Yangiliklar

Amerikalik tyuning ustasi Hennessey Performance 1991-yilda tashkil etilganining nishonasi sifatida maxsus ishlab chiqilgan Super Venom Mustang modelini taqdim etdi. Ushbu superkar faqat 91 dona ishlab chiqariladi va o‘zining kuchli texnik ko‘rsatkichlari hamda eksklyuziv dizayni bilan ajralib turadi. Bu haqda 32cars.ru nashri ma’lum qildi.

Ford Mustang’ning odatiy versiyasidagi Coyote V-8 dvigateli zavoddan 500 ot kuchi ishlab chiqarsa, Hennessey uni qo‘shimcha 350 ot kuchiga kuchaytirib, umumiy quvvatni 850 ot kuchiga yetkazdi. Xaridorlar 10 pog‘onali avtomat yoki 6 pog‘onali mexanik uzatmalar qutisini tanlash imkoniyatiga ega bo‘ladi.

Super Venom Mustang tashqi ko‘rinish jihatidan ham ancha o‘ziga xos. Mashina 1991-yilda kompaniyaning asos solingan...

Xiaomi bosh direktori Ley Jun oʻzining X ijtimoiy tarmoqdagi sahifasida taqdimoti yaqinlashib kelayotgan Xiaomi 15 Ultra flagmanining suratga olish imkoniyatlarini namoyish qiluvchi suratlarni joylashtirdi.

Xiaomi bosh direktori murakkab vaziyatlarda ham Xiaomi 15 Ultra imkoniyatlari yetarlicha ekanini ta’kidlamoqda. U qurilmaning chaqmoq tezligida harakat qilayotgan narsani suratga olishini ma’lum qilgan.

Xiaomi 15 Ultra tasvir sifatini yaxshilash uchun moʻljallangan yangi Leica Ultra-Pure optik tizimiga ega boʻladi. Qurilmaning kod nomi Night God boʻlib, u kam yorugʻlikda suratga olishga e’tibor qaratishini ta’kidlaydi. Smartfon kuchli 200 megapikselli periskop moduli bilan birga yangi 1 dyuymli asosiy sensorga ega boʻladi.

Avvalroq Kursiv Uzbekistan Xiaomi bosh direktori Ley...

AQSh ikki haftadan soʻng yashash uchun «oltin» vizalarni $5 mlndan sotishni boshlaydi. Bu haqda mamlakat prezidenti Donald Tramp Oq uyda jurnalistlar bilan boʻlgan suhbatda ma’lum qildi.

Uning soʻzlariga koʻra, yashash uchun ruxsatnoma Amerika iqtisodiyotiga katta sarmoya kiritgan xorijliklarga beriladi.

«Biz «oltin karta»ni sotishni boshlaymiz. «Grin karta» mavjud edi, bu esa «oltin karta» boʻladi. Bu kartaning narxi taxminan $5 million etib belgilanadi», – dedi respublikachi.

Tramp «boylar» bunday kartani sotib olish orqali AQShga kirishiga ishonch bildirdi. Uning qoʻshimcha qilishicha, gap Amerika fuqaroligiga oʻtish yoʻli haqida ketmoqda.

Fevral oyining oʻrtalariga kelib, xorijiy investorlar uchun moʻljallangan «oltin viza» dasturi doirasida...

Kuvaytda qilichbozlik bo‘yicha o‘tkazilayotgan Osiyo chempionatida o‘zbekistonlik ishtirokchilar yoshlar o‘rtasidagi bahslarda oltin va bronza medallarni qo‘lga kiritishdi. Bu haqda Olimpiya qo‘mitasi xabar berdi.

Erkaklar terma jamoasi a’zosi Musa Aymuratov sablya bo‘yicha oltin medalga sazovor bo‘ldi. Islam Abdazov esa yarim finalda mag‘lubiyatga uchrab, bronza medaliga loyiq ko‘rildi.

Shuningdek, o‘smirlar o‘rtasidagi bahslarda terma jamoa a’zolari 2 ta kumush medalni ham qo‘lga kiritgan.

Avvalroq Kursiv Uzbekistan Usmonov FIE prezidenti lavozimidagi faoliyatini ixtiyoriy ravishda to‘xtatgani haqida yozgan edi.

O‘zbekiston 2025-yilning yanvar oyida xorijga qiymati $3,2 millionlik 9,4 ming tonna karam eksport qildi. Bu haqda Statistika agentligi xabar bermoqda.

Ma’lum qilinishicha, ushbu mahsulot eng ko‘p Rossiya (3,7 ming tonna), Qozog‘iston (4,4 ming tonna) va Qirg‘izistonga (1,1 ming tonna) eksport qilingan.

Ma’lumot uchun, karam eksporti oʻtgan yilning yanvar oyida $7 mln qiymatdagi 29,1 ming tonnani tashkil qilgan. Bu yilgi ko‘rsatkich oʻtgan yilning mos davriga nisbatan 67,8 foizga, pul qiymatida esa $3,8 millionga pastlaganini ko‘rish mumkin.

Eslatib oʻtamiz, «Kursiv» Oʻzbekiston qishloq xoʻjaligi mahsulotlari eksportini $81,7 millionga oshirgani haqida yozgan edi.

Great Wall Motor kompaniyasi 2025-yilgi Tank 300 modelining yangilangan versiyasini taqdim etdi. Yangi model dizayn, interyer va texnologiyalar bo‘yicha sezilarli o‘zgarishlarga ega bo‘lib, yangi rang sxemalari va modernizatsiya qilingan saloni bilan ajralib turadi. Bu haqda Weibo nashri ma’lum qildi.

Tashqi dizaynda eng katta yangiliklardan biri tananing cho‘l sariq rangi bo‘ldi. Ichki qism esa endi qizil va qora ranglarning kontrastli uyg‘unligida ishlangan. Salonda asosiy yangiliklardan biri 14,6 dyuymli markaziy sensorli boshqaruv ekranining qo‘shilganidir. Bundan tashqari, model yangi elektron vites selektori, smartfonlar uchun simsiz zaryadlash paneli va qayta ishlangan ventilyatsiya tizimi bilan jihozlandi.

Tank 300 2025 uch xil dvigatel varianti bilan...

Soliq organlarida 358 mingdan ortiq ijara shartnomalari imzolangan boʻlib, ushbu shartnomalar boʻyicha qariyb 53 milliard soʻm soliqlar hisoblangan. Bu haqda Soliq qoʻmitasi xabar berdi.

Oʻtgan bir yilda 264,9 mingta jismoniy shaxslar oʻrtasida ijara shartnomasi asosida 33,2 mlrd soʻm daromad soligʻi hisoblandi. 2024-yilning mos davriga nisbatan ijara shartnomalari soni 12,9 foiz va daromad soligʻi summasi 21,2 foizga oshgan.

Yuridik shaxslar oʻrtasida tuzilgan 93,4 mingta ijara shartnomasi asosida 19,7 mlrd soʻmlik soliq hisoblanib, oʻtgan yilga nisbatan shartnomalar soni 36,3 foiz va hisoblangan soliq miqdori 25,5 foizga oshgan.

Talabalar bilan 56,3 mingta ijara shartnomasi tuzilgan boʻlib, ijarada turuvchi talabalar soni 86407 nafarni tashkil...

O‘zbekiston elchixonasida Buyuk Britaniyaning «Harrow, Richmond and Uxbridge College» (HRUC) vakillari bilan mehnat bozori masalalari muhokama qilindi. Bu haqda «Dunyo» AA ma’lum qildi.

Unga ko‘ra, muzokaralar davomida o‘zbek mutaxassislarini Buyuk Britaniyada talab yuqori bo‘lgan sohalar bo‘yicha tayyorlash va ularga amaliy ko‘nikmalar berish masalalari muhokama qilindi.

Tomonlar Buyuk Britaniya mehnat bozori ehtiyojlariga mos keladigan kasbiy ta’lim modellarini ishlab chiqish, modulli ta’lim tizimini joriy etish hamda malaka oshirish dasturlarini amalga oshirish bo‘yicha fikr almashdilar.

Shuningdek, Britaniya ish beruvchilari bilan hamkorlikni rivojlantirish, migrantlarni ish bilan ta’minlash va davlat-xususiy sheriklik asosida qo‘shma ta’lim dasturlarini tashkil etish imkoniyatlari ko‘rib chiqildi.

Eslatib o‘tamiz, avvalroq o‘zbekistonliklar...

Audi kompaniyasi o‘zining yangilangan A5 Sportback modelini taqdim etib, uning boshlang‘ich narxini $47,7 ming etib belgiladi. Bu avvalgi A4 Premium narxidan $3,6 mingga qimmat bo‘lsa-da, 2025-yilgi A5 Sportback Premiumdan ancha arzon. Bu haqda 32cars.ru nashri ma’lum qildi.

Yangi model avvalgi A4 va A5 Sportback’ning o‘rnini egallaydi, biroq kompaniya 2025-yilgacha eski modellarni ham sotishda davom ettiradi.

Yangilangan A5 2,0 litrli turbo dvigatel bilan jihozlangan bo‘lib, u oldingi versiyaga qaraganda kuchliroq – 268 ot kuchi ishlab chiqaradi. Yetti pog‘onali qo‘sh muftali uzatmalar qutisi va to‘liq g‘ildirakli haydovchi tizimi bilan kombinatsiyalangan ushbu model yengil gibrid tizimga ham ega bo‘lib, bu yoqilg‘i tejamkorligini...

2025-yil 25-fevral kuni Oliy Majlis Qonunchilik palatasida homiylik faoliyatini tartibga solishga oid qonun loyihasi muhokama qilindi. Bu haqda palata matbuot xizmati ma’lum qildi.

Unga ko‘ra, ushbu hujjat homiylik xayriyalarini yig‘ish tartibini aniqlashtirish, shaffoflikni ta’minlash va noqonuniy yig‘imlarning oldini olishga qaratilgan.

Loyihaga ko‘ra, naqd pul xayriyalari faqat xayriya qutilari yoki bank hisobvaraqlari orqali amalga oshirilishi belgilandi. Mol-mulk shaklida yig‘ilgan xayriyalar ro‘yxatga olinib, dalolatnoma asosida rasmiylashtiriladi.

Shuningdek, homiylik xayriyalarini yig‘ish jarayoni ommaviy axborot vositalari va soliq hisobotlarida aks ettirilishi shart qilib qo‘yilmoqda. Jismoniy shaxslar faqat o‘zlari yoki yaqin qarindoshlari uchun xayriya to‘plashlari mumkin bo‘ladi.

Qonun loyihasi homiylik faoliyatini yanada tartibga solish...

AQShdan Kosta-Rikaga deportatsiya qilinish xavfi ostida bo‘lgan yetti nafar fuqarolarimiz vatanga qaytdi. Bu haqda Tashqi ishlar vazirligi matbuot kotibi xabar berdi.

Unga ko‘ra, Qo‘shma Shtatlar rasmiylari bilan olib borilgan muzokaralar natijasida fuqarolarni Nyu-Yorkdan to‘g‘ridan to‘g‘ri O‘zbekistonga yetkazish yo‘lga qo‘yildi.

TIVning ma’lum qilishicha, AQSh idoralari bundan buyon O‘zbekiston fuqarolarining deportatsiya qilinishi haqida tezkor ravishda xabar berib boradi. Bu esa vatandoshlarning uzoq vaqt vaqtinchalik saqlash markazlarida qolib ketmasdan, tezroq uyga qaytishiga yordam beradi.

O‘tgan hafta AQShdan Kosta-Rikaga 200 ga yaqin noqonuniy muhojir yuborilishi e’lon qilindi. Rasmiylarning aytishicha, ular orasida O‘zbekiston va Qozog‘iston fuqarolari ham bor.

Eslatib o‘tamiz, avvalroq ham...

Respublika bo‘ylab havo biroz bulutli bo‘lib, ayrim hududlarda qor yog‘ishi mumkin. Kechasi va ertalab tuman tushishi mumkin, deya xabar bermoqda «O‘zgidromet».

Shamol g‘arbiy yo‘nalishda esib, ba’zi joylarda tezligi 15-25 m/s gacha kuchayishi ehtimoli bor.

Toshkent shahrida vaqti-vaqti bilan qor yog‘ib, harorat kechasi 1° sovuq-1° iliq, kunduzi esa 1-3° iliq bo‘ladi.

Qoraqalpog‘iston va Xorazmda havo biroz bulutli bo‘lib, ba’zi joylarda qor yog‘ishi mumkin. Harorat kechasi 5-10° sovuq, kunduzi 0-5° iliq atrofida bo‘ladi.

Buxoro va Navoiy viloyatlarida qor yog‘ishi ehtimoli bor, kechasi 2-7° sovuq, kunduzi esa 0-5° iliq bo‘lishi kutilmoqda.

Toshkent, Sirdaryo, Samarqand va Jizzax viloyatlarida ham qor yog‘ib...

«Milliy tiklanish» DP partiyasi raisi Alisher Qodirov ota-onalar farzandlarini rus maktablariga yuborish orqali bolalar huquqlarini buzayotganini ta’kidladi. Shu munosabat bilan u bolalar ombudsmaniga murojaat qilib, bu masalani ko‘rib chiqishni so‘radi.

«Xalqimiz bolani yaxshi ko‘radi, farzandi uchun hamma narsaga tayyor, lekin eng ko‘p bola huquqlari poymol bo‘lmoqda. Bola huquqlariga rioya qilishning mamlakat kelajagi uchun hayotiy ahamiyatini juda sekin anglab yetyapmiz. Masalan, bolani bog‘cha va maktabning ilk davrida tarbiya va ta’limni begona tilda boshlashi ota-ona tanlovi va kelajakda bola uchun bir qator muammolar yaratmoqda. Bu bola huquqini buzilishimi yo‘qmi?» – dedi Qodirov.

Eslatib o‘tamiz, avvalroq Alisher...

Prezident farmoniga binoan, 9-may – Xotira va qadrlash kuni munosabati bilan «Ikkinchi jahon urushidagi g‘alabaning 80 yilligi» esdalik yubiley medali ta’sis etildi. Bu haqda davlat rahbari matbuot xizmati ma’lum qildi.

Unga ko‘ra, ushbu medal Ikkinchi jahon urushida jang qilgan va front ortida fidokorona mehnat qilgan yurtdoshlarimizga beriladi.

Mudofaa vazirligi va boshqa tegishli tashkilotlar ikki hafta ichida mukofotlanishga loyiq fuqarolar ro‘yxatini tuzib, Vazirlar Mahkamasiga taqdim etadi. Medal va guvohnomalar Vazirlar Mahkamasining zaxira jamg‘armasi mablag‘lari hisobidan tayyorlanadi va 2025-yil 9-maygacha topshiriladi.

Eslatib o‘tamiz, avvalroq ushbu yilda Ikkinchi jahon urushi qatnashchilariga qancha miqdordagi mukofot puli berilishi haqida yozgan edik.

Migratsiya agentligi va Latviyaning «Sia Kreiss» kompaniyasi yuk avtomobili haydovchilari uchun 40 ta bo‘sh ish o‘rni taklif qilmoqda. Bu haqda Migratsiya agentligi ma’lum qildi.

Oylik maosh 1,6 – 2 ming yevro atrofida. Nomzodlar 18 – 55 yosh oralig‘ida bo‘lishi, rus tilini muloqot darajasida bilishi, kamida bir yillik ish tajribasiga ega bo‘lishi va sudlanmagan bo‘lishi talab etiladi. Shuningdek, O‘zbekistondan chiqishga taqiqi bo‘lmasligi lozim.

Ishga qabul qilingan shaxslar viza xarajatlari, aviachipta, agentlik to‘lovi (10 BHM) va ovqatlanish xarajatlarini mustaqil qoplaydi.

Ro‘yxatdan o‘tish va anketa to‘ldirish uchun: xorijdaish.uz
Murojaat uchun tel: 71-202-33-55 (ichki raqam 87).

Din ishlari bo‘yicha qo‘mita tomonidan Samarqand viloyati, Urgut tumanida joylashgan “System air-train-tour» MChJning Samarqand filialiga nisbatan chora ko‘rildi. Bu haqda qo‘mita matbuot xizmati ma’lum qildi.

Unga ko‘ra, MChJ ruxsatsiz ravishda Umra safarlarini tashkil etgani aniqlanib, tegishli tartibda jarimaga tortildi.

Amaldagi qonunchilikka ko‘ra, Umra tadbirlarini litsenziyasiz tashkil etish huquqbuzarlik hisoblanib, bunday holatlar uchun yuridik shaxslarga BHMning 200 baravari (75 million so‘m) miqdorida jarima belgilangan.

Eslatib o‘tamiz, avvalroq ham Umra ziyoratini litsenziyasiz reklama qilgan uchta turistik kompaniya jarimaga tortilgan edi.

Apple Indoneziya hukumati bilan iPhone 16 sotuviga qoʻyilgan taqiqni bekor qilish boʻyicha kelishuvga erishdi. Ushbu taqiq oʻtgan yilning oktabr oyidan beri amalda edi. Bu haqda Bloomberg nashri xabar berdi.

Ma’lum qilinishicha, yaqin kunlarda kompaniya va Indoneziya Sanoat vazirligi oʻzaro anglashuv memorandumini imzolashi kutilmoqda. Bitim doirasida Apple mamlakat iqtisodiyotiga $1 milliard sarmoya kiritish va mahalliy mutaxassislarni raqobatbardosh dasturiy va apparat ta’minotini ishlab chiqish uchun oʻqitishga koʻmaklashishni zimmasiga oladi.

Mutaxassislarning fikriga koʻra, Indoneziya bozori Apple uchun hamon muhim ahamiyatga ega. Bu mamlakat 278 million aholiga ega boʻlib, ularning yarmidan koʻpi 44 yoshdan kichik va texnologik yangiliklarga qiziquvchan. Shu bois mamlakat mintaqada...

Prezident Shavkat Mirziyoyev 25-fevral kuni Sirdaryo viloyatini iqtisodiy rivojlantirish, investitsiyalarni ko‘paytirish va yangi ish o‘rinlari yaratish bo‘yicha 2025-yilgi rejalarni muhokama qildi. Yangi rejaga ko‘ra, Sirdaryoda 900 gektar yer maydonida sanoat zonalari tashkil qilinib, $5 mlrd investitsiya jalb etilishi va 20 mingdan ortiq ish o‘rinlari yaratilishi ko‘zda tutilgan.

Keyingi yillarda viloyatda energetika, qurilish va tadbirkorlik rivojlantirilgan bo‘lsa-da, sanoat va xizmat ko‘rsatish sohalari orqada qolmoqda. Xizmat ko‘rsatish sektori bo‘yicha Sirdaryo respublikada eng past ko‘rsatkichga ega bo‘lib, viloyatda 22 ming fuqaro ishsiz, kambag‘allik darajasi esa 11 foizdan yuqori.

Ushbu loyihalar Sirdaryo, Shirin, Boyovut, Xovos, Mirzaobod, Guliston, Oqoltin va Sardoba tumanlarida amalga oshiriladi...

Turkmanistonda Xalqaro xotin-qizlar kuni munosabati bilan ayollarga davlat rahbari nomidan pul sovg‘alari topshiriladi. Bu haqda Turkmenistan today nashri ma’lum qildi.

Turkmaniston prezidenti farmoyishiga ko‘ra, 2025-yil 1-martdan 6-martgacha bo‘lgan davrda mamlakatning turli korxona, muassasa va tashkilotlarida ishlovchi ayollar, davlat nafaqasida bo‘lganlar, oliy ta’lim muassasalari talabalari va maktabgacha ta’lim muassasalari tarbiyalanuvchilariga 60 manat (220 ming so‘m) miqdorida pul mukofotlari topshiriladi.

Avvalroq Kursiv Uzbekistan Turkmenistan Airlines aviakompaniyasi dekabrda Moskvaga reyslarini bir oyga toʻxtatgani haqida xabar bergan edi.

Hukumat qarori bilan «Davlat xaridlarini korporativ bank kartalari orqali amalga oshirish tartibi toʻgʻrisida»gi nizom tasdiqlandi. Bu haqda Adliya vazirligi xabar berdi.

Nizomga koʻra, davlat buyurtmachilari milliy valyutada naqd pulsiz shaklda xaridlarni korporativ bank kartalari orqali amalga oshiradi. Xarid kartasini ochish uchun belgilangan tartibda emitent bankka murojaat qilinadi va har bir shaxsiy gʻazna hisobvaragʻi uchun alohida tranzit hisob ochiladi.

Karta orqali ish haqi, pensiya, nafaqa, stipendiya yoki dividend toʻlash, naqd pul olish va xorijiy valyuta sotib olish taqiqlanadi. Shuningdek, boshlangʻich narxni tushirish uchun oʻtkaziladigan auksionlarda xarid kartasidan foydalanish mumkin emas.

Xarid kartasi bilan ishlash vakolatiga ega xodimlar roʻyxati davlat buyurtmachisi...

Migratsiya agentligi Germaniyaning PersonaFAIRmittlung tashkiloti bilan hamkorlikda avtobus haydovchilari uchun ish oʻrinlarini taklif qiladi. Bu haqda agentlik axborot xizmati xabar berdi.

Taklif etiladigan oylik soliqlar oldidan 3000 yevroni tashkil etadi. Mavjud ish oʻrinlari 300 ta.

Nomzodlar 23 – 43 yosh chegarasida, «B» va «C» haydovchilik guvohnomasiga va nemis tilidan «A2» yoki «B1» daraja xalqaro til sertifikatiga ega boʻlishi talab etiladi. Shuningdek, sudlanmagan va jismonan sogʻlom boʻlishi kerak.

Tanlab olingan nomzodlarga vizani rasmiylashtirish, aviachipta va aeroportdan ish joyigacha transfer imtiyozi beriladi.

Germaniyaga joʻnab ketadiganlar uchun SBH West tashkiloti koʻmagida «Vatanparvar» markazida kasbiy nemis tili oʻqitiladi va qayta tayyorlov kurslari...

Yanvar oyida O‘zbekistonda 99 ming tonna avtomobil benzini ishlab chiqarilgan. Bu haqda Statistika agentligi ma’lum qildi. Avtomobil benzinining oʻtgan yil yanvar oyidagi koʻrsatkichi bilan taqqoslaydigan boʻlsak salkam 26 ming tonnaga yoki 20,5 foizga kamaygan.

Bundan tashqari, 2025-yilning yanvar oyida 409 (14,3 foizga ko‘p) ming tonna koʻmir, 101 (9,57 foizga kam) ming tonna gaz kondensati ishlab chiqarilgan. Ko‘mir va gaz kondensatining ishlab chiqarilish hajmi o‘tgan yil shu vaqtda 357,8 ming tonna ko‘mir va 111,7 ming tonna gaz kondensatini tashkil etgan.

Eslatib oʻtamiz, Kursiv Uzbekistan Andijon viloyatida 18 ta AYOQSh sifatsiz mahsulot sotgani aniqlangani haqida yozgan edi.

«Ekologik ekspertiza, atrof-muhitga ta’sirni baholash va strategik ekologik baholash to‘g‘risida»gi qonun qabul qilindi. Bu haqda Adliya vazirligi ma’lum qildi.

Yangi qonunga ko‘ra, majburiy ekspertizadan o‘tishi kerak bo‘lgan obyektlarga qurilish uchun ajratilgan yerlar, loyihaviy hujjatlar, chiqindilarni qayta ishlash texnologiyalari va atrof-muhitga salbiy ta’sir ko‘rsatishi mumkin bo‘lgan ishlab chiqarish obyektlari kiradi.

Ekologik ekspertiza bo‘yicha asosiy vakolatli organ – Ekologiya, atrof-muhitni muhofaza qilish va iqlim o‘zgarishi vazirligi hisoblanadi.

Davlat ekologik ekspertizasi xulosasi atrof-muhitga ta’sirni baholash bo‘yicha 3 yil, ekologik normalar loyihasi bo‘yicha esa 5 yil davomida yuridik kuchga ega bo‘ladi.

Eslatib o‘tamiz, avvalroq O‘zbekistonda «Yashil belgi» ekologik markirovkalash tizimi joriy qilinishi haqida...

Yevropa Ittifoqi Kengashi Bashar Asad rejimi qulaganidan soʻng Suriyada inklyuziv siyosiy oʻtishni qoʻllab-quvvatlash va iqtisodiy tiklanishni tezlashtirish maqsadida sanksiyalarni yumshatishga qaror qildi.

Yumshatilgan sanksiyalar energetika va transport sohalaridagi moliyaviy operatsiyalar hamda gumanitar va qayta qurish faoliyatiga ta’sir qiladi. Toʻrtta bank va Syrian Airlines aviakompaniyasi sanksiyalar roʻyxatidan chiqarildi, shuningdek, tovarlar eksporti boʻyicha ayrim cheklovlar bekor qilindi.

YI Suriya vaziyatini kuzatishda davom etishini va sanksiyalarni toʻliq bekor qilish imkoniyatlarini baholashini ma’lum qildi.

Suriya Tashqi ishlar vazirligi bu qarorni ijobiy qarshi oldi. Shu bilan birga, YI tashqi siyosat vakili Kaya Kallas agar Damashqdagi yangi hokimiyat notoʻgʻri qadamlar qoʻysa, sanksiyalar qayta tiklanishini bildirdi...