Yangiliklar

Endi Qozog‘istonda qiz olib qochganlar jinoiy javobgarlikka tortiladi. Qozog‘iston prezidenti Qosim-Jomart Toqayev shu mazmundagi qonunga imzo chekdi. Bu haqda prezident matbuot xizmati xabar berdi.

Imzolangan qonunga ko‘ra, quyidagi bir qator kodekslarga o‘zgartirishlar kiritildi:

Aqorda ma’lumotiga ko‘ra, tuzatishlarning birinchi qismi jinoyat qonunchiligining barqarorligini ta’minlashga qaratilgan. Ikkinchi qism jinoyat qonunchiligini takomillashtirish va ayrim ijtimoiy xavfli harakatlar uchun javobgarlikni kuchaytirishni ko‘zlaydi. Uchinchi qism fuqarolarning huquqlarini himoya qilishni kuchaytirishga va jarayonni optimallashtirishga, to‘rtinchi qism esa jinoyat-ijro...

O‘zbekiston bozorida 2025-yil holatiga ko‘ra benzinli avtomobillar orasida foydalanish xarajatlari nihoyatda muhim masala bo‘lib qolmoqda. Kursiv Uzbekistan nashrining ushbu maqolasida aynan shahar va yo‘l rejimidagi yonilg‘i sarfi, texnik xizmat ko‘rsatish xarajatlari hamda ehtiyot qismlarning narxi va mavjudligi jihatidan past xarajatli avtomobillar tahlil qilinadi.

Keltirilgan mashinalar kichik yoki o‘rta o‘lchamli bo‘lib, ularning yonilg‘i sarfi past va konstruktsiyasi oddiyligi tufayli foydalanish xarajatlari ham nisbatan kam.

Chevrolet Spark

Bu shahar ichida harakatlanishga mo‘ljallangan ixcham hachbek. U 1.2 litrli benzin dvigatelga ega bo‘lib, yonilg‘i sarfi juda tejamkor. Spark shahar sharoitida taxminan 6–7 l/100 km, trassada esa 5–6 l/100 km benzin ishlatadi.

Hindistonda dunyoning eng keksa marafon yuguruvchisi Fauja Singh 114 yoshida yo‘l-transport hodisasi oqibatida vafot etdi. Bu haqda CNN xabar berdi.

Unga ko‘ra, 1911-yilda tug‘ilgan Singh Panjob shtatidagi Beas qishlog‘i yaqinida piyoda yurgan vaqtda noma’lum avtomobil urib ketgan. Og‘ir jarohat olgan sportchi Jalandhar tumanidagi Shrimann shifoxonasida hayotdan ko‘z yumgan. Hodisada ayblanayotgan 26 yoshli shaxs kuzatuv kamerasi orqali aniqlanib, hibsga olingan.

Ma’lumot uchun, Fauja Singh o‘zining sport faoliyatini 89 yoshida boshlagan bo‘lib, keyingi yillarda to‘qqizta marafonni muvaffaqiyatli o‘tkazgan. 2011-yilda Toronto shahrida 100 yoshda marafonni yakunlab, tarixga kirgan.

U Ginnes rekordlar kitobiga kirmagan bo‘lsa-da, sport olamida «Salla o‘ramli to‘fon» (Turbaned Tornado...

Shanxay hamkorlik tashkilotining (ShHT) navbatdagi sammiti 31-avgustdan 1-sentabrgacha Xitoyning Tyanszin shahrida bo‘lib o‘tadi. Bu haqda Xitoy Tashqi ishlar vaziri Van I ma’lum qildi.

Van I ShHT bosh kotibi Nurlan Ermekbayev bilan Tyanszinda o‘tkazilgan qo‘shma matbuot anjumanida sammit tafsilotlarini e’lon qildi.

Ushbu yig‘ilishda ShHT bosh kotibi, ShHTning Mintaqaviy aksilterror tuzilmasi Ijroiya qo‘mitasi direktori va barcha tashqi ishlar vazirlari, jumladan, O‘zbekiston tashqi ishlar vaziri Baxtiyor Saidov ham ishtirok etdi.

