Yangiliklar

Sobiq AQSh prezidenti Jo Baydenga agressiv prostata saratoni tashxisi qo‘yildi. Urologik tekshiruvlar natijasida shifokorlar saraton suyaklarga tarqalganini aniqlashdi, deya xabar bermoqda Reuters.

Unga ko‘ra, Bayden 82 yoshda bo‘lib, hozirda davolanish usullarini shifokorlari bilan muhokama qilmoqda. Tashxis Gleason ballari bo‘yicha 9 darajada baholangan – bu eng xavfli va og‘ir shakl hisoblanadi.

Shifokorlarning ta’kidlashicha, saraton gormonga sezgir bo‘lgani sababli, bu kasallikni davolashda zamonaviy gormonal va kimyoviy muolajalar samarali bo‘lishi mumkin. Mutaxassislar bemor uzoq va sifatli umr ko‘rishi uchun imkoniyatlar borligini aytishmoqda.

Jo Bayden uchun bu kasallik shaxsiy ahamiyatga ega, chunki uning o‘g‘li Bo Bayden 2015-yilda miya saratonidan vafot etgan edi. Prezidentlik...

Hyundai kompaniyasiga tegishli bo‘lgan Genesis brendi Xitoyda G80 2026 sedanini rasmiy taqdim etdi. ITHome nashrining ma’lum qilishicha, model to‘rt xil jihozlanishda taklif etiladi.

Yangi model «ikki qavatli» radiator panjarasi va faralari, klassik eshik tutqichlari hamda fastbek uslubidagi tom bilan jihozlangan. Avtomobilning barcha versiyalarida sozlanadigan qattiqlikka ega adaptiv osma tizimi mavjud. Salon 27 dyuymli OLED displey bilan jihozlangan bo‘lib, u asboblar paneli va multimedia ekranini birlashtiradi.

Barcha modifikatsiyalarda xavfsizlik tizimlari, elektr boshqaruvli rul, elektron uzatmalar selektori, old o‘rindiqlar isitilishi, salonda atmosfera yoritilishi va ovoz yutuvchi oynalar mavjud. Flagship versiyalarida 18 karnayli B&O audio tizimi, orqa to‘qnashuvdan ogohlantirish, simsiz zaryadlash va...

O‘zbekistondagi Ruminiya fuqarolari Ruminiyada o‘tkazilgan prezidentlik saylovlarida Buxarest meri Nikusor Danga faol ovoz berdi. Bu haqda Ruminiya markaziy saylov komissiyasi xabar bermoqda.

O‘zbekiston Respublikasidagi ruminiyaliklarning 34 nafari Dan uchun, Ruminiyaliklarni birlashtirish alyansi rahbari Jorj Simion uchun bir saylovchi ovoz berdi.

Qozog‘istonda yashovchi ruminiyaliklar orasida Danga 74 kishi, Simionga 7 nafar saylovchi ovoz bergan.

Eslatib o‘tamiz, Ruminiyada bo‘lib o‘tgan prezidentlik saylovlarida Nikusor Dan 53,6 foiz ovoz olib, g‘alaba qozondi. Uning prezidentlik poygasidagi raqibi Jorj Simion 46,4 foiz ovoz oldi.

Eslatib o‘tamiz, Kursiv Uzbekistan nashri Ruminiya prezidenti Klaus Yoxannis iste’foga chiqqani haqida yozgan edi.

Yaponiyaning Osaka shahrida bo‘lib o‘tayotgan «Expo 2025» ko‘rgazmasidagi O‘zbekiston pavilyoni yuz minglab tashrif buyuruvchilarning e’tiborini tortdi. Bu haqda prezident yordamchisi Saida Mirziyoyeva Telegram kanalida ma’lum qildi.

Pavilyon ochilish marosimida Saida Mirziyoyeva ishtirok etdi. U O‘zbekiston innovatsiyalari va an’analarini o‘zida mujassamlashtirgan makon yaratishni taklif qildi.

«Ilhom manbai sifatida Xivada joylashgan 213 ta noyob ustunli jome masjidi hamda Buxoroning lojuvard koshinlari tanlandi. Aynan shular pavilonning me’moriy va mazmuniy asosini tashkil etdi», – deydi Mirziyoyeva.

