Yangiliklar

Shavkat Mirziyoyev 13-sentabr kuni XVII yozgi Paralimpiya o‘yinlari g‘olib va sovrindorlari bilan uchrashdi. Bu haqda prezident matbuot xizmati ma’lum qildi.

Unga ko‘ra, tadbirda Milliy paralimpiya qo‘mitasi va sport federatsiyalari rahbarlari, murabbiylar, sportchilarning ota-onalari, davlat va jamoat tashkilotlari vakillari ishtirok etdi.

Parij shahri mezbonlik qilgan Paralimpiya o‘yinlarida para atletlarimiz 10 ta oltin, 9 ta kumush, 7 ta bronza – jami 26 ta medalni qo‘lga kiritib, umumjamoa hisobida dunyoda 13-o‘rinni, Osiyo qit’asida 3-o‘rinni, turkiy va islom mamlakatlari hamda MDH bo‘yicha 1-o‘rinni egalladi.

«Paralimpiya o‘yinlari – bu chinakam iroda, jasorat va matonat, ezgulik va gumanizm namoyishi. Siz yuksak...

O‘zbekistondagi ish beruvchilar ushbu yozda hh.uz portaliga 8 mingdan ortiq ish taklifini joylashtirdi. Bu borada hh.uz Kursiv Uzbekistan’ga ma’lum qildi.

Unga ko‘ra, yil davomida o‘sish 32 foizni tashkil etgan. Ko‘pincha kompaniyalar qurilish va ko‘chmas mulk kabi sohalarda mutaxassislarga ehtiyoj sezgan. Bunday bo‘sh ish o‘rinlari barcha vakansiyalarning 14% qismini tashkil qilgan. Chakana savdo esa 11% ko‘rsatkichda bo‘lgan.

O‘zbekiston ayollari orasida ofisda ishlashga qiziqish ortganini qayd etdi. O‘zbekistonlik ayollardan taqdim etilgan rezyumelar ulushi 20 foizni, erkaklar orasida 80 foizni tashkil qilgan.

Shuningdek, haydovchilar mamlakatimizda eng ko‘p talab qilinadigan kasblarga aylangan – umumiy bo‘sh ish o‘rinlarining 35 foizi. Keyingi o‘rinlarda xizmat ko‘rsatuvchi muhandislar...

14-sentabrdan 6-oktabrga qadar Toshkent shahrida futzal boʻyicha jahon chempionati oʻtkazilishi munosabati bilan bir qancha yoʻllarda transport harakati qisman cheklanadi. Bu haqda YHXI matbuot xizmati xabar berdi.

Unga ko‘ra, Furqat – Beshyog‘och ko‘chasidan Beshyog‘och ko‘chasi bo‘ylab, Beshyog‘och – Afrosiyob ko‘chalari kesishgan chorrahasigacha yopiladi. Shuningdek, Beshyog‘och – Afrosiyob ko‘chalari kesishgan chorrahasidan, Afrosiyob ko‘chasi bo‘ylab,
Islom Karimov – Afrosiyob ko‘chalari kesishgan chorrahasi ko‘chasigacha bo‘lgan hududlarda avtomobil harakatlari cheklanadi.

Avvalroq Kursiv Uzbekistan nashri «Ipak yoʻli durdonasi» XVI xalqaro kinofestivali noma’lum muddatga ko‘chirilgani haqida yozgan edi.

1950-yillardan keyin ilk marta Xitoy qonunchilari mamlakatda qonuniy pensiya yoshini bosqichma-bosqich oshirish to‘g‘risidagi qarorni qabul qilish uchun ovoz berdi. Bu haqda China Focus nashri ma’lum qildi.

Unga ko‘ra, erkaklar uchun pensiya yoshi 60 yoshdan 63 yoshgacha oshiriladi. Ayollarda esa bu muddat menejerlar uchun 58 yoshga, ishchilar uchun 55 yoshga ko‘tariladi. Bu jarayon 2025-yilda boshlanadi va 15 yil muddat davom etadi.

Shuningdek, ish beruvchining roziligi bilan Xitoy fuqarolari belgilangan yoshdan uch yil oldin yoki kechroq pensiyaga chiqishlari mumkin bo‘ladi.

Avvalroq Kursiv Uzbekistan qanday holda ayollar yoshga doir pensiyaga ertaroq chiqishi mumkinligi haqida yozgan edi.

Markaziy bankning Bank nazorati qoʻmitasi tomonidan shu yilning avgust oyidagi yigʻilishlarida 42 ta masala koʻrildi. Bu haqda Regulyator ma’lum qildi.

Unga ko‘ra, roʻyxatga olish va ruxsat berishga oid 30 ta masala ko‘rib chiqildi. Kredit tashkilotlari ustaviga kiritilgan oʻzgartirishlarni roʻyxatdan oʻtkazishda 7 ta, mikromoliya tashkilotlarini hisob roʻyxatidan oʻtkazish yuzasidan 1 ta va boshqa yo‘nalishlarga doir 22 ta masala muhokama qilindi.

Shuningdek, kredit tashkilotlarining moliyaviy holatiga oid 12 ta masala – Markaziy bankning koʻrsatmalari va prudensial me’yorlari talablari ijrosi, tijorat banklari va mikromoliya tashkilotida oʻtkazilgan oʻrganish va tekshirishlar natijasi muhokama ostida bo‘ldi.

Markaziy bank aniqlangan qoidabuzarliklar uchun 2 ta bank...

Oʻzbekiston Respublikasi valyuta birjasi (OʻzRVB) turli asosiy aktivlar, jumladan, oltin narxi boʻyicha fyucherslarni joriy etish ustida ish olib bormoqda. Bu haqda Kursiv Uzbekistan’ga Toshkentda boʻlib oʻtgan VI Cbonds forumida OʻzRVB direktori Rashid Usmonov ma’lum qildi.

Hozirgi kunda OʻzRVBda faqat dollar kursi boʻyicha fyucherslar mavjud. Birja rahbarining soʻzlariga koʻra, qisqa va uzoq muddatli shartnomalar taqdim etilgan.

OʻzRVB ushbu vositani 2022-yilda ishga tushirgan. Shuni inobatga olish kerakki soʻnggi bitim bir yil oldin 2023-yil 23-oktabrda amalga oshirilgan.

Birja rahbari talabning yoʻqligini quyidagicha izohladi: «Bu bozorni tushunishning yetarli darajada rivojlanmaganini qayd etgan boʻlardim. Biz moliyaviy savodxonlik orqali bu bozorni...

Kreativ iqtisodiyot bo‘yicha IV Butunjahon anjumani doirasida «Ijodiy startaplar tanlovi» e’lon qilindi. Tadbir Madaniyat va san’atni rivojlantirish jamg‘armasi hamda Yoshlar ishlari agentligi hamkorligida o‘tkazilmoqda.

Tanlovga arizalar 2024-yil 13 – 25 sentabr kunlari qabul qilinadi. Loyihalar taqdimoti 2024-yil 4-oktabr kuni CAEx’da bo‘lib o‘tadi, u yerda xalqaro komissiya uchta eng yaxshi jamoani tanlaydi. G‘oliblar IT Park O‘zbekistondan pul mukofotlari va Yoshlar ishlari agentligining ta’lim mukofotlariga ega bo‘ladi.

Tanlovga ro‘yxatdan o‘tish uchun https://wcce.uz/pages/startup-page saytiga kirish kerak bo‘ladi.

Avvalroq Kursiv Uzbekistan korrupsiyaga qarshi kurashish bo‘yicha grant loyihalar tanlovi e’lon qilingani haqida yozgan edi.

Yangi o‘quv yili boshiga kelib, eshitishida nuqsoni bo‘lgan bolalar uchun ixtisoslashtirilgan 19 ta maktabga robotlar va dasturlanadigan qurilmalarni yig‘ish uchun 190 ta to‘plami topshirildi. Bu haqda Maktabgacha va maktab ta’limi vazirligi xabar beradi.

Shuningdek, «Zamin education» loyihasi doirasida 20 ta ta’lim muassasasiga mexatronika va robototexnika darsligining ikkinchi nashri topshirildi. Yangi darslik turli murakkablikdagi maxsus o‘qitish metodikalari va topshiriqlarni o‘z ichiga olgan bo‘lib, har bir o‘quvchiga fan va texnologiyalar yo‘nalishida o‘z ko‘nikmalarini rivojlantirish imkonini beradi.

Ma’lumot uchun, «Zamin Education» – eshitish qobiliyati zaif bolalar uchun axborot texnologiyalari o‘quv-resurs markazi Muhammad al-Xorazmiy nomidagi ixtisoslashtirilgan IT-maktab hisoblanadi.

