Yangiliklar

Namangan viloyati hokimi Shavkatjon Abdurazzoqov Norin GESlari atrofida tashkil etilayotgan sayyohlik loyihalari bilan tanishdi. Bu haqda hokimlik matbuot xizmati ma’lum qildi.

Uychida joylashgan 20 gektar yer maydonida sayilgoh, ko‘p qavatli uylar, sport maydonchalari, suzish havzalari, dam olish maskanlari va kemping zonalari barpo etiladi.

Shuningdek, Uchqo‘rg‘on tumanidan 12 km masofada joylashgan Norin daryosi va 5 ta yirik kanal o‘zining tabiiy go‘zalligi, tiniq suvlari bilan turizmning barcha yo‘nalishlarini rivojlantirish uchun katta imkoniyatlar yaratmoqda.

Viloyat hokimi 30 gektarlik turistlar uchun mo‘ljallangan mega-loyiha taqdimotida qatnashib, qurilish ishlariga rasmiy start berdi. Loyihaga akvapark, dam olish kapsulalari, interaktiv attraksionlar, gullar bog‘i, amfiteatr, restoranlar va ko‘prikli...

Mozilla Firefox brauzerining yangilangan 141-versiyasi taqdim etildi. Bu haqda Neowin ma’lum qildi.

Eng muhim yangiliklardan biri – sun’iy intellekt yordamida tablarni avtomatik guruhlarga ajratish funksiyasi bo‘lib, bu xususiyat maxfiylikni ta’minlash uchun qurilmaning o‘zida ishlaydi.

Shuningdek, Firefox endi kamroq operativ xotira ishlatadi, yangilanishdan keyin Linux foydalanuvchilari qayta yuklashsiz ishlashda davom etishi mumkin. Windows 11 foydalanuvchilari uchun esa brauzer tizimdagi shriftlardan foydalanadi.

Yana bir muhim yangilik – Windows tizimi uchun WebGPU texnologiyasi joriy etildi. Bu murakkab grafik va hisob-kitoblarni tezlashtirish imkonini beradi.

Firefox, shuningdek, manzil satrini birliklar konvertori sifatida ishlatish, yangi tillar va lug‘atlar qo‘shish kabi imkoniyatlarga ham ega bo‘ldi.

Eslatib...

Chevrolet Cobalt o‘rta segmentdagi eng ommabop avtomobillardan biri hisoblanadi. O‘zbekistonda yanvar – iyun oylarida 67,5 ming dona sotilgan. Ushbu maqola orqali Chevrolet Cobalt avtomobilining qo‘shni davlatlardagi narxi haqida bilib olasiz.

Chevrolet Cobalt – bu ixcham va ishonchli sedan bo‘lib, kundalik foydalanish uchun qulay yechim hisoblanadi. U 1,5 litrli benzin dvigateli bilan jihozlangan. U tejamkorlik va yetarli darajadagi quvvatni ta’minlaydi. Avtomobilning dizayni sodda va zamonaviy ko‘rinishga ega, salonida esa haydovchi va yo‘lovchilar uchun yetarlicha joy mavjud. Cobalt avtomatik yoki mexanik transmissiya variantlarida taklif etiladi. Unda xavfsizlik tizimlari, konditsioner va multimedia qurilmalari kabi zamonaviy funksiyalar mavjud. Bu model...

«TGhamyon» MChJga kripto-aktivlar aylanmasi sohasida kripto-depozitariy faoliyatini yuritish uchun rasmiy litsenziya berildi. Bu haqda Istiqbolli loyihalar milliy agentligi xabar berdi.

Mazkur kompaniya Telegram messenjeridagi «Wallet» servisining egasi – «Wallet Global Ventures Limited» tomonidan tashkil etilgan.

Litsenziya to‘g‘risidagi ma’lumotlar Agentlikning elektron reyestriga kiritilib, rasmiy veb-sahifada e’lon qilingan.

Eslatib o‘tamiz, avvalroq Xakerlar Paragvay prezidentining akkauntiga bitkoin haqida soxta xabar joylashtirgan edi.

21-iyul tongida Navoiy shahri va atrofida yana changsimon tutun paydo bo‘ldi. Holat yuzasidan «Navoiyazot» AJ va Ekologik partiyasi viloyat Kengashi mutaxassislari birgalikda surishtiruv olib bordi.

