Yangiliklar

«Imkon Finans mikromoliya tashkiloti» AJ o‘z obligatsiyalarini «Toshkent» RFB Boshqaruvi qarorida belgilangan shartlarda birjada taqdim etadi, deb xabar beradi RFB matbuot xizmati.

IFMT4 birja tikeriga ega korporativ obligatsiyalarning ikkinchi chiqarilishi 2024-yil 24-aprelda savdoga qoʻyildi.

Emissiyaning umumiy hajmi 10 mlrd so‘m bo‘lib, har bir obligatsiyaning nominal qiymati 1 mln so‘m, kupon foiz stavkasi 28 foizni tashkil etadi. Obligatsiyalar bo’yicha foizlar har oy to’lanadi.

«Imkon Finans mikromoliya tashkiloti» kompaniyasi 2011-yilda tashkil etilgan boʻlib, Oʻzbekistonda mikromoliyaviy xizmatlar, mikrokredit, mikroqarz, mikrolizing berish hamda agentlik xizmatlarini koʻrsatish sohasida oʻz faoliyatini amalga oshiradi.

Eslatib o‘tamiz, o‘tgan yili birjada 477 ta obligatsiyalar bitimi amalga...

«Tolibon» ilmiy asarlarni o‘zbek tiliga tarjima qilishni taqiqlagan. Taqiqlash haqidagi hujjatni «Tolibon»ning oliy ta’lim vazirligi tahrir va tarjima departamenti rahbari Hamidulla Muzzammila imzoladi, deb xabar berdi Sputnik.

Bundan buyon Amirlikda ilmiy asarlarni faqat dari va pushtu tillariga tarjima qilishga ruxsat berilgan.

Eslatib oʻtamiz, oʻtgan yilning oktabr oyida «Tolibon» harakati davlat matbuotiga Oʻzbek tili kunini oʻtkazishda ishtirok etish va yoritishni taqiqlagan edi.

2018-yilning 21-dekabr kuni Afg‘oniston Islom Respublikasi Vazirlar Mahkamasi qarori bilan O‘zbek tili kuni rasmiy bayram deb e’lon qilingan edi. Biroq «Tolibon» davrida bu bayram davlat darajasida nishonlanmadi.

Avvalroq «Kursiv» Tolibonning O‘zbekistonga diplomatik vakilini yuborish rejalari...

Oltin aprel oyining birinchi yarmida tez o‘sdi, ammo ikkinchi yarmida pasayish tendentsiyasini ko‘rsata boshladi. Respublika Markaziy Banki ma’lumotlariga ko‘ra, 24-aprel kuni besh grammlik oltin quymaning narxi 4,83 mln so‘mni tashkil etdi.

10 grammlik quymaning narxi ham pasaydi (9,67 mln so‘m), 20 grammlik 19,34 mln so‘m bo‘ldi, 50 grammlik qimmatbaho metallning narxi 48,36 mln so‘mni tashkil qildi.

LBMA grafigi bo‘yicha, bir troy unsiya narxi 17-apreldan tushishni boshlagan. 23-aprel holatiga ko‘ra, oltinning bir troy unsiyasi $2,32 mingga baholandi. Shu davr davomida oltinning narxi 2,6 foizga pasaydi.

Avvalroq «Kursiv» oltin narxi Yaqin Sharqdagi mojarolar tufayli yuqori darajaga qaytganini e’lon qilgan...

Rossiyaning Ivanovo viloyatida Oʻzbekiston Savdo-sanoat palatasining Savdo uyi ochildi. Bu haqda Savdo-sanoat palatasi axborot xizmati xabar berdi.

Marosimda Oʻzbekistonning Rossiyadagi elchisi Botirjon Asadov, Ivanovo viloyati hukumati vakillari, Savdo-sanoat palatasi rahbariyati, shuningdek, mazkur viloyat ishbilarmon doira vakillari ishtirok etdi.

Savdo uyi Oʻzbekiston va Rossiya hududlari oʻrtasida oʻzaro tovar ayirboshlash hajmini oshirish va hamkorlikni yoʻlga qoʻyish maqsadida tashkil etildi. Unda «Made in Uzbekistan» yorligʻi ostidagi Oʻzbekiston sanoatining raqobatbardosh mahsulotlari taqdim etiladi va sotiladi.

Ivanovo viloyati Savdo-sanoat palatasi rahbari Leonid Ivanov oʻz chiqishida Rossiya bozori Oʻzbekistondan oziq-ovqat mahsulotlari, toʻqimachilik, hunarmandchilik va kulollik buyumlarini import qilishdan doimo manfaatdor ekanini bildirdi.

Avvalroq «Kursiv» Janubiy...

24-aprel, chorshanba kuni Toshkent shahri havosidagi PM2,5 (chang, asfalt va boshqa birikmalar) miqdori me’yordan 3,6 baravarga oshdi, deb xabar berdi «O‘zgidromet». Taqqoslash uchun, kecha bu ko‘rsatkichlar me’yordan besh barobar ko‘p edi.

Bugun poytaxtda sinoptiklar havo harorati +28…+30° bo‘lishi, kunning ikkinchi yarmida qisqa muddatli yomg‘ir yog‘ishi mumkinligini taxmin qilmoqda.

Oʻzbekistonda oʻrtacha kunlik havo harorati +25…+30°, ayrim hududlarda 32…+34° boʻlishi kutilmoqda.

Togʻli hududlarda havo harorati +15…+20° atrofida boʻladi. Bundan tashqari, qor ko‘chkisi va sel yuzaga kelishi xavfi mavjud.

Avvalroq «Kursiv» O‘zbekistonda 25–28 aprel kunlari kuchli yomg‘ir yog‘ishi kutilayotgani haqida yozgan edi.

«Gazprom» xoldingi direktorlar kengashi joriy yilning 6-may kuni Oʻzbekistonda vakolatxona ochish masalasini muhokama qiladi. Bu haqda kompaniya axborot xizmati ma’lum qildi.

Eslatib oʻtamiz, oʻtgan yil so‘ngida «Gazprom» rahbari Aleksey Miller kelgusi yilda kompaniya Markaziy Osiyo davlatlariga yonilgʻi yetkazib berish hajmini oshirish niyatida ekanini aytgan edi. Xolding Oʻzbekiston, Qozogʻiston va Qirgʻizistonga gaz yetkazib berish boʻyicha shartnomalar imzolashni rejalashtirmoqda.

«Kommersant» internet-nashriga koʻra, «Gazprom» yonilgʻi yetkazib berishdan oʻrtacha $22 gacha daromad oladi.

2024-yilda Rossiya yonilgʻisining Qozogʻiston orqali mamlakatimizga tranziti 3,8 milliard kub metrga yetishi kutilmoqda. Taqqoslash uchun 2023-yilda bu koʻrsatkich 1,28 milliard kub metrni tashkil etgan edi.

Avvalroq «Kursiv...

Bugun, 24-aprel kuni O‘zbekiston bo‘ylab havo bulutli bo‘lishi mumkin. Yog‘ingarchilik kutilmaydi, quyoshli va quruq ob-havo kuzatiladi. Havo harorati 27-32 daraja iliq bo‘ladi, deb xabar beradi O‘zgidromet.

Toshkent shahrida havo biroz bulutli bo‘ladi, yog‘ingarchilik kutilmaydi. Kunduzi havo quyoshli va quruq bo‘ladi, havo harorati 26-28 issiq, kechasi esa 15-17 daraja iliq bo‘ladi.

Respublikaning tog‘li hududlarida havo bulutli bo‘ladi, yomg‘ir yog‘ishi ehtimoli bor va momaqaldiroq ham bo‘lishi mumkin. Sel kelishi va suv toshqini hodisalari bo‘lishi mumkin. Qor ko‘chishi xavfi bor. Kunduzi havo harorati 13-18 daraja iliq va kechasi 7-12 iliq bo‘ladi.

Bugun, 23-aprel kuni Osiyo-Okeaniya kubogiga start berildi. Turnirda O‘zbekiston U-18 jamoasi Eron vakillariga qarshi muzga chiqishdi va juda yirik hisobda g‘alabaga erishdi.

1-bo‘lim 5:0 hisobi bilan yakunlandi. Gollarni Salohiddin Azimov (2), Ruslan Sultonov , Loren Petrosyan, Aziz Muhammadboyev urishdi.

2-bo‘limda Eron darvozasiga yettita gol urildi. Bogdan Halevin 6:0 qildi. Aziz Muhammadboyev, Jasurbek Rustamxonov (2), Albert Dadaxo‘jayev, Huzayfa Alimuhammadov va Ilya Popov gol mualliflari bo‘lishdi.

Va so‘nggi 3-bo‘limda hisob 19:0 bilan yakunlandi. Salohiddin Azimov (2), Ruslan Sultonov, Jasurbek Rustamxonov, Albert Dadaxo‘jayev, Saidakbar Ravshanov, Muhammaddiyor G‘aniyev, Huzayfa Alimuhammadov javobsiz raqib darvozasiga gollar urishdi.

Ma’lumot uchun, O‘zbekiston musobaqada «A» guruhidan oʻrin olgan boʻlib...

Qatarda bo‘lib o‘tayotgan futbol bo‘yicha Osiyo kubogining 3-turidan joy olgan O‘zbekiston – Vyetnam bahsi o‘z nihoyasiga yetdi.

1-taymda hamyurtlarimiz o‘yinni shiddat bilan boshlashdi va 4-daqiqada Alisher Odilov raqib darvozasini ishg‘ol qildi. 36-daqiqada Jasurbek Jaloliddinovning uzatmasidan so‘ng Ruslanbek Jiyanov hisobni o‘zgartirdi. 1-taymning 40-daqiqasida Alisher Odilov ikkinchi marotaba Vyetnam darvozabonini ranjitdi va hisobni yiriklashtirdi, tabloda – 3:0.

Aytish joizki, «D» guruhida milliy terma jamoa to‘qqiz ochko jamg‘arib 1-o‘rindan joy oldi. Ikkinchi o‘rindagi Vyetnam vakillari olti ochko yig‘ishdi. Chorak finalda Saudiya Arabistoni bilan hamyurtlarimiz kuch sinashadi.

Avvalroq «Kursiv» 2-turda O‘zbekiston U-23 Quvayt ustidan g‘alaba qozonganini e’lon qilgan edi.

Oʻzbekiston Respublikasi YaIM sun’iy intellektdan samarali foydalanish orqali 2030-yilda qoʻshimcha $10 milliardga oʻsishi mumkin. Bu haqda Sberbank boshqaruvi raisining birinchi oʻrinbosari Aleksandr Vedyaxin «INNOPROM. Markaziy Osiyo» xalqaro sanoat koʻrgazmasida ma’lum qildi.

Koʻrgazmada ishtirokchilar sun’iy intellektni Rossiya va Oʻzbekiston iqtisodiyotining asosiy tarmoqlarida joriy qilishni muhokama qildi. Muhokamalarda Sanoat va agrosanoat kompleksi hay’ati a’zosi Gohar Barsegyan, Alif Uzbekistan kompaniyasi bosh direktori Nuriddin Lafizov, NewMax Technologies asoschisi va boshqaruvchisi Akmal Payziev hamda yana bir qancha mutaxassislar ishtirok etdi.

«Ta’kidlash joizki, Oʻzbekiston Respublikasi yalpi ichki mahsuloti sun’iy intellektdan faol foydalanish hisobiga 2030-yilda $10 mlrdga oʻsadi, ya’ni qoʻshimcha 7 foizga», dedi sessiya moderatori Aleksandr Vedyaxin.

Buyuk Britaniya tashqi ishlar vaziri Devid Kemeron OAV vakillari bilan muloqot chog‘ida O‘zbekiston va Buyuk Britaniya o‘rtasidagi hamkorlikning asosiy yo‘nalishlarini sanab o‘tdi.

«Biz birgalikda oldinga qarab dadil qadam tashlayapmiz. Mamlakatlarimiz oʻrtasida kichik biznes va investitsiyani yanada rivojlantiryapmiz. Yashil texnologiya boʻyicha hamkorlikning yangi bosqichini boshladik. Yana bir gap, Buyuk Britaniya qishloq xoʻjaligi sohasida mavsumiy ishchilar uchun maxsus sxema bor. Ushbu dasturda oʻzbekistonliklar ham muntazam ishtirok etyapti. Shuningdek, Oʻzbekistonda Britaniyaning 10 dan ortiq universiteti faoliyat yuritmoqda. Hamkasbim bilan qanday qilib yanada koʻproq natijaga erishish mumkinligi xususida gaplashdik», dedi Buyuk Britaniya tashqi ishlar vaziri.

Shuningdek, u O‘zR tashqi ishlar...

O‘zRda 20 ta bino modernizm davri obyekti sifatida e’tirof etilib, milliy madaniy meros obyektlari ro‘yxatiga kiritilgan. Madaniyat va san’atni rivojlantirish jamg‘armasi tashabbusi bilan qabul qilingan hujjat 22-aprel kuni Vazirlar Mahkamasi tomonidan qabul qilingan edi.

Ularning aksariyati Toshkent shahrida joylashgan. Ushbu roʻyxatga kiritilgan oʻnta bino orasida Davlat sanʼat muzeyi, «Oʻzbekiston» va «Shodlik» mehmonxonalari, shuningdek, «Kosmonavtlar» metro bekati va Aviatsiya ishlab chiqaruvchilar saroyi ham bor. Qolgan o‘nta obyektning maqomiga o‘zgartirish va boshqa qo‘shimchalar kiritildi.

Bundan tashqari, jamg‘arma ushbu binolarni YUNESKOning Butunjahon merosi ro‘yxatiga kiritish ustida ishlamoqda.

O‘tgan oy oxirida Vazirlar Mahkamasi qaroriga ko‘ra, O‘zR binolaridagi 157 ta mozaikalar moddiy madaniy meros...

24-aprel, chorshanba kuni Toshkent shahrida navbatdagi «Avtomobilsiz kun» aksiyasi oʻtkaziladi. Bu haqda Energetika vazirligi matbuot xizmati xabar bermoqda.

Aksiya doirasida Toshkent shahrida joylashgan barcha respublika va viloyat ijro hokimiyati organlarining rahbar va boshqa xodimlari jamoat transporti, velosiped hamda atrof-muhitga zarar yetkazmaydigan boshqa transport vositalaridan foydalanishadi.

Shuningdek, fuqarolardan ham jamoat transportlaridan va atrof-muhitga zarar yetkazmaydigan boshqa transport vositalaridan foydalanish tavsiya qilinadi.

Aksiyadan ko‘zlangan asosiy maqsad sog‘lom turmush tarzini targ‘ib qilish, atrof-muhitni muhofaza qilish masalalariga jamoatchilik e’tiborini jalb qilishdan iborat.

Avvalroq «Kursiv» «Avtomobilsiz kun» doirasida Kanadaning Oʻzbekistondagi elchisi ishga avtobusda borishgani haqida xabar bergan edi.

O‘zbekistonda 25 va 28 aprel kunlari kuchli yomg‘ir yog‘ishi kutilmoqda. Respublikamizning tog‘li hududlarida sel kelishi xavfi bor, deb xabar berdi O‘zgidromet direktori Sherzod Habibullayev.

Shu kunlarda mamlakatda hududlarni suv bosishi ham mumkin. Habibullaev tog‘li hududlar aholisi va sayyohlarni ehtiyot choralarini ko‘rishga chaqirdi.

Eslatib oʻtamiz, 23-aprel kuni Oʻzbekistonda oʻrtacha kunlik havo harorati +25…+30°, ayrim hududlarda +32…+34° boʻladi.

Avvalroq «Kursiv» kuchli yomg‘ir tufayli Samarqand viloyatini suv bosgani haqida yozgan edi.

Oʻzbekiston va Buyuk Britaniya oʻrtasida hamkorlik deklaratsiyasi imzolandi, deb xabar qildi OʻzR tashqi ishlar vaziri Baxtiyor Saidov oʻzining Telegram-kanalida.

Buyuk Britaniya tomonidan imzoni mamlakatimizga tashrif buyurgan Tashqi ishlar va xalqaro taraqqiyot vaziri Devid Kemeron qo‘ydi.

Saidovning qo‘shimcha qilishicha, britaniyalik hamkasbi bilan mintaqaviy, xalqaro munosabatlar va infratuzilma sohasida ham memorandum imzolashgan.

Ikki mamlakat tashqi ishlar vazirliklari rahbarlari iqtisodiy aloqalarni kengaytirishga alohida e’tibor qaratdilar.

Buyuk Britaniyaning O‘zRdagi elchisi Timoti Smart Devid Kemeronning mamlakatga tashrifini tarixiy voqea deb atadi.

Eslatib oʻtamiz, Oʻzbekiston va Buyuk Britaniya oʻrtasida 1992-yil 18-fevralda diplomatik munosabatlar oʻrnatilgan.

Avvalroq «Kursiv» O‘zbekiston va Buyuk Britaniya o‘rtasidagi tovar aylanmasi besh...

23-aprel kuni O‘zbekiston Respublika valyuta birjasida dollarning o‘rtacha tortilgan qiymati 6,00 so‘mga pasaydi va 12 705,00 so‘mni tashkil qildi.

Bugun davlatning tijorat banklari dollarni 12 640 – 12 710 so‘mdan xarid qilishmoqda va 12 730 – 12 775 so‘mdan sotishmoqda.

Eslatib o‘tamiz, 22-aprel kuni dollarning o‘rtacha qiymati 21 so‘mga o‘sgan edi.

Oʻzbekiston Sogʻliqni saqlash vazirligi «Shvabe» xoldingiga kiruvchi S.A. Zverev nomidagi Krasnogorsk zavodida ishlab chiqarilgan «Zenit» binokulyar kolposkoplarini roʻyxatdan oʻtkazish guvohnomalarini berdi. Endilikda zavod ushbu qurilmalarni O‘zRdagi shifoxona va poliklinikalarga yetkazib bera oladi.

Ginekologik patologiyalar va kasalliklarni aniqlash uchun pol binokulyar kolposkoplar qo‘llaniladi.

KNB-02, KNB-04-01LED va KNB-04LED modellari ro‘yxatga olish guvohnomalarini oldi.

Bundan tashqari, Sog‘liqni saqlash vazirligi tomonidan KM-01 elektromexanik tibbiyot kreslosi va «Zenit» ekspertiza yoritqichlari uchta modeli ro‘yxatga olingan.

«Shvabe» xoldingi «Rostex» davlat korporatsiyasi tarkibiga kiradi. Kompaniya yuqori texnologiyali optik-elektron uskunalarni yaratish va ishlab chiqarishga ixtisoslashgan.

Avvalroq «Kursiv» Xitoyning BYD avtomobil konserni O‘zbekistonda yiliga 50 mingtagacha elektromobil ishlab chiqarishni...

Bugun, 23-aprel kuni Oliy Majlis Qonunchilik palatasi majlisida Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritishga qaratilgan qonun loyihasi birinchi oʻqishda koʻrib chiqildi. Bu haqda parlament quyi palatasi matbuot xizmati xabar bermoqda.

Qonun loyihasiga koʻra, foto va videoradarlar tomonidan qayd etilgan yoʻl harakati qoidalari buzilganligi toʻgʻrisidagi maʼlumotlar 48 soat ichida jarima solish toʻgʻrisida qaror chiqarish uchun vakolatli boʻlgan mansabdor shaxsga yuborilmasa, ishni koʻrib chiqish tugatiladi.

Shuningdek, radar orqali yoʻl harakati qoidalari buzilganligi qayd etilgan hollarda transport vositasining mulkdori toʻgʻrisida maʼlumot mavjud boʻlmasa ham ish koʻrib chiqilmaydi.

Avvalroq «Kursiv» Oʻzbekistonda 1-iyuldan katta yoʻl boʻyida joylashgan maktablar oldida video-fotoradarlar oʻrnatilishi haqida...

2024-yilning yanvar-mart oylarida O‘zbekistonda 28,3 mingdan ortiq Chevrolet Cobalt avtomobillari ishlab chiqarilgan. Bu o‘tgan yilning shu davriga nisbatan 59,5 foizga ko‘pdir, deya xabar berdi Statistika agentligi.

Birinchi chorakda respublikada 8,8 ming dona Gentra avtomobili ishlab chiqarildi. Ularning ishlab chiqarish hajmi 20,9 foizga kamaydi.

Umuman olganda, shu vaqt ichida mamlakatimizda 84,7 ming dona yengil avtomobil ishlab chiqarilgan, bu o‘tgan yilga nisbatan 30 ming donaga ko‘pdir.

Biroq O‘zbekiston korxonalari avtobus ishlab chiqarishni kamaytirdi – 200 tadan 127 tagacha.

Avvalroq «Kursiv» 23 aprel kuni O‘zbekistonda 24 ming Damas sotilgani haqida yozgan edi.

O‘zbekistonda haydovchilarning maoshi oshib va bu kasbga talab ortib bormoqda, deb xabar berdi HH.uz matbuot xizmati «Kursiv» nashriga.

O‘tgan yili respublika ish beruvchilari tomonidan o‘rtacha 5,5 mln so‘mdan ortiq ish haqi taklif qilingan edi. Bu ko‘rsatkich 2022-yilga nisbatan 35 foizga oshgan.

HH.uz’da haydovchilarga eng ko‘p talab Toshkent, Samarqand, Buxoro va Namanganda qayd etilgan.

Mamlakatda eng ko‘p maosh oladigan bo‘sh ish o‘rinlari taksi haydovchilari va yuk mashinalari haydovchilaridir – 12 mln so‘mdan 24 mln so‘mgacha.

 «HH.uz» joriy yilning aprel oyi holatiga ko‘ra, respublikada haydovchilarga bo‘lgan talab 43 foizga oshganini ta’kidladi.

Avvalroq «Kursiv» Yevropa Ittifoqida Markaziy Osiyo davlatlaridan kelgan yuk mashinalari haydovchilari...

KDB Bank Uzbekistanning joriy yilning yanvar-mart oylarida sof foydasi 108,9 milliard soʻmga yetdi. Bu 2023-yilning shu davriga nisbatan 19,2 foizga koʻp. Bu haqda bank o‘z moliyaviy hisobotida xabar berdi.

Yil davomida bankning foiz daromadlari 44,2 foizga oshib, 171,2 milliard soʻmni tashkil etdi. Foizsiz daromadlari esa 1,6 foizga kamayib, 42,6 milliard soʻmga yetdi.

KDB Bank Uzbekistan 1997-yilda tashkil etilgan. Moliyaviy tashkilotning asosiy aksiyadori Janubiy Koreyaning KDB – 86,32 foiziga egalik qilsa, Oʻzbekiston Milliy banki va Turon banki mos ravishda 10,31 va 3,37 foizni tashkil qildi.

Oʻzbekistondagi kichik banklarning joriy yilning birinchi choragidagi faollik reytingiga koʻra, KDB Bank Uzbekistan 14 bank...

Bugun, 23-aprel kuni Qatarda bo‘lib o‘tayotgan Osiyo kubogi 3-tur bahslari o‘tkaziladi, deb xabar beradi O‘FA.

Toshkent vaqti bilan soat 20:30 «Khalifa International» stadionida O‘zbekiston Vyetnamga qarshi to‘p suradi.

Aytish joizki, bugungi uchrashuvga ikki nafar legioner milliya jamoaga qo‘shilgan. Abduqodir Husanov «Lans» futbol klubining himoyachisi va Abbosbek Fayzullayev «SSKA» klubining yarim himoyachisi bugungi o‘yinda ishtirok etishlari mumkin.

Eslatib o‘tamiz, Timur Kapadze shogirdlari 2-turda Quvayt ustidan yirik hisobda g‘alaba qozongan edi.

O‘zbekiston prezidenti Shavkat Mirziyoyev 23-aprel kuni Qozog‘iston prezidenti Qasim-Jomart Toqayev bilan telefon orqali muloqot qildi. Bu haqda prezident matbuot xizmati xabar berdi.

Davlatimiz rahbari qardosh Qozogʻiston yetakchisi va xalqiga ushbu mamlakat hududidagi keng miqyosli toshqinlar natijasida insonlar qurbon boʻlgani munosabati bilan hamdardlik izhor etdi.

Davlat rahbarlari yaqinda Xiva shahrida boʻlib oʻtgan uchrashuvdagi kelishuvlarni amalga oshirish doirasida kelishib oldi.

Shuningdek, mintaqaviy ahamiyatga molik masalalar va boʻlajak oliy darajadagi uchrashuvlar rejasi ham koʻrib chiqildi.

Joriy yilning aprel oyida Qozogʻistonda soʻnggi 80 yildagi eng yirik suv toshqinlari yuz berdi. Aqtoʻbe, Akmola, Atirau, Shimoliy Qozogʻiston, Gʻarbiy Qozogʻiston, Qoʻstanay va Pavlodar viloyatlari eng koʻp...

23-aprel, seshanba kuni Damas avtomobillari bo‘yicha tuzilgan onlayn shartnomalar soni 24 mingtaga yetdi, deb xabar berdi «UzAuto Motors».

Shartnomalarning asosiy qismi – 98,8 foizi bittadan ortiq bo‘lmagan avtomashinani shartnoma tuzgan jismoniy shaxslarga, 1,2 foizi yuridik shaxslarga to‘g‘ri keladi.

Eslatib o‘tamiz, 22-aprel, dushanba kuni «UzAuto Motors» Damas uchun onlayn shartnomalar qayta ochilgani haqida xabar bergan edi. Avtomobilning narxi 96,3 mln so‘mni tashkil qilgan.

Statistika agentligi ma’lumotlariga koʻra, joriy yilning yanvar-mart oylarida Oʻzbekiston korxonalari tomonidan 18,6 ming dona Damas ishlab chiqarilgan. O‘tgan yilning shu davrida – 16,8 ming avtomobil ishlab chiqarilgan edi.

Damas mikroavtobusi 1991-yildan beri ishlab chiqariladi. Mashina...