Yangiliklar

Xiaomi kompaniyasi 24-aprel kuni taqdim etilgan Redmi Turbo 4 Pro smartfoni uch hafta ichida 1 million dona sotilganini e’lon qildi. Bu model nafaqat mashhur, balki bozordagi eng ommabop flagmanlardan biriga aylandi.

Smartfon texnik xususiyatlari:

Xiaomi sotuv yutug‘ini nishonlab, Xitoyda 18 – 21-may kunlari xarid qiluvchilarga oltin stikerli maxsus aksiya o‘tkazmoqda. Bu 100 000 ta stiker...

Kichik Krishtianu Ronaldu «Real»ning sinchkovlik bilan kuzatiladigan istiqbolli futbolchilari tarkibiga kiradi. Bu haqda Defensa Central nashri xabar bermoqda.

Portugaliyalik afsonaning o‘g‘li yaqinda o‘z mamlakatining «U-15» terma jamoasida debyut qildi va bu kutilganidek, katta shov-shuvga sabab bo‘ldi.

«Real Madrid» klub rahbariyati Ronalduning o‘g‘li bilan bog‘liq jarayonlarni diqqat bilan kuzatib bormoqda. Klub prezidenti Florentino Peres esa uning futbolchilik salohiyatini nazorat ostida ushlab borish bo‘yicha alohida topshiriq bergan.

Ayni damda yosh futbolchi Saudiya Arabistonining «An-Nasr» klubi yoshlari safida to‘p tepmoqda.

Eslatib o‘tamiz, Kursiv Uzbekistan nashri Ueyn Runi Holand Ronaldu va Messi kabi emasligini yozgan edi.

Joriy yilning 30-iyunidan boshlab, vizasiz tartibda Rossiyaga kirayotgan xorijliklar uchun yangi tartib joriy etiladi. Bu haqda O‘zbekistonning Rossiyadagi elchixonasi konsullik bo‘limi ma’lum qildi.

Endilikda chet elliklarga «Gosuslugi RuID» mobil ilovasi orqali ro‘yxatdan o‘tib, QR-kod olishlari majburiy bo‘ladi.

Ro‘yxatdan o‘tish davomida shaxsiy kabinet ochib, fotosurat va shaxsiy ma’lumotlarni yuklash kerak. Rossiyada qolish muddati ham ko‘rsatilishi shart.

Ariza sayohatdan kamida 72 soat avval topshirilishi lozim. Biroq kutilmagan holatlar, masalan, og‘ir kasallik yoki yaqin qarindoshning vafoti tufayli safarga chiqish zarurati tug‘ilgan bo‘lsa, arizani safarga to‘rt soat qolganda ham topshirish mumkin.

Quyidagi shaxslar ro‘yxatdan o‘tish majburiyatidan ozod etiladi:

Maktabgacha va maktab ta’limi vazirligi (MMTV) UNICEF bilan hamkorlikda $19,2 mlnlik ikkita yangi dasturiy tashabbusni yo‘lga qo‘ydi. Bu haqda UNICEFning O‘zbekistondagi vakolatxonasi xabar berdi.

Mazkur loyihalar ta’lim tizimini modernizatsiya qilish, ayniqsa, sifatli va inklyuziv ta’limni kengaytirishga xizmat qiladi.

Loyihalar doirasida iqlim o‘zgarishi bo‘yicha xabardorlikni oshirish, barcha bolalar, xususan, qizlar va nogironligi bor yoshlar uchun ta’limdagi teng imkoniyatlarni yaratish, shuningdek, yangilangan Milliy o‘quv dasturi va baholash mexanizmi orqali ijtimoiy-emotsional tarbiya va o‘qitishni ilgari surish ko‘zda tutilgan.

Mazkur tashabbus Islom taraqqiyot banki (IsDB), Islom taraqqiyot jamg‘armasi (ISFD) va Global ta’lim hamkorligi (GPE) tomonidan moliyalashtirilayotgan qo‘shma loyiha doirasida amalga oshiriladi.

Avvalroq «Kursiv...

BYD tomonidan 2025-yil 17-may kuni o‘zining yangi BYD e7 elektromobili rasmiy ravishda taqdim etildi. Bu haqda CarNewsChina nashri xabar bermoqda.

