Yangiliklar

AQSh prezidenti Donald Tramp bu ma’lumotni tasdiqladi, shuningdek, Isroil va Eron o‘rtasida sulh e’lon qilinganini yana bir bor ta’kidladi.

Eronning Press TV telekanali Isroil tomonidan berilgan bir nechta raketa zarbalaridan so‘ng, ikki davlat o‘rtasida o‘t ochishni to‘xtatish rejimi kuchga kirganini e’lon qildi.

«Sulh boshlandi», – deyiladi telekanalning Telegram sahifasidagi e’lonida.

Shu bilan birga, AQSh prezidenti Donald Tramp o‘zining ijtimoiy tarmog‘ida Eron va Isroil unga tinchlik istayotganliklarini bildirganini ma’lum qildi.

«Isroil va Eron deyarli bir vaqtda menga murojaat qilib: «Tinchlik!» deyishdi», – deb yozdi Tramp.

Uning...

Buxoroda sifatsiz yoqilg‘i sotgan «zapravka»larga chora ko‘rildi. Bu haqda «O‘zenergoinspeksiya» xabar berdi.

G‘ijduvon tumani Sarmijon mahallasida joylashgan «N.O.J.» xususiy korxonasiga qarashli avtomobillarga yoqilg‘i quyish shoxobchasida (AYoQSh) AI-92, AI-95 markali benzin va dizel yoqilg‘isidan namunalar olinib, laboratoriya tahlilidan o‘tkazildi.

Tahlil natijalariga ko‘ra, mazkur yoqilg‘i namunalarining davlat standartlariga javob bermasligi aniqlandi. Holat bo‘yicha Energiya resurslaridan foydalanish haqidagi qonunga asosan 52,6 mln so‘m miqdorida iqtisodiy sanksiya qo‘llanildi.

Shuningdek, mazkur AYoQShda yoqilg‘i tarqatish ustunlari navbatdagi davlat qiyoslov ko‘rigidan o‘tkazilmagan bo‘lishiga qaramay, neft mahsulotlari sotilayotgani aniqlandi.

Sifatsiz neft mahsulotlari qoldiqlarini sotuvga chiqarmaslik va ularning sifatini tiklash yuzasidan ko‘rsatma berildi.

Avvalroq Kursiv Uzbekistan Farg‘onadagi...

Toshkent xalqaro aeroportida yong‘in xavfsizligini oshirish maqsadida yong‘in robotlari o‘rnatiladi. Bu haqda 23-iyun kuni Sankt-Peterburgdagi xalqaro iqtisodiy forumda Kareliya respublikasi rahbari Artur Parfenchikov ma’lum qildi.

Unga ko‘ra, bu loyiha doirasida ikkinchi bosqich yetkazib berish rejasi ham ishlab chiqilmoqda. Unda boshqa obyektlarga ham robotlar o‘rnatilishi ko‘zda tutilgan.

«2024-yilga nisbatan 2025-yilda o‘zaro savdo hajmi 20 foizga oshdi. O‘tgan kuzda O‘zbekistonga biznes-missiyamiz doirasida tashrif buyurdik», – dedi Parfenchikov.

Shuningdek, Kareliya rahbari O‘zbekistonda daraxtni qayta ishlash sohasiga, xususan, qurilish sohasida qo‘llaniladigan sellyuloza mahsulotlariga katta qiziqish bildirmoqda. Bu boradagi ilk yetkazib berish ishlari boshlanganini ta’kidladi.

Avvalroq «Kursiv» nashri O‘zbekiston...

«O‘zbekiston – Qirg‘iziston – Xitoy – Mo‘g‘uliston» transport koridori orqali birinchi pilot yuk tashuvi tashkil etildi. Ushbu tashuv O‘zbekiston Transport vazirligi hamda Savdo-sanoat palatasi hamkorligida o‘tkazildi, deb xabar berdi Transport vazirligi.

Vazirlik ma’lumotiga ko‘ra, mazkur pilot tashuv O‘zbekiston tadbirkorlarining mahsulotlarini yangi bozorga olib chiqish hamda avtomobil transporti orqali yuk tashishning yangi yo‘nalishlarini yo‘lga qo‘yish maqsadida amalga oshirildi.

