Yangiliklar

2025-yil boshidan Moskva viloyatida migrantlarga alkogol, tamaki sotish va umumiy ovqatlanish korxonalarida ishlash taqiqlanadi, deb xabar qildi Moskva viloyati hukumati.

Moskva viloyati hukumati raisi o‘rinbosari Natalya Maslenkinaning aytishicha, mintaqada uch yil ichida savdo sohasida ishlayotgan muhojirlarga nisbatan shikoyatlar soni sezilarli darajada oshgan.

«Hozirda Moskva viloyatida alkogolli ichimliklar, pivo va tamaki mahsulotlari sotiladigan doʻkonlarda mehnat muhojirlarini ishga olish boʻyicha 15 foizlik cheklov belgilangan. Biz bunday doʻkonlarda patent asosida mehnat muhojirlarining ishlashiga toʻliq taqiq joriy etgan 22 ta hududga qoʻshilishni xohlar edik», dedi Maslenkina.

Viloyat hukumati chet el fuqarolari Rossiyada ishlash uchun maxsus...

17-sentabr kuni O‘zbekiston Respublika valyuta birjasida dollarning rasmiy narxi 3,08 so‘mga ko‘tarildi va 12 732,56 so‘mni tashkil qildi.

Moliya institutlari AQSh valyutasini 12 670 – 12 710 so‘mdan xarid qilishmoqda va 12 750 – 12 790 so‘mdan sotishmoqda.

Eslatib o‘tamiz, mamlakatda 16-sentabr kuni dollarning narxi 20,27 so‘mga pasaygan edi.

Mikromoliya tashkilotlari tomonidan yuridik shaxslarga xorijiy valyuta ko‘rinishida xizmat ko‘rsatishga oid qonunchilik loyihasi Oliy Majlis Qonunchilik palatasi deputatlari tomonidan birinchi o‘qishda ma’qullandi.

Bundan tashqari, qonun loyihasida tashkilotlarning eng kam ustav fondi 100 mlrd so‘m qilib belgilashga oid qoidalar, shuningdek, mazkur tashkilot Markaziy bankdan ro‘yxatdan o‘tkazilishi hamda Markaziy bank tomonidan nazorat qilinishi ham belgilangan.

Qayd etilishicha, loyiha bo‘yicha nobank kredit tashkilotlarini AJ yoki MCHJ shaklida tashkil etish imkoniyati mavjud bo‘ladi.  

Qonun loyihasida jismoniy va yuridik shaxslar tomonidan nobank kredit tashkilotining ustav kapitalida olinayotgan ulush miqdori 10 foizdan 20 foizgacha bo‘lganda Markaziy bankni xabardor qilinishi ko‘zda tutilgan.

Eslatib o‘tamiz, avvalroq...

Avgust oyida avtotransport vositalari savdosi 9 foizga oshib, 111 ming donadan oshdi, ammo yillik faollik 25 foizga kamaydi, deyiladi Iqtisodiy tadqiqotlar va islohotlar markazi tahlilida.

Yengil avtomobillar

Yengil avtomobillar savdosi 11 foizga oshib, 102 ming donaga yetdi – fevral oyidan beri eng yuqori ko‘rsatkich. Ammo yillik hisobda sotuvlar 24,6 foizga kamaydi. Eng yuqori o‘sish Surxondaryo (54 foiz), Farg‘ona (25,4 foiz) va Andijon (24,8 foiz) viloyatlarida kuzatildi.

Birlamchi bozor

Yengil avtomobillar birlamchi bozorida sotuvlar 22,4 foizga oshib, 34 ming dona yangi avtomobilni tashkil etdi, bu iyul oyiga nisbatan 7 mingtaga ko‘pdir. Iyul oyida sotuvlar 12 foizga pasaygan edi, avgustda...

O‘zbekiston prezidenti Shavkat Mirziyoyev Ostona shahridagi «Markaziy Osiyo – Germaniya» sammitida mintaqa mamlakatlari va Berlin o‘rtasidagi hamkorlikning asosiy yo‘nalishlarini ma’lum qildi. Germaniya kompaniyalari bilan investitsiyaviy va texnologik sheriklik shular jumlasidandir.

Davlatimiz rahbari tegishli «Yo‘l xaritasi»ni ishlab chiqib, maxsus iqtisodiy va sanoat zonalaridagi loyihalarga nemis investorlarini jalb etish taklifini bildirdi.

Bundan tashqari, u Toshkent investitsiya forumida O‘zbekistonda o‘tkazilishi rejalashtirilgan «Markaziy Osiyo va Germaniya» investorlar va tadbirkorlar kengashini ishga tushirishni taklif qildi.

Mirziyoyev «Markaziy Osiyo – Germaniya» tahliliy markazlar forumini ta’sis etish tashabbusini ilgari surdi. Tadbir mennonit nemislarining katta jamoasi yashaydigan Xivada o‘tkazilishi mumkin.

Mirziyoyev tomonidan ilgari surilgan boshqa tashabbuslar qatorida Markaziy...

«Harbiy xizmatchilarning moddiy javobgarligi to‘g‘risida»gi qonun loyihasi Oliy Majlis Qonunchilik palatasi deputatlari tomonidan birinchi o‘qishda qabul qilindi.

Ushbu qonunning tasdiqlanishi natijasida qonunchilikda belgilangan harbiy xizmatchilarning moddiy javobgarlik masalasiga oydinlik kiritiladi.

Shuningdek, ushbu qonun loyihasi harbiy xizmatchilarning moddiy javobgarligiga oid yaxlit qonun hujjatini qabul qilishni nazarda tutgan.

 «Loyihada harbiy xizmatchilarni moddiy javobgarlikka tortish asoslari, harbiy xizmatchilarning cheklangan yoki to‘liq moddiy javobgarligi masalalari, yetkazilgan zarar miqdorini aniqlash tartib-taomillari, yetkazilgan zararning o‘rnini qoplash tartibi kabi muhim normalar aniqlashtirilmoqda», deyiladi Qonunchilik palatasi xabarida.

Deputatlarning ta’kidlashicha, mazkur qonun loyihasi Qurolli Kuchlarda qonunga hurmat ruhini qaror toptirishda asos bo‘lib...

«Omad sugʻurta» va «Japan DXT» kripto-depozitariy kompaniyalari litsenziyasining amal qilishi toʻxtatildi. Bu haqda Istiqbolli loyihalar milliy agentligi (ILMA) xabar berdi.

Unga koʻra, «Omad sugʻurta» AJning moliyaviy hisobotlarini oʻrganishi natijasida qonunchilik hujjatlarida belgilangan me’yorlarga rioya qilinmaganlik faktlari aniqlanib, 76,5 mln soʻm miqdorida jarima solindi.

Bundan tashqari, «Omad sugʻurta» AJga sugʻurta faoliyatini amalga oshirish boʻyicha berilgan 2022-yildagi litsenziyasi 2024-yil 17-sentabr sanasidan boshlab 10 kun muddatga toʻxtatildi.

Shuningdek, agentlikning qarori bilan «Japan DXT» kripto-depozitariy MCHJning ham litsenziyasi amal qilishi toʻxtatildi. Kompaniyaga kripto-depozitariy faoliyatini amalga oshirish boʻyicha 2024-yil 30-avgustda berilgan litsenziya 2024-yil 16-sentabr sanasidan boshlab 10 kun muddatga toʻxtatildi. Litsenziyasining amal qilishini...

Odam savdosi jinoyati uchun jazo choralari kuchaytirishga oid Jinoyat kodeksining 135-moddasiga o‘zgartirish kiritish bo‘yicha qonun loyihasi parlament quyi palatasi tomonidan uchinchi o‘qishda qabul qilindi.  

«Bugungi kunda odam savdosi bilan bog‘liq jinoyatlar hamon sodir etilmoqda. Bu kabi insonlarning huquqlari va erkinliklarini buzish bilan bog‘liq huquqbuzarliklar, jumladan, odam savdosi jinoyati uchun mutanosib sanksiyalar belgilanmagan», deyiladi palata xabarida.

Qonun loyihasida ushbu turdagi jinoyat homilador ayolga nisbatan sodir etilgan holatda, javobgarlik masalasini og‘irlashtirish alohida e’tiborga olingan.

