Yangiliklar

Poytaxtda yangi Amerika texnologiyalar universiteti tashkil etilishi yuzasidan prezident qarori qabul qilindi.

Qarorga ko‘ra, Toshkent shahridagi Amerika texnologiyalar universitetining ta’lim jarayonini tashkil qilishda AQShning «Cintana Education» kompaniyasi hamkorlik qiladi.

Universitet muhandislik, sog‘liqni saqlash, axborot texnologiyalari, arxitektura va dizayn, iqtisodiyot va moliya, xalqaro munosabatlar yo‘nalishlariga talabalarni qabul qiladi.

Amerika texnologiyalar universiteti nodavlat oliy ta’lim tashkiloti bo‘lib, o‘z faoliyatini 2024/2025 o‘quv yilidan boshlab O‘zRning ta’lim sohasidagi qonunchiligi talablariga muvofiq yuritadi. Qabul parametrlari, bitiruvchilar attestatsiyasi va to‘lov-kontrakt miqdorini o‘zi belgilaydigan to‘liq akademik, moliyaviy va tashkiliy mustaqil oliy ta’lim tashkiloti hisoblanadi. Bitiruvchilarga Arizona davlat universitetining yoki AQShda tan olinadigan hamkor xorijiy oliy ta’lim tashkilotining diplomi...

Oʻzbekiston prezidentining yordamchisi Saida Mirziyoyeva Qatarning Oʻzbekistondagi elchisi Hasan Hamza Hoshim bilan uchrashdi. Bu haqda Mirziyoyeva oʻzining Telegram kanalida ma’lum qildi.

Qayd etilishicha, muloqot davomida mamlakatlar oʻrtasidagi hamkorlikni yanada kengaytirish, jumladan, ta’lim va madaniyat sohalarida qoʻshma loyihalarni amalga oshirish istiqbollari muhokama qilindi.

Shuningdek, Afgʻonistonlik qizlarni Termiz shahrida oʻqitish loyihasi hamda Oʻzbekiston talabalari uchun Qatarning yetakchi universitetlarida tahsil olish boʻyicha grant oʻrinlarini koʻpaytirish masalalariga alohida e’tibor qaratildi.

Avvalroq «Kursiv» Saida Mirziyoyeva va AQSH elchisi bilan inson huquqlarini muhokama qilgani haqida xabar bergan edi.

O‘zbekistonda oltin quymalari narxi yangi rekord o‘rnatdi. Bu haqda Markaziy bank ma’lumot berdi.

Unga ko‘ra, o‘lchovli quyma oltinning 5 grammi 5,169 mln so‘mni, 10 grammi 10,337 mln so‘mni, 20 grammi 20,675 mln so‘mni va 50 grammi 51,687 mln so‘mni tashkil etmoqda.

Oxirgi marta maksimal narx deyarli ikki oy oldin yangilangan, o‘shanda 5 gramm sof oltin uchun 5,158 million so‘m to‘lanishi kerak edi.

Markaziy bank boshqa shakllarda xarid qilish mumkin bo‘lgan oltin narxini ham e’lon qildi. Masalan, esdalik tangalar 15 grammi 15,657 mln so‘m, 20 grammi 20,867 mln so‘m qiymatga ega bo‘lib turgan bo‘lsa, 31,1 gramm oltin tanga 32,462 mln...

Yevropa Ittifoqining (YI) O‘zbekistondagi elchisi Sharlotta Adrian respublikadagi missiyasini yakunladi, deb xabar qildi respublika Tashqi ishlar vazirligi matbuot xizmati.

Mamlakat tashqi ishlar vaziri Baxtiyor Saidov Adrian bilan xayrlashuv uchrashuvi o‘tkazdi. Vazirlik boshlig‘i uning O‘zbekiston va Yevropa Ittifoqi o‘rtasidagi munosabatlarni rivojlantirishga qo‘shgan hissasini alohida ta’kidladi.

Adrian 2021-yil mart oyida Yevropa Ittifoqining O‘zbekistondagi delegatsiyasiga rahbarlik qilgan. Bungacha u ittifoqning Qirg‘izistondagi elchisi bo‘lgan.

Avvalroq «Kursiv» O‘zbekistonning Shvetsiyadagi elchisi Nodir G‘aniyevning diplomatik missiyasi yakunlangani haqida yozgan edi.

«Toshkent – Buxoro – Toshkent» yoʻnalishi bo‘yicha qoʻshimcha yoʻlovchi poyezdlar harakati yoʻlga qoʻyiladi. Bu haqda «Oʻztemiryoʻlyoʻlovchi» axborot xizmati xabar berdi.

Ma’lum qilinishicha, 2024-yilning 23-avgust kunidan haftaning har juma, shanba va yakshanba kunlari 778/777-sonli «Toshkent – Buxoro – Toshkent» yoʻnalishida «Afrosiyob» elektropoyezdining qoʻshimcha harakati yoʻlga qoʻyiladi. Poyezd quyidagi jadval asosida harakatlanadi:

778-sonli «Toshkent – Buxoro» yoʻnalishi

Toshkent 6:59 – Buxoro 11:05

777-sonli «Buxoro – Toshkent» yoʻnalishi

Buxoro 16:12 – Toshkent 20:20

Ma’lumot uchun, chiptalarni nafaqat temir yoʻl chiptaxonalaridan, balki elektron tarzda eticket.railway.uz sayti orqali xarid qilish mumkin.

Avvalroq «Kursiv» Toshkentdan Samarqandga qoʻshimcha yoʻlovchi poyezd harakati yoʻlga qoʻyilgani haqida xabar...

NPL, ya’ni banklardagi muammoli kreditlar miqdori iyun oyida 936 mlrd so‘mga kamaydi. Bu haqda Markaziy bank ma’lum qildi.

Unga ko‘ra, NPL 20 trln so‘mgacha pasaygan. Bu 936 mlrd so‘m kamayganini ko‘rsatadi.

Ushbu muammoli kreditlarning jami kreditlardagi ulushi 4,3 % dan 4 % ga tushgan. Davlatga qarashli banklarda bu 4,4 %, xususiy banklarda esa 3,1 % ni tashkil etgan.

NPL ulushi «Milliy bank»da – 753 mlrd soʻm, SQB da – 231 mlrd va BRBda – 216 mlrd miqdorda kamaydi. Ushbu ko‘rsatkich boshqa banklarga qaragandan kattaroqdir.

Shuningdek, «Ipoteka bank»da NPL – 327 mlrd, ya’ni eng koʻp miqdorda  koʻpaygan.

Hozirgi kunda eng...

Yog‘ochning jahon narxlari bir yarim yil ichida eng past darajaga tushib ketganidan keyin keskin ko‘tarildi. Bunga qurilish materiallariga talabning taxminiy ortishi sabab bo‘ldi, deb xabar berdi «Trading Economics» portali.

18-iyul ertalabki holatga ko‘ra, har bir ming yog‘och futning narxi (AQShda yog‘och o‘lchanishi) taxminan $480 tashkil qiladi. Oxirgi 24 soat ichida u 3 foizdan ortiq, undan oldin esa 11 foizga oshgan. Shu bilan birga, uch kun oldin bir yarim yil uchun minimal narx $419 edi.

Yog‘och narxining oshishi bozor qurilish sohasida jonlanishni kutayotgani bilan bog‘liq. Natijada yog‘ochga bo‘lgan talab ortishi kerak.

Qimmatli qog‘ozlar bozorlarida Nvidia (-6,65 foiz), Meta (-5,78 foiz...

Britaniyaning Morris Garages (MG) avtomobil brendi Oʻzbekiston bozoriga rasman kirib kelmoqda. Bu haqda kompaniyaning mamlakatdagi rasmiy vakili xabar berdi.

Brend distribyutori Machinery motors investment group boʻlib, 2024-yil kuzda avtomobillar savdosini boshlashni rejalashtirmoqda.

Kompaniyaning ma’lum qilishicha, Oʻzbekistonda MG’ning quyidagi modellari sotuvga chiqaradi:

MG ZS — yarimixcham krossover; MG HS — Ixcham lyuks krossover; MG 4 EV — manyovrli elektr xetchbeki; MG 7 — sport liftbeki; MG Cyberster — ajoyib elektr rodster.

