Yangiliklar

Twopan kompaniyasi o‘zining eng kichik SSD – Nano SSDni taqdim etdi. Bu haqda ITHome nashri ma’lum qildi.

Bu dunyodagi eng kichik va eng yengil daktiloskopik datchik (barmoq izi skaneri) bilan jihozlangan tashqi SSD bo‘lib, faqat 5 gramm og‘irlikka ega.

Nano SSD o‘lchamlari atigi 20 x 13 x 5 mm, ammo unga 512 GB sig‘imli flesh-xotira sig‘dirilgan. Qurilma aluminiy va plastmassadan tayyorlangan bo‘lib, IP65 standartiga muvofiq suv va changdan himoyalangan. Shuningdek, u 10 metr balandlikdan tushishga bardosh bera oladi.

Yangi SSD USB 3.1 Gen1 (450 MB/s) standartini qo‘llab-quvvatlaydi va USB-C interfeysli smartfon, planshet va kompyuterlar bilan to‘liq mos keladi. Eng...

Xitoyning Xiaomi kompaniyasi Redmi K80 Ultra smartfonining asosiy texnik xususiyatlaridan birini rasman ochiqladi. Bu haqda ITHome nashri xabar berdi.

Yangi qurilma rekord darajadagi – 7410 mA·soat sig‘imli akkumulyator bilan jihozlangan bo‘lib, bu hozircha Xiaomi tarixidagi eng katta quvvatga ega batareya hisoblanadi.

Kompaniya hisob-kitoblariga ko‘ra, Redmi K80 Ultra bitta to‘liq quvvat bilan ikki yarim kungacha ishlashi mumkin. Qurilma 100 vattli tezkor zaryadlash texnologiyasini qo‘llab-quvvatlaydi, bu esa foydalanuvchilarga qisqa fursatda qurilmani to‘liq quvvatlantirish imkonini beradi.

Redmi K80 Ultra’ning rasmiy taqdimot sanasi hozircha ma’lum qilinmagan, biroq Xiaomi China prezidenti Lyu Veybing va Xiaomi asoschisi Ley Tszyunning so‘zlariga ko‘ra, smartfon oy...

2025-yil may oyida Qozog‘istonda yangi avtomobillar savdosida keskin o‘sish kuzatildi. O‘tgan yilning shu davriga nisbatan bu yil may oyida 51,4 foiz ko‘proq – 19 377 dona transport vositasi sotilgan. Bu haqda Qozog‘iston avtomobil ittifoqi (QAO) xabar bermoqda. Eng ko‘p sotilgan modellar ro‘yxatida Chevrolet Cobalt peshqadamlikni saqlab qolib, may oyida 1869 dona sotilgan.

Bu ko‘rsatkichlarning asosiy qismini, aniqrog‘i 18 576 donasini yengil avtomobillar va yengil tijorat texnikasi tashkil qilgan. Og‘ir texnika – yuk avtomobillari va avtobuslar soni esa 801 donani tashkil etdi.

Qozog‘iston avtomobil ittifoqining hisob-kitoblariga ko‘ra, yil boshidan may oyining oxirigacha bo‘lgan besh oy ichida mamlakatda...

Bugun, 17-iyun kuni Senatning tegishli qo‘mitasi majlisida O‘zbekistonning Vena konvensiyasiga qo‘shilishi masalasi muhokama qilindi. Mazkur qonun loyihasi dastlabki tarzda ko‘rib chiqildi.

Muhokamada O‘zbekistonning Konvensiyaga qo‘shilishi yadro hodisalari oqibatida yetkazilgan zararning fuqarolik javobgarligi asosida qoplanishini ta’minlashi qayd etildi. Hujjat yadro operatori javobgarligi va zararni qoplash bo‘yicha minimal talablarni belgilaydi.

Senatorlar Konvensiyaga qo‘shilish orqali O‘zbekiston xalqaro huquqiy maydonga yadro xavfsizligi sohasida integratsiyalashishini, jabrlanuvchilarning huquqlari himoyasi, sug‘urta va kompensatsiya tizimlarini joriy etish imkoniyatlari kengayishini qayd etdi.

Shuningdek, bu jarayon Atom energiyasi xalqaro agentligi bilan hamkorlik aloqalarini mustahkamlab, istiqbolli loyihalarni tezlashtirishga xizmat qilishi ta’kidlandi.

Majlis yakunida Qo‘mita mazkur masala yuzasidan tegishli qaror qabul...

Infinix kompaniyasi yangi NOTE 50 smartfonlar seriyasini taqdim etdi. Ushbu modellar bir qator imkoniyatlarni o‘zida mujassamlashtirgan. Bu haqda 3dnews xabar bermoqda.

Ushbu seriyaga uchta model kiradi: Infinix NOTE 50, NOTE 50 Pro va eng kuchli variant – NOTE 50 Pro+ 5G+. Ularning barchasi o‘zaro dizayn va ekran formati jihatidan o‘xshash bo‘lib, 6,78 dyuymli AMOLED displey, 5200 mA·soat sig‘imli akkumulyator va simsiz zaryadlash imkoniyati bilan jihozlangan.

Asosiy va Pro modellari o‘xshash apparat platformasida – MediaTek Helio G100 Ultimate protsessorida ishlaydi. Pro versiyada 12 GBgacha operativ xotirali variant mavjud bo‘lib, u yana tezkor 90 Vattlik zaryadlash funksiyasi, yupqaroq korpusi va keng...

O‘zbekiston Markaziy banki fuqarolarni aldash uchun ishlab chiqilgan yangi ikki bosqichli firibgarlik sxemasi haqida ogohlantirdi. Jinoyatchilar bu maqsadda messenjerlardagi soxta akkauntlar va jinoiy javobgarlik tahdidlaridan foydalanmoqda.

Birinchi bosqichda firibgarlar fuqarolarga qo‘ng‘iroq qilib, o‘zlarini mobil aloqa operatorlari xodimlari deb tanishtiradi. Ular turli savollar berib, telefon raqamini ishlatish bo‘yicha shartnomani uzaytirishni taklif qilishadi.

Oradan biroz vaqt o‘tgach jinoyatchilar messenjerlar orqali ushbu fuqarolarga yozib, ularning nomiga soxta kredit olinganini aytishadi. Bu safar ular o‘zlarini O‘zbekiston Markaziy banki vakillari sifatida tanishtiradi.

Firibgarlar suhbatdoshdan bir qancha ko‘rsatmalarni bajarishni talab qiladi va jinoyatchilarga ko‘maklashganlikda ayblab, jinoiy ish bilan tahdid qilishadi. Agar jabrlanuvchi ularning ko‘rsatmalarini bajarsa...

O‘zbekistonning Turkiyaga yangi tayinlangan elchisi Ilhom Haydarov o‘z faoliyatini boshlash uchun Anqaraga yetib keldi. Bu haqda «Dunyo» axborot agentligi xabar berdi.

U Turkiya Tashqi ishlar vazirligi Protokol boshqarmasi rahbari Ahmet Jemil Miro‘g‘lu bilan uchrashdi. Unga ishonch yorliqlari nusxalarini topshirdi.

Ma’lumot uchun, Ilhom Haydarov O‘zbekiston Milliy universiteti, Rossiya Tashqi savdo akademiyasi hamda AQShdagi xalqaro paxta maktabini tamomlagan.

Ilgari u Ukrainadagi O‘zbekiston elchisi, Tashqi iqtisodiy aloqalar vazirligida rahbar lavozimlar, «O‘zbekengilsanoat» kompaniyasi rahbari va Ish beruvchilar konfederatsiyasi raisi sifatida ishlagan. Ingliz va fransuz tillarini mukammal biladi.

Unga qadar bu lavozimda Alisher Agzamxo‘jayev faoliyat yuritgan. Agzamxo‘jayev 2017 – 2025-yillar davomida Turkiyada, 2018-yildan...

O‘zbekiston Tashqi ishlar vazirligi Yaqin Sharqda, jumladan, Isroil va Eron o‘rtasidagi keskinlik qurolli to‘qnashuvlarga aylangani sababli fuqarolarga murojaat bilan chiqdi.

So‘nggi kunlarda mintaqadagi vaziyat jiddiylashib, butun dunyo hamjamiyatida xavotir uyg‘otmoqda. Mojaroning chuqurlashuvi mintaqa barqarorligi va tinchligiga tahdid solmoqda. Eng katta zarar esa tinch aholiga, ayniqsa, bolalar va ayollarga yetmoqda.

«O‘zbekiston Respublikasi urushni muammolarni hal etish vositasi deb emas, balki inson hayoti, barqarorlik va taraqqiyotga jiddiy xavf soluvchi holat sifatida baholaydi. Urushda g‘olib bo‘lmaydi. Eng katta yo‘qotishni doim oddiy insonlar tortgan va bugun ham shunday bo‘lmoqda. O‘zbekiston har doim tinchlikparvar siyosat yuritib kelgan va shunday davom...

O‘zbekiston valyuta birjasi (UZCE) ma’lumotlariga ko‘ra, 17-iyun kuni dollar kursi 46,99 so‘mga pasayib, 12 668,14 so‘m qilib belgilandi.

Shuningdek, Markaziy bank ma’lumotlariga ko‘ra, yevro 89,91 so‘mga pasayib, 14 640,57 so‘mni, rubl esa 0,60 so‘mga pastlab, 161,15 so‘mni tashkil qildi.

Qaysi banklarda AQSh valyutasini qulay narxlarda almashtirish mumkin?

Shuningdek, «Pultop» kanali ma’lum qilishicha, 17-iyun kuni soat 15:30 holatiga ko‘ra dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish...

Audi o‘zining Audi Q3 krossoverini to‘liq yangiladi va uchinchi avlod modelini rasman taqdim etdi. Bu haqda Motor1 xabar bermoqda.

Yangi Q3 dizayni, saloni va texnik xususiyatlari bilan avvalgi avloddan keskin farq qiladi. Tashqi ko‘rinishda avtomobil faralarining yangi shakli e’tiborni tortadi. Asosiy chiroqlar qoraytirilgan oynalar ostida joylashgan bo‘lib, faqatgina yuqori qismdagi kunduzgi chiroqlar ko‘rinadi. Har bir farda 25,6 ming dona LED element mavjud. Orqa fonarlar esa pastki LED chiziq bilan ajratilgan. Ularning grafik uslubi sozlanadi.

Yangi Q3 oldingi Audi Quattro modelidan ilhomlangan g‘ildirak arkalari bilan taqdim etiladi. Boshlang‘ich modelda 17 dyuymli disklardan, eng yuqori versiyada esa 20 dyuymli disklardan...

Oliy Majlis Qonunchilik palatasida muhokama qilingan qonun loyihasiga ko‘ra, xorijda vafot etganlarni olib kelish xarajatlarini Migratsiya jamg‘armasi moliyalashtirishi mumkin.

«Dafn etish va dafn ishi to‘g‘risida»gi qonunga mehnat migratsiyasi davrida vafot etgan fuqarolarning jasadlarini olib kelish xarajatlarini Migratsiya jamg‘armasi mablag‘lari hisobidan moliyalashtirish ko‘zda tutilmoqda.

Bundan tashqari, qonun loyihasi bilan o‘rmon fondi yerlarini onlayn auksion orqali foydalanishga berish hamda yig‘imlarning faqat qonunlar bilan belgilanishini nazarda tutish taklif etilmoqda.

Shuningdek, Vazirlar Mahkamasining maktabgacha ta’lim va tarbiyaning davlat standartini tasdiqlash vakolati Maktabgacha va maktab ta’limi vazirligiga o‘tkazilmoqda.

Loyiha birinchi o‘qishda qabul qilingan.

Avvalroq Kursiv Uzbekistan Rossiyada eng ko‘p migratsion jinoyatni o‘zbekistonliklar sodir...

TrendForce tahlilchilarining hisob-kitoblariga ko‘ra, Samsung 2025-yilning birinchi choragida 64 mln dona smartfon ishlab chiqargan. Bu haqda Sammobile saytida ma’lum qilindi.

Bu o‘tgan yilning shu davriga nisbatan 21 foizga ko‘pdir. Eng qizig‘i, Top-5 smartfon ishlab chiqaruvchilari orasida faqat Samsung ishlab chiqarishni oshirishga muvaffaq bo‘lgan. Qolgan brendlar, xususan Apple, ishlab chiqarish hajmini sezilarli kamaytirgan.

Apple ushbu chorakda 48 mln smartfon ishlab chiqargan – bu o‘tgan yilga nisbatan 40 foizga kam. Xiaomi’ning ishlab chiqarishi 7 foizga kamayib, 42 mln donani tashkil etdi. Oppo va Vivo esa mos ravishda 26 va 16 foizlik pasayishni boshdan kechirdi.

Samsung’ning ishlab chiqarish hajmini oshirishiga ikki sabab...

1-iyul kuni Toshkent shahrida Kursiv Uzbekistan platformasi tomonidan navbatdagi konferensiya bo‘lib o‘tadi. Bu safargi asosiy mavzu: «O‘zbekistonda kapital bozori: investitsiya uchun yangi imkoniyatlar» bo‘ladi. Tadbirda yetakchi ekspertlar, investorlar, top-menejerlar, biznes egalari hamda davlat idoralari vakillari O‘zbekistonda mavjud investitsion imkoniyatlar haqida fikr almashadilar.

O‘zbekiston kapital bozori keskin o‘zgarishlar jarayonini boshdan kechirmoqda: davlat korxonalarini xususiylashtirishni jadallashtirish va ularni fond bozorlariga kirishga tayyorlash xalqaro investorlarning e’tiborini tortmoqda. Shu bilan birga, iqtisodiy faol aholi uchun kapitalning an’anaviy investitsiya usullari bilan bir qatorda yangi mexanizmlar ham paydo bo‘lmoqda.

«O‘zbekistonda investorning e’tibori qayerga qaratilmoqda?» – konferensiyaning birinchi sessiyasi shunday nomlanib, unda kapital bozorining zamonaviy rivojlanish tendensiyalari...

Tramp oilasi AQShda Trump Mobile virtual operatorini ishga tushirib, oltin rangdagi T1 smartfonini taqdim etdi. Smartfon oldindan buyurtma qilish uchun ochiq.

Bitta tarif – The 47 Plan

Trump organization tarkibiga kiruvchi Trump Mobile kompaniyasi faqat bitta tarif rejasi – The 47 Planni taklif qilmoqda. Uning narxi oyiga $47,45. Bu narx Donald Trampning AQShning 45-prezidenti va ehtimoliy 47-prezidenti bo‘lishiga ishora sifatida tanlangan.
Mijozlar ushbu tarif bilan birga oltin rangli T1 smartfonini ham xarid qilishi mumkin. Qurilma narxi – $499.

T1 – oltin rangdagi smartfon

Trump Mobile tomonidan tarqatilgan press-relizda ushbu smartfon yuqori baholangan:

«Yuqori...

O‘zbekistonning JSTga a’zo bo‘lishi bo‘yicha ikki tomonlama muzokaralar yakunlangani haqida Xitoy bilan bayonnoma imzolandi. Bu haqda prezident matbuot xizmati xabar berdi.

Bugun, 17-iyun kuni O‘zbekiston prezidenti Shavkat Mirziyoyev va Xitoy Xalq Respublikasi Raisi Si Szinpin muzokara o‘tkazdi.

Tomonlar ikki tomonlama hamda mintaqaviy ahamiyatga ega dolzarb masalalarni ko‘rib chiqdilar.

Asosan kambag‘allikka qarshi kurashish sohasidagi hamkorlikni chuqurlashtirishga alohida e’tibor qaratildi. Shuningdek, yetakchilar «Xitoy – Qirg‘iziston – O‘zbekiston» strategik temir yo‘li qurilishini tezlashtirish zarurligini qayd etdi.

Bundan tashqari, ta’lim, fan, turizm, madaniyat, kadrlar tayyorlash va xitoy tilini o‘rganish sohalaridagi almashinuvlarni kengaytirishga qiziqish bildirildi.

Kelgusi yilda ikki davlatda madaniyat va san’at haftaliklarini o‘tkazish...

Chery kompaniyasi Tiggo 8 Plus Chengfeng Edition va Tiggo 8L Changhong Edition nomli yangi krossover modellari 28-iyun kuni rasman namoyish etilishini e’lon qildi. Bu haqda ITHome nashri xabar bermoqda.

Hozircha avtomobillarning aniq texnik tafsilotlari oshkor etilmagan, biroq ularning dizayni va ayrim asosiy jihatlari ma’lum qilindi.

Tiggo 8 Plus Chengfeng Edition zamonaviy ko‘rinishga ega bo‘lib, yashirin eshik tutqichlari, orqa qismini esa uzluksiz chiroqlar va sport uslubidagi spoiler bezab turadi. Shuningdek, avtomobil ikki tomonlama chiqarish tizimiga ega. Salon markazida esa katta – 15,6 dyuymli sensorli boshqaruv ekrani joylashgan.

Tiggo 8L Changhong Edition esa old qismining dizayni bilan e’tiborni tortadi...

Oliy Majlis Qonunchilik palatasida muhokama qilinayotgan yangi qonun loyihasiga ko‘ra, yo‘l harakati qoidalarini buzganlik uchun foto va video orqali rasmiylashtirilgan jarimalar bir oydan kech yuborilsa, haqiqiy emas deb topilishi mumkin.

Ma’muriy javobgarlik to‘g‘risidagi kodeksning 36-moddasiga kiritilayotgan o‘zgartirishlarga ko‘ra:

Shuningdek, transport vositasini boshqarish jarayonida xavfsizlik kamarini taqmaslik, texnik ko‘rikdan o‘tkazmaslik yoki tegishli jihozlar bilan ta’minlanmaganlik holatlarida ham javobgarlik belgilangan. Bundan tashqari, boshqarish vaqtida telefondan...

Fair Tech yagona axborot tizimi orqali olib borilgan monitoring natijalariga ko‘ra, respublika bo‘ylab 225 ta dorixonada dori vositalari savdosi jarayonida belgilangan tartib buzilgani ma’lum bo‘ldi. Bu dorixonalar umumiy hisobda 2,6 mlrd so‘mdan ortiq asossiz daromad olgan. Bu haqda Raqobat qo‘mitasi xabar berdi.

2025-yilning hozirgacha bo‘lgan davrida 62 mingdan ortiq qonunbuzarlik holatlari qayd etilgan. Tegishli tartibda huquqiy choralar ko‘rilib, noqonuniy olinadigan mablag‘larni qaytarish ishlari boshlangan.

Ayniqsa, quyidagi kompaniyalar ulgurji savdo jarayonida belgilangan narx me’yorlarini buzgan holda mahsulot realizatsiyasini amalga oshirgani aniqlangan:

Isroil Mudofaa armiyasi Tehronda joylashgan Eron davlat telekanali IRIN tahririyati binosiga zarba berdi, deb xabar bermoqda BBC.

Mahalliy OAVlar yong‘in ichidagi bino ustidan qalin tutun ko‘tarilayotgan kadrlarni tarqatdi. Dastlabki ma’lumotlarga ko‘ra, jabrlanganlar bor.

Zarba berilgan lahza telekanalning jonli efirida aks etdi – studiyadan uzatma bo‘layotganida fon lavhasi o‘chdi, qog‘ozlar havoga uchdi, boshlovchi esa studiyani tark etdi. Oradan biroz vaqt o‘tib, kadrni kul bosdi va efir bir necha soniyaga uzilib qoldi.

Bunga qadar Isroil armiyasi rasmiy ogohlantirish berib, telekanal tahririyati joylashgan Tehron tumaniga zarba berilishini aytgan va tuman aholisini uni zudlik bilan tark etishga chaqirgan edi.

«Izvestiya» nashrining yozishicha...

Shavkat Mirziyoyev Qozog‘iston Respublikasi prezidenti Qosim-Jomart Toqayevning taklifiga binoan Ostona shahriga yetib bordi. Bu davlat rahbari matbuot xizmati xabar bermoqda.

O‘zbekiston rahbarini Qozog‘iston bosh vaziri Oljas Bektenov va boshqa rasmiy shaxslar kutib olgan.

Ma’lumot o‘rnida, O‘zbekiston prezidenti Ostonada «Markaziy Osiyo – Xitoy» sammitida ishtirok etadi. Ushbu sammit 17-18-iyun kunlari Qozog‘iston poytaxti Ostona shahrida bo‘lib o‘tadi. Unda Xitoy, Qozog‘iston, Qirg‘iziston, Tojikiston, Turkmaniston va O‘zbekiston rahbarlari ishtirok etadi.

Avvalroq davlat rahbari Ostona shahriga jo‘nab ketgani haqida yozgan edi.

Endi jismoniy va yuridik shaxslar umumiy hamda ixtisoslashtirilgan gidrometeorologik ma’lumotlarni onlayn tarzda olishlari mumkin. Buning uchun Yagona portaldan (my.gov.uz) foydalanish kerak.

Ushbu xizmatdan foydalanish uchun ariza beruvchidan xizmat turini, kerakli hudud va tumanni, meteorologik ma’lumot turini hamda so‘ralayotgan davrini belgilash talab etiladi.

So‘ralgan ma’lumotlar 10 ish kuni ichida beriladi. Xizmat narxi so‘ralgan axborot turiga qarab belgilanadi.

Xizmatdan qanday foydalanish mumkin

Dastlab Yagona portaldagi shaxsiy sahifaga kirib, «Gidrometeorologik ma’lumotlarni berish» xizmatidan foydalanish tugmasi bosiladi.

Xizmatdan foydalanish ikki bosqichdan iborat. Birinchi bosqichda foydalanuvchi meteorologik yoki agrometeorologik ma’lumotdan qay birini olmoqchi ekanini tanlashi kerak.

Keyingi qadamda...

Apple yaqinda iOS 26 operatsion tizimini tanishtirdi. Shu bilan birga, ayrim eski iPhone modellari bu yangilanishni olmaydi. «Palach» nashri bu modellarni ularning alternativalari bilan bitta maqolaga jamladi.

iPhone XR, iPhone XS va iPhone XS Max smartfonlari 2018-yilda chiqqan edi. O‘z vaqtida juda mashhur bo‘lgan. Ammo Apple odatda har bir modelni 5–6 yilgacha yangilab turadi. Endi bu uchta model yangilanishdan chiqib ketgani aytilmoqda. Ularda yangi dasturlar va xavfsizlik yangilanishlari bo‘lmaydi. Shuning uchun ularni ishlatish xavfli va noqulay bo‘lib boradi.

Bu modellarning o‘rniga qayslarini xarid qilish mumkin?

Isroilning Eronga hujumi davom etmoqda. Ikki davlat qarama-qarshiligi mintaqada xavfni orttirmoqda. Eron-Isroil urushi jiddiy muammolarga sabab bo‘lishi mumkin, deya yozmoqda times of Israeel nashri.

G‘azo janubida IDF askari halok bo‘ldi, 10 kishi yaralandi

Kecha G‘azo sektorining janubida olib borilgan harbiy amaliyotlar vaqtida Isroil Mudofaa Kuchlari (IDF) askari halok bo‘ldi. Yana 10 nafar harbiy jarohat oldi. Halok bo‘lgan harbiy — 20 yoshli Staff-serjant Naveh Leshem bo‘lib, u G‘arbiy Sohildagi Nokdim posyolkasidan bo‘lgan. U Golani brigadasining 12-batalyonida xizmat qilgan.

U portlash oqibatida halok bo‘lgan, to‘rt nafar askar, jumladan bir ofitser og‘ir yaralangan. Yana uch kishi o‘rtacha, uch nafari...

POCO brendining yangi flagman smartfoni – POCO F7 yaqinda taqdim etilishi kutilmoqda. Bu haqda Gizmochina nashri ma’lum qildi.

Yangilangan dizayn klassik qora va oq ranglardagi soddalikni o‘zida mujassam etgan bo‘lsa, maxsus versiya futuristik yondashuv bilan ajralib turadi. Unda orqa panel diagonal bo‘ylab ikki rangga bo‘lingan: yuqori qismi shaffof bo‘lib, ostida mikrosxemalar va Snapdragon chipseti ko‘rinishidagi bezak joylashgan; pastki qismi esa POCO logotipi tushirilgan kumush rangdagi xira sirt bilan qoplangan.

Foto: Poco

POCO F7’ning texnik xususiyatlari quyidagicha: