Yangiliklar

Mazda CX-20 avtomobili sinovdan o‘tkazilmoqda. Bu haqda Auto.mail nashri xabar bermoqda.

Yaponiyaning Mazda kompaniyasi 2025-yil oxiriga kelib birdaniga to‘rtta model ishlab chiqarishni to‘xtatishini tasdiqladi. Ammo ulardan biri ishlab chiqarishga Mazda CX-20 nomi bilan qaytadi. U eskirgan CX-3 o‘rnini egallaydi.

Mazda CX-20 qanday ko‘rinishga ega bo‘ladi

Mazda CX-20 modeli ixcham bo‘ladi — korpus uzunligi 4,3 metrdan oshmasligi kutilmoqda. Dizayn esa kattaroq Mazda CX-60 va CX-90 krossoverlarida amalga oshirilgan bir xil g‘oyalarni o‘zida mujassamlashtiradi.

CX-20 ning o‘ziga xos xususiyatlari sifatida LED faralariga ega burchakli radiator panjarasi, qiya tomli dinamik siluet, katta g‘ildiraklar baholanmoqda.

Qizig‘i shundaki, Mazda premium interyerni...

OpenAI kompaniyasi yillik takrorlanuvchi daromad (YTD) $10 mlrdga yetganini e’lon qildi. Bu ko‘rsatkich ChatGPT ishga tushirilganidan atigi uch yil o‘tib qayd etildi. 2024-yil dekabrida kompaniya YTD $5,5 mlrd ekanini ma’lum qilgandi.

Kompaniya 2029-yilga borib yillik daromadini $125 mlrdga yetkazishni maqsad qilgan. Shu yilning mart oyi holatiga ko‘ra ChatGPT’ning haftalik aktiv foydalanuvchilari 500 mlnni, pullik biznes foydalanuvchilari 3 mlnni tashkil etgan.

Shuningdek, kompaniya Connectors — ChatGPT-ni korporativ ilovalarga ulash, Record Mode — uchrashuvlarni transkriptsiya qilish, xulosa tuzish va yozuvlarni izlash kabi yangi funksiyalarni ishga tushirdi.

OpenAI shuningdek Apple sobiq dizayneri Joni Ayv bilan hamkorlikda yangi AI-ushbu qurilmalarni ishlab chiqishni rejalashtirmoqda.

O‘zbekiston Respublikasi valyuta birjasi (UZCE) ma’lumotlariga ko‘ra, 10-iyun kuni dollar kursi 37,68 so‘mga pasayib, 12 674,37 so‘m etib belgilandi.

Banklardagi eng maqbul kurslar

«Pultop» kanali ma’lum qilishicha, 10-iyun kuni dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish (UZS – USD):

Avvalroq «Kursiv» o‘zbek so‘mi hattoki skeptiklarni ham hayratda qoldirgani, dollar bo‘yicha yangi prognozlar...

Yevropa investitsiya banki (YeIB) O‘zbekistonda Markaziy Osiyodagi birinchi mintaqaviy ofisini shu yil oxirigacha ochishni rejalashtirmoqda. Bu haqda Moliya instituti kredit bo‘yicha katta mutaxassisi Davide Mongutsi Toshkent investitsiya forumida ma’lum qildi.

«Bizning diqqat markazimiz transchegaraviy loyihalar: yo‘llar, temir yo‘llar, energetika. Biz bir mamlakatdan tashqariga chiqadigan va integratsiyani kuchaytiradigan tashabbuslarni qo‘llab-quvvatlaymiz», — deb ta’kidlab o‘tgan Mongutsi.

Hozirda YeIB O‘zbekiston Transport vazirligi bilan loyihalarni amalga oshirish ustida ishlamoqda. Qoraqalpog‘iston va Samarqand viloyatlaridagi yo‘llar shular jumlasidan.

Bank, shuningdek, Yevropa Ittifoqining Global Gateway Global portal strategiyasi doirasida boshqa xalqaro investorlarni jalb qilishni rejalashtirmoqda.

Avvalroq «Kursiv» nashri O‘zbekiston BRIKS taraqqiyot bankiga...

AQSh Milliy Yo‘l harakati xavfsizligi boshqarmasi Mazda avtomobillarining xavfsizlik yostig‘ining o‘z-o‘zidan o‘chirilishi bilan bog‘liq hodisalar bo‘yicha tergov boshlanganini e’lon qildi. Bu haqda Carscoops xabar berdi. 

Tergov boshlangandan so‘ng Mazda Airbag sensori noto‘g‘ri o‘rnatilganini tan oldi va 2024-2025-yillarda ishlab chiqarilgan 171 412 ta xetchbek va krossoverlarni global qaytarib olishni boshladi. 

Muammolar haqida birinchi marta o‘tgan yozda ma’lum bo‘lgan edi. Mazda aniqlashicha, agar egasi tasodifan o‘t oldirish kalitini ikki soat yoki undan ko‘proq vaqt davomida ishlaydigan dvigatelsiz yoqilgan holatda qoldirsa va batareya to‘liq zaryadsizlansa, xavfsizlik yostiqlari sensori noto‘g‘ri ishlaydi, ichki xatolikni saqlab qoladi va avariya holatida airbaglar ochilmaydi.

Dastlab, Mazda’ning...

General Motors (GM) elektromobillar uchun yong‘indan saqlash tizimini ishlab chiqdi elektromobillar uchun noodatiy egzoz tizimini patentladi. U gaz chiqarish yoki shovqin emas, balki yong‘indan himoya qilish uchun mo‘ljallangan. Bu haqda Speedme nashri xabar bermoqda.

Gap batareyaning haddan tashqari qizib ketishi — ya’ni termal akseleratsiya holati haqida ketmoqda. Bunday holatda avtomobil yonib ketishi mumkin.

Yangi tizim favqulodda holatlarda ishlaydi. Masalan, batareya zarbadan yoki nosozlikdan qizib ketganda, yonuvchi gazlar ajraladi. GM maxsus klapan va kanallar orqali bu gazlarni tashqariga chiqarib, haroratni tushiradi va yong‘inning oldini oladi.

Bu tizim oddiy egzoz emas, balki xavfsizlik uchun bosim pasaytiruvchi klapangga o‘xshaydi. GM bu...

Bugun, 10-iyun kuni poytaxtda o‘tkazilayotgan IV Toshkent Xalqaro investitsion forumi doirasida Slovakiya bosh vaziri  Robert Fitso O‘zbekistonda ishlab chiqarilgan BYD Song Plus DM-i Champion modelini sinab ko‘rdi. Bu haqda «Kursiv» muxbiri xabar bermoqda.

Slovakiya bosh vaziriga O‘zbekiston bosh vaziri o‘rinbosari Jamshid Xodjayev hamrohlik qildi. Kompaniya mas’ullari ushbu model narxi 409,7 million so‘m ekanini ma’lum qildi.

Avvalroq «Kursiv» nashri O‘zbekiston prezidenti Shavkat Mirziyoyev hamda Slovakiya bosh vaziri Robert Fitso ikki davlat o‘rtasida strategik sheriklik munosabatlarini yo‘lga qo‘yishni nazarda tutuvchi qo‘shma deklaratsiyani imzolagani haqida yozgandi.

Rossiyada sodir bo‘lgan migratsiya reydlari yuzasidan O‘zbekistonning Rossiyadagi Bosh konsulxonasi hamda Migratsiya agentligining vakolatxonalari vaziyatni nazoratga oldi. Bu haqda agentlik matbuot xizmati xabar berdi.

Reyd Moskvaning Sokolniki tumanidagi yotoqxonada bo‘lib o‘tgan. Huquq-tartibot idoralari xodimlari migratsiya hujjatlarini tekshirish bahonasida muhojirlarni ko‘chaga chiqarib, kuch ishlatgan va haqoratli so‘zlar bilan tahqirlashgan.

Migratsiya agentligi ushbu hodisa yuzasidan Rossiya tomonidan rasmiy ma’lumot taqdim etilishini kutmoqda. Idora ayrim huquqni muhofaza qilish organlari xodimlarining bu kabi harakatlarini afsuslanarli va taassufli deb baholadi.

Reyd davomida olti nafar chet ellik fuqaro qo‘lga olingan. Ularning ikki nafari Tojikiston fuqarolari bo‘lgan. Migratsiya agentligi reyd vaqtida jabrlangan o‘zbekistonliklarni Rossiyadagi o‘z...

Bugun, 10-iyun kuni soat 01:32 da Toshkent viloyati Bo‘stonliq tumani «Chimyon» mahallasi hududida joylashgan yog‘och konstruksiyali restoranda yong‘in chiqdi. Bu haqda FVBga xabar berilgan.

Hodisa joyiga zudlik bilan beshta yong‘in-qutqaruv ekipaji yetib borgan. Ular yong‘inni soat 02:13 da o‘rab olishga muvaffaq bo‘lgan va soat 04:20 da to‘liq o‘chirilgan.

Yong‘in natijasida taxminan 300 kvadrat metr maydon — tom qismi, shift, ichki jihozlar yongani aniqlangan. Hodisa oqibatida tan jarohati olganlar yo‘q.

Hozirda yong‘in sababi va yetkazilgan moddiy zarar miqdori hozirda aniqlanmoqda.

Avvalroq Kursiv Uzbekistan Sergelidagi mebel sexida yong‘in yuz bergani haqida yozgandi.

Iqtisodiy tadqiqotlar va islohotlar markazi 2025-yilning 1-yarim yilligi yakunida YaIM o‘sishini 6,7% atrofida bo‘lishini taxmin qilmoqda.

Prognoz keng ma’lumotlar bazasi, dolzarb iqtisodiy tendensiyalar va asosiy tarmoqlar bo‘yicha tezkor indikatorlarga asoslangan.

Yanvar-mart oylarida O‘zbekiston YaIM 6,8% ga o‘sgan. Xizmatlar sohasi, sanoat va qurilish tarmoqlari asosiy o‘sish omillari bo‘lgan. Masalan, xizmatlar 12,6%, qurilish ishlari 10,8%, chakana savdo 9,5% va sanoat mahsulotlari ishlab chiqarish 6,5% ga oshgan. Aholining umumiy daromadlari ham 9,8% ga o‘sgan.

Yanvar-aprel oylarida tashqi savdo hajmi $24,6 mlrdga yetib, 16,3% ga oshgan. Eksport $11,9 mlrdni 35,1% ga ko‘paygan. Import esa 2,9% ga oshgan. Savdo balansidagi manfiy farq...

2026-yilgi futbol bo‘yicha Jahon chempionati saralash bosqichining 10-turidan o‘rin olgan O‘zbekiston – Qatar uchrashuvi uchun soxta chiptalar sotilmoqda. Bu haqda O‘zbekiston futbol terma jamoasi fan klub rahbari Abdurahmon Fozilov o‘z instagram sahifasida ma’lum qildi.

«Soxta chipta sotilmoqda. Azizlar, iltimos, olib sotarlardan bilet xarid qilmang. Haqiqiy biletda yorqin ranglar bor. Soxtalarida esa rangi biroz farq qiladi»— deydi Abdurahmon Fozilov.

Uchrashuv chiptalarining kassadagi narxlari quyidagicha edi:

Avvalroq Kursiv...

Bryansk viloyati dumasining deputati Mixail Ivanov yosh oilalar orasida farzandli bo‘lish istagi pasayib borayotgani sababli tunda internetdan foydalanishni vaqtincha cheklashni taklif qildi. Bu haqda «Abzats» nashri xabar berdi.

Uning fikricha, er-xotinlar ko‘proq vaqtlarini gadjetlar, ijtimoiy tarmoqlar va ko‘ngilochar kontentga sarflab, haqiqiy muloqot va oilaviy hayotga e’tibor qaratmayapti. Shuning uchun u tunda, ya’ni soat 23:00 dan 02:00 gacha internetdan foydalanishni vaqtincha cheklash taklifini ilgari surdi.

Deputat bu tashabbusni to‘liq taqiq emas, balki «raqamli tiyilish» sifatida ta’rifladi. U internetga qaramlikni yangi turdagi ijtimoiy muammo deb atadi va bu holatni mamlakatning demografik xavfsizligiga tahdid deb hisoblashini bildirdi.

«Yoshlar...

Oliy Majlis Qonunchilik palatasida ish vaqtidan tashqari ish uchun haq to‘lash va uning davomiyligini soddalashtirishga qaratilgan yangi qonun loyihasi ikkinchi o‘qishda qabul qilindi. Bu haqda yuqori palata matbuot xizmati xabar berdi.

Endilikda ish beruvchi qo‘shimcha ish uchun quyidagicha haq to‘lashi shart bo‘ladi:

Shu bilan birga, qonun loyihasiga ko‘ra qo‘shimcha ish ketma-ket 2 kun davomida 4 soatdan oshmasligi kerak. Og‘ir yoki...

2026-yilgi futbol bo‘yicha Jahon chempionati saralash bosqichining 10-turidan o‘rin olgan O‘zbekiston – Qatar uchrashuvi uchun chiptalar to‘liq sotildi. Bu haqda iticket.uz ma’lum qildi.

Uchrashuv chiptalarining kassadagi narxlari quyidagicha edi:

Avvalroq Kursiv Uzbekistan ushbu o‘yinga kirish uch soat oldin boshlanishi haqida xabar bergan edi.

BRIKSning yangi taraqqiyot banki Boshqaruvchilar kengashi O‘zbekistonning moliya tashkilotiga a’zo mamlakatlarga qo‘shilishini ma’qulladi. Bu haqda prezident matbuot xizmati xabar bermoqda.

Shavkat Mirziyoyev Toshkentda bo‘lib o‘tayotgan sarmoyaviy forum arafasida BRIKS yangi taraqqiyot banki prezidenti Dilma Rusefni qabul qildi. Uchrashuvda bank va Toshkent o‘rtasidagi hamkorlik masalalari muhokama etildi.

Moliya instituti $5 mlrdlik qo‘shma loyihalarni shakllantirdi. Pul irrigatsiya, xususiy tadbirkorlikni qo‘llab-quvvatlash va boshqa sohalarga yo‘naltiriladi.

Yangi BRIKS taraqqiyot banki 2014-yilda tashkil etilgan. Uning asoschilari Braziliya, Rossiya va boshqa davlatlar edi. Tashkilot butun dunyo bo‘ylab infratuzilma loyihalarini qo‘llab-quvvatlaydi. Shanxayda joylashgan bank umumiy qiymati $40 mlrd bo‘lgan 120 dan ortiq loyihalarni ma’qullagan.

Eslatib...

Oleg Malginov O‘zbekistondagi Rossiya elchixonasiga to‘rt yil rahbarlik qildi. U 2021-yildan 2025-yil iyungacha elchi lavozimida ishlagan. Ushbu ma’lumotni «Rossotrudnichestvo» agentligi Kursiv Uzbekistan nashriga tasdiqladi.

«Rossiya va O‘zbekiston o‘rtasidagi munosabatlar bugungi kunda o‘zaro manfaatli hamkorlikning yorqin namunasi bo‘lib, xalqaro huquq tamoyillari, suverenitetga hurmat, qarorlarni mustaqil qabul qilish va bir-birining manfaatlarini hisobga olishga asoslangan», – dedi Malginov Toshkentda bo‘lib o‘tgan «Rossiya kuni» bayramida.

U, shuningdek, tomonlar BMT, ShHT, MDH va YEOII kabi xalqaro tuzilmalar doirasida faol hamkorlik olib borayotganini ta’kidladi.

Malginov 2021-yil bahorida O‘zbekistondagi Rossiya elchixonasi rahbari etib tayinlangan. Bu lavozimda oldin 2009-yildan 2021-yil martigacha Vladimir Tyurdenev

Apple’ning eng arzon smartfoni – iPhone 16e dastlab ko‘p tanqid qilingan edi. Biroq hozirda ko‘pchilik bu modelga ijobiy qaray boshladi. Smartfonning imkoniyatlari va kamchiligi haqida «Palach» nashrida maqola e’lon qildi.

Telefonning asosiy yutug‘i – yaxshi batareya quvvati. Uni kun davomida zaryadlash shart emas. Hatto 9-10 soat ekrani yoqilgan holatda ham qurilma o‘chmaydi.

Yana bir afzalligi – C1 modemi tufayli kuchliroq tarmoq qabul qilishi. Biroq muallif T-Mobile operatorida signal yo‘qolganda uni qayta topish sekin kechganini aytdi. Beeline simkarta esa bunday muammo bermagan.

iPhone 16e dizayni ham ijobiy baholandi. U boshqalardan ajralib turadi va jozibador ko‘rinishga ega.

Kamchiliklarga kelsak, telefon...

iOS 26 operatsion tizimining eng katta yangiligi – Liquid Glass deb nomlangan yangi dizayn uslubi bo‘ldi. Bu dizayn visionOS’dan ilhomlangan bo‘lib, foydalanuvchi interfeysi kristallga o‘xshash ko‘rinish va jonli teginish effektiga ega. Bu haqda GSMArena xabar bermoqda.

Yangi Lock screen (qulf ekrani) endi suratlaringizga va bildirishnoma soniga moslasha oladi. Unda 3D effektli fon rasmlari ham qo‘llanilgan. Bu funksiyalar Nintendo 3DS uslubini eslatadi.

Kamera ilovasi ham to‘liq yangilanib, Liquid Glass uslubida ishlangan. Barcha surat va video sozlamalari bitta joyda jamlangan. Interfeys yumaloq shaklda va sozlamalar oson surish orqali ochiladi.

«Photos» ilovasida «Kutubxona» va «To‘plamlar» bo‘limlari qo‘shilgan. Oddiy 2D suratlarni 3D ko‘rinishga...

9-iyun kuni poytaxtda IV Toshkent Xalqaro investitsion forumi (TXIF) boshlandi. Forum energetika, infratuzilma, qishloq xo‘jaligi, raqamli texnologiyalar va boshqa sohalardagi $30 milliarddan ortiq qiymatdagi loyihalarni taqdim qilmoqda. Tadbirda Kursiv Uzbekistan muxbiri ham ishtirok etyapti.

Forumda 100 dan ortiq davlatlardan 8 ming ishtirokchi qatnashib, shundan 3 ming nafarini xorijiy mehmonlar tashkil qiladi. Bolgariya prezidenti, Slovakiya, Qozog‘iston, Qirg‘iziston, Tojikiston, Ozarbayjon bosh vazirlari, Turkmaniston delegatsiyasi ham bor.

Shuningdek, Yevropa tiklanish va taraqqiyot banki hamda Yangi taraqqiyot banki rahbarlari qatnashmoqda.

Forumning asosiy voqeasi O‘zbekiston sanoat va investitsiya salohiyatini namoyish etuvchi birinchi Milliy ko‘rgazma bo‘ldi. Unda 90 ta kompaniya neft-kimyo, mashinasozlik, qurilish, oziq-ovqat sanoati va...

Universal Mobile Systems MChJ (savdo belgisi – MobiUz) ustav kapitalidagi 100% davlat ulushini xususiylashtirish bo‘yicha xalqaro ochiq savdo jarayoni boshlandi. Bu haqda Davlat aktivlarini boshqarish agentligi xabar qildi.

Jarayon bo‘yicha Rothschild & Co – yetakchi strategik va moliyaviy konsultant, KPMG – moliyaviy va Deloitte – mustaqil baholovchi va kompleks ekspertiza o‘tkazuvchi konsultant sifatida mas’ul qilingan.

Savdo ochiq va xalqaro darajada tashkil etiladi. Ishtirok etish uch bosqichda amalga oshirilib, birinchisi EOI – qiziqish bildirish, ikkinchisi NBO – majburiyatsiz takliflar va uchinchisi BO – majburiyatga ega takliflardan iborat.

Qiziqish bildiruvchi talabgorlar o‘zi haqida qisqacha ma’lumot (ro‘yxatdan o‘tganligi va faoliyat turi...

O‘zbekiston va Qozog‘iston chegarasidagi nazorat punktlarida yuk mashinalari bir necha kilometrga cho‘zilgan navbatda turibdi. Kutish muddati esa uch kungacha davom etmoqda, deb xabar bermoqda Eastfruit.

Xabarga ko‘ra, joriy yilning aprel oyida Yevropaning bir qator mamlakatlarida – Polsha, Ukraina, Turkiya, Moldova va boshqalarda sovuq ob-havo meva yetishtirishga jiddiy zarar yetkazgan. Shuningdek, Moldova, Vengriya, Bolgariya va Ruminiya ham danakli mevalar va rezavorlar yetishtirishda katta yo‘qotishlar haqida xabar bergan.

Bu fon ostida O‘zbekiston mavsum boshidagi mevalarning barqaror yetkazib beruvchilaridan biri sifatida ajralib turibdi, chunki bu yerda hosil sovuqdan zarar ko‘rmagan.

Biroq eksport hajmining keskin oshishi mamlakatning logistika infratuzilmasida mavjud muammolarni yuzaga chiqardi...

Ijtimoiy himoya milliy agentligi ma’lumotiga ko‘ra, elektr va gazdan foydalanish xarajatlarini qoplash maqsadida aholining murojaatlari qabul qilinmoqda. Bugungi kungacha 277 719 ta oila ushbu imkoniyatdan foydalanish uchun ariza topshirgan.

Shu kungacha taqdim etilgan arizalarning 240 018 tasi ijtimoiy himoya reyestri yoki kam ta’minlangan oilalar ro‘yxatiga kiritilganlarga tegishli. Qolgan 37 701 ta ariza esa ushbu ro‘yxatda bo‘lmagan, ammo og‘ir sharoitda yashayotgan oilalar tomonidan yuborilgan.

Hozirda arizalar ko‘rib chiqilmoqda, ehtiyoj darajasi baholanmoqda va zaruratga qarab kompensatsiyalar belgilanmoqda. Ushbu mexanizm iqtisodiy jihatdan qiynalayotgan fuqarolarga yordam ko‘rsatishga qaratilgan.

Kompensatsiyaga ariza topshirish uchun fuqarolar o‘z mahallasidagi ijtimoiy xodimga, «Inson» ijtimoiy markazlariga murojaat qilishlari yoki...

O‘zbekiston Respublikasida fuqarolarning sud himoyasiga oid konstitutsiyaviy kafolatlarini yanada mustahkamlash maqsadida qator qonun hujjatlariga muhim o‘zgartirish va qo‘shimchalar kiritildi. Unga ko‘ra, sudlanuvchi istalgan vaqtda sukut saqlash huquqidan foydalanishi mumkin bo‘ladi.

Jinoyat-protsessual kodeksidagi yangiliklar:

«Sudlar to‘g‘risida»gi qonundagi o‘zgarishlar:

Nio kompaniyasining ET5 Touring modeli ilk bor 2023-yilda namoyish qilingan edi. 2025-yilgi versiyasi 500 ga yaqin texnik va dizayn o‘zgarishlari bilan yangilandi. Bu haqda CarNewsChina nashri xabar bermoqda.

Tashqi ko‘rinishdagi o‘zgarishlar unchalik sezilmaydi. Oldi faralari endi uch o‘lchamli va moslanuvchan, ko‘rish aniqligi yaxshilangan. Bamper tagiga qora trim va LED chiziq qo‘shilgan.

Asosiy o‘zgarishlar salonda amalga oshirilgan. Katta gorizontal ekran bor – bu interfeysni qulaylashtiradi. Avvalgi markazdagi uzatma tutqichi olib tashlangan, endi boshqaruv rul orqali amalga oshiriladi.

Yangi modelda sado balandligi pasaygan, yurish qulayligi oshgan va smart funksiyalar tezroq ishlaydi. Shamol oynasiga issiqlikni to‘suvchi qoplama qo‘llangan.

Shuningdek, yangi o‘rindiqlar...