Yangiliklar

O‘zbekistonda elektron savdoning ulushi hanuzgacha past darajada – chakana savdoning atigi 3 foizini tashkil etadi. Bu haqda Markaziy Osiyo va Yevrosiyo iqtisodiy ittifoqi mamlakatlarining iste’mol bozorlari bo‘yicha o‘tkazilgan tadqiqotda Infoline tahliliy agentligi ma’lumot berdi.

Taqqoslash uchun: Qozog‘istonda onlayn savdo bozordan 20 foiz ulushni egallagan bo‘lsa, Belarusda bu ko‘rsatkich 14 foizni tashkil etadi. O‘zbekistonda esa savdoning asosiy qismi hanuzgacha an’anaviy bozorlar va savdo rastalariga to‘g‘ri keladi – 84%, zamonaviy savdo tarmoqlari esa 13%ni tashkil qiladi.

INFOLine mutaxassislarining baholashicha, mahalliy bozorda katta salohiyat mavjud. Aholi soni 37,5 million kishiga yetgan va o‘sishda davom etmoqda. Faqatgina 2024-yilda O‘zbekistonda 926 ming nafar chaqaloq tug‘ilgan...

2025-yil mart oyidagi tahlillarga ko‘ra, O‘zbekiston bo‘ylab ko‘chmas mulk bozorida amalga oshirilgan bitimlar soni 68,4 mingtaga yetdi. Bu ko‘rsatkich o‘tgan yilning mos davriga nisbatan 10,8 foizga oshgan, deya ma’lum qilindi Iqtisodiy tadqiqotlar va islohotlar markazi hisobotida.

Unga ko‘ra, 2025-yilning birinchi choragida respublikaning hech bir hududida savdo hajmi kamaymagan. Mart oyida tuzilgan bitimlar soni 20,4 mingta bo‘lib, bu fevral oyiga nisbatan 8,8% kam. Shu bilan birga, o‘tgan yilning martiga nisbatan bitimlar soni 15%ga, chorak yakunlariga ko‘ra esa 10,8%ga oshgan.

Jizzax va Navoiy viloyatlarida faollik sezilarli darajada o‘sgan bo‘lsa, Toshkent shahrida uy-joy narxlarida pasayish kuzatildi. Ikkilamchi bozor narxlari o‘rtacha 0,6%, birlamchi bozor...

29-aprel kuni Surxondaryodagi Sariosiyo aeroporti rekonstruksiya ishlaridan so‘ng ilk bor Silk Avia aviakompaniyasiga tegishli ATR-72-600 samolyotini qabul qildi. Bu haqda Uzbekistan Airports matbuot xizmati xabar qildi.

Aeroportning uchish-qo‘nish, yurish yo‘lagi va perron qismi to‘liq asfalt-beton bilan mustahkamlanib, kapital ta’mirdan chiqarildi. Uzunligi 1550 metr, eni 35 metr bo‘lgan uchish-qo‘nish yo‘lagi ikki qatlamda yangilandi. Shuningdek, ikki dona ATR-72-600 samolyoti uchun to‘xtash joylari ham tayyorlandi.

«Sariosiyo aeroporti aerodrom majmuasi uchish-qo‘nish yo‘lagining uzoq muddatli faoliyati (1976 yildan), shuningdek, zarur darajadagi parvozlar xavfsizligini ta’minlash hamda ATR-72 rusumli va quyi toifadagi havo kemalarini qabul qilish va uchirish maqsadida kapital ta’mirlashni talab...

Vengriya parlamenti mamlakatni Xalqaro jinoiy sud (XJS) yurisdiksiyasidan olib chiqish uchun ovoz berdi. Bu haqda mamlakat Tashqi ishlar vaziri Peter Siyarto ma’lum qildi.

XJSdan chiqish to‘g‘risidagi qonun loyihasining tashabbuskori mamlakat hukumati edi. 2024 yil noyabr oyida sud Isroil Bosh vaziri Binyamin Netanyaxuni hibsga olishga order berdi. Vengriya rahbariyati bu qarorni tanqid qildi va keyinroq Isroil bosh vaziri rasmiy tashrif bilan mamlakatga safar qildi.

