Yangiliklar

Oʻzbekistonlik erkin kurashchi Razambek Jamalov (-74 kg) yarim finalga chiqdi. Bu haqda Milliy olimpiya qoʻmitasi xabar berdi.

Oʻzbekistonlik sportchi chorak final bahsida albaniyalik Chermen Valiyevni magʻlubiyatga uchratib, yarim final yoʻllanmasini qoʻlga kiritdi. Endi u final yoʻllanmasi uchun tojikistonlik Viktor Rassadinga qarshi kurashadi.

Shuningdek, oʻzbekistonlik gimnastikachi qizlar ham final bahslariga yoʻllanma oldi. Guruh mashqi yoʻnalishining saralash bosqichida Oʻzbekiston terma jamoasi a’zolari 64.000 ball bilan 7-oʻrinni egallashdi. Bu orqali ular ertaga boʻlib oʻtadigan final bosqichida ishtirok etish imkoniyatiga ega boʻldi.

Oʻzbekistonlik sportchilar Olimpiya oʻyinlarida suvga sakrash dasturida ham debyut qildi. 10 metrli platformadan sakrash boʻyicha ishtirok etgan Igor Myalin saralashda...

Respublikada qishloq xoʻjaligi hamda yomgʻir suvlaridan foydalanib togʻli hududlarda barqaror oʻrmon plantatsiyalarni yaratish pilot loyihasini amalga oshirish choralari koʻrilmoqda. Bu haqda Qishloq xoʻjaligi vazirligi axborot xizmati rahbari Dilshodbek Nazirov brifingda xabar berdi.

Ushbu loyiha doirasida har bir hududda qishloq xo‘jaligida sugʻorish va oziqlantirish jarayoni to‘liq avtomatlashtirilgan namunaviy uchastkalar tashkil etiladi. Bu yerlarda dala maktablari tashkil qilgan holda ularda fermer va dehqon xoʻjaliklarini bilim va koʻnikmalari oshirilib boradi.

Yomgʻir suvlaridan samarali foydalanib oʻrmon plantatsiyalarni tashkil qilish orqali ekotizimlarni iqlim oʻzgarishiga chidamliligini oshirish, biologik xilmaxillikni yaxshilash va ekotizim xizmatlarini koʻrsatishga mahalliy aholini jalb qilishga tajribalar olib borilmoqda.

Hozirgi kunda Yevropa davlatlarida yomgʻir suvini...

Shavkat Mirziyoyev 9-avgust kuni Yaponiya Bosh vaziri Fumio Kishida bilan telefon orqali suhbatlashdi. Bu haqda prezident matbuot xizmati xabar qildi.

Unga ko‘ra, davlat rahbari Yaponiyaning janubi-sharqida kuchli zilzila roʻy bergani va sunami kutilayotganidan o‘z xavotirini bildirdi.

Shuningdek, Oʻzbekiston Yaponiya tomonining «Markaziy Osiyo + Yaponiya» birinchi sammitini oʻtkazish masalalari muhokama qilindi. Qolaversa, prezident Yaponiya bosh vazirining shu yil 10-11-avgustidagi O‘zbekistonga rasmiy tashrifi muddatlarini koʻchirish toʻgʻrisidagi qarorini ma’qulladi va yangi muddatni kelishishga ahd qilindi.

Eslatib o‘tamiz, Fumio Kisida O‘zbekistonga safarini bekor qilgani haqida batafsil «Kursiv»da o‘qishingiz mumkin.

O‘zbekiston prezidenti Shavkat Mirziyoyev Markaziy Osiyo davlatlari rahbarlarini milliy ID-kartalarni o‘zaro tan olishga taklif qildi. U bu tashabbusni 9-avgust kuni Ostona shahrida Qozog‘iston rahbari Qosim-Jomart Toqayev raisligida bo‘lib o‘tgan Markaziy Osiyo davlatlari rahbarlarining oltinchi maslahat uchrashuvida bildirdi. Bu haqda O‘zR rahbari matbuot xizmati xabar beradi.

