiston terma jamoasi Vengriyada bo‘lib o‘tgan Butunjahon shaxmat olimpiadasida «o‘tkir va murosasiz bellashuvlar»da faxrli uchinchi o‘rinni egalladi. Prezident Shavkat Mirziyoyev sportchilarni ushbu muvaffaqiyat bilan tabrikladi. Uning murojaati matni davlat rahbari saytida e’lon qilingan.

«Siz, aziz farzandlarimga, erishgan yutuqlaringizga katta hissa qo‘shgan tajribali ustoz va murabbiylaringiz, butun jamoangiz a’zolariga, sizlarni qo‘llab-quvvatlab turgan ota-onalaringiz va barcha muxlislaringizga o‘z nomimdan, butun xalqimiz nomidan chin dildan samimiy minnatdorlik bildiraman» — tabriklaydi davlat rahbari.

Uning qo‘shimcha qilishicha, o‘zbek shaxmatchilari misolida mamlakat yoshlari «haqiqiy yuksak marralarga» erishishga qodirligini ko‘rish mumkin.

Avvalroq, Kursiv Uzbekistan 45-Butunjahon shaxmat olimpiadasi natijalariga ko‘ra, O‘zbekiston erkaklar terma jamoasi bronza medalini qo‘lga...

Bugun, 24-sentabr kuni O‘zbekiston bo‘ylab quruq va issiq ob havo kuzatiladi, faqat Qoraqalpog‘iston Respublikasida yomg‘ir yog‘ishi mumkin. Havo harorati o‘rtacha 27-32 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida havo biroz bulutli bo‘lishi mumkin. Biroq yog‘ingarchilik kuzatilmaydi. Kunduzi havo 31-darajagacha ko‘tariladi, kechasi esa 10-15 daraja iliq bo‘ladi.

Tog‘li hududlarda ham yomg‘ir yog‘ishi kuzatilmaydi. Kunduzi havo 23-28 daraja issiq bo‘ladi, kechga kelib 9-13 daraja salqin bo‘ladi.

Mustaqil Davlatlar Hamdo‘stligi (MDH) ga a’zo davlatlar saylovlarga aralashish urinishlarini qoraladi. Bu haqda Minskda bo‘lib o‘tgan MDH a’zolari saylov organlari rahbarlarining maslahat kengashi bayonotida aytiladi, deb xabar berdi birlashma Parlamentlararo assambleyasining Telegram-kanali.

Shuningdek, hujjatda saylovning borishini xalqaro kuzatish va MDHdan kuzatuvchilar missiyasini yuborish amaliyoti muhimligi qayd etilgan. Kengash ushbu jarayonning umumiy tamoyillarini belgilashga chaqirdi.

Maslahat kengashi – MDHning davlatlararo organi. U 2022-yilda tashkil etilgan va o‘shandan beri hamdo‘stlik mamlakatlarida «saylov jarayonini takomillashtirish» uchun xizmat qilmoqda.

O‘zbekiston MDHga a’zo davlatlar qatoriga kiradi.

Kursiv Uzbekistan O‘zbekiston MDHning Korrupsiyaga qarshi kurash kengashiga taklif qilingani haqida yozgan edi.

Toshkent viloyati hokimligi va idoralarida bir qator yangi tayinlovlar amalga oshirildi, deya xabar berdi viloyat hokimligi.

Xususan, Miraziz Mirsultonov Ijtimoiy himoya milliy agentligi viloyat boshqarmasi boshlig‘i etib tayinlandi. O‘zbekiston Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi viloyati boshqarmasi boshlig‘i lavozimiga Olim Odilov tayinlandi.

Umidjon Ubaydullayev Toshkent viloyati hokimining yordamchisi bo‘ldi. U sanoatni rivojlantirish masalalariga mutasaddilik qiladi. «Urug‘chilikni rivojlantirish markazi»ga Farhod Isroilov, Tashqi mehnat migratsiyasi agentligi filialiga Olim Sulaymonov rahbarlik qiladi.

Avvalroq Kursiv Uzbekistan Shayxontohur tumani sobiq hokimi O‘zR Bandlik vazirligiga rahbarlik qilgani haqida yozgan edi.

Isroil armiyasi Livandagi «Hizbulloh» pozitsiyasiga hujum boshladi. Bu haqda SAXAL Bosh shtabi boshlig‘i general-leytenant Gersi Xalevi ma’lum qildi.