Qonuniy jihatdan respublika BMTni o‘z qarori to‘g‘risida xabardor qilganidan keyin bir yil o‘tib sud yurisdiksiyasini tark etadi. Siyarto xalqaro sudni xolislik va obro‘sini yo‘qotgan siyosiylashgan tashkilot deb atagan.

XJS Isroil rahbarini urush qoidalarini buzganlikda ayblaydi. Sud...

O‘zbekistonda rossiyalik mutaxassislar ko‘magida kam uchraydigan kasalliklarga chalinganlarga yordam ko‘rsatish markazi ochiladi. Bu haqda Moskva viloyati gubernatori Andrey Vorobyov ma’lum qildi.

Moskva viloyati rahbariyati Krasnogorskda ana shunday tibbiyot muassasasini ochish tajribasi asosida Farg‘onada bolalar shifoxonasini tashkil etishni rejalashtirmoqda.

Vorobyovning qo‘shimcha qilishicha, Moskva viloyati O‘zbekistonga Rossiya farmatsevtika mahsulotlari eksportining 50 foizini tashkil qiladi.

Shuningdek, ushbu hududda o‘zbekistonlik investor podshipnik ishlab chiqaruvchi korxona ochadi.

«Biz O‘zbekiston sarmoyadorlari uchun ochiqmiz, bizda oltita erkin iqtisodiy zona (EIZ), 72 ta sanoat parki bor, yana 27 tasi yaratilish bosqichida», – deya ta’kidlagan viloyat gubernatori.

Eslatib o‘tamiz, Kursiv Uzbekistan Toshkentda bo‘lib...

O‘qituvchilar o‘rtasida har ikki yilda bir marotaba «Yil o‘qituvchisi» va «Kasbiy mahorat yetakchisi» tanlovlari o‘tkaziladi. Bu haqda hukumat qarori qabul qilindi.

Unga ko‘ra, 2026-yildan Maktabgacha va maktab ta’limi vazirligidagi umumiy o‘rta ta’lim tashkilotlari pedagog xodimlari o‘rtasida «Yil o‘qituvchisi» va pedagogik mahorat markazlari direktorlari orasida «Kasbiy mahorat yetakchisi» tanlovi bo‘lib o‘tadi. Qaror bilan ushbu tanlovlarni o‘tkazish to‘g‘risidagi nizomlar ham tasdiqlandi.

G‘olib bo‘lgan har bir nomzodga QR-kodli sertifikat va Bazaviy hisoblash miqdorining (BHM) 1400 baravariga (525 mln so‘m) teng pul mukofoti beriladi.

Avvalroq Kursiv Uzbekistan yangi o‘quv yilidan pedagogika yo‘nalishida sirtqi ta’limga qabul bo‘lmasligi haqida yozgandi.

Intellektual mulk obyektlariga bo‘lgan huquqlarni tasdiqlovchi muhofaza hujjatlarini yagona QR-kod (matrik shtrixli kod) qo‘yilgan holda elektron shaklda avtomatik tarzda berish taklif etilmoqda. Bu haqda Oliy Majlis Qonunchilik palatasi matbuot xizmati xabar bermoqda.

Palata intellektual mulk obyektlarini ro‘yxatdan o‘tkazish tartiblarini soddalashtirishga qaratilgan qonun loyihasini birinchi o‘qishda ko‘rib chiqdi. Loyiha doirasida sanoat mulki obyektlarini ro‘yxatdan o‘tkazishda davlat boji to‘langanini tasdiqlovchi hujjatlarni taqdim etish talabi bekor qilinadi.

Unga ko‘ra, elektron hisoblash mashinalari dasturlari va ma’lumotlar bazalarini ro‘yxatdan o‘tkazish uchun tekshiruv muddati 10 kun etib belgilanmoqda.