«Ochiq va samarali muloqotlarimiz, ilgari surilgan muhim tashabbuslar, ishga tushirilgan ko‘p tomonlama loyihalar va dasturlar, amalga oshirilgan ko‘plab qo‘shma tadbirlar va shu kabi boshqa harakatlarimiz mintaqa qiyofasini va imijini tubdan o‘zgartirdi», dedi Mirziyoyev.

Maslahatlashuv uchrashuvida Qirg‘iziston, Tojikiston, Turkmaniston rahbarlari, shuningdek, Ozarbayjon prezidenti hamda BMTning Preventiv diplomatiya bo‘yicha mintaqaviy markazi rahbari ham ishtirok etdi.

O‘zbekiston...

9-avgust kuni O‘zbekiston Respublika valyuta birjasida dollarning o‘rtacha tortilgan qiymati 8,98 so‘mga pasaydi va 12 651,98 so‘mni tashkil qildi.

Mamlakat moliya institutlari AQSh valyutasini 12 590 – 12 650 so‘mdan xarid qilishmoqda va 12 670 – 12 715 so‘mdan sotilmoqda.

Eslatib o‘tamiz, dollar yetti kunlik ko‘tarilishdan so‘ng bugun pasaydi. 8-avgust kuni AQSh valyutasi 11,97 so‘mga qimmatlashgan edi. 

Qozog‘istonda bo‘lib o‘tayotgan Markaziy Osiyo davlatlari rahbarlarining navbatdagi maslahat uchrashuvida O‘zbekiston prezidenti Shavkat Mirziyoyev mintaqaviy konsepsiya ishlab chiqish lozimligini aytdi. Bu haqda batafsil prezident matbuot xizmatida ma’lum qilindi.

Unga ko‘ra, Markaziy Osiyo mintaqasida xavfsizlik va barqarorlikni ta’minlashga qaratilgan strategik hujjat ishlab chiqish lozimligi ta’kidlandi. Ayniqsa, hozirgi Ukraina va Yaqin Sharqdagi notinchlik pallasida bu ayni birinchi navbatdagi muhim masala sifatida baholandi. Qolaversa, u voqealarning mintaqadagi an’anaviy savdo va transport zanjirlariga salbiy ta’sir ko‘rsatgani, rivojlanishga to‘siq bo‘layotgani qayd etildi.

Shuni ta’kidlab o‘tmoqchimanki, Markaziy Osiyoning buguni va kelajagi, mamlakatlarimiz va xalqlarimiz farovonligi ko‘p jihatdan umumiy...

Oʻzbekistonda 2024-yilning iyul oyida avtomobil bozori 17,4 foizga oʻsib, qariyb 102 ming dona avtomobil sotildi. Bu haqda Iqtisodiy tadqiqotlar va islohotlar markazi (ITIM) hisobotida maʼlum qilindi.

Qayd etilishicha, ortda qolgan oyda yengil avtomobillar savdosi 18,6 foizga oshib, 92 ming donani tashkil etdi. Yil davomida esa bu koʻrsatkich 30 foizdan koʻproqqa qisqargan. Viloyatlar kesimida eng katta koʻrsatkich Namangan, Qashqadaryo va Andijon viloyatlarida kuzatildi.

Shuningdek, birlamchi yengil avtomobillar bozorida sotuvlar oʻtgan oyga qaraganda 17 foizga ortdi. Yillik hisobda boʻlsa, bu 12 foizga pasaygan. Ikkilamchi bozorida esa oʻtgan oyga nisbatan 19,6 foizga oshdi. Hisobot davrida ushbu segmentda 61,5 mingga yaqin avtomobil sotildi. Umuman...

«Hududiy elektr tarmoqlari» AJ tomonidan yangi «Het Billing» tizimida texnik ishlar olib borilayotgani sababli ba’zi iste’molchilar hisob-kitobda xatoliklarga duch kelmoqda. Bu haqda O‘zbekiston Respublikasi Energetika vazirligi xabar beradi.  

Tizimda ayrim iste’molchilar haqdor bo‘lsa-da, biroq qarzdor sifatida ko‘rinmoqda.

Energetika vazirligi xabariga ko‘ra hozircha hech qanday iste’molchi tarmoqdan ajratilmaydi. Texnik ishlar tugagach, ushbu muammo bartaraf etiladi.

