Yangiliklar

O‘zbekistonda joriy yilda 622 milliard so‘mlik energiya resurslari noqonuniy ishlatilgani aniqlandi. Bu haqda «O‘zenergoinspeksiya» xabar berdi.

Unga ko‘ra, joriy yilning shu davrigacha o‘tkazilgan nazorat tadbirlarida 1 394 ta iste’molchi tomonidan tabiiy gaz va elektr energiyasidan noqonuniy foydalanish holatlari aniqlangan.

Ushbu holatlarda 118,8 mln metr kub tabiiy gaz va 197,1 mln kilovatt-soat elektr energiyasi noqonuniy ishlatilgan. Natijada davlat manfaatlariga jami 622,4 mlrd so‘m zarar yetkazilgan.

Shuningdek, 2023 – 2025-yillarda avtomobillarga gaz to‘ldirish kompressor shoxobchalaridagi nazorat tadbirlarida hajmi 457,8 mln metr kub (755,2 mlrd so‘m) tabiiy gazdan noqonuniy foydalanish holatlari aniqlangan. Hisoblarga ko‘ra, bu miqdor 91,4 ming xonadonning yillik iste’moliga teng.

Samsung kompaniyasi Galaxy F36 5G smartfonining 19-iyulda taqdim etilishini rasman tasdiqladi. Bu haqda Gizmochina nashri xabar bermoqda.

Qurilma orqa paneli veganka teridan yasalgan bo‘ladi, qalinligi esa atigi 7,7 mm. Smartfonda 50 MP asosiy kamera optik stabilizatsiya bilan, 8 MP ultra keng burchakli kamera va 2 MP makro sensor bo‘ladi. Old va orqa kameralar 10-bit HDR formatda video yozishni qo‘llab-quvvatlaydi.

Uskuna Exynos 1380 protsessorida ishlaydi, 6 GB operativ xotiraga ega bo‘ladi. Qurilmada Android 15 o‘rnatilgan. Samsung ushbu modelga 6 yilgacha xavfsizlik yangilanishlari va 6 marta Android yangilanishlarini va’da qilgan.

Displey 6,7 dyuymli FHD+ Super AMOLED bo‘lib, 120 Hz yangilanish tezligiga...

Madridning «Real» klubi 2024/25-yilgi mavsumda futbol tarixidagi eng yuqori daromadni qayd etdi. Bu haqda Marca nashri xabar berdi.

Klub rasmiy hisobotiga koʻra, futbolchilar transferidan tashqari umumiy daromad miqdori 1,185 milliard yevroga yetdi. Bu koʻrsatkich oʻtgan yilga nisbatan 10 foizga yuqori boʻlib, birinchi marta klub yillik daromadda 1 milliard yevrodan oshdi.

Hisobotda qayd etilishicha, klub mavsumni 24 million yevro sof foyda bilan yakunladi. Bu oʻtgan yilga qaraganda 9 million yevroga koʻp. Shuningdek, «Real Madrid»ning EBITDA koʻrsatkichi (foizlar, soliqlar va amortizatsiyadan oldingi foyda) 242,9 million yevroga yetib, klub tarixidagi eng yuqori natijani qayd etdi.

Moliyaviy barqarorlik borasida ham «Real» yetakchiligini saqlab...

Vazirlar Mahkamasi jazoni ijro etish muassasalaridan ozod qilingan shaxslarga bir martalik nafaqa tayinlash va to‘lash tartibini belgilovchi nizomni tasdiqladi. Bu haqda O‘zA ma’lum qildi.

Unga ko‘ra, nafaqa tayinlash «E-probatsiya» axborot tizimi orqali amalga oshiriladi. Murojaatlar tuman (shahar) probatsiya bo‘limlari tomonidan ko‘rib chiqiladi va to‘lovlar mahalliy budjet mablag‘lari hisobidan tijorat banklari orqali naqd yoki karta orqali amalga oshiriladi.

2025-yil 1-sentabrgacha «E-probatsiya» tizimi «Yagona reyestr» axborot tizimi bilan integratsiyalashadi. Mazkur nafaqa O‘zbekiston fuqarolari, mamlakatda doimiy yashovchi chet elliklar hamda fuqaroligi bo‘lmagan shaxslarga beriladi.

Eslatib o‘tamiz, avvalroq ish haqi, pensiya, nafaqa va stipendiyalar 10 foizga oshishi haqida yozgan edik.

Shayxontohur tumani KHAY yo‘lining Beruniy ko‘chasi kesishmasidan Beshqayrog‘och ko‘chasi chorrahasigacha bo‘lgan qismi 18-iyul soat 12:00 dan 22-iyulgacha yopiladi. Bu haqda Тоshkent shahar transport bosh boshqarmasi xabar berdi.

Mazkur transport yo‘li yopilishi munosabati bilan quyidagi avtobus yo‘nalishlari o‘zgaradi:

Smart kompaniyasi Xitoyda yangi Smart #5 EHD nomli plug-in gibrid SUV modelini rasman taqdim etdi. Bu haqda CarNewsChina xabar bermoqda.

Ushbu model Smart #5 qatorining gibrid versiyasi bo‘lib, to‘liq elektr yurish masofasi 250 km, umumiy yurish zaxirasi esa 1600 kmni tashkil etadi.

Smart #5 avval faqat elektr versiyada sotilgan. Uning beshta komplektatsiyasi mavjud bo‘lib, narxi 239 900 dan 368 000 yuangacha ($33 mingdan $51 minggacha).

Yangi EHD versiyasi 1.5T benzin dvigateli (120 kW) va 40 kWh dan katta batareya bilan jihozlangan. Rasmiy ma’lumotlarga ko‘ra, yonilg‘i sarfi atigi 4,4 litr / 100 km.ni tashkil qiladi. Batareyani CATL kompaniyasi yetkazib beradi.

Tadbirkor va Murad Buildings kompaniyasi asoschisi Murod Nazarov daraxt kesishga joriy etilgan moratoriyni qayta ko‘rib chiqishni taklif qildi. Bu haqda 17-iyul kuni Savdo-sanoat palatasi ishtirokida bo‘lib o‘tgan yig‘ilishda ma’lum qilindi.

Tadbirkor amaldagi cheklovlarni tanqid qilar ekan, ularni noqonuniy aylanma yo‘llar bilan baribir buzilayotgani, bu esa korrupsiya xavfini kuchaytirayotganini ta’kidladi.

«Mavjud tartibda rekonstruksiya yoki qurilish ishlarini olib borish deyarli imkonsiz. Texnika joylashishi kerak bo‘lgan joylarda daraxtlar xalaqit beradi, natijada ularni ruxsatsiz kesish hollari ko‘paymoqda», – dedi Nazarov.

Uning fikricha, daraxtlarni oldindan ekish va «daraxtlar banki» tizimini joriy etish orqali bu jarayonni ochiq va qonuniy qilish...

Samsung sun’iy intellekt funksiyalarini faol targ‘ib qilmoqda, biroq Galaxy S25 foydalanuvchilarining taxminan uchdan biri ulardan foydalanmayapti. Bu haqda Sammy Fans e’lon qilgan maqolada qayd etildi.

Kompaniyaning aytishicha, Galaxy S25 flagman smartfonlari egalari orasida SI funksiyalaridan faqat 70 foizi foydalanmoqda. Qolganlari esa bu imkoniyatlarga e’tibor bermagan. Bu funksiya qurilmalarda bepul taqdim etilgan.

Ushbu funksiyalar orasida Live Translate, Note Assist, Photo Assist, Audio Eraser kabi ko‘plab imkoniyatlar bor. Ammo ayrim foydalanuvchilar yangiliklardan chetda qolmoqda. Samsung bu vaziyatga aniq sabab topmaganini tan olgan.

Eslatib o‘tamiz, Kursiv Uzbekistan Samsung kuchsizroq modelga o‘tish uchun pul to‘lashni taklif qilayotgani haqida yozgan edi.

2025-yilning birinchi yarmida Toshkent shahri bo‘ylab jamoat transporti 205,5 mln yo‘lovchiga xizmat ko‘rsatdi. Bu haqda xalq deputatlari Toshkent shahar Kengashidagi «Milliy tiklanish» partiyasi guruhi eshituvda ma’lum qildi, deya yozmoqda O‘zA.

Shuningdek, yil boshidan buyon 270 ming dona yangi ATTO kartalari tarqatilgan, 5,4 mingta infokiosklarda esa QR chiptalar (3 ming so‘mdan) sotib olish imkoniyati yaratilgan.

Eshituvda transport sohalaridagi kamchiliklar ham muhokama qilinib, ularni bartaraf etish yuzasidan takliflar berildi.

Eslatib o‘tamiz, avvalroq 2030-yilgacha O‘zbekistondagi barcha ichki yo‘llar asfaltlanishi haqida yozgan edik.

Netflix o‘zining Argentina ishlagan «El Eternauta» ilmiy-fantastik serialida bino qulash sahnasini generativ sun’iy intellekt GenAI yordamida tayyorlaganini e’lon qildi. Bu haqda Reuters axborot agentligi ma’lum qildi.

Mazkur sahna an’anaviy vizual effektlardan 10 barobar tezroq va kamroq xarajat bilan ishlab chiqilgan. Netflix’ning Eyeline Studios guruhi bilan hamkorlikda amalga oshirilgan bu loyiha kompaniya uchun GenAI asosidagi ilk yakuniy ekran mahsuloti hisoblanadi.

Netflix rahbari Ted Sarandos bu texnologiyani «filmlar va seriallarni yaxshilash uchun ulkan imkoniyat» deb baholadi. Kompaniya kelgusida AI orqali kontent izlash imkoniyatlarini ham kengaytirishni rejalashtirmoqda – masalan, tomoshabinga «80-yillardagi ruhiy triller» deb aytish kifoya bo‘ladi. Shuningdek, reklama sohasida ham AI’ning...

Xalqaro astronomlar guruhi Quyosh tizimining chekka hududida 2023 KQ14 nomli yangi obyekt – Ammonitni aniqladi. Bu haqda Space ma’lum qildi.

Bu obyektning orbitasi ilgari aniqlangan boshqa sednoidlarnikidan butunlay farq qiladi va To‘qqizinchi sayyora mavjudligi haqidagi nazariyaga qarshi dalil bo‘lishi mumkin.

Ammonitning Quyoshga eng yaqin nuqtasi 66 astronomik birlikda joylashgan bo‘lib, orbitasi 4,5 mlrd yil davomida barqaror saqlangan. Bu obyekt ilgari bo‘sh qolgan 50 – 75 a.b. oralig‘ini to‘ldirgan ilk stabillikka ega sednoid hisoblanadi.

Tadqiqotchilar bu kashfiyot To‘qqizinchi sayyoraning mavjudligini inkor qilmaydi, biroq uning ehtimoliy holati va o‘lchamlarini qayta ko‘rib chiqishni talab qiladi. Har bir yangi sednoid Quyosh tizimi shakllanishidagi...

Kobul shahrida O‘zbekiston, Afg‘oniston va Pokiston tashqi ishlar vazirlari Transafg‘on masalasidagi ilk uch tomonlama uchrashuvini o‘tkazdi. Unda O‘zbekiston tashqi ishlar vaziri Baxtiyor Saidov ham ishtirok etdi.

Uchrashuv davomida Transafg‘on temir yo‘li loyihasi bo‘yicha texnik-iqtisodiy asosni ishlab chiqish yuzasidan uch tomonlama bitim imzolandi. Ushbu loyiha Yevroosiyo mintaqasi uchun strategik ahamiyatga ega bo‘lib, Afg‘oniston iqtisodiyotining tiklanishiga, savdoning rivojlanishiga va global bozorlarga yangi yo‘l ochilishiga xizmat qiladi.

Shuningdek, tomonlar qishloq xo‘jaligi, farmatsevtika, to‘qimachilik va qurilish kabi sohalarda hamkorlikni kengaytirish, shuningdek, Termiz xalqaro savdo markazi imkoniyatlaridan faol foydalanishga kelishib oldilar.

Eslatib o‘tamiz, avvalroq O‘zbekiston va Pokiston yetakchilari Transafg‘on temir yo‘li loyihasini muhokama...

18-iyul kuni O‘zbekiston hududida havo harorati kechasi 19-30°, kunduzi esa 30-45° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumotlari viloyatlar kesimida:

2025-yilning yanvar – iyun oylarida O‘zbekistonga xorijdan kelib tushgan pul o‘tkazmalari hajmi $8,2 mlrd tashkil etdi. Bu haqda Markaziy bank ma’lum qildi.

Bu o‘tgan yilga nisbatan 27 foizga oshgan. Mablag‘larning 78 foizi Rossiyadan ($6,4 mlrd) yuborilgan. Shuningdek, Qozog‘iston, AQSh, Janubiy Koreya va boshqa mamlakatlardan ham sezilarli miqdorda pul kelib tushdi.

Ayni vaqtda rivojlangan davlatlardan kelayotgan o‘tkazmalar hajmi oshgan. Masalan, Buyuk Britaniyadan kelgan pul o‘tkazmalari ikki baravarga, Yevroittifoq davlatlaridan esa 41 foizga o‘sgan. Janubiy Koreya va AQShdan kelgan mablag‘lar ham mos ravishda 6 va 15 foizga ortgan.

O‘zbekiston fuqarolari chet elga yuborgan pul o‘tkazmalari esa $1,2 mlrdni tashkil qildi, bu...

Google tez orada yangi Pixel 10 Pro Fold smartfonini taqdim etadi. Bu haqda Android Headlines ma’lum qildi.

Unga ko‘ra, smartfon bukiluvchi qurilmalar bozorida muhim yangilik bo‘ladi. Bu model suv va changdan to‘liq himoyalangan – IP68 darajasiga ega birinchi bukiluvchi smartfon sifatida tarixga kiradi.

Yangi modelda tashqi ekran 6,4 dyuymgacha kengaytirilgan bo‘lib, yorqinligi 3 ming nitga yetadi. Bu ochiq havoda ham qulay foydalanishni ta’minlaydi. Kameralar avvalgi modeldagi kabi qoladi: 48, 10,5 va 10,8 MP linzalardan iborat. Batareya sig‘imi esa 5015 mA/soat bo‘lib, bukiluvchi telefonlar orasida yuqori natija hisoblanadi.

Taqqoslash uchun, Samsung’ning eng yangi Galaxy Z Fold7 modeli IP48 himoyasiga ega.

Buyuk Britaniya hukumati 2025-yil iyul oyida 16 va 17 yoshdagi fuqarolarga barcha saylovlarda ovoz berish huquqini berishni taklif qildi. Bu haqda Reuters axborot agentligi ma’lum qildi.

Bu islohot mamlakat demokratiyasini modernizatsiya qilish va yoshlarning siyosiy jarayonda ishtirokini oshirishga qaratilgan.

«Soliq to‘layotgan yoshlar davlat boshqaruvida ham so‘zga ega bo‘lishi kerak», – deya ta’kidladi bosh vazir Keir Starmer.

Yangi qonun parlament tasdig‘idan o‘tishi kerak, biroq bu kutilganidek oson bo‘ladi, chunki bu taklif Starmerning saylovoldi dasturida mavjud edi.

Konservatorlar bu qarorni tanqid qilib, uni yoshlar uchun chalkash va nomuvofiq deb atashdi. So‘rovlar esa ko‘plab 16-17 yoshdagilar ovoz...

Qoraqalpog‘iston Respublikasida talabalarga yakuniy imtihondan o‘tkazishni va’da qilgan universitet o‘qituvchisi qo‘lga olindi. Bu haqda Bosh prokuratura departamenti ma’lum qildi.

Bosh prokuratura huzuridagi Departamentning hududiy boshqarmasi, DXX va IIB bilan hamkorlikda o‘tkazilgan tezkor tadbirda Qoraqalpoq davlat universiteti o‘qituvchisi bir fuqarodan va yana 17 nafar talabani imtihondan o‘tkazib berish evaziga 18,3 mln so‘m olgan vaqtida ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora olish) bo‘yicha jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq Qoraqalpogʻistonda ishga joylashtirishni va’da qilgan tibbiyot xodimi ushlangan edi.

2025-yil iyun oyida Qozog‘istonda qariyb 1,7 ming dona Chevrolet Cobalt avtomobili sotildi. Model birlamchi avtomobil bozorida eng ko‘p sotilgan mashinalar ro‘yxatida birinchi o‘rinni saqlab qoldi, deya xabar berdi Qozog‘iston Avtomobilchilar Ittifoqi (QAO).

Cobalt sotuvi may oyiga nisbatan 5,7 foizga kamaygan bo‘lsa-da, u eng yaqin raqibi – 1,5 ming dona sotilgan Hyundai Tucson’dan oldinda. Kuchli uchlikni 947 dona sotuv bilan Kia Sportage yakunlab turibdi.

Iyunda Qozog‘istonda jami 19,4 ming dona yangi yengil va tijorat avtomobillari sotilgan. Yiliga nisbatan savdo hajmi 16,2 foizga oshgan. Mamlakatda eng mashhur avtomobil brendi sifatida Hyundai birinchi o‘rinni saqlab qolgan va Chevrolet’ni deyarli ikki baravar ortda...

Samsung o‘zining navbatdagi bukiluvchi smartfonlarini taqdim etar ekan, ayrim takliflari foydalanuvchilar orasida bahs-munozaralarga sabab bo‘ldi. Bu haqda Gizmochina ma’lum qildi.

2025-yil 9-iyul kuni bo‘lib o‘tgan Unpacked tadbirida Samsung arzonroq bukiluvchi model – Galaxy Z Flip7 FE’ni taqdim etdi. Kompaniya Flip6 foydalanuvchilariga eski qurilmani topshirib, yangi modelni $400 evaziga olishni taklif qilmoqda. Chegirma evaziga narx $500 gacha tushadi.

Biroq Flip7 FE texnik jihatdan Flip6’dan orqaroq: Snapdragon 8 o‘rniga kamroq quvvatli Exynos 2400 protsessori, operativ xotira esa 12 GBdan 8 GBgacha kamaygan. Ekran va dizayn deyarli o‘zgarmagan.

Yangi model uzoqroq dasturiy qo‘llovni va’da qiladi. Ammo foydalanuvchilar buni haqiqiy yangilanish emas, balki...

100 so‘mga arzonlagan dollar, saksovulfurushlar tomonidan kaltaklangan inspektorlar, O‘zbekistonda 6 oyda eng ko‘p sotilgan avtomobil, Chevrolet avtomobillariga chegirmalar, yil boshidan beri 44 trln so‘mga ko‘paygan pul massasi, 400 milliard so‘mga yaqin zarar ko‘rgan «Ipoteka-bank» – «Kursiv» nashri 17-iyun kuni qanday xabarlarni e’lon qildi.

China Eastern Airlines O‘zbekistonga ilk parvozini amalga oshirdi

16-iyul kuni soat 14:50 da China Eastern Airlines’ning birinchi reysi Toshkent xalqaro aeroportiga yetib keldi. Bu haqda O‘zbekiston Transport vazirligi xabar berdi.

Xitoyning China Eastern Airlines aviakompaniyasi Sian – Toshkent – Sian yo‘nalishi bo‘yicha muntazam yo‘lovchi qatnovlarini amalga oshira boshladi.

Mazkur yo‘nalishda parvozlar haftasiga uch marta – dushanba...

Shu yilning dastlabki olti oyida «Ipoteka-bank» 392,5 milliard so‘mlik sof zarar ko‘rdi. Bu haqda kompaniya moliyaviy hisobotlarida e’lon qildi.

O‘tgan yilning shu davrida 191,8 milliard so‘m foyda ko‘rgan bo‘lsa-da, yil yakunini 240 milliard so‘m zarar bilan yakunlagandi.

Shuningdek, foizli daromadlar 7,2 foizga oshib, 5,5 trillion so‘mga yetgan bo‘lsa, foizsiz daromadlar 38,5 foizga ko‘payib, 2,1 trillion so‘mni tashkil etdi.

Moliyaviy zararga sabab bo‘lgan omillardan biri sifatida bankning kredit portfelidagi o‘zgarishlar ko‘rsatilmoqda. 2025-yil 1-iyun holatiga kredit portfeli 35,4 trillion so‘mni tashkil etib, o‘tgan yildagiga nisbatan 1,4 foizga kamaygan.

Bank uchun bu yil zarar bilan boshlandi. Birinchi chorakda ham...

O‘zbekistonda o‘zini mayning qurilmasiga sarmoya kiritish platformasi sifatida tanitayotgan Veemine loyihasiga rasmiylar e’tibor qaratdi. Istiqbolli loyihalar milliy agentligi (ILMA) mazkur loyiha hech qanday ruxsat olmaganini, tekshiruvlar esa unda firibgarlik va qonunbuzarlik alomatlarini aniqlaganini xabar qildi.

Agentlik holat yuzasidan hujjatlarni huquqni muhofaza qiluvchi organlarga taqdim etgan. Rasmiylar fuqarolarga murojaat qilib, kriptoaktivlar bilan bog‘liq shubhali loyihalarga, xususan, «moliyaviy piramida»larga aldanmaslikni qat’iy tavsiya qilmoqda.

Avvalroq ommaviy axborot nashrlari ushbu loyiha ortidagi sxemani ochiqlagandi. Unga ko‘ra, Veemine foydalanuvchilarga mayning uskunasini ijaraga olib daromad topishni taklif qiladi. Firibgarlar, ayniqsa, Farg‘ona vodiysi va Xorazm viloyatida faol bo‘lgan.

Loyiha o‘z saytida Britaniyada ro‘yxatdan o‘tgani, 2013-yildan buyon...

Sayohatdan so‘ng aeroportda yuklarni topolmay qolganda yoki uni shikastlangan holda qabul qilganda qanday yo‘l tutish kerak? Uzbekistan Airports bir nechta tavsiyalarni berib o‘tdi.

1-qadam: Lost & Found xizmatiga murojaat qilish

Uchib kelish zalidan chiqmasdan, aynan shu hududda joylashgan yo‘qolgan yuklar bo‘yicha xizmatga borish kerak. Xodimlar dastlabki rasmiylashtirish ishlarini amalga oshiradi.

2-qadam: Ariza to‘ldiriladi va holat rasmiylashtiriladi

Sizdan parvoz raqami, bagajning ko‘rinishi, aloqa ma’lumotlari va iloji bo‘lsa, yuk suratini taqdim etish so‘raladi. Xodimlar bu ma’lumotlar asosida PIR (Property Irregularity Report) hujjatini rasmiylashtiradi.

3-qadam: So‘rov uchun identifikatsiya raqami olish

Bu raqam orqali aviakompaniyaning vebsayti yoki Lost & Found xizmati orqali yuk...

AQSh prezidenti Donald Tramp Coca-Cola kompaniyasi bilan AQShda haqiqiy shakarqamishdan foydalanish bo‘yicha kelishuvga erishganini e’lon qildi. Bu haqda Reuters xabar bermoqda.

Tramp Truth Social’da yozishicha, u Coca-Cola vakillari bilan suhbatlashgan va ular AQShda ishlab chiqariladigan ichimliklarda endi real shakarqamishdan foydalanishga rozi bo‘lgan.

Ushbu qadam Tramp ma’muriyatining «Amerikani sog‘lom qilamiz» tashabbusi doirasida amalga oshirilmoqda. Bu tashabbus Sog‘liqni saqlash vaziri Robert Kennedi bilan bog‘liq bo‘lgan ijtimoiy harakatga asoslangan.

Hozirda AQShda Coca-Cola makkajo‘xori siropi bilan shirinlantiriladi. Biroq boshqa ayrim davlatlarda kompaniya shakarqamishdan foydalanadi. Kennedi AQShda ortiqcha shakar iste’mol etilishini tanqid qilib keladi. Oq uy va Coca-Cola bu borada izoh bermagan.

Eslatib o‘tamiz...