Tovar kelib chiqqan joy nomidan foydalanish huquqini ro‘yxatdan o‘tkazishga doir talabnomada ifodalangan belgini ekspertizadan o‘tkazish muddatini yetti...

O‘zbekiston valyuta birjasi ma’lumotlariga ko‘ra, 29-aprel kuni dollarning o‘rtacha kursi 12 933,16 so‘mni tashkil etib, oldingi kun bilan solishtirganda 14,94 so‘mga tushdi.

28-aprel kuni esa o‘rtacha kurs 12 948,10 so‘m bo‘lib, 9,04 so‘mga oshgan edi.

Dollar kursi o‘tgan haftani keskin pasayishdan so‘ng, ko‘tarilish bilan yakunlagandi: 25-aprel kuni o‘rtacha kurs 12 957,14 so‘m bo‘lib, 29,97 so‘mga oshgan edi. 24-aprelda 11,47 soʻmga oshib, 12 890,43 soʻmni tashkil etdi. 23-aprel kuni o‘rtacha kurs 12 890,43 so‘m bo‘lib, 11,47 so‘mga oshdi. 22-aprel kuni esa 12 878,96 so‘mga tushib, 30,68 so‘mga pasaydi. 21-aprel kuni esa 12 909,64 so‘mni tashkil etib, 28,56 so‘mga tushgan.

Shuningdek, Markaziy bank tomonidan...

O‘zbekiston Markaziy banki yirik bank o‘tkazmalari ustidan nazoratni kuchaytirishni rejalashtirmoqda. Bu haqda Markaziy bank raisi o‘rinbosari Sodir Meliboyev ma’lum qildi.

To‘lov xizmatlarini tartibga soluvchi va bu boradagi huquqbuzarliklar profilaktikasini joriy qiluvchi qonun qabul qilinishi kutilmoqda.

Onlayn to‘lovlar bilan firibgarlik holatlari kuchayib borayotgan bir sharoitda firibgarlikka qarshi kurash va foydalanuvchilarni aniqlashning biometrik tizimlarini joriy qilish muhim ahamiyatga ega ekanligi qayd etildi.

Tartibga soluvchi to‘lov bozori ishtirokchilari uchun qoidabuzarliklarni uchta: qo‘pol, jiddiy hamda xavf katta bo‘lmagan toifalarga ajratish niyatida. Ulardan kelib chiqib, qoidabuzarlarga nisbatan jazo choralari qo‘llaniladi.

Meliboyev regulyator iste’molchilarni himoya qilish uchun qo‘shimcha vakolatlar olishini qo‘shimcha qilgan. Biroq u Markaziy...

Saudiya Arabistoni Ichki ishlar vazirligi tomonidan Haj ziyoratini maxsus ruxsatsiz amalga oshirish yoki bu kabi qonunbuzarliklarga ko‘maklashgan shaxslarga nisbatan keskin choralar e’lon qilindi. Bu haqda Saudi Gazette nashri xabar berdi. Yangi tartiblar 29-apreldan boshlab amal qiladi.

Unga ko‘ra, Haj amallarini ruxsatnomasiz bajarishga uringan shaxslarga eng ko‘pi bilan 20 ming Saudiya riyali (taxminan $5300) miqdorida jarima qo‘llaniladi. Bu jazo Makkaga kirish yoki u yerda qolishga uringan barcha turdagi viza egalariga amal qiladi.

Shuningdek, ruxsatnomasiz Haj amallarini qilishni qo‘llab-quvvatlaganlar – viza, transport, boshpana bergan yoki yashirishga uringan shaxslarga esa 100 ming Saudiya riyaligacha jarima belgilanadi. Ushbu jarima har bir...

Toshkent shahrida Gretsiya elchixonasi ochildi. Bu haqda O‘zbekiston Tashqi ishlar vaziri Baxtiyor Saidov o‘zining Telegram kanalida ma’lum qildi.

Vazir Gretsiyaning O‘zbekistondagi yangi tayinlangan elchisi Paraskevi Tzevelekdan ishonch yorliqlari nusxalarini qabul qilgan. Uchrashuv davomida siyosiy muloqotni mustahkamlash, savdo-iqtisodiy aloqalarni rivojlantirish, madaniy va ta’lim sohalarida hamkorliklarni kengaytirish muhokama qilindi.

«Toshkent shahrida Gretsiya elchixonasining ochilishini olqishlaymiz va bu qadam mamlakatlarimiz o‘rtasidagi hamkorlikni yanada jadallashtirishga xizmat qiladi deb ishonamiz», – deya yozgan Baxtiyor Saidov.

Eslatib o‘tamiz, «Kursiv» O‘zbekistonning Estoniyaga tayinlangan yangi elchisi Timur Rahmonov 16-aprel kuni ushbu davlat prezidenti Alar Karisga ishonch yorliqlarini topshirgani haqida yozgan edi.

Oliy Majlis Senati «Banklarni sanatsiya qilish va tugatish to‘g‘risida» qonun loyihasini ma’qulladi. Bu haqda Senat matbuot xizmati xabar berdi.

Unga ko‘ra, ushbu qonun bilan banklarni sanatsiya qilish bo‘yicha vakolatli davlat organi, sanatsiya qilishning maqsadlari va prinsiplari belgilanadi.

Shuningdek, sanatsiya qilishni boshlash uchun asoslar, sanatsiya qilishni moliyalashtirish mexanizmlari, banklarni ixtiyoriy va majburiy tugatish tartibi ham kiritiladi.

Jumladan, hozirda qonunchilikda banklarni sanatsiya qilish tizimi mavjud emas. To‘lovga qobiliyatsiz banklar «Banklar va bank faoliyati to‘g‘risida»gi qonun asosida majburiy tugatib kelinmoqda.

Ma’lumot uchun, sanatsiya – yirik banklardan birortasi to‘lovga qobiliyatsiz holatga tushib qolsa, muammoni minimal zarar bilan hal qilish, bunda davlat mablag‘larini ishlatmaslikni...

Hyundai Trans Kazakhstan (HTK) Sonata, Elantra, Tucson, Santa Fe, Palisade modellarida Qozog‘istonda ishlab chiqarilgan batareyalardan foydalanadi. Bu haqda «Avtopotok» nashri xabar bermoqda.

Hyundai kompaniyasining bir nechta modellarini yig‘ib, mintaqaviy bozorga chiqarayotgan Ostonadagi Hyundai zavodi Sonata, Elantra, Tucson, Santa Fe, Palisade batareyalarda mahalliy mahsulotlardan foydalanadi.

Memorandum Kainar-AKB va HTK tomonidan imzolangan. Hamkorlik doirasida Hyundai avtomobillarini ishlab chiqaruvchi Olmaota zavodida Qozog‘istonda ishlab chiqarilgan akkumulyatorlardan foydalaniladi. Mahalliy energiya manbalariga o‘tish ishlab chiqarish siklining mustaqilligini oshiradi va import xarajatlarini kamaytirishi kutilmoqda.

Eslatib o‘tamiz, Kursiv Uzbekistan Qozog‘istondagi HTK avtomobil zavodiga 8,5 mlrd tenge (taxminan $16 mln) miqdorida qo‘shimcha sarmoya kiritilgani haqida yozgan edi.

2025/2026-o‘quv yilidan boshlab pedagog kadrlarni tayyorlash faqat kunduzgi va kechki ta’lim shakllarida amalga oshiriladi. Sirtqi ta’lim shakliga qabul bekor qilinadi.

Shuningdek, oliy pedagogik ta’lim yo‘nalishida nodavlat ta’lim xizmatlarini litsenziyalash endilikda Maktabgacha va maktab ta’limi vazirligi xulosasi asosida amalga oshiriladi.

Yangi o‘quv yilidan xorijiy mutaxassislar jalb etilgan xalqaro ta’lim dasturlari joriy qilingan yo‘nalishlarda professor-o‘qituvchilarni tanlab olish tizimi yo‘lga qo‘yiladi.

Shu bilan birga, 2026/2027-o‘quv yilidan boshlab alohida ta’lim ehtiyojlariga ega bolalarga yo‘naltirilgan «Gospital pedagogika» yo‘nalishida magistratura mutaxassisligi bo‘yicha kadrlar tayyorlash yo‘lga qo‘yiladi.

Avvalroq «Kursiv» Nizomiy nomidagi O‘zbekiston milliy pedagogika universiteti tashkil etilishi haqida yozgandi.

Andijonda Qirg‘izistonga yerosti tunnellari qurgan fuqarolarga sud hukmi o‘qildi. Bu haqda Davlat xavfsizlik xizmati axborot xizmati xabar bermoqda.

Xonobod shahrining Alisher Navoiy mahallasi hududini Qirg‘izistonning Jalolobod viloyati Suzoq tumanidagi Bekobod qishlog‘i bilan bog‘lovchi ikkita yerosti tunneli orqali biri qirg‘izistonlik bo‘lgan bir guruh fuqarolar O‘zbekistonga tilla, telefon, planshet va aksessuarlar olib o‘tgan.

Tergov jinoiy guruhga 1983-yilda tug‘ilgan Qirg‘iziston fuqarosi rahbarlik qilgani, ishtirokchilar o‘rtasida topshiriq tarqatganligi aniqlangan.

Jinoyat ishlari bo‘yicha Andijon shahar sudi Qirg‘iziston fuqarosini Jinoyat kodeksining 182 va 223-moddalari bilan aybdor deb topib, 6 yil muddatga ozodlikdan mahrum qildi.

Uch nafar O‘zbekiston fuqarosi Jinoyat kodeksining 182-moddasi bilan aybdor deb topilib...

Nizomiy nomidagi Toshkent davlat pedagogika universiteti negizida Nizomiy nomidagi O‘zbekiston milliy pedagogika universiteti tashkil etiladi. Bu haqda prezident farmoni e’lon qilindi.

Unga ko‘ra, universitet respublika bo‘yicha pedagog kadrlar tayyorlashda yetakchi oliy ta’lim tashkiloti bo‘ladi.

Shuningdek, 2025/2026-o‘quv yilidan yangi universitetning boshqaruv tizimi Yangi O‘zbekiston universiteti tajribasi asosida takomillashtiriladi.

Shu bilan birga, hozirda mavjud 14 ta fakultet maqbullashtirilib, 6 ta pedagogika oliy maktablari yo‘lga qo‘yiladi. Universitetning bakalavriat ta’lim yo‘nalishlariga 1-bosqichdan xalqaro ta’lim dasturlari bosqichma-bosqich joriy etiladi.

Avvalroq «Kursiv» Yangi O‘zbekiston universitetida tibbiyot fakulteti tashkil etilishi haqida yozgandi.

O‘zbekistonda joriy yilning yanvar – mart oylarida o‘rtacha oylik ish haqi qariyb 5,8 mln so‘mni tashkil etdi. Bu haqda Milliy statistika qo‘mitasi xabar qildi.

Ushbu ko‘rsatkich o‘tgan yilning shu davriga nisbatan 18 foizga o‘sgan. 2024-yilda o‘rtacha oylik 4,9 mln so‘mni tashkil qilgandi.

Hududlar kesimida

Dastlabki uch oyda hududlar kesimida eng yuqori ish haqi 9,8 mln so‘m bilan Toshkent shahrida kuzatilgan. 2024-yilga nisbatan 22,7 foizga o‘sgan.

Keyingi o‘rinda Navoiy 7,3 mln so‘m (12,6%) hamda Toshkent viloyati 5,4 mln so‘m (14,3%) bilan turibdi. Ish haqining eng kam miqdori esa 4 mln so‘m (13,7%) bilan Qashqadaryoga to‘g‘ri kelmoqda.