Keyinroq yuzaga kelgan holat bo‘yicha qo‘shimcha ma’lumotlar taqdim etiladi.

Avvalroq «Kursiv» elektr energiyasi to‘lovlarida uzilishlar bo‘lishi mumkinligi haqida xabar bergan edi.

Turkmanistonda bolalar va o‘smirlar endi paxta tera olmaydi. Bu haqdagi buyruq mamlakat mehnat va aholini ijtimoiy muhofaza qilish vaziri tomonidan imzolangan, deya xabar beradi Turkmenportal internet platformasi.

Mamlakat hukumati 18 yoshgacha bo‘lgan shaxslarga taqiqlangan kasblar ro‘yxatiga ikkita yangi band qo‘shdi. Bular «Paxtakor» va «Paxta teruvchi». Ro‘yxat 2018-yilda paydo bo‘lgan.

Avvalroq «Kursiv» O‘zbekiston prezidenti Shavkat Mirziyoyevning so‘zlariga ko‘ra, mamlakat «paxta qulligi»dan butunlay qutulganini e’lon qilgan edi.

Joriy yilning iyul oyida poytaxtda oʻrtacha ta’mirlangan xonadonlar uchun ijara narxlari pasayishda davom etgan boʻlsa, toʻliq ta’mirlangan xonadonlar uchun ijara narxlari ozgina koʻtarildi. Bu haqda Makroiqtisodiy va hududiy tadqiqotlar instituti (MHTI) ma’lum qildi.

Ma’lum qilinishicha, iyul oyida Toshkentda oʻrtacha ta’mirlangan uylar uchun ijara narxlari iyun oydagiga nisbatda oʻrtacha hisobda 0,7 foizga arzonlashdi. Toʻliq ta’mirlangan xonadonlar uchun esa oʻrtacha hisobda 0,3 foizga oshganini koʻrish mumkin.

Oʻrtacha ta’mirlangan uy-joy ijarasi

Joriy yilning iyul oyida oʻrtacha ta’mirlangan 1 xonali uylar uchun ijara narxlari iyun oyidagiga nisbatan (0,2 foiz) oshgan boʻlsa, 2–4 xonali uylarning ijara narxlari pasaydi. Xususan, oʻrtacha ta’mirlangan 2 xonali uylar...

Yaponiya bosh vaziri Fumio Kisida Tinch okeanida kuchli zilzila xavfi sababli to‘rt kunlik Qozog‘iston, O‘zbekiston va Mo‘g‘ulistonga rejalashtirilgan safarini bekor qildi. Bu haqda Kyudo agentligi xabar beradi.

Kisida safarning bekor qilinishini Nagasakidagi atom bombasining 79 yilligiga bag‘ishlangan tinchlik marosimi matbuot anjumanida ma’lum qildi.

Bosh vazir tomonidan qabul qilingan ushbu qarorga mamlakat metrologiya agentligining kuchli zilzila haqidagi xabari sabab bo‘ldi.

Payshanba kuni Yaponiyaning janubi-g‘arbiy qismida 7,1 magnitudali zilzila sodir bo‘ldi va Miyazaki, shuningdek, qo‘shni prefekturalardagi yirik binolarga ham zarar yetkazdi.

Eslatib o‘tamiz, Fumio Kisida Ostonada bo‘lib o‘tadigan Yaponiyaning Markaziy Osiyo davlatlari ishtirokidagi ilk sammitida qatnashishi rejalashtirilgan edi.

Avvalroq...

«Parij – 2024» yozgi Olimpiya o‘yinlarida medallar jamg‘arish bo‘yicha jadvalda o‘zgarish bo‘ldi. Bu haqda Xalqaro olimpiya qo‘mitasi xabar bermoqda.

9-avgust kuni Toshkent vaqti bilan soat 11:35 holatiga ko‘ra, AQSh turnir peshqadami, Xitoy ikkinchi o‘rinda, Avstraliya va Fransiya uchinchi hamda to‘rtinchi o‘rinlarni band qilib turibdi.

Mamlakat sportchilari Ulug‘bek Rashitov (taekvondo), Hasanboy Do‘smatov (boks) O‘zbekistonning medallar jamlanmasiga ikkita oltin medalni qo‘shdi. Shu tariqa O‘zbekiston jadvalda Qozog‘istonni ortda qoldirib, Markaziy Osiyo bo‘yicha yetakchilikni qo‘lga oldi.

Avvalroq «Kursiv» Hasanboy Do‘smatov Olimpiadadagi g‘alabasi haqida fikr bildirgani haqida xabar beran edi.

Shu yilning 7-avgustda Naibobod temir yo‘l stansiyasi qayta ochilishiga bag‘ishlangan ochilish marosimi o‘tkazildi. Bu haqda O‘zbekiston temir yo‘llari media markazi xabar qildi.

Unga ko‘ra, qayta tiklanish «O‘zbekiston temir yo‘llari» AJ va Afg‘oniston temir yo‘l boshqarmasi hamkorligida tuzilgan bitimga muvofiq yo‘lga qo‘yildi. Unda O‘zbekistondan maxsus vakil Ismatulla Irgashev va «O‘zbekiston temir yo‘llari» AJ raisining birinchi o‘rinbosari Xikmatulla Rahmetov ishtirok etdi.

Afg‘oniston delegatsiyasida Bosh vazir o‘rinbosari Mulla Abdul G‘ani, Balx viloyati gubernatori Muhammad Yusef Vafo, jamoat ishlari vaziri Al-Haj Muhammad Iso «Soniy», jamoat ishlari vazirining temir yo‘llar bo‘yicha o‘rinbosari Alhaj Baxtulrahmon Sharafat va boshqa rasmiylar ishtirok etdi.

Afg‘oniston 75 km...

Hasanboy Do‘smatov Olimpiadadagi g‘alabasi haqida fikr bildirdi, deya xabar beradi Milliy olimpiya qo‘mitasi.

Uning ikki karra Olimpiada chempioni bo‘lishida ko‘maklashgan barcha o‘zbek xalqiga, prezidentga, murabbiylariga minnatdorchilik bildirgan.

«Hammasiga rahmat aytaman, Allohga shukur, men nima sababdan boksdan ketmadim? Sababi men ikki karra Olimpiada chempioni bo‘lish uchun boksda edim va men buni uddaladim. Barchaga rahmat», deb qo‘shimcha qildi Hasanboy.

Eslatib o‘tamiz, Hasanboy Do‘smatov 2016-yil Rioda o‘tkazilgan olimpiada o‘yinlarida ham oltin medalni qo‘lga kiritgan edi.

Avvalroq «Kursiv» Hasanboy Do‘smatov Olimpiada oltin medalini qo‘lga kiritgani haqida xabar bergan edi.

«Toshshahartransxizmat»ning 1062 ishonch raqamiga yo‘lovchilardan tushgan shikoyatlarga binoan avtobuslar harakatlanishi ustida nazorat kuchaytirildi. Bu haqda regulyator o‘z matbuot xizmati orqali xabar berdi.

Unga ko‘ra, «Toshshahartransxizmat» AJga avtobuslarning metropoliten stansiyalariga yaqin avtobus oraliq bekatlarida ko‘p vaqt kutib qolishlari haqida murojaatlar kelib tushgan. Shunga binoan, Harakat xavfsizligini nazorat qilish boshqarmasi xodimlari muammoli bekatlar ro‘yxatini shakllantirdi.

Shuningdek, bunday muammoni bartaraf etish maqsadida boshqarma xodimlari bir qator nazorat tadbirlari doirasida haydovchilarga tushuntirish ishlari amalga oshirildi.

Eslatib o‘tamiz, avvalroq Toshkentda 1700 ta avtobus smartlashtirilishi haqida yozgan edik.

Qozog‘iston poytaxti Ostona shahrida shoir va davlat arbobi Alisher Navoiy haykali ochildi, deb xabar berdi O‘zbekiston prezidenti Shavkat Mirziyoyev matbuot xizmati.

Bir kun avval davlat rahbari Qozog‘iston prezidenti Qosim-Jomart Toqayev bilan birgalikda haykalni ochdi.

«Ishonchim komilki, Alisher Navoiy haykali ikki xalq o‘rtasidagi do‘stlik va qardoshlik rishtalarining yana bir yorqin ramziga aylanadi, uning merosi esa yana ko‘plab avlodlarni buyuk yutuqlarga ilhomlantiradi» dedi so‘zining yakunida O‘zbekiston prezidenti.

Xabarda, shuningdek, Toshkentda qozoq adabiyoti klassikasi Abay Qo‘nonboyev haykali o‘rnatilgani qayd etilgan.

Eslatib o‘tamiz, bir kun avval Mirziyoyev va Toqayev 10 yillik strategik sheriklik haqidagi qarorni imzolagan.

Joriy yilning dastlabki 6 oyida O‘zbekistonga to‘qqiz mingdan ziyod Buyuk Britaniya aholisi turistik maqsadlarda kirib kelgan. Bu haqda Statistika agentligi xabar beradi.

Ushbu ko‘rsatkichlar o‘tgan yilning ushbu davrida 6,7 ming nafarni tashkil etgan. 2024-yilda Britaniyalik sayyohlar soni 2023-yilga mos davriga nisbatan 2,3 ming nafarga, ya’ni 34,5 foziga ko‘proq.  

Buyuk Britaniya fuqarolarining 7,4 ming nafari dam olish, 862 nafari qarindoshlarini ko‘rish, 679 nafari xizmat maqsadida, 32 nafari tijorat, 31 nafari o‘qish va ikki nafari davolanish uchun kelgan.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni ortganligi haqida xabar bergan edi.

2024-yil 8-avgust kuni Gruziyaning Georgian Airlines aviakompaniyasi Xaykou – Navoiy – Tbilisi yo‘nalishi bo‘yicha birinchi charter yuk reysini amalga oshirdi. Bu haqda Uzbekistan Airports xabar berdi.

Gruziya samolyoti mahalliy vaqt bilan soat 16:43 da Navoiyga qo‘ndi. An’anaga ko‘ra yuk tashuvchi samolyot suv arkasi bilan tantanali ravishda kutib olindi.

Xitoydan Gruziyaga uchuvchi reyslar haftasiga ikki marta Navoiyda texnik toʻxtash bilan amalga oshirilishi rejalashtirilgan. Parvozlar Boeing 767-300 yuk tashuvchi samolyotlari orqali amalga oshiriladi.

Georgian Airlines Gruziyaning xususiy aviatashuvchisi boʻlib, shtab-kvartirasi Tbilisida joylashgan yirik aviakompaniyadir.

Eslatib o‘tamiz, sal avvalroq Fransiya aviakompaniyasi Navoiyga parvozlarni yo‘lga qo‘ygan edi.

Noyabrdan boshlab Rossiyada kriptovalyutani mayning qonuniylashtiriladi. Tegishli qonunni mamlakat prezidenti Vladimir Putin imzoladi.

Hujjat Rossiya hukumatiga jismoniy va yuridik shaxslar tomonidan kriptovalyuta mayningi uchun talablarni belgilash huquqini beradi. Vazirlar Mahkamasi ushbu faoliyatni ayrim hududlarda taqiqlashi mumkin.

Rossiyada mayning faoliyatini amalga oshiruvchi yakka tartibdagi tadbirkorlar va kompaniyalar reyestri yaratiladi. Unga fuqarolar kiritilmaydi.

Rossiyaliklarga mayning jarayonida valyutadan mamlakat ichidagi to‘lovlar uchun foydalanishga ruxsat beriladi.

Qonun bir qator cheklovlarni kiritadi. Shunday qilib, raqamli valyutalarni reklama qilish va sotish taqiqlanadi.

Avvalroq «Kursiv» O‘zbekistonda 20-apreldan respublika jinoiy va ma’muriy qonunchiligiga kripto-aktivlarni noqonuniy sotib olish yoki sotish, shuningdek, mayning uchun javobgarlik to‘g‘risidagi o‘zgartirishlar kuchga kirgani...

Amerikalik qo‘shiqchi Teylor Svift terakt xavfi tufayli Avstriya poytaxti Vena shahridagi konsertini bekor qildi, deb xabar berdi Die Zeit nashri.

Konsert Ernst Happel stadionida uch kun davomida (10-avgustgacha) bo‘lib o‘tishi kerak edi.

Avstriya huquq-tartibot idoralari chorshanba kuni terrorizmda gumon qilingan ikki kishini hibsga oldi. Ular «Islom davlati» askarlari edi. Politsiya ma’lumotlariga ko‘ra, 17 va 19 yoshli yigitlar Svift kontsertida pichoq, machetelar, portlovchi moddalar va mashina yordamida terakt uyushtirishni rejalashtirgan.

Xonandaning Venadagi har bir konsertiga kamida 65 ming kishi tashrif buyurishi mumkin edi.

Avvalroq «Kursiv» bu yil Svift Grammy musiqa mukofotlari soni bo‘yicha rekordchi bo‘lganini e’lon qilgan edi.

Yana bir o‘zbekistonlik bokschi Abdumalik Xalokov PariJ-2024 Olimpiada finaliga chiqdi, deb xabar berdi respublika Milliy Olimpiya qo‘mitasi (MOQ).

Yarim finalda Xalokov avstraliyalik Charli Seniorni mag’lub etdi. Bokschilar -57 kg bo‘lgan vazn toifasida bahs olib borishdi.

Final uchrashuvi 10-avgust, shanba kuni bo‘lib o‘tadi.

Avvalroq «Kursiv» o‘zbekistonlik bokschi Hasanboy Do‘smatovning Parij-2024 Olimpiadadagi g‘alabasi haqida e’lon qilgan edi.

O‘zbekistonlik bokschi Hasanboy Do‘smatov 9-avgust, jumaga o‘tar kechasi fransiyalik Bilal Bennama ustidan g‘alaba qozonib, Olimpiada chempioni bo‘ldi, deb xabar berdi Milliy olimpiya qo‘mitasi (MOQ).

Do‘smatov ushbu Olimpiya o‘yinlarida -51 kg vazn toifasida O‘zbekiston terma jamoasiga uchinchi oltin medalni taqdim etdi.

Shu tariqa sportchi O‘zbekiston tarixida ilk bor ikki karra Olimpiya oltin medali sohibiga aylandi. Bokschi ilk sovrinini «Rio – 2016» bo‘lib o‘tgan Olimpiadada qo‘lga kiritgan edi.

Medallar reytingida O‘zbekiston jamoasi juma kuni ertalab beshta medal (uchta oltin va ikkita bronza) bilan 18-o‘rinni egallab turibdi.

Avvalroq «Kursiv» o‘zbekistonlik taekvondochi Ulug‘bek Rashitov «Parij – 2024» oltin medali haqida e’lon qilgan edi.

O‘zbekistonlik taekvondochi Ulug‘bek Rashitov  «Parij – 2024» Olimpiya o‘yinlarida oltin medalni qo‘lga kiritdi, deb xabar berdi O‘zR Milliy olimpiya qo‘mitasi.

-68 kg vazn toifasidagi final bahsida Rashitov iordaniyalik Zaid Karimni 2:0 hisobida mag‘lub etdi.

Bu Rashitov uchun ikkinchi Olimpiada oltinidir. U birinchi oliy mukofotini «Tokio – 2020» yozgi Olimpiya o‘yinlarida olgan edi.

Avvalroq «Kursiv» Rashitov Parij Olimpiadasi finaliga chiqqani haqida e’lon qilgan edi.

Bugun, 9-avgust kuni respublikaning Qoraqalpog‘iston Respublikasi va Xorazm viloyatidan tashqari har bir viloyatda havo harorati +40-darajadan yuqori bo‘ladi. Janubiy hududlarda chang-to‘zonlar yuzaga keladi. Bu haqda «Gidrometeorologiya» xizmati agentligi xabar beradi.

Poytaxtda havo bulutli bo‘lishi mumkin. Yog‘ingarchilik kuzatilmaydi. Kunduzi havo harorati 41-daraja issiq, kechasi esa 26-darajagacha issiq bo‘ladi.

Tog‘li hududlarda quruq va issiq havo bo‘ladi. Kunduzi havo harorati 32 darajagacha ko‘tariladi, kechga kelib 22 darajagacha pasayadi.