Yangiliklar

Uzum milliy raqamli ekotizimi va Women in Tech xalqaro tashkilotining O‘zbekistondagi filiali o‘rtasida hamkorlik memorandumi imzolandi. Hamkorlar IT sohasida ishlayotgan yoki bu sohada o‘z karyerasini endi boshlamoqchi bo‘lgan xotin-qizlar uchun o‘qitish va mentorlik dasturlarini yaratishga alohida e’tibor qaratishni rejalashtirmoqda. Bu haqda kompaniya Kursiv Uzbekistan’ga xabar berdi.

«Men Uzum bilan qo‘shma loyihalarning katta salohiyatini ko‘raman, chunki u nafaqat texnologiyalar va ekotizim mahsulotlari sohasidagi innovatsion kompaniya, balki O‘zbekiston xotin-qizlariga elektron tijorat vositalarini o‘rgatish orqali moliyaviy mustaqillikka erishish imkonini beruvchi kompaniya hamdir », — deya ta’kidlaydi Women in Tech Uzbekistan direktori Anna Ambrozevich.

«Uzum kompaniya ichida ham, butun...

28-oktabr, shanba kuni O‘zbekistonning Toshkent viloyatida qor yog‘di, deb xabar berdi UzbMeteo Telegram kanali.

Yog‘ingarchilik viloyatning Bo‘stonliq tumanidagi tog‘li hududlarda 1,6–2 km balandlikda qayd etildi.

Avvalroq Kursiv Uzbekistan 2024-yil kuz-qish mavsumida O‘zbekistonda ilk bor sentabr oyi o‘rtalarida Qashqadaryo viloyatida qor yoqqani haqida yozgan edi.

Prezident Markaziy Osiyo davlatlarining yoshlarga oid umumiy siyosatini qo‘llab-quvvatlovchi qonunni imzoladi. Bu haqda Adliya vazirligi ma’lum qildi.

Unga koʻra, Qozogʻiston, Qirgʻiziston, Tojikiston, Turkmaniston va Oʻzbekiston respublikalari oʻrtasida yoshlarga oid siyosatning umumiy yoʻnalishlari toʻgʻrisidagi bitimni ratifikatsiya qilindi.

Ma’lumot uchun, ushbu qonun yoshlar uchun ijtimoiy, iqtisodiy va madaniy sharoitlarni yaxshilashga qaratilgan kompleks yondashuvni yaxshilash va umumiy imkoniyatlar yaratishni tutadi.

Eslatib o‘tamiz, avvalroq Yoshlar ishlari agentligi o‘quv markazlarini rivojlantirishga mas’ul bo‘lishi haqida yozgan edik.

Dilshod Axatov O‘zbekistonning Shveysariyadagi favqulodda va muxtor elchisi etib tayinlandi. Bu haqda «Dunyo» axborot agentligi xabar berdi.

Ma’lum qilinishicha, elchi (qarorgohi Berlin shahrida) 25-oktabr kuni Shveysariya prezidenti Viola Amerdga o‘zining ishonch yorliqlarini topshirgan.

Uchrashuv davomida Shveysariya prezidenti tomonidan hukumat O‘zbekistonda amalga oshirilayotgan islohotlarni to‘liq qo‘llab-quvvatlashini ma’lum qildi.

«Davlat rahbari O‘zbekiston va Shveysariya iqtisodiyoti o‘zaro manfaatli hamkorlikni yanada kengaytirish uchun katta salohiyatga ega ekanini bildirdi», – deyiladi xabarda.

Eslatib o‘tamiz, Dilshod Axatov 2023-yilning oktabr oyida O‘zbekistonning GFRdagi elchisi sifatida Germaniya Federal prezidenti Frank-Valter Shtaynmayerga ishonch yorliqlarini topshirgan edi.

Avvalroq Kursiv Uzbekistan Oybek Usmonov Afgʻonistonga elchi etib tayinlangani...

O‘zbekiston mahsulotlari uchun potensial eksport bozorlari haqida keltirilgan tadqiqot natijalari e’lon qilindi. Bu haqda Makroiqtisodiy va hududiy tadqiqotlar instituti ma’lum qildi.

Unga ko‘ra, meva-sabzavotlar va ularning qiyomlari, ip-gazlama, kiyimlar, kimyoviy tola, o‘g‘itlar, qimmatbaho toshlar kabi mahsulotlarga bo‘lgan talabning AQSh, Buyuk Britaniya, Kanada va boshqa mamlakatlarda yuqoriligi qayd etildi.

Tadqiqot har bir viloyatning eksport imkoniyatlarini aniqlash va iqtisodiy holatini yaxshilashga yordam beradi. Misol uchun, Surxondaryo va Farg‘ona viloyatlari meva-sabzavotlar uchun yaxshi imkoniyatlarga ega bo‘lsa, Navoiy va Toshkent qimmatbaho toshlar hamda metallar eksporti uchun tavsiya etilgan.

Ma’lumot uchun, buyurtmachilarning 75,5 foiziga mahsulotning qaysi davlatda yetkazilishining ahamiyati yo‘qligi ma’lum qilindi. Shuningdek...

Eron oliy rahbari Seyid Ali Xomanaiy Isroilga tahdid qilib, Islom Respublikasining qudratini ko‘rsatib qo‘yishga va’da berdi. Bu haqda Xameneiy matbuot xizmat xabar berdi.

«Kecha tunda sionist rejimi (Tehronda Isroilni shunday deb ataydi – Tahr.) koʻp narsani oʻz zimmasiga oldi va unga Eron xalqining kuchi, irodasi va tashabbusini oydinlashtirish zarur», – dedi Xomanaiy.

Shuningdek, u Isroil hujumlarini kam ham baholamaslik, oshirib ham ko‘rsatmaslik kerakligini ta’kidladi.

26-oktabrga o‘tar kechasi Isroil yuzdan ortiq samolyotdan foydalangan holda Eronga hujum qildi. Eronning Tehron, Xuziston va Ilom hududlarida, jumladan, Mudofaa vazirligi binosida harbiy nishonlarga qarshi zarba berildi. Tel-Aviv...

Instagram ijtimoiy platformasi kam ko‘rilgan videolar sifatini pasaytiradi. Bu haqda kompaniya rahbari Adam Mosseri Threads tarmog‘ida ma’lum qildi.

Mosserining so‘zlariga ko‘ra, mashhur videolar yuqori sifatda qoladi.

Ba’zi foydalanuvchilar ushbu yangilikni tanqid qildilar. Ular buni mashhur va yangi boshlagan ijodkorlar o‘rtasidagi farqni kuchaytirishi mumkin deb hisoblamoqda.

Eslatib o‘tamiz, avvalroq «Kursiv» O‘zbekistonda ijtimoiy tarmoqlardan aholining 24,6 foizi foydalanishi haqida xabar bergan edi.

Gruziya muxolifatchisi Nika Gvaramiya yaqindagina e’lon qilingan parlament saylovi natijasini tan olmasligini, bu Rossiyaning Gruziyani egallab olishini qonuniylashtirish bilan barobar ekanini aytdi. Yana u saylovlari natijalariga qarshi koʻchaga chiqishga chaqirdi. Bu haqda CNN axborot agentligi ma’lum qildi.

Uning so‘zlariga ko‘ra, hukmron «Gruziya orzusi» partiyasi nazorati ostidagi hukumat 26-oktabr kuni o‘tkazgan saylov natijalarini to‘liq soxtalashtirgan.

«Biz nafaqat Rossiya maxsus operatsiyasi deb ta’riflash mumkin bo‘lgan voqeaning guvohi, balki qurbonlari ham bo‘ldik. Bu xalqimiz va mamlakatimizga qarshi olib borilayotgan gibrid urushning yangi shaklidir», – dedi Gvaramiya.

Ammo minglab gruziyalik va xalqaro saylov kuzatuvchilari mamlakat boʻylab shahar markazlaridan tortib Kavkaz...

27-oktabr kuni boʻlib oʻtgan parlament saylovida roʻyxatga olingan saylovchilarning 74,72 foizi ovoz berdi. Bu haqda Markaziy saylov komissiyasi raisi Zayniddin Nizomxoʻjayev ma’lum qildi.

Oliy Majlis Qonunchilik palatasi va xalq deputatlari Kengashlari deputatlari saylovida roʻyxatga olingan saylovchilarning 74,72 foizi, ya’ni 19 million 944 mingdan ortiq saylovchilarning 15 million 27 ming 527 nafari ovoz berdi.

Saylov natijalariga ko‘ra, O‘zbekiston Liberal-demokratik partiyasi 34,75 foiz ovoz to‘pladi va yetakchilik qildi. Unga 5,1 mln saylovchi ovoz berdi. «Milliy tiklanish» demokratik partiyasi — 18,82 foiz (2,8 mln nafar saylovchi), O‘zbekiston Ekologik partiyasi — 13,12 foiz (1,9 mln saylovchi), O‘zbekiston Xalq demokratik partiyasi — 17,11 foiz...

Rossiyada Nerchinsk shahridagi 1-sonli axloq tuzatish markazidan to‘rt nafar mahkum qochdi. Bu haqda viloyat Jazoni ijro etish federal xizmati ma’lumotlariga tayanib, RBK nashri xabar berdi.

Qayd etilishicha, ulardan ikki nafari Chita va Amur viloyatida qo‘lga olingan.

«Jismoniy kuch va maxsus vositalar qo‘llanilmadi. Hozirda mahkum Nerchinsk shahridagi axloq tuzatish markazining qoidabuzarlar uchun ajratilgan xonasiga olib ketilmoqda», – deyiladi boshqarma xabarida.

Mazkur holat yuzasidan tergov boshqarmasi tomonidan Rossiya Jinoyat kodeksining 293-moddasi (mansabdor shaxsning o‘z vazifalariga nisbatan vijdonsiz yoki ehtiyotsiz munosabatda bo‘lishi, beparvolik) bilan jinoyat ishi qo‘zg‘atilgan.

Hozirda tergov harakatlari olib borilmoqda. Qo‘zg‘atilgan jinoyat ishi yakunlari bo‘yicha...

Xalq deputatlari tuman Kengashlari deputatligiga nomzodlarni koʻrsatish va roʻyxatga olish jarayoni boʻyicha jami uchta ariza kelib tushgan. Bu haqda Oliy sud raisi oʻrinbosari Polvonov Shuhrat brifingda ma’lum qildi.

Uning ta’kidlashicha, saylov davrida Oliy Majlis Qonunchilik palatasi deputatligiga nomzodlarni koʻrsatish jarayoni yuzasidan sudlarga arizalar kelib tushmagan.

«Bugungi kunga qadar saylov oʻtkazuvchi komissiyalarning faoliyatiga aralashish, ularning ishlariga toʻsqinlik qilish, murojaatlarini koʻrib chiqishni gʻayriqonuniy tarzda rad etish, koʻrib chiqish muddatlarini buzish bilan bogʻliq ma’muriy huquqbuzarlik ishlari sudlarga kelib tushmagan», – deydi Polvonov.

Avvalroq Kursiv Uzbekistan saylovda 40 mingdan ortiq mahkumlarning ovoz berishi ta’minlangani haqida xabar bergan edi.

28-oktabr, dushanba kuni neft fyucherslarining narxi tushib ketdi. Bu haqda Trading Economics portali xabar berdi. Isroilning Eronga qarshi uyushtirgan hujumlari xomashyo va yadro obyektlariga ta’sir koʻrsatmagani sababli bunday holat yuzaga keldi.

Brent bir barreli $73, WTI $69 atrofida baholanmoqda. Har ikki markadagi xomashyo narxi taxminan 4 foizga arzonlashdi.

Shanba kuni Isroil aviatsiyasi Eron harbiy obyektlariga zarba berdi. Investorlar energiya yetkazib berish infratuzilmasi zarar ko‘rganidan xavotirda edilar, ammo bu sodir bo‘lmadi. Shuning uchun narxlar pasayib ketdi.

Aksiyalar bozorida Tesla (+3.34 foiz), Apple (+0.98 foiz) va Meta (+0.94 foiz) qimmatli qog‘ozlari o‘sib bormoqda.

Avvalroq Kursiv Uzbekistan Afg‘oniston Amudaryo havzasida neft...

Filippinga yopirilgan «Trami» tropik to‘foni natijasida yuzaga kelgan suv toshqinlari va ko‘chkilar oqibatida 110 kishi halok bo‘ldi. Bu haqda hukumatning tabiiy ofatlarga chora ko‘rish agentligiga tayanib, The Sun nashri xabar berdi.

Mamlakat prezidenti Ferdinand Markos Manila janubi-sharqidagi hududga tashrif buyurib, iqlim o‘zgarishi oqibatida yuzaga kelayotgan tabiiy ofatlarga qarshi kurashish bo‘yicha yirik loyiha ustida ish boshlash rejasi haqida ma’lum qildi.

Filippindagi to‘fon oqibatida yuz minglab insonlar evakuatsiya markazida qolgan.

«Qurbonlar soni haqida xabar berilganidan so‘ng «Trami» bu yil Janubi-Sharqiy Osiyoda eng ko‘p talafot yetkazgan to‘fon bo‘ldi», – deydi tabiiy ofatlarni boshqarish bo‘yicha mas’ul Ariel...

Xitoyning Xpeng kompaniyasi Guanchjou shahrida dunyodagi birinchi uchuvchi avtomobillar zavodini qurishni boshladi. Bu haqda «Sinhua» agentligi xabar berdi.

Korxona loyihasining birinchi bosqichi 180 ming kvadrat metr maydonni egallaydi. Zavodning ishlab chiqarish quvvati yiliga o‘n mingta avtomobilni tashkil etadi. Bu zavodda «Quruqlikdagi aviatashuvchi» modelidagi uchuvchi avtomobil uchun havo modullari ishlab chiqariladi.

Ushbu model 2024-yil sentabr oyida birinchi parvozini amalga oshirdi. Ma’lumotlarga ko‘ra, avtomobilning savdosi yil oxirida boshlanishi kutilmoqda.

Ma’lumot uchun, Xpeng – aqlli avtomobillar, jumladan, uchuvchi va uchuvchisiz avtomobillar ishlab chiqarishga ixtisoslashtirilgan Xitoy kompaniyasi.

Eslatib o’tamiz, avvalroq «Kursiv» Oʻzbekiston ikkilamchi avtomobil bozoridagi holat haqida xabar bergan edi. Makroiqtisodiy va...

Oʻzbekistonlik yuguruvchi Shohrux Davlatov yarim marafonda mamlakat rekordini yangiladi. Bu haqda Oʻzbekiston Milliy olimpiya qoʻmitasi xabar berdi. Mazkur natija Ispaniyaning Valensiya shahrida boʻlib oʻtgan «Medio Maraton Valencia Trinidad Alfonso Zurich» xalqaro musobaqasida qayd etildi.

Davlatov 21 km masofani 1:01.48 soatda bosib o‘tdi. Bu oldingi natijadan bir daqiqa 45 soniyaga yaxshiroq.

Finishga o‘zbekistonlik sportchi 24-bo‘lib yetib keldi.

Marafonda 120 mamlakatdan 25 ming yuguruvchi ishtirok etdi.

Elektron tijorat (e-commerce) bozorining yetakchilaridan biri Amazon arzon tovarlar onlayn do‘kon ochishni rejalashtirmoqda, deb xabar berdi Yahoo Finance portali.

Savdo nuqtasi assortimenti Xitoydan kelgan tovarlar hisobiga shakllantiriladi. Mahsulotlarning narxiga cheklov qo‘yiladi. Jumladan, taqinchoqlar narxi $8 dan, choyshablar narxi esa $9 dan oshmasligi kerak. Xaridorga yetkazib berish muddati to‘qqiz kundan 11 kungacha bo‘ladi.

Amazon yaqinda xalqaro bozorda o‘z o‘rnini egallay boshlagan arzon tovarlarni sotuvchi Xitoy onlayn xizmati Temu ishga tushirilgani sababli yangi do‘kon ochish haqida qaror qabul qilgan bo‘lishi mumkin.

Avvalroq Amazon Hindistonda «Amazon Bazaar» savdo platformasini ishga tushirgandi. Unda arzon narxlardagi mahsulotlar ham namoyish etilmoqda.

Amazon – Amerika kompaniyasi...

Bugun, 28-oktabr kuni Toshkent, Samarqand, Jizzax Sirdaryo viloyatlarida va Farg‘ona vodiysi viloyatlarida kunning birinchi yarmida yog‘ingarchilik kuzatiladi va tuman tushishi ehtimoli bor. O‘rtacha havo 8-13 daraja bo‘ladi. Bu haqda Gidrometeorologiya xizmati agentligi xabar berdi.

Poytaxtda vaqti-vaqti bilan yomg‘ir yog‘adi. Kunduzi harorat 10-12 daraja salqin bo‘ladi.

Tog‘li hududlarda esa yomg‘ir va qor yog‘adi, ba’zi joylarda esa tuman tushadi. Havo harorati 0-5 daraja salqin bo‘ladi.

Oʻzbekistonda soat 20:00 da respublika hududida tashkil etilgan barcha saylov uchastkalarida ovoz berish jarayonlari yakunlandi. Bu haqda Markaziy saylov komissiyasi xabar berdi.

Ayni daqiqalarda ovozlarni sanab chiqish jarayonlari boshlandi.

Eslatib o‘tamiz, hozirga qadar Vladivostok, Seul, Tokio, Kvanju, Shanxay, Pekin, Guanjou, Kuala Lumpur va Singapur shaharlaridagi saylov uchastkalarida ovoz berish yakunlandi. Ushbu saylov uchastkalarida saylov natijalarini aniqlash, byulletenlarni sanash jarayoni ketmoqda. Toshkent vaqti bilan soat 17:00 da Vashington va Nyu-York shaharlarida ovoz berish boshlandi.

Avvalroq Kursiv Uzbekistan saylovchilarning 62,7 foizi ovoz berib bo‘lgani haqida xabar bergan edi.

Oliy Majlis Qonunchilik palatasi deputatlari va mahalliy Kengashlari saylovida soat 17:00 holatiga koʻra, roʻyxatga olingan saylovchilarning 71,52 foizi, ya’ni 14,2 million nafari ovoz berdi. Bu haqda Markaziy saylov komissiyasi raisi oʻrinbosari Bahrom Kuchqorov ma’lum qildi.

Hududlar kesimida eng koʻp ovoz berganlar Andijon va Fargʻona viloyatlari hissasiga – 75 foiz toʻgʻri keladi. Eng kam koʻrsatkich esa Toshkentda – 62 foiz qayd etilgan.

Vladivostok, Tokio, Seul, Kvanju, Pekin, Shanxay, Guanchjou, Kuala-Lumpur va Singapurdagi saylov uchastkalarida ovoz berish jarayonlari yakunlanib, ovozlarni sanash boshlangan.

Avvalroq Kursiv Uzbekistan saylovda 40 mingdan ortiq mahkumlarning ovoz berishi ta’minlangani haqida xabar bergan edi.

Hindistonlik ekspertlar O‘zbekistonda parlament saylovlariga yuqori darajada tayyorgarlik ko‘rilganini qayd etib, saylovlar demokratiya, ochiqlik va shaffoflik tamoyillari asosida o‘tayotganini ta’kidladi. Bu haqda Tashqi ishlar vazirligi matbuot xizmati xabar berdi.

O‘zbekiston tashqi ishlar vazirining birinchi o‘rinbosari Bahromjon A’loyev Hindiston tashkilotlari, jumladan, Global tadqiqotlar instituti Ashok Sajjanxar va «Krishna Group» kompaniyasi rahbari  Asvat Kumar Reddi bilan uchrashdi.

Muzokaralar chog‘ida O‘zbekiston va Hindiston o‘rtasidagi siyosat, savdo, investitsiya, transport, turizm va mintaqaviy xavfsizlik kabi turli sohalardagi aloqalarni mustahkamlash masalalari ham muhokama qilindi. Ushbu yo‘nalishlarda hamkorlikni kengaytirishga kelishib olindi.

Avvalroq Kursiv Uzbekistan Parlament saylovlarida 62,7 foiz saylovchi ovoz berib bo‘lganini yozgan edi.

Bugungi saylovda jazoni ijro etish muassasalarida saqlanayotgan 40 ming kishi ishtirok etadi. Bu haqda Ichki ishlar vaziri oʻrinbosari Bekmurod Abdullayev ma’lum qildi.

Abdullayevning ta’kidlashicha, qamoqda saqlash va jazoni ijro etish joylarida jami 48 ta saylov uchastkasi tashkil etilgan. Saylovoldi tashviqoti davrida deputatlikka nomzodlar va ularning ishonchli vakillari jazoni ijro etish joylarida 100 dan ortiq tadbirlar oʻtkazishgan.

Shuningdek, u amaldagi qonunchilikka koʻra, saylov oʻtkazish tartibini buzganlik uchun Ma’muriy javobgarlik toʻgʻrisidagi kodeksida va Jinoyat kodeksida javobgarlik belgilanganini eslatib oʻtdi.

Avvalroq Kursiv Uzbekistan saylovchilarning 62,7 foizi ovoz berib boʻlgani haqida xabar bergan edi.

26-oktabr kuni Abu-Dabida bo‘lib o‘tgan UFC 308 turnirida Hamzat Chimayev sobiq chempion Robert Uittaker bilan uchrashdi. Bu haqda UFC sayti xabar berdi.

Jangning birinchi raundidayoq asli chechenistonlik bo‘lgan sportchi Chimayev darhol hujumga oʻtib, Uittakerni yerga yiqitdi va boʻgʻishga harakat qildi. Avstraliyalik sportchi bu usuldan qutula olmadi va birinchi raundda taslim bo‘ldi.

Ma’lumot uchun, Uittaker UFC reytingida yuqoriroq o‘rinni egallagan, ammo sport ishqibozlari Chimaev g‘alaba qozonishiga ishongan.

Avvalroq Kursiv Uzbekistan surxondaryolik jangchi UFC chempionligi uchun tarixiy jang olib borishi haqida yozgan edi.

Soat 15:00 holatiga ko‘ra, saylovda ovoz berganlar soni 12,5 mln nafardan oshdi. Bu jami saylovchilar sonining 62,7 foizini tashkil qiladi.

Eng yuqori faollik Farg‘ona viloyatida – 69 foiz saylovchilar ishtirok etdi. Shuningdek, Namangan va Navoiy viloyatlarida – 68 va Andijon viloyatida – 66 foiz saylovchilar saylovda qatnashdi. Toshkent shahrida bu ko‘rsatkich 54 foizni tashkil etdi.

Avvalroq Kursiv Uzbekistan Saylov masalasida Bosh prokuratura jami oltita murojaat kelib tushgani haqida xabar bergan edi.

27-oktabr kuni O‘zbekistonning Afg‘onistondagi yangi elchisi Oybek Usmonov bugun Kobul shahriga tashrif buyurdi. Bu haqda «Dunyo» axborot agentligi xabar berdi.

Yangi tayinlangan elchi Toshkent davlat universitetini tamomlagan. 2020-yildan 2024 -yilgacha Pokistonda elchi lavozimida ishlagan. O‘zbekiston Tashqi ishlar vazirligi tizimida 1998-yildan buyon faoliyat yuritib, markaziy apparatda ham va davlatning xorijdagi vakolatxonalarida turli lavozimlarda ishlagan. Ilgari u Misrda elchi va tashqi ishlar vaziri o‘rinbosari ham bo‘lgan.

Oybek Usmonov 2012-yildan 2024-yilgacha Kobulda elchi bo‘lib ishlagan Yodgorxo‘ja Shodmonov o‘rniga tayinlandi. U pashtu-dari va ingliz tillarini biladi.

Avvalroq Kursiv Uzbekistan Pokistonga O‘zbekistonning yangi elchi tayinlangani haqida yozgan edi.