Yangiliklar

Honor kompaniyasi yangi Honor X70 smartfonini iyul oyida taqdim etadi. Bu haqda ITHome texnologiyalar nashri xabar bermoqda.

Qurilma 6,79 dyuymli 1.5K aniqlikdagi tekis ekran bilan jihozlanadi. Asosiy e’tibor esa uning rekord darajadagi – 8300 mA⋅soatlik akkumulyatoriga qaratilgan. Bu hozirgi aksariyat smartfonlardan sezilarli darajada kuchliroq.

Smartfonda 80 vattli tezkor zaryadlash qo‘llab-quvvatlanadi. 512 GB xotiraga ega versiyada esa qo‘shimcha sifatida simsiz zaryadlash ham bo‘ladi. Honor X70 Snapdragon 6 Gen4 protsessori asosida ishlaydi va kundalik ishlarda yetarli unumdorlikni taqdim etadi.

Qurilma qalinligi bor-yo‘g‘i 7,7 mm, og‘irligi esa 193 gramm bo‘ladi. Simsiz zaryadlashli versiya biroz og‘irroq 199 gramm va 7,9 mm qalinlikda taqdim...

Samsung kompaniyasi Snapdragon 8 Elite protsessorli smartfonlar segmentida yetakchilikni qo‘lga oldi. Bu haqda 4PDA nashri xabar bermoqda.

Ma’lum bo‘lishicha, ushbu chip asosidagi smartfonlar orasida eng ko‘p sotilgan qurilma — Samsung Galaxy S25 seriyasi bo‘lgan. May oyining oxirigacha Galaxy S25 seriyasining umumiy sotuvi 16,61 million donaga yetgan. Bu natija boshqa barcha ishlab chiqaruvchilarning Snapdragon 8 Elite protsessorli smartfonlari birgalikdagi savdosidan ham yuqori bo‘lgan.

Seriyadagi eng ommabop model Galaxy S25 Ultra— 8,39 mln dona sotilgan. Keyingi o‘rinlarda Galaxy S25 (4,86 mln), Galaxy S25+ (3,17 mln) va Galaxy S25 Edge (0,19 mln) joylashgan.

Samsung’ning ushbu natijaga erishishida yangi Galaxy S25 flagman...

2024-yil yakunlariga ko‘ra, O‘zbekiston Rossiya makaronini import qilish bo‘yicha to‘rtinchi o‘rinni egalladi. Bu haqda Rossiya Qishloq xo‘jaligi mahsulotlarini eksport qilishni rivojlantirish federal markazi ma’lum qildi.

2021-yilda respublika to‘qqizinchi o‘rinda edi. Markaz ma’lumotiga ko‘ra, Rossiya makaronining eng yirik importchilari hali ham Qozog‘iston va Belarus bo‘lib qolmoqda.

2025-yilning yanvar-aprel oylarida Rossiya ushbu mahsulotdan 500 ming tonnadan ortiq ishlab chiqargan. Shu davrda Rossiya makaronining boshqa davlatlarga eksporti 16 foizga oshdi, eksportdan tushgan daromad esa uchdan birga ko‘paydi.

Ma’lumot uchun, 2024-yilda O‘zbekiston umumiy qiymati $1,6 mlrdlik oziq-ovqat mahsulotlarini import qilgan. Asosan bug‘doy va undan tayyorlangan mahsulotlar ($386,6 mln) xarid qilingan.

Avvalroq «Kursiv» nashri...

O‘zbekistonda elektromobillarni quvvatlash stansiyalariga to‘xtagan ichki yonuv dvigatelli avtomobillarni jarimaga tortish taklif etildi.

7-iyul kuni Savdo-sanoat palatasi tomonidan o‘tkazilgan ochiq muloqotda, Tokbor elektr zaryadlash stansiyalari tarmog‘i vakili Aziz Parpiyev shu boradagi tashabbus bilan chiqdi.