Ushbu transport koridorining ayrim qismlari murakkab relyefga ega bo‘lgan Oltoy tog‘lari orqali o‘tadi va 1500 metr balandlikka ko‘tariladi. O‘zbekiston milliy yuk tashuvchisi ushbu 4500 kilometr masofani 8 kunda bosib o‘tdi.

Mazkur yo‘nalish mamlakatlar o‘rtasidagi eksport-import yuk tashuvlari hajmini oshirish, savdo aloqalarining...

Kia kompaniyasining ommabop krossoveri – Kia Seltos avtomobili tez orada yangi avlodda namoyish etiladi. Bu haqda Daily motor xabar bermoqda.

Yangi Seltosning tashqi ko‘rinishi ancha agressiv va zamonaviy bo‘ladi. Old faralar «C» shaklidagi kunduzgi chiroqlar bilan jihozlanadi. Bamper chetlarida esa vertikal chiziqli chiroqlar joylashgan. Shuningdek, mashinaning old panjarasi kattalashadi va ko‘plab havo o‘tkazuvchi teshiklarga ega bo‘ladi. Bu unga yanada bosiqlik va kuchli ko‘rinish beradi.

Yangi modelga gibrid dvigatel o‘rnatilishi kutilmoqda. Bu tizim yoqilg‘i sarfini sezilarli darajada kamaytiradi – taxminan 5,05 litr/100 km atrofida bo‘ladi.

Shuningdek, krossoverning to‘liq uzatma tizimi elektr asosida ishlovchi e-AWD bilan ta’minlanadi. Unda orqa o‘qqa...

Beelab, fintex kompaniyasi va Beepul to‘lov servisi ishlab chiqaruvchisi, raqamli bank Anorbank bilan o‘zaro anglashuv va strategik hamkorlik bo‘yicha memorandum imzoladi. Ushbu hamkorlik Beelab’ning bank sektoridagi strategik hamkorlari qatorini kengaytiradi hamda kompaniyaning O‘zbekistonning yetakchi moliyaviy institutlari bilan hamkorlikka ochiq bo‘lgan texnologik platforma sifatidagi mavqeyini mustahkamlaydi.

Hamkorlikdan maqsad texnologik infratuzilmani birlashtirish va butun mamlakat bo‘ylab millionlab foydalanuvchilarga taqdim etiladigan raqamli moliyaviy mahsulotlarni yaratishdir. Tomonlar Anorbank’ning bank xizmatlarini Beepul ekotizimiga integratsiya qilish bo‘yicha birgalikda ishlashni boshlaydi.

Hamkorlik doirasida qo‘shma kobrend kartalar chiqarish, bankning mikrozaymlarini Beepul ilovasi orqali berish va qaytarish, shuningdek, Beepul foydalanuvchilari uchun muddatli to‘lov dasturlarini ishlab chiqish rejalashtirilgan.

Loyihaning birinchi...

Realme kompaniyasi yangi flagman smartfoni – Reame GT 8 Pro smartfoni uchun 6,85 dyuymli ilg‘or ekran ishlab chiqmoqda. Bu haqda Notebookcheck xabar bermoqda.

Ekran Samsung ishlab chiqqan RealWorld Eco² OLED Plus paneliga asoslanadi. Ushbu panel avval faqat GT 7 Pro modelida qo‘llanilgan edi.

Yangi GT 8 Pro modeli Snapdragon 8 Elite 2 protsessori bilan jihozlanadi. Ekran esa anti-blik (AR) qoplamaga ega bo‘ladi. Bu texnologiya ilgari Samsung Galaxy S25 Ultra modelida qo‘llanilgan.

Ekran OLED texnologiyasiga asoslangan bo‘lib, polarizatorsiz ishlab chiqilgan. Bu ko‘rish sifatini yaxshilaydi, energiya tejamkorligini oshiradi va qurilmani yupqaroq qiladi.

Ammo bu ilg‘or texnologiyalar tufayli smartfonning tannarxi boshqa...

iOS 26 operatsion tizimida akkumulyator quvvatini tejashga qaratilgan Adaptive Power Mode (Moslashuvchan quvvat rejimi) nomli yangi funksiya paydo bo‘ldi.

Garchi yangi tizim nisbatan eski Apple smartfonlari bilan ham mos kelsa-da, bu funksiyadan hamma foydalana olmaydi.

