Yangiliklar

«Tolibon»ning Oʻzbekistondagi elchisi 28-sentabr kuni Toshkentga keladi, deb xabar berdi Afgʻoniston Tashqi ishlar vazirligi rahbari Amir Xon Muttaqiy.

«Bir qancha boshqa davlatlar ham bizning elchilarimizni qabul qilishga tayyorligini ko‘rsatdi. Biz bu yil davomida davlatlarga yanada ko‘proq diplomatik vakillarni jo‘natishni umid qilamiz», dedi Muttaqiy.

O‘zbekistonga elchi tayinlangani shu yilning avgust oyi oxirida ma’lum bo‘lgan edi. Ushbu lavozimni Abdul Gafar Tiraviy egallagan.

Bundan avval O‘zbekiston bosh vaziri Abdulla Aripov «Tolibon» hukumati vakillari bilan uchrashuvda O‘zbekiston Afg‘onistondan diplomatik missiya faoliyatini boshlash bo‘yicha ijobiy qaror qabul qilganini ma’lum qilgan edi.

Avvalroq...

Senatda o‘tkazilgan yalpi majlisda individual harakatlanish vositalari (skuter, samakat, elektrovelosipedlar va h.k) yordamida yo‘l harakatida huquqbuzarlik sodir etganlik uchun javobgarlikka oid qonun loyihasi ma’qullandi, deb xabar beradi Kursiv Uzbekistan muxbiri.

Mazkur qonun loyihasida Ma’muriy javobgarlik to‘g‘risidagi kodeksning 171-moddasi oltinchi qism bilan to‘ldiriladi.

Bunda foto va video qayd etish texnika vositalari orqali aniqlangan huquqbuzarliklar haqida o‘z vaqtida fuqaroni xabardor etish va chora ko‘rish bilan bog‘liq yangi norma kiritilmoqda.

Shuningdek, yo‘l harakati qoidalari buzilishiga oid ma’lumotlar 48 soat ichida Yo‘l harakati xavfsizligi xizmatiga yuborilishi, aks holda haydovchi ma’muriy javobgarlikka tortilmasligi belgilanmoqda.

Tez-tibbiy yordam hamda yong‘in-qutqaruv bo‘linmalariga yo‘l berishi natijasida MJtK...

Senatning 57-yalpi majlisida hokim va mahalliy Kengash raisi lavozimlari bir-biridan ajratilishiga oid qonun loyihasi ma’qullandi, deb xabar berdi Kursiv Uzbekistan muxbiri. 

Qonun loyihasida xalq deputatlari Kengashlariga deputatlar orasidan saylanadigan rais boshchilik qilishi, u o‘z faoliyatini jamoatchilik asosida amalga oshirishi belgilangan.

Bundan tashqari, qonun loyihasida hokim o‘z nomzodini ko‘rib chiqishda mahalliy Kengashga hududni rivojlantirish dasturini taqdim etishi belgilandi.

Loyihada mahalliy kengash raisi vakolatlari ham kengaytirilib, «Kengash so‘rovi» va «Kengash tekshiruvi» institutlari joriy etilishi nazarda tutilgan.

 «Qonun mahalliy Kengashlarning davlat hokimiyati vakillik organi sifatidagi rolini kuchaytirish, hokimlar va mahalliy ijro etuvchi hokimiyat organlarining xalq oldidagi mas’uliyatini oshirish...

Senatning ellik yettinchi yalpi majlisida «Yer qa’ri to‘g‘risida»gi qonun loyihasi ma’qullandi, deb xabar berdi Kursiv Uzbekistan muxbiri.

Mazkur qonun orqali yer osti boyliklariga egalik qilish va ularni tasarruf etish hamda yer qa’ridan foydalanish hamda uni muhofaza qilish chog‘ida yuzaga keladigan munosabatlar tartibga solinadi.

Loyihada ta’kidlanishicha, yer qa’ridan foydalanish uchun ruxsatnoma olish, hisobotlarni taqdim etish bilan bog‘liq harakatlarda «yagona darcha» tizimi takomillashtirilmoqda.

«Qonunda sohaning investitsiyalar jalb etuvchanligini keskin oshirish maqsadida davlat organi nazorati ostida yer qa’ridan foydalanish ruxsatnomasini litsenziat tomonidan tasarruf etish (sotish, garovga qo‘yish yoki boshqa shaxslarga o‘tkazish) mexanizmi joriy etilmoqda», deyiladi Senat xabarida.