Uning ta’kidlashicha, operatsiyaning asosiy maqsadi «Hizbulloh» so‘nggi 20 yil davomida qurgan harbiy infratuzilmani yo‘q qilishdir.

«Biz obyektlarga zarba beryapmiz va operatsiyaning keyingi bosqichiga tayyorgarlik ko‘rmoqdamiz, uning tafsilotlarini keyinroq aytib beraman. Bizning vazifamiz Isroilning shimoliy hududlari aholisining o‘z uylariga xavfsiz qaytishi uchun sharoit yaratishdir» – deya qo‘shimcha qildi Xalevi.

Isroil bosh vaziri Binyamin Netanyaxu avvalroq «Hizbulloh» nazorati ostidagi hududlarda yashovchi livanliklarni jangovar harakatlar hududini tark etishga chaqirgan edi.

Uning ta’kidlashicha, «Hizbulloh» uzoq vaqt davomida Isroil shaharlariga qarshi qaratilgan turar-joy binolari va yerto‘lalarga...

Oʻzbekistonda qurilish obyektlari uchun QR kodli pasportlar joriy etiladi. Bu haqda prezident matbuot xizmati ma’lum qildi.

Unga ko‘ra, ushbu hujjat har qanday shaxsga qurilish haqida ma’lumot olish imkonini beradi. Agar u bo‘lmasa, qurilish noqonuniy hisoblanadi.

O‘tgan yili 1,6 mingta obyekt ro‘yxatdan o‘tmasdan qurilishni boshlagan bo‘lsa, joriy yil boshidan buyon ularning soni 2,2 mingtaga yetdi.

Endilikda Qurilish nazorati inspeksiyasi tuman bo‘limlarida binolar qurilishini nazorat qiluvchi operatorlar shtablari tashkil etiladi. Qurilayotgan har bir obyektga kamida ikkitadan videokameralar o‘rnatiladi, ulardagi ma’lumotlar onlayn rejimda shtab-kvartiraga yuboriladi.

Qurilish vazirligi, Qurilish nazorati inspeksiyasi va Bosh prokuraturaga qurilish sohasida byurokratiya va korrupsiyaga qarshi kurashni kuchaytirish majburiyati...

Telegram messenjeri asoschisi Pavel Durov ilovadagi qidiruv xavfsizligini kuchaytirilishi va maxfiylik siyosatining yangilanishini aytdi. Bu haqda Durov o‘zining Telegram kanalida post joyladi.

«Telegramda qidiruv boshqa xabar almashish ilovalariga qaraganda kuchliroq, chunki u foydalanuvchilarga umumiy kanallar va botlarni topish imkonini beradi. Afsuski, bu xususiyatdan noqonuniy tovarlarni sotish uchun xizmat ko‘rsatish shartlarini buzgan odamlar suiiste’mol qilishdi».

So‘nggi bir necha hafta ichida sun’iy intellektdan foydalangan holda maxsus moderatorlar jamoasi Telegram qidiruvini ancha xavfsizroq qildi. Qidiruvda biz aniqlagan barcha muammoli kontentga kirish imkoni yo‘q. Agar siz hali ham Telegram qidiruvida xavfli yoki noqonuniy biror narsani topsangiz, bu haqda @SearchReport orqali...

Afgʻonistonning Oʻzbekistondagi yangi elchisi Abdul Gʻofar Bahr Toshkentga keldi. Bu haqda Afgʻoniston Tashqi ishlar vazirligiga tayanib TOLOnews xabar berdi.

Unga ko‘ra, uni Muvaqqat ishlar vakili Mag‘furrula Shahab va O‘zbekistonning Afg‘onistondagi sobiq elchisi Yodgorxo‘ja Shadmanov kutib oldi.

Afg‘oniston diplomati sifatida ishlashni boshlash haqidagi qarorni Toshkent 2024-yil avgust oyi o‘rtalarida qabul qilgan. Keyin O‘zbekiston Respublikasi bosh vaziri Abdulla Aripov «Tolibon» hukumati vakillari bilan uchrashuvda Islom Amirligi elchisini qabul qilishga tayyorligini ma’lum qildi.

Xitoy va Birlashgan Arab Amirliklari ham Afg‘oniston Islom Amirligining elchilarini qabul qildi, biroq Afg‘oniston muvaqqat hukumatini rasman tan olish bo‘yicha hozircha chora ko‘rmadi.

Avvalroq «Kursiv Uzbekistan» Qirg‘iziston «Tolibon»ni...

Prezident topshirigʻiga asosan qurilish vaziri boshchiligidagi ishchi guruhi xorijiy tajribani oʻrgandi. Bu haqda prezident matbuot kotibi Sherzod Asadov ma’lum qildi.

Unga ko‘ra, developerlar oʻzlari qurayotgan uylar sotuvini tashkil qilish boʻyicha banklar bilan shartnoma tuzadi.

Bu uylarni olmoqchi boʻlgan odamlar pulini quruvchiga emas, toʻgʻridan-toʻgʻri bankka topshiradi.

Banklar yigʻilgan pulni quruvchiga resurs sifatida berib, quruvchi va xaridor oʻrtasida koʻprik boʻlib, uy-joyni oʻz vaqtida va sifatli topshirishga kafil boʻladi.

Mazkur tizim Samarqand shahri, Yangihayot va Sergeli tumanlarida bir yil davomida tajribadan oʻtkaziladi.

Eslatib o‘tamiz, avvalroq «Ipoteka bog‘lari» yaratilishi haqida yozgan edik.

Shavkat Mirziyoyev qurilish industriyasi va qurilish materiallari ishlab chiqarishni rivojlantirish masalalariga bagʻishlangan yigʻilishda yer ajratish chora-tadbirlari haqida so‘zladi. Bu haqda prezident matbuot kotibi Sherzod Asadov ma’lum qildi.

Unga ko‘ra, Qishloq xoʻjaligi vazirligi va hokimliklarga yana 50 ming gektar yer topish, ular negizida 200 ming oilani daromadli qilib, kambagʻallikdan chiqarish boʻyicha hisob-kitoblarni amalga oshirish topshirig‘i berildi.

Shuningdek, Soʻx, Baxmal, Pop, Ohangaron tumanlarida sanoatlashgan «in-vitro» tajribasidan foydalangan holda butun respublikada shunday bog‘lar yaratiladi.

Ta’kidlanishicha, «ipoteka bogʻlari» yaratiladi va hosilga kirganidan so‘ng aholiga 5-yil muddatda boʻlib toʻlash uchun beriladi.

Bog‘ yaratish istagida bo‘lgan tadbirkorga arzon kreditli va tayyor loyihali yer berish tizim...

Prezident boshchiligida o‘tkazilgan yig‘ilishda noruda konlardan noqonuniy hamda samarasiz foydalanish ko‘payib borayotgani ta’kidlandi. Bu haqda davlat rahbari matbuot kotibi Sherzod Asadov ma’lum qildi.

2023-yilda 6 mln kub metr noqonuniy qazilma aniqlangan hamda ushbu qazilmalardan 17 mlrd so‘m qo‘shimcha soliq undirilgan.

Bundan tashqari, marksheyder mutaxassislar yetarli bo‘lmagani sabab yer qa’ridan foydalanuvchilarning atigi 36 foizi monitoring qilinmoqda.

Ta’kidlanishicha, nazoratni kuchaytirish maqsadida noruda qazilmasidan tushumning 3 foizi Soliq qo‘mitasi jamg‘armasiga yo‘naltiriladi.

Buning evaziga qo‘mitaga har kuni 2 ta marksheyder jalb etish hamda videokuzatuv moslamalari o‘rnatish orqali nazoratni kuchaytirish topshirildi.

Avvalroq Kursiv Uzbekistan Navoiy kon-metallurgiya kombinati (NKMK) Muruntov oltin konini...

Subsidiya uchun arizalar davlat xizmatlari markazlariga borish yoki «my.gov.uz» portalida ariza qoldirish orqali topshiriladi. Bu haqda O‘zA ma’lum qildi.

Unga ko‘ra, subsidiya daromadi yuqori bo‘lmagan fuqarolar yoki oilalarga taqdim etiladi. Bunda ariza beruvchi yoki uning turmush o‘rtog‘ining o‘rtacha daromadi, Qoraqalpog‘iston Respublikasi va viloyatlarda 2 mln 835 ming so‘mdan 8 mln 400 ming so‘mgacha, Toshkent shahrida esa 2 mln 835 ming so‘mdan 9 mln 660 ming so‘mgacha bo‘lishi talab etiladi.

