Yangiliklar

GOBankingRates va Kelley Blue Book xalqaro xizmatlari ekspertlari qulaylik, chidamlilik va arzon texnik xizmat xarajatlarini o‘zida mujassam qilgan besh modelni ma’lum qildi.

Toyota RAV4

Yapon avtomobil sanoatining yetakchisi bo‘lgan Toyota’ning ushbu modeli 2025-yilgi Consumer Reports reytingida doimiy ravishda eng ishonchli mashinalar qatorida qayd etilgan. Ayniqsa, 2019–2023-yillarda chiqarilgan modellari sodda elektronika va arzon ehtiyot qismlar bilan ajralib turadi.

«RAV4 juda ishonchli. Uning ehtiyot qismlari oson topiladi, xizmat ko‘rsatish esa arzon. Ustalar bu mashina bilan qimmat diagnostika uskunalarisiz ham ishlay oladi», — deydi Cash Auto Salvage hammuassisi Mark Skirvin.

Honda CR-V

Bu ixcham krossover...

Qozog‘istonning Qoʻstanay viloyatidagi 17 ta qishloq aholisi spirtli ichimliklardan foydalanmaslikka qaror qildi. Bu haqda nur.kz nashri mamlakat Ichki ishlar vazirligiga tayanib xabar berdi.

Ma’lum qilinishicha, bu tashabbus «Madaniy jamiyat» loyihasi doirasida amalga oshirilib, sog‘lom turmush tarzini targ‘ib qilishga qaratilgan.

Viloyat politsiyasi boshlig‘i o‘rinbosari Amanjol Bayzakovga ko‘ra, yil boshidan beri mast holatda sodir etilgan jinoyatlar soni 3,3 foizga kamaygan. Biroq «xavf guruhiga» kiruvchi – jamoat tartibini buzishga moyil shaxslar, oilaviy zo‘ravonlar va surunkali ichkilikbozlar ustidan nazorat davom etmoqda. Sudlar shu yilning o‘zida 2,6 mingta alkogol iste’molini, jumladan, uy sharoitida ham taqiqlovchi qaror chiqargan.

Loyiha doirasida spirtli ichimliklar sotiladigan do‘konlarga...

Samarqand viloyatining Nurobod tumanida Nurobod texnoparki nomli maxsus sanoat zonasi barpo etiladi. Bu haqda prezident qarori qabul qilindi.

Texnopark Nurobod tumanining Sazag‘on massivida joylashgan 115,3 gektar bo‘sh yer maydonida tashkil etiladi. Bu hudud ilgari «Urgut» erkin iqtisodiy zonasiga tegishli bo‘lgan.

Tashabbus doirasida $1,1 milliardga teng xorijiy investitsiyalarni jalb qilish hamda 5 mingdan ortiq yangi doimiy ish o‘rinlarini yaratish rejalashtirilgan.

Shuningdek, New Vision Investment Development xorijiy kompaniyasi ushbu sanoat zonasini boshqaruvchi sifatida belgilandi. Quriladigan ishlab chiqarish binolari 3-4 qavatli bo‘lib, ularda ilg‘or ishlab chiqarish texnologiyalari joriy etilishi kutilmoqda.

Avvalroq Kursiv Uzbekistan Zomin texnoparkida ilk korxona ishga tushgani haqida yozgandi.

Kia kompaniyasi AQShda 300 mingdan ortiq avtomobillarni kuzov qismidagi nuqsonlar sabab chaqirib olish kampaniyasini boshladi. Bu haqda AQSh Milliy yo‘l harakati xavfsizligi boshqarmasi xabar berdi.

Kompaniya quyidagi modellarni qamrab oladi:

Telluride modellarining 201 ming donasida eshiklardagi plastik bezaklar yomon yopishtirilgani aniqlangan. Yetkazib beruvchi Saedong kompaniyasi noto‘g‘ri yelim ishlatgan. Shu sababli bezak yo‘l harakati vaqtida ajralib tushishi mumkin.