Mirziyoyeva «Expo 2025» ko‘rgazmasida so‘zlagan nutqida O‘zbekiston o‘z kelajagini barqaror taraqqiyot, ta’lim va innovatsiyalarda ko‘rishini alohida ta’kidlagan.

Pavilyon «Bilimlar bog‘i: kelajak...

Lixiang kompaniyasi bosh direktori Li Syan nogiron aravachalariga qulay bo‘lishi uchun Li Auto L6 krossoveriga oson kirishni ta’minlovchi maxsus to‘plam ishlab chiqmoqda. Bu haqda ITHome nashri ma’lum qildi.

Unga ko‘ra, bu g‘oya unga falajlangan Syao Veyning Himaloy tog‘lari bo‘ylab maxsus moslangan avtomobil bilan qilgan sayohatidan ilhomlanib keldi.

Hozirda Li Auto L6 modeli kompaniya shtab-kvartirasida nogironlar uchun moslashtirilmoqda. Maqsad – nogironligi mavjud kishilarni avtomobilga kirishini yengillashtiruvchi va boshqarishni soddalashtiruvchi samarali to‘plam yaratishdir.

Li Syan ta’kidlashicha, hozirda nogironligi bor foydalanuvchilarning avtomobilga kirish va chiqishi, avtomobilni qanday boshqarishi sinab ko‘rilmoqda. Loyihaning barcha xarajatlari kompaniya tomonidan qoplanadi va u daromad olishni ko‘zlamaydi.

Eslatib...

Xitoylik olimlar «Tyangun» fazoviy stansiyasida ilgari noma’lum bo‘lgan bakteriya shtammiga duch kelishdi. Niallia tiangongensis deb nomlangan bu mikroorganizm 2023-yil may oyida «Shenchjou-15» ekipaji ishtirokida aniqlandi, deya yozmoqda Interesting Engineering nashri.

Bakteriya namunasi stansiya yuzasidan steril usulda yig‘ilgan va Yerga olib kelinib, genom tahlili hamda modda almashinuvi o‘rganilgan. Bu mikroorganizm kosmosdagi og‘ir sharoitlarga, jumladan, radiatsiya va oksidlovchi stressga chidamli bo‘lib, o‘zini tiklash qobiliyatiga ega.

Yangi shtamm chiqindilarni foydali resurslarga aylantirishga yordam berishi, shuningdek, tibbiyot, qishloq xo‘jaligi va kosmik texnologiyalarda qo‘llanilishi mumkin. Kashfiyot «Champ» dasturi doirasida amalga oshirilib, uzoq muddatli kosmik parvozlar sharoitida mikroblarning o‘zgarishini o‘rganishga qaratilgan.

Eslatib o‘tamiz, avvalroq sun’iy...

2025-yil 19-may kuni kuzatiladigan ob-havoga ko‘ra, ko‘plab hududlarda havo biroz bulutli bo‘ladi, yog‘ingarchilik kutilmaydi. Ayrim tog‘li hududlarda qisqa muddatli yomg‘ir yog‘ishi ehtimoli mavjud.

Toshkent shahrida havo biroz bulutli, yog‘ingarchilik kutilmaydi. Shamol sharqdan 5–10 m/s tezlikda esadi. Harorat kechasi 17–19°, kunduzi 28–30° atrofida bo‘ladi.

Qoraqalpog‘iston Respublikasi va Xorazm viloyatida yog‘ingarchilik kutilmaydi. Shamol 7–12 m/s, ayrim hududlarda 13–18 m/s gacha kuchayib, chang-to‘zonlar bilan kuzatilishi mumkin. Harorat kechasi 13–18°, kunduzi 27–32°ni tashkil qiladi.

Buxoro va Navoiy viloyatlarida havo biroz bulutli, yog‘ingarchilik kutilmaydi. Shamol 7–12 m/s, ba’zi joylarda 13–18 m/s gacha kuchayadi. Ayrim hududlarda chang-to‘zonlar ehtimoli bor. Harorat kechasi 15–20°, kunduzi 29–34°gacha bo‘lishi...

Xitoyning «Dongfeng Liuzhou Motor Co., Ltd» kompaniyasi Surxondaryoda zamonaviy avtomobil zavodi qurishni taklif qilmoqda. Bu haqda viloyat matbuot xizmati xabar berdi.

Jilin universiteti Sindao avtomobil tadqiqot instituti vitse-direktori Fu Xao va viloyat hokimi Ulug‘bek Qosimov uchrashuv o’tkazdi. Xitoy kompaniyasi viloyatda zamonaviy avtomobil zavodi tashkil etish bo‘yicha taklif bildirdi.

Muzokaralarda kompaniyaning ilg‘or texnologiyalari, avtomobilsozlik sohasidagi global yutuqlari muhokama qilindi.

Loyihaning texnik-iqtisodiy asoslarini o‘rganish uchun har ikki tomon mutaxassislari ishtirokida kengaytirilgan uchrashuv o‘tkazilishi rejalashtirildi.

Avvalroq Kursiv Uzbekistan Mirishkorda $7 millionlik tikuv-trikotaj fabrikasi qurilishi boshlangani haqida yozgandi.

Qashqadaryo viloyatining Mirishkor tumanida yangi tikuv-trikotaj fabrikasi qurilishi boshlandi. Bu haqda viloyat matbuot xizmati xabar qildi.

Mazkur loyihani Sulton Tex Group korxonasi amalga oshirmoqda. Qurilishning umumiy qiymati $7 millionni tashkil etadi. Hozirda hudud chegaralari belgilanib, dastlabki quvurlar joylashtirilgan. Fabrika ishga tushirilgach bu yerda 500 ta yangi ish o‘rni yaratiladi.

Avvalroq Kursiv Uzbekistan Xitoy kompaniyasi Farg‘onada $120 millionlik zavod qurishi haqida yozgandi.

Kia kompaniyasi Kia Ceed modelini ishlab chiqarishni to‘xtatib, uning o‘rniga yangi avlod avtomobili — Kia K4 ni taqdim etmoqda. Bu haqda Motor nashri xabar berdi.

Fransiyaning Largus nashriga ko‘ra, Yevropa bozoriga mo‘ljallangan Kia K4 versiyasi texnik jihatdan AQShdagi modeldan ancha farq qiladi.

Yevropada 1,0 litrli, 3 silindrli turbo dvigatel (100 ot kuchi) bilan taqdim etiladi. U mexanik uzatmalar qutisi yoki 7 pog‘onali robot quti bilan jihozlanadi. 1,5 litrli, 140 ot kuchiga ega turbo dvigatel ham mavjud bo‘ladi. Bu motorlar 48 voltli «yumshoq» gibrid tizim bilan qo‘llab-quvvatlanadi.

Yuqori toifadagi variant sifatida 141 ot kuchiga ega «plug-in» gibrid versiya ham taklif...

Joriy o‘quv yilining yakuniy kuni – 25-may yakshanbaga (dam olish kuni) to‘g‘ri kelgani bois so‘nggi qo‘ng‘iroq tadbirlari 24-may – shanba kuni o‘tkazilishi belgilandi. Bu haqda Maktab va maktabgacha ta’lim vazirligi xabar berdi.

Shuningdek, vazirlik ijtimoiy tarmoqlarda bu tadbirga taqiq yoki cheklovlar qo‘yilgani haqida tarqalgan xabarlarni rad etdi.

Avvalroq Kursiv Uzbekistan Oliy ta’lim, fan va innovatsiyalar vazirligi ijtimoiy tarmoqlarda talabalarga yagona forma joriy etilishi haqidagi noto‘g‘ri ma’lumotlarga izoh bergani haqida yozgandi.

Xitoyning Synyi AI kompaniyasi Saudiya Arabistonining Al-Ahsa viloyatida dunyodagi birinchi AI shifokor klinikasini ochdi. Bu haqda Bloomberg nashri xabar berdi.

Bu klinikada bemorlarni sun’iy intellekt asosidagi «Dr. Hua» nomli virtual shifokor qabul qiladi. Maqsad – inson shifokorlarining dastlabki tashxis bosqichini AI orqali almashtirish.

Dr. Huaga bemorlar planshet orqali alomatlarini aytib beradilar. AI qo‘shimcha savollar beradi va yurak grafigi, rentgen kabi tasvirlarni tahlil qiladi.

So‘ng davolash rejasini ishlab chiqadi, bu reja keyinchalik inson shifokori tomonidan tasdiqlanadi. Shuningdek, favqulodda holatlar uchun inson shifokorlari joyida navbatchi bo‘lib turadi.

Synyi AI’ga ko‘ra, tizim test bosqichida atigi 0,3% xatolik darajasiga ega bo‘lgan. Shu...

«Manchester Yunayted»ning sobiq futbolchisi Ueyn Runi «shaharliklar» uchrashuvlarida penaltini Holand tepmayotganiga fikr bildirdi. Bu haqda Sky Sports nashri yozmoqda.

«Erling Holand jahon darajasidagi forvard, lekin biz Lionel Messi va Krishtianu Ronaldu haqida gapiradigan bo‘lsak, ular hech qachon to‘pni berib qo‘ymagan… Ular xudbin va har bir o‘yinda gol urishni xohlashadi», – dedi Runi BBC Sport telekanalida.

«Kristal Pelas»dan uchralgan mag‘lubiyatdan so‘ng «Manchester Siti» murabbiyi Pep Gvardiola penaltini kim tepishni futbolchilarniing o‘zlari hal qilishi haqida gapirgan edi.

«Ular qaror qabul qilishadi, penaltilar shunday… Menga tashabbus ko‘rsatadigan va ular qaror qiladigan yigitlar...

Rasmiy tashrif bilan Nyu-Yorkka kelgan Meksika harbiy-dengiz kuchlariga tegishli kema Bruklin ko‘prigiga borib urildi. Bu haqda New York Post nashri xabar bermoqda.

To‘qnashuv natijasida kemadagi mastalar (ustunlar) palubaga qulab tushgan, bu esa bir nechta dengizchilarning jiddiy jarohat olishiga sabab bo‘lgan. Kema bortida jami 277 kishi bo‘lgan.

Nashr manbalariga ko‘ra, ikki kishi vafot etgan, uch kishi og‘ir ahvolda, yana o‘n nafardan ortiq kishilar jiddiy tan jarohati olgan.

Nyu-York shahri meri Erik Adams matbuot anjumanida jabrlanganlar soni 19 nafarga yetganini ma’lum qildi.

Shahar rasmiylariga ko‘ra, hodisa Bruklin ko‘prigi konstruksiyasiga zarar yetkazmagan.

Avvalroq Kursiv Uzbekistan Toshkentga uchishi kerak bo‘lgan samolyot Moskvada...

17-may kuni, tushdan keyin Toshkent shahrida kuchli shamol bilan birga chang bo‘roni yuzaga keldi. Hodisa shaharliklarni bezovta qilib, u ijtimoiy tarmoqlarda keng muhokamalarga sabab bo‘lmoqda. Bu borada Atrof-muhit va tabiatni muhofaza qilish texnologiyalari ilmiy-tadqiqot instituti doktoranti Batir Xalmuratov o‘z fikrini bildirdi.

Uning ta’kidlashicha, hodisa salqin shimoliy va issiq janubiy havo massalarining to‘qnashuvi, bosim o‘zgarishi va shamolning keskin kuchayishi oqibatida yuzaga kelgan. Bu «frontal to‘qnashuv» deb ataluvchi meteorologik holatni keltirib chiqargan.

Ayrim hududlarda shamol tezligi 20 m/s dan oshgan. Shamol qurigan yer maydonlaridan changni ko‘tarib, havo muhitiga tarqatgan. Natijada ko‘rish masofasi qisqargan, nafas olish qiyinlashgan.

Hodisa shuningdek chaqmoq, bulutli osmon...

Saudiya Arabistonining Qirol Abdulloh nomidagi iqtisodiy shahrida Hyundai Motor Manufacturing Middle East (HMMME) zavodining tamal toshi qo‘yildi. Bu haqda Saudiyaning Davlat investitsiya jamg‘armasi xabar berdi.

Bu loyiha Saudiya Arabistoni Davlat investitsiya jamg‘armasi (PIF) va Hyundai Motor Company o‘rtasidagi hamkorlik asosida amalga oshirilmoqda.

PIF qiymati trillion dollarga yaqin bo‘lgan aktivlarni boshqaradi va HMMME ulushining 70 foiziga egalik qiladi. Qolgan 30 foiz ulush esa Hyundai kompaniyasiga tegishli.

Ushbu zavod Yaqin Sharqda Hyundai kompaniyasining birinchi ishlab chiqarish obyekti bo‘lib, 2026-yilning to‘rtinchi choragida avtomobil ishlab chiqarishni boshlaydi. Yiliga 50 ming dona avtomobil ishlab chiqarilishi rejalashtirilgan – ular orasida ichki yonuv dvigatelli (ICE) hamda...

Rossiyaning Lipetsk viloyatida joylashgan 2-sonli koloniyadan 30 metrlik tunnel qazib qochgan olti nafar mahbus ustidan sud hukmi o‘qildi. Bu haqda mintaqa prokuraturasiga tayanib, Lenta.ru xabar bermoqda.

Sud ma’lumotiga ko‘ra, mahbuslar ikki oy davomida metall varaq, quvur bo‘lagi, belkurak va kesuvchi disk yordamida koloniya devorining ostidan tunnel qazishgan. 2024-yil 25-oktabr kuni ular ushbu yo‘l orqali qochib ketgan.

Rossiya Jinoyat kodeksining 313-moddasi (ozodlikdan mahrum etish joyidan guruh bo‘lib qochish) bo‘yicha aybdor deb topilgan mahbuslarga 4,5 yildan 12,5 yilgacha ozodlikdan mahrum qilish jazosi tayinlandi.

Qochganlar orasida 5 nafar O‘zbekiston fuqarosi va 1 nafar Tojikiston fuqarosi bo‘lgan. Ulardan besh nafari darhol qo‘lga olingan...

Xitoyning avtomobil ishlab chiqaruvchisi XPeng o‘zining ikkinchi avlod P7 elektromobilini rasman namoyish etdi. Bu haqda Drive nashri xabar berdi.

Yangi model dizayni va texnologiyalari bilan ilgari surilgan, uning asosiy e’tibor markazida – sun’iy intellektga asoslangan haydash rejimi bo‘ldi.

AI haydash tizimi XPeng tomonidan ishlab chiqilgan «Tyuring» chipseti yordamida amalga oshiriladi. Qiziq jihati shundaki, bu tizim lidarlarsiz, faqat kameralar orqali avtomobilni boshqaradi.

Dizayndagi asosiy yangiliklar:

Dizayn muallifi – fransuz dizayner Rafik Ferrag, u avvalgi P...

Bugun, 18-may kuni Xalqaro muzeylar kuni munosabati bilan Oʻzbekistondagi barcha davlat muzeylarida «ochiq eshiklar kuni» tashkil etiladi. Bu haqda Madaniy meros agentligi matbuot xizmati xabar berdi.

Tadbir davomida barcha muzeylar tashrif buyuruvchilar uchun bepul xizmat ko‘rsatadi.

Ma’lumot uchun, «ochiq eshiklar kuni» barcha davlat muzeylarida soat 9:00 dan 18:00 gacha o‘tkaziladi.

Avvalroq Kursiv Uzbekistan Rishtonda kulolchilik muzeyi ochilishi haqida yozgandi.

17-may kuni yuz bergan kuchli shamol oqibatida Toshkent shahri va viloyatida yuzaga kelgan elektr ta’minoti uzilishlari to‘liq bartaraf etildi. Bu haqda Energetika vazirligi xabar berdi.

Avvaliga 18,8 mingta iste’molchidan 15 035 tasining elektr ta’minoti tiklangan. Qolgan 3765 ta iste’molchi uchun ham elektr tarmoqlari tiklab berilgan.

Avvalroq Kursiv Uzbekistan 17-may kuni Toshkentda kuchli shamol oqibatida elektr ta’minotida uzilishlar kuzatilayotgani haqida xabar bergandi.

Oliy ta’lim, fan va innovatsiyalar vazirligi ijtimoiy tarmoqlarda talabalarga yagona forma joriy etilishi haqidagi noto‘g‘ri ma’lumotlarga izoh berdi. Bu haqda vazirlik matbuot xizmati xabar qildi.

«Ijtimoiy tarmoqlarda go‘yoki barcha universitet va institut talabalari uchun yagona «talaba formasi» joriy etilishi mumkinligi haqida xabarlar tarqaldi. Ushbu ma’lumotlar haqiqatga to‘g‘ri kelmaydi va noto‘g‘ri talqin etilayotganini ma’lum qilamiz», – deyiladi xabarda.

Tarqalgan xabar asos qilib keltirilayotgan hujjat – Vazirlar Mahkamasining muhokamadagi qaror loyihasi bo‘lib, unda har bir oliy ta’lim muassasasining o‘ziga xos brend va imijini shakllantirish ko‘zda tutilgan.

Loyihada yagona forma joriy etilishi yoki majburiyligi haqida hech qanday...

18-may kuni O‘zbekistonda havo biroz bulutli bo‘ladi, yog‘ingarchilik kutilmaydi. Bu haqda «O‘zgidromet» xabar bermoqda.

Unga ko‘ra, poytaxtda harorati kunduzi 28-30 daraja, kechasi 18-20 daraja bo‘lib, havo biroz bulutli bo‘ladi, yog‘ingarchilik kutilmaydi. Kechasi va ertalab qisqa muddatli yomg‘ir yog‘ishi, momaqaldiroq bo‘ladi. G‘arbiy shamol yo‘nalishini o‘zgartirib, sharqdan 5-10 m/s tezlikda esadi, 12-15 m/s gacha kuchayishi mumkin.

Shuningdek, respublikaning tog‘ oldi va tog‘li hududlarida havo biroz bulutli, ba’zi joylarda o‘zgaruvchan bo‘ladi, ayrim joylarda qisqa muddatli yomg‘ir yog‘ishi, momaqaldiroq bo‘lishi va sel-suv toshqin hodisalari yuzaga kelishi mumkin.

G‘shamol yo‘nalishini o‘zgartirib, sharqdan 7-12 m/s tezlikda esadi, ba’zi joylarda 13-18 m/s gacha kuchayishi mumkin. Harorat...

Angliya kubogi finalida «Kristal Pelas» klubi «Manchester Siti» ustidan 1:0 hisobida g‘alaba qozondi. Bellashuv Londondagi «Uembli» stadionida bo‘lib o‘tdi. G‘alaba keltirgan yagona golni Eberechi Eze urdi.

O‘yinda statistik ustunlik deyarli butunlay «Manchester Siti» tomonida bo‘ldi: ular 23 marta darvozaga zarba berdi, to‘pga egalik qilishda esa 79 foiz ko‘rsatkich bilan raqibni ancha ortda qoldirdi. Biroq bu ustunlik natijaga ta’sir qilmadi.

Uchrashuvda O‘zbekistonlik muxlislar uchun qiziq bo‘lgan jihatlardan biri – zaxira o‘rindig‘ida qolgan himoyachi Abduqodir Husanov maydonga tushmadi. U final jamoa tarkibiga kiritilgan bo‘lsa-da, murabbiy unga imkoniyat bermadi.

Shu tariqa, «Kristal Pelas» Angliya kubogi g‘olibiga aylandi.

Bugun Toshkent shahrida kuchli shamol va changli bo‘ron kuzatilmoqda. Uchtepa tumanining bir qismida va yana bir nechta hududlarda elektr ta’minoti vaqtincha uzilgan, deb xabar bermoqda Kursiv Uzbekistan muxbiri.

Uchtepa tuman elektr ta’minoti xizmatining ma’lumotiga ko‘ra, elektr energiyasi ta’minotini tiklash bo‘yicha ishlar olib borilmoqda.

Shahar hokimiyati favqulodda holat yuzasidan aholiga murojaat qilib, quyidagilarga e’tiborli bo‘lishni so‘radi:

Ob-havo sharoitining keskin yomonlashuvi simlarning uzilishi, daraxtlarning qulashiga, chang miqdorining keskin oshishiga olib kelishi mumkin.

Fuqarolarga tavsiyalar: