Yangiliklar

Qoʻshni davlatdan Andijonga tushgan kelin bugun ochilgan «Qorasuv» chegara bojxona postidan ezgu niyatlar bilan Oʻzbekistonga qadam qoʻydi. Bu haqda Bojxona qo‘mitasi ma’lum qildi.

Unga ko‘ra, chegara bojxona posti ochilgan kunidan boshlab ikki millat orasida mehmondo‘stlik, quda-andalik rishtalari kuchaya boshladi.

Ochilgan chegara posti oʻzbek-qirgʻiz ellari oʻrtasidagi qarindosh-urugʻchilik aloqalariga ko‘prik bo‘lib xizmat qilishiga ishonch bildirildi.

Eslatib o‘tamiz, avvalroq Oʻzbekiston – Qirgʻiziston chegarasida ikkita bojxona posti ochilish marosimi haqida batafsil yozgan edik.

12-sentabr kuni Shavkat Mirziyoyev Turkiyaning Tashqi ishlar vaziri Hakan Fidan, Ichki ishlar vaziri Ali Yerlikaya va Milliy razvedka xizmati direktori Ibrohim Qalinlar bilan uchrashdi. Bu haqda prezident matbuot xizmati ma’lum qildi.

Unga ko‘ra, uchrashuvda O‘zbekiston va Turkiya orasidagi keng qamrovli strategik sheriklik masalalari muhokama qilindi.

Endilikda qabul qilingan «Yo‘l xaritasi»ga muvofiq muntazam aloqalarni kuchaytirish, muzokaralar formati va kun tartibini kengaytirishga ta’kidlandi.

Shu bilan birga, savdo-iqtisodiy va investitsiyaviy hamkorlik loyihalari, xavfsizlik, xatarlarga qarshi kurashish bo‘yicha idoralararo hamkorlikni kuchaytirishga alohida e’tibor qaratildi.

Eslatib o‘tamiz, avvalroq prezident Rossiya federatsiyasi hukumat raisini qabul qilgan edi.

Suzish federatsiyasi rahbariyati suzishni rivojlantirish uchun ajratilgan milliardlar hisobidan o‘z yaqinlarini Turkiyaga dam olishga yuborgan. Bu haqda Bosh prokuratura xabar berdi.

Unga ko‘ra, suzish sporti uchun ajratilgan mablagʻlar hisobidan terma jamoa a’zosi boʻlmagan, aslida Federatsiya Bosh kotibi A.G.ning oila a’zolari boʻlgan N.G., M.G va boshqa jami 15 nafar fuqaroni Turkiya davlatiga dam olishga yuborilib, 405 mln soʻm mablagʻ talon-toroj qilingan.

Yana, aslida oʻtilmagan oʻquv-mashgʻulot yigʻinlar uchun soxta buyruqlar asosida 458 mln soʻm mablagʻlar noqonuniy oʻzlashtirilgan.

Shu bilan birga, Federatsiyaga xalqaro musobaqa va oʻquv mashgʻulotlari oʻtkazish uchun homiylar tomonidan ajratilgan 1,2 mlrd soʻm mablagʻlar hech bir maqsadsiz sarflangani aniqlandi.

Ushbu...

Oʻzbekistonda Xalq IPO’si doirasida aksiyalari birjada sotiladigan birinchi emitent tanlandi. Davlat Oʻzbekiston Respublika tovar-xomashyo birjasidagi (OʻzRTXB) 2,4 foiz ulushini sotmoqda. Bu haqda Toshkentda boʻlib oʻtayotgan VI Cbonds konferensiyada Kap Depo direktori Farrux Xoʻjayev ma’lum qildi.

Uning soʻzlariga koʻra, Kap Depo va Satori konsorsiumi ushbu bitim uchun anderrayter sifatida ishlaydi.

OʻzRTXBning oʻzi ushbu bitimdan oʻz kapitaliga investitsiyalarni olmaydi, chunki gap Davlat aktivlarini boshqarish agentligi vakili boʻlgan mavjud aksiyadorning (SPO) aksiyalarini sotish haqida ketmoqda. Olingan mablagʻlar Oʻzbekiston davlat budjetini toʻldiradi.

Hozirgi kunda birja aksiyalarining 44,44 foizi davlatga tegishli, qolgan qimmatli qogʻozlar boshqa aksiyadorlar, jumladan, jismoniy va yuridik shaxslar oʻrtasida taqsimlanadi.