Ma’lum qilinishicha, yangi funksiyadan faqat quyidagi qurilma egalari foydalanishi mumkin:

Apple’ning aytishicha, Adaptive Power Mode funksiyasi smartfonning ishlash muddatini uzaytirish maqsadida «ishlash unumdorligiga kichik o‘zgarishlar kiritadi». Masalan, ekran yorqinligi biroz pasaytiriladi yoki ayrim vazifalarning bajarilishi sekinlashadi.

Adaptive Power Mode odatda faol holatda...

«Texnopark – Qipchoq» yer usti halqa yo‘lining «Quruvchilar» va «Yangiobod» bekatlari oralig‘ida 2025-yil 28-iyundan boshlab metro harakati uch oy muddatga to‘xtatiladi. Bu haqda Toshkent metropoliteni xabar berdi.

Ushbu chora yo‘nalishdagi metro poyezdlar harakati va yo‘lovchilar xavfsizligini ta’minlash, shuningdek, sifatli xizmat ko‘rsatish maqsadida rejalashtirilgan profilaktik texnik ishlar doirasida amalga oshirilmoqda.

Noqulayliklarning oldini olish uchun «Qipchoq – Yangiobod – Qipchoq» yo‘nalishi bo‘ylab bepul metrobuslar (katta sig‘imli avtobuslar) qatnovi yo‘lga qo‘yiladi. Ushbu avtobuslar har kuni soat 05:00 dan 23:00 gacha xizmat ko‘rsatadi.

Ma’lumot uchun: «Quruvchilar» – 12-bekat, «Yangiobod» esa 6-bekat hisoblanadi. Ushbu ikki bekat orasida jami 7 ta bekat joylashgan.

Avvalroq Kursiv...

«O‘zbekiston davlat organlari faoliyati samaradorligini baholash» dasturi doirasida «Namunali vazirlik» nominatsiyasi bo‘yicha g‘oliblar e’lon qilindi. Bu haqda Davlat xizmatini rivojlantirish agentligi ma’lum qildi.

Unga ko‘ra, 1-o‘rinni O‘zbekiston Respublikasi Raqamli texnologiyalar vazirligi egalladi. 2-o‘ringa Iqtisodiyot va moliya vazirligi, 3-o‘ringa esa Tog‘-kon sanoati va geologiya vazirligi loyiq deb topildi.

Eslatib o‘tamiz, avvalroq O‘zbekiston BMTning elektron hukumatlar rivojlanish darajasi bo‘yicha global reytingida 24 pog‘onaga yuqorilagani haqida yozgan edik.

Yozgi issiqda AQShda qaysi elektromobillar yaxshi ishlashi bo‘yicha 29,7 mingdan ortiq avtomobilning ishlash ko‘rsatkichlari tahlil qilindi. Bu tahlil Recurrent Auto kompaniyasi tomonidan o‘tkazilgani haqida Electrek nashri xabar berdi.

Tadqiqotga ko‘ra, 32 daraja issiqda aksariyat elektromobillar bor-yo‘g‘i 5 foizgacha quvvat yo‘qotadi. Biroq harorat 37  darajadan oshganda, yo‘lovchilar uchun konditsioner ishlayotgani sababli quvvat yo‘qotish darajasi 17-18 foizga yetadi.

Eng yaxshi natija ko‘rsatgan elektromobillar

Tahlilga ko‘ra, Audi e-tron issiq havoda 483 kilometr o‘rniga 473 kilometr yo‘l bosgan. Natijada atigi 2 foiz quvvat yo‘qotgan. BMW i4 va Rivian R1S ham shunga yaqin natijalarni ko‘rsatdi. Mos ravishda 484 kilometr va 517 kilometr masofadan...

BYD kompaniyasi BYD Seal elektromobiliga qattiq holatdagi (solid-state) batareya o‘rnatilishi haqidagi xabarlarni rad etdi. Bu haqda CarNewsChina xabar bermoqda.

«Bu noto‘g‘ri ma’lumot. Birinchi model va uning texnik tavsifi hali rasmiy e’lon qilinmagan», – deyiladi BYD bayonotida.

Avvalroq BYD bosh texnologiya direktori Sun Xuajun kompaniya ushbu texnologiyani tijoratlashtirishni 2027-yilda boshlashi, keng ommaga esa 2030-yildan keyin taqdim etilishini aytgan edi.

Avvalgi taxminlarga ko‘ra, Seal modelida energiya zichligi 400 Wh/kg bo‘lgan batareya o‘rnatiladi va 12 daqiqalik quvvat bilan 1500 kmgacha yurishi mumkinligi aytilgan edi. Ba’zilar esa hatto 1875 kmgacha yurish imkoniyatini tilga olgan.

BYD ichki sinovlarni...

Yaqin Sharqdagi vaziyat keskinlashganiga qaramay AQSh fond bozorlarida ijobiy o‘sish kuzatildi. Bu haqda CNN axborot agentligi ma’lum qildi.

Unga ko‘ra, Eron tomonidan Qatar va Iroqdagi AQSh harbiy obyektlariga hujum uyushtirilganidan so‘ng investorlar bu javob harakati cheklanadi degan xulosaga kelishmoqda.

AQSh bozoridagi asosiy ko‘rsatkichlardan biri – xom neft narxi bir kunda 7,2% ga tushib, barreli $68,51 ga yetdi. Bu so‘nggi bir necha yil ichida eng katta kundalik pasayishlardan biri bo‘ldi. Ayni paytda Dow Jones 374 punktga, S&P 500 va Nasdaq esa mos ravishda 0,96% va 0,94% ga oshdi.

Mutaxassislar fikricha, hozircha bu mojaro keng ko‘lamli harbiy to‘qnashuvga aylanish ehtimoli past...

Hunnu Air aviakompaniyasi Toshkentga aviaqatnovlarni yo‘lga qo‘yadi. Bu haqda «Dunyo» axborot agentligi xabar berdi.

Prezident Shavkat Mirziyoyevning Mo‘g‘ulistonga davlat tashrifi arafasida Ulan-Bator shahrida O‘zbekiston – Mo‘g‘uliston biznes forumi bo‘lib o‘tdi.

Forum doirasida O‘zbekiston transport vazirining birinchi o‘rinbosari Mamanbiy Omarov Mo‘g‘ulistonning Hunnu Air aviakompaniyasi rahbari Purevjav Munxjargal bilan uchrashdi. Unda Ulan-Batordan Toshkentga to‘g‘ridan to‘g‘ri aviaqatnovlarni yo‘lga qo‘yish masalalari muhokama qilindi.

Uchrashuvda Hunnu Air uchun zarur slotlar ajratilishi, tranzit yo‘lovchilarga xizmat ko‘rsatish tartibi va mexanizmini muvofiqlashtirish bo‘yicha amaliy chora-tadbirlar belgilandi.

Kelishuvga ko‘ra, Hunnu Air aviakompaniyasi 2025-yil sentabr oyida Ulan-Batordan Toshkentga ilk to‘g‘ridan to‘g‘ri parvozni amalga oshirishi rejalashtirilgan.

Avvalroq «Kursiv» nashri...

Honor kompaniyasi 8000 mA·soatli Honor Power smartfonini aprel oyida taqdim etgan edi. Endi esa undan ham katta sig‘imli smartfoni ishlab chiqmoqda. Bu haqda GizmoChina ma’lum qildi.

Yangi batareya 8100 mA·soat sig‘imga ega bo‘lib, HB5668A0EIW modeli ostida ro‘yxatga olingan. Uni Sunwoda Electronics va Honor birgalikda ishlab chiqargan. Batareya litiy-ionli polimer turiga mansub. U 3,77 volt kuchlanishda ishlaydi va 4,53 voltgacha quvvat olish imkoniyatiga ega. Mazkur ma’lumot Xitoydagi sertifikatlash bazasida ham qayd etilgan.

Yangi qurilma o‘rta toifadagi smartfon sifatida baholanmoqda. Uning nomi va chiqarilish sanasi hali rasman e’lon qilinmagan. Biroq bu Honor Power’ning vorisi bo‘lishi mumkinligi aytilmoqda.

Digital Chat Station...

Shavkat Mirziyoyev 24-iyun kuni Mo‘g‘uliston prezidenti Uxnaagiyn Xurelsuxning taklifiga binoan rasmiy tashrif bilan Ulan-Bator shahriga jo‘nab ketdi. Bu haqda davlat rahbari matbuot xizmati xabar bermoqda.

Tashrif davomida oliy darajadagi uchrashuvlar va ikki tomonlama muzokaralar o‘tkazilishi rejalashtirilgan.

Uchrashuvlarda O‘zbekiston va Mo‘g‘uliston o‘rtasidagi hamkorlikni kengaytirish, savdo-iqtisodiy aloqalarni mustahkamlash va boshqa muhim masalalar muhokama qilinadi.

Eslatib o‘tamiz, Kursiv Uzbekistan nashri O‘zbekiston va Mo‘g‘uliston jun hamda charm mahsulotlari ishlab chiqarishni yo‘lga qo‘yishi haqida yozgan edi.

KJCh-2025 guruh bosqichi 3-turida «Portu» va «Al Ahli» ajoyib durang qayd etishdi – 4:4. Gollar ko‘p bo‘lishiga qaramay, bu natija jamoalarga pley-offga chiqish imkonini bermadi. Uchrashuv 24-iyun kuni Ist-Raterfordda bo‘lib o‘tdi va Toshkent vaqti bilan 6:00da boshlandi.

Jamoalar tarkibi:

«Portu»

Asosiy tarkib: Ramush, Ze Pedro, Eushtakiu, Markano, Mariu, Varela, Moura, Mora, Viyeyra, Namaso, Gomes.

Fernandesh Diogu, Fernandesh Martim, Peres Nyuen, Zanuzi, Peres Tomas, Otavio, Veyga, Franku, Souza, Oliveyra, Pepe, Borjesh, Gul, Agexova, Alarkon.

Bosh murabbiy: Anselmi

«Al-Ahli» (Qohira)

Asosiy tarkib: Al-Shenavi, Hani, Dari, Ramadan, Koka, Ben-Romdane, Fathi, Al-Shahat, Zizo, Trezege, Vessam

Maxluf, Shobeyr, El-Sayed, Ibrohim, Abdulfattoh, Attiyat-Alloh, El-Aash, Kamol, El-Debes...

Janubiy Isroilning Beer Sheva shahrida yashash binosiga raketa tushib, 3 kishi halok bo‘ldi. Bu haqda CNN axborot agentligi ma’lum qildi.

Unga ko‘ra, Isroil favqulodda xizmatlari 40 yoshli erkak, 30 yoshli ayol va 20 yoshli yigit voqea joyida halok bo‘lganini tasdiqladi. Yana olti kishi yengil va o‘rta darajadagi jarohatlar bilan shifoxonaga yotqizildi. Isroil Mudofaa kuchlari hujum Eron tomonidan amalga oshirilganini ma’lum qildi.

AQSh prezidenti Donald Tramp mojaro boshlanganidan so‘ng Eron va Isroil deyarli bir vaqtda unga tinchlik bo‘yicha murojaat qilganini aytib, «bu hozir amalga oshishi kerak edi», deb yozdi. Biroq Eron davlat OAVlari sulh «dushmanga majburan yuklatilgani»ni bildirgan bo‘lsa, Eron...

AQSh prezidenti Donald Tramp Isroil va Eron o‘rtasida 12 kunlik urushga yakun yasovchi sulhga erishilganini e’lon qildi. Bu haqda Reuters axborot agentligi xabar berdi.

Unga ko‘ra, Eron Tehronga uyushtirilgan hujumlarga javoban zarba bergach, tomonlar urushni to‘xtatishga kelishgan. Tramp bu kelishuvni Qatarning vositachiligi bilan amalga oshirganini bildirdi.

Biroq Isroil tomoni sulhni rasman tasdiqlamadi. Seshanba tongida Isroil Eron hududidan uchirilgan raketalarni aniqladi va havo mudofaasi tizimlarini ishga tushirdi. Eron TIV esa, agar Isroil soat 4:00 ga qadar hujumlarni to‘xtatsa, javob berilmasligini aytdi.

AQSh va Isroil dam olish kunlari Eronning yadroviy inshootlariga zarbalar bergan. Eron bu harakatlarga javoban AQSh bazasiga raketa yo‘lladi...

AQSh dollarining so‘mga nisbati so‘nggi ikki hafta ichida keskin pasaydi. Jumladan, oy boshida dollar kursi 12 834,61 so‘m bo‘ldi. 23-iyunga kelib esa 12 410,99 so‘mga tushdi. Bu davr mobaynida dollar kursi 3,3 foizga pastladi. Kursiv Uzbekistan Markaziy Osiyo davlatlarida dollar kursi qanday o‘zgarayotgani bilan qiziqdi.

O‘zbekiston

16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi. Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga pasayib, 12 410,99 so‘m qilib belgilandi.

Qozog‘iston

Qozog‘iston...

Yaqin Sharqdagi harbiy harakatlar O‘zbekistonning tashqi savdo yo‘llariga bosimni kuchaytirmoqda. Yuklarni xavfsiz portlarga ko‘chirish zarurati transport xarajatlarining 30 foizgacha oshishiga olib kelishi mumkin. Bu haqda prezident Shavkat Mirziyoyev 23-iyun kuni o‘tkazgan yig‘ilishda aytib o‘tildi, deya xabar bermoqda davlat rahbari matbuot xizmati.

Yig‘ilishda tashqi savdo, logistika, transport va investitsiya sohalarida tezkor choralar ko‘rish zarurligi ta’kidlandi. Xususan, yuk tashish yo‘nalishlarini diversifikatsiya qilish, muqobil portlar bilan kelishuvga erishish va eksportchi korxonalarni qo‘llab-quvvatlash bo‘yicha topshiriqlar berildi.

Bundan tashqari, ishlab chiqarishni izchil davom ettirish hamda ichki bozorda narx barqarorligini saqlash muhimligi qayd etildi. Mazkur vazifalar Transport vazirligi, Investitsiyalar va tashqi savdo vazirligi, Savdo-sanoat palatasi...

Prezident Administratsiyasining yangi rahbari Saida Mirziyoyevaga Komil Allamjonov jamoatchilik asosida mustaqil maslahatchi etib tayinlandi. U innovatsion iqtisodiyot, investitsiyalarni jalb qilish, so‘z erkinligini ta’minlash va mustaqil OAVni qo‘llab-quvvatlash bo‘yicha ekspertlik yordamini ko‘rsatadi.

Shuningdek, prezident farmoniga ko‘ra, Bekzod Mavlonov prezident yordamchisi lavozimiga tayinlandi va shu munosabat bilan huquqiy ekspertiza hamda kompleks tahlil bo‘yicha maslahatchi lavozimidan ozod etildi.

Aziz Magrupov esa prezidentning tashqi investitsiyalar bo‘yicha maslahatchisi lavozimiga tayinlandi. U ilgari prezident yordamchisi lavozimida ishlagan.

Saidlaziz Saidkarimov boshqa ishga o‘tishi munosabati bilan prezident Administratsiyasi Nazorat inspeksiyasi boshlig‘i lavozimidan ozod etildi.

Shuningdek, O‘tkirjon Qodirov prezident Administratsiyasining Hududlar bilan hamkorlik qilish va tahliliy...

Eron qurolli kuchlari Yaqin Sharqda joylashgan AQSH harbiy bazalariga raketa hujumi uyushtirdi. Bu haqda Telegraph agentligi xabar bermoqda.

Ma’lumotlarga ko‘ra, hujum Qatar hududidagi Al-Udeyd aviabazasiga va Iroqdagi Ayn al-Asad bazasiga qaratilgan.

Qatarda havo hujumiga qarshi mudofaa tizimi ishga tushdi. Doha ustida portlashlar eshitildi. Shu sababli Qatar o‘z havo hududini vaqtincha yopdi.

Al-Udeyd aviabazasi AQSH Markaziy qo‘mondonligining sobiq shtab-kvartirasi bo‘lib, u yerda britaniyalik harbiylar ham navbatchilik qiladi. Bu baza mintaqadagi eng yirik harbiy obyektlardan biri hisoblanadi.

Oq uy voqealarni sinchiklab kuzatmoqda. Prezident Donald Tramp milliy xavfsizlik masalalari bo‘yicha maslahatlashuv yig‘ilishi o‘tkazishi kutilmoqda.

Mazkur hujum AQSHning Erondagi uchta yadroviy...

24-iyun kuni O‘zbekiston bo‘ylab harorat kechasi 15-28°, kunduzi esa 28-44° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida: