Yangiliklar

Rossiyaning Sankt-Peterburg shahrida migrantlarning taksida ishlashiga doir taqiq kuchga kirganidan so‘ng shaharda taksi xizmatlari narxlari 30 foizgacha oshdi. Bu haqda «Fontanka.ru» nashri o‘tkazgan monitoring natijalariga tayanib, xabar berdi.

Jurnalistlar «Yandeks Taksi» orqali bir xil yo‘nalishlarda safar narxlarini taqqoslaganda, ayrim yo‘nalishlarda farq 3,2 foizdan 32,5 foizgacha bo‘lgan. Masalan, Primorskiy tumaniga borish 761 rubl o‘rniga 1009 rublni tashkil etgan. Bu orada ayrim foydalanuvchilar ilovada Haydovchilar yetarli emas degan ogohlantirish xabarini olishgan.

«Yandeks Taksi» ma’muriyati ma’lum qilishicha, yangi taqiq sabab shaharda faol haydovchilar soni 12 foizga kamayadi. Bu 4 mingdan ortiq kishi ish joyini yo‘qotishi mumkin degani. Mutaxassislar esa bu holat shundoq...

SAIC Audi Xitoy bozoriga mo‘ljallangan Audi E5 Sportback modeli bilan yangi rekord o‘rnatdi. Bu haqda CarNewsChina xabar bermoqda.

Elektromobil Ridge Circuit tog‘ trassasida 01 daqiqa 42 soniya 99 millisoniya natija bilan harakatlanib, yangi vaqt ko‘rsatkichiga erishdi. E5 Sportback hatto Lotus Emira modelini ortda qoldirdi va umumiy reytingda uchinchi o‘ringa chiqdi. Undan oldinda faqat Porsche Taycan GT Weissach Package va Xiaomi SU7 Ultra turibdi.

Ridge Circuit 2024-yilda ochilgan va Osiyodagi birinchi tog‘ trassasi hisoblanadi. Uning uzunligi 2,42 km, 31 ta burilish va 71 metr balandlik farqiga ega. Trassa tekis emas, tabiiy relyef asosida qurilgan.

Audi’ning yangi natijasi modelning bozorga chiqishidan...

O‘zbekiston kosmik texnologiyalar sohasida AQShning xususiy aerokosmik kompaniyasi Vast bilan strategik hamkorlikni yo‘lga qo‘ydi. Bu haqda Raqamli texnologiyalar vazirligi ma’lum qildi.

Vazir Sherzod Shermatov AQShga tashrifi davomida dunyodagi ilk tijoriy kosmik stansiyani qurayotgan Vast kompaniyasi vitse-prezidenti Rich Leshner bilan uchrashdi. Uchrashuv davomida O‘zbekistonda kosmik sohani rivojlantirish, xalqaro hamkorlikni kengaytirish va o‘zbekistonlik mutaxassislarning global loyihalarda ishtirokini ta’minlash masalalari muhokama qilindi.

Shermatov fan va innovatsiyalarni rag‘batlantirish, yosh ilmiy kadrlar uchun imkoniyatlar yaratish va O‘zbekistonning xalqaro kosmik dasturlarda faol qatnashishini ta’kidladi. Tomonlar uzoq muddatli hamkorlik rejalarini muhokama qilib, qo‘shma ilmiy tadqiqotlar, kadrlar almashinuvi va o‘zbekistonlik mutaxassislarni Haven-1 orbital stansiyasining muvaffaqiyatli uchirilishidan keyingi...

Samsung Galaxy S26 va S26 Plus kamerasi haqida asosiy ma’lumotlarni paydo bo‘ldi. Bu haqda Smartprix xabar bermoqda.

Ikkala modelda 12 megapikselli Sony IMX564 ultra-keng kamera ishlatiladi. Bu kamera avvalgi avlodlarda ham qo‘llangan.

Asosiy kamera 50 megapiksel bo‘lib qoladi. Biroq Samsung uni yangi ISOCELL S5KGNG sensorga almashtiradi. Sensor yangi, lekin hajmi o‘zgarmaydi.

Muhim yangilik telekamera bo‘lib, 3 baravar zum moduli endi 12 megapiksel bo‘ladi. Samsung ISOCELL S5K3LD sensori ishlatiladi. Bu o‘zgarish Galaxy S26 Ultra haqida chiqqan ma’lumotlarga mos keladi.