Toshkent xalqaro aeroporti hududida professional spotting-tur uchun arizalar qabul qilinmoqda. Bu haqda «Uzbekistan Airports» ma’lum qildi.

Unga ko‘ra, tadbirning taxminiy sanasi 2024-yil 16-oktabr etib belgilangan.

Spotting-turda barcha spotterlar ishtirok etishi mumkin. Nomzodlardan spotting@uzairports.com elektron manziliga ariza yuborishi va pasport skanerini ilova qilish talab etiladi. Arizalar 23-sentabr kuni soat 18:00 ga qadar qabul qilinadi.

Nomzorlar tanlashda professional foto va video uskunalari borligi, aviatsiya mavzularidagi o‘zining tematik veb-sayti, bloglarga egaligi va professional spotterlar resurslarida suratlari joylashtirilganiga ahamiyat beriladi.

Ariza ma’qullansa, nomzodga 2024-yil 25-sentabrga qadar javob xati jo‘natiladi.

Eslatib o‘tamiz, avvalroq «Toshkent» xalqaro aeroportida CIP yo‘lovchilarning chiqish joyi o‘zgargani haqida...

Sakkizinchi kun davom etayotgan ishchilar qo‘zg‘oloni Boeing kompaniyasiga $572 mln zarar yetkazdi. Bu haqda CNN Anderson Economic Group ma’lumotlariga tayanib xabar berdi.

Unga ko‘ra, qo‘zg‘olonda mashinistlar kasaba uyushmalari xalqaro assotsiatsiyasining 33 mingga yaqin a‘zolari ishtirok etmoqda.

Hozirgi kunda eng katta yo‘qotishlar Boeing tijorat samolyotlarini ishlab chiqarish to‘xtab qolgani bilan bog‘liq.

Anderson Economic Group rahbari Patrik Andersonning so‘zlariga ko‘ra, ish to‘xtalishining birinchi haftasida kompaniya samolyotni yakunlab, mijozlarga yetkazib bera olmagani uchun $445 mln yo‘qotgan. Chunki pulning katta qismini samolyot yetkazib berilgandan so‘ng olinadi.

Anderson sezilarli yo‘qotishlarga qaramay kompaniya bundan ham ko‘proq pul yo‘qotishi mumkinligini ta’kidladi.

Avvalroq Kursiv...

Oliy Majlis Senatining 57-yalpi majlisida psixologik yordam ko‘rsatishga oid qonun loyihasi ma’qullandi, deb xabar bermoqda Kursiv Uzbekistan muxbiri.

Ma’lum qilinishicha, mamlakatda 10 ta oliy ta’lim muassasasida «Psixologiya», 19 ta oliy ta’lim muassasasida «Pedagogika va psixologiya» ta’lim yo‘nalishlari bo‘yicha kadrlar tayyorlanmoqda.

Bundan tashqari, hozirgi kunda maktabgacha ta’lim tizimida 2,5 mingdan, umumiy o‘rta ta’lim maktablarida 13 mingdan ziyod pedagog-psixologlar faoliyat olib bormoqda.

«Qonun bilan aholiga psixologik yordam ko‘rsatishning asosiy prinsiplari, vazifalari, turlari, shakllari hamda standartlari belgilanmoqda», deyiladi Senatning rasmiy sahifasida.

Qonun loyihasida belgilanishicha, psixologik yordam ko‘rsatuvchi yuridik shaxs rahbari psixologik ma’lumotga ega bo‘lishi talab etiladi. Shuningdek, psixologik yordam ko‘rsatish standartlari Sog‘liqni saqlash vazirligi...

«Korzinkа» tijorat tarmog‘iga taqsimlash-tarqatuv markazini qurish uchun $25 mln pul mablag‘i ajratildi. Bu haqda «Korzinka» ijtimoiy sahifasida ma’lum qilindi.

Ma’lum qilinishicha, ushbu mablag‘ Toshkent – Germaniya Investitsiyalar va rivojlanish jamg‘armasi DEG (Deutsche Investitions und Entwicklungsgesellschaft mbH) tomonidan ajratilgan.

«Mahsulotlarni saqlash va yetkazib berish jarayonlarini optimallashtirish xarajatlarni kamaytiradi, transport tezligini oshiradi va savdo nuqtalarimizga doimo ta’minotni kafolatlashi mumkin», deb izoh berdi «Korzinkа» supermarketlari tarmog‘ining bosh direktori Rudd Pedersen.

