Yangiliklar

Shavkat Mirziyoyev O‘zbekistonda ilk bor o‘tkazilayotgan Xalqaro to‘qimachilik ishlab chiqaruvchilari federatsiyasi va Xalqaro kiyim-kechak federatsiyasining qo‘shma konferensiyasi ochilishi bilan qutladi. Bu haqda prezident matbuot xizmati ma’lum qildi.

Unga ko‘ra, Xalqaro to‘qimachilik ishlab chiqaruvchilari federatsiyasi prezidenti Key Vi Shrinavasan va Xalqaro kiyim-kechak federatsiyasi prezidenti Chem Altan janoblariga ham minnatdorchilik bildirildi.

Prezident Samarqand shahri mezbonlik qilayotgan qo‘shma konferensiya ishtirokchilariga yo‘llagan tabrigida O‘zbekistonga nisbatan «paxta boykoti» bekor qilingani, sohaga yangi texnologiyalar yordamida paxta tolasini qayta ishlash 2017-yildagi 40 foizdan 100 foizga yetgani va bu orqali to‘qimachilik mahsulotlari ishlab chiqarish hajmi 5 barobar, eksporti esa 4 karra oshgani haqida alohida ta’kidladi.

Shuningdek, avval sohada eksportning 70 foizi xomashyo...

Toshkent viloyatida 2027-yilgacha elektr texnikasi sohasida 24 ta loyiha uchun $1,7 milliard sarmoya jalb etilishi rejalashtirilmoqda. Bu haqda viloyat hokimligi matbuot xizmati ma’lum qildi.

Ushbu loyihalar ishga tushirilishi natijasida uch ming ish o‘rni yaratilishi kutilmoqda.

Qayd etilishicha, 2024-yilning yetti oyida poytaxt mintaqasida $21 mln qiymatidagi uchta investitsiya loyihasi amalga oshirilgan. Xususan, Toshkent viloyatida o‘zbek-xitoy qo‘shma korxonasi, elektr o‘tish qurilmalarini ishlab chiqarish va gaz turbinali dvigatellarni ta‘mirlash bilan shug‘ullanuvchi korxona faoliyat yuritmoqda.

Yil oxirigacha mintaqada Xitoydan investorlar yordamida LED lampalari va elektr avtomobillari uchun zaryadlovchi qurilmalar ishlab chiqarish loyihasi amalga oshirilishi rejalashtirilmoqda.

Avvalroq Kursiv Uzbekistan Samarqand yaqinida $1,6 mlrd...

Toshkentda yoʻl-transport hodisasi yuz berishi oqibatida bir fuqaro vafot etdi. Bu haqda Yoʻl harakati xavfsizligi boshqarmasi axborot xizmati xabar berdi.

Ma’lum qilinishicha, voqea 8-sentabr kuni soat 23:00 larda Chilonzor tumani Bunyodkor shoh koʻchasida sodir boʻldi. 27 yoshli fuqaro Cobalt rusumli avtomashinasini boshqarib ketayotib, 41 yoshli piyodani urib yuborgan. Yoʻl-transport hodisasi natijasida piyoda olgan tan jarohatlari tufayli hodisa joyida vafot etgan.

Hozirgi kunda holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari olib borilmoqda.

Avvalroq Kursiv Uzbekistan joriy yilning yanvar–may oylarida Oʻzbekistonda roʻy bergan 9839 ta YTH natijasida 2282 nafar fuqaro vafot etgani haqida xabar bergan...

Ispaniyalik rejissyor Pedro Almodovar «Qo‘shni xona» filmi uchun Venetsiya kinofestivalining bosh mukofotiga sazovor bo‘ldi, deb xabar berdi Variety portali.

Surat syujeti bir uyda yashovchi uch ayolning o‘zaro munosabatlari haqida hikoya qiladi. Filmda aktrisalar Tilda Suinton va Julianna Mur ishtirok etgan.

Eng yaxshi rejissyor uchun mukofotni amerikalik Breydi Korbet «Brutalist» dramasi uchun oldi.

Fransuz aktyori Vensan Lindonning «Yuvosh o‘g‘il» filmidagi roli eng yaxshi erkak roli sifatida e’tirof etildi. Ayollar toifasida Nikol Kidman «Yomon qiz» uchun mukofotga sazovor bo‘ldi.

Nihoyat, «Aprel» filmi venetsiyalik hakamlar hay’atining maxsus mukofotiga sazovor bo‘ldi.

Kursiv Uzbekistan Kann kinofestivali yakunlari haqida yozgan edi.

O‘zbekistoning rasmiy zaxira aktivlar va chet el valyutasidagi boshqa aktivlarga oid ma’lumotlar yangilandi. Bu haqda Markaziy bank saytida e’lon qilindi.

Mamlakatning rasmiy zaxira aktivlar 1-sentabr holatiga ko‘ra $39,15 mlrdni tashkil qilgan bo‘lsa, ushbu ko‘rsatkich 1-avgust holatiga ko‘ra, $37,4 mlrdni qayd etgan. O‘tgan oyga nisbatan mamlakatning rasmiy zaxira aktivlari $1,75 mlrdga ortgan.

Avgust oyi hisobotiga ko‘ra, O‘zbekistonning oltin zaxiralarining qiymati $29,15 mlrd bo‘lgan bo‘lsa, 1-sentabr holatiga ko‘ra ushbu ko‘rsatkich $30,4 mlrdni tashkil qilgan. Oltinning fizik hajmi 1-sentabr holatiga ko‘ra, 12 mln troy unsiyani ko‘rsatgan, o‘tgan oyda esa oltinning fizik hajmi 12,1 mln troy unsiya bo‘lgan.

Tesla hamda SpaceX kompanyalari rahbari Ilon Mask yangi tadqiqot natijalariga ko‘ra, 2027-yilda dunyodagi birinchi trillioner bo‘lish mumkin. Bu haqda Informa Connect Academy (ICA) tahlil natjalariga tayanib The Guardian nashri xabar berdi.

Mutaxassislarning fikricha, Maskning boyligi yiliga o‘rtacha 110 foizga ortmoqda. Hozirda Bloomber moliya indeksi bo‘yicha Mask dunyodagi eng boy odam bo‘lib uning boyligi qariyb $251 mlrdni tashkil etadi.   

Ma’lumot uchun, Hindistonning biznes konglomerati asoschisi Gautam Adani 2028-yilda trillioner maqomiga ega chiqishi mumkin. Bu uning boyligi yillik 123 foiz o‘sish sharti bilan bog‘liq bo‘ladi.

Avvalroq Kursiv Uzbekistan Alisher Usmonovning boyligi $15,4 milliardga baholangani haqida xabar bergan edi.

Oʻzbekistonda BYD Seagull elektromobilining sotuvi boshlandi. Bu haqda kompaniya axborot xizmati xabar berdi.

Ma’lum qilinishicha, avtomobil narxi 208,3 million soʻmdan ($16,3 ming) boshlanadi. Avtoe’lon portalida ushbu elektromobilning narxi esa $14,9 mingdan sotilmoqda.

BYD Seagull 75 ot kuchiga ega elektromotor va 30 kVt/soat yoki 38,9 kVt/soat quvvatga ega akkumulyatorlar bilan jihozlangan. Maksimal sayohat masofasi mos ravishda 305 va 405 km tashkil qiladi.

Eslatib oʻtamiz, avgust oyi oxirida Oʻzbekistonda rasman BYD E2 Luxe sotuvga chiqarilgan edi.

Avvalroq Kursiv Uzbekistan BYDʼning ustunligi Xitoydagi raqobatchilarga ogʻirlik qilayotgani haqida xabar bergan edi.

«Parij – 2024» yozgi Paralimpiya o‘yinlari o‘z yakuniga yetdi. Umumiy natijalar bo‘yicha O‘zbekiston 10 ta oltin, 9 ta kumush va 7 ta bronza medallari bilan 168 davlat ichida 13-o‘rinni egalladi. Bu haqda Xalqaro paralimpiya qo‘mitasi xabar berdi.

Unga ko‘ra, mazkur Paralimpiya o‘yinlarida 168 davlatdan kelgan 4,46 ming sportchi 22 sport turi bo‘yicha bellashdi. Undan 79 davlat medallar bo‘yicha umumiy reytingga kirgan bo‘lsa, 89 davlat delegatsiyasi Paralimpiyani birorta ham medalsiz yakunladi. 1-o‘rinni 220 ta medal bilan Xitoy, 2-o‘rinni 124 ta medal bilan Buyuk Britaniya va 3-o‘rinni 105 ta medal bilan AQSh egalladi.

Delegatsiyamiz jami 26 ta medal bilan Osiyoda (Xitoy...

Xonanda Yusufxon Nurmatovning otasi taniqli bastakor Musaxon Nurmatov 56 yoshida vafot etdi. Bu haqda o‘g‘li Yusufxon Nurmatov o‘z instagram sahifasida ma’lum qildi.

Qayd etilishicha, Musaxon Nurmatov uzoq vaqtda buyon kasallik bilan kurashib kelgan.

U o‘z faoliyati davomida bir qancha taniqli xalq artistlari, Shohjaxon va Zohirshoh Jo‘rayevlar, Ozodbek Nazabekov, Bahrom Nazarov kabi xonandalar bilan hamkorlik qilgan.

Bundan tashqari, bastakorning g‘oyasi va prodyusserligida «Jurnalist» va «Qodirxon» seriallari sur’atga olingan.

Avvalroq Kursiv Uzbekistan Fanlar akademiyasi prezidenti Behzod Yoʻldoshev vafot etgani haqida xabar bergan edi.  

Oybek Kosimov OOK Etika qoʻmitasi a’zosi etib saylandi, deya xabar bermoqda Milliy olimpiya qoʻmitasi.

Unga ko‘ra, Nyu-Dehli shahrida tashkil etilgan Osiyo olimpiya kengashining (OOK) 44-Bosh assambleyasi doirasida Oʻzbekiston MOQ Bosh kotibi Oybek Kosimov OOK Etika qoʻmitasi a’zosi etib saylandi.

Ma’lumot uchun, Oybek Kosimov 1980-yil 26-avgustda Toshkent shahrida tugʻilgan. Shu kungacha bir qancha rahbarlik lavozimlarida faoliyat yuritgan.

Avvalroq Kursiv Uzbekistan Otabek Umarov Osiyo olimpiya kengashining Markaziy Osiyo boʻyicha vitse-prezidenti etib tayinlangani haqida xabar bergan edi.

Toshkent markaziy temir yo‘l vokzalida QR-kodli yo‘l chiptalarini tekshirish uchun turniketlar o‘rnatildi, deb xabar berdi «O‘zbekiston temir yo‘llari» AJ matbuot xizmati.

Bunday turniketlar yordamida elektron chiptalardagi QR-kodni skanerlash mumkin. Qalbaki yo‘l chiptalari bo‘lgan yo‘lovchilar perronga qo‘yilmaydi.

Kompaniyaning qo‘shimcha qilishicha, yil oxirigacha vokzal kassalarida ham elektron chiptalar rasmiylashtiriladi.

Avvalroq Kursiv Uzbekistan Toshkent markaziy vokzalida chipta sotib olish uchun terminal o‘rnatilgani haqida yozgan edi.

Bugun, 9-sentabr kuni Farg‘ona vodiysining ayrim hududlarida qisqa muddatli yomg‘ir yog‘adi. Respublikaning boshqa hududlarida havo salqin bo‘ladi, biroq yog‘ingarchilik kutilmaydi. O‘rtacha havo harorati 22-27 daraja bo‘ladi. Bu haqda Gidrometeorologiya xizmati agentligi xabar beradi.

Toshkentda havo bulutli bo‘lishi mumkin. Kunduzi havo harorati 26-darajagacha isiydi, kechga kelib havo 14-18 daraja iliq bo‘ladi.

Tog‘li hududlarning ayrim joylarida yomg‘ir yog‘ishi kuzatiladi. Kunduzi havo 15-20 daraja iliq bo‘ladi.

O‘zbekiston va Rossiya hukumatlari rahbarlari darajasidagi komissiya yig‘ilishi Toshkentda o‘tkazilishi rejalashtirilgan. Unda Rossiya bosh vaziri Mixail Mishustin ishtirok etishi kutilmoqda, deyiladi hukumat xabarida.

Mishustinning majlisda ishtirok etish uchun O‘zbekistonga tashrifi 9-10-sentabr kunlariga mo‘ljallangan.

Tadbirda davlatlarning iqtisodiyot va savdo, madaniy-gumanitar sohalardagi hamkorligi masalalari ko‘rib chiqilishi rejalashtirilgan. Sanoat, energetika, transport va qishloq xo‘jaligi sohalarida qo‘shma loyihalar muhokama qilinadi.

Muhokamadan tashqari tomonlar bir qator hujjatlarni imzolashmoqchi.

Avvalroq Kursiv Uzbekistan Mishustin Samarqandda Rossiya Bosh konsulligini ochishga buyruq bergani haqida yozgan edi.

Qozog‘istonda V Butunjahon ko‘chmanchilar o‘yinlari boshlandi. Ochilish marosimi Ostona shahrida bo‘lib o‘tdi, deb xabar berdi O‘zbekiston prezidenti Shavkat Mirziyoyev matbuot xizmati.

Marosimda davlatimiz rahbari ishtirok etdi. Bundan tashqari, musobaqaning ochilish marosimida Qozog‘iston prezidenti Qosim-Jomart To‘qayev va Qirg‘iziston prezidenti Sadir Japarov, shuningdek, Tatariston prezidenti Rustam Minnixanov ishtirok etdi.

Musobaqada 90 mamlakatdan 2 ming nafar sportchi ishtirok etadi. Kurash, alish, kamondan otish, poyga, pahlavonlar bellashuvi  bo‘yicha musobaqalar o‘tkazilishi rejalashtirilgan.

Avvalroq Kursiv Uzbekistan Shavkat Mirziyoyev Qozog‘istonga Ko‘chmanchilar o‘yiniga jo‘nab ketganini yozgan edi.

«Quvnoqlar va topqirlar klubi» (KVN) mashhur dasturining ko‘p yillik boshlovchisi Aleksandr Maslyakov Moskvada 83 yoshida vafot etdi, deb xabar berdi ko‘rsatuv matbuot xizmati vakillari. Uning o‘limiga aloqador tafsilotlar hozircha ochiqlanmagan.

Maslyakov 1941-yil 24-noyabrda Sverdlovskda, Ulug‘ Vatan urushi faxriysi oilasida tug‘ilgan, bu uning tarbiyasi va xarakterida o‘z izini qoldirgan.

Moskva transport muhandislari institutining to‘rtinchi kurs talabasi sifatida u kutilmaganda teleboshlovchi sifatida o‘z faoliyatini boshladi va 1964-yilda KVNni boshqarishni boshladi.

Uning xarizmasi va o‘ziga xos uslubi tufayli Maslyakov 58-yil davomida, 2022-yilgacha, ushbu dasturning boshlovchisi bo‘lib qoldi. U o‘zining mashhurligini saqlab qoldi va barcha yoshdagi tomoshabinlar bilan aloqasini yo‘qotmadi.

9-sentabr, dushanba kuni erta tongda Toshkentda yer qimirlashi sodir bo‘ldi. Zilzila kuchi 2 ballni tashkil etdi, deb xabar berdi O‘zbekiston Favqulodda vaziyatlar vazirligi Seysmoprognostik monitoring markazi.

Yer silkinishi Mirzo Ulug‘bek, Mirobod, Shayxontohur, Yashnobod, Olmazor, Yakkasaroy va Chilonzor tumanlarida sezilgan.

Zilzila magnitudasi 3,6 ball bilan baholanmoqda.

Kursiv Uzbekistan 20-avgust kuni mamlakatning Namangan viloyatida zilzila qayd etilgani haqida yozgan edi.

Dastlabki yetti oyda O‘zbekistonda korxonalar tomonidan 255 mingta avtomobil kuzovlari ishlab chiqarildi. Statistika agentligi ma’lumotlariga ko‘ra, yillik o‘sish 39,4 foizni tashkil etdi.

Iyul oyi yakunlariga ko‘ra, mamlakatimizda 20,2 mingta avtomobil kuzovlari ishlab chiqarilgan.

Eslatib o‘tamiz, joriy yilning yanvar – iyul oylarida respublikada 204,8 mingta yengil avtomobil ishlab chiqarilgan bo‘lsa, 2023-yilning shu davridagi 194 mingta yengil avtomobil ishlab chiqarilgan.

Avvalroq Kursiv Uzbekistan O‘zbekiston Ozarbayjonning Azermash kompaniyasiga Cobalt ishlab chiqarishni yo‘lga qo‘yishda yordam berishini yozgan edi.

8-sentabr kuni O‘zR prezidenti Shavkat Mirziyoyev Qozog‘iston Respublikasi prezidenti Qosim-Jomart To‘qayevning taklifiga binoan amaliy tashrif bilan Ostona shahriga yo‘l oldi. Bu haqda davlat rahbari matbuot xizmati xabar beradi.

Qozog‘iston poytaxtida davlat rahbari YUNESKOning Nomoddiy madaniy meros ro‘yxatiga kiritilgan etnik sport turlari bo‘yicha beshinchi Butunjahon ko‘chmanchilar o‘yinlarining – xalqaro sport musobaqalarining tantanali ochilish marosimida ishtirok etadi.

Tadbirda 90 ga yaqin mamlakatlardan 2000 dan ortiq sportchilar, shu jumladan, O‘zbekiston terma jamoasi ishtirok etadi.

Avvalroq Kursiv Uzbekistan «Ko‘chmanchilar o‘yinlari – 2026» O‘zbekistonda o‘tkazilishini yozgan edi.

Rossiya O‘zbekiston bilan aviaqatnovlar hajmi bo‘yicha yetakchi, dedi Rossiyaning O‘zbekistondagi elchisi Oleg Malginov «Izvestiya» nashriga bergan intervyusida.

Diplomatning so‘zlariga ko‘ra, Rossiyaning deyarli barcha yirik shaharlari O‘zbekiston bilan to‘g‘ridan-to‘g‘ri reyslar orqali bog‘langan.

«Zarurat tug‘ilganda, yangi reyslarni ochishga tayyorgarligimiz bor. Aviatsiya idoralarimiz bu yo‘nalishda faoliyat olib bormoqda», dedi elchi.

Malginovning qo‘shimcha qilishicha, O‘zbekiston qiziqarli va jadal rivojlanayotgan mamlakat. Rossiyalik sayyohlar respublika tarixi, madaniyati va diqqatga sazovor joylari bilan tanishish uchun tashrif buyurishadi.

Malginov ta’lim mavzusiga ham to‘xtaldi. Uning so‘zlariga ko‘ra, Rossiya oliy o‘quv yurtlari va ularning filiallarida o‘zbekistonlik 60 mingga yaqin talabalar tahsil olmoqda.

Avvalroq Kursiv Uzbekistan O‘zbekiston va Rossiya o‘zaro...

Rossiyaning Sankt-Peterburg shahridan 14 nafar o‘zbekistonlik bolalar Vatanga qaytarildi, deb xabar berdi «Dunyo» axborot agentligi.

Bunga O‘zbekiston Sog‘liqni saqlash vazirligi va Ichki ishlar vazirligi, shuningdek, Sankt-Peterburgdagi voyaga yetmaganlarni vaqtincha parvarishlash va saqlash muassasasining mas’ul xodimlari bilan o‘zaro hamkorligi tufayli erishildi.

«Dunyo» ma’lumotlariga ko‘ra, bolalarning yaqin qarindoshlarining aksariyati oldin Rossiyadan deportatsiya qilingan.

Eslatib o‘tamiz, joriy yilning avgust oyida 31 nafar bola Rossiyadan O‘zbekistonga qaytarilgan edi. Ularning barchasi ota-onasining nazoratisiz qolgan.

Avvalroq Kursiv Uzbekistan O‘zbekiston fuqarolarini Istanbuldagi soxta maktablarda bolalarni o‘qitish xavfi haqida ogohlantirgani haqida yozgan edi.

O‘zbekiston prezidenti Shavkat Mirziyoyev o‘zbekistonlik paraatletlar Nurxon Qurbonova va Tolibboy Yo‘ldoshevni Paralimpiya o‘yinlarida g‘alaba qozongani bilan tabrikladi. Bu haqda davlat rahbari matbuot xizmati xabar berdi.

«Tinimsiz harakat, irodali intilishlaring bilan tobora oʻsib borayapsan. Bergan va’dangni ortigʻi bilan bajarding», dedi Mirziyoyev telefon orqali Qurbonova bilan muloqoti chog‘ida.

O‘zbekistonlik sportchi nayza uloqtirish bahslarida 21,02 metr natija bilan jahon rekordini yangilab, Paralimpiya o‘yinlarining oltin medalini qo‘lga kiritdi. Avvalgi rekord ham unga tegishli edi.

Davlat rahbari Yo‘ldoshev bilan suhbatda uning disk uloqtirish musobaqasidagi g‘alabasi va yadro uloqtirish bo‘yicha bronza medalini qayd etdi.

«Bu yutuqlar...

Nyu-Delida Osiyo Olimpiya kengashining (OOK) 44-Bosh Assambleyasi bo‘lib o‘tmoqda. Saylovda Otabek Umarov Markaziy Osiyo bo‘yicha vitse-prezident etib saylandi. Bu haqda Milliy olimpiya qo‘mitasi xabar bermoqda.

Saylovda tashkilotga vaqtincha rahbarlik qilgan Raja Randhir Singh OOK prezidenti etib saylandi.

Ilgari Umarov «Toshkent – 2025» yoshlar Osiyo o‘yinlari bo‘yicha vitse-prezident lavozimida faoliyat yuritgan edi. Endilikda uning yangi lavozimi doimiy bo‘lib, bu unga mintaqada Olimpiya harakatini rivojlantirish imkoniyatini beradi.

Assambleyada so‘zga chiqqan yangi saylangan vitse-president Osiyo sportining jahonda e’tirofi ortib borayotganini va sportchilarning «Parij – 2024» Olimpiadasidagi muvaffaqiyatlarini ta’kidladi. Shuningdek, u O‘zbekiston prezidenti tomonidan sport sohasida qo‘llab-quvvatlanayotganini ta’kidlab, Olimpiya g‘oyalarini targ‘ib qilish ustida...

O‘zbekiston 2024-yilning yanvar – iyul oylarida xorijga umumiy qiymati 1,8 mlrdlik to‘qimachilik mahsulotlari yetkazib berdi, bu o‘tgan yilga nisbatan 4,4 foizga kam, deya xabar berdi Statistika agentligi.

Yetti oy yakuniga ko‘ra, O‘zbekiston to‘qimachilik mahsulotlari 55 ta davlatga yetkazib berildi.

Eksportning asosiy qismi ip-kalavaga to‘g‘ri keldi – $813,4 mln, undan keyin tayyor to‘qimachilik mahsulotlari va trikotaj matosi – $684,9 mln va $169,3 mln mos ravishda.

Avvalroq Kursiv Uzbekistan paxta-toʻqimachilik klasterlari moliyaviy sogʻlomlashishini yozgan edi.

Janubiy Koreyada muvaffaqiyatli ishlagan O‘zbekiston fuqarolariga $1,37 mln qaytariladi. Bu haqda Tashqi mehnat migratsiyasi agentligi xabar beradi.

2004-yildan 2021-yilgacha Samsungdan sug‘urta to‘lovlarini qaytarish uchun arizalar qabul qilish boshlandi. Bu E-9 va H-2 vizalari bo‘yicha Janubiy Koreyada 2482 nafar O‘zbekiston fuqarolarini uchun 13 oylik summalarga tegishlidir.

Sug‘urta pullarini oladigan fuqarolar ro‘yxati ilovada ko‘rsatilgan.

Tashqi mehnat agentligi hozirda pullarni o‘z egalariga qaytarish uchun arizalarni qabul qilishni boshladi. Ariza yuborish uchun fuqarolar o‘z viloyatidagi agentlig filialariga murojaat qilishlari kerak bo‘ladi.

Eslatma: Bu pullar hozirgi kunda EPS markazi hisobida ham, Agentlik hisobida ham emas, balki HRD...