Kia ushbu avtomobillarga yangi, kuchliroq yelim bilan mustahkamlangan bezaklarni bepul o‘rnatadi. Bu qismlar 2024-yil sentabrdan keyingi avtomobillarda allaqachon mavjud. Avtomobil egalari 2025-yil 26-sentabrdan boshlab xabarnomalar oladi.

Kia K5 sedanlarining 100 ming donasida...

Toshkentdagi Grand Mir Hotel (sobiq «Rossiya») mehmonxonasi buzilishi rejalashtirilmoqda. Bu ma’lumotni mehmonxonaning o‘zi Kursiv Uzbekistan’ga tasdiqladi.

Kursiv Uzbekistan muxbir bilan suhbatda bo‘lgan mehmonxona xodimining ta’kidlashicha, buzish ishlarining aniq muddati hozircha noma’lum va bino o‘rnida nima bo‘lishi ham noma’lum.

Podrobno.uz saytining Design Factory arxitektura kompaniyasi vakili Shavkat Abdullayevga tayanib xabar berishicha, bino sentabr oyida buzilishi rejalashtirilgan.

Politik.uz nashrining yozishicha, Design Factory Sarıkoc xolding tarkibiga kiradi. Ushbu xolding Tashkent City va Akfa universitetida mehmonxona va Hilton kongress-xollini qurgan Koç Construction kompaniyasiga ham egalik qiladi.

Abdullayevning qo‘shimcha qilishicha, mehmonxona o‘rnida biznes markazi va bir nechta yangi binolar bo‘ladi. Loyihani amalga oshirish...

Avtomobil xarid qilish – mas’uliyatli jarayon. Shunchaki pul to‘lab mashina olish yetarli emas. Uni qonuniy tarzda ro‘yxatdan o‘tkazish ham muhim bosqich hisoblanadi. Kursiv Uzbekistan nashri avtomobilni rasmiylashtirish to‘lovlari va harakatlarni bosqichma-bosqich o‘rgatadi.

Ushbu maqola orqali quyidagilarni bilib olasiz:

Birinchi bosqich

Siz yangi mashina olyapsizmi yoki ishlatilganini – bu katta farq qiladi. Ishlatilgan mashinani sotib olayotganda notarius orqali shartnoma rasmiylashtirish majburiy. Bu yerda sizdan davlat bojlari, gerb yig‘imi, huquqiy maslahat va boshqa...

Davlat xavfsizlik xizmati (DXX) Rossiyadagi «A.U.Y.» jinoiy guruhiga oid ogohlantirish bilan chiqdi. Unga ko‘ra, so‘nggi yillarda Rossiyadagi ko‘plab mehnat muhojirlari va yoshlar ushbu guruh ta’siriga tushib qolmoqda.

«A.U.Y.» – asl nomi «Arestanskiy uklad yedin» («Mahbuslar qoidasi yagona») bo‘lib, u Rossiyada shakllangan. Bu jinoiy guruh o‘z mafkurasida «o‘g‘rilar qonunlari»ni targ‘ib qiladi va qamoqxona madaniyatini jamiyat hayotiga singdirishga urinadi. Rossiyada ushbu harakat 2020-yilda ekstremistik tashkilot sifatida rasman taqiqlangan va uning faoliyati uchun jinoiy javobgarlik belgilangan.

Rossiya qonunchiligiga ko‘ra, ushbu guruhga aloqadorlik uchun 300 mingdan 600 ming rublgacha ($4 mingdan $7,5 minggacha) jarima, 1 yildan 6 yilgacha ozodlikdan mahrum qilish yoki majburiy...

4-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,8 foizga oshib, 35,7 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,8 foizni, yuridik shaxslar ulushi esa 22,3 foizni ko‘rsatmoqda.

28-iyul holatiga ko‘ra, mikroqarzlarning o‘rtacha foiz stavkasi 34,9 foizni tashkil etgandi.

Eng yuqori foiz stavkasi quyidagi banklarda qayd etilgan:

AQSh prezidenti Donald Tramp Hindistonning Rossiyadan katta miqdorda neft xarid qilayotgani uchun mamlakatdan import qilinadigan mahsulotlarga boj stavkalarini keskin oshirish bilan yana bir bor tahdid qildi. Bu haqda Reuters agentligi ma’lum qildi.

Tramp Hindiston Rossiya neftini qayta sotib, katta foyda olayotganini aytdi va bu orqali Ukraina urushini bilvosita qo‘llab-quvvatlayotganini ta’kidladi.

Hindiston Tashqi ishlar vazirligi esa bunday da’volarni asossiz deb atadi va mamlakat o‘z iqtisodiy manfaatlarini himoya qilishini bildirdi. Rasmiylar Hindiston Rossiyadan neft xarid qilishni davom ettirishini, bu global bozor sharoiti tufayli zarurat bo‘lganini ta’kidladi. Shu bilan birga, Hindiston Rossiya bilan savdo qilayotgan boshqa G‘arb davlatlarini ham eslatib o‘tdi.

Tramp...

Buyuk Britaniya va Fransiya o‘rtasida migrantlarni o‘zaro qaytarish bo‘yicha yangi kelishuv kuchga kiradi. Bu haqda Reuters xabar berdi.

Yangi kelishuvga ko‘ra, Fransiya La-Manch bo‘g‘ozi orqali kichik qayiqlarda Britaniyaga yetib kelgan hujjatsiz migrantlarni ortga qabul qilishga rozi bo‘ldi. Buning evaziga Britaniya Fransiyada yashayotgan va Britaniyada oilaviy aloqalari mavjud bo‘lgan qonuniy boshpana izlovchilarning ayni miqdorini qabul qiladi.

Kelishuv seshanba kuni ratifikatsiya qilindi va yaqin kunlarda amalda qo‘llanishi kutilmoqda. Britaniya Ichki ishlar vazirligi dastlab haftasiga 50 nafargacha migrantni qaytarishni rejalashtirgan. Bu yiliga 2, 6 ming kishiga teng bo‘lib, 2024-yilda qayd etilgan 35 mingdan ortiq noqonuniy keluvchilarga nisbatan ancha kam.

2025-yil boshidan beri...

Toshkent shahrida GCI Gemological Centers Uzbekistan gemmologiya markazi tashkil etiladi. Bu haqda «Dunyo» axborot agentligi xabar berdi.

Xabarga ko‘ra, Isroilning GCI Gemological Centers Ltd. kompaniyasi va O‘zbekistondagi «Expert One» MCHJ hamkorligida GCI Gemological Centers Uzbekistan markazini ochish bo‘yicha shartnoma imzolandi.

Yangi markaz qimmatbaho toshlarni xalqaro standartlar asosida baholash va sertifikatlash, shuningdek, gemmologiya yo‘nalishida ta’lim dasturlarini amalga oshirish bilan shug‘ullanadi.

«GCI» bosh menejeri Yehuda Yakarning aytishicha, O‘zbekistonda filial ochish qarori mamlakatda olib borilayotgan islohotlar, sarmoyadorlar uchun qulay muhit va xalqaro ishonchning ortib borayotgani bilan bog‘liq.

Bundan oldin qimmatbaho metallar bilan bog‘liq huquqbuzarlik haqida xabar berganlar mukofotlanishi haqida...

Kecha, 4-avgust kuni Sea Breeze Uzbekistan qo‘shma korxonasi Korxonalar va tashkilotlarning yagona davlat reyestriga kiritildi. Bu haqda ochiq ma’lumotlar bazasida e’lon qilindi.

Ustav fondi 400 million so‘m etib belgilangan. Kompaniya ikki teng ulushli sherik – Ozarbayjonning Agalarov Development kompaniyasi va o‘zbekistonlik biznesmen Ulug‘bek Maxmudov tomonidan tashkil etilgan. Direktorlik lavozimi esa Xamidov Sardor Sandjarovichga topshirilgan.

Maxmudov ilgari «O‘zbekoziqovqatzaxira» uyushmasida rais o‘rinbosari sifatida faoliyat yuritgan. Shuningdek, u bir necha yirik kompaniyalarda ulushga ega, jumladan, Sunshine Invest (0,53%), New Time-Projects (100%) va Breeze Development (50%).

Breeze Development kompaniyasi iyun oyida ro‘yxatdan o‘tgan bo‘lsa-da, iyul oxirida qayta ro‘yxatdan o‘tkazilgan. Bu kompaniya ham 400 million...

Huawei kompaniyasi yangi MatePad Pro 2026 planshetlarini kompyuter interfeysiga o‘xshash tizim bilan taqdim etadi. Bu haqda Notebookcheck nashri ma’lum qildi.

Ushbu seriya HarmonyOS operatsion tizimi asosida ishlaydi va MateBook noutbuklaridagi ilovalar bilan to‘liq mos bo‘ladi.

Kompaniya planshet va noutbuklar o‘rtasida to‘liq integratsiyani rejalashtirmoqda. Bu imkoniyat HarmonyOS 6’ning yakuniy beta-versiyasidan so‘ng ishga tushiriladi.

Yangi seriyada 13,2 va 12,2 dyuymli modellardan tashqari, 14,2 dyuymli OLED ekranli versiya ham taqdim etilishi kutilmoqda. Biroq Kirin 9 chipi hali ham hisoblash quvvatida M5 platformasidan ortda qolmoqda.

Eslatib o‘tamiz, avvalroq Huawei Pura 80 Pro smartfonining kamerasi test qilingan edi.

Tijorat banklari 5-avgust kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Ijtimoiy tarmoqlarda Marhamat tumanidagi 42-maktabda hashar o‘tkazilgani aks etgan video tarqaldi. Ushbu holat maktab pedagoglari tomonidan ixtiyoriy ravishda amalga oshirilgan, deya munosabat bildirdi Andijon viloyati Maktabgacha va maktab ta’limi vazirligi boshqarmasi.

Mazkur maktab 1982-yilda qurilgan, so‘nggi yillarda esa «Tashabbusli budjet» loyihasi doirasida 2,5 mlrd so‘mdan ortiq mablag‘ evaziga ta’mirlangan va yangilangan. Bugungi kunda bu yerda 1236 nafar o‘quvchiga 74 nafar ustoz ta’lim bermoqda.

Hashar holati yuzasidan zarur choralar ko‘rilgan: o‘qituvchilarni majburiy ishga jalb qilmaslikka e’tibor qaratilmagani sababli maktab direktori lavozimidan ozod etildi.

Eslatib o‘tamiz, avvalroq davlat organlarida ijro intizomi ustuvor vazifaga aylantirilishi haqida yozgan edik.

2025-yilning birinchi yarmida Xitoyning CATL kompaniyasi elektromobillar uchun akkumulyatorlar bozorida yetakchilikni mustahkamlab, ulushini 37,9% ga yetkazdi. Uning orqasidan BYD kompaniyasi 89,9 GVt/soat hajm bilan 17,8% bozor ulushini egalladi, deya xabar bermoqda IT Home nashri.

Janubiy Koreyaning LG, SK On va Samsung SDI kompaniyalari esa umumiy 16,4% bilan ortga qolmoqda. Ayniqsa, Samsung SDI ulushi 3,2% gacha pasaydi.

SNE Research va CABIA ma’lumotlariga ko‘ra, hozirda faqat CATL va BYD bozorning 66,6% qismini egallab turibdi. Bu esa Xitoyning elektromobil akkumulyatorlari sanoatidagi global ustunligini yana bir bor tasdiqlaydi.

Eslatib o‘tamiz, avvalroq Huawei’ning Maextro S800 sedani 10 mingdan ortiq buyurtmalar olgani haqida xabar...

Huawei kompaniyasi ishlab chiqargan yangi Maextro S800 sedani bozorda katta qiziqish uyg‘otdi. Atigi 67 kun ichida ushbu modelga 10 mingdan ortiq buyurtmalar berildi. Bu haqda IT Home nashri ma’lum qildi.

Mercedes-Maybach S-Class va BYD Yangwang U7’ga raqib sifatida taqdim etilgan sedanning narxi $98 900 dan $142 200 gacha.

5480 mm uzunlikka ega bo‘lgan Maextro S800 modelida aqlli elektr eshiklar, «yulduzli osmon» effektiga ega panoramali tom, orqa o‘rindiqlarda «bezorlik holati» funksiyasi va Huawei’ning eng so‘nggi texnologiyalari mavjud. Avtomobil 863 ot kuchigacha bo‘lgan ikki yoki uch motorli versiyalarda taqdim etiladi.

To‘liq elektrli versiyasi 94,4 kVt/soatli akkumulyator bilan 702 km masofani bosib...

4-avgust ham bir qator muhim voqealarga boy bo‘ldi. Kursiv Uzbekistan nashri bugun sodir bo‘lgan muhim hodisalarni bitta materialga joyladi.

O‘zbekiston pavilyoni Red Dot mukofotining eng oliy sovriniga sazovor bo‘ldi

«Expo Osaka 2025 Kansai» xalqaro ko‘rgazmasi doirasida O‘zbekiston pavilyoni «Red Dot Award: Brands & Communication Design» tanlovining «Ko‘rgazma stendlari» nominatsiyasida «Best of the Best» mukofotini qo‘lga kiritdi. Bu haqda «Dunyo» AA xabar berdi.

Bu mukofot dunyo miqyosida dizayn va kommunikatsiya sohasidagi eng nufuzli e’tiroflardan biri sanaladi. Ilgari bu mukofotga «Apple», «Ferrari», «Philips» kabi global brendlar sazovor bo‘lgan.

Apple daromadi o‘tgan yilga nisbatan 10 foizga oshdi

Apple kompaniyasi 2025-yilning uchinchi choragi...

5-avgust kuni O‘zbekistonda havo harorati kunduz kuni 31°C dan 40°C gacha, kechasi esa 13°C dan 29°C gacha bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Yaqinda taqdim etilishi kutilayotgan Vivo X300 flagman smartfoni Samsung’ning ilg‘or 200 megapikselli ISOCELL HBP kamerasi bilan jihozlanadi. Bu haqda Android Headlines ma’lum qildi.

Ushbu sensor oldingi Vivo X200’dagi 50 MP Sony IMX921’ga qaraganda kattaroq bo‘lib, past yorug‘likda yaxshiroq suratlar olish va yuqori darajadagi detallilikni ta’minlaydi.

Bundan tashqari, smartfon 50 MP periskop modulli teleobyektiv bilan ham taqdim etilishi mumkin. Bu esa uzoq masofadagi obyektlarni sifatli suratga olish imkonini beradi.

Vivo X300 MediaTek’ning zamonaviy Dimensity 9,5 ming chipi bilan ishlaydi. U yuqori tezlik, samaradorlik va sun’iy intellekt imkoniyatlari bilan ajralib turadi.

Yangi flagman suratga olish sifati, kuchli texnik ko‘rsatkichlari va kamera...

Turkmanboshi shahriga tashrif buyurgan Shavkat Mirziyoyev Turkman xalqining milliy yetakchisi Gurbanguli Berdimuhamedov bilan uchrashdi. Bu haqda davlat rahbari matbuot xizmati ma’lum qildi.

Suhbatda davlatimiz rahbari BMTning dengizga chiqish imkoni bo‘lmagan mamlakatlar bo‘yicha konferensiyasi yuqori saviyada o‘tayotganini e’tirof etdi. Tomonlar Samarqandda erishilgan kelishuvlarni amalga oshirish, O‘zbekiston – Turkmaniston strategik hamkorligini mustahkamlash masalalarini muhokama qildi.

Tovar ayirboshlash hajmi yil boshidan beri $600 mlnga yetgani, sanoat, energetika, transport va boshqa sohalardagi hamkorlik kengayib borayotgani qayd etildi. Shuningdek, «Shovot – Toshovuz» chegaraoldi savdo zonasi tashkil etilishi, hududlararo va madaniy almashinuvlar davom etayotgani ta’kidlandi.

Bo‘lajak oliy darajadagi uchrashuvlar hamda Toshkentda o‘tadigan Markaziy Osiyo davlatlari...

Samarqand va Andijon viloyatlarida maishiy chiqindilarni yoqish orqali elektr energiyasi ishlab chiqariladigan zamonaviy zavodlar qurilishiga start berildi. Bu haqda Ekologiya vazirligi ma’lum qildi.

Loyihalar «Shanghai SUS Environment» va «China International Camce» kompaniyalari tomonidan amalga oshirilmoqda.

Har bir zavod kuniga 1,5 ming tonna chiqindini qayta ishlash quvvatiga ega bo‘lib, yiliga 240 mln kVt/soat elektr energiyasi ishlab chiqaradi. Ikkala loyiha ham 150 dan ortiq yangi ish o‘rinlarini yaratadi.

Mazkur tashabbus pezidentning chiqindilarni energiyaga aylantirish bo‘yicha qabul qilgan qarorlari asosida boshlangan bo‘lib, «yashil iqtisodiyot» tamoyillariga mos tarzda amalga oshirilmoqda. Loyihalar 2025 – 2027-yillarda ishga tushirilishi rejalashtirilgan. Kompaniyalar ishlab chiqargan elektr energiyasini...

Shavkat Mirziyoyev Turkmaniston prezidenti Serdar Berdimuhamedovning taklifiga binoan amaliy tashrif bilan ushbu mamlakatga keldi. Bu haqda davlat rahbari matbuot xizmati ma’lum qildi.

Turkmanboshi shahri aeroportida davlatimiz rahbarini Turkman xalqining milliy yetakchisi, Xalq maslahati raisi Gurbanguli Berdimuhamedov kutib oldi.

Ma’lumot uchun, O‘zbekiston yetakchisi 5-avgust kuni BMTning Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasida ishtirok etadi. Shuningdek, Markaziy Osiyo davlatlari rahbarlarining yettinchi Maslahat uchrashuviga tayyorgarlik ko‘rish masalalariga bag‘ishlangan maxsus tadbirda qatnashadi hamda qator ikki tomonlama muzokaralar o‘tkazadi.

Eslatib o‘tamiz, avvalroq Turkmaniston Erondan kelgan o‘zbekistonliklarni qabul qilgani haqida yozgan edik.

Vazirlar Mahkamasining qaroriga ko‘ra, Sea Breeze Uzbekistan kurorti uchun ko‘prik, yo‘llar va kommunal infratuzilma qurilishi loyihalarini moliyalashtirish maqsadida O‘zbekiston xalqaro moliyaviy tashkilotlar va xususiy investorlar mablag‘larini jalb etadi.

Shu maqsadda 2026-yil 1-yanvargacha Investitsiyalar, sanoat va savdo vazirligiga xorijiy moliyaviy institutlar hamda investorlar bilan hamkorlikda zarur mablag‘larni jalb etish topshirildi.

Kurort ijaraga olingan yer uchastkalarida quriladi. Har bir kvadrat metr qurilish uchun ijarachi $50 miqdorida infratuzilma to‘lovi to‘laydi. Ushbu mablag‘lar muhandislik va ijtimoiy infratuzilmani rivojlantirishga yo‘naltiriladi. Jumladan, yer osti avtoturargohi, qurilish maydonchasi va texnik inshootlar uchun.

To‘langan barcha mablag‘lar «Charvak» turistik-rekreatsion zonasi direksiyasining maxsus hisob raqamiga, obyektlar foydalanishga topshirilgunga qadar...