Yangiliklar

Amerikaning Lucid Motors kompaniyasining Lucid Air elektromobili bir zaryad bilan 1205 kilometr yo‘l bosib o‘tdi. Bu natija Ginnesning rekordlar kitobiga kiritildi. Bu haqda kompaniya rasmiy sahifasida ma’lum qildi.

Rekord Shveysariyaning Sen-Morits shaharchasidan boshlanib, Germaniyaning Myunxen shahrigacha bo‘lganYevropa avtoprobegi chog‘ida qayd etildi. Yo‘l marshruti murakkab tog‘li serpantinlardan, to‘g‘ri va tezkor harakat uchun mo‘ljallangan avtobanlargacha bo‘lgan turli yo‘l turlarini qamrab oldi.

Bu esa testni real hayotga maksimal darajada yaqinlashtirdi va mashinaning barcha sharoitlardagi samaradorligini sinovdan o‘tkazdi.

Lucid Air Grand Touring modeli ishlab chiqaruvchining texnik hujjatlarida bir zaryad bilan 960 kilometr bosib o‘tishi ko‘rsatilgan. Biroq ushbu real sinovda mashina rasmiy ko‘rsatkichdan...

AQSh Davlat departamentida mingdan ortiq xodim Tramp administratsiyasi tomonidan maqsadida majburiy ravishda ishdan bo‘shatildi. Bu haqda BBC nashri xabar berdi.

Unga ko‘ra, 1 107 fuqaro xizmati va 246 xorijiy xizmat vakillari o‘z ish joyidan ayrildi. Bu haqda juma kuni xodimlarga yuborilgan rasmiy bildirishnomada ma’lum qilingan.

Yil boshida yana 1 500 dan ortiq xodim o‘z ixtiyori bilan ishdan ketgan edi. Bu barcha harakatlar Tramp ma’muriyati tomonidan federal hukumatni optimallashtirish maqsadida amalga oshirilmoqda.

Ammo tanqidchilar fikricha, bunday keng miqyosdagi qisqartirishlar AQShning tashqi siyosatdagi roli va samaradorligiga jiddiy zarar yetkazadi. Xususan, Qochqinlar va migratsiya byurosida ishlagan deyarli barcha fuqarolik xodimlari ishdan bo‘shatilgan...

Ilon Mask boshchiligidagi SpaceX kompaniyasi uning o‘ziga tegishli bo‘lgan xAI kompaniyasiga Grok chat-boti $2 milliardlik sarmoya kiritmoqda. Bu haqda RBK nashri xabar berdi.

xAI kompaniyasi mashhur Grok sun’iy intellekt chat-botini ishlab chiqmoqda. Bu investitsiya xAI tomonidan jalb qilinayotgan jami $5 milliardlik aktsion kapital dasturining bir qismidir.

Chat-boti ayni vaqtda SpaceX’ning Starlink sun’iy yo‘ldosh internet xizmatlari foydalanuvchilariga mijozlarni qo‘llab-quvvatlash xizmatini taqdim etmoqda. The Wall Street Journal nashrining yozishicha, kelajakda SpaceX va xAI o‘rtasidagi hamkorlik yanada kengayishi mumkin.

Biroq ushbu yirik moliyaviy qaror SpaceX uchun xavf tug‘dirishi ham mumkin. So‘nggi yillarda kompaniya daromadlari oshganiga qaramay, u milliardlab dollarlarni Starship raketasini ishlab...

Toshkent shahrida 7 nafar voyaga yetmagan bolaning hovuzda cho‘kishi bilan bog‘liq holatlar yuz berdi. Ulardan biri halok bo‘lgan. Bu haqda Bosh prokuratura xabar berdi.

Ijtimoiy tarmoqlarda tarqalgan xabarlarda 2 nafar bola vafot etgani aytilgan bo‘lsa-da, rasmiy organlar bu borada aniqlik kiritdi. Ma’lumotga ko‘ra, ushbu hodisalar bo‘yicha prokuratura organlari tomonidan o‘rganish ishlari olib borildi.

Ma’lum bo‘lishicha, Respublika shoshilinch tibbiy yordam ilmiy markaziga joriy yilning 12-mayidan 10-iyulgacha bo‘lgan davrda Toshkent shahrining turli hududlaridan 7 nafar voyaga yetmagan bolaning cho‘kishi bilan bog‘liq murojaatlar kelib tushgan.

Shu bolalardan:

Amerikaning FusionFlight kompaniyasi o‘zining reaktiv droni AB6 JetQuad asosida yaratilgan yangi avlod shaxsiy uchish qurilmasi – Axionni taqdim etdi. Bu haqda kompaniya rasmiy sahifasida xabar berdi.

Bu dunyodagi birinchi dizelda ishlaydigan poyga uchun mo‘ljallangan uchuvchi apparat bo‘lib, vertikal ko‘tarilish va qo‘nishga (VTOL) qodir.

FusionFlight 2019-yilda AB5 JetQuadni, keyinroq esa uning takomillashgan versiyasi AB6ni yaratgandi. Ular elektr motorlar o‘rniga mikroturbinli reaktiv dvigatellardan foydalanadi. Bu dvigatellar dizel, kerosin yoki aviatsiya yonilg‘isida ishlaydi. AB6 modeli 402 km/soatgacha tezlikda uchishi va 19 litrli bak bilan 15 daqiqa havoda qolishi mumkin.

Reaktiv tizimlar sovuq sharoitlarda ham barqaror ishlashi va muzlash holatlarida ham uchishga yaroqliligi...

«Yuksalish» umummilliy harakati 2025-yil 19-iyundan 3-iyulgacha «O‘zbekistonda to‘ylar» mavzuida onlayn so‘rovnoma o‘tkazdi. Unda 1200 dan ortiq fuqarolar ishtirok etdi. Tadqiqot to‘y marosimlari bilan bog‘liq moliyaviy yuk, ijtimoiy bosim va jamiyatdagi kayfiyatni o‘rganishga qaratildi.

To‘y xarajatlari daromadlarga mos emas

So‘rov ishtirokchilarining aksariyati (81%) o‘z oila budjetini oyiga 5 – 12 million so‘m deb baholagan. Biroq to‘y xarajatlari 50 million so‘mdan oshgan hollar ko‘p uchramoqda – har uch respondentdan biri 70 – 100 million so‘mgacha pul sarflaganini bildirgan. Ayrimlar uchun bu bir necha yillik daromadga teng.

Respondentlarning 55 foizi to‘y xarajatlarini oilaviy yordam orqali, 25 foizi esa qarz olish evaziga...

Parijda Fransiya hukumati va Yangi Kaledoniya siyosiy kuchlari o‘rtasida yangi davlat tuzilishini nazarda tutuvchi kelishuv imzolandi. Bu haqda Politico nashri muzokaralarda ishtirok etgan manbalarga tayanib xabar berdi.

Rasmiy ma’lumotlarga ko‘ra, kelishuv Fransiyaning Bujival shahrida, Parij yaqinida imzolangan. Kelishuv Yangi Kaledoniyaga to‘liq mustaqillik emas, balki kengaytirilgan avtonomiya maqomini taqdim etadi. Yangi davlat o‘zining alohida fuqaroligiga ega bo‘ladi, bu esa ikki fuqarolikka – fransuz va yangi kaledoniyalik fuqarolikni birgalikda yuritishga imkon beradi.

Bundan tashqari, unga xalqaro siyosat yuritishda mustaqil qarorlar qabul qilish huquqi berilishi ham ko‘zda tutilgan. Fransiya prezidenti Emmanuel Makron ushbu hujjatni Fransiyaning zamondosh tarixidagi «institutsional jihatdan muhim kelishuv» deb...

GSMA IMEI bazasida Samsung‘ning yangi flagman modellari paydo bo‘ldi. Bu qurilmalar ustida ish olib borilayotganini ko‘rsatadi. Bu haqda ITHome nashri xabar bermoqda.

Bazaga ko‘ra, seriyada Galaxy S26, S26 Edge va S26 Ultra modellari mavjud.

S26 Ultra AQSh uchun SM-S948U, Koreya uchun SM-S948N raqamlari bilan qayd etilgan. Galaxy S26 Edge modeli esa SM-S947U nomi bilan ro‘yxatga olingan. Oddiy Galaxy S26 ikki versiyada bo‘ladi: SM-S942B (xalqaro) va SM-S942U (AQSh bozori uchun).

E’tiborli jihat – bu safar raqamlar yakunida «1» emas, «2» bilan tugagan. Shuningdek, avvalgidek S26 Ultra raqami «8» bilan tugaydi. Eng qiziq tomoni bu safar Galaxy S26 Plus modeli umuman...

AQSH prezidenti Donald Tramp 1-avgustdan boshlab Yevropa Ittifoqi (YI) va Meksikadan olib kiriladigan mahsulotlarga 30 foizlik boj joriy etishini e’lon qildi. Bu haqida Reuters agentligi xabar bermoqda.

Tramp bu bojlar boshqa sanoat toifalariga nisbatan alohida joriy etilishini qayd qilgan. U po‘lat, alyuminiy va avtomobil importiga nisbatan ilgari belgilangan bojlar esa kuchda qolishini aytgan. Shuningdek, AQSh rahbari Kanada, Yaponiya va Braziliya kabi 23 davlatga ham 20 – 50% boj solish bo‘yicha maktublar yuborgan.

Yevrokomissiya rahbari Ursula fon der Lyayen va Meksika prezidenti Klaudiya Sheynbaum bu bojlarni adolatsiz deb atadi. Ular muzokaralarni davom ettirishga chaqirdi.

AQShda bu tariflar orqali budjet tushumlari...

Qurilish va uy-joy kommunal xo‘jaligi sohasida nazorat inspeksiyasi Toshkent shahri Uchtepa tumani Bog‘obod mahallasida qurilayotgan yangi ko‘p qavatli bino yuzasidan rasmiy bayonot berdi.

Mazkur obyekt «Great Vertex» MCHJ tomonidan ilgari mavjud bo‘lgan avtoturargoh o‘rnida qurilmoqda. Loyiha bo‘yicha bu yerda zamonaviy ko‘p qavatli avtoturargoh va yashash uylari barpo etilishi rejalashtirilgan.

Ruxsatnomalar 2019-yildan boshlab bosqichma-bosqich olingan bo‘lib, so‘nggi arxitektura-rejalashtirish hujjati 2024-yil yanvar oyida qayta rasmiylashtirilgan. Biroq 2025-yil 28-fevralda bino qavatlarini oshirish bo‘yicha berilgan ariza rad etilgan.

13 marotaba olib borilgan tekshiruv davomida qurilishda loyiha hujjatlariga zid ishlar amalga oshirilgani aniqlandi. Natijada kompaniya mansabdoriga nisbatan Ma’muriy javobgarlik to‘g‘risidagi kodeks asosida bayonnoma rasmiylashtirildi.

Bugun, 13-iyul kuni O‘zbekiston bo‘ylab ob-havo asosan quruq bo‘ladi, yog‘ingarchilik kutilmaydi. Respublikaning katta qismida harorat 34-39 daraja atrofida bo‘ladi.

Shamol 7-12 metr/sekund tezlikda esadi, ba’zi hududlarda esa uning tezligi 13-18 metr/sekundgacha kuchayib, chang-to‘zonlar kuzatilishi mumkin.

Toshkentda ob-havo quyoshli bo‘lib, yomg‘ir yog‘maydi. Poytaxtda shamol 3-8 m/s tezlikda esadi, harorat 36-38 daraja atrofida bo‘ladi.

Tog‘li hududlarda ham ob-havo quruq bo‘lib, shamol ba’zi joylarda 13-18 m/s gacha kuchayishi mumkin. Harorat 27-32 daraja bo‘lishi kutilmoqda.

Avvalroq Kursiv Uzbekistan yozda uyni qanday salqin tutish mumkinligi haqida yozgandi.

Realme kompaniyasi yangi Realme 15 5G va 15 Pro smartfonlarini 24-iyul kuni taqdim etishini ma’lum qildi. Bu haqda 4pda nashri ma’lumot berdi.

Yangi modellar to‘rt xil rangda taqdim etiladi.

Nashrga ko‘ra, smartfonlar Snapdragon protsessori, kuchli neyroprotsessor va yorqin ekran bilan jihozlanadi.

Realme bu qurilmalarni yupqa korpus, chiroyli dizayn va yaxshi kamera bilan maqtamoqda.

Yana bir yangilik – AI Edit Genie texnologiyasi. U fotosuratlarni ovoz yordamida tahrirlash imkonini beradi.

Ma’lumot o‘rnida, Realme – zamonaviy texnologiyalar bo‘yicha faoliyat yurituvchi xalqaro kompaniya bo‘lib, 2018-yilda Xitoyda tashkil etilgan. Kompaniya dastlab OPPO brendining subbrendi sifatida ish boshlagan, ammo tez orada mustaqil ishlab chiqaruvchiga aylandi.

Infinix kompaniyasi yangi Infinix Hot 60 Pro+ smartfonini taqdim etdi. Bu haqda Unian nashri xabar bermoqda.

Qurilma o‘zining yupqa korpusi, kuchli batareyasi va yorqin dizayni bilan ajralib turadi. Uning qalinligi atigi 5,95 mm bo‘lib, bu Galaxy S25 Edge’dan faqat 0,2 mm ga qalinroq. Biroq, vazni undan yengil – 154,6 gramm. Asosiysi, Hot 60 Pro+ 5160 mA⋅soat sig‘imdagi akkumulyatorga ega bo‘lib, bu Samsung modelidagi 3900 mA⋅soatdan ancha katta.

Smartfonda 6,78 dyuymli AMOLED ekran bor, 1,5K aniqlikda va 144 Hz yangilanish tezligiga ega. Uning yorqinligi 4500 nitgacha yetadi. Old paneli Gorilla Glass 7i bilan himoyalangan. Qurilma MediaTek Helio G200 protsessori bilan...

Qozondagi «Ak Bars Arena» stadionida Rossiya Superkubogi uchun boʻlib oʻtgan oʻyinda «Krasnodar» va «SSKA» jamoalari oʻzaro kuch sinashdi. Titul uchun kechgan bellashuvda Moskva klubi 1:0 hisobida gʻalaba qozondi.

Uchrashuvning yagona golini «SSKA» himoyachisi Igor Diveyev 48-daqiqada burchak zarbasidan soʻng kiritdi. Shu tariqa «armiyachilar» oʻz tarixlarida sakkizinchi marta Superkubokni qoʻlga kiritdi. Bu koʻrsatkich boʻyicha ulardan faqat «Zenit» (9-marta) oldinda turibdi.

«Krasnodar» esa klub tarixidagi ikkinchi katta sovrinni yutish imkoniyatini qoʻldan chiqardi. Ma’lumki, klub oʻtgan mavsumda ilk bor mamlakat chempioni boʻlgan edi.

Oʻyinda oʻzbekistonlik yarim himoyachi Abbosbek Fayzullayev 79-daqiqada zaxiradan oʻyinga qoʻshildi.

Avvalroq Kursiv Uzbekistan Abbos Fayzullayev ham Turkiyaning «Başakşehir» klubiga o‘tishi...

Fransiya prokurorlari Ilon Maskka tegishli X kompaniyasiga nisbatan jinoiy tergov boshladi. Kompaniya algoritmlarini «xorijiy aralashuv» maqsadida o‘zgartirgani haqidagi da’volar bunga sabab bo‘ldi.

Ma’lum qilinishicha, tergov 9-iyul kuni boshlangan va uni kiberjinoyatlarga qarshi kurash boʻyicha maxsus boshqarma olib bormoqda. Prokuratura Xʼning algoritmlarni oʻzgartirish orqali foydalanuvchilar ma’lumotlarini firibgarlik yoʻli bilan yiqqani va bu orqali Fransiya qonunchiligini buzgan-buzmaganini oʻrganmoqda.

Tergov Xʼning kompaniya sifatida faoliyatiga ham, u bilan bogʻliq boʻlgan jismoniy shaxslarga ham qaratilgan. Maskning ismi bevosita tilga olinmagan boʻlsa-da, surishtiruv 2022-yilda u platformani sotib olganidan keyingi faoliyatga oid shikoyatlar asosida boshlangan.

Mazkur surishtiruv yanvar oyida boshlangan dastlabki tergovning davomidir. Oʻsha vaqtda X...

10-iyul kuni Shimoli-sharqiy Afrikada joylashgan Eritreya O‘zbekiston bilan diplomatik munosabatlar o‘rnatgan 162-davlat bo‘ldi. Bu haqda Eritreyaning BMTdagi doimiy vakolatxonasi ma’lum qildi.

Mazkur hujjat Birlashgan Millatlar Tashkilotining Nyu-Yorkdagi vakolatxonalarida imzolandi. Eritreyaning BMTdagi doimiy vakili Sofiya Tesfamariam va O‘zbekistonning BMTdagi doimiy vakili Ulug‘bek Lapasov qo‘shma kommyunike imzolab, ikki davlat o‘rtasida rasman diplomatik aloqalar o‘rnatilganini e’lon qildi.

Tomonlar bu voqeani o‘zaro hurmat va manfaatlarga asoslangan yangi hamkorlik bosqichi sifatida baholadi. Kelgusida siyosiy, savdo-iqtisodiy va madaniy-gumanitar yo‘nalishlarda hamkorlikni rivojlantirish va mustahkamlash rejalashtirilmoqda.

Ma’lumot uchun, Eritreya Afrikaning Shimoli-sharqida joylashgan bo‘lib, aholisi 3,9 million kishidan oshadi.

Avvalroq «Kursiv» O‘zbekistonning Serbiyadagi birinchi elchisi tayinlangani haqida xabar...

NASA va Yaponiya aerokosmik tadqiqotlar agentligi (JAXA) mutaxassislari X-59 eksperimental samolyotining sinov modelida muhim bosqichni yakunladi. Bu haqda NASA ma’lum qildi.

Ta’kidlanishicha, sinovlar samolyot ostida hosil boʻladigan shovqin darajasini oʻlchashga qaratilgan boʻlib, bu odamlarda tovushni qanday idrok etilishi masalasida muhim ahamiyatga ega.

X-59 kuchli tovush toʻlqinisiz tovush tezligidan yuqori tezlikda uchish uchun ishlab chiqilgan. Asl samolyotning uzunligi 30,4 metr va qanotlarining kengligi 9,05 metr boʻlsa-da, sinovlar oʻtkaziladigan quvurning oʻlchamlari atigi 0,91 metr uzunlik va kenglikka ega boʻlgani sababli, asl nusxaning 1,62 foiz masshtabidagi modelidan foydalanildi.

Bu orqali zarba toʻlqinlarining shakllanishi va samolyot atrofidagi aerodinamik oqimlar haqidagi eksperimental ma’lumotlar...

Android Canary’ning iyul versiyasida ko‘p vazifali ishlash imkoniyatlarini sezilarli darajada kengaytiruvchi yangi funksiya joriy etildi.

Endilikda foydalanuvchilar ekranni 90/10 nisbatda boʻlish rejimida ishlata olishadi. Bu yangilik yuqori ekranli qurilmalarda bir vaqtning oʻzida ikki ilovadan foydalanish qulayligini sezilarli darajada oshiradi.

Yangi rejimga koʻra, bitta ilova ekranning 90 foizini, ikkinchisi esa atigi 10 foizini egallaydi. Ilovalar oʻrtasida tezda almashish esa kichik oynaga bosish orqali amalga oshiriladi – bu ikki ilovaning joyini avtomatik ravishda almashtiradi.

Mazkur 90/10 rejimi ilgari mavjud boʻlgan 70/30 nisbatiga qoʻshimcha sifatida kiritildi. Dastlabki rejalarga koʻra, 70/30 oʻrniga toʻliq 90/10 qoʻllanilishi kerak edi. Biroq Google foydalanuvchilar fikrlarini inobatga olib...

«Moskvich 8» krossoveri nihoyat sotuvga chiqarilmoqda. Autonews.ru nashri vaziyatdan xabardor manbaga tayanib, model kelasi haftadan boshlab Rossiya bozoriga chiqarilishini ma’lum qildi.

Zavod matbuot xizmati ayni sanani ochiqlamagan boʻlsa-da, savdolar yaqin orada boshlanishi tasdiqlandi.

«Sotuvlar tez fursatda boshlanadi», – deb izoh bergan «Moskvich» avtomobil zavodi vakillari.

Avvalgi rejaga koʻra, «Moskvich 8» ishlab chiqarilishi 2024-yil oktabrida boshlanishi, sotuv esa oʻsha yil oxiriga moʻljallangandi. Biroq keyinchalik bu muddat bir necha bor ortga surildi. 2025-yil qishida dilerlar model bahorda taqdim etilishi mumkinligini aytishgan, ammo bu prognoz ham oʻz tasdigʻini topmadi.

«Moskvich 8» ilk bor 2024-yil aprel oyida...

Davlat xavfsizlik xizmati Toshkent shahar boshqarmasi va Bosh prokuratura huzuridagi departament hamkorligida oʻtkazilgan tezkor tadbir davomida Toshkent davlat iqtisodiyot universiteti (TDIU) oʻqituvchisi pora olayotgan vaqtida qoʻlga olindi.

Aniqlanishicha, u oʻzining tanish mansabdor shaxslari orqali bir fuqaroni universitetga oʻqishga kiritib qoʻyishni va’da qilgan va buning evaziga $4 ming olgan. Pulni olayotgan paytda u ashyoviy dalillar bilan ushlangan.

Yana bir holat Fargʻona davlat universitetida qayd etildi. Universitetning kafedra oʻqituvchisi oʻz xizmat mavqeyidan foydalangan holda, yuqori lavozimli tanishlari orqali bir fuqaro nomiga boks boʻyicha sport unvoni borligi haqidagi soxta hujjatni rasmiylashtirgan. Soʻngra uni harbiy ta’lim fakultetiga oʻqishga kiritish evaziga $3,8 ming pora...

Bitkoin narxi 2025-yil yoz oxirigacha $135 mingga yetishi mumkin, deb xabar bermoqda TASS.

Ta’kidlanishicha, narxning jadal oʻsishi AQShda Donald Tramp tomonidan imzolangan soliq imtiyozlari hamda biznesni qoʻllab-quvvatlashni nazarda tutuvchi qonun bilan bogʻliq.

Bitkoin 12-iyul holatiga ko‘ra, $118 mingga yetdi. Bu hozircha tarixiy eng yuqori koʻrsatkich hisoblanadi. Bitkoinning kapitallashuvi esa $2,3 trilliondan oshib, Alphabet (Google) kompaniyasini ortda qoldirdi.

Ekspertlar bu oʻsishni AQShdagi likvidlikning oshishi, foiz stavkalariga oid yumshatilgan siyosat kutilayotgani va texnologik sektordagi faollik bilan izohlamoqda. Bundan tashqari, 15-iyulda eʼlon qilinadigan AQSh inflyatsiya maʼlumotlari va Federal zaxiraning siyosati ham bozor uchun muhim omil boʻladi.

Cifra Markets va Whitebird kompaniyalari...

Oʻzbekiston Rossiya va Ukraina oʻrtasidagi urushda halok boʻlgan chet ellik fuqarolar soni boʻyicha uchinchi oʻrinni egalladi. Bu haqda BBC, «Mediazona» hamda koʻngillilar guruhi tomonidan ochiq manbalar asosida oʻtkazilgan tadqiqotda ma’lum qilindi.

Tadqiqot davomida Rossiya – Ukraina urushida halok boʻlgan 500 dan ortiq chet el fuqarolarining shaxsi aniqlangan. Roʻyxatda Oʻzbekiston 66 nafar qurbon bilan uchinchi oʻrinda qayd etilgan. Tojikiston 72 nafar, Nepal esa 70 nafar qurbon bilan mos ravishda birinchi va ikkinchi oʻrinda turibdi.

Ushbu ma’lumotlar Rossiya fuqaroligiga ega boʻlmagan, 28 mamlakatdan kelib urushda ishtirok etgan shaxslar haqida boʻlib, ular rasmiy bayonotlar, ijtimoiy tarmoqlardagi postlar va qabrtoshlar suratlari orqali aniqlangan.

Oʻzbekistonda dam olish kunlari aholiga qoʻshimcha qulaylik yaratish maqsadida ayrim tijorat banklari shanba va yakshanba — 12–13-iyul kunlari ham valyuta ayirboshlash va xalqaro pul oʻtkazmalari xizmatlarini koʻrsatadi. Bu haqda Markaziy bank matbuot xizmati ma’lum qildi.

Mazkur kunlarda faoliyat yurituvchi banklar quyidagilar: «Agrobank», «Anorbank», «Apexbank», «Asakabank», «Asia Alliance Bank», «Biznesni rivojlantirish banki», «Garantbank», «Hamkorbank», «Hayot Bank», «Ipoteka bank», «Infinbank», «Kapitalbank», «Orient Finans Bank», «Sanoatqurilishbank», «Saderat Bank», «Tenge Bank», «Trastbank» va «Oʻzmilliybank».

Shuningdek, 24/7 rejimida ishlovchi avtomatlashtirilgan valyuta ayirboshlash bankomatlari va banklarning...

2025-yil 1-avgustdan boshlab Oʻzbekistonda chiqindi xizmatlari boʻyicha qarzdorlik mavjud boʻlgan abonentlar elektr energiyasi uchun toʻlovni amalga oshira olmaydi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Ma’lum qilinishicha, yangi tartib prezident tomonidan 2025-yil 7-mart kuni imzolangan qonun asosida joriy etilmoqda. Hujjatga koʻra, agar abonentlar chiqindi xizmatlari uchun toʻlovni oʻz vaqtida amalga oshirmasa, ularning elektr energiyasi boʻyicha toʻlov imkoniyati vaqtincha cheklanadi.

Har oyning 3-sanasiga qadar «Toza makon» tizimidan qarzdorlik haqidagi ma’lumotlar «Hududiy elektr tarmoqlari» tizimiga avtomatik uzatiladi. 5-sanasigacha esa abonentlarga 2100 qisqa raqamidan SMS-ogohlantirish yuboriladi.

Ogohlantirish yuborilganidan soʻng qarzdorlikni bartaraf etish uchun 5 kunlik muddat beriladi. Agar...