Qolgan viloyatlarda esa...

Xitoyning mashhur onlayn savdo platformasi Temu Donald Tramp tomonidan Xitoy importlariga joriy etilgan 145 foiz bojlar sababli mahsulotlariga yuqori import to‘lovlarini qo‘shishni boshladi. Bu haqda CNBC axborot agentligi ma’lum qildi.

Unga ko‘ra, endilikda ayrim mahsulotlarning narxi ikki baravar oshib, arzonligi bilan mashhur bo‘lgan Temu xaridorlar e’tiborini yo‘qotmoqda.

Masalan, $18,47 turadigan yozgi ko‘ylakka $26,21 import to‘lovi qo‘shilib, umumiy narx $44,68 ni tashkil qilmoqda. Bu 140 foizdan ortiq qo‘shimcha xarajat degani. Temu ushbu to‘lovlar bojxona jarayonlarini qoplash uchun joriy etilganini bildirdi.

Tramp 2-maydan «de minimis» imtiyozini ham bekor qilishni rejalashtirmoqda, bu esa Temu va Shein kabi platformalarga katta zarba bo‘lishi mumkin...

Rossiyaning «Transport budushyego« kompaniyasi tomonidan O‘zbekistonda fuqarolik dronlarini ishlab chiqarish yo‘lga qo‘yiladi. Bu haqda kompaniya bosh direktori Yuriy Kozarenkoga tayanib, «TASS» xabar bermoqda.

Dron ishlab chiqaruvchi zavod qurilishi allaqachon boshlangan. U 2025-yil oxirigacha ishga tushiriladi. Transport of the Future ma’lumotlariga ko‘ra, kompaniya mahsulotlariga bo‘lgan talab yiliga $100 mlndan oshadi. O‘zbekistonda yig‘ilgan dronlarni mamlakat ichki bozoriga yetkazib berish, shuningdek, Rossiyaga eksport qilish rejalashtirilgan.

Birinchi bosqichda O‘zbekistonda ishlab chiqarishni mahalliylashtirish darajasi qariyb 50 foizni tashkil etadi. Kompaniya rahbariga ko‘ra, O‘zbekistonda o‘n minglab dronlarni bozorga samarali integratsiyalash mumkin.

Eslatib o‘tamiz, «Kursiv» O‘zbekiston va Rossiya mutaxassislari Transafg‘on temir yo‘lini loyihalashda ishtirok etishi haqida...

Prezident qarori bilan Yangi O‘zbekiston universiteti faoliyatini takomillashtirish choralari belgilandi. Bu haqda Adliya vazirligi ma’lum qildi.

Unga ko‘ra, qaror asosida universitetda eng iqtidorli yoshlar va yuqori salohiyatli professor-o‘qituvchilar ilmiy maktablarini shakllantirish, tibbiyot sohasida xalqaro standartlarga mos ta’lim, amaliyot va ilmiy tadqiqotlar uyg‘unligini ta’minlash ko‘zda tutilgan.

Universitet huzurida Ilg‘or bilim va tajribalar transferi markazi tashkil etiladi. 2025/2026-o‘quv yilidan magistratura talabalariga ham davlat granti asosida o‘qish imkoniyati yaratiladi. Shuningdek, 2027-yil 1-dekabrgacha xorijda ishlab chiqilgan texnika va asbob-uskunalar bojxona to‘lovlaridan ozod qilinadi.

Shuningdek, universitetda tibbiyot fakulteti tashkil etilib, Germaniya oliy ta’lim muassasalari bilan hamkorlikda faoliyat olib boradi. Ilmiy-tadqiqot loyihalari uchun grantlar ajratiladi...

Italiyaning Lamborghini avtomobil ishlab chiqaruvchi kompaniyasi yangi Temerario nomli gibrid superkarini taqdim etdi. Bu haqda kompaniya rasmiy saytida xabar qildi.

Ushbu yangi model kompaniyaning afsonaviy Huracan avtomobili o‘rnini bosishi kutilmoqda. Superkar 2025-yildan boshlab yo‘llarda paydo bo‘lishi kutilmoqda.

Temerario 920 ot kuchiga ega 4 litrli ikkita turbinali V8 dvigateli bilan jihozlangan. Shuningdek, unga ulangan uchta elektr motor 800 Nm aylanish momentini ta’minlaydi. Superkar 0 dan 100 km/soat tezlikka atigi 2,7 soniyada chiqadi, maksimal tezligi esa 343 km/soatni tashkil qiladi.

Mashina 3,8 kVt-soatli litiy-ionli batareyaga ega gibrid transmissiya bilan jihozlangan. Aerodinamikasi «Formula-1» poygalari talablariga mos ravishda ishlab chiqilgan: burilma generatsiyasi, olti...

Lynk & Co brendi tomonidan Lynk & Co 900 avtomobili Xitoy bozorida taqdim etildi. Bu haqda Autohome nashri xabar bermoqda. Avtomobil Li Auto L9, Aito M9, BMW X7 va Mercedes-Benz GLS kabi mashinalarga raqobatchi sifatida ishlab chiqilgan.

Avtomobil uch xil kuch tizimi bilan taklif etiladi.

Texnik xususiyatlari:

Avtomobilning narxi konfiguratsiyasiga qarab farqlanadi. Oddiy versiyasining narxi $42 mingdan boshlanadi. Ommaviy ishlab chiqarish 2025-yilning may oyidan boshlanadi.

Eslatib o‘tamiz, Kursiv Uzbekistan BYD kompaniyasi Denza N9 modelini taqdim etgani haqida yozgan edi.

BMT Bosh Assambleyasi O‘zbekiston tashabbusi bilan «Barqaror o‘rmon xo‘jaligi asosida o‘rmonzorlashtirish va o‘rmon tiklash bo‘yicha Harakatlar dekadasi» rezolyutsiyasini qabul qildi. Bu haqda Tashqi ishlar vazirligi ma’lum qildi.

Unga ko‘ra, hujjat 2027 – 2036-yillarni O‘rmonzorlashtirish va O‘rmon tiklash Dekadasi deb e’lon qiladi. Uni 80 dan ortiq davlatlar qo‘llab-quvvatladi. Rezolyutsiya O‘zbekistonda amalga oshirilgan «Yashil makon» umummilliy loyihasi, «Yashil kamar» aksiyasi va ekologiya sohasidagi boshqa tashabbuslariga asoslanadi.

Ushbu hujjat global darajada ekologik harakatlarni kuchaytirish va resurslarni safarbar etishga chaqiradi.

Eslatib o‘tamiz, avvalroq O‘zbekiston BMT Statistika komissiyasi a’zoligiga saylangan edi.

Rossiyadagi chet el fuqarolari va fuqaroligi bo‘lmagan shaxslarning huquqiy maqomini rasmiylashtirishi lozim bo‘lgan muddat shu yilning 10-sentabrigacha uzaytirildi. Bu bo‘yicha Rossiya prezidenti farmoni e’lon qilindi.

Avvalroq Vladimir Putin tomonidan imzolangan qarorda mamlakatda yashayotgan xorijliklar 2025-yilning 30-apreligacha o‘z huquqiy holatini qonuniylashtirishi yoki Rossiyani tark etishi talab qilingandi.

Ushbu talab Rossiyada noqonuniy yashayotgan fuqarolarga tegishli bo‘lib, qator shartlarni bajargan shaxslar bundan mustasno. Bunga biometrik ma’lumotlarni topshirish, tibbiy ko‘rikdan o‘tish, rus tilini bilish darajasini tasdiqlash, majburiy to‘lovlar bo‘yicha qarzlarni to‘lash kabi talablar kiradi.

Shuningdek, mehnat ruxsatnomasi, yashash guvohnomasi va boshqa ruxsatnomalarni berish rad etilishi uchun asoslar bo‘lmasa, ular mamlakatda qolishi mumkin.