Yangiliklar

Braziliyada uzoq vaqt yomg‘ir yog‘masligi arabika navli qahva narxining jahon miqyosida ko‘tarilishiga sabab bo‘ldi. Bloomberg axborot portali xabar berishicha, uning qiymati so‘nggi 13-yil ichidagi eng yuqori ko‘rsatkichga yetdi.

Amerika birjasida arabika fyucherslari 4,8 foizga o‘sdi va 2011-yildan beri eng yuqori darajaga yetdi. Yil boshidan beri qahva narxi 40 foizga oshdi.

Narxlarning oshishi Braziliyadagi ob-havo bilan bog‘liq. Bu mamlakat yetakchi qahva ishlab chiqaruvchisi hisoblanadi. Issiq va qurg‘oqchilik ekinlarga zarar yetkazdi, yaxshi hosil bo‘lmadi.

Sanoat, shuningdek, bir qator mamlakatlardagi portlarning yuklangani, tashish uchun konteynerlarning yetishmasligi, Qizil dengizdagi hujumlar va Vyetnamdagi yomon hosil tufayli logistika uzilishlaridan aziyat chekmoqda.

Avvalroq Kursiv Uzbekistan robust...

O‘zbekiston prezidenti Shavkat Mirziyoyev 12-sentyabr kuni Xalqaro mehnat tashkilotining (XMT) to‘liqsiz ish vaqti sharoitida ishlash to‘g‘risidagi 175-sonli konvensiyasini ratifikatsiya qilgan qonunni imzoladi. Bu haqda Adliya vazirligi xabar beradi.

XMTning 1994-yilda qabul qilingan konvensiyasi qisman band bo‘lgan xodimlarning mehnat sharoitlarini tartibga soladi.

Ushbu hujjatga ko‘ra, bunday xodimlar to‘liq ish kunida ishlovchilar bilan teng huquq va kafolatlarga ega. Bu ish haqi, bandlik, kasbiy tayyorgarlik va boshqa ish sharoitlariga taalluqlidir.

Ularga haq to‘lash va ijtimoiy imtiyozlar, agar boshqacha qoida nazarda tutilmagan bo‘lsa, ishlangan vaqtga mutanosib ravishda berilishi kerak.

To‘liqsiz ish bilan band bo‘lgan xodimlar to‘liq stavkadagi xodimlar bilan teng ravishda ijtimoiy ta’minot...

AQSh Xalqaro taraqqiyot agentligi (USAID) oʻzbek biznesini qoʻllab-quvvatlashga qaratilgan loyiha doirasida grantlar berish boʻyicha yangi tanlov e’lon qildi. Bu haqda AQSHning Oʻzbekistondagi elchixonasi rasmiy veb-saytida ma’lum qilindi.

Yangi grant dasturi toʻqimachilik, turizm, yashil iqtisod va axborot-kommunikatsiya texnologiyalari (AKT) kabi sohalarda biznes muhitini yaxshilash va oʻsishni ragʻbatlantirishga qaratilgan.

Kim grant olishi mumkin?

Grant dasturi kichik va oʻrta biznes subyektlari, nodavlat notijorat tashkilotlari (NNT) va iqtisodiy oʻsish va ijtimoiy inklyuziyani ta’minlashga hissa qoʻshadigan boshqa tashkilotlarga moʻljallangan. USAID, ayniqsa, ayollar, yoshlar va ijtimoiy himoyaga muhtoj qatlam vakillarini qoʻllab-quvvatlashga qaratilgan loyihalarga alohida e’tibor qaratadi.

Grantlarning miqdori qancha?

Grantlarning miqdori $25 mingdan...

O‘zbekiston prezidenti Shavkat Mirziyoyev Qozog‘iston rahbari Qosim-Jomart Toqayevning taklifiga binoan 17-sentabr kuni Markaziy Osiyo mamlakatlari va Germaniya yetakchilarining ikkinchi uchrashuvida ishtirok etish uchun amaliy tashrif bilan Ostona shahrida bo‘ladi. Bu haqda O‘zR prezidenti matbuot xizmati xabar berdi.

Sammitda mintaqa mamlakatlarining Germaniya bilan ko‘p qirrali hamkorligini yanada rivojlantirish va chuqurlashtirish masalalari muhokama qilinadi.

Savdo-iqtisodiyot, investitsiya, texnologiyalar, transport-kommunikatsiya va boshqa ustuvor yo‘nalishlarda amaliy hamkorlikni kengaytirishga alohida e’tibor qaratiladi. Shuningdek, Germaniyaning yetakchi kompaniya va banklari rahbarlari bilan qo‘shma uchrashuv o‘tkazish rejalashtirilgan.

Ta’kidlash joizki, «Markaziy Osiyo – Germaniya» formatidagi birinchi sammit o‘tgan yilning 29-sentabr kuni Berlin shahrida bo‘lib o‘tgan edi.

Avvalroq Kursiv...

O‘zbekiston davlat yosh tomoshabinlar teatri Rossiyaning Elista shahrida bo‘lib o‘tgan «Keyeda» bolalar xalqaro teatrlarining IV festivalida mukofotga sazovor bo‘ldi. Bu haqda Madaniyat vazirligi matbuot xizmati xabar beradi.

Festival doirasida O‘zbekistonda xizmat ko‘rsatgan artist Malika Iskandarova tomonidan sahnalashtirilgan «Pashsha Serxarxasha» myuzikl spektakli namoyish etildi.

Teatr jamoasini B. Basangov nomidagi milliy drama teatri direktori Galina Shurayeva maxsus diplom va statuetka bilan taqdirladi.

O‘zbekiston teatriga Qalmiq Respublikasi Madaniyat vazirligi san’at bo‘limi boshlig‘i Natalya Gadanova va Rossiya teatr arboblari uyushmasi hududiy bo‘limi boshlig‘i Sergey Burlachenko ham o‘z minnatdorchiligini bildirdi.

Avvalroq Kursiv Uzbekistan Rossiya va O‘zbekiston birgalikda filmlar ishlab chiqarishi haqida yozgan

«Toshkent» xalqaro aeroportida uchib kelish zali oldidagi avtoturargoh ta’mirlangani sababli kelayotgan yo‘lovchilar uchun chiqish vaqtincha o‘zgartirildi. Endi shaharga chiqish chapda, taksi yo‘lagining orqasida joylashgan. Bu haqda UzAirports boshqaruv kompaniyasi xabar berdi.

Shu bilan birga, kutib oluvchilar uchun kirish odatiy rejimda ishlaydi va shahar tomonidan kirish mumkin. Avtoturargohni ta’mirlash ishlari uch kun ichida yakunlanadi.

11-sentabr kuni Kursiv Uzbekistan Shahrisabz aeroporti 21 yillik tanaffusdan so‘ng faoliyatini tiklaganini yozgan edi.

Navoiy viloyatida joylashgan AYoQShda operator hamda boshqa xodimlar birgalikda 689,5 mlrd so‘m pul mablag‘ini o‘zlashtirgan. Bu haqda departament matbuot xizmati xabar berdi.

Ma’lumotlarga ko‘ra, departament tomonidan tekshiruv «N.B» MCHJning murojaatiga asosan o‘tkazilgan.

Natijada MCHJ’ga qarashli AYoQShda operator hamda boshqa xodimlar tomonidan hujjatlarga yolg‘on ma’lumotlar kiritish orqali yoqilg‘i sotuvidan tushgan pul mablag‘lari talon-toroj qilingan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bo‘yicha jinoyat ishi qo‘zg‘atilgan.

Eslatib o‘tamiz, avvalroq Kursiv Uzbekistan ikkita paxta toʻqimachilik klasterlari 3 mlrd soʻmlik asossiz daromad olgani haqida xabar bergan edi.

16-sentabr kuni O‘zbekiston Respublika valyuta birjasida dollarning rasmiy narxi 20,27 so‘mga pasaydi va 12 729,48 so‘mni tashkil qildi.

Davlatning banklari AQSh valyutasini 12 670 – 12 720 so‘mdan xarid qilishmoqda va 12 750 – 12 810 so‘mdan sotishmoqda.

Eslatib o‘tamiz, respublikada 13-sentabr kuni dollarning narxi deyarli 8 so‘mga ko‘tarilgan edi.

RFB «Toshkent» boshqaruvining qaroriga asosan «O‘zbekiston ipotekani qayta moliyalashtirish kompaniyasi» AJning  yashil korporativ obligatsiyalari IQMK5E tikeri bilan 2024-yil 16-sentabrdan Bond Market obligatsiyalar bozoriga kiritildi. Bu haqda RFB «Toshkent» fond birjasi axborot xizmati xabar berdi.

Hajmi 50 milliard so‘mni tashkil etadi. Besh yillik obligatsiyaning nominal qiymati bir million so‘m, kupon stavkasi esa yilda 18 foizni tashkil etadi. Ushbu qimmatli qog‘ozlar broker sifatida Alkes Research tanlangan.

Ma’lumot uchun dunyo bo‘ylab muomalada bo‘lgan yashil obligatsiyalar hajmi $2,5 trilliondan oshmoqda.

Eslatib o‘tamiz, avvalroq Kursiv Uzbekistan oltita kompaniyaning qimmatli qogʻozlari yuqori likvidli aksiyalar qatorini tark etgani haqida xabar bergan edi.

Qoraqalpogʻistonning Borsakelmas choʻlida xalqaro ekologik marafon boʻlib oʻtdi, deb xabar qildi Oʻzbekiston Ekologiya vazirligi.

Tadbir ishtirokchilari orasida Nike ambassadori Farah Majid va Adidas ambassadori G‘ani Sulaymon ham bor edi.

Bu yil 5, 10, 21 va 45 km masofaga marafonlar tashkil etilib, unda 11 davlatdan sportchilar ishtirok etdi. Tadbir «Sayyoramiz kelajagiga qo‘shgan hissamiz» shiori ostida o‘tkazildi.

Avvalroq «Kursiv» Xitoy ilmiy ekspeditsiyasi Orol dengizini o‘rganishga kirishgani haqida yozgan edi.

Toshkentdagi «Malika» savdo majmuasida joylashgan doʻkonlar iPhone 16 smartfonlariga buyurtma qabul qila boshladi. Ba’zi doʻkonlar 13-sentyabrdan buyurtma qabul qilib, 20-sentabrdan boshlab sotuvni boshlashadi. Boshqa doʻkonlar esa oktabr oyi boshida yetkazib berish bilan buyurtmalarni qabul qiladi.

iPhone 16ning asosiy xotirasi 128 Gb boʻlgan modelining narxi $949 dan boshlanadi. 256 Gb xotirali modeli $1049, 512 Gb xotirali modeli esa $1310 turadi.

iPhone 16 Plus modelining 128 Gb xotirali varianti $1049, 256 Gb xotirali varianti $1199 va 512 Gb xotirali varianti $1489 turadi.

iPhone 16 Pro modelining 128 Gb xotirali varianti $1199, 256 Gb xotirali varianti $1329, 512 Gb xotirali varianti $1629, eng...

Yandex Uzbekistan ilk marotaba Toshkentda dasturlash maktabini ochmoqda. Bu haqda kompaniya matbuot xizmati xabar berdi.

Ma’lum qilinishicha, o‘quv dargohlari mobil va bekend dasturlash uchun bag‘ishlangan.

Ta’lim dasturlari leksiyalar, amaliy mashg‘ulotlar hamda Yandex xizmatlariga haqiqiy biznes-vazifalar ustida jamoaviy ishlarni o‘z ichiga oladi.

Bundan tashqari, ta’lim ikki bosqichda o‘tkaziladi. Ilk bosqichda talabalar nazariy bilim va ko‘nikmalarini shakllantiradilar. Birinchi bosqichni muvaffaqiyatli tamomlagan talabalar bilimlarini amaliyotda sinab ko‘radilar.

Maktabga kirish uchun arizalar joriy yilning 13-oktabriga qadar ushbu havola orqali qabul qilinadi.

Test topshiriqlarini muvaffaqiyatli topshirgan nomzodlar suhbatga taklif etiladi. Saralash natijalari 23–24-oktabr kuni e’lon qilinadi. Ta’lim esa, 28-oktabrdan boshlanadi.

Ma’lumot uchun, Yandex...

Oʻzbekistonda 2024-yil 1-avgust holatiga 396,5 mingta tadbirkorlik subyektlari faoliyat olib bormoqda. Bu haqda Statistika agentligi ma’lum qildi.

Unga ko‘ra, 150,5 mingta savdo, 63 mingta sanoat, 33,7 mingta qishloq, oʻrmon va baliqchilik xoʻjaligi, 30,1 mingta qurilish, 28,1 mingta yashash va ovqatlanish boʻyicha xizmatlar, 16,5 mingta tashish va saqlash, 9,9 mingta axborot va aloqa, 9,6 mingta sogʻliqni saqlash va ijtimoiy xizmat koʻrsatish va 55,2 mingta boshqa sohalarda tadbirkorlik subyektlari ro‘yxatga olingan.

Solishtirish uchun, 1-may holatiga tadbirkorlik subyektlari 404,75 mingtani tashkil etgan. E’tiborli jihati, uch oy ichida deyarli barcha tadbirkorlik subyektlari sezilarli darajada kamaygan. Eng katta tushish savdo sohasida qayd etilgan. Bugunga...

Oʻzbekiston va Germaniya «yashil energetika», kimyo sanoati, «yashil vodorod» ishlab chiqarish, mashinasozlik, elektrotexnika, toʻqimachilik, farmatsevtika sanoati va boshqa sohalarda sanoat kooperatsiyasida sherikchilik qiladi. Bu haqda Shavkat Mirziyoyev va Olaf Shols ikki mamlakatning yetakchi kompaniya va banklarining vakillari bilan uchrashuvda ma’lum qilindi.

Tadbirda Germaniyaning yirik kompaniyalar hamda «KfW Development Bank», «AKA Bank» banklari vakillari ishtirok etishdi. Uchrashuvda oʻta muhim mineral resurslar konlarini oʻzlashtirish va ularni chuqur qayta ishlash, keyinchalik Germaniya va boshqa bozorlarga eksport qilish uchun Germaniya kompaniyalarining ishtiroki istiqbolli yoʻnalish sifatida belgilandi.

Uchrashuvda Shavkat Mirziyoyev Germaniya biznesining Oʻzbekistondagi yirik kompaniyalar bilan yaqin hamkorligini yoʻlga qoʻyish muhimligiga alohida e’tibor qaratdi. Shu...

Shanxayga so‘nggi 75 yil ichida eng kuchli to‘fon Bebinca yopirildi. Bu haqda mamlakatning markaziy meteorologiya boshqarmasi ma’lumot berdi.

Ma’lumotlarga ko‘ra, to‘fon 16-sentabr dushanba kuni ertalab Pudongdagi Lingang yangi shahar sohiliga chiqdi. CCTV telekanali Bebinca quruqlikka chiqqanidan keyin bu 1949 yildan beri Shanxayga urgan eng kuchli to‘fon ekanini ta’kidladi.

Shanxaydagi ikkita asosiy aeroportda barcha reyslar, parom va ba’zi poyezd xizmatlari ham to‘xtatildi. Avtomobil yo‘llari mahalliy vaqt bilan soat 01:00 da (1700 GMT) yopildi va shahardagi yo‘llarda tezlik cheklovi soatiga 40 km qilib belgilandi. Yanszi daryosi og‘zidagi Chongming tumanidan 9 ming kishi evakuatsiya qilindi.

Milliy ob-havo idorasi ma’lumotlariga ko‘ra, Xitoyning janubidagi...

Toshkent shahar hokimligi Yangihayot tumani savdo-ko‘ngilochar bulvarini yaratish bo‘yicha ekologik loyihada ishtirok etishga taklif qiladi. Bu haqda hokimlik matbuot xizmati ma’lum qildi.

Unga ko‘ra, loyihalar davlat-xususiy sherikligi (DXSH) asosida «Toshkent Invest kompaniyasi» AJ bilan birgalikda amalga oshiriladi.

Mazkur bulvar gastronomik, sport, savdo hamda bolalar ko‘ngilochar hududlari kabi loyihalardan iborat bo‘ladi.

Loyiha maydoni 3,1 gektar, uzunligi 1 kilometrdan iborat. Hududda 250 ta konteyner, 4 ta funksional zona mavjud. Obyekt davlat-xususiy sheriklik sharoitida investorga uzoq muddatga ijaraga topshiriladi.

Loyiha manzili va bog‘lanish uchun qo‘shimcha ma’lumotlarni ushbu havola orqali olishingiz mumkin.

Eslatib o‘tamiz, avvalroq Pushkin xiyoboni ko‘rkam dam olish maskaniga aylantirilishi...

2024-yil avgust oyida Oʻzbekistonda koʻchmas mulk bozori biroz pasaydi. Bu haqda Iqtisodiy tadqiqotlar va islohotlar markazi hisobotida ma’lum qilindi.

Qayd etilishicha, avgust oyida 22,2 mingta koʻchmas mulk oldi-sotdi bitimlari roʻyxatga olingan, bu iyul oyiga nisbatan 3,5 foizga kam boʻlib, savdolar soni 23 mingtani tashkil qildi.

Mazkur oyda ikkilamchi uy-joy bozori moʻtadil oʻsishni koʻrsatmoqda, Toshkentda esa ijara uy-joy bozori barqarorlashdi. Yillik oʻlchovda faollikning sezilarli darajada pasayishi kuzatilmoqda: uy-joy savdosi 20,8 foizga kamaydi, bu esa uy sotib olishga qiziqishning kamayishini koʻrsatishi mumkin.

Hududlar kesimida koʻchmas mulk bilan bogʻliq bitimlarning eng katta pasayishi Sirdaryo (22,6 foiz) va Xorazm viloyatlarida (13,2 foiz), shuningdek, Toshkent...

Samarqand viloyatida joylashgan «Agro bravo» MCHJ hamda «Sam Komiljon Fayz» MCHJ jarimaga tortildi. Bu haqda Raqobat qo‘mitasi matbuot xizmati xabar berdi.

Ma’lum qilinishicha, avgust oyida Mars Incorporated kompaniyasi (AQSH) morojaatiga asosan MCHJ lar faoliyatida tekshiruv o‘tkazilgan.

Ma’lum bo‘lishicha, yuqorida tilga olingan MCHJlar Amerikaning Mars Incorporated kompaniyasining «Mars», «Snickers», «Dove» tovar belgilaridan foydalangan.

Mazkur holat yuzasidan MCHJ’larga nisbatan tegishli tartibda ish qo‘zg‘atilib moliyaviy jarima qo‘llanildi.

Eslatib o‘tamiz, avvalroq Kursiv Uzbekistan «Lacetti L-Stayle MT» yonib ketganligi sabab Raqobat qo‘mitasi tomonida UzAuto Motorsga nisbatan ish qo‘zg‘atilganligi haqida xabar bergan edi.

Joriy yilning 16-sentabr holatiga ko‘ra 5 grammlik oltin quymalarining narxlari deyarli 5,5 mln so‘mni tashkil etmoqda. Bu haqda Markaziy bank axborot xizmati xabar berdi.

Qayd etilishicha, o‘tgan hafta yakuni (13-sentabr juma kuni) narxlar 5,4 mln so‘mni qayd etgan. Narxlar hafta yakuniga nisbatan 74 ming so‘mga yoki 1,4 foizga o‘sdi.

Oltin quymalarining narxlari o‘sishi jahon bozoridagi narxlar bilan bevosita bog‘liq. Misol uchun, LBMA taqdim etgan ma’lumotlarga ko‘ra, narxlar hafta yakuni (13-sentabr kuni) tonggi vaqtda $2571.35 qayd etgan bo‘lsa, tungi vaqtga kelib esa narxlar $2575.1 ni qayd etgan. O‘rtada farq $3,75.  

Avvalroq Kursiv Uzbekistan 5 grammlik oltin quymasi...

Toshkentdagi «International» mehmonxonasini xususiylashtirish uchun arizalar topshirish muddati 26-sentabrga qadar uzaytirildi, deb xabar berdi Davlat aktivlarini boshqarish agentligi (DABA).

Aktivning potensial xaridorlari hujjatlarni topshirish muddatini uzaytirish to‘g‘risidagi iltimos bilan chiqishdi. Bu investorlarga aktivning moliyaviy va texnik holatini o‘rganish imkonini beradi.

Iyul oyi oxirida Osiyo, Yaqin Sharq va Yevropa davlatlaridan olti nafar investor poytaxt mehmonxonasini sotib olishga qiziqish bildirgan edi.

Moliyaviy hisobotga ko‘ra, 2024-yilning yanvar – iyun oylarida mehmonxonaning sof zararlari 1,47 mlrd so‘mdan oshgan. 2023-yilning shu davrida moliyaviy yo‘qotishlar 21,9 mlrd so‘mga yetgan.

Joriy yilning iyul oyi boshida International’ning daromadi 34,3 mlrd so‘mni tashkil etib, yillik o‘sish...

Bugun, 16-sentabr kuni Xorazm, Buxoro, Navoiy, Samarqand va Qashqadaryo viloyatlarida qisqa muddatli yomg‘ir yog‘adi. Boshqa hududlarda yog‘ingarchilik kuzatilmaydi. Havo harorati 27-32 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida havo biroz bulutli bo‘ladi, biroq havo quruq va issiq bo‘ladi. Kunduzi havo 31-darajagacha isiydi, kechga kelib 13-17 daraja iliq bo‘ladi.

Tog‘li hududlarda ham yomg‘ir yog‘ishi kuzatiladi. Kunduzi havo 23-darajagacha ko‘tariladi.

Rossiyaning Tyumen viloyatidagi yo‘lda yuk va yengil avtomobil to‘qnashib ketdi. Oqibatda mashinalardan birini boshqarib ketayotgan 55 yoshli o‘zbekistonlik fuqaro halok bo‘ldi, deb xabar berdi «Kommersant» nashri.

Erkak «Jiguli» avtomobilida Tyumen tomonga ketayotgan edi. Hodisadan so‘ng marhum Rossiyada noqonuniy ravishda bo‘lgani ma’lum bo‘ldi.

Ikkinchi haydovchi – 24 yoshli yigit jarohat olgan. Ikkala avtomobil ham jiddiy shikastlangan.

Avvalroq Kursiv Uzbekistan Rossiyada yo‘l-transport hodisasida yetti nafar O‘zbekiston fuqarosi halok bo‘lgani haqida yozgan edi.

Amerika Qo‘shma Shtatlari (AQSH) prezidentligiga nomzod Donald Trampning hayoti yana xavf ostida qoldi. Qurollangan jinoyatchi Florida shtatidagi golf maydonida siyosatchini poylab turardi. Shubhali erkakni huquq-tartibot idoralari vaqtida payqab, unga qarata o‘t ochgan, deb xabar berdi Reuters agentligi.

Tramp xavf-xatardan xoli. Gumonlanuvchi yashirinishga uringan, biroq hibsga olingan. Ommaviy axborot vositalari ma’lumotlariga ko‘ra, u 58 yoshli Rayan Uesli Rut edi. Hodisadan bir necha soat o‘tgach uning ijtimoiy tarmoqlardagi sahifalariga kirish imkoniyati yopildi.

Ikki oy oldin Pensilvaniyadagi saylovoldi mitingida Trampga o‘q uzishgandi. U qulog‘idan yengil jarohat olgan.

O‘tgan hafta Tramp va demokratlardan AQSH prezidentligiga nomzod Kamala Harris o‘rtasida saylovoldi bahslari

O‘zbekistondagi «Mustaqillik-25» konida 604-sonli quduq yopildi. Avvalroq sentabr oyida u yerda vodorod sulfid emissiyasi sodir bo‘lgan edi, deb xabar berdi Eriell. Press-reliz «Kursiv Uzbekistan»da mavjud.

Obyektda sizib chiqishni oldini olish uchun qo‘shimcha uskunalar o‘rnatildi. Quduq germetiklandi va berkitildi. Ish O‘zbekiston Favqulodda vaziyatlar vazirligi xodimlari bilan birgalikda shtab nazorati ostida olib borildi.

Kompaniyaning ta’kidlashicha, atrofdagi aholi punktlari aholisiga hech qanday tahdid bo‘lmagan. Hodisa sodir bo‘lgan joy atrofida ekologik vaziyatni monitoring qilish uchun postlar o‘rnatildi. Zararli moddalarning ruxsat etilgan konsentratsiyasidan oshishi kuzatilmadi.

Avvalroq Kursiv Surxondaryo viloyatidagi konda vodorod sulfidning yirik chiqishi haqida yozgan edi.