Yangiliklar

«O‘zagrosug‘urta»ning 99,35 foizlik aksiyalar paketi sotuvga qo‘yildi. Bu haqda Davlat aktivlarini boshqarish agentligi xabar berdi.

Ushbu aktivni xususiylashtirish jarayoniga mahalliy va xorijiy investorlar teng asosda taklif etilmoqda. Savdolarda ishtirok etish uchun arizalar shu yilning 22-avgustigacha Toshkent vaqti bilan soat 23:59 ga qadar qabul qilinadi.

Jarayon qanday kechadi

Xususiylashtirish ikki bosqichda amalga oshiriladi. Birinchi bosqichda investorlar o‘z qiziqishlarini bildirgan ariza bilan birga quyidagi hujjatlarni taqdim etishlari lozim:

Hujjatlar o‘zbek, rus yoki ingliz tillarida quyidagi elektron manzilga yuboriladi: jmamadjanov@deloitte.uz.

Yuborilgan arizalar moliyaviy barqarorlik, xalqaro sanksiyalar ro‘yxatida yo‘qlik...

Bunyodkor ko‘chasining bir qismi gastronomik turizm maskaniga aylantirildi. Bu haqda prezident matbuot xizmati xabar berdi.

Bunyodkor markaziy ko‘chasida san’at va madaniyat maskanlari, turli idoralar, ko‘p qavatli uylar, supermarket va restoranlar joylashgan. Shu salohiyatdan foydalangan holda uning 1,5 kilometr qismi xizmat ko‘rsatish va gastro­turizm ko‘chasiga aylantirildi.

Bundan tashqari, bu yerda 90 ta tadbirkorlik subyekti tunu kun ishlaydi. Shundan 45 tasi yangi tashkil etildi, 500 kishi ish bilan ta’minlandi.

Ko‘chaga yaqin Kamolon, Yangi Kamolon va Kamolon Darvoza mahallalarida 18 mingga yaqin aholi yashaydi. Hozir bu joyga yiliga 255 ming mehmon tashrif buyurmoqda, endi ularning sonini yiliga 1 millionga yetkazish imkoniyati yaratilgan.

O‘zbekiston va Kuvayt o‘rtasida Toshkent – Al-Kuvayt yo‘nalishida muntazam aviaqatnov ochilishi rejalashtirilmoqda. Mazkur tashabbus Kuvaytda o‘tkazilgan «O‘zbekiston – Kuvayt» xalqaro turizm forumi doirasidagi muzokaralar chog‘ida ilgari surildi.

Turizm qo‘mitasi raisi Umid Shadiyev forum davomida Kuvayt sayyohlik va turizm agentliklari uyushmasi raisi Muhammad Al-Mutayri hamda Axborot va madaniyat vaziri o‘rinbosari Nosir Muhaysen bilan uchrashuvlar o‘tkazdi.

Foto: Turizm qo‘mitasi

Tomonlar ikki mamlakat o‘rtasida sayyohlar oqimini ko‘paytirish, madaniy va qishki turizm dasturlarini ishlab chiqish, «Umra+» tashabbusini kengaytirish va yirik sayyohlik ko‘rgazmalarida hamkorlikda qatnashish bo‘yicha kelishuvga erishdi.

Uchrashuv yakunida 2025 – 2027-yillarga mo‘ljallangan ikki davlat o‘rtasidagi turizm sohasidagi chora-tadbirlar dasturiga muvofiq Harakat...

Xitoyda Jeep avtomobillarini yig‘ish bilan shug‘ullangan GAC Fiat Chrysler Automobiles kompaniyasi rasmiy ravishda bankrot deb e’lon qilindi. Bu haqda 32cars.ru nashri xabar berdi.

Ushbu qo‘shma korxona 2009-yilda Stellantis va GAC (Guangzhou Automobile Group) o‘rtasida tashkil etilgan bo‘lib, Jeep brendi avtomobillarini Xitoy ichki bozori uchun ishlab chiqarishga mo‘ljallangandi.

Ammo 2022-yilda hamkorlik tugatilganidan so‘ng Stellantis Jeep’ni faqat import asosida sotishni boshladi. Bu esa mahalliy ishlab chiqarishning tugashiga olib keldi.

Bankrotlikka sabab sifatida kompaniya boshqaruvchilari moliyaviy tiklanishning imkonsizligini va istiqbollarning yo‘qligini ko‘rsatishdi. Korxonaga nisbatan 600 ga yaqin da’vo arizasi kiritilgan bo‘lib, ularning umumiy summasi 1,4 milliard yuanga, ya’ni $192 millionga teng...

Shoirning she’ridan ruxsatsiz foydalangan xonanda Jaloliddin Axmadaliyev jarimaga tortildi. Bu haqda Adliya vazirligi matbuot xizmati xabar berdi.

Ma’lum bo‘lishicha, xonanda muallif Shohrux Abduvohidovga tegishli bo‘lgan «Yurak», «Meni deb oqardi sochlaring ona», «Ko‘zlaringni qizg‘anma mendan» va «Barchasini Xudoga soldim» she’rlarini ruxsatsiz, shartnoma tuzmasdan foydalangan.

Mazkur holat yuzasidan huquqbuzarga nisbatan bayonnoma rasmiylashtirilib, sudga yuborilgan. Farg‘ona viloyati jinoyat ishlari bo‘yicha Dang‘ara tumani sudining qaroriga ko‘ra, huquqbuzarga nisbatan jarima jazosi tayinlandi.

Qonunchilikka muvofiq, muallif huquqbuzardan zarar qoplanishi o‘rniga bazaviy hisoblash miqdorining 20 baravaridan 1000 baravarigacha miqdorda tovon to‘lashini talab qilish huquqiga ega. Bazaviy hisoblash miqdori hozirgi paytda 375 000 so‘m, joriy yil 1-avgustdan...

Bugun, 10-iyul kuni dollar kursi 18,98 so‘mga pastlab, 12 634,34 so‘mni qayd etdi. Bu haqda Valyuta birjasi xabar berdi.

Dollar kursining so‘nggi uch kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni...

Yaqin Sharqdagi mojaroning keskinlashuvi sababli yuzaga kelgan tanaffusdan so‘ng Uzbekistan Airways Iroq havo hududidan parvozlarni qayta tikladi. Bu haqda Iroq Transport vazirligi o‘zining rasmiy bayonotida ma’lum qildi, deb xabar bermoqda Rudaw.

Aviakompaniyaning qaytishi Iroq ustidan tranzit parvozlarni tiklashning keng ko‘lamli jarayonining bir qismi bo‘ldi. Havo hududidan foydalanishni qayta boshlagan boshqa kompaniyalar qatorida Air France, Red Wings va Air India ham bor.

Iroq aeronavigatsiya xizmatlari bosh kompaniyasining ma’lumotlariga ko‘ra, parvozlar soni kuniga 700 tadan oshgan. Bu mamlakat tarixidagi eng yuqori ko‘rsatkichdir.

Eslatib o‘tamiz, Iroq havo hududi Isroil va Eron o‘rtasidagi ziddiyatning keskin tus olgani tufayli 13-iyundan 24-iyungacha butunlay yopilgan edi...

Bugun, 11-iyul kuni soat 11:00 atrofida poytaxtning Shayxontohur tumanida joylashgan Farobiy ko‘chasida diametri 800 millimetr bo‘lgan quvur portladi.

Hodisa natijasida jarohat olgan fuqarolar, ko‘chadagi avtotransport vositalari va obyektlariga yetkazilgan zararlarni Veolia Energy Tashkent kompaniya to‘liq qoplab berishini ma’lum qildi.

Ma’lumot uchun, ushbu portlash TC-10 qozonxonasi hududida, M 0-16 va M 0-17 issiqlik kamerasi oralig‘ida, Olmazor tumanidagi Farobiy va Shifokorlar ko‘chalari kesishmasida joylashgan issiqlik tarmog‘i uchastkasida 16 ati bosimdagi (atmosfera) mexanik mustahkamlik sinovlari o‘tkazilgan.

Sinovlar davomida 12,6 ati bosimda diametri 800 mm bo‘lgan trubada suv chiqishi kuzatilgan. Ushbu issiqlik tarmog‘i uchastkasi 1989-yilda ekspluatatsiyaga topshirilgan.

Hodisa natijasida yaqin atrofdagi do‘konlarga...

Li Auto kompaniyasi tomonidan 6 o‘rindiqli Li i8 elektromobili 29-iyul kuni Xitoy bozorida namoyish etiladi. Bu haqda CarnewsChina xabar bermoqda.

