Yangiliklar

Li Auto kompaniyasi tomonidan 6 o‘rindiqli Li i8 elektromobili 29-iyul kuni Xitoy bozorida namoyish etiladi. Bu haqda CarnewsChina xabar bermoqda.

Modelning narxi $48,4 mingdan boshlanadi. Li i8 o‘rta-yirik SUV toifasiga mansub. Uning o‘lchamlari: uzunligi – 5085 mm, kengligi – 1960 mm, balandligi – 1740 mm. G‘ildirak bazasi – 3050 mmni tashkil etadi.

Tashqi ko‘rinishi Li Mega modeliga o‘xshaydi. Tanasi qora oynalar, yashirin eshik tutkichlari va 20 yoki 21 dyuymli g‘ildiraklar bilan jihozlangan.

Li i8 ikki motorli to‘liq yuruvchi tizimga ega: old motor – 150 kVt (201 ot kuchi), orqa motor – 250 kVt (335 ot kuchi). Umumiy quvvat...

Ijtimoiy tarmoqlarda Shota Rustaveli ko‘chasi rekonstruksiyasiga $198 million dollar sarflanishi haqida xabarlar tarqaldi. Toshkent shahar hokimligi ushbu ma’lumotlar bo‘yicha munosabat bildirdi.

Unga ko‘ra, $198 million – bu faqat Shota Rustaveli ko‘chasi emas, balki poytaxtning 200 kilometrga yaqin yo‘l infratuzilmasini bosqichma-bosqich rekonstruksiya va modernizatsiya qilish uchun ajratilgan dastlabki umumiy hisob-kitob. Loyihaning yakuniy narxi bajarilgan real ishlar asosida shakllantiriladi.

Bu ko‘cha bilan bir qatorda, Amir Temur shohko‘chasi, Shahrisabz hamda Yangi Sergeli ko‘chasi va Olmazor tumanidagi yirik yo‘l obyektlarining rekonstruksiya ishlari ham birinchi bosqichga kiritilgan. Bu bosqichning umumiy qiymati $50 millionga baholangan.

Ushbu yirik infratuzilma loyihalari Xitoyning China State Construction Engineering Corporation...

Farg‘ona viloyatida 2,9 milliard so‘mlik gazdan noqonuniy foydalanish holati aniqlandi. Bu haqda «O‘zenergoinspeksiya» xabar berdi.

Ma’lum bo‘lishicha, Dang‘ara tumanida joylashgan xususiy korxonaga tegishli oshxona gaz tarmog‘idan hisoblagichsiz yashirin ravishda foydalanib kelgan.

Dastlabki hisob-kitoblarga ko‘ra, ushbu qoidabuzarlik tufayli gaz ta’minoti korxonasiga 2,9 mlrd so‘m zarar yetkazilgan.

Hozirda holat yuzasidan tergovga qadar tekshiruv ishlari olib borilmoqda.

Avvalroq Kursiv Uzbekistan Jizzaxda 1,5 mlrd so‘mlik tabiiy gaz o‘g‘irlangani haqida yozgandi.

Xabarga ko‘ra, viloyatning G‘allaorol tumanidagi Ftiziatriya dispanseri elektron gaz hisoblagichga tashqi ta’sir ko‘rsatib, tabiiy gazdan noqonuniy foydalanib kelgan. Oqibatda gaz ta’minoti korxonasiga 1 milliard 535 million so‘m zarar yetkazilgan.

FIFA erkaklar terma jamoalari reytingining navbatdagi yangilangan nashrida O‘zbekiston milliy jamoasi 2 pog‘onaga yuqorilab, 55-o‘ringa chiqdi. Bu natija FIFA Jahon chempionati – 2026 saralash bosqichida va o‘rtoqlik o‘yinlarida qayd etilgan natijalarning samarasidir.

So‘nggi oylar ichida milliy terma jamoalar tomonidan 200 dan ortiq xalqaro o‘yinlar o‘tkazilgan. Aynan shu natijalar asosida jahon reytingida ko‘plab o‘zgarishlar kuzatildi.

Kuchli o‘ntalikda Xorvatiya 1 pog‘ona ko‘tarilib, Italiya hisobiga Top – 10 ga qaytdi. Portugaliya va Niderlandiya o‘zaro o‘rin almashdi, Germaniya esa 1 pog‘ona yuqorilab, 9-o‘ringa chiqdi. Eng yuqori uchlik esa o‘zgarmadi: Argentina – 1-o‘rinda, Ispaniya – 2-o‘rinda, Fransiya – 3-o‘rinda. Angliya va Braziliya esa kuchli...