Tergov doirasida korxona hududiga qo‘shimcha kuzatuv kamerasi o‘rnatildi. Tasvirlarda aniqlanishicha, tutun sobiq Navoiy elektrokimyo zavodi o‘rnida faoliyat yuritayotgan boshqa korxonalardan chiqmoqda.

«Navoiyazot» AJ ekologik xavfsizlikni ustuvor yo‘nalish sifatida belgilagan bo‘lib, atmosferaga tashlanadigan chiqindilarni kamaytirishga doir qat’iy chora-tadbirlarni amalga oshirmoqda.

Korxona mazkur tutun hodisasiga hech qanday aloqasi yo‘qligini yana bir bor rasman ma’lum qiladi.

Eslatib o‘tamiz, avvalroq Ekologiya vazirligi Navoiyda havo ifloslanishi bo‘yicha tekshiruv boshlagan edi.

Markaziy bank shu yilning iyun oyi holatiga ko‘ra respublikadagi inflyatsiya ko‘rsatkichlarini e’lon qildi. Unga ko‘ra, umumiy yillik inflyatsiya darajasi 8,7 foizni tashkil etdi. Bu o‘tgan yilgi 9,8 foizlik ko‘rsatkichga nisbatan pastroq bo‘lsa-da, aholining kundalik hayoti uchun muhim bo‘lgan mahsulotlar sezilarli darajada qimmatlashgan.

Yuqori narx: metan va paxta yog‘i yetakchilik qilmoqda

Nooziq-ovqat mahsulotlari ichida metan gazi narxi yillik hisobda 36,2 foizga oshgani kuzatilgan. Shu bilan birga, propan ham 11,3 foizga qimmatlagan.

Oziq-ovqat mahsulotlari bozorida esa paxta yog‘i yetakchilik qildi. Uning narxi o‘tgan 12 oy ichida 43,5 foizga oshgan. Mol go‘shti (30,5%), kungaboqar yog‘i (28,9%), kartoshka (36,5%), karam (37,4%) kabi...

O‘zbekistonda uy-joyni sun’iy ravishda arzon narxlarda rasmiylashtirish holatlari ko‘paymoqda. Bu haqda O‘zbekiston Soliq qo‘mitasi raisi Sherzod Kudbiyev qurilish sohasi vakillari bilan uchrashuvda ma’lum qildi.

2025-yil boshidan mamlakatda bir kvadrat metr uchun bir million so‘mdan arzon narxda ikki mingta uy-joy oldi-sotdi shartnomasi tuzilgan. Yana 9,3 mingta bitimda birdan uch million so‘mgacha, 13,5 mingta bitimda esa uchdan besh million so‘mgacha bo‘lgan narxlar ko‘rsatilgan.

Aslida poytaxtdagi eng arzon uy-joyning real qiymati bir kvadrat metr uchun kamida $300 ni tashkil etadi. Kudbiyevning so‘zlariga ko‘ra, soliq organlari bunday holatlar bo‘yicha aniq ma’lumotlarga ega.

Ba’zi insofsiz quruvchilar uylarni sun’iy past narxda ko‘rsatib, qolgan qismini xaridordan...

«Toshkent» respublika fond birjasi (RFB)da joy olgan yuqori likvidli aksiyalarning aksariyati 14-iyuldan 18-iyulgacha bo‘lgan davrda turli dinamikani ko‘rsatib, UCI fond indeksi 0,64 foizga oshdi.

«Hamkorbank» aksiyalari eng katta o‘sishga erishib, 17,20 foizga qimmatlashdi. Shuningdek, «Ipoteka-bank» (+5,56%) va «O‘zbektelekom»ning oddiy (+5,38%) aksiyalarida ham o‘sish qayd etildi.

Biroq «Biznesni rivojlantirish banki» aksiyalari 24,15 foiziga arzonlashib, haftaning eng katta pasayishini qayd etdi. «Trastbank» (-5,63%) va «O‘zbektelekom»ning imtiyozli aksiyalari (-4,89%) ham pasayish bilan ajralib turdi.

Faqat «Aloqabank», «Ipoteka-bank»ning imtiyozli aksiyalari va «O‘zmetkombinat» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Chilonzor buyum savdo kompleksi» (488 ta), «O‘zRTXB» (415 ta) va «Aloqabank...

«Milliy tiklanish» demokratik partiyasi raisi o‘rinbosari Feruza Muhamedjonova 27 – 29-iyun kunlari poytaxtda bo‘lib o‘tgan pivo festivaliga nisbatan keskin tanqidiy munosabat bildirdi.

Uning fikricha, bu tadbir tobora an’anaga aylanib borayotgan bo‘lsa-da, jamiyatda bunga qarshi jiddiy e’tirozlar deyarli eshitilmayapti.

«Maydon odamlar bilan gavjum edi. Ko‘plari yoshlar, O‘zbekzabon OAV esa bu mavzuda sukutda. Toshkentning bir chetida Islom sivilizatsiyasi markazi qad rostlayotgan bo‘lsa, narigi tomonida ommaviy pivo festivali o‘tyapti», – deya yozdi u o‘z Facebook sahifasida.

Muhamedjonovaning e’tirozlari ikki asosiy yo‘nalishga qaratilgan: birinchidan – spirtli ichimliklarni omma oldida targ‘ib qilish oqibatlari chuqur o‘ylab ko‘rilmagan. Ikkinchidan – bu...

Air Marakanda va Centrum Air hamkorligida Samarqanddan Dushanbe shahriga to‘g‘ridan to‘g‘ri muntazam aviaqatnovlar yo‘lga qo‘yildi.

Yo‘nalishning tantanali ochilish marosimi doirasida ilk reys bilan Dushanbedan kelgan samolyotni kutib olish tadbiri o‘tkazildi. Unda Tojikistonning O‘zbekistondagi favqulodda va muxtor elchisi Abdujabbor Aziz Rahmonzoda, Samarqand hokimi o‘rinbosari Rustam Qobilov va Tojik madaniy markazi raisi ishtirok etdi.

Endi Samarqand va Dushanbe aviaqatnovlari haftasiga ikki marta – payshanba va yakshanba kunlari amalga oshiriladi. Samarqand xalqaro aeroportidan uchib ketish vaqti soat 07:30 ga belgilangan.

Chiptalarni centrum-air.com rasmiy sayti yoki Samarqand xalqaro aeroportining 24 soat faoliyat yurituvchi chiptaxonasidan xarid qilish mumkin.

Avvalroq Centrum Air aviakompaniyasi Airbus...

Apple kompaniyasi iPhone 16 Pro smartfonining yangi funksiyalarini targ‘ib qiluvchi reklama roligini taqdim etdi. Bu haqda PetsMailRu nashri xabar berdi.

Videoda Garrett laqabli mushuk asosiy e’tibor markaziga aylandi. Rolikda erkak «Clean Up» funksiyasi yordamida suratdan mushukni olib, ya’ni qirqib tashlaydi. Biroq mushuk egasining kinoyali tarzda «Men har doim Garrettni yomon ko‘rganingni bilar edim» degani voqeaga hazil aralash dramatizm baxsh etadi.

Mushukning norozi nigohi esa tomoshabinni kuldirib, erkakni uni rasmga qaytarishga majbur qiladi. Apple’ning TBWA Media Arts Lab agentligi bilan hamkorlikda suratga olingan rolik ijtimoiy tarmoqlarda katta qiziqish uyg‘otdi.

Ushbu reklama orqali kompaniya foydalanuvchilarga yangi «Clean Up» funksiyasi orqali suratdagi...

Ukraina prezidenti Vladimir Zelenskiy qaroriga koʻra, 2020-yildan buyon Oʻzbekistonda elchi lavozimida faoliyat yuritgan Nikolay Doroshenko diplomatik missiyasini yakunlamoqda.

Elchi bu haqda shaxsiy Facebook sahifasi orqali xabar berdi. Uning ta’kidlashicha, diplomatik korpus rotatsiyasi doirasida qabul qilingan qaror mamlakat rahbariyatining unga boʻlgan yuksak ishonchidan dalolat beradi.

«Oʻzbekistondagi faoliyatim davomida ogʻir vaziyatlarda ham yurtim manfaatlarini himoya qilish sharafini boshimdan kechirdim. Ishimga baho berishni boshqalarga qoldiraman, biroq qilgan ishlarim uchun uyalmayman», – dedi Doroshenko.

U, shuningdek, oʻz faoliyati davomida Oʻzbekiston jamiyatiga Ukraina haqiqatini yetkazishga harakat qilganini va bu boradagi sa’y-harakatlari samara berishiga umid bildirdi.

Ma’lumot uchun Nikolay Doroshenko...