Shuningdek, ushbu taqsimlash-tarqatuv markazi 40 ming kv/m maydonni egallaydi. «Korzinkа»ning yangi taqsimot markazi Markaziy Osiyodagi birinchi EDGE sertifikatiga ega logistika markazlaridan biri bo‘ladi.

Ma’lumot uchun, kompaniya 1996-yilda...

Oltin quymalarining narxi uch kunlik pasayishdan so‘ng yana ko‘tarildi. 5 grammlik oltin quymasining narxi 5,46 mln so‘mni tashkil qilmoqda. Bu haqda regulation xizmati xabar berdi.

Ma’lum qilinishicha, oltin quymalarining narxi joriy yilning 17 – 19-sentabr kunlari bosqichma-bosqich pasayib 5,42 mln so‘mgacha tushgan.  

Bugun 20-sentabr kunidan boshlab 1 grammlik oltin quymalarining narxi 1,08 mln so‘mni tashkil qiladi. Ushbu ko‘rsatkichlarning doimiy o‘zgarib turishi, narxlarning ko‘tarilib yoki pasayib borishi jahon bozoridagi narxlar bilan bog‘liq bo‘ladi.

LBMA taqdim etgan ma’lumotlarga ko‘ra, 19-sentabr kunduzgi belgilangan narxlar $2590.6 bo‘lsa, kechki hisobotlarga ko‘ra narxlar $2575.35’ni tashkil etgan, ya’ni tungi vaqtga kelib oltin narxlari...

Bugun «Humo» arenasida futzal boʻyicha Oʻzbekiston terma jamoasi mamlakatimizda oʻtayotgan jahon chempionatida uchinchi tur uchrashuvini oʻtkazadi. Bu haqda Sport vazirligi ma’lum qildi.

Unga ko‘ra, hamyurtlarimiz 1/8 yoʻllanmasi uchun kechadigan bellashuvda Kosta-Rikaga qarshi bahs olib boradi. O‘yin Toshkent vaqti bilan soat 20:00 da boshlanadi.

Eslatib o‘tamiz, avvalroq O‘zbekiston 1:4 hisobda Paragvay terma jamoasiga imkoniyatni boy bergan edi.

Angliyalik olimlar 50 yillik tadqiqotlardan so‘ng odamlarda yangi qon guruhlari tizimini aniqlashga muvaffaq bo‘ldi. Bu haqda TRT axborot agentligi ma’lum qildi.

Unga ko‘ra, 1972-yilda homilador ayoldan qon namunasi olinganda, shifokorlar unda o‘sha paytda ma’lum bo‘lgan barcha qizil qon hujayralarida topilgan sirt molekulasi tanqislik tufayli aniqladi.

«Nihoyat, bu yangi qon guruhi tizimini joriy qilish noyob, ammo muhim bemorlarga eng yaxshi yordamni ko‘rsatishda katta muvaffaqiyatdir», dedi Angliya milliy sog‘liqni saqlash xizmati gematologi Luiza Tilley.

Asosiy qon guruhlari tizimlari 20-asrning boshlarida kashf etilgan. Biroq so‘nggi yillarda kashf etilgan qon guruhlari, masalan, 2022-yilda aniqlangan Er qon tizimi, faqat...

Makroiqtisodiy va mintaqaviy tadqiqotlar instituti (IMRI) mutaxassislari 2024-yil sentabr oyida Toshkentning eng yirik supermarketlarida asosiy oziq-ovqat mahsulotlari narxlarini muntazam monitoring natijalarini e’lon qildi.

Qayd etilishicha, hisobot joriy yilning 8-avgust va 12-sentabrda o‘tkazilgan narx monitoringiga asoslanib tuzildi. Tadqiqot 21 ta mahsulotni qamrab oldi va natijalar turli mahsulotlar bo‘yicha minimal narxlarning pasayishi va o‘sishini ko‘rsatdi.

Shuningdek, 8 ta mahsulot narxi o‘tgan oyga nisbatan pasaygan. Narxlarning tushishi ayniqsa, meva va sabzavotlarga ta’sir ko‘rsatdi. Olmalar 28,2% ga, pomidorlar 18,7 foizga, karam 15,9 foizga va limonlar 13,8 foizga arzonlashdi.

