Yangiliklar

«Toshkent» respublika fond birjasidan (RFB) joy olgan yuqori likvidli aksiyalar ortda qolgan haftada (14-fevraldan 21-fevralgacha) turli dinamikani qayd etdi. Ushbu davrda UCI fond indeksi 0,73 foizga pasaydi.

Aksiyalari eng katta oʻsishga erishgan kompaniyalar qatoridan «Aloqabank»ning imtiyozli aksiyalari (+11,36 %), «Qizilqumsement» (+6,75 %) va «Chilonzor buyum savdo kompleksi» (+9,13 %) joy oldi.

Oʻz navbatida, aksiyalari haftani salbiy natija bilan yakunlagan kompaniyalar orasida «Oʻzsanoatqurilishbank» (-5,05 %), «Ipak yoʻli banki» (-27,14 %) va «Aloqabank»ning oddiy aksiyalari (-7,32 %) yetakchilik qildi.

Bitimlar soni boʻyicha «Ipoteka-bank» (5,9 mingta), «Ipak yoʻli» (537 ta) va «OʻzRTXB» (463 ta) peshqadamlik qildi. Hajm boʻyicha esa «Universal bank...

Jinoyat protsessi ishtirokchilarini ijtimoiy himoya qilish Ijtimoiy himoya agentligiga yuklatildi. Bu haqda hukumat qarorida belgilandi.

Endilikda jinoyat protsessida ishtirok etgani sababli halok bo‘lgan, nogironlikka olib kelgan tan jarohati olgan, yengil tan jarohati yetkazilgan yoki mulkiy zarar ko‘rganlarga bir martalik nafaqa to‘lanadi. Nafaqa miqdori quyidagicha belgilanadi:

Eslatib oʻtamiz, Kursiv Uzbekistan AQSh Ijtimoiy toʻlovlar bazasidagi 150 yoshli odamlar tizimdagi xatolik bilan izohlangani haqida yozgan edi.

Samarqand va Krasnoyarsk oʻrtasida toʻgʻridan toʻgʻri havo qatnovi yoʻlga qoʻyildi. Bu haqda Air Marakand Kursiv Uzbekistan’ga ma’lum qildi.

1-apreldan boshlab Ural Airlines aviakompaniyasi Krasnoyarsk – Samarqand – Krasnoyarsk yoʻnalishi boʻyicha parvozlarni amalga oshiradi.

Mazkur yoʻnalish boʻyicha parvozlar haftada bir marta – seshanba kunlari amalga oshiriladi. Parvozlar quyidagi jadval asosida amalga oshiriladi:

Yangi yoʻnalishning ochilishi turizmni mustahkamlashga va hududlar oʻrtasidagi biznes aloqalari, yoʻlovchilarga qulay sharoitlarni ta’minlashga yordam berishi kutilmoqda.

Eslatib oʻtamiz, Samarqand aeroporti 2024-yilda yoʻlovchi oqimi...

25-fevral kuni AQSh dollarining rasmiy kursi 16,27 soʻmga pasayib, 12 899,91 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 840 – 12 900 soʻmdan sotib olayotgan boʻlsa, 12 900 – 12 980 soʻm oraligʻida sotmoqda.

O‘z navbatida, yevro 15,74 soʻmga pasayib, 13 507,50 soʻmni tashkil qildi. Rossiya rubli esa 0,86 soʻmga arzonlashib, 146,74 soʻmga teng boʻldi.

Avvalroq Kursiv Uzbekistan dollarning rasmiy kursi ilk marta 13 mingdan oshgani haqida xabar bergan edi.   

25 – 28-fevral kunlari yogʻingarchilik va havo haroratining oʻzgarishi sababli Oʻzbekistonning ayrim togʻli hududlarida qor koʻchishi xavfi mavjud, deb xabar bermoqda «Oʻzgidromet».

Aholi, dam oluvchilar va haydovchilarga quyidagi hududlarda ehtiyotkorlik choralarini koʻrish tavsiya etiladi:

Avvalroq Kursiv Uzbekistan 24-fevral kuni mamlakat boʻylab havo oʻzgaruvchan va ayrim hududlarda yogʻingarchilik kuzatilishi haqida xabar bergan edi.

Tashqi savdo operatsiyalarini monitoring qilish va nazorat qilish tartib-qoidalariga oʻzgartirishlar kiritildi.

Ma’lum qilinishicha, avvalgi tahrirda mavjud boʻlgan 26 ta atama endilikda 15 taga qisqartirildi. Shu bilan birga, hujjatga bir nechta yangi tushunchalar ham kiritildi:

Shuningdek, tashqi savdo shartnomasi doirasida bajarilgan ishlar yoki koʻrsatilgan xizmatlar Tashqi savdo operatsiyalarini yagona elektron axborot tizimiga (TSOYaEAT) tegishli dalolatnomalar nusxasi yuklangandan soʻng bajarilgan deb hisoblanadi.

Moliya agentining rezident yoki norezident boʻlishiga qarab...

Yevropa Ittifoqi (YI) Rossiyaning Ukrainaga qarshi urushi munosabati bilan 16-paket iqtisodiy va shaxsiy sanksiyalarni tasdiqladi.

Ushbu paket Rossiyaning harbiy-sanoat majmuasini bevosita qoʻllab-quvvatlaydigan tashkilotlarga qarshi keng qamrovli cheklovlarni oʻz ichiga oladi. Yangi sanksiyalar roʻyxatiga jami 53 ta subyekt kiritilgan. Ulardan uchdan bir qismi Rossiyaga tegishli boʻlsa, qolganlari boshqa davlatlarda joylashgan. Xususan, Qozogʻistonda 2 ta, Oʻzbekistonda esa 1 ta kompaniya ushbu roʻyxatga kiritilgan.

Ushbu kompaniyalar Rossiyaga qarshi savdo cheklovlarini chetlab oʻtishda yoki Rossiya harbiy operatsiyalari uchun zarur boʻlgan texnologik mahsulotlar – masalan, dronlar va raketalar uchun kerakli jihozlarni yetkazib berishda ayblanmoqda.

Bundan tashqari, Yevropa Ittifoqi ilk bor Rossiyadan tashqarida joylashgan bank...

Shimoliy Koreya oliy ta’lim sohasidagi sun’iy intellekt boʻyicha tadqiqotlarida OpenAI kompaniyasi tomonidan yaratilgan ChatGPT chat-botidan foydalanmoqda. Bu haqda The Korea Times nashri ma’lum qildi.

Voice of Korea nashrining xabar berishicha, Kim Ir Sen universiteti huzuridagi sun’iy intellekt ilmiy-tadqiqot instituti mutaxassislari ChatGPT va uning funksional imkoniyatlarini oʻrganish bilan shugʻullanmoqda.

Institutda foydalanilayotgan oʻquv materiallari modelning foydalanuvchi kiritgan ma’lumotlar asosida matnlarni qanday yaratishini tushuntirishga qaratilgan. Biroq Shimoliy Koreyada internetga qoʻyilgan qattiq cheklovlar hisobga olinganda, tadqiqotchilar servisdan qanday usulda foydalanayotgani noma’lumligicha qolmoqda.

Kim Ir Sen universiteti tadqiqotchisi Xan Chxol-Chjinning aytishicha, institut zamonaviy texnologiyalarni oʻrganish va ularni ichki ehtiyojlar uchun moslashtirishga ixtisoslashtirilgan.

Avvalroq Kursiv...

24-fevral kuni Istiqbolli loyihalar milliy agentligi (ILMA) City Pay Gate qoʻshma korxonasiga kriptoaktivlar aylanmasi sohasida xizmat koʻrsatuvchi provayderga ikkita litsenziya berdi. Bu haqda ILMA axborot xizmati xabar berdi.

Ma’lum qilinishicha, korxona mamlakatda toʻrtinchi kriptodepozitariy va oʻninchi kriptodoʻkonga aylandi. Kompaniyaning ulushdorlari Paynet (45 foiz), Litvaning UAB City Pay (45 foiz) va David Koberadze (10 foiz) ekanligi ma’lum qilindi.

Eslatib o‘tamiz, bu sohadagi litsenziyalash davlat bojlari kriptodoʻkon uchun 1,3877 mlrd soʻm, kriptodepozitariy uchun esa 2,625 mlrd soʻmni tashkil etadi.

Eslatib oʻtamiz, Kursiv Uzbekistan Binance kriptobirjasi Oʻzbekiston bozoriga kirishi haqida haqida xabar bergan edik.