Endi ingliz tilini biladigan va xorijda ishlash istagidagi o‘zbekistonliklar uchun kruiz kemalarida ishga joylashish imkoniyati yaratiladi. Bu haqda Migratsiya agentligi xabar berdi.

Xabarga ko‘ra, agentlik rahbariyati va Makedoniyaning Kouzon Corporation kompaniyasi ijrochi direktori Zoran Kochoski o‘rtasida uchrashuv bo‘lib o‘tdi.

Unda kruiz kompaniyalari bilan hamkorlikda fuqarolarni xorijda mehnat faoliyatini tashkil etish bo‘yicha anglashuv memorandumi imzolandi.

Mazkur kemalarda dastlabki olti oylik shartnoma bo‘yicha ish haqi $1,2 mingdan boshlanadi. So‘ng ikki oylik ta’til beriladi va keyingi olti oylik yangi shartnomada tajribaga qarab ish haqi oshib, $4 minggacha yetishi mumkin. Bundan tashqari, yashash bilan bog‘liq xarajatlar kompaniya tomonidan qoplanadi.

Kelishuvga muvofiq, ishlash...

Qatar Airways aviakompaniyasi Boeing 777 rusumidagi barcha 54 ta samolyotini Starlink interneti bilan jihozladi. Bu haqda Avianews nashri xabar berdi.

Endi parvoz chog‘ida yo‘lovchilar nafaqat uchish yoki qo‘nish vaqtida, balki samolyot uchayotganda ham to‘liq va bepul internetdan foydalanishlari mumkin bo‘ladi.

Aviakompaniya bergan ma’lumotga ko‘ra, samolyot bortidagi internet tezligi 500 Mbit/s gacha yetadi. Bu ko‘rsatkich hozirda zamonaviy optik tolali internet tarmoqlariga teng va hattoki uydagidan tezroq ishlaydi. Signal kechikishi esa atigi 20 – 40 millisoniyani tashkil etadi.

Dastlab aviakompaniya bu tizimni 2 yil davomida joriy qilishni rejalashtirgandi, biroq muhandislar modernizatsiyani atigi 9 oyda yakunladi. Har bir samolyotni jihozlash ishlari odatdagi...

Bugun, 21-iyul kuni dollar kursi 25,21 so‘mga yuqorilab, 12 603,52 so‘mni qayd etdi. Bu haqda Markaziy bank  xabar bermoqda.

Dollar kursining so‘nggi besh kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni vaziyat o‘zgarib, dollar kursi 49,17 so‘mga ko‘tarilib...

O‘zbekiston Milliy gvardiyasi jamoasi «O‘tkir tig‘–2025» xalqaro snayperlar musobaqasida umumiy hisobda birinchi o‘rinni qo‘lga kiritdi. Musobaqa 12–20-iyul kunlari Xitoyning Shinjon-Uyg‘ur avtonom rayonida o‘tkazildi.

Musobaqada 25 ta davlatdan kelgan 45 ta jamoa ishtirok etgan. Bellashuv 4 ta asosiy yo‘nalishda o‘tkazildi va har bir yo‘nalish bo‘yicha alohida sovrinli o‘rinlar belgilandi.

O‘zbekiston jamoasi yakkalik va ekstremal sharoitdagi mashqlarda ham yuqori natijalar ko‘rsatib, jami 8 ta medal, 10 ta diplom, qimmatbaho sovg‘alar va musobaqa kubogi bilan taqdirlandi.

Musobaqada Vyetnam, Janubiy Koreya, Belorussiya, Rossiya, Ispaniya, Liviya, Qirg‘iziston, Qozog‘iston, Indoneziya, Vengriya va Kuba kabi davlatlar vakillari ham qatnashgan.

Eslatib o‘tamiz, «Kursiv» O‘zbekiston va Tojikiston fuqarolari...

Yangi Redmi K90 smartfonlari haqida muhim ma’lumotlar oshkor qilindi. Modellarda katta yangilanishlar bo‘ladi. Bu haqda Gizmochina xabar bermoqda.

Yangi liniyada barcha modellarga 50 MP teleobyektivli kamera, yangi ekran, metall ramka, ultratovushli barmoq skaneri va 7000 mA·soatdan ortiq batareya o‘rnatiladi. Katta ehtimol bilan batareya 7410 mA·soat bo‘ladi.

Shuningdek, smartfonlar 100 Vt tezkor quvvatlash va IP68 himoya darajasiga ega bo‘ladi. Bu funksiyalar Redmi K90 va K90 Pro modelida ham bo‘ladi.

Ularning asosiy farqi — protsessor platformasi bo‘ladi. K90 Pro modeli Snapdragon 8 Elite Gen 2, oddiy K90 esa biroz oddiyroq Snapdragon 8 Elite chipida ishlashi kutilmoqda.

Eslatib o‘tamiz, Kursiv Uzbekistan Redmi...

Oʻzbekiston milliy terma jamoasi va Moskvaning «SSKA» klubi futbolchisi Abbosbek Fayzullayev faoliyatini Turkiyada davom ettiradi. U Istanbulning «Bashakshehir» klubi bilan shartnoma imzoladi.

Fayzullayev yangi jamoasida 11-raqam ostida harakat qiladi. Uning transferi uchun turk klubi «SSKA»ga 7,5 million yevro toʻlagan. Yangi jamoasida u ikkinchi oʻzbekistonlik futbolchi boʻldi. Avvalroq «Bashakshehir» Eldor Shomurodovni «Roma» klubidan sotib olish sharti bilan ijaraga olgan edi.

Ma’lumot uchun, 21 yoshli Fayzullayev oʻtgan mavsum «SSKA» safida barcha musobaqalarda 39 ta oʻyinda maydonga tushib, 3 ta gol urdi va 8 ta golli uzatma amalga oshirdi.

Uning «armiyachilar» bilan amaldagi shartnomasi 2026-yilgacha moʻljallangan edi. Transfermarkt portali futbolchining bozor...

Shensi provinsiyasi hukumati Toshkent davlat transport universitetiga umumiy qiymati $1,8 millionga teng ta’lim granti ajratdi. Bu haqda Transport vazirligi xabar berdi.

Mazkur grant evaziga 10 nafar PhD, 40 nafar magistratura va 60 nafar bakalavriat talabasi Xitoyning Changan universitetida tahsil olish imkoniyatiga ega bo‘ladi.

Bundan tashqari, dasturlar 1+1 magistratura va 2+2 bakalavriat shaklida amalga oshiriladi.

Ushbu grant dasturi O‘zbekiston va Xitoy o‘rtasidagi ta’lim sohasidagi hamkorlikning muhim natijalaridan biri bo‘lib, yoshlarga xalqaro tajriba orttirish, zamonaviy bilim olish va nufuzli diplomga ega bo‘lish imkonini beradi.

Bundan oldin 2025/2026 o‘quv yilidan boshlab davlat OTMlarida bakalavriat va magistratura bosqichlariga ajratiladigan grant o‘rinlari tasdiqlangani...

Yevropa Ittifoqi kengashining 18-sanksiya paketiga muvofiq, Rossiyaning 22 banki va Rossiya to‘g‘ridan to‘g‘ri investitsiyalar jamg‘armasi (RTIJ) ustidan yangi moliyaviy cheklovlar o‘rnatildi. Bu haqda «Kommersant» nashri xabar berdi.

Ular orasida «T-Bank», «Surgutneftgazbank», «Yandeks-bank» va «Ozon-bank» ham bor.

Sanksiyalarga tushgan kredit tashkilotlarining ro‘yxati Yevropa Ittifoqining rasmiy jurnalida chop etildi. Unda quyidagilar ham ko‘rsatilgan: «Sankt-Peterburg» banki, «SentroKredit» banki, «Metkombank», «Severgazbank», «Genbank», «Bistrobank», «Energotransbank», «Tatsotsbank», «Finam», «Zenit», «Ekspobank», «Loko-bank», «DOM.RF», «Transstroybank», «MSP Bank», «Lanta-bank», «Bank 131», «RostFinans Bank».

Endi ushbu banklar bilan har qanday moliyaviy operatsiyalar, jumladan, ilgari SWIFT (Butunjahon banklararo moliyaviy telekommunikatsiya jamiyati) tizimidan uzilgan banklar bilan ham barcha bitimlar...

O‘zbekistonda shu yilning sentabr oyidan AI-80 markali benzinni ishlab chiqarishni to‘xtatish rejalashtirmoqda. Bu haqda «O‘zbekneftgaz» matbuot xizmati Kursiv Uzbekistan’ga ma’lum qildi.

Yil boshida jamoatchilik muhokamasi uchun «Oʻzbekiston – 2030» strategiyasi doirasida 2025-yilni «Atrof-muhitni asrash va «yashil» iqtisodiyot yili» sifatida belgilab, atrof-muhitni muhofaza qilishga qaratilgan davlat dasturi boʻyicha prezident farmoni loyihasi e’lon qilingandi.

Farmonga koʻra, 2025-yil oxirigacha «Yevro-4» ekologik toifasidan past boʻlgan motor yonilgʻisidan foydalanish va sotishni cheklash, shuningdek, respublikaning barcha hududlarida joylashgan issiqlik va elektr energiyasi ishlab chiqarish korxonalariga yonilgʻi sifatida mazutdan foydalanish taqiqlanishi kutilayotgani ma’lum qilingandi.

So‘ng 30-yanvar kuni qabul qilingan prezident farmoniga ko‘ra, Oʻzbekistonda 2025-yil oxirigacha Ai-80 benzini...

Rossiyaga kirishga uringan Tojikiston va O‘zbekiston fuqarolarining qurilmalarida radikal yoki ekstremistik kontent aniqlangan taqdirda mamlakatga kiritilmayapti. Bu holatlar TASS agentligi o‘rgangan 20 dan ortiq sud hujjatlarida qayd etilgan.

Hujjatlardan birida O‘zbekiston fuqarosiga Rossiyaga kirishga rad javobi berilgani keltirilgan. Sababi u radikal qarashdagi diniy blogerlar kanallarini va terroristik tashkilotlar faoliyati haqidagi videolarni ko‘rgan. Chegarachilar bunday holatlarni milliy xavfsizlikka tahdid deb baholagan.

Shuningdek, chegara nazoratidan o‘tmagan bir necha kishida Ukraina tarafdori bo‘lgan kanallarga obuna bo‘lish, Rossiya huquq-tartibot idoralari xodimlarining xatti-harakatlarini qoralangan yozishmalar aniqlangan.

Nashrga ko‘ra, bunday tekshiruvlar 2024-yil 22-mart kuni Crocus City Hallʼdagi teraktdan so‘ng kuchaytirildi. So‘nggi bir yarim yil...

Xorijiy investorlar kengashi huzurida yangi kotibiyat tashkil etiladi. Bu haqda prezident Shavkat Mirziyoyev tegishli qarorni qabul qildi.

Qarorga ko‘ra, kotibiyat nodavlat notijorat tashkiloti maqomida faoliyat yuritadi hamda investitsiya muhitini yaxshilash va xorijiy investorlarni jalb etishga qaratilgan takliflar ishlab chiqish bilan shugʻullanadi.

Mazkur kotibiyat xorijiy investorlar bilan bevosita ishlaydi, loyihalarni amalga oshirish uchun investitsiya mablagʻlarini jalb qilishda koʻmaklashadi.

Shuningdek, mahalliy va xorijiy kompaniyalar bilan maslahatlashuvlar oʻtkazadi va Kengash faoliyatini davlat idoralari bilan muvofiqlashtirib boradi. Yangi tashkilot tarkibiga xalqaro moliyaviy institutlar ham jalb qilinadi.

Shu bilan birga, prezident qarori bilan Xorijiy investorlar kengashining Oʻzbekiston tomoni tarkibi yangilandi. Ma’lumot uchun, Kengash...

O‘zbekiston birinchi prezidentining 26 yoshli nabirasi Maryam Tillayeva ikkinchi bor turmushga chiqishga tayyorlanmoqda. Uning bo‘lajak turmush o‘rtog‘i o‘zidan uch yosh kichik.

Tillayevaning aytishicha, ular ilk bor Fransiya Alp tog‘larida joylashgan Kurshevel tog‘ chang‘i kurortida uchrashgan. Shuningdek, u Instagram obunachilarini sevgiga ishonish va o‘zlariga sodiq qolishga chaqirdi.

«O‘zbekistonda o‘tkazgan uch kun ichida sen barcha do‘stlarimni, butun oilamni va meni so‘zsiz o‘zingga bog‘lab qo‘yding», – deb yozdi u Instagram sahifasida.

Ayrim manbalarga ko‘ra, Tillayevaning bo‘lajak turmush o‘rtog‘i Arnold Kazaryan ismli Rossiya fuqarosi. Uning birinchi turmush o‘rtog‘i esa «Dnevnik Xacha» blogining asoschisi Amiran Sardarov bo‘lgan.