Uning aytishicha, elektromobil egalari ochiq turargohlardagi zaryadlash joylarini benzinli mashinalar egallab olayotgani, bu esa quvvatlash imkoniyatini deyarli imkonsiz holga keltirishi bo‘yicha shikoyatlar yo‘llagan.

Tokbor vakillari Ma’muriy javobgarlik to‘g‘risidagi kodeksga elektromobillar uchun ajratilgan quvvatlash hududlariga boshqa transport vositalarining kirishini taqiqlovchi va javobgarlikni nazarda tutuvchi moddani kiritishni taklif qilmoqda.

Savdo-sanoat palatasi raisi Davron Vahobov ushbu taklifni «asosli va o‘z vaqtida» deb baholab, uni rasmiy bayonnomaga kiritdi.

Avvalroq...

Mirzatilla Xolmedov O‘zbekiston davlat satira teatriga direktor etib tayinlandi. Bu haqda Madaniyat vazirligi xabar berdi.

Xabarga ko‘ra, 8-iyul kuni Madaniyat vazirining birinchi o‘rinbosari Avazxon Tadjixanov O‘zbekiston davlat satira teatrida tashkiliy va ijodiy masalalar bo‘yicha yig‘ilish o‘tkazgan. Unda sahnalashtirilayotgan spektakllarning sifati, tomoshabinlarni jalb etish, mahalliy va xalqaro gastrollarni tashkil etish kabi masalalar muhokama qilindi.

Yig‘ilish davomida Madaniyat vazirining tegishli buyrug‘iga asosan O‘zbekiston davlat satira teatri direktori lavozimiga O‘zbekistonda xizmat ko‘rsatgan artist Mirzatilla Xolmedov tayinlangani e’lon qilinib, jamoaga tanishtirildi.

Ma’lumot uchun, Mirzatilla Xolmedov ushbu lavozimga qadar «O‘zbekkonsert» davlat muassasasida so‘z ustasi sifatida faoliyat yuritgan.

Avvalroq «Kursiv» nashri O‘zbekistonning Serbiyadagi birinchi...

Mirzo Ulug‘bek tumanidagi «Yangi O‘zbekiston» ko‘chasida yer osti yo‘l o‘tkazgichi qurilishi munosabati bilan ayrim yo‘l qismlarida avtomobil harakati vaqtincha to‘xtatiladi. Bu haqda tuman hokimligi axborot xizmati xabar berdi.

Qurilish-ta’mirlash ishlari «Yangi O‘zbekiston» bog‘i hududida olib borilmoqda. Shu sababli 9-iyuldan 9-avgustga qadar Toshkent viloyatidan shaharga kirishda bog‘ga tutash ko‘cha qismi avtotransport vositalari harakati uchun yopiladi.

Mazkur davrda avtomobillar harakati bog‘ chegarasidagi aylanma yo‘l orqali «Milliy bog‘» ko‘chasiga yo‘naltiriladi.

Avvalroq Kursiv Uzbekistan Toshkent metrosida 13 ta bekatdagi chipta sotadigan kassalar yopilishi haqida yozgandi.

Prezident qaroriga ko‘ra, 2028-yil Los-Anjelesda bo‘lib o‘tadigan Olimpiada va Paralimpiada o‘yinlariga tayyorgarlik ko‘rish bo‘yicha yangi tizim joriy etildi. Endi sportchilar medallar sonini oshirish, yangi yo‘nalishlarda litsenziyalar olish va xalqaro hamkorlikni kengaytirish yo‘nalishlarida tayyorlanadi.

Sport turlari ustuvor, istiqbolli va rivojlanayotgan guruhlarga bo‘linadi. Bu ro‘yxat har to‘rt yilda qayta ko‘rib chiqiladi.

Shuningdek, «Yangi O‘zbekiston Olimpia cho‘qqilari» musobaqalari yo‘lga qo‘yiladi. Bu musobaqalar yoshlar o‘rtasidagi chempionatlarni uch bosqichda o‘tkazish asosida tashkil etiladi. G‘oliblar milliy terma jamoaga zaxira sifatida yuboriladi.