Donlar orasida grechka narxi 5,9 foizga, tovuq go‘shti esa 3,1 foizga pasaygan. Shuningdek, sariq piyoz...

Germaniyaning Leypsig shahridagi munitsipal kutubxonalaridan birida avstriyalik musiqachi va bastakor Volfgang Amadey Motsartning ilgari noma’lum bo‘lgan asari topildi, deb xabar berdi The Guardian nashri.

Asar 1760-yillarning o‘rtalari yoki oxirlariga to‘g‘ri keladi. Bu asar Motsart o‘smirlik chog‘ida yozilgan bo‘lishi mumkin. Bu ajablanarli emas, chunki kompozitorning vunderkind bo‘lgani va musiqa yozishni erta boshlaganligi ma’lum.

Asar taxminan 12 daqiqa davom etgan bo‘lib, yetti qismdan iborat. U torli trio uchun yozilgan.

Tadqiqotchilar asarni Motsartning musiqiy asarlari katalogining yangi nashrini tuzish paytida topdilar. Qo‘lyozma qora-jigarrang siyoh bilan qo‘lda ishlangan qog‘ozga yozilgan.

Avvalroq Kursiv Uzbekistan Buyuk Britaniyaning mashhur The Beatles rok guruhi a’zolari 2-noyabr kuni...

O‘zbekistonda hududlarni qurish chog‘ida maydonning bir qismi ko‘kalamzorlashtirish uchun ajratilishi shart bo‘ladi. Mamlakat rahbariyati shunday talabni joriy etishni rejalashtirmoqda. Bu haqda respublika prezidenti Shavkat Mirziyoyevning matbuot xizmati xabar berdi.

Kuni kecha davlatimiz rahbari atrof-muhitni muhofaza qilish va turizm masalalariga bag‘ishlangan yig‘ilish o‘tkazdi.

Qurilish maydoniga tutash hududning kamida 25 foizini ko‘kalamzorlashtirish talabi balandligi 12 metrdan ortiq yoki umumiy maydoni 500 kvadrat metrdan ortiq bo‘lgan binoni qurayotgan tadbirkorlarga tatbiq etiladi.

Bundan tashqari, «yashil belbog‘lar»ni yaratish vazifasi yirik sanoat korxonalariga yuklatiladi.

Avvalroq Kursiv Uzbekistan Toshkent yaqinida yigirmatacha bog‘ paydo bo‘lishi haqida yozgan edi.

Bugun, 20-sentabr kuni O‘zbekiston bo‘ylab quruq va issiq ob-havo bo‘ladi. Kunduzi havo 31-darajagacha ko‘tariladi. Bu haqda Gidrometeorologiya xizmati agentligi xabar beradi.

Poytaxtda havo biroz bulutli bo‘lishi mumkin, biroq yomg‘ir yog‘maydi. Kunduzi havo 29-darajagacha isishi mumkin, kechga kelib 12-17 daraja iliq bo‘ladi.

Tog‘li hududlarda aksincha, qisqa muddatli yomg‘ir yog‘ishi mumkin. Kunduzi havo harorati 23-darajagacha isiydi, kechga kelib havo 9-14 daraja iliq bo‘ladi.

O‘zbekiston hukumati uy xo‘jaligida yovvoyi hayvonlarni saqlash masalasini tartibga solishga qaror qildi. Endi taqiqlanadi, deb xabar qildi mamlakat prezidenti Shavkat Mirziyoyev matbuot xizmati.

Kuni kecha davlat rahbari atrof-muhitni muhofaza qilish va turizm masalalariga bag‘ishlangan yig‘ilish o‘tkazdi.

Respublika qonunchiligiga jismoniy shaxslar tomonidan saqlanadigan yovvoyi hayvonlarni reabilitatsiya markazlari, pitomniklar va ilmiy-tadqiqot muassasalariga berish to‘g‘risidagi nizom kiritiladi.

Sirklarda saqlanadigan hayvonlarni ham xuddi shunday qismat kutadi.

Avvalroq Kursiv Uzbekistan Mirziyoyev ko‘chib yuruvchi hayvon turlarini himoya qilish uchun kuchlarni safarbar qilishini e’lon qilgani haqida yozgan edi.

O‘zbekiston va Rossiya hukumatlari respublikaga GLONASS navigatsiya tizimidan foydalanish imkoniyatini berish masalasini muhokama qiladi, deyiladi Rossiya prezidenti Vladimir Putinning buyrug‘ida. Hujjat Huquqiy axborot rasmiy portalida e’lon qilingan.