Bundan tashqari, odam savdosi jinoyatini sodir etgan shaxs, muqaddam odam o‘g‘irlash jinoyatini sodir etgan bo‘lsa, bu og‘irlashtiruvchi holat sifatida baholanishi...

Isroilda vaziyat tobora keskinlashib bormoqda va mamlakat «Hizbulloh» bilan keng ko‘lamli mojaroga yaqinlashib qoldi. Mazkur holat 30-iyul va 25-avgust mojarolaridan keyingi eng xavfli davrlardan biri hisoblanadi. Bu haqda «Jerusalim Post» xabar beradi.

Isoril mudofaa vaziri Yoav Gallant amerikalik hamkasbi Lloyd Ostinga «Hizbulloh» muammosini hal qilishning diplomatik yo‘llari qolmagani haqida xabar berdi.

Shuningdek, Gallant o‘rniga Gideon Saar vazir bo‘lishi mumkinligi haqida mish-mishlar tarqalmoqda, bu esa Hizbullohga qarshi harbiy operatsiyani qo‘llab-quvvatlashni oshirishi mumkin.

Muxolifat, xususan, Beni Gans tomonidan tanqid ham kuchaymoqda, chunki u bosh vazir Binyamin Netanyaxuning mamlakat shimolida keng ko‘lamli jangni boshlashda qat’iyati yo‘qligini ko‘rsatadi, deb yozadi «Jerusalim Post...

Qozog‘istonning ayrim maktablari kichik yoshdagi o‘quvchilarning tanaffus vaqtida uxlashlari uchun sharoit yaratib bermoqchi. Bu haqda Aqsham news axborot nashri ma’lum qildi.

Unga ko‘ra, bu nafaqat bolaning, balki o‘qituvchilarning ham ishini osonlashtiradi.

Shuningdek, klavikulalari kuchli bo‘lmagan bolalar uchun uzoq vaqt o‘tirish oson emas. Bundan tashqari, ba’zi o‘quvchilar uzoqdan keladi. Uyqudan erta turish, uzoq yo‘l yurish va yo‘ldagi tirbandliklar murg‘ak o‘quvchining sog‘lig‘iga salbiy ta’sir ko‘rsatadi.

Shuning uchun maktab 20 daqiqalik tanaffus paytida o‘quvchilar o‘z stollarini cho‘zib, dam olish uchun sharoit yaratib bermoqchi. O‘quvchilar «uyqu stoli»da uxlaydilar. Bu yil Olmaota shahridagi 15-gimnaziyaning barcha boshlang‘ich sinflariga shunday partalar taqdim etiladi.

Qashqadaryo viloyatida kuz-qish mavsumiga tayyorgarlik doirasida eski transformatorlar yangilariga almashtirildi. Bu haqda viloyat hokimligi xabar berdi.

Unga ko‘ra, Kitob tumani markazida 25 ming kVt, Surxonda 16 mVt quvvatga ega yangi transformatorlar va Shahrisabz, G‘uzor va Ko‘kdala podstansiyalarida ushbu uskunalar o‘rnatildi.

Avvalroq Kursiv Uzbekistan Xitoy kompaniyasi O‘zbekistonning Andijon viloyatida elektr energiyasi ishlab chiqarish uchun chiqindidan foydalanishi haqida yozgan edi.

Qonunchilik palatasi «Hayvonlarni identifikatsiya qilish, ro‘yxatga olish va kuzatish to‘g‘risida»gi qonun loyihasini birinchi o‘qishda tasdiqladi.

Qonun loyihasida chorva hayvonlarini yuqumli kasallikda himoya qilish, identifikatsiyasiga oid ishlar hamda aholini xavfsiz oziq-ovqat mahsulotlari bilan ta’minlash masalalari yoritilgan.

Hayvonlarni hisobini yuritish, nasli bilan bog‘liq yagona elektron tizim yaratilishi belgilanmoqda. Ma’lumotlar bazasini shakllantirish, iste’mol uchun chiqariladigan barcha mahsulotlar to‘g‘risidagi ma’lumotlarni olishga imkon yaratadi.  

«Hayvonlarni identifikatsiya qilish tizimining eng asosiy afzallik tomonlaridan biri, bu tizim orqali oziq-ovqat xavfsizligi ta’minlanadi», dedi .

«Iste’mol uchun ishlatiladigan go‘sht va boshqa mahsulotlar olinadigan qoramol, qo‘y va echki, cho‘chqa...

Qashqadaryoda 232,8 mln soʻmlik tabiiy gazdan qonuniyga xilof ravishda foydalangan sex aniqlandi. Bu haqda Iqtisodiy jinoyatlarga qarshi kurashish departamenti matbuot xizmati xabar berdi.

Ma’lum qilinishicha, bir qancha shaxslar tegishli tartibda davlat roʻyxatidan oʻtmasdan Qarshi shahri «Naqshab» MFY hududidagi xonadonda novvot ishlab chiqarish sexini tashkil etib, umumiy foydalanishdagi gaz tarmogʻiga yashirincha ulangan. Tekshiruvlar natijasida korxona umumiy hisobda 232,8 mln soʻmlik gazdan noqonuniy foydalangani aniqlandi.

Hozirda ushbu holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari oʻtkazilmoqda.

Avvalroq Kursiv Uzbekistan mamlakatda xorijdan gaz sotib olish qariyb besh barobarga ortgani haqida xabar bergan edi.

Oliy Majlis qonunchilik palatasi Inson huquqlari bo‘yicha vakili (ombudsman) to‘g‘risidagi qonun loyihasini tasdiqladi.

Mazkur qonun loyihasi ombudsman vakolat doirasida O‘zbekiston prezidentiga, Oliy Majlisi palatalariga, shuningdek, Vazirlar Mahkamasiga «maxsus ma’ruza» taqdim etish yangi huquqi belgilab qo‘yildi.

O‘zbekistonning xalqaro majburiyatlarini bajarilishi yuzasidan «muqobil ma’ruza» tayyorlashi hamda tegishli xalqaro tashkilotlarga taqdim etish mumkinligi belgilandi.

Qonun loyihasida, ombudsman ta’sir choralarining turlariga aniqlik kiritilgan holda, (ogohlantirish, taqdimnoma, iltimosnoma va talabnoma) alohida bobda, har bir ta’sir chorasi alohida-alohida moddada aks ettirilgan.

Avvalroq Kursiv Uzbekistan Qonunchilik palatasining majlisida Ipoteka krediti bozoriga oid qonun loyihasi ma’qullangani haqida xabar bergan edi.  

Apple rasmiy ravishda iOS 18 dasturini ishlab chiqdi hamda undan foydalanish imkonini taqdim etdi. Bu haqda Apple’ning rasmiy sahifalarida ma’lum qilindi.  

iOS 18 dasturi, bir qancha yangi funksiyalarni amalga oshirish kuchiga ega. Misol uchun, iMessage’da foydalanuvchilar xabarlarni kechiktirib yuborish imkoniyatiga ega bo‘ladilar.

Shuningdek, brauzer interfeysi va menyusi yangilandi, endilikda rasmlarni turli mavzular bo‘yicha ko‘rish mumkin. Kalkulyator dasturi ham yangilandi.

Bundan tashqari, dastur o‘yin rejimida o‘yin samaradorligini va kadr tezligini oshiradi va boshqa bir qancha funksiyalarni o‘z ichiga oladi.

Ma’lumotlarga ko‘ra, hozirda iOS 18’da Apple Intelligence asosida sun’iy intellekt funksiyalari mavjud emas. Bunday funksiyalar iOS 18.1 va keyingi versiyalarda...

Oʻzbekiston Respublikasi prezidenti amaliy tashrif bilan Qozogʻistonga bordi. Bu haqda davlat rahbarining matbuot xizmati ma’lum qildi.

Unga ko‘ra, Ostona xalqaro aeroportida O‘zR davlat rahbarini Qozogʻiston bosh vaziri Oljas Bektenov va boshqa rasmiy shaxslar kutib oldi.

Amaliy tashrif doirasida Oʻzbekiston yetakchisi ikkinchi «Markaziy Osiyo – Germaniya» sammiti tadbirlarida ishtirok etadi.

Eslatib o‘tamiz, avvalroq Shavkat Mirziyoyev Samarqandda Olaf Shols bilan uchrashgani haqida xabar bergan edik.

«Toshkent – ​​Xovost – Toshkent» yoʻnalishida qatnovchi 6412/6411-sonli temir yoʻl reysi 17-sentabr, seshanba kuni Sirdaryoga yo‘naltiriladi. Bu haqda «Oʻztemiryoʻlyulovchi» matbuot xizmati xabar qildi.

Kompaniyaning aniqlik kiritishicha, yo‘nalish o‘zgartirilishiga texnik nosozliklar bilan bog‘liq muammolar sabab bo‘lgan.

Eslatib o‘tamiz, endi Toshkent markaziy vokzalida chiptalarni maxsus terminal orqali xarid qilish mumkin.

Avvalroq Kursiv Uzbekistan nashri 2025-yildan boshlab Toshkentdan Moskvaga poyezdlar qatnovi soni oshirilishi haqida yozgan edi.

Oʻzbekiston va AQSh muhim foydali qazilmalar sohasida oʻzaro anglashuv memorandumini imzoladi. Bu haqda Togʻ-kon sanoati va geologiya vazirligi axborot xizmati xabar berdi.

Mazkur hujjat 16-sentabr kuni geologiya vazirining birinchi oʻrinbosari Omonullo Nasritdinxodjaev va Amerikaning Oʻzbekistondagi elchisi Jonatan Henik imzoladi. Memorandum mineral-xomashyo sohasida mamlakatlar oʻrtasidagi hamkorlikni rivojlantirishga qaratilgan.

«Ushbu hujjat xomashyo sohasida AQSh – Oʻzbekiston muloqotining davom etishiga, geologiya qidiruv, qazib olish va yuqori qiymatli mahsulot zanjirini yaratish yoʻlida muhim qadam boʻlib xizmat qilishi kutilmoqda», deyiladi xabarda.

Shuningdek, tadbir doirasida 2024-yil 24–26-sentabr kunlari Nevada shtati Las-Vegas shahrida boʻlib oʻtadigan togʻ-kon sanoatidagi eng yirik global tadbir...

45-Butunjahon shaxmat Olimpiadasining 6-tur doirasida O‘zbekiston terma jamoasi yigitlari Isroil, qizlari esa Niderlandiya terma jamoasiga qarshi bahs olib bordi. Bu haqda Uzchess ma’lum qildi.

Unga ko‘ra, erkaklardan iborat terma jamoamiz tur doirasida Isroilni 2,5 : 1,5 hisobida mag‘lub etgan bo‘lsa, qizlar Niderlandiya bilan 2:2 hisobida durang qayd etdi.

6-tur natijalaridan so‘ng O‘zbekiston terma jamoasi 200 ga yaqin davlat ichida 5-o‘rinda turibdi.

Ma’lumot uchun, 7-turda yigitlarimiz terma jamoamiz Ukraina, qizlarimiz esa Gretsiya jamoasiga qarshi dona suradi. O‘yin 18-sentabr 18:15 da boshlanadi.

Eslatib o‘tamiz, avvalroq o‘zbekistonlik shaxmatchilar FIDE Olimpiadasidagi ishtiroki haqida yozgan edik.

«Olmaliq KMK» AJ va Germaniyaning «KfW IPEX Bank» va «AKA» banklari o‘rtasida kredit bitimi imzolandi. Bu haqda «Olmaliq KMK» AJ axborot xizmati xabar berdi.

Samarqandda o‘tkazilgan O‘zbekiston va Germaniya ishbilarmon o‘rtasidagi davra suhbatida kredit bitimi imzolandi.

Kelishuvga ko‘ra, nemis banklari tomonidan yangi mis eritish majmuasini barpo etish uchun birinchi transh sifatida 146 mln yevro ajratadi.

Yangi mis eritish majmuasi qurilishi «Yoshlik» loyihasining ikkinchi bosqichi bo‘lib va u $1 mlrdga baholanmoqda. Shuningdek, birinchi bosqich budjeti $4,8 mlrd bo‘lgan.

Eslatib o‘tamiz, avvalroq Kursiv Uzbekistan O‘zbekiston va Germaniya o‘rtasida iqlim o‘zgarishiga qarshi kurashish bo‘yicha hamkorlik to‘g‘risida ikkita bitim imzolangani haqida...

Rossiyaning «Ozon Komyuniti» va «Rusal Komplektatsiya» korxonalari Oʻzbekiston fuqarolarini ishga taklif qilmoqda. Bu haqda Tashqi mehnat migratsiyasi agentligi xabar berdi.

Unga koʻra, «Ozon Komyuniti» korxonasi omborxona ishlariga taklif qilmoqda. Ish haqi 12 mln soʻmni (85 ming rubl) tashkil qiladi. Nomzodlar 18–55 yosh oraligʻida boʻlish, rus tilini bilish, sudlanmagan, xorijga chiqish taqiqlanmagan va sogʻlom boʻlishi kerak.

Aviachipta, bir mahal ovqat, yotoqxona, transport ish beruvchi hisobidan qoplab beriladi. Roʻyxatdan oʻtish uchun havola.

Shuningdek, fuqarolar Rossiyaning yana «Rusal Komplektatsiya» korxonasiga ham ishga taklif qilinmoqda.

Ish turi alyumin quyuvchi boʻlib, oylik maosh 11,2 mln soʻmdan (80 ming rubl) boshlanadi.

Nomzodlarga...

Dunyo bozorlarining ishtirokchilari neft yetkazib berish hajmi bilan bog‘liq xavotirga tushib qolishdi, shuning uchun xomashyo narxi oshdi, deb xabar beradi Trading Economics portali.

Shunday qilib, Brent fyucherslari barreli uchun $73,1 ga, WTI esa $70,6 ga ko‘tarildi.

Neft qazib olish jarayoniga ta’sir ko‘rsatgan «Fransin» to‘foni ta’siri xomashyo yetkazib berish hajmi va saqlanishiga ta’sir qilishda davom etmoqda. Boshqa tomondan, narxlar Xitoy tomonidan talabga bog‘liq.

Fond bozorlarida Intel (+8,37 foiz) va Meta (+1,74 foiz) aksiyalari o‘sib bormoqda, Apple (-2,72 foiz) va Tesla (-1,37 foiz) aksiyalari tushib bormoqda.

Avvalroq «Kursiv Uzbekistan» arabika qahvasi narxi 13 yildagi eng yuqori darajaga ko‘tarilgani haqida yozgan

Futzal bo‘yicha jahon chempionati doirasida O‘zbekistonning ikkinchi tur uchrashuvidagi raqibi Paragvay bo‘ladi. Bu haqda Olimpiya qo‘mitasi ma’lum qildi.

Unga ko‘ra, bugun Oʻzbekiston futzal terma jamoasi Paragvay bilan bahs olib boradi. O‘yin bugun soat 20:00 da «Humo» arenasida bo‘lib o‘tadi.

Eslatib o‘tamiz, avvalroq futzal boʻyicha jahon chempionati: Oʻzbekiston Niderlandiya bilan durang oʻynagan edi.

UzAuto Motors Powertrain boshqaruv raisi Bu Inge Andersson ish haqidan 5 foizlik jarimaga tortildi. Bu haqda Korporativ axborot yagona portalidan ma’lum qilindi.

Ma’lum qilinishicha, mansabdorga nisbatan jarima qo‘llanilishiga tashqi savdo operatsiyalari bo‘yicha qarzdorlikni vaqtida bartaraf etish chora-tadbirlarini ko‘rmaganligi sabab bo‘lgan.

«Mehnat kodeksining 312-moddasiga asosan jarima qo‘llanilsin. Qaror ijrosini ta’minlash choralarini ko‘rish Jamiyatning xodimlar bilan ishlash departamenti direktori (I.Abdullayev) va Moliya direktoriga (I.Radjabov) yuklatilsin», deyiladi ma’lumotda.

Ma’lumot uchun, Andersson 2021-yil avgustidan buyon UzAuto Motors Powertrain va UzAuto Motorsni boshqarib kelmoqda. Bundan tashqari, u 2013-yildan 2016-yilgacha AvtoVAZni boshqargan.

Avvalroq Kursiv Uzbekistan AQShning Mars kompaniyasi shikoyatidan so‘ng...