Ushbu model 450 km va 520 km CLTC standartiga muvofiq yurish masofasini taklif etadi. Narxi esa 103 800 yuandan (taxminan $14 ming) boshlanadi. Chevrolet Onixning ayni paytdagi narxi ham ushbu modelning narxiga yaqin: $12,4 ming. Ammo elektromobilning o‘zbek bozoriga kirib kelish sanasi aniq emas va milliy bozordagi qiymati yuqori bo‘lishi mumkin.

Texnik xususiyatlari:

Dizayn va ichki jihozlar

BYD e7 modeli BYD’ning «Marine Aesthetic» dizayn tiliga asoslangan bo‘lib, old qismi yopiq panjara va «tabassum» shaklidagi dizaynga ega. Orqa...

Yakshanba kuni kechqurun «Lyuis Kompanis» nomidagi Olimpiya stadionida La liganing 37-turi doirasidagi eng yorqin o‘yinlardan biri bo‘lib o‘tdi. Chempionlikni allaqachon qo‘lga kiritgan «Barselona» o‘z maydonida «Vilyarreal»ni qabul qildi va kutilmaganda dramatik tarzda 2:3 hisobida mag‘lubiyatga uchradi.

«Barselona» – «Vilyarreal»

Uchrashuvni faol boshlagan mehmonlar to‘rtinchi daqiqadayoq hisobni ochdilar. Nikolya Pepe qanotdan yugurib o‘tib, Ayosa Peresga aniq uzatma berdi. U esa to‘pni Mark-Andre ter Shtegen darvozasining uzoq burchagiga osonlikcha yo‘lladi.

Kataloniyaliklar qarzdor bo‘lib qolishmadi. Ikkinchi bo‘limda ular tashabbusni o‘z qo‘llariga olishga erishdilar. Avval Lamin Yamal jarima maydoni tashqarisidan bergan ajoyib zarbasi bilan hisobni tenglashtirishga muvaffaq bo‘ldi. Keyin esa birinchi bo‘limga qo‘shilgan vaqtda...

Markaziy bank huzuridagi Bank nazorati qo‘mitasining aprel oyida o‘tkazilgan 8 ta yig‘ilishida jami 45 ta masala ko‘rib chiqilib, tegishli qarorlar qabul qilindi. Bu haqda regulyator xabar berdi.

Unga ko‘ra, ro‘yxatga olish va ruxsat berish yo‘nalishida kredit tashkilotlari ustaviga o‘zgartirish kiritish bo‘yicha to‘rtta, yangi mikromoliya tashkilotlarini hisob ro‘yxatidan o‘tkazishda beshta, ustav fondidagi ulushga egalik qilish uchun ruxsat berish va auditorlik malaka sertifikatini berishda bittadan, Kuzatuv kengashi, boshqaruv a’zolari va muhim xodimlar nomzodlarini ko‘rib chiqish haqida 15 ta masala muhokama qilindi.

Shuningdek, kredit tashkilotlarining moliyaviy ahvoli, prudensial me’yorlarga rioya qilinishi va inspeksiya natijalari asosida 19 ta masala ko‘rib chiqildi.

Shu bilan...

DXX chegara qo‘shinlari va bojxona xodimlari 1986-yilda tug‘ilgan Tojikiston fuqarosini davlat chegarasini qonunga xilof buzgan vaqtida ushladi. Fuqaroga tegishli sumkadan 14,584 kg gashish topildi, deya xabar bermoqda DXX matbuot xizmati.

Shuningdek, Farg‘ona viloyatida yashovchi 1969-yilda tug‘ilgan shaxs Bekobodda narkotik modda olgan paytida, 1992-yilda tug‘ilgan boshqa shaxs esa 9,467 kg opiy moddasini sotganida qo‘lga olindi.

Surxondaryo viloyatida ham shunday holat qayd etildi. Narkotik moddani qabul qilgan va Toshkent viloyatiga olib kelgan denovlik 1994-yilda tug‘ilgan shaxs qo‘lga olindi.

Yana bir holat Qo‘qonda ro‘y berdi. Unda 1967-yilda tug‘ilgan fuqaroning belidan 1,759 kg gashish, Farg‘onada 1995-yilda tug‘ilgan haydovchining avtomashinadan 995 gr gashish moddasi aniqlandi.

HAMAS yetakchilaridan biri Muhammad Sinvar Isroilning G‘azo janubidagi Xon-Yunisdagi Yevropa kasalxonasiga bergan zarbasi natijasida halok bo‘ldi. Bu haqda Al Arabiya xabar bermoqda.

Sinvar va uning o‘n nafar yordamchisining jasadi tibbiyot muassasasi ostidagi tunneldan topilgan.