Farmoyishga ko‘ra, Rossiya hukumati ushbu mavzu bo‘yicha muzokaralar o‘tkazishni taklif qildi. Ularning natijasida O‘zbekistonga GLONASS’dan foydalanish huquqini berish bo‘yicha kelishuv imzolanishi kutilmoqda.

GLONASS «Global navigatsiya sun’iy yo‘ldosh tizimi» sifatida talqin qilinadi. U 24 ta kosmik sun’iy yo‘ldosh ma’lumotlariga asoslangan bo‘lib, dastlab harbiy ahamiyatga ega edi, ammo endi fuqarolik navigatsiya xizmatlarini ham taqdim etadi.

Avvalroq Kursiv Uzbekistan O‘zbekistonda «Rossiya temir yo‘llari» vakolatxonasi ochilishi haqida yozgan edi.

Isroil harbiy samolyotlari payshanba kuni kechqurun Livan janubiga yil davomida eng kuchli zarbalar berdi, deb xabar berdi Reuters agentligi.

Isroil ma’lumotlariga ko‘ra, Livanda yuzga yaqin o‘q otish tizimlari zarar ko‘rgan. Mojarolarning boshqa tomoni 50 dan ortiq zarbalar haqida ma’lum qiladi, ammo ular qaysi obyektlarga to‘g‘ri kelganiga aniqlik kiritmagan. Jabrlanganlar haqida ma’lumot yo‘q.

«Dushman har qanday nazorat, qonun va axloq doirasidan chiqdi,» – dedi Livanning «Hizbulloh» guruhi yetakchisi Hasan Nasralla televizion murojaatida. U hujumni harbiy jinoyat deb hisoblayotganini ta’kidladi.

Isroil mudofaa vaziri Yoav Galant, o‘z navbatida, Isroilning «Hizbulloh»ga hujumlarini davom ettirishga va’da berdi.

Aviatsiya hujumi «Hizbulloh» a’zolariga tegishli elektron qurilmalarni...

19-sentabr kuni Shavkat Mirziyoyev atrof-muhitni muhofaza qilish va turizm sohalaridagi takliflar taqdimoti bilan tanishdi. Bu haqda prezident matbuot xizmati ma’lum qildi.

Unga ko‘ra, havoni musaffo saqlash, ekologik hodisalarning ta’sirini kamaytirish borada ikkita dastur ishlab chiqildi.

Birinchisi chang bo‘ronlariga qarshi kurashish va ularning oqibatlarini yumshatish bo‘yicha 2024-2030-yillarga mo‘ljallangan milliy dasturdir. Loyiha doirasida Buxoro va Farg‘ona neftni qayta ishlash zavodlari yuqori sifatli yoqilg‘i ishlab chiqarish bo‘yicha modernizatsiya qilinadi.

Chiqindilarni boshqarish va sirkulyar iqtisodiyotni rivojlantirish agentligini tuzish taklifi bildirildi. Sanitar tozalash korxonalarining samaradorlik ko‘rsatkichlariga qarab, uchta toifaga ajratgan holda reyting tizimi tashkil etiladi.

Ikkinchisi 5 yilda poytaxtimiz va unga tutash Toshkent viloyati...

19-sentabr kuni Shavkat Mirziyoyev qishloq xo‘jaligidagi islohotlar ijrosiga oid taqdimot bilan tanishdi. Bu haqda prezident matbuot xizmati ma’lum qildi.

Unga ko‘ra, 112 ming gektarga tindirilgan urug‘, 200 ming gektarga viloyatlararo va tumanlararo navlar navbatma-navbat ekildi.

Shuningdek, 31 ta elita urug‘chilik xo‘jaligi va 6 ta urug‘lik tayyorlash sexidagi davlat ulushini ommaviy savdolarga chiqarish ishlari amalga oshiriladi. 46 ta urug‘chilik korxonasi birlashtiriladi va 13 ta zamonaviy korxona tashkil etiladi. Yangi urug‘lar 2 yilda ekib boriladi.

Endilikda bo‘sh yerlarda mevali bog‘lar, uzumzor va olmazorlar ko‘paytiriladi.

Yerni tayyorlash, ko‘chat olish, ekish va sug‘orish tizimlari o‘rnatish hamda bog‘ hosilga kirguncha 3 yil parvarishlash uchun...

