Yangiliklar

Vivo kompaniyasining tez orada sotuvga chiqarilishi kutilayotgan yangi flagman modeli – Vivo X200 FE smartfonining rasmlari paydo bo‘ldi.

Qurilma 2025-yil 30-iyun kuni rasmiy taqdimot bilan bozorga chiqishi kutilmoqda. Hozircha esa tarmoqda uning qadoqlari va to‘rt xil – qora, ko‘k, to‘q sariq va pushti ranglardagi rasmiy tasvirlari paydo bo‘ldi.

120 Gts AMOLED ekran va yuqori yorqinlik

Smartfon 10 bitli rang chuqurligi va 5000 nitgacha maksimal yorqinlikka ega 120 Gts yangilanish chastotali AMOLED displey bilan jihozlanadi. Ekran markazida 50 megapikselli selfi kamera uchun kichik teshik joylashtirilgan.

OIS bilan periskopik kamera tizimi

Orqa panelda quyidagi kamera tizimi joylashadi:

O‘zbekiston Eron hududidan 30 nafar fuqarosini evakuatsiya qildi. Bu haqda Tashqi ishlar vazirligi matbuot kotibi xabar berdi.

Vazirlik xabariga ko‘ra, O‘zbekistonning Tehron va Tel-Avivdagi elchixonalari fuqarolarning xavfsizligini ta’minlash maqsadida 24 soat davomida faoliyat yuritmoqda.

Eron va Isroilda bo‘lgan O‘zbekiston fuqarolariga xavfsiz joylarni tark etmaslik va mamlakatning diplomatik vakolatxonalari bilan doimiy aloqa qilib turish tavsiya etildi.

O‘zbekiston fuqarolari Tehrondagi elchixona bilan +98 (21) 22299780 raqami orqali, Tel-Avivdagi elchixona bilan esa +972 (3) 672-2466 raqami orqali bog‘lanishlari mumkin.

Avvalroq «Kursiv» nashri Turkmaniston Erondan kelgan o‘zbekistonliklarni qabul qilgani haqida yozgandi.

2,6 mln aholini band qilish va 722 ming odamni kambag‘allikdan chiqarish rejasini bajara olmagan hokimlarga uch oy muddat berildi. Bu haqda prezident Shavkat Mirziyoyev raisligidagi videoselektor yig‘ilishida ma’lum qilingan.

Muborak, Bo‘ston, Vobkent, Marhamat, Farg‘ona, Zangiota, Do‘stlik, Chortoq, Qorao‘zak, Uychi, Xonobod, Yangibozor, Parkent, Arnasoy va Uchko‘prik tumanlari hokimlariga uch oy muddat berildi.

Ushbu tuman hokimlari uch oyda rejaga chiqmasa, barchasi ishdan olinishi qayd etilgan.

Shuningdek, Uchquduq, Angren va Karmanada ishlar sustligi ta’kidlangan.

Avvalroq Xalq qabulxonalari tizimidagi barcha xodimlari ishdan bo‘shatilishi haqida yozgan edi.

Vazirlar Mahkamasining yangi qaroriga muvofiq, O‘zbekiston fuqarolari endilikda jinsni o‘zgartirgandan so‘ng familiya, ism va otasining ismini (F.I.O.) rasmiy ravishda o‘zgartirish huquqiga ega bo‘ldi. Bu haqda hujjatda fuqarolik holati dalolatnomalarini qayd etish qoidalariga kiritilgan o‘zgartirishlar asosida bayon qilingan.

Yangi tartibga ko‘ra, jins o‘zgartirish to‘g‘risidagi tibbiy xulosa taqdim etilgan taqdirda, fuqaro o‘z F.I.O.sini o‘zgartirish uchun ariza berishi mumkin. Masalan, jinsni o‘zgartirgan fuqaro Dilshod ismini Dilshoda deb o‘zgartirishga haqli.

Ilgari bu amaliyot «Davlat tili haqida»gi Qonunning 15-moddasi bilan chegaralangan bo‘lib, o‘zgarishlar faqat milliy an’ana va tarixiy asoslar doirasida ko‘rilgan. Endilikda esa jins o‘zgarishi ism-familiyani o‘zgartirishga mustaqil asos sifatida tan olinmoqda.

Shuningdek, F.I.O...

Isroil Mudofaa armiyasi tomonidan yaqinda Tehronga uyushtirilgan uchta zarba natijasida 73 nafar ayol va bolalar halok bo‘ldi. Bu haqda Eron Tashqi ishlar vazirligining rasmiy vakili Ismoil Bag‘aiy ma’lum qildi.

Uning so‘zlariga ko‘ra, Isroil ommaviy axborot vositalari aholining turarjoylariga zarar yetmaganini da’vo qilmoqda.

«Ammo haqiqatda Tehronga qilingan uchta so‘nggi hujum natijasida 73 nafar ayol va bola halok bo‘lgan», – deb yozgan Bag‘aiy ijtimoiy tarmoqdagi rasmiy sahifasida.

U, shuningdek, Shahid Chamron shahrida qulab tushgan ko‘p qavatli uyning vayronalari ostida qolgan 20 nafar boladan 10 nafarining jasadi hozirgacha topilmaganini qo‘shimcha qilgan.

Avvalroq Kursiv Uzbekistan Eron hujumi oqibatida...

Geely kompaniyasi o‘zining yangi o‘rta o‘lchamli gibrid sedanini – Galaxy A7 EM-i modelini e’lon qildi. Bu haqda CarNewsChina nashri xabar bermoqda.

Bu avtomobil Geely’ning Leishen AI Hybrid 2.0 deb nomlangan eng yangi gibrid tizimi bilan jihozlangan birinchi model bo‘ladi.

A7 EM-i 2025-yilning uchinchi choragida Xitoy bozoriga chiqadi. Narxi 100 mingdan 130 ming yuangacha bo‘lishi kutilmoqda. Bu esa taxminan $14 mingdan $18,2 minggacha degani. Xuddi shunday narxga Chevrolet Tracker avtomobilini xarid qilish mumkin. Modelni chegirmada 215 mln so‘mga ($17 ming) sotib olsa bo‘ladi. Geely kompaniyasining yangi modeli mahalliy bozorga kirib kelganida bojxona va qo‘shimcha to‘lovlar evaziga qimmatroq bo‘lishi...

iPhone foydalanuvchilari endi istalgan musiqani to‘g‘ridan to‘g‘ri rington sifatida o‘rnatishi mumkin. Bu yangilikni texnobloger Farhod Usmonov aniqlagan.

Unga ko‘ra, endilikda iOS 26 tizimida iTunes yoki GarageBand kabi dasturlarsiz, har qanday trekni yuklab olib, bir necha bosqichda ringtonga aylantirish mumkin.

Endi qanday ishlaydi

Shu bilan na qo‘shimcha ilova, na pul kerak. Avvallari Apple ringtonlar kutubxonasidan foydalanish mumkin edi, ammo bu:

Endi esa bu birinchi iOS versiyasidan...

GSMArena nashri Top 10 eng yaxshi smartfonlar reytingini e’lon qildi. Unda Redmi Turbo 4 iPhone 16 pro Max modelidan ustun keldi.

Huawei kompaniyasi hafta davomida o‘zining yangi flagman kamerafonini – Pura 80 Ultra modelini taqdim etdi. Bu qurilma darhol eng mashhur smartfonlar ro‘yxatida birinchi o‘rinni egalladi. Kuchli texnik xususiyatlarga ega bu modeldan katta imkoniyatlar kutilyapti.

Reytingda ikkinchi va uchinchi o‘rinlarni Samsung Galaxy A56 hamda Galaxy S25 Ultra modellari band qildi.

OnePlus 13s bu hafta to‘rtinchi o‘ringa tushgan bo‘lsa, Redmi Turbo 4 Pro sezilarli darajada yuqorilab, beshinchi pog‘onani egalladi.

iPhone 16 Pro Max ham reytingda ko‘tarilib...

Pensiya jamg‘armasi bergan ma’lumotlarga ko‘ra, 2025-yilning besh oyi davomida mamlakatda pensiya oluvchilar soni 4 million 104 ming 453 nafardan 4 million 192 ming 900 nafarga yetdi. Bu esa 88 ming 447 nafarga o‘sishni anglatadi.

Hududlar kesimida o‘sish:

Pensionerlar toifasidagi...

Prezident Shavkat Mirziyoyev ishtirokida o‘tkazilayotgan yig‘ilishda Xalq qabulxonalari tizimidagi barcha xodimlari bugundan boshlab ishdan bo‘shatilishi topshirildi. Bu haqda prezident matbuot xizmati xabar qildi.

«Xalq qabulxonalari tizimi aholining dardini eshitib, muammolarini hal qilish o‘rniga murojaatlarni davlat tashkilotlariga taqsimlovchi oddiy «dispetcher»ga aylanib qolgan», – dedi davlat rahbari.

Shuningdek, o‘tgan yili virtual va Xalq qabulxonalariga yuborilgan murojaatlarning 55 foizi ijobiy hal etilmagan. Shu sababli, ijtimoiy tarmoqlarda shikoyatlar soni oshgan. Eng ko‘p murojaatlar huquqni muhofaza qiluvchi organlar, sud, hokimliklar, ta’lim va ekologiya sohalariga tegishli.

Mingga yaqin murojaatlarda prezidentning shaxsiy qabuli so‘ralgan. Ayniqsa, Toshkent shahri va Buxoro viloyatida mansabdor...

Qashqadaryoda o‘zi soliq qarzdorligini to‘lamasdan, cheklov o‘rnatilgan MChJ faoliyatini tiklab berishga urinib pora undirganlar qo‘lga olindi. Bu haqda Davlat xavfsizlik xizmati ma’lum qildi.

Xabarga ko‘ra, viloyatining Qamashi tumanida istiqomat qiluvchi, ilgari sudlangan, 1981-yilda tug‘ilgan fuqaro 360 mln so‘mlik soliq majburiyatlarini bajarmagan. Shu sababli u g‘isht ishlab chiqaruvchi MChJ Iqtisodiy sud hukmiga asosan soliq qarzlarini to‘lamagani uchun moliyaviy jihatdan bankrot deb topilgan korxonaga nisbatan qo‘yilgan cheklovni tanish lavozimdagi shaxslar yordamida bekor qildirgan. Mazkur faoliyatni qayta yo‘lga qo‘yish evaziga esa korxona rahbaridan $4 ming miqdorida pora talab qilgan.

Davlat xavfsizligi xizmati va boshqa tegishli huquqni muhofaza qiluvchi tashkilotlar tomonidan o‘tkazilgan tezkor...

Li Auto kompaniyasi o‘zining to‘liq elektr avtomobillar qatorini kengaytirmoqda. Kompaniya Li Auto i6 elektromobili taqdim etilish muddatini ma’lum qildi. Bu haqda CarNewsChina nashri xabar bermoqda.

Li Auto i6 – bu o‘rta hajmli, besh o‘rinli va to‘liq elektr quvvatida harakatlanadigan model. U Tesla Model Y’ga raqib sifatida taqdim etilishi kutilmoqda. Yangi model sentabr oyida rasman namoyish qilinadi. U savdoga esa oktabrda chiqishi rejalashtirilgan.

Li Auto i6 kompaniyaning to‘liq elektr quvvatida ishlovchi ikkinchi modeli bo‘ladi. i6 maxsus EV platformasida quriladi. Uning uzunligi taxminan 4,8 metr, g‘ildirak bazasi esa 2,96 metrni tashkil etadi.

Aerodinamik qarshilikni kamaytirish uchun avtomobil fastbek uslubidagi tom liniyasi...

Prezident topshirig‘i bilan Prezident administratsiyasining Nazorat inspeksiyasi faoliyati tugatilishiga qaror qilindi.

«Nazorat inspeksiyasiga nima uchun shuncha vakolat berilgan? Vazirlarga yaxshi ko‘rinish uchun, ular nimani bersa, shuni ko‘tarib kelmasdan, masalalarni o‘rganib, aybdorlarni jazolash bo‘yicha nega taklif kiritmaydi?» – dedi davlat rahbari.

Shu munosabat bilan faoliyatida yo‘l qo‘yilgan kamchiliklar va natijasizliklar inobatga olinib, Nazorat inspeksiyasi bugunning o‘zida tugatildi.

Ijro intizomini mustahkamlash va aholi muammolari bilan ishlash vazifasi Hisob palatasiga topshiriladi va uning vakolatlari kengaytiriladi. Hisob palatasi qarorlar asosida ajratilgan mablag‘larning faqat sarflanishini emas, balki ular qanday natija bergani va aholi roziligini ham o‘rganadi.

Hisob palatasi raisi...

Eron hujumi oqibatida Isroilda halok bo‘lganlar soni 20 nafarga yetdi. Bu haqda Time of Israel nashri xabar bermoqda.

Kecha tunda Eron tomonidan Isroilga qarshi amalga oshirilgan ballistik raketa hujumida yana bir kishi halok bo‘ldi. Rasmiylarga ko‘ra, 80 yoshdan oshgan erkakning jasadi Bney Brak shahridagi raketadan zarar ko‘rgan binodan olib chiqilgan.

Shu bilan hujum oqibatida halok bo‘lganlar soni to‘rt nafarni tashkil etdi. Umumiy Isroil – Eron mojaro davomida vafot etganlar soni esa 20 nafarga yetdi. Hozirda ballistik raketalar tushgan to‘rt joydan ikkitasida qidiruv-qutqaruv ishlari davom etmoqda.

Magen David Adom tez yordam xizmati ma’lumotiga ko‘ra, raketa hujumlarida...

Go‘sht, sut, parranda go‘shti va tuxum narxlarining keskin oshib ketmasligi maqsadida QQSning yarmi keshbek tariqasida qaytarilishi belgilandi. Bu haqda Shavkat Mirziyoyev videoselektorda ma’lum qildi.

Shuningdek, prezident hukumatdagi ayrim mas’ullar va vazirlar tartib-intizomga vaqtida e’tibor bermayotgani sababli islohotlar ijrosi cho‘zilayotganini keskin tanqid qildi.

Jumladan, Andijon va Surxondaryo viloyatlarida aholining 70 foizi gaz bilan bog‘liq muammolar yuzasidan murojaat qilayotganini qayd etdi.

«Issiq kunlarda gazda shuncha muammo bo‘lsa, qishda odamlar qozonni nimada qaynatadi? Rahbarlarga so‘nggi ogohlantirish: bu masalaga ikki haftada yechim topsin, bo‘lmasa o‘zi bilib joyini bo‘shatsin», – dedi davlat rahbari.

Shu bilan birga, Energetika vazirligi va...

AQSh prezidenti Donald Trampning ma’muriyati yana 36 davlat fuqarolariga Qo‘shma Shtatlar hududiga kirishni taqiqlash masalasini ko‘rib chiqmoqda. Bu haqda Reuters agentligi xabar berdi.

Agentlik xorijiy fuqarolarning AQShga kirishini cheklovchi hujjat mazmuni bilan tanishganini bildirgan.

Bundan avval, iyunning boshida prezident 12 davlat fuqarolarining AQShga kirishini cheklovchi qonunga imzo chekkan edi. Bu davlatlar quyidagilar: Afg‘oniston, Myanma, Chad, Kongo Respublikasi, Ekvatorial Gvineya, Eritreya, Gaiti, Eron, Liviya, Somali, Sudan va Yaman.

Bundan tashqari, yana yetti davlat fuqarolariga qisman cheklovlar joriy etilgan. Ular: Burundi, Kuba, Laos, Syerra-Leone, Togo, Turkmaniston va Venesuela.

Endilikda Markaziy Osiyodagi yana bir davlat – Qirg‘iziston fuqarolari ham AQShga kirishda qiyinchiliklarga...

Toshkent – Dalaman yo‘nalishi bo‘yicha Turkiyaga charter reyslarning yangi qatnovi boshlandi. Ushbu parvozlar Asialuxe Travel, Uzbekistan Airways va Uzbekistan Airports bilan hamkorlikda amalga oshirilmoqda.

Bu yo‘nalish Egey dengizi sohilidagi eng yaxshi kurortlarga, ya’ni Marmaris, Fethiye, Oludeniz va Go‘chek shaharlariga to‘g‘ridan to‘g‘ri borish imkonini beradi.

15-iyun kuni birinchi reys yo‘lovchilari Toshkent aeroportida tantanali tarzda kuzatilib, Dalamanda kutib olish marosimi tashkil etildi.

Parvozlar quyidagi jadvalda amalga oshiriladi:

Avvalroq Kursiv Uzbekistan Eron havo hududining yopilishi sabab bir nechta xalqaro...

Hyundai Porter avtomobili yana ishlab chiqarilish uchun Qozog‘istonga qaytdi. Bu haqda Motor.ru nashri xabar bermoqda.

Endi u Qozog‘istonda, Almatidagi Hyundai Trans Almaty zavodida yig‘iladi. Ishlab chiqarish to‘liq siklda olib boriladi. Kuzovni payvandlash va bo‘yash ham shu yerning o‘zida amalga oshiriladi.

Zavodni yangilash uchun 12,8 mlrd tenge investitsiya kiritildi. Bu mablag‘ evaziga Qozog‘istonda ilk bor kataforez bo‘yoq sexi va yangi rama ishlab chiqarish liniyasi ishga tushirilgan.

Hyundai Porter modelining eng katta afzalliklaridan biri uning nisbatan arzon narxi bo‘lib, u 14 mln tengedan (taxminan $27 ming) boshlanadi.

Sotuvlar iyun oyida boshlanadi. Xaridorlarga ikki yil yoki 150 ming kilometr kafolat...

Transfermarkt portali 2025-yilgi klublar o‘rtasidagi Jahon chempionati ishtirokchilarining joriy bozor qiymati haqida ma’lumot e’lon qildi. Eng qimmat jamoalar reytingida Angliyaning «Manchester Siti» klubi ikkinchi o‘rinni egalladi – futbolchilarning umumiy qiymati 1,18 milliard yevroga teng.

Birinchi o‘rinni Madridning «Real» klubi (1,33 milliard yevro), uchinchi o‘rinni esa «Pari Sen-Jermen» (1,05 milliard yevro) egalladi. Ulardan keyin esa «Chelsi» (972 million yevro) va «Bavariya» (843 million yevro) turibdi.

G guruhi tarkibi:

«Manchester Siti» quyidagi jamoalar bilan bir guruhda ishtirok etadi:

Isroil mudofaa kuchlari (IDF) bergan ma’lumotga ko‘ra, ularning harbiy-havo kuchlari Tehron shahrida joylashgan Quds kuchlari qo‘mondonlik markazlariga aniq razvedka ma’lumotlariga asoslangan havo hujumlarini amalga oshirgan.

Quds kuchlari – bu Eron Islomiy Inqilobiy Gvardiyasi tarkibidagi maxsus bo‘linma bo‘lib, xorijiy mamlakatlardagi jangarilarni boshqarish, ularni moliyalashtirish va masofaviy hujumlarni rejalashtirish bilan shug‘ullanadi. Xususan, ular Livandagi «Hizbulloh» harakati bilan faol aloqada bo‘lgani iddao qilinadi.

IDF bayonotida aytilishicha, zarba berilgan markazlar Isroilga qarshi hujumlar rejalashtirishda foydalanilgan bo‘lgan. Harbiy grafikaga ko‘ra, 10 ta nishon urilgan.

Harbiy keskinlashuv qanday yuz berdi?

Isroil Eronga qarshi «Yuksalayotgan sher» operatsiyasi nomli harbiy operatsiyani boshladi. Bu hujum Eronning...

Turkmaniston Tashqi ishlar vazirligi xabariga ko‘ra, Ashxobodda Eron orqali Turkmanistonga kelgan O‘zbekiston, Tojikiston, Qirg‘iziston va boshqa mamlakatlar fuqarolariga yordam ko‘rsatildi.

16-iyun kuni ertalab Turkmanistonga yuzdan ortiq xorijlik fuqarolar yetib kelgan. Ularning barchasi mehmonxonalarga joylashtirilib, oziq-ovqat va zarur vositalar bilan ta’minlandi.

«Gumanitar yordam doirasida Turkmanistonning tegishli davlat organlari xorijiy davlatlarning diplomatik vakolatxonalari va xalqaro tashkilotlar bilan yaqin hamkorlikda ishlamoqda», – deyiladi vazirlik bayonotida.

Eslatib o‘tamiz, 13-iyun kuni Isroil armiyasi Erondagi harbiy va yadroviy obyektlarga zarba berdi. Bu hujumlar natijasida Eronning yadro dasturiga aloqador bo‘lgan yuqori martabali harbiylar va olimlar halok bo‘ldi.

Eron javoban zarba...

Angliyaning «Vulverxempton» klubi bosh murabbiyi Vitor Pereyra muallifligidagi yozgi transfer maqsadlari ro‘yxati tarmoqda paydo bo‘ldi. Bu haqda Spartak inform nashri yozmoqda.

Unga ko‘ra, klub bir nechta iqtidorli futbolchilarni nazardan o‘tkazmoqda va ularning orasida O‘zbekiston terma jamoasi va Rossiyaning SSKA klubi vingeri Abbosbek Fayzullayev ham bor.

Yosh hujumkor futbolchi «bo‘rilar» skautlarini qiziqtirgan nomzodlardan biri sifatida ko‘rsatilgan. Ro‘yxatda, shuningdek, «Spartak» hujumchisi Manfred Ugalde, «Dinamo» (Mahachqal’a) yarim himoyachisi Muhammad Javad Husaynnejod va «Zenit»ga tegishli himoyachi Renan ham mavjud.

Ma’lumotlarga ko‘ra, «Vulverxempton» hujum chizig‘i va qanotda harakat qiluvchi ijrochilarni yangilashni maqsad qilgan.

Avvalroq Kursiv Uzbekistan Fayzullayev Rossiya Premyer-ligasining eng qimmat futbolchilari ro‘yxatiga...

So‘nggi yillarda Xitoyning LiXiang (Li Auto) brendi ostidagi premium krossoverlar O‘zbekiston va Rossiyada katta mashhurlikka erishmoqda. Biroq bu mashinalar ham mutlaq ideal emas — ularning o‘ziga xos texnik kamchiliklari bor. AutoNews nashri tomonidan foydalanuvchilar fikrlariga asoslanib, Li avtomobillarida eng ko‘p uchraydigan nosozliklar tahlil qilindi.

LiXiang L9

Li Auto Russia Club’ning ta’kidlashicha, L9 modeli butun model qatori ichida eng ishonchli hisoblanadi. Dvigatel, havo osma tizimi, multimedia va rul boshqaruvi yaxshi ishlaydi. Ba’zi avtomobillar hatto 200 ming km dan oshgan yo‘lni bosib o‘tgan bo‘lsa-da, jiddiy ta’mir talab qilinmagan.

Shunga qaramay, L9 modelida ham quyidagi muammolar kuzatilgan:

Bugun tunda (15-iyundan 16-iyunga o‘tar kechasi) yo‘llangan Eron raketalari oqibatida 3 kishi halok bo‘ldi, 67 kishi shifoxonaga yotqizildi. Bu haqda Times of Israel xabar bermoqda.

Eron tomonidan otilgan ballistik raketalar Isroilning markaziy hududlariga tushdi. Magen David Adom tibbiy xizmati xabariga ko‘ra, hujum natijasida kamida 3 kishi halok bo‘lgan. 67 kishi turli darajadagi tan jarohatlari va ruhiy zarba bilan shifoxonaga yotqizilgan.

Yaralanganlardan biri 30 yoshdagi ayol og‘ir ahvolda, 6 kishi o‘rtacha darajada, qolganlar esa yengil jarohatlar olgan yoki kuchli qo‘rquvga uchragan.

Raketalar markaziy Isroildagi bir nechta inshootlarga tushgan, ayniqsa, Bat Yam shahridagi binolar jiddiy zarar ko‘rgan. Qutqaruvchilar binolardan...