O‘zbekiston prezidenti Shavkat Mirziyoyev «Xalqaro uglerod birliklari bozorida ishtirok etish chora-tadbirlari to‘g‘risida»gi farmonni imzoladi. Hujjat Ma’lumotlar milliy bazasida e’lon qilingan.

Uglerod birligi (UB) issiqxona gazlari chiqindilarini hisoblash va qoplash uchun ishlatiladi. Asosan, bir UB bir tonna karbonat angidrid gazi chiqindisiga teng. Bundan tashqari, UB chiqindilarni kamaytirish samaradorligini baholashga yordam beradi.

Qabul qilingan qaror UB’ni qonuniylashtirish va ularni, jumladan, xalqaro bozorlar orqali savdo qilishni yo‘lga qo‘yishga qaratilgan. Rejaga ko‘ra, tegishli loyihalar orqali olingan uglerod birliklarining 80 foizi xorijiy maydonchalarda sotiladi, qolgan 20 foizi esa zaxirada saqlanadi.

Shuningdek, kelgusi yil boshidan respublikada Milliy uglerod birliklari reyestri joriy etiladi. Uni Iqtisodiyot...

10-iyul kuni Toshkent vaqti bilan soat 00:55 da bitkoin kursi birinchi marta $112 ming chegarasidan oshib, 22-mayda erishilgan avvalgi narx maksimalidan oshib ketdi.

Aprel boshida AQSh prezidenti Donald Trampning boj to‘lovlari haqidagi bayonotidan so‘ng fond bozori indeksi tushib ketdi va Bitcoin narxi $75 mingdan pastga tushdi. Bu 2025-yildagi eng past daraja bo‘lib qoldi.

Ammo aprel oyidagi qulashdan so‘ng Bitcoin tez tiklana boshladi va hozirgacha 46% dan ortiq o‘sishga erishdi.

Bitkoin kapitalizatsiyasi hozirda $2,17 trilliondan oshdi. Bu uni Alphabet (Google) aksiyalari bilan bir qatorda dunyodagi eng yirik beshta aktiv qatoriga kiritdi. Eng yirik to‘rt aktiv esa Apple, Microsoft, NVIDIA va...

O‘zbekistonda ishlab chiqarilganiga 40 – 50 yil bo‘lgan avtomobillarni bosqichma-bosqich foydalanishdan chiqarish taklif qilindi. Bu haqda «Milliy tiklanish» demokratik partiyasi fraksiyasi rahbari Alisher Qodirov ma’lum qildi.

Qodirovning ta’kidlashicha, Toshkent va Nukus shaharlari, shuningdek, viloyat markazlarida «Yevro – 5» va undan past ekologik standartga ega eski avtomobillarni bosqichma-bosqich cheklash rejalashtirilmoqda.

Uning aytishicha, prezident Shavkat Mirziyoyev raisligida o‘tgan yig‘ilishda bir qator muhim tavsiyalar va tashabbuslar muhokama qilingan.

Deputat 40 – 50 yillik avtomobillarni foydalanishdan chiqarishni to‘g‘ri qaror deb baholagan. Hatto, bunday cheklovlarni 25 – 30 yillik mashinalarga ham tatbiq etish mumkinligini ta’kidlagan. Biroq bunday holatda fuqarolar uchun avtomobilni yangilashga...

2026-yilgi Kia EV2 elektromobili ilk bor yo‘l sinovlarida ko‘rinish berdi. Bu haqda ITHome xabar bermoqda.

CarSpyMedia YouTube kanali uning Alp tog‘larida suratga olingan lavhalarini e’lon qildi. Avtomobil Kia’ning eng kichik va arzon elektromobili bo‘ladi. U shahar ichida foydalanish uchun mo‘ljallanib, ixcham, qulay va tejamkor transport vositasi sifatida ishlab chiqilgan.

Avvalroq 2025-yilgi EV Day tadbirida EV2 konsepti namoyish etilgandi. Sinovdagi prototip aynan shu dizaynga yaqin. Oldi qismini vertikal joylashgan faralar va yulduzsimon yoritish bezaydi. Uzunligi 4000 mm atrofida bo‘ladi. Bu EV3 modelidan kichikroq.

Ichki salon tafsilotlari hozircha ma’lum emas. Biroq kompaniya oldin aytganidek, EV2 minimalizm va ekologik yechimlarga asoslanadi. Salon...

Klublar o‘rtasidagi jahon chempionatining ikkinchi yarim finalida «PSJ» «Metlayf» stadionida «Real Madrid»ni 4:0 hisobida mag‘lub etdi.

Uchrashuvning birinchi bo‘limida parijliklar dastlabki daqiqalardanoq o‘yinni o‘z nazoratlariga oldi. O‘yinning yettinchi daqiqasidayoq hisob ochildi. Raul Asensio o‘z jarima maydoni yaqinida qo‘pol xatoga yo‘l qo‘yib, to‘pni Usman Dembelega «sovg‘a» qildi. Fransuz futbolchisi Kurtua bilan yakka-yakka chiqdi. Darvozabon uni yiqitganiga qaramay, to‘p yugurib kelgan Fabian Ruisga bordi va u bo‘sh darvozani ishg‘ol qildi – 1:0.

Ikki daqiqa o‘tar-o‘tmas «PSJ» ustunligini ikki baravar oshirdi. Bu safar Ryudiger xatoga yo‘l qo‘ydi. «Real» himoyachisi yana o‘sha Dembele bosimiga bardosh berolmay, to‘pni boy berdi. Fransuz futbolchisi tezligini...

Realme 15 va 15 Pro modellari 24-iyul kuni rasman taqdim etiladi. Kompaniya Realme 15 Pro modelida Snapdragon 7 Gen 4 protsessori bo‘lishini tasdiqladi. Bu haqda GSMArena xabar bermoqda.

Yangi smartfon AI Gaming Coach 2.0, AI Ultra Touch Control va Free Fire kabi o‘yinlarda 120FPS rejimini qo‘llab-quvvatlaydi.

Bundan avval ikkala modelda ham ovoz orqali surat tahrirlash imkonini beruvchi AI Edit Genie funksiyasi bo‘lishi ma’lum qilingandi. Realme 15 Pro uchta rangda chiqadi. Oddiy versiyada esa Silk Pink, Silver va Green ranglar bo‘ladi.

Eslatib o‘tamiz, Kursiv Uzbekistan Realme 15 Pro 5G taqdim etilishi kutilayotgani haqida yozgan edi.

Bugun, 10-iyul kuni ijtimoiy tarmoqlarda Toshkent shahrida yirik suv quvuri yorilgani haqida videolar tarqaldi. Bu bo‘yicha Favqulodda vaziyatlar vazirligi rasmiy munosabat bildirdi.

Unga ko‘ra, soat 11:00 atrofida poytaxtning Shayxontohur tumanida joylashgan Farobiy ko‘chasida diametri 800 millimetr bo‘lgan quvur portlagan. Hodisa natijasida ko‘chada kuchli suv oqimi yuzaga kelgan.

«Hodisa joyiga zudlik bilan yong‘in-qutqaruv ekipajlari yetib borib, vaziyat oqibatlari bartaraf etilmoqda. Tan jarohati olganlar to‘g‘risida hozircha ma’lumot kelib tushmadi», – deyiladi xabarda.

Vazirlik ma’lumotlariga ko‘ra, ushbu holat kommunal tarmoqdagi issiq suv tarmog‘ini bosim ostida tekshirish jarayonida yuzaga kelgan.

«Hodisa oqibatida...

Netflix Wednesday serialining ikkinchi mavsumi uchun rasmiy treylerini e’lon qildi.

Yangi treylerda bosh qahramon Addams yana «Nevermore» akademiyasiga qaytadi. Bu safar u yangi sirli voqealarga duch keladi, ya’ni sevgan insonining hayoti xavf ostida qoladi.

Bosh rol ijrochisi Jenna Ortega aytishicha, yangi mavsum slasher janridan ilhomlangan sahnalarni o‘z ichiga oladi.

Serialning yangi fasli Netflix platformasida yaqin kunlarda namoyish etilishi kutilmoqda.

Avvalroq Kursiv Uzbekistan 2025-yilda Gollivud kinoyulduzi Bred Pitt bosh rolni ijro etgan va taniqli rejissyor Jozef Kosinski tomonidan suratga olingan Formula 1 filmi nihoyat katta ekranlarga chiqqani haqida yozgandi.

Geely kompaniyasiga qarashli Zeekr brendi tomonidan taqdim etilgan Zeekr 9X avtomobili avgust oxirida Xitoyda savdoga chiqadi. Bu haqda CarNewsChina xabar bermoqda.

Mashina 1 381 ot kuchi, 3,1 soniyada 100 km/soat tezlikka chiqish va 1000 km dan ortiq yurish masofasi bilan ajralib turadi. Bu to‘liq o‘lchamdagi SUV bo‘lib, o‘lchamlari 5239×2029×1819 mmni tashkil etadi. U Zeekr brendining SEA-S platformasidagi birinchi modeli hisoblanadi.

9X’da 70 kVt⋅soat sig‘imli CATL batareyasi bor. Bu PHEV avtomobillari orasida eng yiriklaridan biri. To‘liq elektr yurish masofasi – 380 km. 900V tizimi bilan batareya 20 foizdan 80 foizgacha atigi 9 daqiqada zaryadlanadi.

Gibrid tizimda 2 litrli turbo...

Rossiyada 10-iyuldan boshlab migrantlar uchun imtihon talablari o‘zgardi. Bu haqda TASS nashri xabar berdi.

Ma’lum qilinishicha, endilikda Rossiyada ishlash yoki yashash uchun ruxsat olishni istaganlar rus tilini chet tili sifatida bilish, Rossiya tarixi va qonunchiligi asoslari bo‘yicha yangilangan tartibda imtihon topshiradi.

Tinglab tushunish bo‘yicha topshiriqlar soni ikki barobar oshiriladi – oldin ikkita bo‘lsa, endi to‘rtta bo‘ladi. Bundan tashqari, ushbu bo‘limni muvaffaqiyatli topshirish uchun majburiy minimal ball belgilandi.

Shuningdek, vaqtincha yashash yoki yashash guvohnomasini olish imtihonida ham tinglab tushunish va og‘zaki nutq bo‘limlari bo‘yicha minimal ballar belgilanadi.

Ta’lim va fanni nazorat qilish federal xizmati bu choralar imtihon natijalarining...

Grok sun’iy intellekt tizimiga Turkiyada rasman cheklov qo‘yildi. Bu haqda Cumhuriyet nashri xabar berdi.

X (sobiq Twitter) platformasiga tegishli bu tizim foydalanuvchilarga nisbatan haqoratli javoblar bergan. Shuningdek, prezident Rajab Toyyib Erdo‘g‘onni haqorat qilgani sababli tergovga tortildi.

Anqara Bosh prokuraturasi tizimga nisbatan rasmiy surishtiruv boshlaganini tasdiqladi. Tergovga sabab sifatida Grok’ning so‘nggi yangilanishlaridan keyin foydalanuvchilarga va uchinchi shaxslarga nisbatan haqoratli mazmundagi javoblar bergani ko‘rsatilmoqda.

Shu sababli Turkiya hududida ushbu sun’iy intellekt tizimiga kirish vaqtincha to‘xtatildi.

Grok’ning rasmiy X sahifasida holat yuzasidan bayonot e’lon qilindi. Unda «so‘nggi paytlarda yuzaga kelgan nomaqbul javoblar» e’tiborga olingan. Bu kontentni platformadan olib tashlash bo‘yicha ishlar...

AI+ nomli yangi hind kompaniyasi tomonidan 60 dollarlik smartfon taqdim etildi. Bu haqda Gizmochina xabar bermoqda.

Kompaniyani ilgari Realme’da ishlagan menejer boshqarmoqda. Brend birinchi bo‘lib ikkita modelni chiqardi: Nova 5G va Pulse. Nova 5G narxi – $96, Pulse esa atigi $60 turadi.

Narxi arzon bo‘lsa-da, texnik jihatlari yomon emas. Pulse modeli Unisoc T615 protsessorida ishlaydi. Unda 4/64 yoki 6/128 GB xotira bor. Nova 5G esa kuchliroq – yangi Unisoc T8200 protsessoriga ega. U AnTuTu testida 500 000 dan ortiq ball olgan. Uning xotirasi esa 6/64 yoki 8/128 GBni tashkil etadi.

Ikkala modelda ham 6,7 dyuymli HD+ ekran o‘rnatilgan. Pulse...

Poytaxtning Shota Rustaveli ko‘chasidagi konditsionerlar ko‘chirilishi bo‘yicha Toshkent shahar hokimligi rasmiy bayonot berdi.

Ma’lum qilinishicha, binolardagi konditsionerlarning tashqi bloklari yagona balandlik darajasiga ko‘chirilmoqda.

«Barcha ishlar texnik me’yorlarga qat’iy rioya qilingan holda, uskunalarni o‘rnatish majburiyati bilan va o‘rnatish paytida ularning profilaktikasi bilan amalga oshiriladi. Ishlarga tuman hokimligi tomonidan tanlangan pudratchi tashkilotlar jalb etilgan. Uskunalarni o‘rnatish, profilaktika qilish va o‘rnatish aholi tomonidan hech qanday xarajatlarsiz amalga oshiriladi», – deyiladi xabarda.

Yozgi jazirama tufayli (40 darajadan yuqori harorat) vaqtincha to‘xtatilgan ishlar hozirda harorat pasaygani sababli qayta tiklangan. Ayni paytda ishlar belgilangan jadval asosida davom ettirilmoqda.

Avvalroq...

Samsung Electronics New Yorkda yangi Galaxy Z Fold 7 va Galaxy Z Flip 7 smartfonlarini taqdim etdi. Bu haqda Reuters agentligi ma’lum qildi.

Ular oldingi modellariga qaraganda yupqaroq va yengilroq bo‘lib, sun’iy intellekt imkoniyatlari bilan boyitilgan. Galaxy Z Fold 7 narxi $1999, Flip 7 FE esa $899 etib belgilangan.

Kompaniya SIga ega smartfonlar bo‘yicha yetakchilikni qo‘lga kiritishni maqsad qilgan. Yangi telefonlar Google’ning Gemini ovozli yordamchisi bilan integratsiya qilingan ilk aqlli soatlar bilan birga taqdim etildi.

Samsung ayni paytda AQSh, Yevropa va Janubiy Koreya bozorlariga e’tibor qaratmoqda. Bukiluvchi telefonlar kompaniya savdosining 4 foizini, lekin $800 dan qimmat qurilmalarning 16 foizini...

Nvidia qisqa muddatda $4 trlnlik bozor qiymatiga erishgan dunyodagi birinchi kompaniya bo‘ldi. Bu haqda Reuters axborot agentligi ma’lum qildi.

Unga ko‘ra, kompaniyaning aksiyalari 2,8 foizga oshib, $164.42 ga yetdi. Yakunda bozor qiymati $3,97 trlnda qayd etildi.

Bu yuksalish sun’iy intellektga bo‘lgan talab ortayotgan bir paytda sodir bo‘ldi. Nvidia’ning SI chiplariga bo‘lgan talab kompaniyani Apple va Microsoft bilan bir qatorga qo‘ydi. Hozirda u AQShda eng qimmat kompaniya maqomiga ega.

Kompaniya 2024-yil 1-choragida $44,1 mlrd daromad ko‘rsatdi va 2-chorakda bu ko‘rsatkich $45 mlrd atrofida bo‘lishi kutilmoqda. Ayni vaqtda Nvidia S&P 500 indeksining 7,3 foizini egallab turibdi.

Eslatib o‘tamiz, avvalroq Hugging Face...

OpenAI kompaniyasi yaqin haftalarda sun’iy intellektga asoslangan yangi veb-brauzerini ishga tushirishni rejalashtirmoqda. Bu haqda Reuters axborot agentligi ma’lum qildi.

Unga ko‘ra, yangi brauzer Google Chrome’ga raqobatchi sifatida ko‘rilmoqda va internetdan foydalanish uslubini tubdan o‘zgartirishni maqsad qilgan.

Brauzer ChatGPT kabi chat-interfeysga ega bo‘lib, foydalanuvchilarning ko‘plab vazifalarini avtomatik bajaradi. Masalan, formalarni to‘ldirish yoki saytlarda harakat qilish. Bu orqali OpenAI foydalanuvchi ma’lumotlariga to‘g‘ridan to‘g‘ri ega bo‘lib, Google’ning reklama sohasidagi ustunligiga bosim o‘tkazishi mumkin.

Yangi brauzer Chromium asosida ishlab chiqilgan va OpenAI’ning SI-agentlarini to‘g‘ridan to‘g‘ri foydalanuvchi tajribasiga integratsiya qiladi. Kompaniya bu orqali shaxsiy va ish faoliyatini birlashtiruvchi sun’iy intellekt ekotizimini kengaytirmoqda.