Van I Xitoyning ShHTga navbatdagi rais sifatidagi faoliyatini qo‘llab-quvvatlagani uchun a’zo davlatlarga minnatdorchilik bildirdi va tashkilot birgalikdagi sa’y-harakatlar natijasida yuqori sifatli rivojlanishning yangi bosqichiga o‘tishiga ishonch bildirdi.

Yig‘ilish ishtirokchilari Xitoyning ShHT raisligi...

Bugun, 16-iyul kuni dollar kursi 19,76 so‘mga pastlab, 12 758,36 so‘mni qayd etdi. Bu haqda Markaziy bank xabar bermoqda.

Dollar kursining so‘nggi uch kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni vaziyat o‘zgarib, dollar kursi 49,17 so‘mga ko‘tarilib...

Ijtimoiy tarmoqlarda Chorvoqdagi quriladigan Sea Breeze loyihasi ko‘plab muhokamalarga sabab bo‘lmoqda. Bugun ushbu loyiha hali tasdiqlanmagan bo‘lsa-da, yer ajratish ishlari boshlangani va loyiha ofislari tashkil etilganligi bo‘yicha xabarlar tarqaldi. «Kursiv» nashri Ekologiya vazirligiga bu masala yuzasidan murojaat qildi.

«Ushbu Sea Breeze savdo ofisi Ozarbayjondagi asosiy loyihada ko‘chmas mulk sotadi. Bizning savdo ofislarimiz Rossiya, Ozarbayjon, Isroil, shuningdek, Turkiya va boshqa MDH mamlakatlarida ochilgan. Agar biz kelishuvning barcha bosqichlaridan o‘tsak va loyiha Chorvoqda qabul qilinsa, unda albatta bu yo‘nalishda ham sotuv ishlari bo‘yicha ishlar boshlaymiz», – deya See Breeze kompaniyasi matbuot kotibi Ekologiya vazirligiga munosabat bildirgan.

Shuningdek...

Saudiya Arabistoni 2025-yilning birinchi choragida turizm sohasida rekord darajadagi moliyaviy natijalarga erishdi. Rasmiy ma’lumotlarga ko‘ra, xorijiy sayyohlar sarf-xarajatlari $13,2 milliardni tashkil etib, o‘tgan yilning shu davriga nisbatan qariyb 10 foizga oshgan.

Shuningdek, Qirollikda xalqaro turistlar soni 2019-yilga nisbatan 102 foizga ko‘paydi. Bu o‘sish global o‘rtacha ko‘rsatkich (3%) va hatto Yaqin Sharq mintaqasi bo‘yicha o‘sish (44%)dan sezilarli darajada yuqori.

Bunday barqaror o‘sish Saudiya Arabistonining 2030-yilgacha yiliga 150 million turist qabul qilish maqsadiga erishish yo‘lidagi muhim bosqichlardan biri bo‘lib, mamlakatni jahonning yetakchi turistik yo‘nalishlaridan biriga aylantirishga xizmat qilmoqda.

Avvalroq Kursiv Uzbekistan Shvetsiyalik mashhur bloger velosipedda O‘zbekistonga kelgani haqida xabar bergan...

Qoraqalpog‘istonning Xo‘jayli tumani hokimi qarori bilan tumandagi barcha davlat maktabgacha ta’lim muassasalari faoliyati vaqtincha to‘xtatildi. Bu haqda tuman hokimligi matbuot xizmati xabar berdi.

Xabarga ko‘ra, bog‘chalar yopilishiga 16 – 18-iyul kunlari ob-havo harorati +40 darajadan yuqori bo‘lishi sabab bo‘lgan.

Shuningdek, Taxiatosh tumani hokimi ham qaror chiqardi. Unga ko‘ra, bog‘chalar ichidagi harorat 35 darajadan oshib ketgani sababli barcha maktabgacha ta’lim tashkilotlari faoliyati vaqtincha to‘xtatiladi. Bu bolalar salomatligiga issiqning salbiy ta’sirini oldini olish maqsadida qilinmoqda.