OʻzRTXBning aksiyalari...

11-sentabr kuni E-auksion’da Chirchiq metall tuzilmalar zavodi UET Construction kompaniyasiga 39,9 mlrd so‘mga sotildi. Bu haqda E-auksion onlayn platforma xabar berdi.

Auksion 24 daqiqa davom etdi, yagona stavkani UET Construction kompaniyasi 39,9 mlrd so‘m taklif qildi – bu boshlang‘ich narxdan 5 foizga yuqori.

Majmua may oyida kreditorlar qaroriga ko‘ra savdoga chiqarilgan. Maydoni 4,6 gektar bo‘lgan uchastkada umumiy maydoni 15,8 ming kv.m tashkil etgan 34 ta bino bor. Barcha zarur kommunikatsiyalar (gaz, suv, kanalizatsiya, elektr energiyasi) va temir yo‘l tarmog‘i ham mavjud.

Zavod bor asbob-uskunalari, avtotransport vositalari, temir yo‘li va teplovozi bilan yangi egasiga topshirildi.

Avvalroq Kursiv Uzbekistan O‘rmon fondi...

Turkiya Qishloq va o‘rmon xo‘jaligi vazirligi urug‘chilik bo‘limi boshlig‘i Fotih Ahmet boshchiligidagi delegatsiya va «O‘zagroinspeksiya» O‘zbek – Turk urug‘chilik test markazini ochish bo‘yicha muzokaralar o‘tkazdi. Bu haqda O‘zagroinspeksiya xabar berdi.

Turli vazirlik va uyushmalar vakillaridan iborat delegatsiya O‘zbekistonga tashrif buyurdi. Ularga Turkiyaning O‘zbekistondagi elchixonasi qishloq xo‘jaligi bo‘yicha attashesi Burxon Demirok hamrohlik qildi.

Tashrif davomida delegatlar «O‘zagroinspeksiya» va Qishloq xo‘jaligi mahsulotlari sifatini baholash markazida bo‘lib, urug‘chilik sohasidagi ishlar bilan tanishdi.

Avvalroq Kursiv Uzbekistan o‘rmon fondi yerlari E-Auksion orqali ijaraga berila boshlangani haqida yozgan edi.

12-sentabr kuni O‘zbekiston Respublika valyuta birjasida dollarning rasmiy narxi 26,69 so‘mga ko‘tarildi va 12 741,76 so‘mni tashkil qildi.

Bugun moliya institutlarida dollarning xarid qilish narxi 12 655 – 12 710 so‘m etib belgilangan. Banklar AQSh valyutasini 12 720 – 12 790 so‘mdan sotishmoqda.

Eslatib o‘tamiz, respublikada 11-sentabr kuni dollarning qiymati 28,36 so‘mga o‘sgan edi.

Joriy yilning dastlabki yarmida O‘zbekistonda 59,7 trln so‘mlik bozor xizmatlari ko‘rsatilgan. Bu haqda Statistika agentligi xabar berdi.

Ma’lum qilinishicha, ko‘rsatilgan bozor xizmatlarining umumiy hajmdagi ulushi 22,3 foizni tashkil etadi. Ushbu ko‘rsatkich 2023-yilning mos davri bilan solishtirilganda 10,5 foizga o‘sgan.

Hududlar bo‘yicha eng baland ko‘rsatkich Toshkent shahrida 21,5 trln so‘m bo‘lgan. Eng past ko‘rsatkich esa Sirdaryo viloyatida deyarli 798 mlrd so‘mni tashkil etdi.   

Avvalroq Kursiv Uzbekistan yetti oy ichida O‘zbekistonga qancha elektromobil import qilingani haqida xabar bergan edi.

2024-yil 15–19-sentabr kunlari poytaxtimizda oʻtkazilishi rejalashtirilgan «Ipak yoʻli durdonasi» XVI Toshkent xalqaro kinofestivali noma’lum muddatlarga koʻchirildi. Bu haqda Kinematografiya agentligi matbuot xizmati xabar berdi.

Ma’lum qilinishicha, xalqaro kinofestival muddatining ko‘chirilishiga mamlakatda futzal bo‘yicha jahon chempionatining o‘tkazilishi sabab bo‘lmoqda. Shuningdek, bir nechta xalqaro konferensiyalar ham aynan kinofestival o‘tkazilish kuniga to‘g‘ri kelmoqda.

Hozirda kinofestivalning o‘tkazilish sanasi bo‘yicha aniq ma’lumot berilmagan.

Avvalroq Kursiv Uzbekistan Milliy kino saroyida «Pandemiya» filmining premyerasi bo‘lib o‘tgani haqida xabar bergan edi.

Telegram asoschisi Pavel Durov hibsga olingandan so‘ng, ijtimoiy tarmoq Fransiya hukumati bilan hamkorlik qila boshladi. Bu haqda Liberation nashri xabar beradi.

Endilikda messenjer politsiya va jandarmeriya so‘rovlariga, ayniqsa o‘smirlar bilan bog‘liq jinoyat ishlariga ko‘maklashadi.

Telegram tergovlarga yordam berishi mumkin bo‘lgan ma’lumotlarni taqdim etdi. Strategiyadagi bu o‘zgarishlar sezilarli bo‘lib, Fransiya prokuraturasining e’tiborini tortdi. Endi departament ijtimoiy tarmoqqa qarshi o‘z ishini qayta boshlaydi.

«Biz rostdan ham ma’lum bir muddat davomida Telegram adliya tizimi bilan hamkorlik qilishga ko‘proq moyil bo‘lganini kuzatdik»— deyiladi Belgiya prokuraturasi xabarida.

Avvalroq Pavel Durov birinchi marta Parijda hibsga olinganiga izoh bergan edi.

Janubiy koreyalik futbolchi Son Jun Xo Xitoy rasmiylari bilan kelishilgan o‘yinlar va poraxo‘rlikda ishtirok etgani haqidagi ayblovlarga iqror bo‘ldi. Bu haqda CNN axborot agentligi ma’lum qildi.

Unga ko‘ra, Xitoy futbol assotsiatsiyasi (CFA) korrupsiyaga qarshi kurash bo‘yicha ikki yillik tekshiruvdan so‘ng, 38 futbolchi, jumladan, Son va besh amaldorga umrbod diskvalifikatsiya e‘lon qildi.

«Men hech qachon kelishilgan o‘yinlarda qatnashmaganman, ularda bor yagona dalil bu mening majburlash ostida qilgan yolg‘on iqrorim. Agar ayblovlarni qabul qilmasam, xotinim ham hibsga olinadi va tergov qilinadi, deb tahdid qilishdi», deydi Son.

Janjal chiqqanidan beri Janubiy Koreya tomonida o‘z o‘rnini yo‘qotgan yarim...

Joriy yil 12-sentabr kuni Markaziy bank tomonidan taqdim etilgan press-relizga ko‘ra, asosiy stavka 13,5 foiz darajasida oʻzgarishsiz qoldi. Bu haqda regulyatorning matbuot xizmati xabar berdi.

Taqdim etgan maʼlumotlarga koʻra, soʻnggi uch oyda umumiy inflyatsiya oʻzgarishsiz qolgan va avgust oyida yillik koʻrsatkich boʻyicha 10,5 foizni tashkil etgan.

«Iqtisodiy faollikdagi ijobiy tendensiyalar savdo va pullik xizmatlar, eksport tushumlari va pul o‘tkazmalari hajmining o‘tgan yilning mos davriga nisbatan oshishida ham kuzatildi», — deyiladi press-relizda.

Bundan tashqari, joriy yilda meva-sabzavotlar narxi pasayishi inflyatsiyaga qariyb 1 foiz bandlik pasaytiruvchi taʼsir koʻrsatdi.

Maʼlumot oʻrnida, stavka oxirgi marta 2024-yilning iyul oyida...

Iqtisodiy tadqiqotlar va islohotlar markazi ma’lumotlariga ko‘ra, O‘zbekistonda ishbilarmonlik muhiti yaxshilandi. 2024-yilning avgust oyida yig‘ma ko‘rsatkich 6 punktga ko‘tarilib, 53 ballni tashkil etdi. Mingdan ortiq tadbirkorlar joriy iqtisodiy vaziyatga baho berib, ularning 41 foizi uni «yaxshi» deb hisoblaydi. Tahlil Kursiv Uzbekistan’da mavjud.

Ijobiy o‘zgarishlarga qaramay tadbirkorlar hali ham moliyalashtirish, yuqori soliq stavkalari va elektr energiyasi ta’minoti kabi muammolarga duch kelmoqda. Qishloq xo‘jaligi va qurilishda kutishlarning o‘sishi kuzatilmoqda, sanoatda esa optimizm pasaydi.

Qishloq xo‘jaligida biznes muhit 10 punktga oshib, 56 taga yetdi. Sanoatda o‘sish 7 punktni tashkil etib, 50 ga chiqdi. Qurilishdagi faollik 11 punktga ko‘payib, 56 bandni qayd etdi. Xizmat...

Toshkentda boʻlib oʻtayotgan VI Cbonds konferensiyasida Amerikaning Texas universiteti professori Botir Qobilov Oʻzbekistondagi kapital bozori holati haqida ma’ruza qildi.

Ekspertning fikricha, Oʻzbekiston kapital bozori rivojlanishning dastlabki bosqichida, bu ayni paytda oʻsish va oʻzgarishlar uchun katta istiqbollarni ochmoqda. Lekin ushbu sohaning muvaffaqiyatli rivojlanishi uchun, ayniqsa, davlat ustunlik qiladigan sohalarda keng koʻlamli oʻzgarishlar zarur.

Kapital bozorining rivojlanishiga toʻsqinlik qilayotgan asosiy omillardan biri shaffoflikning yoʻqligi hisoblanadi. Qobilov ta’kidlaganidek, yagona portal ma’lumotlarini tahlil qilib, Oʻzbekistondagi aksiyadorlik jamiyatlarining qariyb yarmi oʻz moliyaviy hisobotlarini e’lon qilmayotganini aytdi. Professor 600 dan ortiq aksiyadorlik jamiyatlaridan atigi 300 dan ortiq tashkilot yillik hisobotlarni e’lon qilgan, deb ta’kidladi. U Korporativ...

Vyetnamda Yagi to‘foni oqibatida 200 ga yaqin odamlar halok bo‘ldi, 128 nafar kishi esa bedarak yo‘qolgan. Bu haqda CNN axborot agentligi ma’lum qildi.

Unga ko‘ra, Vyetnamda to‘fon boshlanganidan buyon 800 dan ortiq kishilar jarohatlangan.

Seshanba kuni Vyetnam shimolidagi Lao Kay provinsiyasidagi Lang Nu qishlog‘ini suv toshqini oqibatida halok bo‘lganlar soni hafta boshida yana oshdi. Chorshanba kuni yuzlab qutqaruvchilar tomonidan omon qolganlarni qidiruv ishlari olib borildi.

Eslatib o‘tamiz, avvalroq Yagi to‘foni 143 kishini hayotiga zomin bo‘lgani haqida yozgan edik.

Vengriyaning OTP banki Oʻzbekistonda kapital bozorida maxsus rejim ishtirokchisiga aylandi. Bu haqda Istiqbolli loyihalar milliy agentligi (ILMA) direktorining birinchi oʻrinbosari Vyacheslav Pak Toshkentda boʻlib oʻtayotgan VI Cbonds konferensiyasidagi chiqishida ma’lum qildi.

Uning soʻzlariga koʻra, ILMA tegishli ma’lumotlarni yaqin kunlarda oʻz veb-saytida e’lon qiladi. Endi maxsus rejim ishtirokchilari roʻyxatida ikkita moliya instituti boʻladi. Birinchisi, joriy yilning fevral oyida kirish huquqiga ega boʻlgan Bank of Georgia hisoblanadi. Dastlabki bosqichda bank mahalliy bozorda muomalaga chiqarilgan davlat qimmatli qogʻozlari bilan ishlashni, ularni mijozlari uchun sotib olishni boshladi.

Avvalroq Kursiv Uzbekistan Bank of Georgia Oʻzbekistonning davlat qarziga sarmoya kirita boshlagani haqida xabar bergan edi.

Joriy yilning 12-sentabr kuni Oʻzbekiston prezidenti Turkiya tashqi ishlar vaziri Hakan Fidan, ichki ishlar vaziri Ali Yerlikaya hamda Milliy razvedka xizmati direktori Ibrohim Qalin bilan uchrashuv oʻtkazadi. Bu haqda prezident matbuot kotibi Sherzod Asadov ma’lum qildi.

Qayd etilishicha, Turkiya delegatsiyasi O‘zbekiston prezidenti Shavkat Mirziyoyev joriy yilning 6–7-iyun kunlari Turkiyaga rasmiy tashrifi yuzasidan erishilgan kelishuvlarga muvofiq Toshkentga keldi.

Delegatsiya tashrifi yuzasidan ikki tomonlama muzokaralar tashqi siyosiy masalalar, shuningdek, maxsus xizmat rahbarlarining qoʻshma uchrashuvlari oʻtkazish reja qilingan.

Tashrif davomida asosiy masala sifatida xavfsizlik, zamonaviy tahdidlarga qarshi kurashishda oʻzaro hamkorlikni kuchaytirish diqqat markazida boʻladi.

Avvalroq Kursiv Uzbekistan Shavkat Mirziyoyev Ostonada Pokiston Hukumati rahbari...

Qashqadaryoda Oliy sud raisi Ikrom Muslimov boshchiligidagi ishchi guruh tomonidan sayyor qabul o‘tkazilib, qabul davomida 140 nafar mahkum muddatdan ilgari shartli ravishda ozod etildi. Bu haqda Oliy sud matbuot xizmati xabar berdi.

Qayd etilishicha, qabul davomida qashqadaryolik fuqarolarning sud-huquq tizimi doirasida murojaatlari o‘rganilib, huquqiy maslahat va ko‘mak so‘rab kelgan 70 nafar fuqaro qabul qilindi. Murojaatlarning 35 tasi jinoyat sudloviga, 20 tasi fuqarolik sudloviga, 6 tasi iqtisodiy sudlovga hamda 9 tasi ma’muriy sudlovga tegishli bo‘lgan.

Bundan tashqari, 34 nafar fuqarolarning og‘zaki murojaatlari yuzasidan huquqiy tushuntirishlar berilib, 31 ta shikoyat va arizalar qonuniy ko‘rib chiqilishi uchun qabul qilindi.

Avvalroq Kursiv Uzbekistan...

2024-yilning 5-sentabr kuni «Muhteshem doner» kafesining bir necha turdagi taomlarini iste’mol qilgan 23 nafar shaxs ovqatdan zaharlanish belgilari bilan shifoxonaga yotqizilgan. Bu haqda Sanitariya-epidemiologiya qo‘mitasi xabar berdi.

Unga ko‘ra, muolajalar natijasida (12-sentabr 09:00 holatiga ko‘ra) ularning 13 nafariga ketishga ruxsat berilgan. Qolgan 10 nafar bemor davolashni davom ettirmoqda.

Bugungi kunga kelib, Sanepidqoʻmning Toshkent shahar boshqarmasi boshchiligida «Muhteshem doner» kafesi vaqtincha yopilgan. Laboratoriya tekshiruvlari uchun iste’mol qilingan oziq-ovqat mahsulotlari qoldiqlaridan namunalar olingan.

Qo‘mitaning ta’kidlashicha, zaharlanishga kafeda tayyorlangan sous sabab boʻlgan boʻlishi mumkin.

Eslatib o‘tamiz, avvalroq Qo‘yliq bozorining oziq-ovqat bo‘limi antisanitariya tufayli vaqtincha yopilgan edi.

Qozog‘istonlik deputat Magerram Magerramov mamlakatda sodir etilgan jinoyatlar uchun javobgarlik yoshini 14 yosh emas, balki 12 yosh qilib belgilash taklifini berdi. Bu haqda Kaztag nashri xabar qildi.  

Deputatning so‘zlariga ko‘ra, Qozog‘iston maktablari xavfsiz emas, mamlakat aholisi bir necha bor voyaga yetmaganlar tomonidan sodir etilgan zo‘rlash, qotillik va boshqa shu turdagi og‘ir jinoyatlar haqida xabarlardan larzaga tushgan.

«Bizning fikrimizcha, zo‘ravonlikning ildizini yo‘q qilish zarur. Ammo hozirgi kunda yoshi sabab jinoyatchilar jazodan qochib qolmoqda», deydi Magerramov.

Deputatning ta’kidlashicha, maktab bolani jamiyatga integratsiya qilishda birinchi qadam, shu sababdan o‘qituvchilar bolalarning buzuq xatti-harakatlarining oldini olishga hamda bartaraf...

Andijon viloyati Qoʻrgʻontepa tumani Qorasuv shahrida joylashgan «Qorasuv» chegara bojxona posti 15 yillik tanaffusdan soʻng yana oʻz faoliyatini qayta tikladi. Bu haqda bojxona qoʻmitasi xabar berdi.

Qayd etilishicha, «Qorasuv» chegara bojxona posti 3 gektardan ziyod maydonga ega boʻlib, bu yerda ulkan qurilish-bunyodkorlik ishlari amalga oshirildi. Endilikda bojxona postidan 12 ming nafardan ziyod fuqarolar oʻtib-qaytishi mumkin.

Postning ochilishi qoʻshni davlat fuqarolari uchun ham bir qator qulayliklarni yuzaga keltiradi. Jumladan, Qirgʻizistonning Oʻsh viloyatidan Jalolobod viloyatiga oʻtish uchun shu vaqtga qadar 120 km masofa bosib oʻtilgan boʻlsa, endi ushbu masofa 101 km ga qisqarib, Oʻzbekiston hududi boʻylab tranzit tarzida atigi 19 km...

Boyqo‘ng‘ir kosmodromidan ekipaji ikki nafar rossiyalik va bir amerikalikdan iborat «Soyuz-2.1a» raketasi Xalqaro kosmik stansiyaga (XKS) tomon kosmik parvozni amalga oshirdi. Bu haqda RIA Novosti xabar berdi.

Kema ekipajida rossiyalik kosmonavtlar Aleksey Ovchinin va Ivan Vagner, shuningdek, amerikalik astronavt Donald Pettit bor.

Raketa uchirilganidan to‘qqiz daqiqa o‘tmay, «Soyuz MS-26»ni past Yer orbitasiga olib chiqadi va u XKSga mustaqil parvozini boshlaydi.

Bu safar parvoz sxemasi juda qisqa ikki orbitali parvoz sifatida tanlandi, stansiyaning rus segmentining Rassvet moduliga ulanishi Moskva vaqti bilan soat 22.33 da kutilmoqda. Missiyaning davomiyligi 202 kun bo‘lishi rejalashtirilgan.

Parvoz davomida rossiyalik kosmonavtlar 40 dan ortiq ilmiy...

Rossiya Federatsiyasi parlamentining quyi palatasi – Davlat dumasi mehnat muhojirlariga Rossiyaga ishlash uchun oilalarini olib kelishni taqiqlovchi qonun loyihasini tayyorlaydi, dedi organ raisi Vyacheslav Volodin.

«Odam o‘zi ishlagani kelganidan keyin oila a’zolarini o‘zi bilan olib yurishi mumkin emas,» deya Volodindan iqtibos keltirdi «Interfaks» agentligi.

Davlat dumasi raisining so‘zlariga ko‘ra, tayyorlanayotgan qonun loyihasi deputatlarning katta qismi tomonidan «aniq qo‘llab-quvvatlanadi».

Shuningdek, Rossiya qonunchilari fuqarolik olish uchun zarur bo‘lgan nikoh muddatini ikki yilgacha uzaytirmoqchi.

Avvalroq Kursiv Uzbekistan Rossiyada noqonuniy mehnat muhojirlari maxsus reyestr yordamida hisobga olinishi haqida yozgan edi.

Joriy yilning 11-sentabr kuni taxminan soat 17:20 lar atrofida Tojikiston muftiysi Saidmukarrama Abdulqodirzodaga hujum bo‘ldi. Bu haqda mamlakat Ichki ishlar vazirligi matbuot xizmati xabar berdi.

Dushanbe markaziy masjidi yonida namozdan so‘ng muftiyga nisbatan o‘tkir tig‘li jism bilan tan jarohati yetkazildi.

Muftiy Saidmukarrama Abdulqodirzodaga yetkazilgan tan jarohati og‘ir emasligi inobatga olinib, shifokorlar ko‘rigidan o‘tgandan so‘ng uyiga javob berib yuborilgan. Hujum qilgan shaxs darhol qo‘lga olingani aytilmoqda.

Hozirda holat yuzasidan Tojikiston IIV tomonidan jinoyat ishi qo‘zg‘atilib, tergov harakatlari olib borilmoqda.

Ma’lumot uchun, falsafa fanlari doktori Saidmukarrama Abdulqodirzoda 2010-yildan buyon Tojikiston muftiysi lavozimida faoliyat olib bormoqda.

Avvalroq Kursiv Uzbekistan joriy yilning dastlabki...