Eslatib o‘tamiz...

Samsung 2025-yilda bir qator kuchli smartfonlarni taqdim etdi. Ulardan ayrimlari allaqachon bozorda eng xaridorgir modellarga aylandi. «Palach» nashri kompaniya tomonidan chiqarilgan uchta eng yaxshi Samsung smartfonlari haqida maqola e’lon qildi.

Samsung Galaxy A56

Galaxy A56 – Samsung’ning o‘rta narx toifasidagi eng muvaffaqiyatli smartfonlaridan biri. Uning 6.7 dyuymli Super AMOLED ekrani Full HD+ aniqlikda va 120 Hz yangilanish tezligida ishlaydi. Ekran HDR10+ va 1900 nit yorqinlikni qo‘llab-quvvatlaydi – quyosh ostida ham qulay ko‘rinadi.

Smartfon Exynos 1580 protsessorida ishlaydi. Bu chip Snapdragon 7 Gen 3’dan kuchliroq. U har qanday o‘yin va vazifani osongina bajara oladi. Operatsion tizim ham...

Yangilangan Chevrolet Tracker avtomobilining narxi e’lon qilindi. Bu haqda Kolesa texnologiyalar nashri xabar bermoqda.

Yangilanishdan so‘ng Tracker zamonaviy ikki qavatli faralar dizaynini oldi. Yuqorida – ingichka LED chiroqlar, pastda esa asosiy faralar joylashgan. Qimmat komplektatsiyalarda tuman chiroqlari ham bor. Shuningdek, old bamper va radiator panjarasi yangilangan. Orqa qismi deyarli o‘zgarmagan, biroq fonarlari qoramtir tusga ega bo‘ldi.

RS nomli sport ko‘rinishli versiya ham taklif etiladi. Unda qora emblema, yaltiroq panjara, qora oynalar va 17 dyuymli disklar mavjud.

Salon ichida 8 dyuymli raqamli panel va 11 dyuymli multimedia ekrani birlashtirilgan. Konditsioner paneli endi ikkita aylanuvchi tugma va kichik displey bilan...

BAAning Emirates aviakompaniyasi o‘z to‘lov tizimlariga Crypto.com Pay platformasini integratsiya qilish bo‘yicha kelishuvga erishdi. Ushbu tizim 2026-yildan boshlab joriy etilishi kutilmoqda.

Kelishuv memorandumi Emirates Group raisi Shayx Ahmad bin Said Al Maqtum, kompaniya bosh moliyaviy xodimi Maykl Dorsam, tijorat ishlari bo‘yicha vitse-prezident Adnan Kazim hamda Crypto.com BAA prezidenti Muhammad Al Hakim ishtirokida imzolandi.

«Emirates mijozlarimizning o‘zgaruvchan istaklarini inobatga olgan holda kriptovalyutalarni to‘lov tizimiga qo‘shishga intilmoqda. Bu nafaqat texnologiyani qadrlovchi yosh avlod uchun qulaylik, balki Dubayning moliyaviy innovatsiyalar markaziga aylanish maqsadiga ham xizmat qiladi», – dedi Adnan Kazim ushbu hamkorlik haqida.

Ushbu hamkorlik doirasida Emirates...

Andijon va Surxondaryoda soliq inspektorlari ustidan ish ochildi. Bu haqda Davlat xavfsizlik xizmati xabar berdi.

Ma’lum bo‘lishicha, Andijon viloyati Soliq boshqarmasi tadbirkorlikni qo‘llab-quvvatlash – xizmat ko‘rsatish bo‘limi bosh inspektori mansab mavqeyidan foydalangan. U Oltinko‘l tumanida radio va teleapparaturalar savdosi bilan shug‘ullanuvchi MChJga katta miqdorda soliq hisoblanishi va tekshiruv o‘tkazilishini aytgan. Shundan so‘ng, Soliq boshqarmasidagi hamkasblari orqali ushbu tekshiruvni o‘tkazmaslikni va’da qilib, evaziga $3 ming talab qilgan va dastlab uning $500 ni olgan. U qolgan $2,5 mingini olayotgan vaqtda ashyoviy dalillar bilan qo‘lga olingan.

Ikkinchi holatda Surxondaryo viloyati Soliq boshqarmasi Soliq organlari faoliyatini nazorat qilish bo‘limi bosh inspektori Jarqo‘rg‘on...