Agar ariza beruvchida yetarli daromad bo‘lmasa, yaqin qarindoshlarining ham daromadlarini kiritish mumkin.

Subsidiya ajratishda daromaddan tashqari uning amaldagi turar joyining maqomiga ham e’tibor beriladi

Shuningdek, ijtimoiy himoyaga muhtojligi, mehnat faoliyati...

Joriy yilning yanvar – sentabr oylarida elektron hisobvaraq-fakturalar (EHF) bo‘yicha tovar aylanmasi 1246,3 trln so‘mni tashkil etdi. Bu haqda Soliq qo‘mitasi matbuot xizmati xabar beradi.

Tovar aylanmasi 2023-yilga nisbatan 23 foizga oshdi.

Eng yuqori o‘sish (yil davomida 39 foizga) 14-sentabr holatiga yirik soliq to‘lovchilarda qayd etildi. U 682 trln so‘mga oshdi va EHF bo‘yicha umumiy tovar aylanmasining yarmidan ko‘pini tashkil etdi.

Hududlar kesimida elektron to‘lovlarning sezilarli o‘sishi Andijon va Toshkent viloyatlarida kuzatildi.

Avvalroq «Kursiv Uzbekistan» O‘zbekistonning tashqi savdo aylanmasi $42,7 milliardga yetgani haqida yozgan edi.

Buxoroda qora choy nomi ostida tamaki mahsulotlarining olib o‘tilishiga chek qo‘yildi. Bu haqda Bojxona qo‘mitasi axborot xizmati xabar berdi.

Ma’lum qilinishicha, tamakilar «Xo‘jadavlat» temir yo‘l chegara bojxona posti orqali kirib kelgan, shuningdek, mamlakatdan tranzit tarzida o‘tayotgan yuk poyezdi konteynerlaridan birida 16 tonnadan ziyod qora choy bo‘lishi kerak edi.

Bojxona tekshiruvi vaqtida aniqlanishicha, ushbu tovarlar choy emas ikki xildagi 705 mingdan ziyod «sigaret» mahsulotlari ekani aniqlangan.

Ushbu mahsulotlarning umumiy qiymati 17 mlrd so‘mni tashkil qilmoqda. Hozirgi vaqtda ushbu mahsulotlar vaqtincha saqlovga olingan.

Avvalroq Kursiv Uzbekistan Qirg‘iziston — O‘zbekiston chegarasidagi ikkita nazorat-o‘tkazish punkti kechayu kunduz ishlay boshlagani haqida xabar bergan

Tashqi mehnat migratsiyasi agentligi Hukumat bo‘ysunuviga o‘tkaziladi va Behzod Musayev unga rahbar etib tayinlandi. Bu haqda prezident matbuot kotibi Sherzod Asadov ma’lum qildi.

Davlat rahbari mamlakatimiz oldida tashqi mehnat migratsiyasi sohasida ochilayotgan ulkan imkoniyatlarni to‘liq ishga solish zarurligini ta’kidladi.

Agentlikka fuqarolarimizning xorijdagi yuqori daromadli mehnat bozorlariga kirishi bo‘yicha boshlangan ishlarni jadallashtirish topshirildi.

Bundan tashqari, hokimlar va xorijdagi diplomatik vakolatxonalar xorijda mehnat qilayotgan o‘zbekistonliklar taqdiri uchun agentlik bilan tengma-teng javobgar bo‘lishi belgilandi.

Avvalroq Kursiv Uzbekistan Botir Zohidov nomzodi Bandlik vaziri lavozimiga ma’qullangani haqida xabar bergan edi.  

Wildberries barcha hamkor buyurtma berish punktlari (BBP) uchun yagona tarmoq yaratilishini e’lon qildi. Tarmoq 35,5 mingdan ortiq bo‘ladi. BBP- bu hamkorlar va mijozlar bilan o‘zaro ta’sir darajasini oshirishi kerak.

Bundan oldin kompaniya WB Point va WB Franchise dasturlarini sinovdan o‘tkazdi, ular tarqatish punktlarini boshqarish uchun eng muvaffaqiyatli biznes modellarini aniqlashga yordam berdi.