Avvalroq Kursiv Uzbekistan Rossiyada yuqori...

O‘zbekiston va Qozog‘iston harbiylari «Ashiq aspann – 2024» («Tinch osmon») havo hududini himoya qilish bo‘yicha mashg‘ulotlar o‘tkazmoqda, deya xabar berdi Qozog‘iston Mudofaa vazirligi.

Harbiy havo kuchlari va havo hujumidan mudofaa qo‘shinlarining mashqlari 10 – 14-sentabr kunlari bo‘lib o‘tadi.

Qozog‘iston havo mudofaasi kuchlari bosh qo‘mondoni general-leytenant Dauren Kosanovning ta’kidlashicha, bunday mashg‘ulotlar doimiy ravishda o‘tkaziladi.

Ikki mamlakat harbiylari mudofaa qobiliyatini oshirish bo‘yicha amaliy tajriba olmoqda, deya qo‘shimcha qildi u.

Mashg‘ulotlar davomida Qirg‘iziston va Tojikiston qurolli kuchlari bilan o‘zaro hamkorlik ishlab chiqildi.

Avvalroq Kursiv Uzbekistan sentabr oyi boshida O‘zbekistonda «Vostok-Antiterror-2024» antiterror mashg‘ulotlari o‘tkazilgani haqida yozgan edi.

13-sentabr kuni O‘zbekiston Respublika valyuta birjasida dollarning rasmiy narxi 7,99 so‘mga ko‘tarildi va 12 749,75 so‘mni tashkil qildi.

Mamlakatning banklari AQSh valyutasini 12 670 – 12 730 so‘mdan xarid qilishmoqda va 12 750 – 12 805 so‘mdan sotishmoqda.

Eslatib o‘tamiz, 13-sentabr kuni AQSh valyutasining narxi deyarli 27 so‘mga ko‘tarilgan edi.

Joriy yilgi Global Cybersecurity Index hisobotiga ko‘ra, O‘zbekiston kiberxavfsizlik rivojlanayotgan mamlakatlar qatoriga kiritildi.

Ma’lumot uchun, 2024-yil hisob-kitoblariga ko‘ra, mamlakat 89,2 ball to‘pladi. Ushbu ko‘rsatkich 2021-yilda 71,11 ballni tashkil qilgan. Shuningdek, T2 Advancing toifasiga Ozarbayjon, Qozog‘iston, Rossiya davatlari ham kiradi.

Axborot texnologiyalari va kommunikatsiyalarini rivojlantirish vaziri Sherzod Shermatovning ta’kidlashicha, Oʻzbekistonning T2 Advancing toifasiga kiritilishi mamlakatimizda ushbu sektorga alohida e’tibor qaratilayotganining tasdigʻidir.

«Albatta, hali bu yo‘nalishda amalga oshiriladigan ishlar juda ko‘p, ayniqsa, raqamli texnologiyalar hayotimizga keng kirib kelayotgan davrda aholimizning barcha qatlamlarini kiberxavfsizlik tahdidlaridan ogoh bo‘lib, firibgarlarga ishonmaslik ko‘nikmalarini shakllantirish eng qiyin bo‘lgan vazifalardandir...

Xitoyning Jin Ming firmasi Andijon viloyatida chiqindilarni qayta ishlash korxonasi qurilishiga $250 mln sarmoya kiritmoqda, deya xabar berdi viloyat hokimligi.

Bu haqda Xitoyning Syamin shahrida bo‘lib o‘tgan 24-xalqaro investitsiya-savdo forumida memorandum imzolandi. Qurilish ishlari oktabr oyida boshlanishi mumkin. Korxona Andijon tumanida ochilib, chiqindilardan elektr energiyasi ishlab chiqarish uchun foydalaniladi.

Anjuman doirasida Andijon viloyati delegatsiyasi xitoylik hamkorlar bilan $100 millionlik yana beshta istiqbolli investitsiya loyihasini ham muhokama qildi.

Avvalroq Kursiv Uzbekistan O‘zbekiston prezidenti Shavkat Mirziyoyevning Xitoy delegatsiyasi bilan uchrashuvi haqida yozgan edi.

Avgust oyi yakunlari bo‘yicha qishloq xo‘jaligiga mo‘ljallangan yerlarga yetkazilgan zarar miqdori 76,9 mlrd so‘mni tashkil etdi, deb hisoblaydi «O‘zagroinspeksiya».

O‘tgan oy davomida respublikada 195 ta yerga oid qonunbuzarlik holati qayd etilgan. Ularning asosiy qismi 210 gektar sug‘oriladigan lalmikor yerlarda aniqlangan.

Qoidabuzarliklar soni bo‘yicha Qashqadaryo va Andijon viloyatlari yetakchi bo‘ldi – mos ravishda 43 ta hodisa va 30 ta holat.

109 ta holat bo‘yicha prokuraturaga, 47 ta holat bo‘yicha IIV hududiy bo‘linmalariga, 50 ta holat bo‘yicha turli tashkilotlar va yerdan foydalanuvchilarga ogohlantirish xatlari yuborilgan.

Avvalroq Kursiv Uzbekistan Surxondaryo viloyatida tabiatga qariyb 84 mln so‘mlik zarar yetkazilgani haqida yozgan edi.

Istanbulga uchayotgan fuqaro tomonidan bugungi kunda qiymati 203 mln so‘mdan ziyod bo‘lgan, olib chiqilishi me’yordan ortiq bo‘lgan pul mablag‘lari aniqlandi. Bu haqda «Toshkent-AERO» ixtisoslashtirilgan bojxona kompleksi axborot xizmati xabar berdi.

Qayd etilishicha, Islom Karimov nomidagi «Toshkent» xalqaro aeroportidan Toshkent — Istanbul yo‘nalishi bo‘yicha uchib ketayotgan fuqaro shaxsiy ko‘rikdan o‘tkazilgan.

Ko‘rik natijasida fuqaroning chap cho‘ntagidan olib chiqilish me’yoridan ortiq bo‘lgan jami $16 ming aniqlangan.

Xabarda ma’lum qilinishicha, holat yuzasidan fuqaroga nisbatan jinoyat ishi qo‘zg‘atilgan.

Avvalroq Kursiv Uzbekistan Toshkent aeroportida toʻpponcha olib oʻtmoqchi boʻlgan xorij fuqarosi qoʻlga olingani haqida xabar bergan edi.

Raqobat qo‘mitasi UzAuto Motors tomonidan ishlab chiqarilgan «Lacetti L-Stayle MT» qoraqalpog‘istonlikning avtomobili yonib ketgani sabab ish ochdi. Bu haqda qo‘mita matbuot xizmati xabar beradi.

Mashina xarid qilinganidan 5 oy o‘tib yonib ketgan fuqaro shikoyat bilan murojaat qilgan. Ma’lum bo‘lishicha, bunday holatlar Navoiy viloyatida ham qayd etilgan.

Qo‘mita UzAuto Motors va «Psm-Avtosavdo» dileriga nisbatan iste’molchilar huquqlarini buzgani uchun ish ochdi. Ehtiyot chorasi sifatida ariza beruvchining mashinasi bilan bir vaqtda ishlab chiqarilgan 37 ta avtomobil chaqirib olindi.

Jabrlangan fuqaroning avtomobilini yangisiga almashtirishdi va UzAuto Motors unga neustoyka (penya) to‘lashga majbur bo‘ldi.

Avvalroq Kursiv Uzbekistan UzAuto Motors Tracker avtomobillarining narxini oshirishi haqida...

Markaziy bank tomonidan «United Payment Solution» aksiyadorlik jamiyatining litsenziyasi chaqirib olindi ham to‘lov tashkilotlari reyestridan chiqarildi. Bu haqda regulyator axborot xizmati xabar berdi.

Qayd etilishicha, aksiyadorlik jamiyati litsenziyasining bekor bo‘lishiga, litsenziya olingan kundan e’tiboran bir yil davomida faoliyat faoliyat olib bormagani sabab bo‘lgan.

Ma’lumot uchun, ushbu aksiyadorlik jamiyati 2023-yilda 11-mart kuni davlat xizmatlari markazida ro‘yxatdan o‘tkazilgan. Jamiyat rahbari Gizatullin Rustam Sabirovich bo‘lib u «Easy finans mikromoliya tashkiloti»da ham rahbar lavozimida faoliyat olib boradi.

Avvalroq Kursiv Uzbekistan Markaziy bank bitta toʻlov tizimi operatori hamda uchta toʻlov tashkilotining litsenziyasini bekor qilgani haqida xabar bergan edi.

Prezident qaroriga muvofiq Temuriylar davri olimi va davlat arbobi Mirzo Ulug‘bek tavalludining 630 yilligi Samarqand shahrida keng nishonlanadi. Bu haqda UzA.uz ma’lum qildi.

Unga ko‘ra, bayram doirasida mamlakatimizda Ulug‘bekka bag‘ishlangan «Osmon toqiga qo‘yilgan narvon» filmi taqdim etiladi. Davlat teatrlarida ham olimning hayoti va faoliyatiga bag‘ishlangan spektakllar namoyish etiladi.

630 yilligi munosabati bilan «Ziji Jadidi Ko‘ragoniy» asari o‘zbek, rus va ingliz tillarida, «To‘rt ulus tarixi» tarixiy asari esa o‘zbek tilida qayta nashr etiladi.

Avvalroq «Kursiv Uzbekistan» O‘zbekiston Boshqirdistonga Ufa shahrining 450 yilligi sharafiga zamonaviy o‘tov sovg‘a qilgani haqida yozgan edi.

Korrupsiyaga qarshi kurashish agentligi tomonidan Transport, Maktabgacha va maktab ta’limi hamda Madaniyat vazirliklarida o‘tkazilgan tekshiruv davomida 107 nafar boshqaruvchi 116 ta biznesda faoliyat yuritayotgani aniqlandi. Bu haqda agentlik matbuot xizmati xabar beradi.

«Jumladan, Transport vazirligining 50 ta boshqaruv xodimi 55 ta tadbirkorlik subyektida, Maktabgacha va maktab ta’limi vazirligining 37 ta boshqaruv xodimi 39 ta tadbirkorlik subyektida hamda Madaniyat vazirligining 20 ta boshqaruv xodimi 22 ta tadbirkorlik subyektida ta’sischilik asosida faoliyat yuritib kelgan», deyiladi xabarda.

Agentlik qoidabuzarliklarni bartaraf etish uchun ushbu vazirliklarga taqdimnomalar yubordi. Bunga javoban vazirliklar vaziyatni muhokama qilib, qonun buzilishlarini bartaraf etish maqsadida...

O‘zbekistonda oltin quymalari hamda qimmatbaho metallardan yasalgan esdalik tangalari narxi rekord darajada oshdi. Bu haqda Markaziy bank regulyator xizmati xabar berdi.

Joriy yilning 13-avgust kuni 5 grammlik oltin narxi 5,4 mln bo‘lsa, 1 gramm oltin narxi deyarli 1,08 mlnga yetdi. Avgust oyida 5 grammlik oltin narxi 5,18 mlnni (13-avgust) tashkil etib, hozirgi vaqtda narx 4,5 foizga o‘sgan.

Ma’lumot uchun, oltin quymalarining narxlari yil boshida 4,2 mln bo‘lgan. Shuningdek, hozirgi vaqtda oltinning narxi yil boshiga nisbatan 28 foizga oshdi.

Ta’kidlash joizki, mamlakatda oltin narxlarining o‘sishi jahon bozorida oltin narxlarining o‘zgarib turishi bilan bog‘liq. Misol uchun, LBMA taqdim etgan ma’lumotlarga...

O‘zbekiston hamda Xitoy o‘rtasida madaniy boyliklar bilan bog‘liq noqonuniy harakatlarni oldini olish bo‘yicha bitim tasdiqlandi. Bu haqda Adliya vazirligi matbuot xizmati xabar berdi.

Qayd etilishicha, mazkur bitimda madaniy meroslarni noqonuniy olib chiqish va olib kirish, o‘g‘irlash, noqonuniy qazib olish va boshqa harakatlarni oldini olishga doir masalalar kiritilgan. Bitim joriy yilning 24-yanvarida tasdiqlangan.

Mazkur xakqaro shartnomani amalga oshirishda vakolatli organ sifatida Madaniy meros agentligi tayinlandi.

Avvalroq Kursiv Uzbekistan Mirziyoyev Xitoy delegatsiyasi bilan innovatsion loyihalarni muhokama qilgani haqida xabar bergan edi.  

13-sentabr kuni Qozog‘istonning Qaskelen shahriga kirish qismida sodir bo‘lgan og‘ir YTH oqibatida 8 kishi jabrlandi. Bu haqda Zakon.kz veb-sayti ma’lum qildi.

Unga ko‘ra, 78-yo‘lovchi avtobusi janubga, Qaskelen shahri tomon harakatlanayotgan avtobus haydovchisining qand kasali xuruji tufayli ahvoli yomonlashgan.

Oqibatda haydovchi boshqaruvni yo‘qotgan va avtobus beton to‘siqqa borib urilgan.

Kuchli zarbadan qarama-qarshi harakatga o‘tib ketgan avtobus avval to‘siqqa urilgan, so‘ng panjarani buzib o‘tigan va ko‘prikdan Toshkent shossesiga, Bishkekdan Olmaotaga ketayotgan Mercedes-Benz Sprinter mashinasi ustiga qulagan.

Baxtsiz hodisada sakkiz kishi jarohat olib, shifoxonaga yotqizilgan. Qurbonlar yo‘q.

Eslatib o‘tamiz, avvalroq Toshkentda yuz bergan YTH oqibatida fuqaro vafot etgan edi.

Portugaliyalik to‘purar Krishtianu Ronalduning ijtimoiy tarmoqlaridagi obunachilari 1 mlrddan oshdi. Bu haqda futbolchining o‘zi Instagram’dagi sahifasida ma’lum qildi.

Unga ko‘ra, Instagram sahifasida 639 mln, Facebook sahifasida 170 mln, X ijtimoiy tarmog‘ida 113 mln, YouTube kanalida 60 mln, Kuaishou sahifasida 9 mln va Weibo’da 7,5 mlndan ortiq inson Ronalduni kuzatib boradi.

«Biz tarix yaratdik – 1 MILLIARD obunachi! Bu shunchaki raqamlar emas – bu bizning umumiy ishtiyoqimiz, harakatimiz va o‘yinga bo‘lgan muhabbatimizdan dalolat beradi.

Madeyra ko‘chalaridan tortib, dunyodagi eng katta sahnalarigacha men har doim oilam va siz uchun o‘ynaganman va hozir biz 1 milliardmiz.

Siz men...

«Просвещение» nashriyoti va dron ishlab chiqaruvchi «Geoskan» kompaniyasi «Mehnat (texnologiya)» fanidan «Robotexnika» maktab moduli uchun dronlar boʻyicha ilk darslikni chiqardi. Bu haqda nashriyot o‘z veb-saytida e’lon qilindi.

Unga ko‘ra, darslik 8-9-sinf oʻquvchilari uchun chiqarilgan bo‘lib, jami 34 soatga moʻljallangan. Qoʻllanma olti bobdan iborat. Uchuvchisiz aviatsiyaga umumiy kirish, dronlarning tasnifi va dizayni, uchuvchisiz uchoqlarning elektron komponentlari, qoʻlda uchirish asoslari, avtonom parvozlarni dasturlash, uchuvchisiz uchoqlar dunyosidagi tendensiyalar va kasblar shular jumlasidandir.

Rossiyaning Ukrainaga bostirib kirishi fonida, Rossiyadagi maktablarda UUA texnologiyalari boʻyicha oʻqitish ommalashmoqda. Bunday alohida modulning maktab oʻquv dasturiga kiritilgani 2024-yil fevralida ma’lum boʻlgan edi.

Rossiya Federatsiyasi ta’lim vazirining oʻrinbosari...

Sirdaryo viloyatida nodavlat turdagi bog‘chalarning birida joriy yilning 7-avgust kuni ikki yoshli I.S vafot etgan. Holat yuzasidan bolalar ombudsmani munosabat bildirdi.  

Sud-tibbiy ekspertiza xulosasiga ko‘ra, bolada nafas yo‘llarining berkilib qolishi (obturatsion asfiksiya) natijasida o‘lim holati yuzaga kelgan.

Ta’kidlanishicha, mas’ullar bolani ta’lim tashkilotiga qabul qilishda tibbiy ma’lumotnoma talab qilmagan, shuningdek, bolaning yoshi yetarli bo‘lmasada ta’lim tashkilotiga tarbiyalanuvchi sifatida qabul qilingan.

Qayd etilishicha, holat yuzasidan mas’ul shaxslar hamda rahbariyat xodimlariga nisbatan Jinoyat kodeksining 116 – 19211-moddalari bilan jinoyat ishi qo‘zg‘atilgan.

Mas’ul shaxslar o‘z lavozim vazifalarini lozim darajada bajarmaganlik, mansab vakolatlarini suiiste’mol qilganlikda gumonlangan.

Hozirgi vaqtda qo‘zg‘atilgan jinoyat ishi yuzasidan tuman...