Yangiliklar

2025-yilgi bozorda kuchli va zamonaviy flagmanlar juda ko‘p. Shuning uchun to‘g‘ri tanlov qilish biroz qiyin. Sotib olishga arziydigan beshta eng yaxshi Android smartfon bilan ushbu materialda tanishing.

OnePlus 13

Bu model kuchli protsessor va yorqin ekran bilan ajralib turadi. Unda 6,82 dyuymli AMOLED ekrani bor, tasviri tiniq va ranglari boy. Snapdragon 8 Elite chipi bilan eng og‘ir o‘yinlarni ham bemalol ko‘taradi. Kameralari 50 MPli uchta asosiy modul va 32 MPli selfi kameradan iborat. 6000 mA/soat akkumulyatori 100 Vt quvvat bilan 36 daqiqada to‘liq zaryadlanadi. Himoya darajasi IP69, NFC, stereodinamika va simsiz zaryadlashga ham ega.

Samsung...

AQShning Los-Anjeles shahrida komendant soati joriy etildi. Bu haqda Reuters xabar berdi.

Shaharda bir necha kundan beri Donald Tramp ma’muriyatining migratsiya siyosatiga qarshi norozilik namoyishlari o‘tkazilmoqda.

Cheklov 10-iyun kuni kechki soat 20:00 da (O‘zbekiston vaqti bilan 11-iyun soat 08:00da) kuchga kirib, chorshanba tongigacha davom etadi. Komendant soati faqat shahar markazida amal qiladi.

Los-Anjeles meri Karen Bassning so‘zlariga ko‘ra, norozilik namoyishlari vaqtida shaharning o‘nlab infratuzilma obyektlari zarar ko‘rgan. Avvalroq markazdagi 23 ta savdo nuqtasi talangani haqida xabar berilgan. Hukumat xavfsizlik choralarini kuchaytirmoqda.

Kaliforniya shtatining markazida ommaviy tartibsizliklar 6-iyun kuni boshlangan. Bunga federal agentlarning noqonuniy migrantlarga qarshi reydi sabab bo‘lgan. Tekshiruv...

O‘zbekistonda homiladorlik va tug‘uruq ta’tilidan so‘ng ayol xodim istagiga ko‘ra bolasi 2 yoshga to‘lguniga qadar bola parvarishi ta’tili olishi mumkin. Bu davr uchun belgilangan tartibda nafaqa to‘lanadi.

Shuningdek, ayolning xohishiga qarab, bolasi 3 yoshga to‘lguniga qadar ish haqi saqlanmagan holda qo‘shimcha ta’til ham beriladi.

Bola parvarishi ta’tili davomida xodimaning ish joyi (lavozimi) saqlanadi. Ushbu ta’tillar umumiy mehnat stajiga, shuningdek, mutaxassisligi bo‘yicha ish stajiga eng ko‘pi bilan 6 yilgacha qo‘shiladi.

Eslatib o‘tamiz, avvalroq ishdan tashqari qo‘shimcha mehnat qilganlarga ikki baravar ko‘proq haq to‘lanishi haqida yozgan edik.

Xitoyda avtomobil ishlab chiqaruvchilari yetkazib beruvchi firmalar uchun to‘lov muddatlarini qisqartirganini aytmoqda. BYD, Geely, Changan va boshqa yirik avtomobil kompaniyalari rasmiy bayonotlar berdi. Bu haqda CarNewsChina texnologiyalar nashri xabar bermoqda.

Ular kichik va o‘rta korxonalarga to‘lovlarni 60 kun ichida amalga oshirishga va’da berdi. Bu Xitoyda 2025-yil 1-iyundan kuchga kirgan korxonalarga to‘lovlarni qaytarish talablariga javoban qilindi.

Avval BYD va Geely singari kompaniyalar o‘rtacha 127 kun ichida to‘lov qilgan. SAIC, Great Wall, Seres va Li Auto esa 160 kun, Changan esa 200 kundan ko‘proq muddatda amalga oshirgan .

GAC, FAW, Dongfeng, Seres, Geely va Changan kompaniyalari 10-iyunda bayonot berdi. BYD...

Apple o‘zining Apple Vision Pro foydalanuvchilari uchun visionOS 26 yangilanishini taqdim etdi. Bu haqda Mobil-review nashri ma’lum qildi.

Endilikda «Soat», «Ob-havo», «Musiqa» va «Suratlar» vidjetlarini foydalanuvchi o‘z xonasining istalgan devoriga joylashtirishi mumkin.

Bu vidjetlar har safar foydalanuvchi garniturasini taqqanida avtomatik tarzda paydo bo‘ladi, xuddi xona dizaynining bir qismiga aylangandek. Bundan tashqari, foydalanuvchilar vidjetlarning ramka kengligi, chuqurligi va ranglarini sozlashi mumkin, bu esa ularni butunlay shaxsiylashtirish imkonini beradi.

VisionOS 26 versiyasi orqali:

Samsung Galaxy S25 Ultra kamerasi bilan bog‘liq muammo aniqlandi. Bu haqda foydalanuvchilar ijtimoiy tarmoqlarda ma’lum qilmoqda.

Samsung Galaxy S25 Ultra modelida kameraning metall halqasi o‘z-o‘zidan tushib ketgani aytilgan. U hech qanday urilish yoki shikastlarsiz shunchaki ajralib tushgan.

Avvalgi Galaxy S24 Ultra modelida halqalar yupqa va silliq edi. Yangi modelda esa ular qalinroq va g‘adir-budir shaklda.

Foydalanuvchi ta’kidlashicha, boshqa kameralar halqalari joyida turibdi.

Ma’lumot uchun, Galaxy S25 Ultra 6,9 dyuymli AMOLED ekran bilan jihozlangan. Uning yorqinligi yuqori va ekrani har qanday yorug‘likda aniq ko‘rinadi. Qurilmada Snapdragon 8 Elite chipi, 12 yoki 16 GB tezkor xotira va 1 TB...

O‘zbekiston mehnat bozori uchun Rossiya korxonalari 38 mingta bo‘sh ish o‘rni taklif qilmoqda. Bu haqda O‘zbekiston Respublikasi Migratsiya agentligining sudgacha va sud tartibida nizolarni hal etish bo‘limi boshlig‘i Islomjon Hamroyev ma’lum qildi.

Mutaxassisning aytishicha, O‘zbekiston ishga joylashtirish yo‘nalishida Rossiyaning 90 dan ortiq kompaniyasi bilan hamkorlik o‘rnatgan.

Ular orasida «AvtoVAZ», «Sibstroymontaj», «Kurganstalmast», «Spetsstroy-Volga», AZL, «Fosfat» va boshqalar bor.

Rossiyada o‘zbekistonlik mehnat migrantlari eng ko‘p qurilish, qishloq xo‘jaligi, neft-gaz va energetika sanoatida faoliyat yuritmoqda.

Avvalroq «Kursiv» nashri O‘zbekistonning qurilish sohasida ish haqi oshgani tufayli Rossiyaga ketayotgan o‘zbekistonlik migrantlar oqimi kamaygani haqida xabar bergandi.

Boeing va yetakchi aviatsiya firmalari, shuningdek, Kanada, Xitoy, Yaponiya, Meksika, Shveysariya va Yevropa Ittifoqi AQSh prezidenti Donald Trampga murojaat qilib, xorijdan tijorat samolyotlari va ularning qismlariga yangi boj tariflari joriy etilmasligini so‘radi. Bu haqda Reuters agentligi ma’lum qildi.

Unga kora, tariflar AQSh aviatsiya sanoatining $75 mlrdlik yillik savdo ortig‘iga tahdid solishi mumkin. Boeing va boshqa kompaniyalar AQSh Savdo vazirligidan samolyot qismlariga bojxona imtiyozlarini saqlab qolishni talab qilmoqda.

Mamlakatlar yangi tariflar global yetkazib berish zanjirini buzishini ta’kidladi. Ayrim kompaniyalar bunday cheklovlar samolyot xavfsizligi va chipta narxlariga ham salbiy ta’sir qilishi mumkinligini ogohlantirdi.

Eslatib o‘tamiz, avvalroq AQSh 12 mamlakat fuqarolariga kirishni...

Samsung kompaniyasi yangi bukiluvchi smartfonini e’lon qildi. Bu haqda ishlab chiqaruvchining o‘zi ma’lum qildi.

Samsung Galaxy Z Fold7 nomi bilan chiqqan model juda yupqa dizaynga ega. Kompaniya uni «eng yupqa, eng yengil va eng mukammal bukiluvchi model» deb atadi.

«Bu yil bu yo‘ldagi ishlarimiz yangi bosqichga chiqdi. Yangi Galaxy Z seriyasi puxta o‘ylangan va mustahkam qurilgan», – deya ta’kidladi Samsung.

Texnik tafsilotlar hali rasman ochiqlanmadi. Ammo u Android 16 va One UI 8.0 tizimida ishlashi ma’lum. Ichki ekrani 8,2 dyuym, tashqi ekrani esa 6,5 dyuym bo‘ladi.

Smartfon Snapdragon 8 Elite chipi asosida...

Janubiy Koreyaning mashhur K-pop guruhi BTS a’zolari Kim Namjoon (RM) va Kim Taehyung (V) 2025-yil 10-iyun kuni harbiy xizmatni tamomladi. Bu haqda CNN axborot agentligi ma’lum qildi.

Unga ko‘ra, Chuncheon shahrida bo‘lib o‘tgan marosimda ularni dunyoning turli burchaklaridan kelgan yuzlab muxlislar kutib oldi.

Guruhning boshqa a’zolari Kim Seokjin (Jin) va Jung Hoseok (J-Hope) avvalroq xizmatni o‘tagan, Park Jimin va Jeon Jungkook esa ertaga tugatishi kutilmoqda. Min Yoongi (Suga) esa xizmatni yakunlash arafasida.

BTS barcha yetti a’zosi bilan 2025-yil davomida qayta birlashishni rejalashtirmoqda. Shu tariqa guruh muxlislari orziqib kutgan yangi sahifa ochilishi kutilmoqda.

Eslatib o‘tamiz, avvalroq Toshkentda koreys taomlarini qayerlarda...

Tashqi ishlar vazirligida Rossiya tomoni bilan navbatdagi migratsiya masalalariga bag‘ishlangan uchrashuv bo‘lib o‘tdi. Bu haqda vazirlik kotibi ma’lum qildi.

Unga ko‘ra, mazkur uchrashuvda Rossiyada O‘zbekiston fuqarolariga nisbatan ayrim holatlarda ruxsatsiz tekshiruvlar, qo‘pol muomala va hurmatsizlik holatlari kuzatilayotgani tanqid ostiga olindi. O‘zbekiston bunday holatlar ikki davlat o‘rtasidagi do‘stlikka zid ekanini ta’kidlab, ularning oldini olish uchun aniq chora-tadbirlar zarurligini bildirdi.

Moskva shahridagi elchixona orqali Rossiya Tashqi ishlar vazirligiga nota yuborilib, inson huquqlari buzilgan holatlarga izoh va huquqiy baho berish so‘raldi. Tashqi ishlar vazirligi bu masalani doimiy nazoratda ushlab turib, zarurat tug‘ilganda qo‘shimcha choralar ko‘rishini ma’lum qildi.

Eslatib o‘tamiz, avvalroq nega o‘zbek...

2025-yil 10-iyun kuni Shavkat Mirziyoyev «Bunyodkor» stadionida O‘zbekiston milliy terma jamoasining muhim o‘yinini tomosha qildi va o‘yin so‘ngida jamoaning barcha a’zolarini tantanali ravishda taqdirladi. Bu haqda davlat rahbari matbuot xizmati ma’lum qildi.

O‘yinni kuzatishda Shavkat Mirziyoyevga Bolgariya prezidenti Rumen Radev va Slovakiya bosh vaziri Robert Fitso hamrohlik qildi.

Uzoq kutilgan orzuning ro‘yobi xalqimizni quvontirdi. Oxirgi o‘yinda O‘zbekiston Qatarga qarshi 3:0 hisobida ishonchli g‘alabaga erishdi. Bungacha jamoamiz 18 ochko bilan mundial yo‘llanmasini muddatidan oldin kafolatlagan edi.

Davlat rahbari 2026-yil AQSh, Kanada va Meksika maydonlarida oʻtkaziladigan futbol boʻyicha jahon chempionati yoʻllanmasini qoʻlga kiritgan futbolchilar va murabbiylarni tabriklab, ularga faxriy unvonlar, orden-medallar...

11-iyun kuni O‘zbekiston hududida havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq kuzatilishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumot viloyatlar kesimida:

Yandex aqlli uy tizimi uchun yangi qurilma – IP-videokamera sotuvini boshladi. Kamera real vaqt rejimida video va ovozni uzatadi, harakat yoki insonni aniqlasa, ogohlantiradi.

Kamera 2K QHD yuqori sifatida tasvirga oladi, 103° ko‘rish burchagiga ega va 350° ga aylana oladi. Tungi rejim bilan jihozlangan. U «Alisa» yordamchisi orqali aqlli uy ssenariylarida ishlaydi. Masalan, «Alisa, biz ketdik» deganda konditsioner o‘chadi, kamera esa avtomatik ishga tushadi. Tasvirlar SD-kartaga yoki bulutli saqlovga yozib olinadi.

Narxi 5000 rublni ($64 atrofida) tashkil qiladi. Bulutli saqlash uchun obunalar mavjud: «Standart» (7 kunlik saqlash, 299 rubl/oy) va «Ekstra» (30 kun, surat yuborish funksiyasi, 699 rubl/oy...

Astroscale kompaniyasi ELSA-M nomli sun’iy yo‘ldoshini muvaffaqiyatli loyihalashtirib, orbitaviy sinovlar uchun tayyor holga keltirdi. Bu haqda Satelliteprome nashri ma’lum qildi.

Unga ko‘ra, mazkur qurilma 2026-yilda uchirilishi rejalashtirilgan bo‘lib, u xizmat muddati tugagan sun’iy yo‘ldoshlarni ushlab, orbitadan xavfsiz olib tashlashni maqsad qiladi.

ELSA-M loyihasi Yevropa kosmik agentligi, Eutelsat va Britaniya kosmik agentligi ko‘magida amalga oshirilmoqda. U ilg‘or yaqinlashish va ulanib ishlash (RPO) texnologiyalarini namoyish etadi. Missiya kosmik chiqindilar muammosiga barqaror yechim topishga qaratilgan bo‘lib, kelajakdagi xavfsiz kosmik faoliyat uchun muhim ahamiyatga ega.

Bu missiya, shuningdek, 2021-yilda o‘tkazilgan ELSA-d sinovlarining davomidir va Astroscale kompaniyasining orbitada xizmat ko‘rsatish sohasidagi liderligidan dalolat beradi.

Bugun, 10-iyun kuni O‘zbekiston Qatar ustidan 3:0 hisobida g‘alaba qozondi. Jamoamiz guruhda 21 ochko bilan peshqadamga aylandi.

O‘yin tafsilotlari bilan quyidagi maqolada tanishing.

Asosiy tarkib:

O‘zbekiston milliy terma jamoasi Qatar bilan o‘yinda birinchi bo‘limda ajoyib o‘yin ko‘rsatdi. Stadion jo‘shq‘in muhitda, jamoamiz esa hujumkor ruhda maydonda!

O‘yinning ilk daqiqalarida jamoamiz to‘pni nazorat qilib, qanotlar orqali hujum qildi. Tomoshabinlar har bir harakatni qizg‘in qo‘llab-quvvatladi. 9-daqiqada Qatar xavfli hujum uyushtirdi, lekin himoyamiz vaziyatni bartaraf qildi.

12-daqiqada Husniddin Aliqulov burchak zarbasidan so‘ng bosh bilan urdi, ammo to‘p nishonga tegmadi. 28-daqiqada Azizbek Turg‘unboev o‘ng qanotdan yorib o‘tib, ajoyib gol urdi! Shomurodovning birinchi bo‘lim...

10-iyun kuni Toshkentda bo‘lib o‘tgan IV Xalqaro investitsiya forumida Shavkat Mirziyoyev ishtirok etib, O‘zbekistonning xorijiy investorlar bilan hamkorligidagi ustuvor yo‘nalishlarni belgilab berdi. Bu haqda davlat rahbari matbuot xizmati ma’lum qildi.

Forumda 100 dan ortiq mamlakatlardan 7,5 mingdan ziyod ishtirokchi, jumladan, ko‘plab davlat rahbarlari va xalqaro moliyaviy institutlar vakillari qatnashdi. Davlat rahbari global geosiyosiy va iqtisodiy muammolarni tilga olib, investitsiyalar faqat iqtisodiy taraqqiyot emas, balki tinchlik va barqarorlikning asosiy omili ekanini ta’kidladi.

Prezident forumda «yashil» energetika, raqamli texnologiyalar va sun’iy intellekt, moliyaviy texnologiyalar, shuningdek, texnologik minerallarni chuqur qayta ishlash kabi sohalarni strategik hamkorlik yo‘nalishlari sifatida ko‘rsatdi. Jumladan, kelgusi yillarda «yashil...

Oʻzbekistonning Malayziyadagi elchisi Karomiddin Gadoyev Malayziya Kurash assotsiatsiyasi prezidenti Chev Eng Kian bilan hamkorlik uchrashuvi oʻtkazdi. Bu haqda «Dunyo» AA ma’lum qildi.

Suhbat davomida ikki davlat kurash assotsiatsiyalari oʻrtasidagi hamkorlik holati va kelajakdagi rejalar muhokama qilindi.

Elchi Gadoyev Oʻzbekistonda kurash sporti rivojiga oid islohotlar, xususan, prezident qarori bilan bu sport turini yangi bosqichga olib chiqish choralari haqida ma’lumot berdi. Tomonlar Malayziyada kurashni yoshlar orasida keng targʻib qilish masalasida ham fikr almashdi.

Chev Eng Kian Oʻzbekistonda kurash jadal rivojlanayotganini e’tirof etdi va ikki mamlakat kurash tashkilotlari oʻrtasidagi hamkorlikni kengaytirishga tayyorligini bildirdi. U, shuningdek, Malayziya terma jamoasi Indoneziyada boʻlib oʻtadigan Janubi-Sharqiy...

O‘zbekistonda qurilish sohasida ish haqlarining oshgani tufayli fuqarolar Rossiyadan qaytib ketmoqda. Bu haqda O‘zbekiston Respublikasi Migratsiya agentligining sudgacha va sud tartibida nizolarni hal etish bo‘limi boshlig‘i Islomjon Hamroyev ma’lum qildi.

«Hozirda tajribali quruvchilarning daromadi O‘zbekistonda Rossiyadagi migrantlarning ish haqi darajasiga yaqinlashdi. Shu sababli, mamlakat fuqarolari tobora ko‘proq vatanida ishlashni afzal ko‘rmoqda», – dedi ekspert.

O‘zbekistonda qurilish sohasida oyiga $500 – 600 daromad topish mumkin. Biroq o‘zbekistonliklar ko‘proq $1 ming va undan yuqori ish haqi taklif qilinadigan xorijdagi bo‘sh ish o‘rinlariga qiziqmoqda, dedi Hamroyev.

Ekspertning ta’kidlashicha, O‘zbekiston va Rossiya migratsiya siyosatini rivojlantirish va mehnat migrantlari uchun...

Bugun, 10-iyun kuni soat 01:32 da Toshkent viloyatining Bo‘stonliq tumani Chimyon mahallasi hududida joylashgan yog‘och konstruksiyali restoranda yong‘in chiqqani haqida xabar berilgandi.

Amirsoy Resort dam olish maskani Alpina restorani binosida yuz bergan yong‘in bo‘yicha munosabat bildirdi.

«Barcha xizmatlarga professionallik va tezkor munosabat uchun samimiy minnatdorchiligimizni bildiramiz. Mehmonlarimiz va xodimlarimiz xavfsizligi har doim birinchi o‘rinda turadi.

Alpina restorani sug‘urta qilingan. Tez orada qayta tiklash ishlari boshlanadi va qish mavsumi boshlanishiga qadar u o‘z eshiklarini ochishi uchun maksimal darajada harakat qilmoqdamiz», – deyiladi xabarda.

Ma’lum bo‘lishicha, dam olish maskani odatdagi tartibda faoliyat yuritmoqda, jabrlanganlar yo‘q.

Avvalroq...

Sanitariya-epidemiologik osoyishtalik va jamoat salomatligi qo‘mitasi o‘zbekistonliklarga Xitoyda HKU5-CoV-2 koronavirusi tarqalayotgani haqida tarqalgan xabarlarga ishonmaslikni tavsiya etdi.

Qo‘mita matbuot xizmatining ma’lum qilishicha, inson uchun xavfli bo‘lishi mumkin bo‘lgan bu patogen haqida faqat Xitoyning «sariq matbuoti» yozmoqda. Jahon sog‘liqni saqlash tashkiloti (JSST) va rasmiy manbalar yangi virus bilan kasallanish holatlari haqida hech qanday tasdiqlangan ma’lumot bermagan.

O‘zbekistonda epidemiologik vaziyat barqarorligicha qolmoqda. Qo‘mita ijtimoiy tarmoqlarda yolg‘on xabarlar tarqatganlik uchun javobgarlik mavjudligini eslatdi.

Bu mish-mishlarning tarqalishiga sabab bo‘lgan holat – Nature Communications ilmiy jurnalida chop etilgan maqola bo‘ldi. Unda olimlar HKU5-CoV-2 virusi ko‘rshapalaklar orasida aniqlanganini bayon qilgan.

Tadqiqotchilar bu virus odamlar...

Shavkat Mirziyoyev IV Toshkent xalqaro investitsiya forumida nutq so‘zlab, mamlakatning mineral resurslari salohiyatini $3 trillionga baholangani ma’lum qildi.

Davlat rahbari xalqaro investorlarni O‘zbekistondagi mineral resurslar sohasiga sarmoya kiritishga da’vat etdi. Prezidentning ta’kidlashicha, to‘rtinchi sanoat inqilobi texnologik minerallarga bo‘lgan talabni sezilarli darajada oshirmoqda.

«O‘zbekistonda volfram, molibden, magniy, litiy, grafit, vannadiy, titan va boshqa qimmatli minerallarning yirik zaxiralari aniqlangan. Umumiy hisobda, yerosti boyliklarimizning iqtisodiy salohiyati $3 trillionga teng», deb ta’kidladi prezident.

Shavkat Mirziyoyev mintaqada minerallardan yuqori qo‘shilgan qiymatli mahsulotlar ishlab chiqarish uchun barcha zarur imkoniyatlar mavjudligini qayd etdi. Bu maqsadda Toshkent va Samarqand viloyatlarida «kelajak metallari...

Toshkent xalqaro investitsiya forumida so‘zga chiqqan prezident Shavkat Mirziyoyev Ukrainadagi holatni tinch yo‘l bilan hal etish lozimligini bildirdi.

«Biz Ukrainadagi vaziyatni diplomatik yo‘l bilan hal etish zarur deb hisoblaymiz. Istanbulda bo‘lib o‘tayotgan to‘g‘ridan to‘g‘ri muzokaralarni olqishlaymiz», – deydi prezident.

Bundan tashqari, mamlakat rahbari G‘azodagi holatga ham alohida to‘xtalib o‘tdi.

«Ko‘pdan buyon cho‘zilayotgan G‘azo fojiasiga e’tiboringizni qaratmoqchiman. XXI asrda ko‘z o‘ngimizda ko‘plab begunoh insonlarni halok bo‘layotgani hech nima bilan oqlab bo‘lmaydi. Bu muammoning yagona yechimi nizoni xalqaro huquq me’yorlari va qabul qilingan rezolyutsiyalar asosida qabul qilishdir», – dedi Shavkat Mirziyoyev.

Sofiya shahrida O‘zbekiston Migratsiya agentligining vakolatxonasini ochish masalasi ko‘rib chiqiladi. Bu haqda prezident matbuot xizmati xabar berdi.

Ko‘ksaroy qarorgohida O‘zbekiston prezidenti Shavkat Mirziyoyev va Bolgariya prezidenti Rumen Radev ishtirokida rasmiy delegatsiyalar muzokaralari bo‘lib o‘tdi.

Tomonlar ikki davlat o‘rtasidagi amaliy hamkorlikni yanada rivojlantirishga doir dolzarb masalalarni muhokama qildilar. Shuningdek, poytaxtlarda savdo uylarini ochish, laboratoriyalarni akkreditatsiyadan o‘tkazish va imtiyozli kredit liniyalarini ajratish bo‘yicha qarorlar qabul qilindi.

Mehnat resurslari sohasida tizimli hamkorlikni yo‘lga qo‘yish uchun Sofiya shahrida O‘zbekiston Migratsiya agentligining vakolatxonasini ochish masalasini ko‘rib chiqadigan bo‘ldi.

Bundan tashqari, kelgusi yilda O‘zbekiston va Bolgariya madaniyati hamda kinosi haftaligini o‘tkazishga kelishildi.

Avvalroq «Kursiv» nashri...