Elchi Beybut Atamqulov O‘zbekiston va Qozog‘iston o‘rtasidagi hamjihatlikni yanada mustahkamlash yo‘lidagi ulkan xizmatlari uchun mukofotlandi. Bu haqda TIV vaziri o‘z telegram kanalida xabar berdi.

Unga ko‘ra, Beybut Atamqulovga ordenni O‘zR Tashqi ishlar vaziri Baxtiyor Saidov topshirdi.

Shuningdek, elchi janoblarining ikki mamlakat o‘rtasidagi siyosiy, ijtimoiy-iqtisodiy, madaniy-gumanitar hamkorlikni yangi bosqichga olib chiqishdagi xizmatlari e’tirof etildi.

Eslatib o‘tamiz, sal avvalroq O‘zbekistonning Qozog‘istondagi elchisi Saidikrom Niyozxo‘jayev Qozog‘istonning «Do‘stlik» ordeni bilan mukofotlangan edi.

Toshkent shahrida aholi uchun issiqlik va issiq suv ta’minoti xizmatlari tarifi oshiriladi. Xalq deputatlari Toshkent shahar kengashi bu bo‘yicha qaror qabul qildi.

Unga ko‘ra, aholiga issiqlik va issiq suv ta’minoti xizmatlari uchun tarif 15% ga, ya’ni 1 Gkal uchun 121 617 so‘mga oshiriladi. Ayni paytdagi narx 105 754 so‘mni tashkil qilmoqda.

Shuningdek, ulgurji tashkilotlar uchun ham tariflar 15% ga oshiriladi. Bu degani, narx 212 606 so‘mdan 244 497 so‘mga ko‘tariladi.

Oshirilgan qiymat QQSsiz bo‘lib, qachon kuchga kirishi haqida ma’lum qilinmagan.

Eslatib o‘tamiz, avvalroq energetika sohasida $36 mlrdlik loyihalar amalga oshirilishi haqida xabar bergan edik.

Navoiy viloyati aeroportiga uchta aviakompaniya tomonidan yuk tashuvlari amalga oshirila boshlandi. Bu haqda Uzbekistan Airports matbuot xizmati xabar berdi.

Ma’lum qilinishicha, Buyuk Britaniyaning Titan Airways aviakompaniyasi joriy yilning 12-sentabr kuni Chuntsin — Navoiy — London yo‘nalishi bo‘yicha ilk charter yuk reysini amalga oshirdi.

17-sentabrda esa Latviyaning SmartLynx Airlines aviakompaniyasi Varna — Navoiy — Dakka yo‘nalishi bo‘yicha birinchi charter yuk reysini amalga oshirdi.

Shuningdek, 18-sentabr kuni FlyKhiva mahalliy aviakompaniyasi ham Echjou — Lyej yo‘nalishi bo‘yicha Navoiy shahrida texnik to‘xtash bilan charter reyslarini yo‘lga qo‘ydi.

Avvalroq Kursiv Uzbekistan Airports tomonidan Urganch xalqaro aeroporti bo‘yicha loyiha yuzasidan tender muddati uzaytirilgani haqida...

21 – 25-sentabr kunlari Xitoyning Sian shahrida bo‘lib o‘tadigan «Ipak yo‘li» xalqaro kinofestivalida «O‘zbek kinosi kunlari» tashkil qilinadi. Bu haqda O‘zbekiston Kinematografiya agentligi xabar beradi.

O‘zbekiston bu yil mehmon davlat deb topildi va Sian kinofestivali doirasida bo‘lib o‘tadigan «O‘zbek kinosi kunlari»da «O‘zbek qizi», «101-reys», «Bahodir Yalangtoʻsh», «Xaus», «Osmondagi bolalar 3», «Yakshanba», «Puankare», «Kim deyay seni?» filmlar namoyish etiladi.

Kinofestival 50 dan ortiq mamlakatlar taniqli shaxslar va 6 mingdan ortiq kino sanoati mutaxassislarini birlashtiradi. Mashhur mehmonlardan Jeki Chan, Sofi Marso, Renni Xarlin, Monika Belluchchi va boshqa yulduzlar ishtirok etadi.

Avvalroq Kursiv Uzbekistan «Ipak yoʻli durdonasi» XVI xalqaro kinofestivali noma’lum muddatga ko‘chirilgani...