Marketpleys menejerlar va hamkorlar uchun dasturiy ta’minotni, ilovalarni yangilashni, shuningdek, shaxsiy kabinetni takomillashtirishni rejalashtirmoqda. Qo‘llab-quvvatlash yaxshilanadi va mintaqaviy mutasaddilik tizimi joriy etiladi.

Avvalroq Kursiv Uzbekistan «Wildberries» O‘zbekistonda yangi buyurtma berish shoxobchalarini ochish uchun 28 mln so‘m miqdorida bir martalik subsidiyalar berishni boshlagani haqida yozgan edi.

Joriy yilning 23-sentabr kuni Oliy Majlis Qonunchilik palatasining navbatdagi majlisida deputatlar O‘zbekiston Respublikasi kambag‘allikni qisqartirish va bandlik vaziri lavozimiga Botir Zohidov nomzodini ko‘rib chiqdi. Bu haqda prezident matbuot xizmati ma’lum qildi.

Majlisda Botir Zohidov kambag‘allikni qisqartirish va bandlik  sohasidagi islohotlarning samaradorligini oshirish maqsadida kelgusida amalga oshiriladigan ishlari bo‘yicha o‘z harakatlar dasturi haqida axborot berdi.

Ma’lumot uchun, avval Botir Zohidov Shayxontohur tumani hokimi lavozimida faoliyat olib borgan. Bundan avval u Markaziy bank raisi o‘rinbosari lavozimida faoliyat yuritgan.

Avvalroq Kursiv Uzbekistan Ziyadulla Karimov Sirdaryo viloyatining Sardoba tumani hokimi etib tayinlangani haqida xabar bergan edi.

Joriy yilning 15-sentabridan 19-sentabr kuniga qadar Olmaliq shahridagi ixtisoslashgan maktabda 12 nafar o‘quvchi o‘tkir ichak kassaligi bilan jabrlangan. O‘zsuvta’minot matbuot xizmati rahbari Akbar Tohirov bolalar suvdan zaharlanmagan, deya bayonot berdi.

Bolalar ombudsmani vaziyatni o‘rganmoqda. Hozir maktab o‘quvchilarining ahvoli barqaror, yetti nafari uyda davolanmoqda.

Toshkent viloyati sanitariya-epidemiologik osoyishtalik va jamoat salomatligi xizmati tomonidan tahlil uchun suv va mahsulotlar namunalari olinib, tekshiruv o‘tkazildi. Shuningdek, holatni maktabgacha va maktab ta’limi boshqarmasining ishchi guruhi o‘rganmoqda. Olmaliq tumani prokuraturasi tomonidan tergovga qadar tekshiruv o‘tkazilmoqda.

Avvalroq Kursiv Uzbekistan «Muhteshem doner» kafesida 23 nafar shaxs ovqatdan zaharlangani haqida yozgan edi.

23-sentabr kuni O‘zbekiston Respublika valyuta birjasida dollarning rasmiy narxi 17,46 so‘mga ko‘tarildi va 12 747,29 so‘mni tashkil qildi.

Banklar AQSh valyutasini 12 670 – 12 700 so‘mdan xarid qilishmoqda va 12 740 – 12 810 so‘mdan sotishmoqda.

Eslatib o‘tamiz, 20-sentabr kuni dollarning rasmiy narxi deyarli 5 so‘mga ko‘tarilgan edi.

O‘zbekistonda 2024-yilning sakkiz oyida gaz qazib olish hajmi 29,9 mlrd kub metrni tashkil qildi. Bu o‘tgan yilning mos davriga nisbatdan 4,6 foizga kamdir. Bu haqda Statistika agentligi axborot xizmati ma’lum qildi.

Gaz ishlab chiqarish hajmi qisqarishi fonida mamlakatning import yoqilg‘i xarid qilishni ko‘paytirdi. 1-sentabr holatiga ko‘ra, yetkazib berish hajmi deyarli olti baravar oshib, $1,1 mlrdga yetdi.

O‘zbekiston Rossiya gazini xarid qilishni qariyb 4 baravarga oshirish niyatida. Yillik import hajmi 11,7 mlrd kub metrga baholandi. Bundan tashqari, mamlakatda neft qazib olish yil davomida 520,3 ming tonnadan 485,1 ming tonnaga qisqardi. Shuningdek, ko‘mir qazib olish 3,7 mln tonnadan oshdi.

Eslatib o‘tamiz...