Modelning narxi $48,4 mingdan boshlanadi. Li i8 o‘rta-yirik SUV toifasiga mansub. Uning o‘lchamlari: uzunligi – 5085 mm, kengligi – 1960 mm, balandligi – 1740 mm. G‘ildirak bazasi – 3050 mmni tashkil etadi.

Tashqi ko‘rinishi Li Mega modeliga o‘xshaydi. Tanasi qora oynalar, yashirin eshik tutkichlari va 20 yoki 21 dyuymli g‘ildiraklar bilan jihozlangan.

Li i8 ikki motorli to‘liq yuruvchi tizimga ega: old motor – 150 kVt (201 ot kuchi), orqa motor – 250 kVt (335 ot kuchi). Umumiy quvvat...

Ijtimoiy tarmoqlarda Shota Rustaveli ko‘chasi rekonstruksiyasiga $198 million dollar sarflanishi haqida xabarlar tarqaldi. Toshkent shahar hokimligi ushbu ma’lumotlar bo‘yicha munosabat bildirdi.

Unga ko‘ra, $198 million – bu faqat Shota Rustaveli ko‘chasi emas, balki poytaxtning 200 kilometrga yaqin yo‘l infratuzilmasini bosqichma-bosqich rekonstruksiya va modernizatsiya qilish uchun ajratilgan dastlabki umumiy hisob-kitob. Loyihaning yakuniy narxi bajarilgan real ishlar asosida shakllantiriladi.

Bu ko‘cha bilan bir qatorda, Amir Temur shohko‘chasi, Shahrisabz hamda Yangi Sergeli ko‘chasi va Olmazor tumanidagi yirik yo‘l obyektlarining rekonstruksiya ishlari ham birinchi bosqichga kiritilgan. Bu bosqichning umumiy qiymati $50 millionga baholangan.

Ushbu yirik infratuzilma loyihalari Xitoyning China State Construction Engineering Corporation...

Farg‘ona viloyatida 2,9 milliard so‘mlik gazdan noqonuniy foydalanish holati aniqlandi. Bu haqda «O‘zenergoinspeksiya» xabar berdi.

Ma’lum bo‘lishicha, Dang‘ara tumanida joylashgan xususiy korxonaga tegishli oshxona gaz tarmog‘idan hisoblagichsiz yashirin ravishda foydalanib kelgan.

Dastlabki hisob-kitoblarga ko‘ra, ushbu qoidabuzarlik tufayli gaz ta’minoti korxonasiga 2,9 mlrd so‘m zarar yetkazilgan.

Hozirda holat yuzasidan tergovga qadar tekshiruv ishlari olib borilmoqda.

Avvalroq Kursiv Uzbekistan Jizzaxda 1,5 mlrd so‘mlik tabiiy gaz o‘g‘irlangani haqida yozgandi.

Xabarga ko‘ra, viloyatning G‘allaorol tumanidagi Ftiziatriya dispanseri elektron gaz hisoblagichga tashqi ta’sir ko‘rsatib, tabiiy gazdan noqonuniy foydalanib kelgan. Oqibatda gaz ta’minoti korxonasiga 1 milliard 535 million so‘m zarar yetkazilgan.

FIFA erkaklar terma jamoalari reytingining navbatdagi yangilangan nashrida O‘zbekiston milliy jamoasi 2 pog‘onaga yuqorilab, 55-o‘ringa chiqdi. Bu natija FIFA Jahon chempionati – 2026 saralash bosqichida va o‘rtoqlik o‘yinlarida qayd etilgan natijalarning samarasidir.

So‘nggi oylar ichida milliy terma jamoalar tomonidan 200 dan ortiq xalqaro o‘yinlar o‘tkazilgan. Aynan shu natijalar asosida jahon reytingida ko‘plab o‘zgarishlar kuzatildi.

Kuchli o‘ntalikda Xorvatiya 1 pog‘ona ko‘tarilib, Italiya hisobiga Top – 10 ga qaytdi. Portugaliya va Niderlandiya o‘zaro o‘rin almashdi, Germaniya esa 1 pog‘ona yuqorilab, 9-o‘ringa chiqdi. Eng yuqori uchlik esa o‘zgarmadi: Argentina – 1-o‘rinda, Ispaniya – 2-o‘rinda, Fransiya – 3-o‘rinda. Angliya va Braziliya esa kuchli...

O‘zbekiston prezidenti Shavkat Mirziyoyev «Xalqaro uglerod birliklari bozorida ishtirok etish chora-tadbirlari to‘g‘risida»gi farmonni imzoladi. Hujjat Ma’lumotlar milliy bazasida e’lon qilingan.

Uglerod birligi (UB) issiqxona gazlari chiqindilarini hisoblash va qoplash uchun ishlatiladi. Asosan, bir UB bir tonna karbonat angidrid gazi chiqindisiga teng. Bundan tashqari, UB chiqindilarni kamaytirish samaradorligini baholashga yordam beradi.

Qabul qilingan qaror UB’ni qonuniylashtirish va ularni, jumladan, xalqaro bozorlar orqali savdo qilishni yo‘lga qo‘yishga qaratilgan. Rejaga ko‘ra, tegishli loyihalar orqali olingan uglerod birliklarining 80 foizi xorijiy maydonchalarda sotiladi, qolgan 20 foizi esa zaxirada saqlanadi.

Shuningdek, kelgusi yil boshidan respublikada Milliy uglerod birliklari reyestri joriy etiladi. Uni Iqtisodiyot...

10-iyul kuni Toshkent vaqti bilan soat 00:55 da bitkoin kursi birinchi marta $112 ming chegarasidan oshib, 22-mayda erishilgan avvalgi narx maksimalidan oshib ketdi.

Aprel boshida AQSh prezidenti Donald Trampning boj to‘lovlari haqidagi bayonotidan so‘ng fond bozori indeksi tushib ketdi va Bitcoin narxi $75 mingdan pastga tushdi. Bu 2025-yildagi eng past daraja bo‘lib qoldi.

Ammo aprel oyidagi qulashdan so‘ng Bitcoin tez tiklana boshladi va hozirgacha 46% dan ortiq o‘sishga erishdi.

Bitkoin kapitalizatsiyasi hozirda $2,17 trilliondan oshdi. Bu uni Alphabet (Google) aksiyalari bilan bir qatorda dunyodagi eng yirik beshta aktiv qatoriga kiritdi. Eng yirik to‘rt aktiv esa Apple, Microsoft, NVIDIA va...

O‘zbekistonda ishlab chiqarilganiga 40 – 50 yil bo‘lgan avtomobillarni bosqichma-bosqich foydalanishdan chiqarish taklif qilindi. Bu haqda «Milliy tiklanish» demokratik partiyasi fraksiyasi rahbari Alisher Qodirov ma’lum qildi.

Qodirovning ta’kidlashicha, Toshkent va Nukus shaharlari, shuningdek, viloyat markazlarida «Yevro – 5» va undan past ekologik standartga ega eski avtomobillarni bosqichma-bosqich cheklash rejalashtirilmoqda.

Uning aytishicha, prezident Shavkat Mirziyoyev raisligida o‘tgan yig‘ilishda bir qator muhim tavsiyalar va tashabbuslar muhokama qilingan.

Deputat 40 – 50 yillik avtomobillarni foydalanishdan chiqarishni to‘g‘ri qaror deb baholagan. Hatto, bunday cheklovlarni 25 – 30 yillik mashinalarga ham tatbiq etish mumkinligini ta’kidlagan. Biroq bunday holatda fuqarolar uchun avtomobilni yangilashga...

2026-yilgi Kia EV2 elektromobili ilk bor yo‘l sinovlarida ko‘rinish berdi. Bu haqda ITHome xabar bermoqda.

CarSpyMedia YouTube kanali uning Alp tog‘larida suratga olingan lavhalarini e’lon qildi. Avtomobil Kia’ning eng kichik va arzon elektromobili bo‘ladi. U shahar ichida foydalanish uchun mo‘ljallanib, ixcham, qulay va tejamkor transport vositasi sifatida ishlab chiqilgan.

Avvalroq 2025-yilgi EV Day tadbirida EV2 konsepti namoyish etilgandi. Sinovdagi prototip aynan shu dizaynga yaqin. Oldi qismini vertikal joylashgan faralar va yulduzsimon yoritish bezaydi. Uzunligi 4000 mm atrofida bo‘ladi. Bu EV3 modelidan kichikroq.

Ichki salon tafsilotlari hozircha ma’lum emas. Biroq kompaniya oldin aytganidek, EV2 minimalizm va ekologik yechimlarga asoslanadi. Salon...

Klublar o‘rtasidagi jahon chempionatining ikkinchi yarim finalida «PSJ» «Metlayf» stadionida «Real Madrid»ni 4:0 hisobida mag‘lub etdi.

Uchrashuvning birinchi bo‘limida parijliklar dastlabki daqiqalardanoq o‘yinni o‘z nazoratlariga oldi. O‘yinning yettinchi daqiqasidayoq hisob ochildi. Raul Asensio o‘z jarima maydoni yaqinida qo‘pol xatoga yo‘l qo‘yib, to‘pni Usman Dembelega «sovg‘a» qildi. Fransuz futbolchisi Kurtua bilan yakka-yakka chiqdi. Darvozabon uni yiqitganiga qaramay, to‘p yugurib kelgan Fabian Ruisga bordi va u bo‘sh darvozani ishg‘ol qildi – 1:0.

Ikki daqiqa o‘tar-o‘tmas «PSJ» ustunligini ikki baravar oshirdi. Bu safar Ryudiger xatoga yo‘l qo‘ydi. «Real» himoyachisi yana o‘sha Dembele bosimiga bardosh berolmay, to‘pni boy berdi. Fransuz futbolchisi tezligini...

Realme 15 va 15 Pro modellari 24-iyul kuni rasman taqdim etiladi. Kompaniya Realme 15 Pro modelida Snapdragon 7 Gen 4 protsessori bo‘lishini tasdiqladi. Bu haqda GSMArena xabar bermoqda.

Yangi smartfon AI Gaming Coach 2.0, AI Ultra Touch Control va Free Fire kabi o‘yinlarda 120FPS rejimini qo‘llab-quvvatlaydi.

Bundan avval ikkala modelda ham ovoz orqali surat tahrirlash imkonini beruvchi AI Edit Genie funksiyasi bo‘lishi ma’lum qilingandi. Realme 15 Pro uchta rangda chiqadi. Oddiy versiyada esa Silk Pink, Silver va Green ranglar bo‘ladi.

Eslatib o‘tamiz, Kursiv Uzbekistan Realme 15 Pro 5G taqdim etilishi kutilayotgani haqida yozgan edi.

Bugun, 10-iyul kuni ijtimoiy tarmoqlarda Toshkent shahrida yirik suv quvuri yorilgani haqida videolar tarqaldi. Bu bo‘yicha Favqulodda vaziyatlar vazirligi rasmiy munosabat bildirdi.

Unga ko‘ra, soat 11:00 atrofida poytaxtning Shayxontohur tumanida joylashgan Farobiy ko‘chasida diametri 800 millimetr bo‘lgan quvur portlagan. Hodisa natijasida ko‘chada kuchli suv oqimi yuzaga kelgan.

«Hodisa joyiga zudlik bilan yong‘in-qutqaruv ekipajlari yetib borib, vaziyat oqibatlari bartaraf etilmoqda. Tan jarohati olganlar to‘g‘risida hozircha ma’lumot kelib tushmadi», – deyiladi xabarda.

Vazirlik ma’lumotlariga ko‘ra, ushbu holat kommunal tarmoqdagi issiq suv tarmog‘ini bosim ostida tekshirish jarayonida yuzaga kelgan.

«Hodisa oqibatida...

Netflix Wednesday serialining ikkinchi mavsumi uchun rasmiy treylerini e’lon qildi.

Yangi treylerda bosh qahramon Addams yana «Nevermore» akademiyasiga qaytadi. Bu safar u yangi sirli voqealarga duch keladi, ya’ni sevgan insonining hayoti xavf ostida qoladi.

Bosh rol ijrochisi Jenna Ortega aytishicha, yangi mavsum slasher janridan ilhomlangan sahnalarni o‘z ichiga oladi.

Serialning yangi fasli Netflix platformasida yaqin kunlarda namoyish etilishi kutilmoqda.

Avvalroq Kursiv Uzbekistan 2025-yilda Gollivud kinoyulduzi Bred Pitt bosh rolni ijro etgan va taniqli rejissyor Jozef Kosinski tomonidan suratga olingan Formula 1 filmi nihoyat katta ekranlarga chiqqani haqida yozgandi.

Geely kompaniyasiga qarashli Zeekr brendi tomonidan taqdim etilgan Zeekr 9X avtomobili avgust oxirida Xitoyda savdoga chiqadi. Bu haqda CarNewsChina xabar bermoqda.

Mashina 1 381 ot kuchi, 3,1 soniyada 100 km/soat tezlikka chiqish va 1000 km dan ortiq yurish masofasi bilan ajralib turadi. Bu to‘liq o‘lchamdagi SUV bo‘lib, o‘lchamlari 5239×2029×1819 mmni tashkil etadi. U Zeekr brendining SEA-S platformasidagi birinchi modeli hisoblanadi.

9X’da 70 kVt⋅soat sig‘imli CATL batareyasi bor. Bu PHEV avtomobillari orasida eng yiriklaridan biri. To‘liq elektr yurish masofasi – 380 km. 900V tizimi bilan batareya 20 foizdan 80 foizgacha atigi 9 daqiqada zaryadlanadi.

Gibrid tizimda 2 litrli turbo...

Rossiyada 10-iyuldan boshlab migrantlar uchun imtihon talablari o‘zgardi. Bu haqda TASS nashri xabar berdi.

Ma’lum qilinishicha, endilikda Rossiyada ishlash yoki yashash uchun ruxsat olishni istaganlar rus tilini chet tili sifatida bilish, Rossiya tarixi va qonunchiligi asoslari bo‘yicha yangilangan tartibda imtihon topshiradi.

Tinglab tushunish bo‘yicha topshiriqlar soni ikki barobar oshiriladi – oldin ikkita bo‘lsa, endi to‘rtta bo‘ladi. Bundan tashqari, ushbu bo‘limni muvaffaqiyatli topshirish uchun majburiy minimal ball belgilandi.

Shuningdek, vaqtincha yashash yoki yashash guvohnomasini olish imtihonida ham tinglab tushunish va og‘zaki nutq bo‘limlari bo‘yicha minimal ballar belgilanadi.

Ta’lim va fanni nazorat qilish federal xizmati bu choralar imtihon natijalarining...

Grok sun’iy intellekt tizimiga Turkiyada rasman cheklov qo‘yildi. Bu haqda Cumhuriyet nashri xabar berdi.

X (sobiq Twitter) platformasiga tegishli bu tizim foydalanuvchilarga nisbatan haqoratli javoblar bergan. Shuningdek, prezident Rajab Toyyib Erdo‘g‘onni haqorat qilgani sababli tergovga tortildi.

Anqara Bosh prokuraturasi tizimga nisbatan rasmiy surishtiruv boshlaganini tasdiqladi. Tergovga sabab sifatida Grok’ning so‘nggi yangilanishlaridan keyin foydalanuvchilarga va uchinchi shaxslarga nisbatan haqoratli mazmundagi javoblar bergani ko‘rsatilmoqda.

Shu sababli Turkiya hududida ushbu sun’iy intellekt tizimiga kirish vaqtincha to‘xtatildi.

Grok’ning rasmiy X sahifasida holat yuzasidan bayonot e’lon qilindi. Unda «so‘nggi paytlarda yuzaga kelgan nomaqbul javoblar» e’tiborga olingan. Bu kontentni platformadan olib tashlash bo‘yicha ishlar...

AI+ nomli yangi hind kompaniyasi tomonidan 60 dollarlik smartfon taqdim etildi. Bu haqda Gizmochina xabar bermoqda.

Kompaniyani ilgari Realme’da ishlagan menejer boshqarmoqda. Brend birinchi bo‘lib ikkita modelni chiqardi: Nova 5G va Pulse. Nova 5G narxi – $96, Pulse esa atigi $60 turadi.

Narxi arzon bo‘lsa-da, texnik jihatlari yomon emas. Pulse modeli Unisoc T615 protsessorida ishlaydi. Unda 4/64 yoki 6/128 GB xotira bor. Nova 5G esa kuchliroq – yangi Unisoc T8200 protsessoriga ega. U AnTuTu testida 500 000 dan ortiq ball olgan. Uning xotirasi esa 6/64 yoki 8/128 GBni tashkil etadi.

Ikkala modelda ham 6,7 dyuymli HD+ ekran o‘rnatilgan. Pulse...