Yangiliklar

Rossiyadagi chet el fuqarolari va fuqaroligi bo‘lmagan shaxslarning huquqiy maqomini rasmiylashtirishi lozim bo‘lgan muddat shu yilning 10-sentabrigacha uzaytirildi. Bu bo‘yicha Rossiya prezidenti farmoni e’lon qilindi.

Avvalroq Vladimir Putin tomonidan imzolangan qarorda mamlakatda yashayotgan xorijliklar 2025-yilning 30-apreligacha o‘z huquqiy holatini qonuniylashtirishi yoki Rossiyani tark etishi talab qilingandi.

Ushbu talab Rossiyada noqonuniy yashayotgan fuqarolarga tegishli bo‘lib, qator shartlarni bajargan shaxslar bundan mustasno. Bunga biometrik ma’lumotlarni topshirish, tibbiy ko‘rikdan o‘tish, rus tilini bilish darajasini tasdiqlash, majburiy to‘lovlar bo‘yicha qarzlarni to‘lash kabi talablar kiradi.

Shuningdek, mehnat ruxsatnomasi, yashash guvohnomasi va boshqa ruxsatnomalarni berish rad etilishi uchun asoslar bo‘lmasa, ular mamlakatda qolishi mumkin.

China Automobile Quality Network 2024-yilgi eng ishonchli Xitoy avtomobillari reytingini e’lon qildi. Baholash jarima ballarining kamligi va sifatiga qarab belgilandi.

Dongfeng brendiga tegishli Voyah premium avtomobili peshqadam bo‘lib, u 153 ball to‘plagan. Ikkinchi o‘rin 156 ball bilan Dongfeng Honda, uchinchi o‘rin esa 157 ball olgan Volvo’ga nasib etgan.

Ushbu jadvalda «Top – 10» ta ishonchli avtomobillar bilan tanishishingiz mumkin.

Eslatib o‘tamiz, Kursiv Uzbekistan eng kuchli boshqaruv mexanizmlariga ega avtomobillar haqida yozgan edi.

Amazon kompaniyasi Florida shtatidagi Kanaveral kosmik stansiyasidan Project Kuiper internet tarmog‘i uchun ilk 27 ta sun’iy yo‘ldoshini orbitaga uchirdi. Bu haqda Reuters axborot agentligi ma’lum qildi.

Unga ko‘ra, mazkur loyiha SpaceX’ning Starlink tarmog‘iga raqobatchi sifatida ko‘rilmoqda.

Kuiper loyihasi doirasida jami 3 236 ta sun’iy yo‘ldosh uchirilishi rejalashtirilgan bo‘lib, Amazon global internet xizmatlarini taqdim etishni maqsad qilgan. Kompaniya 2025-yil davomida yana besh marotaba Kuiper sun’iy yo‘ldoshlari uchirilishini kutmoqda. Agar hammasi rejalashtirilgandek kechsa, Amazon 2025-yil oxiriga qadar mijozlarga xizmat ko‘rsatishni boshlaydi.

Amazon rahbari Jeff Bezos Kuiper va Starlink birgalikda bozorda muvaffaqiyat qozonishiga ishonishini bildirgan.

Eslatib o‘tamiz, avvalroq Huawei Nvidia’ga raqobatchi sifatida...

Tailand qirolligi Tashqi ishlar vazirligi 2025-yil 1-maydan boshlab yangi tartib joriy etilishini e’lon qildi. Bu haqda O‘zbekiston TIV matbuot kotibi ma’lum qildi.

Endilikda mamlakatga kiruvchi barcha chet el fuqarolari, shu jumladan, o‘zbekistonliklar ham safar sanasidan 3 kun oldin Thailand Digital Arrival Card (TDAC)ni maxsus platforma — tdac.immigration.go.th orqali rasmiylashtirishlari shart bo‘ladi. Tailandga borishni rejalashtirayotgan fuqarolar ushbu yangilikni inobatga olishlari so‘raladi.

Eslatib o‘tamiz, avvalroq O‘zbekiston fuqarolari uchun BAAga kirishdagi vizasiz rejim o‘z kuchidaligi haqida yozgan edik.

29-aprel kuni O‘zbekiston hududida ob-havo asosan bulutli bo‘ladi. Bu haqda «O‘zgidromet» ma’lum qildi.

Toshkent shahrida yog‘ingarchilik kutilmaydi, shamol sharqdan esib, 12-15 m/s gacha kuchayishi mumkin. Harorat kechasi 20-22°, kunduzi 31-33° atrofida bo‘ladi.

Qoraqalpog‘iston va Xorazm viloyatida ayrim joylarda qisqa muddatli yomg‘ir va momaqaldiroq kuzatiladi. Shamol g‘arbdan esib, 15-20 m/s gacha kuchayadi. Harorat 8-13° kechasi, 15-20° kunduzi.

Buxoro va Navoiy viloyatlarida ham ba’zi hududlarda yomg‘ir yog‘adi, chang-to‘zon ko‘tarilishi mumkin. Harorat kechasi 15-20°, kunduzi 25-30° atrofida bo‘ladi.

Toshkent, Sirdaryo, Jizzax va Samarqand viloyatlarida havo quruq bo‘lib, shamol kuchayishi va ayrim joylarda chang-to‘zonlar kuzatilishi mumkin. Harorat kechasi 17-22°, kunduzi 28-33° bo‘ladi.

Qashqadaryo...

Toshkentda bo‘lib o‘tgan «Innoprom. Markaziy Osiyo» ko‘rgazmasi doirasida Chuvashiya Respublikasi Qashqadaryo va Buxoro viloyatlari bilan qo‘shma ta’lim dasturlarini amalga oshirish bo‘yicha kelishuvga erishdi. Bu haqda Chuvashiya rahbari Oleg Nikolaev ma’lum qildi, deya yozmoqda TASS.

Unga ko‘ra, dasturlar to‘rtta yo‘nalishni qamrab oladi: maktab ta’limi, o‘rta maxsus kasb-hunar ta’limi, oliy ta’lim va qo‘shimcha ta’lim. Mutaxassislar Rossiya va O‘zbekistonda faoliyat yuritishi uchun ikki bosqichli ta’lim tizimi joriy etiladi. Bundan tashqari, madaniy almashinuv ham rivojlantiriladi.

Dasturlarni 2025-yil kuzidan boshlab ishga tushirish rejalashtirilgan.

Eslatib o‘tamiz, avvalroq ITB O‘zbekistonda 58 ta maktab qurishga yordam berishi haqida yozgan edik.

Nyu-York shahrida o‘tkazilgan BMT Statistika komissiyasining navbatdagi saylovida tarixda ilk bor O‘zbekiston Respublikasi 2026 – 2029-yillar uchun ushbu nufuzli organ a’zoligiga bir ovozdan saylandi. Bu haqda Tashqi ishlar vazirligi ma’lum qildi.

1947-yilda tashkil etilgan Statistika komissiyasi xalqaro statistikani rivojlantirish va universal standartlarni belgilash bilan shug‘ullanadi. Komissiya tarkibiga 24 davlat kiradi va a’zolar geografik muvozanatni hisobga olgan holda har to‘rt yilda yangilanadi.

Bu a’zolik mamlakatga global statistik siyosatni shakllantirishda faol ishtirok etish, milliy tajribani targ‘ib qilish va xalqaro hamkorlikni mustahkamlash imkonini yaratadi.

Eslatib o‘tamiz, avvalroq Yevropa Ittifoqi O‘zbekistonda davlat xizmatlarini takomillashtirish uchun 4,9 mln yevro ajratishi haqida yozgan edik.

Bo‘sh turgan davlat ko‘chmas mulk obyektlaridan samarali foydalanishni tashkil etish maqsadida hukumat qarori bilan yangi nizom tasdiqlandi. Bu haqda Adliya vazirligi ma’lum qildi.

Unga ko‘ra, mazkur nizomda bo‘sh turgan obyektlarni aniqlash, xatlovdan o‘tkazish va ulardan foydalanish tartibi belgilangan. Bu jarayon davlat ko‘chmas mulk resurslaridan maksimal darajada samarali foydalanishni ta’minlashga yordam beradi. Xatlov yakunlangach aniqlangan obyektlar haqida ma’lumotlar rasmiy veb-saytda e’lon qilinadi.

Davlat aktivlarini boshqarish agentligi huzuridagi markaz va uning hududiy boshqarmalari bo‘sh turgan davlat ko‘chmas mulk obyektlarini toifalarga ajratish va ularning foydalanish holatini muntazam ravishda nazorat qiladi. Obyektlar toifalarga ajratilganidan so‘ng ularni samarali foydalanish choralari ko‘riladi. Bular orasida rivojlantirish...

Hukumatning «Nomoddiy madaniy meros namunalarini ro‘yxatga kiritish yoki undan chiqarish bilan bog‘liq davlat xizmatlarini ko‘rsatish» ma’muriy reglamenti tasdiqlandi. Bu haqda Adliya vazirligi ma’lum qildi.

Unga ko‘ra, mazkur reglament orqali jismoniy va yuridik shaxslarga Yagona interaktiv davlat xizmatlari portali My.gov.uz hamda Davlat xizmatlari markazlari orqali nomoddiy madaniy meros namunalarini milliy va mahalliy ro‘yxatlarga kiritish yoki ulardan chiqarish, shuningdek, ular haqidagi ma’lumotlarni olish tartibi belgilandi.

Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti ushbu sohada vakolatli organ hisoblanadi.

Nomoddiy madaniy meros namunalarini milliy ro‘yxatga kiritish yoki chiqarish masalasi ilmiy-metodik kengash, mahalliy ro‘yxat uchun esa ekspertlar guruhi tomonidan ko‘rib chiqiladi.

Rim-katolik cherkovi kardinallari 7-may kuni cherkovning yangi rahbarini tanlash uchun maxfiy saylov o‘tkazadi. Bu haqda Reuters agentligi xabar bermoqda.

Sana haqidagi qaror kardinallarning yopiq yig‘ilishida qabul qilingan. Bu yig‘ilish Rim papasi Fransiskning dafn marosimidan keyin birinchi marta o‘tkazilgan.

Saylovda butun dunyodan 135 nafar kardinal ishtirok etishi mumkin. Faqat 80 yoshdan kichiklar ovoz berish huquqiga ega.

Eslatib o‘tkazib, Kursiv Uzbekistan yangi Papa qanday saylanishi haqida maqolasini taqdim etgan edi.

«Toshkent» respublika fond birjasida (RFB) joy olgan yuqori likvidli aksiyalarning aksariyati 18-apreldan 25-aprelgacha boʻlgan davrda turli dinamikani koʻrsatib, UCI fond indeksi 1,2 foizga oshdi.

Eng katta oʻsishga erishgan kompaniyalar qatoridan «Chilonzor Buyum Savdo Kompleksi» (+31,40%), «OʻzRTXB» (+9,05%) va «Oʻzbekinvest» (+8,00%) joy oldi. Aksiyalari haftani salbiy natija bilan yakunlagan kompaniyalar orasida esa «Oʻzbektelekom» (-7,63%), «Kvarts» (-5,42%) va «Dori-Darmon» (-2,75%) yetakchilik qildi.

Bitimlar soni boʻyicha «Chilonzor Buyum Savdo Kompleksi» (803 ta bitim), «OʻzRTXB» (656 ta) va « Aloqabank» (395 ta) peshqadam boʻldi. Hajm boʻyicha esa «OʻzRTXB» (351,49 mln soʻm), «Universal bank» (251,58 mln soʻm) va «Qizilqumsement» (60,61 mln soʻm) yuqori...

Bugun, 28-aprel kuni Shavkat Mirziyoyev Toshkent shahrida ish boshlagan «INNOPROM. Markaziy Osiyo» beshinchi xalqaro sanoat ko‘rgazmasida qatnashdi. Bu haqda prezident matbuot xizmati xabar berdi.

Ko‘rgazmada Rossiya, Markaziy Osiyodagi qo‘shni davlatlar, Xitoy, Hindiston va boshqa mamlakatlardan 10 mingdan ziyod delegatlar ishtirok etmoqda. Ko‘rgazmaning umumiy maydoni 18 ming kvadrat metrdan ziyod va Central Asian Expo Uzbekistan majmuasida o‘tkazilmoqda.

Tadbirda mashinasozlik, elektrotexnika, metallurgiya, kimyo sanoati, transport, qurilish, IT va boshqa tarmoqlardagi yetakchi korxonalarning texnologik yechimlari, zamonaviy uskunalari va tayyor sanoat mahsulotlari namoyishi bo‘lib o‘tmoqda.

Tadbir doirasida prezident Rossiya Hukumati Raisining birinchi o‘rinbosari Denis Manturov, Tatariston Raisi Rustam Minnixanov, «Rosatom» davlat korporatsiyasi bosh...

Toshkent shahrida 29-apreldan 3-maygacha «Toshkent gullari festivali» o‘tkazilishi sababli ayrim ko‘chalar vaqtincha yopiladi. Bu haqda poytaxt hokimligi matbuot xizmati xabar berdi.

Unga ko‘ra, quyidagi hududlarda transport vositalari harakati cheklanadi:

Avvalroq «Kursiv» Toshkentdagi «O‘zbekiston ovozi» ko‘chasining bir qismi bir oydan ko‘proqqa yopilishi haqida yozgandi.

Redmi Turbo 4 Pro smartfoni taqdimotidan bir necha kun o‘tib, Xiaomining 2025-yildagi eng tez ommalashgan smartfoni deya e’tirof etildi. Bu haqda Xiaomitime ma’lum qilmoqda.

Ushbu modelning marketing bo‘yicha menejeri Chjan Yu smartfon modellar orasida eng ko‘p sotilganini e’lon qildi. Uning so‘zlariga ko‘ra, smartfon 2025-yilda barcha Xiaomi smartfonlari orasida ilk kunlarda sotuvlar bo‘yicha rekord o‘rnatgan.

Kompaniya sotuvlar soni haqida aniq ma’lumot taqdim etmagan.

Eslatib o‘tamiz, ushbu model 24-aprel kuni taqdim etilgan. U quyidagi xususiyatlarga ega.

Kursiv Uzbekistan nashri Xiaomi kompaniyasi tomonidan Redmi Turbo 4 Pro smartfoni taqdim etilgani haqida yozgan edi.

O‘zbekistonlik kibersportchilar Moskvada bo‘lib o‘tadigan Tekken 8 jangovar o‘yini bo‘yicha BRICS turnirida ishtirok etadi. Bu haqda «TASS» xabar bermoqda.

Turnirning sovrin jamg‘armasi 3,5 mln rublga ($41,8 ming) baholanmoqda. Musobaqada 22 ta davlat vakillari ishtirok etadi. Har bir mamlakatdan ikkita eSport sportchisi qatnashadi.

Tekken 8 Yaponiyaning Tekken Project Team kompaniyasi tomonidan ishlab chiqilgan. Jang o‘yini o‘tgan yilning yanvar oyida chiqarilgan. O‘yinchilar 32 ta belgidan tanlashlari mumkin.

2024-yilda Tekken 8 O‘yin mukofotlari marosimida «Eng yaxshi jangovar o‘yin» mukofotini qo‘lga kiritdi. O‘yin Esports World Cup eSports turniriga kiritilgan.

Eslatib o‘tamiz, «Kursiv» O‘zbekistonda kibersport bo‘yicha eng yirik musobaqalardan biri – IESF World Esports...

O‘zbekiston valyuta birjasi ma’lumotlariga ko‘ra, 28-aprel kuni dollarning o‘rtacha kursi 12 948,10 so‘mni tashkil etib, oldingi kun bilan solishtirganda 9,04 so‘mga tushdi.

25-aprel kuni esa o‘rtacha kurs 12 957,14 so‘m bo‘lib, 29,97 so‘mga oshgan edi.

Dollar kursi o‘tgan haftani keskin pasayishdan so‘ng, ko‘tarilish bilan yakunlagandi: 24-aprelda 11,47 soʻmga oshib, 12 890,43 soʻmni tashkil etdi. 23-aprel kuni o‘rtacha kurs 12 890,43 so‘m bo‘lib, 11,47 so‘mga oshdi. 22-aprel kuni esa 12 878,96 so‘mga tushib, 30,68 so‘mga pasaydi. 21-aprel kuni esa 12 909,64 so‘mni tashkil etib, 28,56 so‘mga tushgan.

Shuningdek, Markaziy bank tomonidan boshqa valyutalar kurslari ham e’lon qilindi. Unga ko‘ra, yevro...

O‘zbekiston delegatsiya Rossiyaga mehnat migratsiyasi va migrantlarni himoya qilish masalalarini muhokama qilish uchun jo‘nab ketdi. Bu haqda Bosh prokuratura matbuot xizmati xabar berdi.

Delegatsiya tarkibida Bosh prokuratura, Davlat xavfsizlik xizmati, Migratsiya agentligi va boshqa idoralar vakillari bo‘lib, ular idoralararo ishchi guruhning birinchi yig‘ilishida ishtirok etadi.

Joriy yilning aprel oyi boshiga kelib, Rossiyada 6,5 milliondan ortiq xorijiy fuqarolar bo‘lgani, ulardan taxminan o‘ndan bir qismi noqonuniy maqomda ekani ma’lum qilindi.

Avvalroq Kursiv Uzbekistan 2024-yilda Rossiyadan salkam 90 ming migrant chiqarib yuborilgani haqida yozgandi.

O‘zbekiston Liberal-demokratik partiyasi (O‘zLiDeP) deputatlari tadbirkorlik subyektlari xodimlarini ishdan bo‘shatishda qo‘yiladigan ayrim talab va majburiyatlardan ozod qilishni taklif etdi. Bu haqda Oliy Majlis Qonunchilik palatasi matbuot xizmati xabar bermoqda.

Parlament a’zolari O‘zbekiston Mehnat kodeksiga o‘zgartishlar kiritish to‘g‘risidagi qonun loyihasini ishlab chiqdi. Hujjat mualliflari korxonalarni ishdan bo‘shatishni kasaba uyushma qo‘mitalari va mehnat inspektorlari bilan muvofiqlashtirishdan ozod qilishni taklif etmoqda.

Korxonalar yarim kunlik ishlaydiganlarga yozma xabar berish va tovon to‘lash talabidan ozod qilinishi mumkin.

Deputatlarning fikricha, o‘zgartishlar xususiy sektorning rivojlanishini tezlashtiradi va yashirin bandlikni qisqartirishga yordam beradi. Hujjat tadbirkorlarning ijtimoiy majburiyatlarini soddalashtirishga qaratilgan.

Avvalroq Kursiv Uzbekistan xufiyona faoliyat yuritib, «konvertda» oylik...

Ijtimoiy tarmoqlarda avtovozga ortilgan yangi Malibu-2 avtomobillari aks etgan video tarqaldi. UzAuto Motors rasmiy munosabat bildirdi.

Unga ko‘ra, video muallifi ushbu avtomobillar Qozog‘istonda qaytarilib, O‘zbekistonga yetkazib berilayotganini aytgan. Kompaniya ushbu xabarlar haqiqatga to‘g‘ri kelmasligini tasdiqladi.

Shuningdek, tasvirlardagi Malibu-2 avtomobillar partiyasi Xitoydan Qozog‘iston hududi orqali belgilangan tartib-qoidalar asosida O‘zbekistonga olib kelinayotganini ma’lum qildi.

Avvalroq Kursiv Uzbekistan Chevrolet Malibu, Traverse, va Tahoe modellari uchun shartnomalar nega yopilganiga izoh berilgani haqida yozgandi.

Markaziy bank qaroriga ko‘ra, tijorat banklarining mikroqarzlar va kredit kartalari faoliyati bo‘yicha yangi cheklovlar joriy qilindi. Bu haqda regulyator matbuot xizmati xabar berdi.

Unga ko‘ra, mikromoliya banklaridan tashqari, tijorat banklarining kredit portfelida mikroqarzlar ulushi 25 foizdan oshmasligi belgilandi. Shuningdek, kredit kartalari (overdraft) bo‘yicha konsentratsiya koeffitsiyenti ham kredit portfeli umumiy summasining 25 foizi darajasida saqlanishi shart.

Markaziy bank bu ko‘rsatkichlarga to‘liq javob bermaydigan banklarga 2029-yilning 1-yanvargacha muddat berdi. Banklar bu davrda regulyator bilan kelishilgan jadval asosida kreditlar konsentratsiyasi ulushini bosqichma-bosqich kamaytirishi zarur.

«Mazkur hujjatlarning qabul qilinishi Markaziy bankning makroprudensial vositalarini samarali qo‘llash hamda bank tizimi barqarorligini...

29-aprel kuni pravoslav xristianlarning «Ota-onalarni xotirlash» kuni munosabati bilan qo‘shimcha avtobus yo‘nalishlari tashkil etiladi. Bu haqda Toshkent shahar Transport va yo‘l-transport infratuzilmasini rivojlantirish bosh boshqarmasi xabar bermoqda.

Aholi transport ehtiyojini qondirish va yo‘lovchi tashishni uzluksiz ta’minlash maqsadida vaqtincha bir kunlik avtobus yo‘nalishlari tashkil etiladi.

Tashkil qilinadigan vaqtincha yo‘nalishlar:

Shuningdek, boshqarmaning qo‘shimcha qilishicha, 29-aprel kuni...

Saudiya Arabistoni va Qatar Suriyaning Jahon banki oldidagi qarzini to‘lashni rejalashtirmoqda. Bu haqda ikki davlatning qo‘shma bayonotiga tayanib, SPA agentligi xabar bermoqda.

«Saudiya Arabistoni va Qatar moliya vazirliklari Suriyaning Jahon banki oldidagi qariyb $15 mlnlik qarzini to‘lashini ma’lum qildi», – deyiladi bayonotda.

Aprel oyi boshida Jahon banki delegatsiyasi Damashqda Suriya hukumati bilan muzokaralar o‘tkazib, hamkorlikning keyingi istiqbollari va xalqaro sanksiyalar ta’sirini yumshatish yo‘llarini muhokama qilgan.

20-aprel kuni Suriya moliya vaziri Muhammad Yosir Barniya Suriyaning xalqaro moliya tizimiga qaytish istiqbollarini muhokama etish uchun AQShga tashrif buyurish niyatida ekanligini ma’lum qilgan. U AQShda Xalqaro valyuta jamg‘armasi...

2026-yilning 1 – 18-aprel kunlari Tailand mamlakatida bo‘lib o‘tadigan 20 yoshgacha ayollar terma jamoalari o‘rtasidagi Osiyo kubogining saralash bahslariga qur’a tashlandi. Bu haqda O‘zbekiston futbol assotsiyatsiyasi ma’lum qildi.

O‘zbekiston «C» guruhidan joy oldi hamda Iordaniya, Bahrain va Shimoliy Mariana orollari terma jamoalariga qarshi bahs olib boradi. Qayd etish joizki, Shimoliy Mariana orollari terma jamoasi FIFA a’zoligiga kirmaydi.

Eslatib o‘tamiz, 2026-yilgi OFK U-20 ayollar Osiyo kubogi Osiyo futbol konfederatsiyasi (OFK) tomonidan Osiyoning 20 yoshgacha bo‘lgan ayollar milliy terma jamoalari uchun har ikki yilda o‘tkaziladigan xalqaro yoshlar futbol chempionatining 12-chempionati bo‘ladi.

Ilk bor turnirda jami o‘n ikkita jamoa ishtirok etadi va...

IndiGO aviakompaniyasi Pokiston hind aviakompaniyalari uchun havo hududini yopgani sababli Dehlidan Toshkentga parvozlarni 7-mayga qadar to‘xtatdi. Bu haqda Times of India nashri xabar bermoqda.

Aviakompaniya ikki shahar o‘rtasida parvozlarni 2023-yilning kuzida boshlagan. Yo‘lovchilarni tashish uchun esa Airbus A320 samolyotlari ishlatiladi.

Islomobod Kashmirda 20 dan ortiq sayyohlar halok bo‘lgan terakt oqibatida hind aviakompaniyalari uchun o‘z havo hududini yopdi. Hindiston bu voqeada Pokistonni ayblamoqda.

Shuningdek, Hindiston – Pokiston chegarasida harbiylar o‘rtasida otishma bo‘lgan. Islomobod vaziyatni keskinlashtirish uchun emas, biroq Hindistonning harakatlariga xuddi shunday javob berishga tayyorligini ma’lum qilgan.

Eslatib o‘tamiz, Kursiv Uzbekistan AQSh Davlat departamenti Hindiston va Pokiston o‘rtasida Kashmirdagi...