Batareya sig‘imi ham ma’lum bo‘ldi. Galaxy S26 4300 mA/soat quvvat oladi. Galaxy S26 Plus esa 4900 mA·soat bilan keladi. Galaxy S...

Qoraqalpog‘iston Respublikasi Nukus shahrida faoliyat yurituvchi «Supershop» MChJ savdo nuqtasi ijtimoiy tarmoqlarda o‘z mahsulotlarini «eng arzon» deya targ‘ib qiluvchi reklama e’lonlarini joylashtirgani aniqlandi. Bu haqda Raqobat qo‘mitasi xabar berdi.

Bunda raqobatchi xo‘jalik yurituvchi subyektlarning mahsulotlari bilan taqqoslashda hech qanday xolis tasdiqlangan ma’lumotlar yoki texnik parametrlar keltirilmagan. Reklama materiallari, jumladan, Instagram ijtimoiy tarmog‘ida joylashtirilgan.

Raqobat qo‘mitasi tomonidan o‘tkazilgan o‘rganishlar natijasida «Supershop» MChJ qonun talablarini buzgan deb topildi.

Aniqlangan qonunbuzarlik holati yuzasidan Qo‘mita huzuridagi Maxsus komissiya tomonidan korxonaga nisbatan ish qo‘zg‘atildi. Ishni ko‘rib chiqish yakunida korxona vakillariga huquqiy tushuntirishlar berildi hamda aniqlangan qonunbuzarlikni to‘liq bartaraf etish bo‘yicha rasmiy ko‘rsatma yuborildi.

Avvalroq...

Dubay shahrida ot sportining konkur yo‘nalishi bo‘yicha «CSI2*» tasnifidagi xalqaro musobaqa bo‘lib o‘tdi. Unda ishtirok etgan O‘zbekiston terma jamoasi a’zolari oltin va bronza medallarini qo‘lga kiritishdi.

140 sm balandlikdagi to‘siqlardan sakrash dasturida Abdurahmon Abdullayev Otto van de Achterhoek laqabli oti bilan barcha raqiblarini ortda qoldirib, musobaqaning oltin medaliga sazovor bo‘ldi. Terma jamoamiz yetakchilaridan biri Bekzod Qurbonov esa Matts V.G. bilan uchinchi o‘rinni egallab, bronza medalini qo‘lga kiritdi.

Dubayda o‘tkaziladigan VIRTUS International «Show Jumping Cup (CSI2*)» musobaqasi xalqaro miqyosda katta e’tibor qozongan turnir bo‘lib, Xalqaro ot sporti federatsiyasi talablariga muvofiq tashkil etiladi. Musobaqa an’anaviy tarzda Emirates Equestrian Centre arenasida...

2026-yildan barcha tibbiyot oliygohlarida oliy hamshiralik yo‘nalishi ochiladi va kvotalar ikki barobar oshiriladi. Bu haqda  prezidentning tibbiyot va farmatsevtika xodimlari bilan uchrashuvida qayd etildi.

Shu bilan birga, oliy ma’lumotli hamshiralarga 100 foiz ustama belgilanadi. Xalqaro standartlar Angliya, Germaniya va AQSh ta’lim dasturlari asosida joriy etiladi.

Endi hamshira faqat muolaja qiluvchi emas, balki tashxis, davolash va profilaktikada shifokorga ko‘makchi bo‘ladigan darajada tayyorlanadi. Hamshiralar akademiyasi Toshkent davlat tibbiyot universiteti tasarrufiga o‘tkazilib, negizida Oliy kasbiy tibbiyot akademiyasi tashkil etiladi.

Rezidenturada o‘qiyotganlar oilaviy shifokor sifatida ishlashi mumkin

Kelgusi o‘quv yilidan tibbiyot oliygohlarida pediatriya va davolash yo‘nalishlarini birlashtirgan umumiy tibbiyot fakulteti ochiladi. Rezidenturada bepul...

Zamonaviy ko‘p tarmoqli klinikalarni tashkil qilish uchun tadbirkorlarga $200 millionlik resurs ajratiladi. Bu haqda davlat rahbari tibbiyot va farmatsevtika xodimlari bilan uchrashuvda ma’lum qildi.

Unga ko‘ra, mazkur mablag‘ 2026-yildan boshlab 7 yil muddatga, 3 yil imtiyozli davr bilan 17 foiz stavkada taqdim etiladi.

Bundan tashqari, 2026-yildan boshlab xususiy sektorlar uchun uskuna, jihoz va tez yordam mashinalari olib kirish bo‘yicha imtiyoz 3 yilga uzaytiriladi. Shuningdek, umumiy ovqatlanish korxonalariga berilgan QQS qaytarish imtiyozi xususiy tibbiyot tashkilotlariga ham qo‘llanadi.

Tibbiyot markazlaridagi xizmat narxlari qayta ko‘rib chiqiladi

Davlat rahbari xususiy klinikalardagi ko‘plab xizmatlar respublika markazlaridagi narxlardan arzon ekani ta’kidlandi. Shu bois mutasaddilarga...

Markaziy bank sentabr – oktabr oylarida tijorat banklarining rasmiy veb-saytlarini keng ko‘lamli monitoringdan o‘tkazdi. Tekshiruv natijasida 18 ta bankda qonunchilik talablari buzilganligi aniqlanib, ularning har biriga 102 million so‘mdan jarima qo‘llanildi.

Regulyatorning ma’lum qilishicha, monitoringning asosiy maqsadi – moliyaviy xizmatlar iste’molchilari uchun axborotlarni oshkor etish tizimi qanchalik qonuniy va shaffof amalga oshirilayotganini baholash bo‘lgan. Shuningdek, banklarning o‘z mijozlariga to‘liq, ishonchli va tushunarli ma’lumot taqdim etish majburiyatiga qanday amal qilayotgani o‘rganilgan.

Tekshiruvlar davomida qator qonunbuzarliklar aniqlandi. Ayrim banklar o‘z saytlarida ma’lumotlarni davlat tilida joylashtirmagan, bu esa «Davlat tili to‘g‘risida»gi Qonun talablarini buzish hisoblanadi. Bundan tashqari, bir nechta banklar kredit ta’minoti...

11-noyabr uchun valyuta kurslari e’lon qilindi. Shu kun uchun AQSh valyutasi 12 014,94 so‘m (-45,33 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 4-noyabr kuni dollar 11 972,34 so‘m (-32, 75 so‘m), 5-noyabr kuni 11 950,63 so‘m (-21,71 so‘m), 6-noyabr kuni 11 970,67 so‘m (+20.04 so‘m), 7-noyabr kuni 12 022,92 so‘m (+52,25 so‘m), 10-noyabrda esa 12 060,27 so‘m (+37,35 so‘m) etib belgilangan edi.

Markaziy bank ma’lumotlariga ko‘ra, yevro 16,27 so‘mga tushib, 13 900,08 so‘mni, rubl esa 0,56 so‘mga tushib, 148,31 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga pasaygani...

Eron poytaxti Tehronda suv tanqisligi inqiroz darajasiga yetdi. Prezident Mas’ud Pezeshkiyon suv omborlarining sathi so‘nggi 60 yilda eng past darajaga tushganini ma’lum qildi. Bu haqda Euronews xabar bermoqda.

Shaharda kechalari suv ta’minoti vaqtincha to‘xtatila boshladi, ayrim tumanlarda bu cheklovlar allaqachon joriy etilgan. Eron prezidenti vaziyatni favqulodda jiddiy deb atadi. Uning so‘zlariga ko‘ra, Tehron aholisi olti yildan beri davom etayotgan qurg‘oqchilik oqibatlarini har yili yanada og‘irroq his qilmoqda.

Ba’zi suv omborlarida zaxira 10 foizdan ham kam qolgan, bu esa nafaqat ichimlik suvini, balki gidroelektrostansiyalar faoliyatini ham izdan chiqarmoqda. Shahid Abbospur nomidagi Suv va energetika universiteti bo‘lim boshlig‘i Ali Moridi Eronning...

Sog‘liqni saqlash tizimida samarali ishlayotgan rahbarlar endi yangi tartib asosida rag‘batlantiriladi. Bu haqda prezidentning tibbiyot va farmatsevtika xodimlari bilan uchrashuvida ma’lum qilindi.

Unga ko‘ra, kasalliklarning oldini olish, bemorlarni hududning o‘zida davolash, dori berishni tartibga solish, yaxshi kadrlarni jalb qilish va muntazam o‘qitish, sifatli servis yaratish, raqamlashtirishni to‘liq joriy etgan eng yaxshi viloyat va tuman rahbarlari hamda oilaviy poliklinika mudirlari mukofotlanadi.

Ularga «O‘zbekistonda xizmat ko‘rsatgan tibbiyot xodimi» unvoni, orden va medallar hamda 30 million so‘mgacha pul mukofoti beriladi. Shuningdek, ular rahbarlik qilayotgan shifoxona va poliklinikaning infratuzilmasini yaxshilash uchun 500 million so‘m ajratiladi.

Har bir viloyatdan eng yaxshi ikki nafar tuman rahbari...

Prezident tibbiyot va farmatsevtika xodimlari bilan uchrashuvda rahbarlarning xalq bilan muloqotni kuchaytirishi shartligini ta’kidladi.

Unga ko‘ra, endi tuman va viloyat sog‘liqni saqlash rahbarlari, bosh shifokorlar hamda poliklinika mudirlari kunlik qabulni bevosita mahallalarda o‘tkazadi.

«Mazkur rahbarlar o‘zini bemorning o‘rniga qo‘yib, eshikdan boshlab, vrach qabuliga kirish uchun xonama-xona yursa, rentgen, laboratoriya, UZI, EKG uchun boshqa-boshqa qavatga chiqib-tushsa, shunda odamlarning holatini tushunib, bu savolga javob topadi. Shu bois har bir viloyat, tuman tibbiyot rahbari, bosh shifokor va poliklinika mudiri bemorga e’tiborli bo‘lib, dardiga shifo izlab kelgan har bir odamning ishi tez bitishi uchun barcha sharoitlarni yaratishi shart...

Endi viloyat va tuman sog‘liqni saqlash rahbarlari bir oylik reja asosida ishlaydi. Bu haqda prezident ishtirokidagi tibbiyot va farmatsevtika xodimlari bilan uchrashuvda qayd etildi.

Respublika onkologiya markazi rahbari almashtirildi va o‘rniga Turkiyadan malakali boshqaruvchi tayinlandi. Markazga Fransiyaning mashhur «Gustav Russi» klinikasi jalb qilindi. Endi ularning xalqaro klinik protokollari tatbiq etiladi.

Prezident markazlar shaxsiy mulk emasligini aytib, rahbarlar bir yilga mo‘ljallangan aniq reja tuzishi kerakligini ta’kidladi. Har bir markaz uch oy ichida xorijiy hamkor topib, o‘zgarishlarni o‘zi boshlashi, aks holda bu ish davlat tomonidan amalga oshirilishi aytildi.

Viloyat va tuman tibbiyot rahbarlari hamon eski uslubda ishlayotgani qayd etildi. Hududlarga katta...

Buyuk Britaniya ommaviy axborot vositasi BBC bosh direktori Tim Devi va yangiliklar bo‘limi rahbari Deborah Terness 2025-yil 9-noyabr kuni iste’fo berdi. Bu haqda CNN agentligi ma’lum qildi.

BBC rahbari AQSh prezidenti Donald Trampning 2021-yil 6-yanvardagi nutqining tahrir qilingan videosi yuzasidan urchigan keskin tanqidlar ortidan iste’foga chiqdi. Videoda Tramp tarafdorlarini Kapitoliyni bosib olishga chaqirayotgandek ko‘rsatilgan, ammo keyinchalik aniqlanishicha, tahrir jarayonida bir-biridan deyarli bir soat farq bilan aytilgan ikki jumla birlashtirilgan va nutq mazmuni noto‘g‘ri talqin qilingan.

BBC’ning flagman dasturlaridan biri bo‘lgan «Panorama» tomonidan Trampning turli lavhalardan tahrirlangan videodagi nutqi kesib joylashtirilgan. Natijada u Kapitolga birga boramiz va kurashamiz degan...

BYD tomonidan yangilangan BYD Atto 3 elektromobili tanishtirildi. Bu haqda CarNewsChina xabar bermoqda.

Model 74,880 kVt/s Blade akkumulyatori bilan 650 km CLTC masofaga chiqadi. Avvalgi avlodda 49,92 va 60,48 kVt/s bloklar o‘rnatilgan edi. Ularning masofasi mos ravishda 430 km va 510 km bo‘lgan.

Yangi Atto 3’ga 230 kVt quvvatli doimiy magnitli elektromotor o‘rnatildi. Bu ko‘rsatkich avvalgi 150 kVt dvigateldan ancha kuchli. Tezlik chegarasi ham o‘zgardi. Endi maksimal tezlik 180 km/soat bo‘ldi.

O‘lchamlar o‘zgarishsiz qoldi. Uzunligi 4455 mm, kengligi 1875 mm, balandligi 1615 mm. G‘ildirak bazasi esa 2720 mm. Kattaroq akkumulyator tufayli avtomobil og‘irligi 1880 kg bo‘lgan. Bu avvalgi modeldan...

Prezident Shavkat Mirziyoyev tibbiyot va farmatsevtika xodimlari bilan uchrashuvda sohaning hozirgi holatini aniq misollar bilan tahlil qildi.

Oxirgi besh yilda oshqozon kasalliklari umumiy respublika bo‘yicha kamaygan bo‘lsa-da, Qashqadaryo va Navoiy hududlarida deyarli o‘zgarish kuzatilmagan. Yakkabog‘da shifokorlarga bo‘lgan murojaatlarning 33 foizi, G‘uzorda 29 foizi, Koson va Mirishkorda esa 25 foizi oshqozon-ichak kasalliklari bilan bog‘liq.

Shuningdek, yig‘ilishda shifokorlar aholiga, ayniqsa, bolalarga haligacha antibiotiklarni pala-partish qo‘llab kelayotgani tanqid qilindi. Tumanlarga tushib, shifoxona va poliklinikadagi vrachlarga qaysi dori mumkin, qaysi biri mumkin emasligini o‘rgatish ishlari sustligi ham qayd etildi.

Boshqa bir holatda buyrak kasalliklarining ulushi Qoraqalpog‘iston, Xorazm, Farg‘ona va Andijon viloyatlarida respublika...

Wuling Binguo S avtomobili uchun 52,9 kWh quvvatga ega yangi batareya varianti tasdiqlandi. Bu haqda CarNewsChina xabar bermoqda.

CLTC bo‘yicha yurish masofasi 525 kmni tashkil etadi. Bu modelni MG4’ning bevosita raqibiga aylantiradi. Ma’lumot Xitoyning Sanoat va axborot texnologiyalari vazirligi reyestridan olingan. Rasmiy taqdimot sanasi hali aytilmagan.

Binguo S Xitoyda ixcham elektrokar sifatida taklif qilinadi. Uzunligi 4265 mm. Eni 1785 mm. Balandligi 1600 mm. G‘ildirak bazasi 2610 mm. Tashqi ko‘rinishda yopiq panjarali old qism, ko‘p qirrali faralar va «C» shaklli kunduzgi chiroqlar, orqada esa to‘liq uzunlikdagi LED chiziq mavjud.

Salon 8,88 dyuymli raqamli panel va 12,8 dyuymli markaziy ekran bilan...

AQSh Davlat departamenti 6-noyabr kuni Vashingtonda O‘zbekiston prezidenti Shavkat Mirziyoyev va AQSh prezidenti Donald Tramp o‘rtasida bo‘lib o‘tgan muzokaralar yakunida erishilgan kelishuvlarning tafsilotlarini e’lon qildi.

Bayonotda aytilishicha, ikki davlat hukumati iqtisodiyot, xavfsizlik va gumanitar sohalarda keng ko‘lamli hamkorlikni mustahkamlash ustida ishlamoqda. Bu esa ikki mamlakatning barqarorligi va farovonligini ta’minlashga qaratilgan.

Tramp AQShni muhim minerallar bilan ta’minlash va energetik hamkorlikni kengaytirishga yo‘naltirilgan kelishuvlarni olqishlagan.

Kelishuvlar doirasida quyidagi yo‘nalishlar belgilandi:

AQSh prezidenti Donald Tramp har bir amerikalik uchun $2 ming miqdorda «tarif dividendi» berilishini aytdi. U bu haqda Truth Social’da yozdi.

Unga ko‘ra, yuqori daromad egalari bundan mustasno bo‘lishi mumkin, lekin kimlar aniq olishi va qachon to‘lanishi haqida batafsil ma’lumot berilmadi.

«Tariflarga qarshi odamlar – AHMOQLAR! Biz hozir dunyoning eng boy, eng obro‘li mamlakati bo‘ldik, inflyatsiya deyarli yo‘q, fond bozori narxi rekord darajada. 401k’lar har doim eng yuqori bo‘ladi. Biz trillionlab dollarlarni qabul qilmoqdamiz va tez orada 37 trillion dollarlik ulkan qarzimizni to‘lashni boshlaymiz. AQShda rekord darajadagi sarmoya, zavod va fabrikalar hamma joyda ko‘tarilib bormoqda...

«Toshkent» respublika fond birjasidan (RFB) joy olgan yuqori likvidli aksiyalarning aksariyati 31-oktabrdan 7-noyabrgacha bo‘lgan davrda salbiy dinamikani ko‘rsatib, UCI fond indeksi 4,28 foizga tushdi.

Ushbu davr mobaynida «O‘zsanoatqurilishbank» aksiyalari eng katta o‘sishga erishib, 7,96 foizga qimmatlashdi. Shuningdek, «O‘zbektelekom» (+5,80%) va «Uzbekinvest» (+5,28%) aksiyalarida ham o‘sish qayd etildi.

O‘z navbatida, «Qizilqumsement» aksiyalari 5,82 foizga arzonlashib, haftaning eng katta pasayishini qayd etdi. Bundan tashqari, «UzAuto Motors» (-5,14%) va «Biznesni rivojlantirish banki» (-5%) aksiyalari ham pasayish bilan ajralib turdi.

Ushbu davrda yuqori likvidli aksiyalardan to‘qqiztasi haftani ijobiy, 20 tasi salbiy natija bilan yakunladi.

O‘tgan haftada «Toshkent» respublika fond birjasi (RFB)da UCI fond...

Honda kelajakdagi yirik gibrid SUV modellari uchun yangi V6 dvigatel ishlab chiqayotganini ma’lum qildi. Bu haqda Motor1 xabar bermoqda.

Kompaniyaga ko‘ra, bu dvigatel 2027-yildan boshlab Shimoliy Amerika bozoriga mo‘ljallangan gibrid avtomobillarga o‘rnatiladi. Honda yangi motorni yuqori quvvat va kuchli tortish xususiyati bilan ta’rifladi. Hozirgi 3,5 litrli V6 285 ot kuchini beradi va 2,3 tonnagacha tirkama torta oladi. Yangi motor 30 foizga tejamkor bo‘lishi va tezlanishni 10 foiz yaxshilashi aytilmoqda.

Qaysi model birinchi bo‘lib ushbu texnologiyani olishi hozircha noma’lum. Pilot yaqinda yangilangani uchun dvigatel, avvalo, Odyssey yoki Ridgeline avlodida paydo bo‘lishi ehtimol qilinmoqda.

Honda, shuningdek, kelajak gibridlari uchun 1,5 va...

Honor 500 va Honor 500 Pro Snapdragon 8 seriyali platforma bilan chiqadi. Bu haqda IThome nashri xabar bermoqda. Bu qaror qurilmaga tejamkorlikni oshirish va o‘yinlardagi samaradorlikni yaxshilashga qaratilgan.

Unga ko‘ra, ikkala model ham Phantom Engine 3.0 texnologiyasini oladi. Ushbu tizim flagman Honor smartfonlarida ham qo‘llanadi. O‘yin jarayonida kadrlardagi barqarorlik, qurilmaning issiqlikka chidamliligi va grafik ishlanmani silliq ta’minlash aynan shu texnologiya yordamida kuchayadi.

Honor 500 Pro haqida tarqalgan ma’lumotlarda yana bir nechta ahamiyatli jihatlar qayd etilgan.

Modelga Snapdragon 8 Elite protsessori, 8000 mA/soat sig‘imli yirik batareya, 200 megapikselli asosiy kamera va periskop moduli o‘rnatilishi aytilmoqda. Qurilma metall yon ramkaga ega...

Yangi Zelandiyada mashhur «Uzuklar hukmdori» filmlari suratga olingan Tongariro milliy bog‘ida yirik yong‘in chiqdi. Bu haqda Kreyg Gold o‘t o‘chirish xizmati xabar berdi.

Ma’lum qilinishicha, yong‘in 2,5 ming gektardan ortiq maydonga yoyilgan. Hozirda maydonning faqat 20 foizi nazoratga olingan. Tunda xavfsizlik sababli yong‘inni o‘chirish ishlari to‘xtatildi, aholining evakuatsiyasi esa kunduz kuni amalga oshirilmoqda.

«Biz ehtiyotkorlik bilan harakat qilyapmiz. Odamlarni oldindan ogohlantiramiz va yorug‘likda evakuatsiya qilamiz, shunda hamma xavfsiz bo‘ladi», – deyiladi xabarda.

Hodisaga qarshi 15 ta vertolyot va 5 ta samolyot jalb etilgan. Yong‘in xavfi tufayli Ruapehu vulqoni etagidagi Vakapapa qishlog‘i aholisi vaqtincha ko‘chirilmoqda...