Realme brendi bu mavsumda oʻzining super GT7 pro modelini taqdim etdi. Smartfonning texnik xususiyatlari kompaniya saytida eʼlon qilindi.

Shisha va metal korpusdan iborat 8K videoyozuvni qoʻllab-quvvatlaydigan uchta kamera va 6500 mA/soat quvvatga ega akkumulyator smartfonning raqobatchilar ichida alohida ajralib turishini taʼminlaydi.

Android 15 operatsion tizimda ishlaydigan ushbu modelning operativ xotirasi 12/16 GB, ichki xotirasi esa 1024 GB ni tashkil etadi. Smartfon ikkita Nano-sim kartani qoʻllab quvvatlaydi, ammo elektron sim karta uchun xizmat koʻrsata olmaydi. Modelning oʻlchamlari 163/77/8,6 mm tashkil etadi. ogʻirligi 223 g. Sensorli displey LTPO AMOLED, 6,78 dyuym, 1264×2780, 450 ppi, 120 Gts

Smartfonning orqa tarafdagi qora kvadrat...

2025-yilda ipoteka kreditlari uchun subsidiya dasturi doirasida 30 ming nafar talabgorga ipoteka subsidiyalari ajratiladi. Bu haqda Iqtisodiyot va moliya vazirligi ma’lum qildi.

Unga ko‘ra, subsidiyalarga arizalar 2025-yil 3-mart kuni soat 09:00 dan boshlab qabul qilinadi. Fuqarolar Davlat xizmatlari markazlariga murojaat qilishlari yoki my.gov.uz portali orqali ariza topshirishlari mumkin.

Subsidiyadan foydalanish uchun ariza beruvchi va uning yaqin qarindoshlarining o‘rtacha daromadi belgilangan miqdorda bo‘lishi hamda ularning nomida uy-joy mulki mavjud bo‘lmasligi talab etiladi.

Ma’lumot uchun, oʻrtacha daromad miqdori Qoraqalpogʻiston Respublikasi va viloyatlarda mehnatga haq to‘lashning eng kam miqdorining 2,7 baravaridan (3,12 mln so‘m) 8 baravarigacha (9,24 mln so‘m) etib belgilangan...

Joriy yilning yanvar oyida Oʻzbekistondan umumiy qiymati $81,7 millionlik 94,1 ming tonna meva va sabzavot eksport qilindi. Bu haqda Statistika agentligi xabar bermoqda.

Yil davomida yetkazib berish hajmi 35,5 foizga kamaydi, pul koʻrinishida esa 8,8 foizga oʻsdi.

Oʻzbekiston qishloq xoʻjaligi mahsulotlarining asosiy xaridorlari Rossiya ($19,3 million), Pokiston ($16 million) va Afgʻoniston ($10,2 million) boʻldi. MDHga a’zo boʻlmagan davlatlardan Xitoy $4,8 millionlik meva va sabzavotlar sotib olgan.

Oʻtgan oyda mamlakatdan $3,9 millionlik uzum, $4,1 millionlik olxo‘ri, $4,2 millionlik piyoz eksport qilindi.

Avvalroq «Kursiv Uzbekistan» Oʻzbekiston Rossiyaga eng koʻp xurmo eksport qilgani haqida yozgan edik.

Rossiyaning yirik onlayn savdo platformasi Wildberries Belarusda taksi xizmatini ishga tushirishni rejalashtirmoqda. Bu haqda Vedemosti nashri ma’lum qildi.

Unga ko‘ra, kompaniya vakili bu imkoniyat ko‘rib chiqilayotganini tasdiqladi. Wildberries 20 yillik faoliyati davomida logistika va transport sohasida yetarli tajriba to‘plagan va endi uni yangi yo‘nalishda qo‘llashni maqsad qilgan.

Taksi xizmati avval Minsk shahrida sinov tariqasida ishga tushirilishi kutilmoqda. Poytaxtdagi tajriba loyihasi yakunlanganidan so‘ng kompaniya xizmatni kengaytirish bo‘yicha qaror qabul qiladi.

Manbalarga ko‘ra, Wildberries taksi xizmati uchun ilovaning interfeysi allaqachon tayyor, biroq xizmatning qachon ishga tushirilishi hozircha noma’lum.

Eslatib o‘tamiz, avvalroq Wildberries & Russ RWB brendining logotipini taqdim etgan edi.

Tesla bosh direktori Ilon Mask kompaniya Uber platformasidan foydalanmasdan mustaqil ravishda haydovchisiz taksi xizmatini ishlab chiqishga qaror qildi. Bu haqda ithome xabar bermoqda.

Uber bosh direktori Dara Xosrovshaxi Mask bilan hamkorlik qilish imkoniyatini muhokama qilganini aytdi, lekin Tesla oʻz yoʻlidan borishni tanlagan.

Tesla’ning asosiy raqobatchisi Alphabet’ga (Googleʼning bosh kompaniyasi) tegishli boʻlgan Waymo boʻladi. Waymo allaqachon AQShning bir qator shaharlarida oʻzini oʻzi boshqaradigan tijoriy attraksionlarni yoʻlga qoʻygan. Tesla esa endigina ushbu xizmatni ishga tushirishga tayyorlanmoqda, ulardan birinchisi Ostin boʻlishi mumkin. Shunga qaramay Uber Tesla bilan kelajakdagi hamkorlikni istisno etmayapti.

Tesla 2024-yilda Kaliforniya va Texasdagi zavodlar xodimlari uchun oʻz-oʻzini boshqaradigan transport...

2025-yilning yanvarida Oʻzbekistonda 5,7 ming dona Chevrolet Cobalt ishlab chiqarilgan. Bu haqda Statistika agentligi xabar bermoqda.

Mamlakatda Damas modelini ishlab chiqarish kamaydi. Yanvar oyida 2,7 ming donani tashkil etib, 2024-yilning yanvariga nisbatan 28,5 foizga kamaygan.

Shuningdek, Kia ko‘rsatkichi salkam 2 mingtaga yetdi. Haval ishlab chiqarish hajmini olti baravar oshirib, oyiga 373 ta mashinani tashkil etdi. Bundan tashqari, 2025-yil yanvar oyida mamlakatda 802 ta BYD avtomobili yigʻilgan.

Yengil avtomobillar ishlab chiqarishning umumiy hajmi, 4,4 foizga kamaydi va 15 ming donani tashkil etdi.

Maxsus avtomobillarni ishlab chiqarish 32,4 foizga pasaygan. Oy davomida respublika avtomobil zavodlarida 17 ta avtobus yigʻildi, bu 2024-yil...

«Yangi O‘zbekiston» massivlarida ko‘p kvartirali uy-joylar qurilishi bilan bog‘liq yangi tartiblar joriy etiladi. Bu haqda Adliya vazirligi ma’lum qildi.

Unga ko‘ra, endilikda bunday uylarni qurish va sotish bilan faqat QQS to‘lovchi yuridik shaxslar shug‘ullanishi mumkin. Auksion orqali yer uchastkasini ijaraga olgan yuridik shaxslar 12 oy davomida yer solig‘ini to‘lashdan ozod qilinadi.

Qurilish loyihalarini tayyorlash va bajarish muddati aniq belgilab qo‘yiladi, ya’ni loyihani ishlab chiqish – 15 kun, loyiha ishlarini bajarish – 2 oy, qurilishni boshlash – 3 oy. 2025-yil 1-martdan boshlab qurilish tashkilotlariga aylanma mablag‘larni to‘ldirish uchun 24 oy muddatga imtiyozli kreditlar ajratiladi.

Ushbu kreditlar Markaziy bankning asosiy stavkasidan...

Yaponiyaning yuqori martabali amaldorlari va biznes doira vakillaridan iborat guruh Nissan kompaniyasini rivojlantirish boʻyicha yangi rejani ishlab chiqdi. Bu qadam Honda bilan birlashish muzokaralarining muvaffaqiyatsiz tugashi ortidan amalga oshirilmoqda.

Financial Times nashri manbalarga tayanib xabar berishicha, loyihada Amerika elektromobil ishlab chiqaruvchisi Tesla kompaniyasidan yangi sarmoyalarni jalb qilish rejalashtirilgan.

Loyihani ishlab chiqish jarayonida Tesla direktorlar kengashining sobiq a’zosi Xiro Mizuno faol ishtirok etmoqda. Tashabbusni Yaponiyaning sobiq bosh vaziri Yosixide Suga ham qoʻllab-quvvatlagan. Manbalarga koʻra, ular Tesla rahbari Ilon Maskka toʻgʻridan toʻgʻri murojaat qilish niyatida.

Tashabbus mualliflari Tesla kompaniyasini Nissan’ning strategik investoriga aylantirishga umid bildirmoqda. Hisob-kitoblarga koʻra, Tesla AQShdagi Nissan zavodlarini...

Ipoteka kreditlari boʻyicha dastlabki badal va foiz toʻlovlarining bir qismini qoplash uchun subsidiyalar sonini 1,5 baravarga oshirish maqsadida Davlat budjetidan 2,5 trillion soʻm yoʻnaltiriladi. Bu haqda prezidentning tegishli farmoni imzolandi.

Hududlarda jami 8 million kvadrat metrdan iborat 135 ming kvartirali uy-joylarni qurish va ipoteka kreditlari boʻyicha dastlabki badal va foiz toʻlovlarining bir qismini qoplash uchun subsidiyalar sonini 1,5 baravarga oshirish belgilanmoqda. Uy-joy va ipoteka bozorini moliyaviy resurslar bilan ta’minlash uchun 20,9 trillion soʻm miqdoridagi ipoteka kreditlari ajratiladi.

Shuningdek, «Yangi Oʻzbekiston va boshqa massivlarda binolarni barpo etishda qatnashadigan tashkilotlarni aylanma mablagʻlar bilan ta’minlash uchun Davlat budjetidan 700 milliard soʻm yoʻnaltiriladi...

Zagrebda O‘zbekiston delegatsiyasi Xorvatiya bilan mehnat migratsiyasini rivojlantirish masalalarida muzokaralar olib bordi. Bu haqda «Dunyo» AA ma’lum qildi.

Unga ko‘ra, tashrif davomida Xorvatiya Tashqi ishlar, Demografiya va migratsiya hamda Mehnat vazirliklari rahbarlari bilan uchrashuvlar tashkil etildi. Muzokaralar chog‘ida mehnat migratsiyasini rivojlantirish va hamkorlikni kengaytirish masalalari muhokama qilindi.

Xorvatiya tomoni o‘zbekistonlik mutaxassislarni ishga jalb etishga qiziqish bildirdi hamda ular uchun til kurslarini tashkil etishga tayyorligini ma’lum qildi. Shuningdek, mehnat vizalarini soddalashtirish va hukumatlararo bitim ishlab chiqish bo‘yicha kelishuvga erishildi.

Delegatsiya tashrif doirasida O‘zbekiston fuqarolarining huquqlarini himoya qilish masalalarini ham ko‘rib chiqdi. Xorvatiyada faoliyat yuritayotgan yurtdoshlar va yetakchi rekruting kompaniyalari vakillari...

Qatar hukumati Amerikaning Scale AI kompaniyasi bilan shartnoma tuzdi. Endi rasmiylar mamlakat fuqarolariga davlat xizmatlarini koʻrsatish uchun sun’iy intellekt (SI) sohasidagi ishlanmalardan foydalanadi. Bu haqda Reuters yozmoqda.

«Ushbu kelishuv dunyoning boshqa hukumatlari uchun namuna boʻlishi mumkin. Bu bizga texnologiyalarni yanada tezroq joylashtirishga imkon beradi», – dedi Scale AIni rivojlantirish boʻyicha global rahbari Trevor Tompson.

Qatar hukumati davlat boshqaruvida sun’iy intellekt vositalaridan foydalanishdan tashqari, aholiga xizmat koʻrsatish chogʻida toʻplangan ma’lumotlardan foydalangan holda neyron tarmoqlarni oʻrgatishni ham maqsad qilgan.

Scale AI – SI ilovalari uchun oʻquv ma’lumotlarini taqdim etadigan Amerika kompaniyasi. U 2016-yilda tashkil etilgan.

Avvalroq Kursiv...

24-fevral kuni O‘zbekiston bo‘ylab havo o‘zgaruvchan bo‘ladi, ayrim hududlarda yog‘ingarchilik kuzatiladi, deya xabar berdi «O‘zgidromet» agentligi.

Unga ko‘ra, Toshkentda biroz yomg‘ir yog‘ishi mumkin, harorat kunduzi 15-17° iliq bo‘ladi.

Qoraqalpog‘iston va Xorazmning ayrim joylarida qor yog‘adi, tuman tushishi ehtimoli bor. Ustyurtda kechasi 10-15° sovuq bo‘lishi kutilmoqda.

Buxoro va Navoiy viloyatlarida yomg‘ir qorga aylanishi mumkin, harorat kunduzi 2-7° iliq atrofida bo‘ladi.

Samarqand, Jizzax va Sirdaryo viloyatlarida havo bulutli bo‘lib, ba’zi joylarda yomg‘ir yog‘ishi mumkin.

Qashqadaryo va Surxondaryoda esa shamol kuchayishi kutilmoqda.

Farg‘ona vodiysi viloyatlarida havo ochiq bo‘lib, harorat 15-20° iliq atrofida bo‘ladi.

Tog‘li hududlarda esa yomg‘ir va qor...

Futbol bo‘yicha Angliya Premyer ligasining 26-tur doirasidagi markaziy bahsda «Manchester Siti» o‘z uyida «Liverpul»ni qabul qildi va mag‘lubiyatga uchradi.

O‘yindagi gollar birinchi bo‘limda kiritildi. 14-daqiqada Soboslai aniq uzatma bilan Muhammad Salohni to‘p bilan ta’minladi va misrlik futbolchi hisobni ochdi. 37-daqiqada esa Saloh uzatma berdi, Soboslai darvozasini ishg‘ol qildi.

Ikkinchi taymda «Manchester Siti» hujumlarni kuchaytirdi va bir nechta xavfli vaziyatlarni yaratdi. Biroq raqib darvozabonining ishonchli o‘yini va aniq zarba yetishmasligi sababli hisob o‘zgarmadi.

56-daqiqada «Liverpul» yana bir bor to‘pni darvozaga kiritdi, ammo bu gol o‘yindan tashqari holat tufayli bekor qilindi. Yakunda «Liverpul» 0:2 hisobida g‘alaba qozondi.

«Shaharliklar» safida oʻzbekistonlik himoyachi Abduqodir...

«U-20» Osiyo kubogi doirasida Oʻzbekiston yoshlar terma jamoasi Janubiy Koreyaga qarshi bahs olib bordi.

Uchrashuv shiddatli va dramatik tarzda kechdi. Dastlab 18-daqiqada Asilbek Jumayev Oʻzbekistonni oldinga olib chiqdi. Ammo 26-daqiqada koreyslar javob golini urishdi. Shin Minha hisobni tenglashtirdi.

Ikkinchi bo‘limda Koreya ustunlikni qo‘lga kiritdi. 56-daqiqada Shin Minha dubl qayd etib, jamoasini oldinga olib chiqdi. 61-daqiqada esa Kim Tayvon yana bir gol urib, ustunlikni mustahkamladi – 3:1.

Shunga qaramay Oʻzbekiston yigitlari oxirigacha kurashni davom ettirdi. 90-daqiqada Muhammadali Oʻrinboyev hisobni qisqartirdi – 3:2. Asosiy vaqt so‘ngida esa vakillarimiz yana bir gol urib, hisobni tenglashtirishdi – 3:3.

Shundan so‘ng qo‘shimcha bo‘limlarga o‘tildi. Ushbu...

22-fevral kuni Namanganda 1-xalqaro «Namangan avtofestivali» bo‘lib o‘tdi. Namangan viloyati hokimligi tashabbusi bilan tashkil etilgan festival yoshlarni kasb-hunarga qiziqtirish, texnik va avto havaskorlarni qo‘llab-quvvatlash, avtomobil tyuningi sanoatini rivojlantirish maqsadida o‘tkazildi.

Festival 50 dan ziyod noyob avtomobillar ishtirokidagi avtoparad bilan boshlandi. «Namangan xalqaro aeroporti» oldidan start olgan avtomobillar shaharning asosiy ko‘chalari bo‘ylab harakatlandi.

Festival tadbirlari Davlatobod tumanidagi «Afsonalar vodiysi» tematik parkida davom etdi. Retro va tyuning avtomobillari ko‘rgazmasi, avtoauksion, ehtiyot qismlar yarmarkasi va qimmatbaho sport avtomobillari namoyishi tashrif buyuruvchilarga taqdim etildi. Shuningdek, turli musobaqalar ham o‘tkazildi.

Festival yakunida g‘olib va sovrindorlar, shuningdek, faol ishtirokchilar esdalik sovg‘alari bilan taqdirlandi.

Avvalroq...