Birinchi va ikkinchi o‘rin egalari respublika tayyorlov markazlariga, uchinchi o‘rin egalari esa hududiy markazlarga yo‘naltiriladi.

2025/2026 o‘quv yilidan boshlab Respublika Olimpia va Paralimpia...

Ijtimoiy tarmoqlardagi «UzTest» Buxoro hududiy filialida ayrim sinov va o‘lchash uskunalari o‘g‘irlangani, markazida 6 milliard so‘m mablag‘ maqsadsiz sarflangani haqida xabarlar tarqalgandi. Markaz xabarlar yuzasidan markaz rasmiy bayonot berdi.

Unga ko‘ra, O‘zbekiston ilmiy-sinov va sifat nazorati markazining Buxorodagi bo‘linmasida umumiy qiymati 400 million so‘mlik uskunalar – 150 million so‘mlik tormoz stendi va 250 million so‘mlik gazballonlarni o‘lchash vositalari o‘g‘irlangani tasdiqlandi.

Ushbu holat o‘tgan yilda O‘zbekiston texnik jihatdan tartibga solish agentligi huzuridagi Komplaens nazorat bo‘limi tomonidan o‘tkazilgan tekshiruvlar chog‘ida aniqlangan. Hodisaga oid hujjatlar 2024-yil noyabr oyida Buxoro viloyati huquqni muhofaza qilish organlariga taqdim etilgan va ayni paytda surishtiruv ishlari davom...

Realme kompaniyasi yangi Realme 15 Pro 5G smartfonini taqdim etishga tayyorlanmoqda. Bu model o‘tgan yilgi Realme 14 Pro’ning davomchisi bo‘ladi. Bu haqda Notebookcheck xabar bermoqda.

Smartfonda 120 Hz yangilanish tezligiga ega tekis ekran bo‘ladi. Ramkalar juda yupqa, old kamera esa ekran o‘rtasiga joylashtirilgan. Orqa tomonida uch kamerali yumaloq blok va kumush rangli jilolangan korpus bor. Shuningdek, yashil va binafsha rangli versiyalari ham bo‘ladi.

Asosiy kamera — 50 megapikselli, optik stabilizatsiya (OIS) bo‘lishi mumkin. Qurilma 8 yoki 12 GB tezkor xotira, 128 dan 512 GB gacha doimiy xotira bilan taqdim etiladi. Protsessor aniq ko‘rsatilmagan, ammo Qualcomm’ning yangi o‘rta toifadagi...

Qashqadaryo viloyatining Nishon tumanidagi Tolimarjon issiqlik elektr stansiyasida umumiy quvvati 1065 MVt bo‘lgan ikkita zamonaviy bug‘-gaz qurilmasi bunyod etilmoqda. Bu haqda Energetika vazirligi xabar berdi.

Loyihaning amalga oshirilishida Ispaniyaning Intecsa Ingeniera Industrial S.A., Yaponiyaning Mitsubishi Corporation va Turkiyaning Çalik Enerji kabi yetakchi xorijiy kompaniyalari ishtirok etmoqda.

Ayni paytda qurilish ishlari yakuniy bosqichga yetib, asosiy energiya uskunalari o‘rnatildi. Loyiha to‘liq ishga tushgach, stansiya yiliga qo‘shimcha 8 milliard kVt⋅soat elektr energiyasi ishlab chiqaradi.

Avvalroq Kursiv Uzbekistan Aksa Enerji Qashqadaryodagi issiqlik elektr stansiyasini to‘liq ishga tushirgani haqida yozgandi.

Ushbu stansiya 430 megavatt quvvatga ega. Kompaniya bu galgi loyihasi bilan O‘zbekistonda...

Uzbekistan Airports parvoz qilish yoki tanishlarni aeroportda kutib olishni rejalashtirayotganlar uchun reyslar holati haqida ishonchli va tezkor ma’lumotni olish usullari haqida ma’lumot berdi.

Birinchi usul

Uzbekistan Airports rasmiy sayti – www.uzairports.com‘da «Parvozlar holati» bo‘limida real vaqt rejimida barcha jo‘nab ketayotgan va kelayotgan reyslar, ularning raqami, yo‘nalishi va holati ko‘rsatiladi.

Ikkinchi usul

Telegram orqali @UzairportsBot rasmiy bot orqali reys haqida tez va ro‘yxatdan o‘tmasdan ma’lumot olish mumkin.

Uchinchi usul

Uzbekistan Airports mobil ilovasi iOS va Android foydalanuvchilari uchun mavjud. Ilova orqali reyslar jadvali, ogohlantirishlar va xizmatlar haqida doimiy xabardor bo‘lish mumkin. Yuklab olish:

To‘rtinchi...

Twitter (hozirda X) asoschilaridan biri Jek Dorsi yangi Bitchat nomli Bluetooth orqali ishlaydigan messenjer ishlab chiqdi. Bu haqda Forbes nashri xabar berdi.

Ushbu ilova internet, telefon raqami va elektron pochta talab qilmaydi. Xabarlar faqat foydalanuvchi qurilmasida saqlanadi va avtomatik tarzda o‘chiriladi. Ilova markazlashgan serverlar tizimidan foydalanmaydi, bu esa uni senzura va axborot nazoratidan himoya qiladi.

Bitchat yaqin masofadagi foydalanuvchilar qurilmalarini Bluetooth orqali bog‘lab, shifrlangan xabar almashish imkonini beradi. Qurilmalar harakatda bo‘lgan paytda xabarlar bir telefon orqali boshqasiga uzatiladi, internet tarmog‘iga ulanmasdan ham aloqa davom etadi.

Ilova guruhli chatlar, ya’ni maxfiy «xonalar»ni taqdim etadi. Bu xonalar parol bilan himoyalanishi mumkin...

Xiaomi yaqinda YU7 modelidagi ilk krossoverini sotuvga chiqargan edi. Endi kompaniya undan ham katta hajmdagi yangi avtomobilni – hozircha Xiaomi YU9 deb atalayotgan modelni sinovdan o‘tkazmoqda. «Avtorevyu» nashrida avtomobilning ilk suratlari paydo bo‘ldi.

Model hajmi jihatidan besh metrdan uzun bo‘lib, uch qator o‘rindiqqa ega bo‘ladi. Uning dizayni avvalgi Xiaomi mashinalaridan farqli: shakllari ancha burchakli va keskinroq. Bu avtomobil to‘liq gibrid bo‘lishi kutilmoqda. YU9 elektr platformaga asoslangan bo‘lsa-da, unga benzin generatori ham qo‘shiladi. Bu texnologiya yurish masofasini 1500 kilometrgacha oshiradi.

Xitoy OAVlariga ko‘ra, YU9 modelining asosiy raqiblari Li L9 va Aito M9 bo‘ladi. Narxi esa 400 ming yuandan boshlanishi kutilmoqda...

Turkiyaning xususiy elektr ishlab chiqaruvchisi Aksa Enerji O‘zbekistondagi to‘rtinchi loyihasi – Tolimarjon gaz kombinatsiyalashgan issiqlik elektr stansiyasini to‘liq quvvatda ishga tushirdi. Bu haqda Bloomberg HT nashri xabar berdi.

Ushbu stansiya 430 megavatt quvvatga ega. Ilgari Toshkent A, Toshkent B va Buxoro elektr stansiyalari ishga tushirgan.

«Mazkur loyiha O‘zbekiston hukumati va «O‘zbekiston milliy elektr tarmoqlari» AJ bilan hamkorlikda amalga oshirilgan bo‘lib, u ikki mamlakat o‘rtasidagi iqtisodiy aloqalarni mustahkamlashga xizmat qiladi.

Tolimarjon stansiyasi nafaqat elektr ta’minoti xavfsizligini oshiradi, balki mahalliy bandlikni rivojlantirib, ta’minot zanjirini kuchaytiradi hamda mintaqaviy ijtimoiy-iqtisodiy taraqqiyotga hissa qo‘shadi», – dedi Aksa Enerji boshqaruvi raisi...

Tecno Spark 40 seriyasini to‘rtta model bilan boyitdi. Ular Tecno Spark 40, 40C, 40 Pro va 40 Pro+ modellaridir. Bu haqda Gizmochina xabar bermoqda.

Pro versiyalari o‘zining yupqaligi bilan ajralib turadi. Ularning qalinligi atigi 6,69 va 6,49 mm. Bu ularni bozordagi eng yupqa smartfonlardan biriga aylantiradi.

Spark 40 Pro+ modeli MediaTek Helio G200 protsessori asosida ishlaydi. U IP64 namlikdan himoya darajasi, 5200 mA/soat sig‘imli akkumulyator va 45 vattlik tezkor quvvat olish imkoniyatiga ega.

Bundan tashqari, 30 vattli simsiz va 5 vattli teskari simsiz quvvatlash funksiyalari ham mavjud.

Smartfonda 6,78 dyuymli OLED ekran bor. Uning aniqligi 1224p, yangilanish chastotasi esa...

Jizzaxda 1,5 milliard so‘mlik tabiiy gaz o‘g‘irlandi. Bu haqda «Oʻzenergoinspeksiya» xabar berdi.

Ma’lum bo‘lishicha, viloyatning G‘allaorol tumanidagi Ftiziatriya dispanseri elektron gaz hisoblagichga tashqi ta’sir ko‘rsatib, tabiiy gazdan noqonuniy foydalanib kelgan.

Dastlabki hisob-kitoblarga ko‘ra, ushbu qoidabuzarlik oqibatida gaz ta’minoti korxonasiga 1 milliard 535 million so‘m zarar yetkazilgan.

Hozirda holat yuzasidan huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

Avvalroq iyun oyi mobaynida 136 mlrd so‘mlik energiya resurslaridan noqonuniy foydalanilgani haqida yozgandik.

Xabarga ko‘ra, iyun oyida iste’molchilar tomonidan energiya resurslaridan noqonuniy foydalanilgan 234 ta holat aniqlandi. Shuningdek, iste’molchilar tomonidan energiya resurslaridan foydalanish qoidalarini buzish bilan bog‘liq...

Toyota Gazoo Racing jamoasi GR Yaris Rally2 H2 nomli vodorod dvigateli bilan jihozlangan ralliga mo‘ljallangan avtomobilni taqdim etdi.

Jamoa ushbu avtomobil bilan Finlyandiya rallisida debyut qilmoqchi. Kompaniya 2021-yildan buyon vodorod dvigateli o‘rnatilgan Corolla avtomobili bilan musobaqalarda qatnashib keladi.

Vodorod dvigatelli avtomobilning oddiy avtomobildan farqi shundaki, unda yonilg‘i o‘rniga vodorod gazi quyiladi.

U qanday ishlaydi

Vodorod dvigatelining ikki asosiy turi bor. Ichki yonuv vodorod dvigateli — oddiy benzin dvigateliga o‘xshaydi, lekin unda yonilg‘i o‘rniga siqilgan vodorod gazi yoqiladi. Yonish jarayonida asosan suv bug‘i ajraladi, shuning uchun zararli gaz chiqindisi deyarli bo‘lmaydi.
Vodorod yonilg‘i elementi esa boshqacha ishlaydi: vodorod maxsus qurilmada...

8-iyul kuni OnePlus kompaniyasi o‘zining yangi OnePlus Buds 4 simsiz quloqchinlarini global miqyosda namoyish qildi. Bu haqda Notebookcheck nashri xabar qildi.

Kompaniya shu bilan birga 43 mm o‘lchamdagi Watch 3 aqlli soatini ham taqdim etdi. Buds 4 quloqchinlarining narxi $129.99.

Quloqchinlarning eng asosiy xususiyati – ikkita dinamikli audio tizimi. 11 millimetrli bass uchun mo‘ljallangan dinamik va 6 millimetrli yuqori chastotali dinamik. Har bir dinamik alohida DAC (raqamli-analog konvertor) bilan ta’minlangan bo‘lib, bu esa flagman darajadagi ovoz sifatini ta’minlaydi.

OnePlus Buds 4 LHDC 5.0 kodekni qo‘llab-quvvatlaydi. Bu 24-bit/192 Hz namunaviy chastotaga ega, yo‘qotilmas (lossless) audio uzatishni ta’minlovchi zamonaviy kodek hisoblanadi...

Yozda biz kuchli ochlikni kamroq his qilamiz, shuning uchun yog‘li va og‘ir taomlarni kam kaloriyali alternativalar bilan almashtirish mumkin. Bundan tashqari, issiq tufayli ko‘proq terlaymiz va ko‘proq suv ichamiz, bu esa tanani shaklda ushlab turishga tabiiy ravishda yordam beradi.

Quyidagi top – 5 ta usul bilan esa yozgi issiqni va mavsumiy mahsulotlarni o‘z foydangizga ishlatib, tez vazn tashlashingiz mumkin.

Ko‘p suv iching

Ozishni istagan har bir inson amal qilishi kerak bo‘lgan yagona qoidalardan biri — ko‘p suv ichishdir. Oddiy suv, kokos suvi, limonli suv – bularning barchasi suv balansini saqlash uchun juda yaxshi variantlar. E’tiborda tuting: ichimlikda...

2025-yil 7-iyul kuni «Issiqxona gazlarining chiqarilishini cheklash to‘g‘risida»gi qonun qabul qilindi. Bu haqda Adliya vazirligi ma’lum qildi.

Ushbu hujjat O‘zbekistonda ekologik xavfsizlikni ta’minlash va iqlim o‘zgarishiga qarshi kurashish bo‘yicha muhim huquqiy asoslardan biri bo‘lib xizmat qiladi.

Qonunga muvofiq, issiqxona gazlari chiqindilarini cheklash choralari qator yo‘nalishlarni o‘z ichiga oladi. Bunga davlat hisobini yuritish, maqsadli ko‘rsatkichlarni belgilash, shuningdek, gazlarni qisqartirish va ularni tutib qolish bo‘yicha faoliyatni qo‘llab-quvvatlash kiradi.

Yuridik shaxslar, yakka tartibdagi tadbirkorlar va jismoniy shaxslar O‘zbekiston hududida «yashil» loyihalarni amalga oshirish huquqiga ega bo‘ladi. Bunday loyihalar ekologik toza texnologiyalarni joriy etish orqali gaz chiqindilarini kamaytirishni maqsad qiladi.

Qonunga binoan, mamlakat...

O‘zbekistonda internet orqali noqonuniy qimor o‘yinlari, lotereyalar va bukmekerlik xizmatlari uchun jarimalar joriy qilindi. Bu tartib «Internetda tavakkal o‘yinlar va xizmatlar uchun jarima qo‘llash to‘g‘risidagi nizom»da belgilangan.

Jarima O‘zbekiston fuqarolariga noqonuniy xizmat ko‘rsatgan xorijiy kompaniyalarga ham qo‘llanadi. Shuningdek, litsenziyasiz faoliyat yuritayotgan mahalliy tashkilotlar ham jazolanadi. Mazkur nizom tashabbuskori Istiqbolli loyihalar milliy agentligi (ILMA) bo‘lib, jarimani mazkur agentlik belgilaydi.

Jarima miqdori kompaniya ustav fondining 1 foizigacha bo‘lishi mumkin. Xorijiy kompaniyalar esa 10 mingdan 25 minggacha bazaviy hisoblash miqdorida jarimaga tortiladi.

Maxsus komissiya qaroriga asosan, yozma xabarnoma yuboriladi. Jarima 15 kun ichida to‘lanishi kerak. To‘lanmasa, sud orqali undiriladi.

Qoidabuzarliklar orasida litsenziyasiz...

2025-yil 7-iyulda prezidentning «Xalqaro shartnomani tasdiqlash to‘g‘risida»gi qarori qabul qilindi. Bu haqda Adliya vazirligi ma’lum qildi.

Unga ko‘ra, Mustaqil Davlatlar Hamdo‘stligiga a’zo davlatlar o‘rtasida 2010-yil 10-dekabrda imzolangan shaxslarni davlatlararo qidirish to‘g‘risidagi bitimga o‘zgartirishlar kiritilgan bayonnoma tasdiqlandi.

Mazkur bayonnoma 2024-yil 18-oktabrda Moskva shahrida imzolangan. Bitimni amalga oshirish bo‘yicha mas’ul vakolatli organlar etib Ichki ishlar vazirligi, Davlat xavfsizlik xizmati va Bosh prokuratura belgilandi.

Shuningdek, Vazirlar Mahkamasi hamda tegishli idoralar ushbu xalqaro shartnoma kuchga kirgach, uning bajarilishi ustidan nazoratni ta’minlaydi.

Eslatib o‘tamiz, avvalroq 2025-yil II choragi bo‘yicha Davlat xizmatlari markazlari faoliyati reytingi e’lon qilingan edi.

Xitoyning avtomobil ishlab chiqaruvchi Geely kompaniyasi yangi Galaxy A7 elektromobilini taqdim etdi. Bu haqda Speedme nashri xabar berdi.

Bu model sun’iy intellekt bilan jihozlangan gibrid sedan bo‘lib, 11-iyuldan boshlab Xitoyda oldindan buyurtma qilish uchun ochiladi.

Galaxy A7 EM-i kompaniyaning yangi GEA arxitekturasi asosida ishlab chiqilgan birinchi modeli bo‘lib, SI Super Hybrid 2.0 tizimi bilan jihozlangan. Ushbu tizim 1,5 litrli benzinli dvigatel va 175 kVt quvvatga ega elektr motor yordamida 2100 kilometrgacha yurish masofasini ta’minlaydi. Shuningdek, model 11 bosqichli yangi transmissiya bilan to‘liq jihozlangan.

Model salonida 15,4 dyuymli markaziy ekran, Flyme Auto multimedia tizimi, 16 dinamikali audio tizim, proeksion...

Klublar o‘rtasidagi jahon chempionatining dastlabki yarim finalida «Chelsi» «Fluminense»ni 2:0 hisobida mag‘lub etdi.

Birinchi bo‘limda «Chelsi» ishonchliroq ko‘rindi va to‘pni nazorat qilib, ko‘proq xavfli vaziyatlar yaratdi. 19-daqiqada Juan Pedro himoyachining xatosidan so‘ng uzoq burchakka aniq zarba yo‘llab, klub safidagi debyut golini urdi.

«Fluminense» hujumlar bilan javob qaytarishga urindi, ayniqsa qanotda Guga faol harakat qildi. Biroq uning sheriklarining zarbalari bloklandi yoki aniq bo‘lmadi. Bo‘lim yakuniga kelib o‘yin sur’ati pasaydi, jamoalar ko‘p hollarda qoida buzishdi va o‘yin asosan maydon markazida kechdi.

Ikkinchi bo‘limda braziliyaliklar ikki o‘zgarish amalga oshirib, Keno va Everaldoning chiqishi bilan hujumni kuchaytirdi. «Chelsi» bosim uyushtirishda davom etdi: Palmer va...