Yangiliklar

Kafolatlangan omonat miqdori bir bankda har bir shaxs uchun endi 200 million soʻm etib belgilanadi. Bu haqda prezident imzolagan yangi qonunda belgilangan.

Imzolangan yangi qonunga koʻra, endilikda faqat aholining emas, balki tadbirkorlik subyektlari, yakka tartibdagi tadbirkorlarning ham omonatlari kafolatlanadi. 200 million soʻmdan koʻp omonatlar ham xavfsiz va manfaatli.

Kap Depo investitsiya kompaniyasining katta tahlilchi Shodibek Kenjayev Kursiv Uzbekistan nashriga bergan sharhida quyidagicha fikrlarni bergan edi:

«Soʻnggi yillarda mahalliy banklar oʻzlarini ishonchli deb koʻrsatdi. Banklardagi muammoli kreditlarning oʻrtacha ulushi 4-5% ni tashkil etadi xolos», – deydi ekspert.

Shodibek Kenjayevga koʻra, har bir bank uchun...

19-fevral kuni AQSh dollarining rasmiy kursi 20,16 soʻmga pasayib, 12 950,03 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 890 – 12 950 soʻmdan sotib olayotgan boʻlsa, 12 970 – 13 035 soʻm oraligʻida sotmoqda.

Shuningdek, yevro 66,42 soʻmga tushib, 13 505,59 soʻmga yetdi. Rossiya rubli esa +0,33 soʻmga ortib, 142,53 soʻmga teng boʻldi.

Avvalroq Kursiv Uzbekistan dollarning rasmiy kursi ilk marta 13 mingdan oshgani haqida xabar bergan edi.   

Qozog‘istonda Ramazon oyi qachondan boshlanishi ma’lum qilindi. Bu yil Ramazon oyi 1-martdan 29-martgacha davom etadi, deb xabar bermoqda Qozog‘iston musulmonlari diniy boshqarmasi.

«Qabul fatvoga koʻra, Ramazon oyi 1-martdan boshlanadi. 26-martdan 27-martga oʻtar kechasi muqaddas Qadr kechasi. 30-mart Ramazon hayit bayramidir», – deyiladi xabarda.

Bundan tashqari, Qozog‘iston diniy idorasi ikki kilogramm unning o‘rtacha narxidan kelib chiqqan holda fitr-sadaqa miqdorini tasdiqladi. Qozog‘istonliklar butun mamlakat bo‘ylab 655 tenge (17 ming so‘m) xayriya qilishlari mumkin.

Eslatib o‘tamiz, Kursiv Uzbekistan Ramazon uchun to‘g‘ri taomni qanday tanlash, saharlik va iftorlik uchun nima pishirish va qanday ovqatlardan voz kechish kerakligini...

Yaqinda Xitoyning Chevrolet Equinox avtomobili Rossiyaga ham keltirildi. Ularning narxi 3 million rubldan ($33 ming) boshlanadi. Bu haqda Avtonovosti Dnya xabar bermoqda.

Manbaning ma’lum qilishicha, 3 million rublga 1,5 litr sigʻimdagi turbomotorli Equinoxni xarid qilsa boʻladi.

Ikki litr sigʻimdagi turbodvigatelli Chevrolet Equinox 3 million 980 ming rublga ($44 ming) taklif qilinmoqda.

Toʻrtinchi avlod krossoverlari 4 million 930 ming rubl (54 ming dollar)dan boshlanadi.

Taqqoslash uchun, Oʻzbekistonda ishlab chiqaruvchining ikki litrli dvigatelli toʻliq gʻildirakli Chevrolet Equinox avtoulovini 383,5 million soʻmdan (chegirmali narx) xarid qilsa boʻladi. Bu 29,5 ming dollar qiymatiga teng boʻladi.

AQSh prezidenti Donald Tramp Venesuelani AQShning dushmani deb atadi. Bu haqda Oq uy rahbari matbuot anjumanida bayonot berdi.

Tramp birinchi prezidentlik davrida rasmiy Karakasga qarshi sanksiyalar kiritganini esladi. Unga ko‘ra, AQShning sobiq prezidenti Jo Bayden Venesuela neftini «milliardlar»ga sotib olgan.

«Nega ular dushmanga yuzlanib, unga milliardlab, milliardlab dollar berishdi?» – dedi Tramp.