Nashrga ko‘ra, HAMAS rahbariyati Muhammad Sinvarning ehtimoliy o‘limiga izoh bermadi. Isroil uning o‘limi haqidagi ma’lumotlarni tekshirmoqda.

Eslatib o‘tamiz, Kursiv Uzbekistan nashri AQSh Arab ligasining G‘azo sektoriga oid takliflarini rad etgani haqida yozgan edi.

Lidar tizimlari avtomobillarda xavfsizlikni oshiradi, biroq ular telefon kamerasi uchun xavf tug‘dirishi mumkin. Ijtimoiy tarmoqlarda Volvo EX90 avtomobilining tomiga o‘rnatilgan lidarni suratga olayotgan smartfonning kamerasiga zarar yetgan videosi tarqaldi. Bu haqda Carcoops nashri ma’lum qildi.

Masofa o‘lchovchi lazer nurlari kameraning sensoridagi piksellarni kuydirib, uni ishdan chiqarishi mumkin. Mutaxassislar bu nurlar inson ko‘zi uchun xavfsizligini ta’kidlashsa-da, telefoto rejimdagi kameralar uchun xavfli hisoblanadi. Keng burchakli suratga olishda zarar kuzatilmagan.

Mutaxassislarning tavsiyasiga ko‘ra, lidar o‘rnatilgan mashinalarni suratga olayotganda, ayniqsa, telefotingizning uzoq masofaga mo‘ljallangan rejimidan ehtiyot bo‘lishingiz zarur. Eng qimmat kamera suratga olishning noaniq burchagi sabab ishdan chiqmasligi uchun ehtiyotkorlikni unutmang.

Avvalroq...

Davlat xavfsizlik xizmati Toshkent viloyatida ikki nafar ichki ishlar xodimi pora bilan ushlangani haqida xabar berdi.

Birinchi holatda viloyat IIB xodimi sobiq ichki ishlar xodimiga sudyalar orqali yengilroq jazo olishida yordam berishni va’da qilgan. Buning evaziga uning yaqinlaridan $20 ming pora talab qilib, 2025-yil 16-may kuni bu pulni olgan paytda ushlangan.

Ikkinchi holatda esa 2025-yil 17-may kuni Yangiyo‘l tumani IIB xodimi sakkiz yil besh oyga hukm qilingan mahkumning jazosini kamaytirib berishni va’da qilib, uning tanishidan $24 ming pora olayotgan vaqtida ushlangan. Uning yonidan advokatlik va hakamlik sudi sudyasi guvohnomalari hamda IIVning lavozimga tayinlash buyrug‘i nusxasi topilgan.

Ma’lumotlarga ko‘ra, ushbu...

Buxoro, Farg‘ona, Jizzax viloyatlari va Toshkent shahrida 4 ta turoperator Umra tadbirlarini tashkil etish va o‘tkazishga oid reklama qonunchiligini buzgan holatlar aniqlandi. Bu haqda Raqobat qo‘mitasi xabar berdi.

Unga ko‘ra, Buxoro, Jizzax viloyatlari va Toshkent shahar hududiy boshqarmalari tomonidan 4 ta turoperator – Nature Travel, «Muslim Fayzi Obod», «Al-Bukhayr Travel Tours», «Naqqosh Tour» tomonidan litsenziyasiz reklama berganlik holati aniqlandi. Natijada qonunchilikni buzganliklari uchun ularga nisbatan ish qo‘zg‘atilib, moliyaviy jarimalar qo‘llanildi.

Bundan tashqari, Farg‘ona viloyati va Toshkent shahri hududiy boshqarmalari tomonidan o‘tkazilgan o‘rganishlarda 11 ta telegram kanal va Emir Voyega MChJ tomonidan berilgan reklamalarda ham qonun buzilishi holatlari aniqlanib, mas’ul...

Italiya A Seriyasining 37-turida «Roma» jamoasi o‘z maydonida «Milan»ni 3:1 hisobida mag‘lubiyatga uchratdi va Chempionlar ligasi yo‘llanmasi uchun kurashda muhim ochkolarni qo‘lga kiritdi.

O‘zbekistonlik hujumchi Eldor Shomurodov uchrashuvni boshlang‘ich tarkibda boshladi va 84-daqiqada zaxiraga olindi.

Uchrashuv boshidan «Roma» ustunlikni qo‘lga oldi – 3-daqiqada burchakdan uzatilgan to‘pni Jianluka Manchini darvozaga yo‘lladi.

21-daqiqada o‘yinning burilish nuqtasi ro‘y berdi – «Milan» hujumchisi Santyago Ximenes Manchini ko‘kragiga zarba bergani uchun to‘g‘ridan to‘g‘ri qizil kartochka oldi. «Milan» maydonda o‘yinni bir kishi kam holatda davom ettirdi.

Shunga qaramay, mehmonlar 39-daqiqada hisobni tenglashtirdi – Joao Feliks o‘z jamoasini o‘yinga qaytardi.

Ikkinchi bo‘limda «Roma» ustunligini kuchaytirdi: Leandro Paredes

Rossiyalik Garage54 YouTube kanali ustalari klassik VAZ-2101 «Jiguli» asosida zamonaviy va ixcham shahar avtomobilini yaratdi. U bir qator yangilanishlarni olgan.

Avtomobilning kuzovi to‘liq qayta ishlab chiqilgan bo‘lib, uning balandligi deyarli bel darajasida. Dastlabki sinovlarda standart mufta yuklamaga bardosh bera olmagani sababli, ustalar uni 40 ot kuchiga mo‘ljallangan variatorli uzatma qutisiga almashtirishdi. Bu o‘zgarishlar avtomobilning imkoniyatlarini oshirdi.

Dizayn jihatidan avtomobilga polikarbonat oynalar, zamonaviy yoritish tizimi, yangi salon qoplamalari va gilamlar o‘rnatildi. Test haydashlarida avtomobil 40 km/soat tezlikka erishib, zich shahar harakatida o‘zini yaxshi namoyon etdi.

Eslatib o‘tamiz, Kursiv Uzbekistan nashri Chevrolet Spark’ga ikki barobar katta dvigatel o‘rnatilgani haqida yozgan...

Kecha Vatikan maydonida Rim Papasi Lev XIV ning rasman lavozimga kirishish marosimi bo‘lib o‘tdi. O‘zbekiston delegatsiyasi nomidan Oliy Majlis Qonunchilik palatasi spikeri Nuriddin Ismoilov tadbirda rasmiy vakil sifatida qatnashdi.

Rasmiy ma’lumotlarga ko‘ra, marosimda butun dunyodan 250 ming nafardan ortiq mehmonlar ishtirok etdi. Tantanali qism yakunlangach Nuriddin Ismoilov yangi saylangan Papaga prezident Shavkat Mirziyoyevning samimiy tabrigini yetkazdi. Lev XIV esa o‘z navbatida, O‘zbekiston rahbariyati va xalqiga chuqur minnatdorlik bildirdi.

Tadbirda 156 mamlakat, qirollik uylari hamda turli diniy konfessiyalar vakillari ishtirok etgani marosimning global miqyosdagi ahamiyatini yanada oshirdi.

Avvalroq Kursiv Uzbekistan Vatikan yangi Papaning saylanganini e’lon qilgani haqida xabar bergan

«Toshkent» respublika fond birjasida (RFB) joy olgan yuqori likvidli aksiyalarning aksariyati 12-maydan 16-maygacha boʻlgan davrda turli dinamikani koʻrsatib, UCI fond indeksi deyarli o‘zgarishsiz qoldi.

Eng katta o‘sishni «O‘zbektelekom» aksiyalari qayd etdi (+3,96%). Shuningdek, «Aloqabank» (+2,38%) va «Olmaliq KMK» imtiyozli aksiyalari (+1,11%) ham yetakchi o‘suvchilar safidan joy oldi.

Aksiyalarining eng katta qadrsizlanishi «Uzbekinvest» (-7,40%) hissasiga to‘g‘ri keldi. Shuningdek, «Chilonzor buyum savdo kompleksi» (-5,79%) va «Dori-Darmon» oddiy aksiyalari (-2,46%) sezilarli pasayishni ko‘rsatdi.

Eslatib o‘tamiz, Kursiv Uzbekistan nashri 2025-yilning birinchi choragida «Toshkent» respublika fond birjasining sof foydasi 4,6 milliard so‘mga yetgani haqida yozgan edi. 

VEON Group tarkibiga kiruvchi Beeline Uzbekistan mamlakat bo‘ylab tarmoqni faol rivojlantirishda va mobil aloqa sifatini yaxshilashda davom etmoqda. Kompaniya ilg‘or Triple Band Massive MIMO 32T32R uskunasini qo‘llagan holda pilot loyihani ishga tushirdi va 2025-yil boshidan amalga oshirilgan tarmoq modernizatsiyasi yakunlarini e’lon qildi.

GSMA-forumi arafasida Beeline Uzbekistan Triple Band Massive MIMO 32T32R RAN uskunasi asosidagi pilot loyihani ishga tushirdi. O‘zbekiston telekom bozorida noyob bo‘lgan ushbu yechim bir vaqtning o‘zida uch xil chastota diapazonida LTE tarmog‘ini ishga tushirish imkonini beradi. Texnologiya mavjud 4G/LTE tarmog‘i hamda istiqbolli 5G formatlari uchun mos keladi.

Loyihaning asosiy xususiyati – bu zamonaviy Massive MIMO 32T32R (Multiple Input...

Sobiq AQSh prezidenti Jo Baydenga agressiv prostata saratoni tashxisi qo‘yildi. Urologik tekshiruvlar natijasida shifokorlar saraton suyaklarga tarqalganini aniqlashdi, deya xabar bermoqda Reuters.

Unga ko‘ra, Bayden 82 yoshda bo‘lib, hozirda davolanish usullarini shifokorlari bilan muhokama qilmoqda. Tashxis Gleason ballari bo‘yicha 9 darajada baholangan – bu eng xavfli va og‘ir shakl hisoblanadi.

Shifokorlarning ta’kidlashicha, saraton gormonga sezgir bo‘lgani sababli, bu kasallikni davolashda zamonaviy gormonal va kimyoviy muolajalar samarali bo‘lishi mumkin. Mutaxassislar bemor uzoq va sifatli umr ko‘rishi uchun imkoniyatlar borligini aytishmoqda.

Jo Bayden uchun bu kasallik shaxsiy ahamiyatga ega, chunki uning o‘g‘li Bo Bayden 2015-yilda miya saratonidan vafot etgan edi. Prezidentlik...

Hyundai kompaniyasiga tegishli bo‘lgan Genesis brendi Xitoyda G80 2026 sedanini rasmiy taqdim etdi. ITHome nashrining ma’lum qilishicha, model to‘rt xil jihozlanishda taklif etiladi.

Yangi model «ikki qavatli» radiator panjarasi va faralari, klassik eshik tutqichlari hamda fastbek uslubidagi tom bilan jihozlangan. Avtomobilning barcha versiyalarida sozlanadigan qattiqlikka ega adaptiv osma tizimi mavjud. Salon 27 dyuymli OLED displey bilan jihozlangan bo‘lib, u asboblar paneli va multimedia ekranini birlashtiradi.

Barcha modifikatsiyalarda xavfsizlik tizimlari, elektr boshqaruvli rul, elektron uzatmalar selektori, old o‘rindiqlar isitilishi, salonda atmosfera yoritilishi va ovoz yutuvchi oynalar mavjud. Flagship versiyalarida 18 karnayli B&O audio tizimi, orqa to‘qnashuvdan ogohlantirish, simsiz zaryadlash va...

O‘zbekistondagi Ruminiya fuqarolari Ruminiyada o‘tkazilgan prezidentlik saylovlarida Buxarest meri Nikusor Danga faol ovoz berdi. Bu haqda Ruminiya markaziy saylov komissiyasi xabar bermoqda.

O‘zbekiston Respublikasidagi ruminiyaliklarning 34 nafari Dan uchun, Ruminiyaliklarni birlashtirish alyansi rahbari Jorj Simion uchun bir saylovchi ovoz berdi.

Qozog‘istonda yashovchi ruminiyaliklar orasida Danga 74 kishi, Simionga 7 nafar saylovchi ovoz bergan.

Eslatib o‘tamiz, Ruminiyada bo‘lib o‘tgan prezidentlik saylovlarida Nikusor Dan 53,6 foiz ovoz olib, g‘alaba qozondi. Uning prezidentlik poygasidagi raqibi Jorj Simion 46,4 foiz ovoz oldi.

Eslatib o‘tamiz, Kursiv Uzbekistan nashri Ruminiya prezidenti Klaus Yoxannis iste’foga chiqqani haqida yozgan edi.

Yaponiyaning Osaka shahrida bo‘lib o‘tayotgan «Expo 2025» ko‘rgazmasidagi O‘zbekiston pavilyoni yuz minglab tashrif buyuruvchilarning e’tiborini tortdi. Bu haqda prezident yordamchisi Saida Mirziyoyeva Telegram kanalida ma’lum qildi.

Pavilyon ochilish marosimida Saida Mirziyoyeva ishtirok etdi. U O‘zbekiston innovatsiyalari va an’analarini o‘zida mujassamlashtirgan makon yaratishni taklif qildi.

«Ilhom manbai sifatida Xivada joylashgan 213 ta noyob ustunli jome masjidi hamda Buxoroning lojuvard koshinlari tanlandi. Aynan shular pavilonning me’moriy va mazmuniy asosini tashkil etdi», – deydi Mirziyoyeva.

Mirziyoyeva «Expo 2025» ko‘rgazmasida so‘zlagan nutqida O‘zbekiston o‘z kelajagini barqaror taraqqiyot, ta’lim va innovatsiyalarda ko‘rishini alohida ta’kidlagan.

Pavilyon «Bilimlar bog‘i: kelajak...

Lixiang kompaniyasi bosh direktori Li Syan nogiron aravachalariga qulay bo‘lishi uchun Li Auto L6 krossoveriga oson kirishni ta’minlovchi maxsus to‘plam ishlab chiqmoqda. Bu haqda ITHome nashri ma’lum qildi.

Unga ko‘ra, bu g‘oya unga falajlangan Syao Veyning Himaloy tog‘lari bo‘ylab maxsus moslangan avtomobil bilan qilgan sayohatidan ilhomlanib keldi.

Hozirda Li Auto L6 modeli kompaniya shtab-kvartirasida nogironlar uchun moslashtirilmoqda. Maqsad – nogironligi mavjud kishilarni avtomobilga kirishini yengillashtiruvchi va boshqarishni soddalashtiruvchi samarali to‘plam yaratishdir.

Li Syan ta’kidlashicha, hozirda nogironligi bor foydalanuvchilarning avtomobilga kirish va chiqishi, avtomobilni qanday boshqarishi sinab ko‘rilmoqda. Loyihaning barcha xarajatlari kompaniya tomonidan qoplanadi va u daromad olishni ko‘zlamaydi.

Eslatib...

Xitoylik olimlar «Tyangun» fazoviy stansiyasida ilgari noma’lum bo‘lgan bakteriya shtammiga duch kelishdi. Niallia tiangongensis deb nomlangan bu mikroorganizm 2023-yil may oyida «Shenchjou-15» ekipaji ishtirokida aniqlandi, deya yozmoqda Interesting Engineering nashri.

Bakteriya namunasi stansiya yuzasidan steril usulda yig‘ilgan va Yerga olib kelinib, genom tahlili hamda modda almashinuvi o‘rganilgan. Bu mikroorganizm kosmosdagi og‘ir sharoitlarga, jumladan, radiatsiya va oksidlovchi stressga chidamli bo‘lib, o‘zini tiklash qobiliyatiga ega.

Yangi shtamm chiqindilarni foydali resurslarga aylantirishga yordam berishi, shuningdek, tibbiyot, qishloq xo‘jaligi va kosmik texnologiyalarda qo‘llanilishi mumkin. Kashfiyot «Champ» dasturi doirasida amalga oshirilib, uzoq muddatli kosmik parvozlar sharoitida mikroblarning o‘zgarishini o‘rganishga qaratilgan.

Eslatib o‘tamiz, avvalroq sun’iy...

2025-yil 19-may kuni kuzatiladigan ob-havoga ko‘ra, ko‘plab hududlarda havo biroz bulutli bo‘ladi, yog‘ingarchilik kutilmaydi. Ayrim tog‘li hududlarda qisqa muddatli yomg‘ir yog‘ishi ehtimoli mavjud.

Toshkent shahrida havo biroz bulutli, yog‘ingarchilik kutilmaydi. Shamol sharqdan 5–10 m/s tezlikda esadi. Harorat kechasi 17–19°, kunduzi 28–30° atrofida bo‘ladi.

Qoraqalpog‘iston Respublikasi va Xorazm viloyatida yog‘ingarchilik kutilmaydi. Shamol 7–12 m/s, ayrim hududlarda 13–18 m/s gacha kuchayib, chang-to‘zonlar bilan kuzatilishi mumkin. Harorat kechasi 13–18°, kunduzi 27–32°ni tashkil qiladi.

Buxoro va Navoiy viloyatlarida havo biroz bulutli, yog‘ingarchilik kutilmaydi. Shamol 7–12 m/s, ba’zi joylarda 13–18 m/s gacha kuchayadi. Ayrim hududlarda chang-to‘zonlar ehtimoli bor. Harorat kechasi 15–20°, kunduzi 29–34°gacha bo‘lishi...