Bundan oldin «O‘zgidromet» joriy yilning 17 – 19-iyul kunlari O‘zbekiston hududiga janubdan juda issiq havo oqimlari kirib kelishi kutilayotgani haqida ogohlantirgandi.

17-iyulda respublika...

Malayziya futbol federatsiyasi (MFA) 2025-yilda bo‘lib o‘tadigan CAFA Nations Cup musobaqasida ishtirok etmasligini e’lon qildi. Bu haqda Sportstar nashri xabar bermoqda. Ularning bayonotiga ko‘ra, bunga logistik muammolar va futbolchilarning kela olmasligi sabab bo‘lgan.

Turnir 29-avgustdan 8-sentyabrgacha Tojikiston va O‘zbekiston mezbonligida o‘tkaziladi. Bu sana FIFA xalqaro kalendaridan boshqa kunlarga to‘g‘ri keladi. Shuning uchun klublar futbolchilarni terma jamoalarga yuborishga majbur emas.

«Biz Ispaniya, Argentina, Kolumbiya va Yaponiyada o‘ynayotgan futbolchilarimizni o‘z vaqtida olib kelolmaymiz. Bu esa jiddiy muammo», — dedi bosh murabbiy Piter Sklamovski.

Uning so‘zlariga ko‘ra, yo‘l xarajatlari va tayyorgarlik muammolari ham qarorga ta’sir qilgan.

Prezident «Davlat boshqaruvi tizimida samaradorlik, proaktivlik va natijadorlikni oshirish chora-tadbirlari to‘g‘risida»gi farmonni imzoladi.

Farmonga ko‘ra, tugatilgan Axborot va ommaviy kommunikatsiyalar agentligining (AOKA) axborot sohasidagi nazorat va monitoring vazifalari «O‘zkomnazorat» inspeksiyasiga o‘tkazildi.

Bundan tashqari, farmon bilan:

Shuningdek, 2025-yil 1-sentabrgacha byurokratik to‘siqlarni...

Li Auto kompaniyasining yangi Li i6 elektromobili 2025-yil sentabr oyida Xitoy bozorida sotuvga chiqadi. Bu haqda CarNewsChina xabar bermoqda.

Ushbu avtomobil brendning eng arzon modeli bo‘ladi. Uning boshlang‘ich narxi $27,9 mingdan boshlanadi.

Yangi Li i6 krossoveri 800 V yuqori voltli arxitektura asosida ishlab chiqilgan. U 87,3 kVt-soat sig‘imli LFP akkumulyator bilan jihozlangan. 5C tez zaryadlash texnologiyasi tufayli 10 daqiqada 500 km yurish zaxirasini tiklash mumkin.

Avtomobilning uchta yurish zaxirasi varianti mavjud:

Orqa g‘ildirakli modelda 250 kVt (335 ot kuchi) quvvatli motor mavjud. Uning...

Shu yilning yanvar – may oylarida 2,745 mln nafar O‘zbekiston fuqarosi turistik maqsadlarda xorijga safar qilgan. Bu o‘tgan yilning shu davriga nisbatan 574 ming nafarga yoki 26,4 foizga ko‘pdir. Bu haqda Milliy statistika qo‘mitasi xabar berdi.

Eng ko‘p sayohat Qirg‘izistonga bo‘lib, 1,190 mln nafar fuqaro safar qilgan. Tojikiston 502 ming kishi bilan ikkinchi o‘rinda, Qozog‘iston esa 468 ming nafar sayohatchi bilan uchinchi pog‘onada qayd etilgan. Saudiya Arabistoniga 145 ming kishi safar qilgan bo‘lsa, Rossiyaga 125 ming, Turkiyaga esa 88,6 ming nafar o‘zbekistonlik chiqqan.

Shuningdek, BAAga 71 ming, Misrga 30 ming, Tailandga 16,5 ming va Vyetnamga 15,8 ming fuqaro safar...

IMEI-kodni ro‘yxatdan o‘tkazish narxi oshgani haqidagi xabarlarga Bojxona qo‘mitasi rasmiy izoh berdi. Qo‘mita matbuot kotibi Husan Tangriyevning qayd etishicha, to‘lov narxi oshmagan.

Ayni paytda chet eldan keltirilgan qurilmalarni IMEI-kod ro‘yxatdan o‘tkazish narxi BHMning 20 foizi miqdoriga (75 ming so‘m) teng.

Qo‘mita bu singari ma’lumotlarga ishonmaslikka chaqirmoqda. Yolg‘on axborot noqonuniy olib kirilgan telefonlarning qimmat narxda sotish uchun qilingan bo‘lishi mumkin.

Ma’lumot o‘rnida, telefon xarid qilayotganingizda uning ro‘yxatdan o‘tkazilganini UzIMEI platformasi orqali tekshirishingiz mumkin. Shuningdek, ro‘yxatdan o‘tkazish narxi ham ushbu saytda keltirilgan bo‘ladi.

Eslatib o‘tamiz, Kursiv Uzbekistan Senat IMEI ro‘yxatga olishdagi muammolar yuzasidan vazirga murojaat yo‘llagani haqida yozgan...

Rossiyada migrantlarga maoshidan ortiq pul jo‘natish taqiqlanishi mumkin. Bu haqda TASS xabar berdi.

Unga ko‘ra, «Yangi odamlar» («Noviye lyudi») fraksiyasi yetakchilari Markaziy bank rahbari Elvira Nabiullinaga maktub yo‘llagan. Ushbu maktubda migrantlarga xorijga rasmiy ish haqidan ko‘proq pul o‘tkazishni taqiqlash taklif qilingan.

Deputatlar ta’kidlashicha, migrantlar tomonidan chet elga rasmiy daromaddan ortiqcha mablag‘ o‘tkazilishi noqonuniy daromadlarni legallashtirish, soliq to‘lashdan bo‘yin tovlash va Rossiya hududidan kapitalni olib chiqishga zamin yaratadi. Bu esa davlatning iqtisodiy va ijtimoiy xavfsizligiga salbiy ta’sir ko‘rsatadi.

«Hozirgi vaziyatda moliyaviy operatsiyalarning shaffofligini oshirish, yashirin iqtisodiyotga qarshi kurashish, soliq tushumlarini ko‘paytirish va iqtisodiy xavfsizlikni ta’minlash maqsadida...

Realme 15 va Realme 15 Pro smartfonlari 24-iyul kuni rasman taqdim etiladi. Kompaniya allaqachon qurilmalar haqida rasmiy e’lonlarni boshlab yuborgan. Bu haqda GSMArena xabar bermoqda.

Ko‘proq e’tibor Pro versiyaga qaratilgan edi. Ammo endi Realme 15 haqida ham aniq ma’lumotlar paydo bo‘ldi.

Realme 15 MediaTek Dimensity 7300+ protsessori, 144 Hz yangilanish chastotasi va 6500 nit yorqinlikka ega displey bilan jihozlanadi. Unda ikkita 50 MP 4K kamera, sun’iy intellekt yordamida ishlov berish va aniq video imkoniyatlari mavjud.

Smartfon qalinligi atigi 7,66 mm, biroq unda 7000 mA·soat sig‘imli akkumulyator va 80 Vt tezkor quvvatlash bor. Qurilma chang va suvdan himoyalangan (IP...

FIFA 2026-yilgi Jahon chempionati chiptalarini sotib olish jarayoni 2025-yil 10-sentabrdan boshlanishini e’lon qildi. Bu haqda Aljazeera nashri ma’lum qildi.

FIFA muxlislarni rasmiy veb-saytda ro‘yxatdan o‘tib, chipta olish uchun o‘z qiziqishlarini bildirishga chaqirdi. Chiptalar bosqichma-bosqich sotuvga chiqariladi. Har bir bosqichda to‘lov usullari, mahsulot turlari va sotib olish jarayonlari farq qilishi mumkin. Har bir bosqich bo‘yicha to‘liq ma’lumotlar yaqin oylarda e’lon qilinadi.

«Biz butun dunyoni yana Shimoliy Amerikada intiqlik bilan kutmoqdamiz. Bu musobaqa tarixdagi eng katta va eng ajoyib sport tadbiri bo‘ladi», – deydi FIFA prezidenti Janni Infantino.

FIFA chiptalar qanday tartibda tarqatilishi haqida batafsil ma’lumot...

15-iyul kuni AQSh prezidenti Donald Tramp Indoneziya bilan yangi savdo kelishuvi tuzilganini e’lon qildi. Kelishuvga ko‘ra, AQSh Indoneziyadan import qilinadigan tovarlarga 19 foizlik boj joriy qiladi. Tramp bu haqda Oq uyda jurnalistlarga bergan bayonotida ma’lum qildi.

«Biz hech qanday boj to‘lamaymiz, ular esa 19 foiz to‘laydi. Eng muhimi, endi biz Indoneziya bozoriga kirish imkoniga ega bo‘ldik. Bungacha bunday imkoniyat yo‘q edi», dedi Tramp.

Indoneziya hukumati mazkur kelishuv bo‘yicha izoh bermagan.

Tramp o‘zining Truth Social’dagi sahifasida yozishicha, Indoneziya yangi bitim doirasida AQShdan $15 milliardlik energetika mahsulotlari, $4,5 milliardlik qishloq xo‘jaligi mahsulotlari va...

Andijon viloyatining Bo‘ston tumanida katta miqdordagi soxta AQSh dollarini sotmoqchi bo‘lgan fuqaro qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.

Ma’lum qilinishicha, tezkor tadbir davomida Departament, Davlat xavfsizlik xizmati va tuman IIB xodimlari tomonidan bir fuqaro qo‘lga olingan. U $1,9 ming soxta AQSh dollarini boshqa bir shaxsga $900 evaziga sotmoqchi bo‘lgan.

Qo‘lga olish vaqtida undan 100 dollarlik soxta kupyuralar daliliy ashyo sifatida olib qo‘yilgan.

Mazkur holat yuzasidan Jinoyat kodeksining 176-moddasi bilan jinoyat ishi qo‘zg‘atilgan. Hozirda tergov harakatlari olib borilmoqda.

Eslatib o‘tamiz, Kursiv Uzbekistan Qoraqalpog‘istonda ishga joylashtirishni va’da qilgan tibbiyot xodimi ushlangani...

Fitch Ratings tahliliga ko‘ra, O‘zbekiston bank tizimining faoliyat muhiti so‘nggi yillarda sezilarli darajada yaxshilangan.

Dubay va Londondagi ofislar tomonidan e’lon qilingan hisobotda qayd etilishicha, bu o‘zgarishlar hukumat tomonidan olib borilayotgan tartibga solish islohotlari, boshqaruv tizimini takomillashtirish va tarkibiy muammolarni hal etishga qaratilgan chora-tadbirlar hisobiga ro‘y bergan.

Fitch 2025 va 2026-yillarda mamlakat YIMning o‘sishini 6,3 foiz atrofida bo‘lishini kutmoqda. Ushbu ijobiy o‘sish fonida banklarning kredit portfeli, daromadliligi va kapital salohiyati mustahkamlanishi ta’kidlandi.

«Kapitalbank» va «Ipak Yo‘li banki» reytingi ko‘tarildi

Agentlik O‘zbekiston bank sektori uchun operatsion muhit (Operating Environment) reytingining prognozini «ijobiy»dan «barqaror»ga o‘zgartirdi. Shundan so‘ng «Kapitalbank» va «Ipak Yo‘li...

2025-yilning ikkinchi choragida Samsung global smartfon bozori yaqqol yetakchisiga aylandi. Bu haqda IDC tadqiqot kompaniyasi hisobotida keltirilgan.

Samsung bozordagi ulushini 19,7 foizgacha oshirdi, bu esa o‘tgan yilga nisbatan 7,9 foizlik o‘sishni anglatadi. Apple esa 15,7 foizlik ulush bilan ikkinchi o‘rinni egalladi, biroq kompaniya o‘sishi atigi 1,5 foizni tashkil etdi.

Uchinchi pog‘onani Xiaomi band etdi – kompaniya bozordagi ulushi 14,4 foiz bo‘lib, yillik o‘sish 0,6 foizni tashkil etdi.

TOP – 5 likdan Vivo va Transsion kompaniyalari joy oldi. Transsion Tecno va Infinix brendlariga egalik qiladi. Biroq bu kompaniya yetakchilar orasida sotuvlari kamaygan yagona ishlab chiqaruvchi bo‘ldi. Uning ko‘rsatkichlari 1,7 foizga...

Saudiya Arabistoni Vazirlar Mahkamasi qirollikda chet elliklar uchun ko‘chmas mulkka egalik qilish imkonini beruvchi yangilangan tizimni ma’qulladi. Bu haqda Arab news nashri xabar berdi.

Ma’lum qilinishicha, xorijliklarga Riyoz va Jidda kabi belgilangan geografik hududlarda mulkka egalik qilishga ruxsat beriladi, Makka va Madinada esa maxsus talablar qo‘llaniladi. Ko‘chmas mulk bo‘yicha bosh boshqarma qaysi geografik hududlar xorijliklar uchun ochiqligini aniqlaydi. Mazkur tizim 2026-yil yanvaridan kuchga kiradi.

Keng qamrovli nizomda chet el fuqarolari uchun mulk xarid qilish tartiblari va ijro talablari belgilangan. Shu bilan birga, u barcha sohalarda iqtisodiy va ijtimoiy oqibatlarni hisobga olgan holda qo‘llash jarayonlarini batafsil tushuntirib beradi.

Yangi tizim...

SAIC‑GM qo‘shma korxonasi Xitoyda ishlab chiqarilgan yangi Buick GL8 Luzun avtomobilini namoyish etdi Bu haqda CarNewsChina xabar bermoqda.

Bu avtomobil sanoatdagi birinchi 5C batareyali plug-in gibrid MPV hisoblanadi. Yangi modelda 34,8 kVt/soat hajmdagi ternar litiy batareyasi o‘rnatilgan. U 5C texnologiyasi asosida ishlab chiqarilgan. Avtomobil faqat elektrda 202 km, umumiy hisobda esa 1450 km masofani bosib o‘tadi.

Batareya 30% dan 80% gacha atigi 15 daqiqada quvvatlanadi. Bu ko‘rsatkichlar avvalgi modelga qaraganda ancha yuqori. Hozirgi GL8 versiyasi 138 km elektr yurish zaxirasiga ega bo‘lgan.

Yangi GL8 Luzun tashqi ko‘rinishi jihatdan avvalgi modelga o‘xshash. Old panjarasi katta va xrom bezaklar bilan...

iPhone 17, 17 Pro va 17 Pro Max modellari alyuminiy hoshiyaga ega bo‘ladi. Bu haqda Macrumors nashri ma’lum qildi.

Ta’kidlanishicha, faqatgina iPhone 17 Air modeli titan korpus bilan jihozlanadi. Alyuminiy titanga qaraganda yengilroq bo‘lsa-da, titan mustahkamligi bilan ajralib turadi. Apple’ning bu yondashuvi, ayniqsa, iPhone 17 Air’ning ingichka va yengil dizaynini mustahkamlash uchun muhim bo‘lishi mumkin.

Yangi seriyada yana bir muhim jihat – Sky Blue rangi faqat iPhone 17 Air modeli uchun maxsus bo‘ladi. iPhone 17 Pro modellari bu rang variantiga ega bo‘lmaydi.

iPhone 17 Pro va Pro Max uchun ishlab chiqilgan yangi MagSafe g‘iloflar ham dizayn yangiliklarini hisobga olgan...

Qoraqalpogʻiston Respublikasining Qo‘ng‘irot tumanida tibbiyot birlashmasiga ishga kiritishni va’da qilgan tibbiyot texnigi tezkor tadbir davomida qo‘lga olindi. Bu haqda Bosh prokuratura departmenti ma’lum qildi.

Aniqlanishicha, u fuqaro ishonchiga kirib, tanishlari orqali ishga joylashtirish evaziga $2,5 ming talab qilgan va oldindan 10 mln so‘m olayotgan vaqtida ushlandi.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Toshkentda poraxo‘r podpolkovnik qo‘lga olingan edi.