Amaldagi prezident Qo‘shma Shtatlarda yetarli miqdorda neft zaxiralari mavjudligi va uni import qilishga hojat yo‘qligini qo‘shimcha qildi.

Eslatib o‘tamiz, avvalroq Kursiv Uzbekistan Tramp Xalqaro jinoiy sudga qarshi sanksiyalar qo‘ygani haqida yozgan edi.

Nafaqa oluvchilarning ma’lumotlar bazasida 150 yoshdan oshgan millionlab amerikaliklar haqidagi yozuvlarning paydo bo‘lishi dasturiy kodning kamchiligi sababli yuz bergan bo‘lishi mumkin. Bu haqda Wired manbalarga tayanib, xabar berdi.

Mutaxassislarning ta’kidlashicha, ma’lumotlar bazasi 1950-yillarning oxirida ishlab chiqilgan eskirgan COBOL dasturlash tilidan foydalanadi. Ba’zi versiyalarida tizim yetishmayotgan sana (masalan, tug‘ilgan sana) o‘rniga avtomatik ravishda 1875-yil 20-mayni belgilashi mumkin.

Natijada tug‘ilgan sanasi noma’lum bo‘lgan millionlab amerikaliklar 150 yoshda deb ko‘rsatilgan. Biroq ularga nafaqa to‘lanmaydi, chunki 2015-yildan boshlab AQSh Ijtimoiy ta’minot boshqarmasi 115 yoshdan oshgan fuqarolarga avtomatik ravishda nafaqa ajratishni to‘xtatgan.

Eslatib o‘tamiz, bir necha kun oldin AQSh hukumati Samaradorlik departamenti rahbari Ilon...

Osiyo taraqqiyot banki (OTB) Oʻzbekistonda suv resurslaridan samarali foydalanishni oshirish va suv xavfsizligini yaxshilash maqsadida $125 million miqdorida qarz ajratadi. Bu haqda bank matbuot xizmati Kursiv Uzbekistanʼga xabar berdi.

Ma’lum qilinishicha, 18-fevral kuni OTB ushbu mablagʻni Oʻzbekiston hukumatining suv ta’minotini modernizatsiya qilish, barqaror boshqaruv tizimini yoʻlga qoʻyish va aholining xavfsiz suvdan foydalanish imkoniyatini kengaytirish borasidagi sa’y-harakatlarini qoʻllab-quvvatlash uchun ajratadi.

OTBning Oʻzbekistondagi doimiy vakolatxonasi direktori Kanokpan Lao-Arayaning ta’kidlashicha, Oʻzbekiston suv resurslari iqlim oʻzgarishi va samarasiz foydalanish sababli jiddiy bosim ostida. Ushbu loyiha esa suvdan foydalanish samaradorligini oshirish, energiya sarfini kamaytirish va ilgʻor boshqaruv tizimlarini joriy etish orqali uglerod izini kamaytirishga yordam...

Raqobat qo‘mitasining Buxoro viloyati hududiy boshqarmasi monitoringi natijasida avtomobillarga gaz to‘ldirish shoxobchalarida siqilgan gaz narxi sun’iy oshirilgani aniqlangan. Bu haqda qo‘mita matbuot xizmati ma’lum qildi.

Ma’lum qilinishicha, Buxoro viloyatida 6-dekabrgacha 1 kub siqilgan gazning chakana narxi o‘rtacha 3900 so‘m bo‘lgan. Biroq 7 – 9-dekabr kunlari bu narx 4150 so‘mgacha oshirilgani aniqlangan.

Qoʻmitaning hududiy boshqarmasi bu ish boʻyicha 85 ta avtomobillarga gaz quyish shoxobchasida tekshiruv ishlarini olib bordi. Oʻrganish natijasida Buxoro viloyatidagi 47 ta avtomobillarga gaz quyish shoxobchalarida narxni sun’iy oshirilgani aniqlandi.

Ushbu holat yuzasidan 44 ta xoʻjalik yurituvchi subyektlarga moliyaviy jarimalar qoʻllash haqida qarorlar qabul qilindi.

Eslatib oʻtamiz, avvalroq...

NASA’ning kelajakdagi rahbari bo‘lishi ehtimoli yuqori bo‘lgan milliarder Jared Ayzekman Marsga inson parvozlari uchun texnologiyalarni yaratish zarurligini ta’kidladi. Bu haqda ArsTechnica nashri xabar berdi.

«Biz uzoq vaqt davomida radiatsiya va mikrogravitatsiya kabi muammolarni hal qilib, ekstremal sharoitlarda inson hayotini saqlab qolish uchun tizimlar, qarshi choralar va farmatsevtika vositalarini yaratamiz», – dedi amerikalik tadbirkor.

Uning so‘zlariga ko‘ra, bu yutuqlar butun Quyosh tizimi bo‘ylab kamroq xarajatli, tez-tez boshqariladigan va robotlashtirilgan missiyalar uchun asos bo‘ladi.

Shuningdek, Ayzekman hozircha NASA’dagi ishlarni rejalashtirish bilan shug‘ullanmayotganini qayd etdi. Biroq u AQSh Marsga odam yuborish yo‘lida jiddiy sa’y-harakatlarni boshlashi zarurligiga qat’iy...

Abu-Dabida bo‘lib o‘tayotgan IDEX-2025 xalqaro mudofaa texnologiyalari ko‘rgazmasida O‘zbekiston Mudofaa sanoati agentligi ham qatnashmoqda. Bu haqda Mudofaa vazirligi ma’lum qildi.

17 – 21-fevral kunlari davom etadigan tadbirda O‘zbekiston harbiy sanoat korxonalarining mahsulotlari, jumladan, dronlar, elektron urush tizimlari va ikki xil maqsadli texnikalar namoyish etilmoqda.

Xususan, O‘zbekistonga ajratilgan pavilyonda «Arslon» 8×8 va 6×6 zirhli transport vositalari hamda «To‘fon» o‘ziyurar gaubitsasi taqdim etildi.

Tadbir doirasida ilg‘or harbiy texnologiyalar, sanoat innovatsiyalari va kiberxavfsizlik bo‘yicha yirik shartnomalar imzolanishi kutilmoqda.

Eslatib o‘tamiz, Chevrolet Spark elektr versiyasi dunyo bo‘ylab debyut qilgani haqida yozgan edik.

Xitoyda yanvar oyida avtomobil ishlab chiqarish o‘tgan yilning shu davriga nisbatan 3 foizdan ko‘proqqa oshdi, deb xabar berdi Sinxua agentligi.

Oʻtgan oy Xitoyda ishlab chiqarilgan avtomobillar soni 2,15 million donadan koʻpni tashkil qilgan. Avtomobillar savdosi hajmi esa 2,13 million donadan oshib, 0,8 foizga oʻsgani koʻrsatilmoqda.

Shuningdek, joriy yilning yanvar oyida Xitoyda yangi energiya vositalari (NEV) sotuvi sezilarli darajada koʻpaygan. Ular umumiy savdoning 39 foizini tashkil etdi.

Eslatib oʻtamiz, avvalroq Volkswagen oʻzining yangi avlod yirik krossoveri – Teramont Pro modelini Xitoy bozorida rasman namoyish qilgani haqida yozgan edik.

Oʻzbekiston Markaziy bankining ma’lum qilishicha, besh grammlik oltin quymasining narxi 6,291 mln soʻmga koʻtarildi.

Shuningdek, 10 grammlik quyma 12,58 mln soʻmga, 20 grammlik quyma 25,16 mln soʻmga qimmatlashdi. 50 va 100 grammlik quymalarning sotuv narxi esa 62,91 va 125,83 mln soʻmni tashkil etdi. Qimmatbaho metallar narxi yil boshidan buyon 11,1 foizga oshdi.

Goldman Sachsʼning soʻnggi prognoziga koʻra, joriy yil oxiriga kelib, jahon markaziy banklari va xususiy investorlar tomonidan sotib olishning koʻpayishi fonida oltin bir troya unsiyasi uchun $3,1 minggacha qimmatlashadi. Agar AQSh prezidenti Donald Tramp ma’muriyatining tarif siyosati bilan bogʻliq noaniqlik saqlanib qolsa, qimmatbaho metall narxi $3,3 mingga...

Kasbiy ta’lim muassasalari va monomarkazlarda faoliyat yuritayotgan chet tili oʻqituvchilari uchun subsidiya ajratiladi. Bu haqda Bandlik vazirligi ma’lum qildi.

Unga ko‘ra, oʻquvchilari ingliz, koreys, nemis yoki yapon tillari boʻyicha kamida «B1» yoki unga tenglashtirilgan xalqaro sertifikat olgan ustozlar 25-fevralga qadar Yagona interaktiv davlat xizmatlari portali orqali roʻyxatdan oʻtishi lozim.

Sertifikat olgan oʻquvchilar soniga qarab reyting tuziladi va 50 nafar eng yaxshi oʻqituvchiga 50 mln soʻm miqdorida bir martalik subsidiya beriladi.

Batafsil ma’lumot uchun Migratsiya agentligining +998 71-202-33-55 (ichki raqam 32) telefon qilish mumkin.

Eslatib o‘tamiz, avvalroq yosh olimlar 10 yil muddatga foizsiz kredit olishlari mumkinligi haqida yozgan edik.

Joriy yilda Asaka, Kitob, Baxmal, Xatirchi va Fargʻona tumanlarida qishloq xoʻjaligiga ixtisoslashtirilgan kichik logistika markazlari barpo etiladi. Bu haqda prezidentning tegishli qarori qabul qilindi.

Qarorda belgilanishicha, ular 100 tonnadan kam boʻlmagan muzlatkichli sigʻimga ega boʻlib, hududlarga mineral oʻgʻitlar, urugʻlik, koʻchat va kimyoviy vositalarni tarqatish markazi hisoblanadi. Keyingi yili xuddi shunday obyektlardan yana beshtasi joriy etiladi.

Shuningdek, yer maydonlari egalari onlayn maslahatlar olish va moliyaviy xizmatlar boʻyicha yagona xizmat koʻrsatish va monitoring qilish platformasi ishga turilishi ma’lum qilingan. 

Platformada yetishtirilayotgan mahsulotning 70 foizigacha miqdorida imtiyozli onlayn kredit ajratish tizimi yoʻlga qoʻyiladi.

Eslatib o‘tamiz, avvalroq 500 ta mahallada innovatsion tomorqa loyihalariga 100 baravar...

Oʻzbekiston Tashqi ishlar vaziri Baxtiyor Saidov Kanadaning yangi tayinlangan elchisi Kristofer Dugganning ishonch yorliqlarini qabul qildi. Bu haqda vazir oʻzining Telegram kanalida ma’lum qildi.

«Hozirda Oʻzbekiston va Markaziy Osiyo davlatlari faol tashqi siyosat olib bormoqda. Mintaqamizning global roli ham kengayib bormoqda. Biz aloqalarda hali roʻyobga chiqmagan katta salohiyat koʻrmoqdamiz», – deya ta’kidladi Baxtiyor Saidov.

Shuningdek, vazir yangi elchiga mamlakatlar oʻrtasidagi mavjud koʻpriklarni mustahkamlash va yangi hamkorlik yoʻnalishlarini rivojlantirishda muvaffaqiyat tiladi.

Avvalroq «Kursiv» Oʻzbekistonning Litvadagi yangi elchisi tayinlangani haqida xabar bergan edi.

Uzbekistan Airports ziyorat turlarini tashkil etuvchi turistik kompaniyalar va ularning mijozlari uchun hech qanday cheklovlar joriy etmagan. Bu haqda kompaniyaning o‘zi Telegram-kanalida ma’lum qildi.

Avvalroq ijtimoiy tarmoqlarda cheklovlar haqida xabarlar tarqalgan edi. Unda Toshkentdan Saudiya Arabistoniga sayohat uyushtiruvchi kompaniyalar muammolarga duch kelayotgani aytilgandi.

«Ushbu holat yuzasidan quyidagilarni ma’lum qilamiz: «Toshkent» aeroporti va «Uzbekistan Airports» boshqaruv kompaniyasi tomonidan turistik firmalar va yo‘lovchilarga nisbatan hech qanday cheklovlar kiritilmagan», – deyiladi xabarda.

Uzbekistan Airports, shuningdek, chiptaga ega bo‘lgan yo‘lovchilar Saudiya Arabistoniga parvozlar uchun o‘z vaqtida ro‘yxatdan o‘tkazilganini qo‘shimcha qildi.

Eslatib o‘tamiz, avvalroq O‘zbekistonda «Saudiya madaniyati kunlari» tashkil etilishi haqida yozgan edik.

Bugun mamlakatimizning deyarli barcha hududlarida havo biroz bulutli bo‘ladi. Ayrim joylarda yomg‘ir yog‘ishi, tuman tushishi kutilmoqda. Shamol sharqdan 7-12 m/s tezlikda esadi, deya xabar bermoqda «O‘zgidromet».

Qoraqalpog‘iston va Xorazmda havo ochiq, ba’zi joylarda tuman kuzatilishi mumkin. Harorat kechasi 2 daraja sovuqdan 3 daraja iliqqacha, kunduzi 8-13 daraja iliq.

Buxoro va Navoiyda ayrim hududlarda biroz yomg‘ir yog‘ishi mumkin. Harorat kechasi 0-5 daraja iliq, kunduzi 10-15 daraja iliq.

Sirdaryo, Samarqand va Jizzaxda havo biroz bulutli bo‘lib, ba’zi joylarda yomg‘ir yog‘ishi ehtimoli bor. Harorat kechasi 0-5 daraja iliq, kunduzi 10-15 daraja iliq.

Qashqadaryo va Surxondaryoda ayrim hududlarda yomg‘ir yog‘ishi, tuman tushishi mumkin...

Toshkentning «Humo» jamoasi Qozog‘iston ochiq chempionatining pley-off bosqichidagi ilk o‘yinida «Gornyak» ustidan 5:3 hisobida g‘alaba qozonib, seriyada oldinga chiqdi, deb xabar berdi Kursiv Uzbekistan muxbiri.

O‘yin keskin kurash ostida o‘tib, mezbonlar dastlab 0:2 hisobida ortda borayotgan bo‘lsa ham, uchinchi bo‘limda raqib darvozasiga ketma-ket uchta gol urib, ishonchli g‘alabani qo‘lga kiritdi.

Uchrashuv «Gornyak» uchun juda omadli boshlandi. Mehmonlar to‘rtinchi daqiqadayoq Yevgeniy Stepanov orqali hisobni ochishdi. Oradan ikki daqiqa o‘tib, yana Stepanov o‘zining ikkinchi golini urib, «Gornyak» hisobdagi ustunligini oshirdi – 0:2. Birinchi bo‘lim shu hisobda yakunlandi.

Ikkinchi bo‘limda «Humo» o‘z o‘yinini kuchaytirib, hujumlarga zo‘r berdi. 29-daqiqada Kravchenko (Litovchenko va Siksna uzatmalaridan...

O‘zbekistonda pensiyalarni proaktiv usulda belgilash rejalashtirilmoqda. Oliy Majlis Qonunchilik palatasi tomonidan ko‘rib chiqilgan qonun loyihasi, pensiya yoshiga yetgan fuqarolar uchun to‘lovlarni avtomatik ravishda belgilashni nazarda tutadi.

Unga ko‘ra, ushbu tizim alohida murojaat qilishni talab etmaydi, bu esa davlat xizmatlari sifatini oshirishga yordam beradi.

Hujjatda erkaklar uchun pensiya yoshi 60, ayollar uchun esa 55 yil deb belgilangan. Qonun loyihasi Senatga yuborilgan bo‘lib, agar u tasdiqlansa, davlat rahbari tomonidan imzolanishi kerak.

Eslatib o‘tamiz, avvalroq SMS-pensiya xizmatiga online ulanish ishga tushirilgani haqida yozgan edik.

Yangi farmonga ko‘ra, dehqon xo‘jaliklari va tomorqa yer egalari faoliyatini qo‘llab-quvvatlash jamg‘armasi hisobidan bir qator moliyaviy yordam choralari joriy etiladi. Bu haqda Adliya vazirligi ma’lum qildi.

Xususan, har yili 500 ta mahallada eng namunali va innovatsion tomorqa loyihalariga 100 baravar BHMgacha grantlar ajratiladi. Shuningdek, usta dehqonlar tomonidan tashkil etilgan qisqa muddatli o‘quv kurslari uchun 15 baravar BHMgacha subsidiya beriladi.

Mahalladagi 50 foiz uy xo‘jaliklarida eksportbop mahsulot yetishtirishni yo‘lga qo‘ygan dehqonlarga esa 100 mln so‘mgacha subsidiya ajratilishi rejalashtirilgan.

Bundan tashqari, tomorqa egalari va dehqon xo‘jaliklari uchun qishloq xo‘jaligi mahsulotlarini yetishtirish, qayta ishlash, saqlash va qadoqlash loyihalari bo‘yicha tijorat banklari orqali...

2024-yilda Samarqand xalqaro aeroporti xizmatlaridan 1,38 mln yo‘lovchi foydalandi, deya xabar qildi Air Marakanda aviakompaniyasi Kursiv Uzbekistan nashriga ma’lum qildi.

Unga ko‘ra, mazkur aeroport ACI Europe reytingida yo‘lovchi oqimi bir milliondan o‘n milliongacha bo‘lgan aeroportlar orasida ikkinchi o‘rinni egalladi. 2023-yilga nisbatan terminal ko‘rsatkichi 37% ga oshgan.

Hozirda Samarqand aeroportidan 17 ta aviakompaniya tomonidan 16 ta xalqaro va 2 ta ichki yo‘nalish bo‘yicha parvozlar amalga oshirilmoqda.

Eslatib o‘tamiz, avvalroq O‘zbekistonning 10 ta shahridan Moskvaga aviaqatnovlar yo‘lga qo‘yilgani haqida yozgan edik.

Prezident tomonidan «Tomorqa yer egalari va dehqon xo‘jaliklari faoliyatida zamonaviy tashkiliy tizimni joriy qilish va moliyaviy qo‘llab-quvvatlashning qo‘shimcha chora-tadbirlari to‘g‘risida»gi farmon imzolandi. Bu haqda Adliya vazirligi ma’lum qildi.

Unga ko‘ra, O‘zbekiston fermer, dehqon xo‘jaliklari va tomorqa yer egalari kengashi nomi o‘zgartirilib, O‘zbekiston fermerlari kengashi deb ataladigan bo‘ldi.

Shuningdek, Kambag‘allikni qisqartirish va bandlik vazirligiga dehqon xo‘jaliklari hamda tomorqalarni rivojlantirish bo‘yicha yangi vazifalar yuklandi. Xususan, tomorqa yerlarini to‘liq ro‘yxatga olish, ulardagi mahsulotlarni hisobga olish va «Online mahalla» platformasida batafsil ma’lumotlar bazasini shakllantirish rejalashtirilgan. Bundan tashqari, tuman va mahallalarning imkoniyatlaridan kelib chiqib, tomorqalarda yuqori daromadli mahsulotlar yetishtirish orqali aholini barqaror ish bilan...

Huawei yangi uch buklamali, 10 dyuymli buklanuvchi ekranga ega Mate XT smartfonini taqdim etdi. Bu haqda GSM Arena sahifasi ma’lum qildi.

Unga ko‘ra, qurilma 3,6 mm qalinlikda bo‘lib, to‘liq buklanganda 12,8 mm ga yetadi. Ekran LTPO OLED texnologiyasiga ega. 3184 × 2232 piksel o‘lcham va 90 Gs yangilanish chastotasini qo‘llab-quvvatlaydi. Mate XT uch xil displey rejimini taklif qiladi: buklangan holatda 6,4 dyuym, yarim ochiq holatda 7,9 dyuym va to‘liq ochilganda 10,2 dyuym.

Qurilmaning korpusi metall va sun’iy charm bilan qoplangan bo‘lib, ilgak mexanizmi istalgan burchakda mahkamlash imkonini beradi. Kamera tizimi 50MP asosiy sensor, 12MP periskop linzasi va 12MP...

Jazoni o‘taganlarga tadbirkorlik, me’morchilik, hunarmandchilik kabi yo‘nalishlardagi loyihalar uchun mehnatga haq to‘lashning 10 baravari miqdorida (11,55 mln so‘m) subsidiya beriladi. Bu haqdagi qaror prezident tomonidan imzolangan.

O‘zini o‘zi band qilmoqchi bo‘lgan ishsiz fuqarolarni yoki kambag‘al oilalar a’zolarini kasanachi sifatida ishga olgan tadbirkorlarga ularning aylanma mablag‘larini to‘ldirish uchun har bir jalb qilingan kasanachi uchun BHMning 10 baravarigacha miqdordagi 3 yilgacha muddatga foizsiz ssudalar ham ajratiladi.

Yangi qabul qilingan prezident qaroriga ko‘ra, ayrim fuqarolarga «Kambag‘allikdan farovonlik sari» dasturida belgilangan tartibda yangi imkoniyatlar beriladi.

Shuningdek, kambag‘al oila a’zolariga o‘z faoliyatini boshlashi uchun zarur bo‘lgan asbob-uskunalarni xarid qilishga BHMning 50 baravarigacha miqdordagi...