«RSM Uzbekistan» kompaniyasi «Humson» sanatoriy-kurort majmuasining 100 foizlik ulushini xususiylashtirish bo‘yicha maslahatchi sifatida tanlandi. Bu haqda Davaktiv agentligi xabar berdi.

Unga ko‘ra, tashkil etilgan tanlovda beshta kompaniya ishtirok etdi, ulardan RSM eng yaxshi shartlarni taklif qildi.

Maslahatchilarni tanlashda tajriba, topshiriqlarni bajarish yondashuvlari va kompaniyalarning moliyaviy takliflari inobatga olindi.

Ta’kidlanganidek, RSM bilan birgalikda aktivning har tomonlama tahlili oʻtkaziladi va kompleksni ochiq va raqobatbardosh savdolar orqali sotish jarayoni tashkil qilinadi.

Avvalroq «Kursiv Uzbekistan» nashri «International» mehmonxonasini xususiylashtirish uchun ariza berish muddati uzaytirilgani haqida yozgan edi.

Oʻzbekistonda Yandex Cup xalqaro dasturlash chempionati boʻlib oʻtadi. Bu haqda kompaniya Kursuv Uzbekistan’ga maʼlum qildi.

Qayd etilishicha, bu yilgi musobaqada Yandex xodimlari ham ishtirok etib, kompaniya chempioni unvoni uchun alohida kurash olib boradi. Turnirning sovrin jamgʻarmasi esa 1,75 milliard soʻmni tashkil qiladi.

Yandex Cup 2024 qatnashchilariga olti yoʻnalish — Analitika, frontend va bekend dasturlash, mobil ishlab chiqish, mashinali oʻrganish va sport dasturlashga bagʻishlangan «Algoritm» boʻyicha kurash olib boradi. Qatnashchilar bir nechta yoʻnalishda oʻz kuchlarini sinab koʻrishlari va yarim finalga kelib, eng mos yoʻnalishni tanlashlari mumkin boʻladi.

Musobaqa uchta bosqichdan iborat boʻlib, 4–20-oktabr kunlari onlayn saralash oʻtkaziladi, 2-noyabrda esa onlayn yarim...

Joriy yilning 1-sentabr holatiga ko‘ra, O‘zbekistonda banklar faoliyatida sof daromadlar o‘tgan yilga nisbatan 9,2 foizga o‘sgan. Bu haqda Markaziy bank axborot xizmati xabar berdi.

Joriy 1-sentabr hisob-kitoblariga binoan, sof daromad 7,2 trln so‘mni tashkil qilgan. Ushbu ko‘rsatkich o‘tgan yilda 6,6 trln so‘mni tashkil etgan. Joriy yilda o‘tgan yilning mos davriga nisbatan sof daromad 605 mlrd so‘mga yoki salkam 9,2 foizga o‘sgan.

Eslatib oʻtamiz, Oʻzbekiston banklarining 2024-yilning yetti oyida umumiy foydasi oʻtgan yilning shu davriga nisbatan kam boʻlgan (-2,44%). 20204-yilning sakkiz oylik davrda uzoq davom etgan pasayishdan so‘ng banklarning umumiy sof foydasi o‘sishni boshladi. 

2024-yil 1-sentabr...

2024-yilning yanvar-avgust oylarida O‘zbekiston korxonalari qariyb 243 mingta yengil avtomobil ishlab chiqardi – bu o‘tgan yilning shu davriga nisbatan 4,1 foizga ko‘pdir. Bu haqda Statistika agentligi ma’lum qildi.

Eng ko‘p ishlab chiqarilgan mashina yana Cobalt bo‘ldi. Sakkiz oy ichida ushbu rusumdagi 102 mingta avtomobil konveyerdan chiqarildi. Uni ishlab chiqarish 2023-yilning shu davriga nisbatan bir yarim barobarga oshgan.

Ro‘yxatda ikkinchi o‘rinni qariyb 60 mingta avtomobil bilan Damas egalladi. Shu bilan birga, Gentra ishlab chiqarish to‘rt baravarga qisqardi – 53 mingdan 13 ming donagacha.

Bundan tashqari, 2024-yilning yanvar-avgust oylarida O‘zbekistonda 1,4 mingta Haval va oltita Lada avtomobili yig‘ilgan.

Maxsus avtomobillar ishlab...