Yangiliklar

Prezident Shavkat Mirziyoyev Yengil sanoatni rivojlantirish agentligi tashkil etilishini e’lon qildi. Bu haqda davlat rahbari matbuot xizmati xabar berdi.

Agentlik to‘qimachilik, charm va ipak sanoati uchun mas’ul bo‘ladi. Unga investitsiyalar, sanoat va savdo vazirining birinchi o‘rinbosari Nozimjon Xolmurodov rahbarlik qiladi.

Shuningdek, agentlik huzurida tajribali tadbirkorlardan iborat kengash tuziladi hamda $200 millionlik alohida jamg‘arma shakllantiriladi. Ushbu jamg‘arma orqali to‘qimachilik korxonalariga arzon kredit va aylanma mablag‘lar beriladi.

Bundan tashqari, yig‘ilishda agentlikka bir nechta vazifalar yuklatildi. Unga ko‘ra, «bojxona hududida qayta ishlash» rejimi orqali tayyor mahsulot eksportini ikki barobar oshirish lozim. Shuningdek, ishlab chiqarish tannarxini kamaytirish, past quvvatda ishlayotgan korxonalarni...

Bugun, 13-avgust kuni dollar kursi 12,08 so‘mga pasayib, 12 497,75 so‘mni qayd etdi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 138,45 so‘mga oshib, 14 658,61 so‘mni, rubl esa 0.24 so‘mga yuqorilab, 156,79 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

AQShning Sent-Luis va Nyu-York shaharlarida O‘zbekistonning ikki savdo uyini ochish rejalashtirilmoqda. Bu haqda prezident matbuot xizmati xabar berdi.

Shavkat Mirziyoyev boshchiligida o‘tkazilgan yig‘ilishda olis tumanlarda korxona filiallarini ochmoqchi bo‘lganlarga Savdoni rivojlantirish kompaniyasi orqali 5 yil muddatga 10 mlrd so‘mgacha Markaziy bank asosiy stavkasida kredit ajratilishi topshirildi.

Shuningdek, ularda ishlaydigan xorijlik dizayner, texnolog, konstruktor va marketologlarning ish haqi qoplab beriladi. Faqat korxona kamida 200 ta ish o‘rni yaratishi va munosib ish haqi to‘lashi lozim.

Yevropa va AQSh bozoriga tayyor kiyim-kechak eksportini kengaytirish, sohada standartlashtirish va raqamlashtirishni kuchaytirish zarurligi ta’kidlandi. Texnik tartibga solish agentligiga xalqaro sertifikatga ega korxonalar sonini...

Germaniya terma jamoasining sobiq bosh murabbiyi Yoaxim Lyov Oʻzbekiston futbol assotsiatsiyasining milliy jamoani boshqarish boʻyicha taklifini rad etdi. Bu haqda Germaniyaning mashhur Bild nashri xabar berdi.

Manbalarga koʻra, OʻFA vakillari Lyov bilan Germaniyadagi Oʻzbekiston elchixonasi orqali uchrashuv oʻtkazgan. Muzokaralar bir necha kun davomida olib borilgan. 65 yoshli mutaxassis taklif ustida jiddiy oʻylagan boʻlsa-da, yakunda uni rad etgan.

Avstriyaning oe24 nashri ham ushbu xabarni tasdiqlab, muzokaralarda Oʻzbekiston elchixonasi vakillari qatnashganini qayd etdi.

Ma’lumot uchun, Yoaxim Lyov 2006 – 2021-yillarda Germaniya terma jamoasini boshqargan. Uning qoʻl ostida «nemis mashinasi» 2014-yilda Braziliyada oʻtgan Jahon chempionatida gʻolib chiqqan. U 2021-yildan beri hech...

O‘zbekistonda 2028-yil 1-yanvargacha aralash mato va gazlama bojxona bojidan ozod etiladi. Bu haqda prezident matbuot xizmati xabar berdi.

Mutasaddilarga yil yakuniga qadar kamida 100 ming tonnalik aralash gazlama ishlab chiqarish loyihalarini boshlash topshirildi.

Shuningdek, tijorat kreditlaridan $2,2 milliard majburiyati mavjud bo‘lgan 144 ta korxonani sog‘lomlashtirish choralari ishlab chiqiladi. Bundan tashqari, faoliyatini barqarorlashtirish mumkin bo‘lgan korxonalar uchun kredit to‘lash muddati yetti yilgacha uzaytiriladi.

Pax­tani o‘z vaqtida va sifatli terib olishni ta’minlash maqsadida fermerlarga tonnasiga bir million so‘mdan subsidiya beriladi. Korxonalar o‘z mablag‘i hisobidan paxta yetishtirsa yoki xarid qilsa, xomashyo qiymatining 10 foizi qoplab beriladi.

To‘qimachilik zanjiridagi barcha korxonalar uchun ijtimoiy soliq...

AQSh davlat qarzi joriy yil 11-avgust holatiga koʻra $37,004 trlnga yetib, mutlaq rekord qayd etdi. Bu haqda mamlakat Moliya vazirligi hisobotida maʼlum qilindi.

Taʼkidlanishicha, bu koʻrsatkichning $29,64 trln jamoatchilik qoʻlida, $7,36 trln esa hukumatning ichki majburiyatlariga toʻgʻri keladi. Oxirgi marta yirik bosqich 2024-yil noyabrida qayd etilgan boʻlib, oʻshanda qarz hajmi $36 trlndan oshgandi. Atigi toʻqqiz oy ichida qarz qariyb $1 trlnga koʻpaydi.

AQSh Kongressining Qoʻshma iqtisodiy qoʻmitasi 2026-yil fevralida davlat qarzi yana qariyb $1 trlnga oshishini kutmoqda. Prognozlarga koʻra, kelasi oʻn yilda bu koʻrsatkich $50 trlndan oshib, yalpi ichki mahsulotning 120 foizidan koʻprogʻiga tenglashishi mumkin.

Prezident Donald Tramp

13-avgust soat 12:58 da Surxondaryo viloyati, Sho‘rchi tumanidagi «Oqqo‘rg‘on» MFY hududida joylashgan avtomobillarga gaz quyish shoxobchasida yong‘in chiqdi. Bu haqda Favqulodda vaziyatlar vazirligi (FVV) xabar bermoqda.

FVV ma’lumotiga ko‘ra, avtosisternadan rezervuarga yonilg‘i quyish jarayonida texnologik qoidalar buzilib, chaqnash sodir bo‘lgan.

Voqea joyiga 8 ta yong‘in-qutqaruv ekipaji yetib borib, yong‘inni bir daqiqada qurshab olgan va soat 13:16 da to‘liq o‘chirgan.

Hodisa sabablari va yetkazilgan zarar miqdori aniqlanmoqda. Viloyat va tuman FVV rahbarlari joyida ishlamoqda.

Eslatib o‘tamiz, Kursiv Uzbekistan uch qahramon savdo majmuasining 40 foiz qismi yonib ketgani aytilgani haqida yozgan edi.

Respublika bo‘ylab tadbirkorlarning muammo va takliflarini hal etish maqsadida bugundan «dolzarb yuz kunlik» e’lon qilindi. Bu haqda Shavkat Mirziyoyev raisligida o‘tkazilayotgan videoselektor yig‘ilishida ma’lum bo‘ldi.

Yig‘ilishda mamlakat iqtisodiyotining 3 foizini, sanoat mahsulotining 14 foizini ishlab tashkil qilayotgan to‘qimachilik tarmog‘ini rivojlantirish va muammolarini hal etish masalalari muhokama qilindi.

So‘nggi besh yilda tarmoqda $3,5 mlrdlik 396 ta yirik korxona ishga tushirilgan, ishlab chiqarish hajmi $10 mlrdga yetgan. Sektor 500 mingdan ortiq odamni ish bilan ta’minlab, sanoatda band aholining 20 foizini tashkil etadi. Shu bilan birga, sohada ishlab chiqarish va eksport sur’atlari pasaygani ta’kidlandi.

Prezident xalqaro bozorda paxta narxlari 2022-yildan buyon ikki...

Isroil Janubiy Sudan hukumati bilan G‘azo sektoridagi falastinliklarni bu mamlakatga ko‘chirish bo‘yicha muzokara qilmoqda. Bu haqda Associated Press xabar berdi.

Bu reja Isroilning G‘azodan ommaviy migratsiyani rag‘batlantirish tashabbusining bir qismi bo‘lib, hudud 22 oylik Hamasga qarshi harbiy amaliyotdan keyin vayronaga aylangan.

Nashr xabariga ko‘ra, muzokaralar tafsilotlari noma’lum. Ammo u amalga oshirilsa, bu odamlarni urush va ochlik xavfi bo‘lgan bir hududdan yana boshqa xavfli hududga ko‘chirish bo‘ladi. Bu esa inson huquqlari bo‘yicha xavotir uyg‘otadi.

Isroil Bosh vaziri Benyamin Netanyaxu bu jarayonni «ixtiyoriy migratsiya» deb atamoqda. U ilgari boshqa Afrika davlatlariga ham shunday takliflar bergan. Falastinliklar, inson huquqlari tashkilotlari va ko‘plab...

2025-yil 13-avgustdan Starlink kompaniyasi Qozog‘istonda rasmiy ravishda sun’iy yo‘ldosh internet xizmatlarini taklif qila boshladi.

Endi mamlakat aholisi SpaceX’ga tegishli past orbitadagi Starlink yo‘ldoshlari orqali tezkor va barqaror internetdan foydalana oladi.

Bu ishga yo‘l 2025-yil 12-iyunda raqamli rivojlanish, innovatsiyalar va aerokosmik sanoat vazirligi bilan tuzilgan kelishuv orqali ochildi. Unda Starlink xizmatlari Qozog‘iston qonunchiligi, jumladan, axborot xavfsizligi talablariga to‘liq mos bo‘lishi belgilangan.

Starlink texnologiyasi eng chekka va internet yetib bormagan hududlarda ham uzluksiz aloqa ta’minlaydi.

Avvalroq Kursiv Uzbekistan Qozog‘istonda 42 ta qishloq maktabi Starlink tizimiga ulanishi haqida xabar bergan edi.

«Ovoz» loyihasida marhum Sherali Jo‘rayev muallifligidagi «Qora ko‘zli sanamjon» asari huquq egasi yoki vakolatli shaxs ruxsatisiz namoyish etilgani aniqlandi. Bu haqda Adliya vazirligi ma’lum qildi.

Unga ko‘ra, ushbu asar The voice of Uzbekistan YouTube kanalida noqonuniy ravishda ommaga taqdim etilgani tasdiqlandi. Holat tekshiruvdan oldin bartaraf etilgan bo‘lsa-da, loyiha tashkilotchisi kelgusida qonunchilikka qat’iy amal qilishi haqida ogohlantirildi.

Vazirlik teleradiokanallar va boshqa foydalanuvchilarni mualliflik va turdosh huquqlarni hurmat qilishga chaqirdi. Qonunchilikka ko‘ra, huquq egasi zarar o‘rniga bazaviy hisoblash miqdorining 20 baravaridan 1000 baravarigacha tovon talab qilish huquqiga ega.

Avvalroq Kursiv Uzbekistan shoirning she’ridan ruxsatsiz foydalangan Jaloliddin Axmadaliyev jarimaga tortilgani haqida...

Toshkentda maishiy chiqindilarni olib chiqish jarayoni to‘liq raqamlashtiriladi. Bu haqda shahar hokimligi matbuot xizmati xabar berdi.

Unga ko‘ra, hokimlikdagi yig‘ilishda yangi «Toza Poytaxt» dasturiy ta’minoti tanishtirildi.

Ushbu tizim orqali chiqindi yig‘ish texnikalari mahallabay va belgilangan grafik asosida jalb etiladi. Jarayonda Ekologiya vazirligi, Sanitariya-epidemiologik osoyishtalik va jamoat salomatligi qo‘mitasi, Milliy gvardiya hamda mahalla yettiligi o‘z hududlariga mas’ul bo‘ladi.

«Toza Poytaxt» dasturiy ta’minoti bugun, 13-avgustdan Olmazor tumanida sinov tariqasida ishga tushiriladi, 1-sentabrga qadar esa qolgan tumanlarda ham bosqichma-bosqich joriy etiladi.

Yangi tizim orqali mahallalardagi ichki ko‘chalarda texnikalar harakatini kuzatish, chiqindi hajmini hisoblash, yuridik tashkilotlarga ko‘rsatilayotgan xizmat sifatini baholash, markaziy va...

12-avgust kuni Copa Libertadores 1/8 finalida «Atlético Nacional» va «São Paulo» o‘rtasidagi o‘yin futbol tarixidagi kam uchraydigan lahzalardan biriga guvoh bo‘ldi. Kolumbiyalik yarim himoyachi Edwin Cardona bir o‘yinda ikki marta penaltidan foydalana olmadi.

Birinchi imkoniyat 10-daqiqada yuzaga keldi. Nayvel Ferraresi jarima maydonida qo‘l bilan o‘ynagach, hakam 11 metrlik zarbani belgiladi. Cardona to‘pni pastga yo‘lladi, ammo zarba darvozadan biroz chetga chiqib ketdi.

Ikkinchi penalti ikkinchi bo‘limda, Alfredo Morelosga qarshi qoidabuzarlikdan so‘ng berildi. Cardona yana past zarba bilan darvoza burchagini mo‘ljalladi, lekin bu safar braziliyalik darvozabon Rafael to‘pni qaytardi.

Opta ma’lumotlariga ko‘ra, Cardona 2018-yildan beri Libertadoresda bir o‘yinda ikki penaltini ham...

Toshkentning ayrim ko‘chalarda tezlikni 80 km/soatgacha oshirish rejasi bildirilmoqda. Urbanist Iskandar Soliev buni hozirgi sharoitga xavfli deb atamoqda.

Uning fikricha, bu qaror faqat quyidagi bosqichlar amalga oshirilgach mantiqli bo‘lishi mumkin. Dublyor yo‘llar tashkil etish, ko‘chalar iyerarxiyasini aniq belgilash, yirik chorrahalarda yo‘lni yerostiga olish yoki xavfsiz ajratish, qolgan ko‘chalarda esa tezlikni 30 – 35 km/soat darajasida belgilash lozim.

«Hozirgi sharoitda 80 km/soat tezlik shunchaki oqimni tezlatadi, lekin xavfni oshiradi. Toshkent yo‘llari allaqachon xavfli, odamlar yiliga juda ko‘p halok bo‘lishmoqda. Shuning uchun bu qaror – mantiqsiz va xavfli», deya qayd etgan Soliev.

Eslatib o‘tamiz, Kursiv Uzbekistan...

Yaponiyaning EXPO National Day zalida Qozog‘iston bayrog‘i ko‘tarildi. Osakadagi tantanali tadbirda Qozog‘iston Respublikasi delegatsiyasi Savdo va integratsiya vaziri Arman Shaqqaliyev rahbarligida ishtirok etdi.

Shaqqaliyev tadbirning buyuk qozoq mutafakkiri Abay Qo‘nonboyevning 180 yilligiga bag‘ishlanganligini ta’kidladi. U qozoq va yapon millatlarining o‘zaro hamdo‘stligini ham alohida qayd etdi.

«Bizni an’analarga va keksa avlodga bo‘lgan hurmat, ta’lim va mehnatga qaratilgan e’tibor birlashtiradi», deya ta’kidladi vazir.

Uning so‘zlariga ko‘ra, 1991-yildan buyon ikki mamlakat o‘rtasida savdo, investitsiyalar, fan, ta’lim, ekologiya va texnologiya sohalarida hamkorlik barqaror rivojlanib kelmoqda.

EXPO hududida Qozog‘iston milliy kunini nishonlash doirasida Butunjahon ko‘rgazmasi mehmonlari uchun tantanali parad o‘tkazildi. Unda...

Heico Sportiv 2025-yilgi Volvo XC90 uchun to‘liq yangilanish paketini taqdim etdi. Bu haqda kompaniya saytida ma’lum qilindi.

Krossover old qismida qora yaltiroq aksentlarga ega to‘qqiz elementli obves, 22 dyuymli Volution disklar, ixtiyoriy sport prujinalar va 30 mm pastlashtirilgan pnevmosuspenziya bilan jihozlandi. Orqa qismida uch bo‘lakli qism va to‘rtta chiqindi trubasi o‘rnatilgan. Sport chiqindi tizimi ovoz balandligini sozlash imkonini beradi.

Salon yangi sport rul, charm va alkantara qoplamasi bilan boyitilgan. Dvigatel boshqaruv bloki qayta sozlanib, T8 versiyasining quvvati 449 ot kuchidan 500 ot kuchiga oshirildi va maksimal tezlik cheklovi olib tashlangan.

Bodikit va to‘rt chiqindi trubasi narxi $5100, sport...

AQSh prezidenti Donald Tramp va Rossiya rahbari Vladimir Putin 15-avgust kuni Alyaskaning Ankorij shahrida joylashgan harbiy bazada uchrashadi. Bu haqda CNN xabar berdi.

Xabarga ko‘ra, Oq uy vakillari yuqori darajadagi sammitga tayyorgarlik ko‘rish uchun Alyaskaga uchib ketgan.

«Tashkilotchilar Ankorij shahrining shimoliy chekkasidagi Elmendorf-Richardson harbiy bazasini xavfsizlik talablariga javob beradigan yagona joy deb hisoblashdi. Xuddi shu yerda juma kuni ikki prezident uchrashadi. Oq uyning ikki vakili shunday dedi», deb xabar bermoqda CNN.

Bu paytda Ukraina prezidenti Vladimir Zelenskiy mamlakat sharqidagi hududlarni tark etmaslikka va’da berdi. Uning fikricha, agar Donbassdan voz kechishsa, Ukrainada «uchinchi...

Renault’ning Xitoydagi R&D bo‘linmasi Geely GEA platformasida yangi elektromobil va gibrid modellari ustida ishlamoqda. Bu haqda CarNewsChina xabar bermoqda.

Ular Janubi-Sharqiy Osiyo va Lotin Amerikasi bozorlariga mo‘ljallanadi. Kuzov Renault tomonidan yaratiladi, ammo shassi va asosiy konstruktsiya Geely Galaxy modellari asosida bo‘ladi. Bu xarajatlarni kamaytirib, ishlab chiqarishni tezlashtiradi.

GEA platformasi Galaxy Monjaro, A7, E5 hamda ishlab chiqilayotgan M9 va Starship 9 modellarda qo‘llanilgan. Geely yangi hududlarga chiqishni, Renault esa Janubi-Sharqiy Osiyo, Lotin Amerikasi va Shimoliy Afrikada pozitsiyasini mustahkamlashni rejalashtirmoqda.

Hamkorlik 2021-yilda boshlangan, 2025-yil boshida Geely Renault Brazil’ning kichik ulushini sotib oldi. Bu orqali u Galaxy E5 eksport versiyasini ishlab...

Samsung’ning eng arzon yangi modellaridan biri Samsung Galaxy A07 haqida batafsil ma’lumot va rasmiy ko‘rinishga yaqin renderlari e’lon qilindi.

Smartfon Helio G99 platformasida ishlaydi. Unda 6,7 dyuymli, 1600×720 piksel o‘lchamdagi va 90 Hz yangilanish tezligiga ega PLS displey bo‘ladi. Asosiy kamera 50 MP va 2 MP sensordan iborat, old kamera esa 8 MP.

Batareya sig‘imi 5000 mA·soat bo‘lib, 15 Vt quvvatda zaryadlanadi. Qurilma Android 15 va One UI 7 bilan chiqariladi, 6 yil davomida yangilanish oladi.

Yana boshqa xususiyatlari ham mavjud bo‘lib, microSD sloti, Bluetooth 5.3, Wi-Fi 5, USB-C porti, 3,5 mm naushnik uchi va IP54 namlik va changdan...

Bugatti o‘zining yangi Brouillard nomli yagona nusxada yaratilgan gipermobilini namoyish etdi. Bu haqda kompaniya rasmiy sahifasida ma’lum qildi.

Avtomobil brendning yangi Programme Solitaire dasturi doirasidagi ilk loyiha bo‘lib, yiliga atigi ikki dona shunday «shoh asar» ishlab chiqarilishi rejalashtirilgan.

Brouillard’ni harakatga keltiruvchi kuch Bugatti’ning 8,0 litrli to‘rt turbo zaryadli W16 dvigatelining eng zamonaviy versiyasi bo‘lib, u 1578 ot kuchi va 1600 Nm aylanish momentini ishlab chiqaradi. Bu dvigatel to‘rt g‘ildirakka quvvat uzatuvchi yetti pog‘onali ikki muftali uzatmalar qutisiga ulangan. U Chiron va Mistral kabi modellarga teng darajada tezkor bo‘lishi kutilmoqda.

Kuzov yuqoridan atlas yashil bo‘yoq, pastki qismi esa yashil-tusli karbon...

Joriy yil iyul oyida aholi tomonidan sezilgan inflyatsiya darajasi o‘tgan oyga nisbatan 0,1 foizga pasayib, 13,3 foizni tashkil qildi. Bu haqda Markaziy bank axborot xizmati xabar berdi.

Unga ko‘ra, sezilgan inflyatsiya darajasining yuqori ko‘rsatkichi Toshkent shahri, Farg‘ona va Qashqadaryoda (13,8-16,4%) qayd etilgan bo‘lsa, past sezilgan inflyatsiya darajasi Surxondaryo, Jizzax va Navoiy viloyatlarida (11,7-12,1%) kuzatildi.

So‘rovnomaga ko‘ra, go‘sht va sut mahsulotlari narxlari sezilarli darajada oshdi deb hisoblovchilar ulushi bir oy ichida 5 foiz bandga ko‘payib, 58 foizga yetdi. O‘simlik yog‘i narxi oshganini sezganlar ulushi esa 2 foiz bandga oshib, 23 foizini tashkil etdi.

Oy davomida dorilar, meva-sabzavotlar va ta’lim xizmatlari narxi...

«Banklar tomonidan Omonatlarni kafolatlash jamg‘armasiga badallar to‘lash tartibi to‘g‘risida»gi nizom davlat ro‘yxatidan o‘tkazildi. Bu haqda Adliya vazirligi xabar berdi.

Nizom banklar, shu jumladan, mikromoliya banklari va oraliq banklar tomonidan jamg‘armaga badallar to‘lash tartibini belgilaydi. Badallar O‘zbekistonning milliy valyutasida yaxlitlangan holda to‘lanadi.

Shuningdek, bir yo‘la to‘lanadigan badal miqdori bank ustav kapitali eng kam miqdorining 0,1 foizini tashkil etadi.

Kalendar badal – bu bank tomonidan har chorakda jamg‘armaga to‘lanadigan mablag‘ bo‘lib, u hisobot choragidan keyingi oyning 15-sanasidan kechiktirmay to‘lanishi lozim.

Agar kalendar badal o‘z vaqtida to‘lanmasa, har bir kechikkan kun uchun Markaziy bank asosiy stavkasining ikki baravari miqdorida penya hisoblanadi.

Bundan...

Davlat soliq qo‘mitasi my3.soliq.uz tizimida texnik nosozlik yuzaga kelgani haqida ma’lum qildi.

Unga ko‘ra, nosozlik oqibatida ayrim foydalanuvchilarda soliq qarzdorligi, mablag‘ yechib olinishi kabi noto‘g‘ri ma’lumotlar aks etishi mumkin.

Qo‘mitaning ta’kidlashicha, mutaxassislar muammoni bartaraf etish ustida ishlamoqda. Nosozlik tugatilgach barcha ma’lumotlar tiklanadi va noto‘g‘ri yechilgan mablag‘lar qaytariladi.

Eslatib o‘tamiz, avvalroq sud xizmatlari uchun MySud mobil ilovasi ishga tushirilgan edi.

2025-yilning 1-oktabridan boshlab poytaxtda issiq suv va issiqlik ta’minoti tariflari oshirilishi rejalashtirilmoqda. Bu haqda Veolia Energy Tashkent bosh direktori Sevara Pardayeva xalq deputatlari Toshkent shahar Kengashi yig‘ilishida ma’lum qildi.

Ayni paytda aholi uchun 1 Gkal issiqlik narxi qo‘shilgan qiymat solig‘isiz (QQS) 121 ming 617 so‘m bo‘lsa, rejalashtirilayotgan 15 foizlik oshirishdan so‘ng bu ko‘rsatkich 139,8 ming so‘mga yetadi.

Shuningdek, yuridik shaxslar uchun tariflar 40 foizga oshib, 342,2 ming so‘mga, budjet tashkilotlari uchun esa 19 foizga yuqorilab, 954,3 ming so‘mga chiqishi mumkin.

Bundan oldin, Toshkent shahrida issiqlik ta’minoti narxlari 2024-yil 15-noyabrdan 15 foizga oshgandi.

Shu bilan birga o‘tgan yilning dekabr oyida...