Ma’lumot uchun, kompaniya 1924-yilda Buyuk Britaniyada asos solingan boʻlib, kompaniyaning sport avtomobillari bir necha bor tezlik rekordlarini oʻrnatgan.

Eslatib oʻtamiz, hozirgi kunda Oʻzbekistonda...

O‘zbekiston Markaziy banki tadqiqotiga ko‘ra, mamlakatda 2024-yilning birinchi olti oyida qurilish korxonalari soni 30 mingdan oshdi.

Yanvar – iyun oylarida respublikada ushbu sohada ikki mingga yaqin korxonalar paydo bo‘ldi.

Bugungi kunda mamlakatda xo‘jalik yurituvchi subyektlarning qariyb 7 foizini qurilish korxonalari tashkil etadi. Chet el kapitali ishtirokidagi tashkilotlar ular orasida taxminan bir xil ulushni egallaydi.

Avvalroq «Kursiv» O‘zbekiston Qurilish inspeksiyasi vakolatlarini kengaytirishni rejalashtirayotgani haqida e’lon qilgan edi.

Bugun, 18-iyul kuni Qoraqalpog‘iston Respublikasi, Xorazm viloyati va Farg‘ona vodiysida yomg‘ir yog‘adi va momaqaldiroq bo‘lishi ehtimoli bor. Qashqadaryo va Surxondaryo viloyatlarida chang- to‘zon ko‘tariladi. Havo harorati 32-37 daraja issiq bo‘ladi, deb xabar beradi «Gidrometeorologiya» xizmati agentligi.

Toshkent shahrida havo bulutli va o‘zgaruvchan bo‘ladi. Yog‘ingarchilik kuzatilmaydi. Kunduzi havo harorati 35-37 daraja issiq, kechasi esa 21-23 daraja iliq bo‘ladi.

Tog‘li hududlarda esa kunning ikkinchi yarmida yomg‘ir yog‘adi va momaqaldiroq bo‘ladi. Kunduzi ob-havo 28 darajagacha issiq, kechasi 12-17 daraja iliq bo‘ladi.

2024-yilning yanvar – iyun oylarida jami 19,5 ming nafar Oʻzbekiston fuqarolari oʻqish maqsadida chet elga borgan. Bu haqda Statistika agentligi axborot xizmati xabar berdi.

Mazkur davrda mamlakat fuqarolari oʻqish maqsadida eng koʻp Tojikistonga – 10 ming nafar borgan. Keyingi oʻrinda 2,9 ming nafar bilan Rossiya joy oldi.

Uchinchi oʻrindan 2 ming nafar bilan Qirgʻiz Respublikasi joylashgan boʻlsa, oʻqish maqsadida Turkiyaga ketganlar soni 1 ming nafarni tashkil etdi.

Shuningdek, Janubiy Koreyaga (948 nafar), Qozogʻistonga (764 nafar), Buyuk Britaniyaga (363 nafar), Xitoyga (320 nafar), Germaniyaga (190 nafar), AQSH (166 nafar) va boshqa mamlakatlarga (645 nafar) Oʻzbekiston fuqarolari oʻqish maqsadida ketgan.

Avvalroq...

Raqobatni rivojlantirish va iste’molchilar huquqlarini himoya qilish qoʻmitasi «Korzinka» riteylerini reklama boʻyicha qonunni buzgani uchun aybdor deb topdi va jarima solishga qaror qildi, deb xabar beradi departament matbuot xizmati.

Shuningdek, kompaniya bir oy muddatda reklamada aniqlangan qoidabuzarliklarni bartaraf etishi kerak boʻladi.

Qoʻmitaning aytishicha, Korzinka qarorga norozi boʻlsa, sudga murojaat qilish huquqiga ega.

Eslatib oʻtamiz, joriy yilning iyul oyi oʻrtalarida qoʻmita sotuvchiga qarshi ish ochgan edi. Boshqarma ma’lumotlariga koʻra, Korzinka oʻz reklamasida xaridorlarni chalgʻitishi mumkin boʻlgan iboralarni ishlatgan. Ular orasida: «Eng past narxda kundalik xaridlar», «Eng arzon narx Korzinkada».

Qoʻmita tadbirkorlarni demokratik huquqiy muhitni shakllantirish uchun qonuniy faoliyat bilan shugʻullanishga chaqirdi.

Oʻzbekistonlik 12 nafar hakam Parij Olimpiadasida ish olib boradi. Bu haqda UzA xabar berdi.

Unga koʻra, 3 nafar hakam futbol musobaqalarini, ikki nafar gimnastika, shuningdek, boks, dzyudo, ogʻir atletika, taekvondo, qilichbozlik, tennis, sport kurashlarida 1 nafardan oʻzbekistonlik hakam «Parij – 2024» Olimpiadasida xizmat koʻrsatadi.

Ma’lumot uchun, yozgi Olimpiada oʻyinlari 26-iyuldan 11-avgustga qadar bo‘lib o‘tadi.

Estalatib oʻtamiz, Abdumalik Xalokov va Zaynab Dayibekova Parij Olimpiadasida Oʻzbekistonning bayroqdorlari hisoblanadi.

Avvalroq «Kursiv» oʻzbekistonlik sport gimnastikasi hakami Olimpiyada oʻyinlarida ish olib borishi haqida xabar bergan edi.

«UzAuto Motors» elektron savdo maydonchasida Cobalt rusumli avtomobillar qolmadi. Jami 26,7 mingta avtomobil sotildi, deya xabar beradi kompaniya.

«26 603 ta tuzilgan shartnomalar One ID tizimida ro‘yxatdan o‘tgan va 1 ta dan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi. 97 ta shartnoma yuridik shaxslar ulushiga to‘g‘ri keldi», deyiladi xabarda.

Bugun, 17-iyul kuni kompaniya minglab avtomobillarni savdo.uzavtosanoat.uz saytida soat 10:00 da kontraktatsiyaga qo‘ydi. Tushgacha Gx – Optima At – Plus konfiguratsiyasi (narxi 146,5 million so‘m) bo‘yicha shartnomalar yakunlandi. Qimmatroq Gx – Style At – Plus to‘plami (147,9 million so‘m) tushdan keyin...

2024-yilning yanvar – iyun oylarida O‘zbekiston xorijga $910 mlnlik meva-sabzavot va oziq-ovqat mahsulotlari yetkazib berdi. Bu haqda respublika prezidenti Shavkat Mirziyoyev boshchiligidagi hududlarni rivojlantirish masalalariga bag‘ishlangan yig‘ilishda ma’lum qilindi.

Yil oxiriga qadar qayta ishlangan meva-sabzavot mahsulotlari eksportini ko‘paytirish rejalashtirilgan.

Bundan tashqari, respublikada qishloq xo‘jaligi mahsulotlarini saqlash va saralash quvvatlarini oshirish bo‘yicha 382 ta loyiha amalga oshirila boshlandi. Ushbu maqsadlar uchun 9 trillion so‘m mablag‘ yo‘naltirildi.

Bundan tashqari, O‘zbekistonda yil oxirigacha o‘nta agrologistika markazi va 230 ming tonna mahsulot saqlash imkoniyatiga ega muzlatkichli ombor qurish rejalashtirilgan.

Avvalroq «Kursiv» O‘zbekiston yalpi ichki mahsuloti yilning birinchi yarmida 6,4 foizga...

17-iyul kuni O‘zbekiston Respublika valyuta birjasida dollarning o‘rtacha tortilgan qiymati 1,91 so‘mga ko‘tarildi va 12 587,94 so‘mni tashkil qildi.

Mamlakar banklari AQSh valyutasini 12 525 – 12 685 so‘mdan xarid qilishmoqda va 12 620 – 12 650 so‘mdan sotishmoqda.

Eslatib o‘tamiz, 16-iyul kuni dollarning o‘rtacha narxi 21.59 so‘mga pasaygan edi.

Amerikalik milliarder Ilon Mask SpaceX va X shtab kvartiralarini Texasga koʻchirishga qaror qildi. Bu haqda tadbirkor oʻzining X tarmogʻidagi sahifasida ma’lum qildi.

U SpaceXʼning Kaliforniyadan Texasga koʻchishiga Kaliforniya gubernatori Gevin Nyusom tomonidan qabul qilingan qonunni sabab qilib koʻrsatdi. Unga koʻra, maktab ota-onalarga farzandlarining jinsi yoki jinsiy oriyentatsiyasini oʻzgargani haqida xabardor qilishi shart emas.

Milliarderning qoʻshimcha qilishicha, X ijtimoiy tarmogʻining bosh qarorgohi giyohvandlar tufayli San-Frantsiskodan Texasning Ostin shahriga koʻchiriladi.

«Shunchaki agressiv giyohvandlar toʻdalaridan binoga kirish va chiqish uchun sabrim tugadi», deydi Mask.

Eslatib oʻtamiz, 2024-yil iyun oyi oʻrtalarida Tesla aksiyadorlari Maskning kompaniyani Texasga koʻchirish...

Uganda va Janubiy Afrikada o‘tkazilgan sinov natijalariga ko‘ra, OIV infeksiyasidan himoya qiluvchi yangi dori ishlab chiqildi, deb xabar beradi Neurology Advisor.

Sinovlar «Gilead Sciences Inc.» tomonidan o‘tkazildi. Klinik sinovlarda 2134 nafar ayol ishtirok etdi va ularning hech biri kasal bo‘lmadi. Endi kompaniya yana oltita mamlakatda tadqiqot olib bormoqda, endi sinovda erkaklar ham ishtirok etadi.

Ijobiy natijaga erishish uchun in’ektsiya yiliga ikki marta qilinadi. Doridan yiliga ikki marta foydalanish uchun $42 250 to‘lashi kerak bo‘ladi.

Avvalroq «Kursiv» O‘zbekistonda OIV/OITS infeksiyasiga chalinganlar soni qanchaga oshganini e’lon qilgan edi.

Shavkat Mirziyoyevning taklifiga binoan Qirgʻiz Respublikasi prezidenti Sadir Japarov 18–19-iyul kunlari davlat tashrifi bilan Oʻzbekistonga tashrif buyuradi. Bu haqda davlat rahbari matbuot xizmati xabar berdi.

Tashrif davomida oʻzaro savdo hajmini oshirish, biznes va hududlar darajasida kooperatsiya aloqalarini kuchaytirish, transport-tranzit sohasidagi imkoniyatlardan foydalanish masalalari muhokama qilinadi.

Qo‘shni davlat rahbari Oʻzbekistonda Qirgʻiziston madaniyati kunlarining rasmiy ochilish marosimida ham qatnashishi kutilmoqda. Shuningdek, Qirgʻiziston va Oʻzbekiston davlat rahbarlari ishtirokida amalga oshirilayotgan ikki tomonlama loyihalarning ishga tushirilish marosimi boʻlib oʻtadi.

Ma’lumot uchun, bugun, 17-iyul kuni Toshkent shahrida «Oʻzbekiston – Qirgʻiziston» biznes forumi boʻlib oʻtmoqda.

Avvalroq «Kursiv» Qirgʻizistonda davlat toʻntarishining oldi olingani haqida xabar...

O‘zbekistonda birinchi mahalliy zirhli transportyor (BTR) «Arslon» ishlab chiqarildi. «O‘zbekiston 24» telekanali xabariga ko‘ra, «Krantas Group» kompaniyasi loyiha uchun javobgardir.

Yangi BTR tez orada O‘zbekiston armiyasi safida xizmatga kirishi kutilmoqda. Ayni paytda jangovar texnika harbiy sinovdan o‘tkazilmoqda.

«Arslon» jangovar modul bilan jihozlangan bo‘lib, kunduzi ham, kechasi ham topshiriqlarni bajarishga qodir. Zirhli transport vositasi 11 kishini olib yurishi mumkin: uch ekipaj a’zosi va sakkiz nafar askar.

«Krantas Group» ushbu turdagi zirhli transport texnikasini NATO standartlariga muvofiq ishlab chiqilganini ta’kidladi.

«O‘zbekiston 24» telekanali xabariga ko‘ra, modernizatsiya qilingan «Tarlon-M» zirhli mashinasi ham O‘zbekiston armiyasi safida xizmatga kiradi. Texnika allaqachon harbiy sinovlardan o‘tmoqda.

Bugun Toshkent vaqti bilan soat 10:00 da «UzAuto Motors» Cobalt avtomobillarini qayta kontraktatsiyaga qo‘ydi. Avtomobillarni sotish jarayoni haqida «Kursiv» maqolasida o‘qing.

Toshkent vaqti bilan soat 13:14 da savdo.uzavtosanoat.uz platformasida Gx – Optima At – Plus modeli qolmadi. Uning narxi 146,5 million so‘m edi. Biroq hozircha sotuvda Gx – Style At – Plus mavjud, uning narxi 147,9 million so‘mni tashkil etadi. Ushbu modelda jami 11 rang mavjud.

Eslatib o‘tamiz, «UzAuto Motors» kompaniyasi ilgari sotib olinmagan avtomobillarni kontraktatsiyaga qayta qo‘yadi. To‘lov etti kalendar kun ichida amalga oshirilishi kerak. Aks holda shartnoma bekor qilinadi.

Qurilish va uy-joy kommunal xoʻjaligi vaziri Botir Zokirov sogʻligʻidagi muammo tufayli lavozimidan ozod etildi. Bu haqda prezident raisligidagi yigʻilishda ma’lum qilindi.

Vazirning birinchi oʻrinbosari lavozimida faoliyat yuritib kelayotgan Sherzod Hidoyatov esa vazir vazifasini bajaruvchi etib tayinlandi.

U bunga qadar Vazirlar Mahkamasi huzuridagi Tashkent City Xalqaro ishbilarmonlik markazi qurilishi direksiyasiga rahbarlik qilgan.

Ma’lumot uchun, Zokirov 2019-yilning sentabrida Qurilish va uy-joy kommunal xoʻjaligi vaziri etib tayinlangan edi.

Shuningdek, yigʻilish qurilish va transport kompleksidagi vazifalar muhokama qilindi. Qurilish sohasi yarim yilda 10 foizga oʻsib, 80 trln soʻmga yetgani ta’kidlandi. Shunga qaramay, xotirjamlikka berilmay, qurilishda tannarxni pasaytirish boʻyicha jiddiy shugʻullanadigan...

Barcha vazirliklar va viloyatlar hokimliklarida Barqaror rivojlanish markazlarini tashkil etish zarurligi haqida davlat rahbari Shavkat Mirziyoyev xabar berdi.

Uning so‘zlariga ko‘ra, viloyat hokimlari va mutasaddilariga yil oxirigacha 2 mingdan ortiq korxonalarning muammolarini hal etish, mahsulot ishlab chiqarish hajmini tiklash vazifasi yuklatildi.

Joriy yilda hududiy korxonalarda 164 trln soʻmlik mahsulot ishlab chiqarildi. Bu segmentda oʻsish esa 8,6 foizni tashkil qildi.

87 ta tumanda sanoat o‘sishi respublika ko‘rsatkichidan yuqori bo‘ldi. Biroq ayrim hududlarda ishlab chiqarish hajmi pasaygan bo‘lsa, boshqalarida o‘sish kuzatilmagan.

To‘liq quvvat bilan ishlamayotgan 295 ta korxonaning ishi tiklandi, mahsulot ishlab chiqarish hajmi 390 mlrd so‘mga oshdi.

Avvalroq...

Endilikda imtiyoz va subsidiyalar maqsadli koʻrsatkich bilan bir yilga beriladi. Bu haqda prezident Shavkat Mirziyoyev raisligida iqtisodiy oʻsish sur’atlarini ta’minlashga bagʻishlangan yigʻilishda ma’lum qilindi.

Unga ko‘ra, imtiyoz va subsidiyalar natijasiga qarab muddati choʻzib berilishi yoki umuman bekor qilinishi belgilandi.

Davlat rahbari tomonidan mutasaddilarga yil yakunigacha 10 trillion soʻmlik asossiz xarajatlarni maqbullashtirish choralarini koʻrish topshirildi.

Shuningdek, oʻtgan yili tadbirkorlarga 90 trillion soʻm bojxona va soliq imtiyozi, subsidiya va kompensatsiya taqdim etilgani ta’kidlandi.

Avvalroq «Kursiv» yil boshidan buyon 20 mingta fuqaro ipoteka kreditlariga subsidiya olish uchun ijobiy xabarnoma olgani haqida xabar bergan edi.