Yangiliklar

Xitoyning BYD kompaniyasi o‘zining ixcham BYD Seagull modelining yangilangan Free Edition versiyasini taqdim etdi. Bu haqda Kursiv Media xabar bermoqda.

Yangi model 405 kilometrgacha yurish masofasiga ega bo‘lib, ichki bezagi va xavfsizlik funksiyalari ham yaxshilangan.

Mashina e-Platform 3.0 bazasida ishlab chiqilgan. Narxi 78,8 ming yuanni (taxminan $10 ming) tashkil qiladi. U 55 kVt quvvatga ega motor bilan jihozlangan bo‘lib, 38,88 kVt·soatli akkumulyator 30 daqiqada 30 foizdan 80 foizgacha tez zaryadlanadi.

Salonda yorqin mato qoplamasi, yangi ikki rangli bezak va Type-A hamda Type-C quvvat portlari o‘rnatilgan. Barcha to‘plamlarda olti xavfsizlik yostig‘i va aqlli quvvat boshqaruvi mavjud.

12,8 dyuymli sensorli...

2025/2026-o‘quv yili uchun respublika davlat oliy ta’lim muassasalarining magistratura mutaxassisliklariga onlayn hujjat topshirish boshlandi. Bu haqda Oliy ta’lim, fan va innovatsiyalar vazirligi ma’lim qildi.

Unga ko‘ra, arizalar 30-iyul (shu kuni ham)gacha my.edu.uz platformasi orqali qabul qilinadi.

Tanlovda ishtirok etish uchun belgilangan darajadagi milliy yoki xalqaro til sertifikatiga ega bo‘lish talab etiladi. Sertifikatlar ro‘yxatini shu yerda ko‘rish mumkin.

Ariza topshirish jarayoni yuzasidan videoqo‘llanma YouTube’da e’lon qilingan.

Eslatib o‘tamiz, avvalroq bakalavriat, magistratura va doktorantura bosqichlarida ta’lim olish istagidagi iqtidorli yoshlarni saralash maqsadida prezidentning «El-yurt umidi» stipendiyasi yo‘lga qo‘yilishi haqida yozgan edik.

Shavkat Mirziyoyev Jizzax viloyatida islohotlar borishi, loyihalar ijrosi va aholini qiynayotgan masalalar yuzasidan taqdimot bilan tanishdi. Bu haqda davlat rahbari matbuot xizmati ma’lum qildi.

2023-yil oxirida qabul qilingan Prezident qaroriga muvofiq, 2025-yilda Jizzaxga $2 mlrd investitsiya jalb qilish, $285 mlnlik eksportga erishish va 168 ming ish o‘rni yaratish belgilangan edi. Shu asosda so‘nggi olti oyda 200 ta loyiha ishga tushirilib, $662 mln investitsiya o‘zlashtirildi.

Biroq ayrim tumanlar – Do‘stlik, Zafarobod, Paxtakor va Mirzacho‘lda faollik yetarli emas. Shu sabab u yerlarda yangi loyihalarni ko‘paytirish rejalashtirilgan.

Turizm sohasida $250 mlnlik majmualar ishga tushib, sayyohlar soni ikki baravar oshdi. Qishloq xo‘jaligida esa...

«Paxtakor» klubi qanot hujumchisi Muhammadali O‘rinboyev endilikda Belgiya chempionatining 5 karra g‘olibi – «Antverpen» jamoasi safida to‘p suradi. Bu haqda klub rasmiy sahifasida ma’lum qilindi.

Unga ko‘ra, 20 yoshli futbolchi bilan 2029-yil 30-iyungacha mo‘ljallangan shartnoma imzolandi.

Ma’lumot uchun, O‘rinboev joriy mavsum «Paxtakor» safida 14 o‘yinda ishtirok etib, 5 ta gol urdi va 3 ta golli uzatma amalga oshirdi.

Eslatib o‘tamiz, avvalroq O‘zbekiston terma jamoasining tarixiy natijasi sun’iy intellekt yordamida o‘ziga xos tarzda tasvirlangan video e’lon qilingan edi.

Kolumbiya va O‘zbekiston rasmiy ravishda BRIKSning Yangi taraqqiyot bankiga a’zo bo‘ldi. Bu haqda sinorusnewsfocus.com portali ma’lum qildi.

Moliya tashkiloti prezidenti, Braziliyaning sobiq yetakchisi Dilma Russefning aytishicha, hozirda Efiopiya va Indoneziyadan ham a’zolik bo‘yicha arizalar ko‘rib chiqilmoqda.

Uning ta’kidlashicha, bankning asosiy e’tibori Global Janub davlatlarini qo‘llab-quvvatlashga qaratilgan. Bosh ofisi Shanxayda joylashgan ushbu moliyaviy tuzilma BRIKS hamda boshqa rivojlanayotgan mamlakatlarda infratuzilma loyihalari va barqaror rivojlanishni moliyalashtirish bilan shug‘ullanadi.

Eslatib o‘tamiz, avvalroq O‘zbekiston va yana to‘qqizta davlat BRIKS bilan hamkorlik qilishi haqida yozgan edik.

2024-yilda O‘zbekiston fuqarolari tomonidan Shengen vizasiga 58,6 mingdan ortiq arizalar topshirilgan. Bu 2023-yilga nisbatan 26,2 foizga ko‘proq bo‘lib, so‘nggi o‘n yillikdagi eng yuqori ko‘rsatkich sifatida SchengenVisaInfo.com portalida qayd etilgan.

O‘tgan yili Yevropa mamlakatlari o‘zbekistonliklarga jami 51,6 mingta viza bergan. Bu 87,29 foizlik tasdiqlanish darajasiga teng.

Shu bilan birga, 9,2 mingdan ortiq ariza rad etilgan. Bu 2023-yilga nisbatan 1,2 mingtaga ko‘p.

Germaniya o‘zbekistonlik sayyohlar uchun eng ommabop yo‘nalish bo‘lib qolmoqda. 2024-yilda Berlindagi elchixona 19,3 ming ariza qabul qilgan. Ulardan 15,2 mingtasi tasdiqlangan, 3,8 mingtasi rad etilgan.

Shuningdek, O‘zbekiston fuqarolari Fransiya, Italiya va Bolgariya bo‘yicha ham faol ariza topshirgan. Eng ko‘p...

Shavkat Mirziyoyev Namangan viloyatida amalga oshirilayotgan islohotlar, loyihalar ijrosi va ularning natijadorligi bilan tanishdi. Bu haqda davlat rahbari matbuot xizmati ma’lum qildi.

Davlat rahbarining 2024-yil dekabrdagi qarori asosida viloyatning ijtimoiy-iqtisodiy rivoji uchun keng ko‘lamli chora-tadbirlar belgilangan. Bu yil $4,2 mlrd investitsiya jalb etish, 1 milliard dollar eksport qilish, 323 ming ish o‘rni yaratish rejalashtirilgan.

Yil boshidan beri viloyatga 1,6 milliard dollar sarmoya kiritilgan. Endi chekka tumanlarda ham investitsiya hajmini oshirish, mahsulot turlarini kengaytirib, eksport salohiyatini kuchaytirish zarur.

Qishloq xo‘jaligi, xususan, Yangiqo‘rg‘on tumanida yuqori hosildorlik qayd etildi. Viloyatda «Islohotlar shtabi» ish boshlagan bo‘lib, u xorijiy ekspertlar bilan hamkorlikda 1 milliard...

Toshkent viloyati, Bo‘stonliq tumanining Chorvoq suv omboriga oqova suvlar quyilayotgani to‘g‘risidagi xabarlar rad etildi. Ijtimoiy tarmoqlardagi xabarlar yuzasidan Ekologiya vazirligi rasmiy munosabat bildirdi.

Aniqlanishicha, Bo‘stonliq tumani «Navobod» MFY hududida Chorvoq suv omborining «tomosha maydonchasi»dan ko‘rinib turgan cho‘yan quvur orqali texnik suv oqib chiqmoqda. Bu suv bog‘dorchilik fermer xo‘jaligi tomonidan sug‘orish maqsadida foydalanilgan.

Bundan tashqari, uning yonida ichida elektr kabellari o‘tgan polipropilen quvurlar ham mavjudligi tasdiqlandi.

Mutaxassislar tomonidan quvurlardan olingan suv namunalari laboratoriya tahlillaridan o‘tkazilgan. Dastlabki natijalariga ko‘ra, suv tarkibida ifloslantiruvchi moddalar aniqlanmadi va suv namunalari amaldagi sanitariya me’yorlariga to‘liq mos ekanligi tasdiqlandi.

Mazkur hududda markazlashgan oqova suvlarni qabul qilish...

6-iyul kuni Braziliyaning Rio-de-Janeyro shahrida bo‘lib o‘tgan 17-BRIKS sammitida O‘zbekiston, Qozog‘iston va yana sakkizta davlatga tashkilotning hamkor davlatlari maqomi berildi. Bu haqda sammitning qo‘shma bayonotida ma’lum qilindi.

«Indoneziyani to‘liq a’zo sifatida, Belarus, Boliviya, Qozog‘iston, Kuba, Nigeriya, Malayziya, Tailand, Vyetnam, Uganda va O‘zbekistonni esa BRIKSning hamkor davlatlari sifatida qabul qilamiz», – deyiladi bayonotda.

Ma’lumot o‘rnida, BRIKS ilk bor 2009-yilda tashkil topgan bo‘lib, unga dastlab Braziliya, Rossiya, Hindiston va Xitoy a’zo bo‘lgan. Keyinchalik Janubiy Afrika, so‘nggi yillarda esa Misr, Efiopiya, Eron, BAA va Indoneziya ham qo‘shildi.

Bugungi kunda BRIKS dunyo aholisining yarmidan ortig‘ini qamrab olgan geosiyosiy...

2025 yilgi Formula-1 mavsumining 12-bosqichi Buyuk Britaniyada «Silverstoun» trassasida o‘tkazildi va unda «McLaren» jamoasi vakili Lando Norris birinchi bo‘lib marraga yetib keldi va Gran-pri g‘olibiga aylandi.

Ikkinchi o‘rinni yana bir «McLaren» poygachisi, avstraliyalik Oskar Piastri egalladi. Uchinchi o‘rin esa «Sauber» jamoasi tajribali piloti, 37 yoshli Niko Xyulkenbergga nasib etdi. Bu uning Formula-1’dagi ilk podiumi bo‘lib, u faoliyatidagi 239-Gran-prisida ushbu yutuqqa erishdi.

Top-15 natijalar:

O‘zbekistonda muddatli harbiy xizmatga chaqiriluvchilarni tanlab olish tartibi tasdiqlandi. Bu bo‘yicha hukumat qarori asosida nizom tasdiqlandi.

Unga ko‘ra, endi harbiy-texnika mutaxassisliklari bo‘yicha tayyorgarlikka jalb etiladigan va Qurolli Kuchlar safida xizmat qilishni istagan fuqarolar maxsus tanlov asosida saralanadi. Har bir chaqiriluvchi bu tanlovda bir yilda faqat bir marta ishtirok etishi mumkin.

Shuningdek, tanlov jarayoni chaqiruv yilidan avvalgi yilning 10-avgustidan boshlanib, chaqiruv yilining 10-fevraliga qadar davom etadi. Unda suhbat orqali chaqiriluvchining harbiy xizmatga bo‘lgan qiziqishi, sog‘lig‘i, bilim darajasi, huquqbuzarliklar bilan bog‘liq holatlari va oilaviy sharoiti o‘rganiladi.

Bundan tashqari, chaqiriluvchilarning jismoniy tayyorgarligi ham sinovdan o‘tkaziladi. Buning uchun ular turnikda tortilish, 100 metrga...

Lionel Messi faoliyatini Saudiya Arabistonida davom ettirishi mumkin. «Al Ahli» klubi argentinalik yulduzni o‘z safiga qo‘shish niyatida. Bu haqda L’Equipe nashri ma’lum qildi.

«Al Ahli» rahbariyati Messining «Inter Mayami» bilan tuzilgan shartnomasi dekabrda yakunlanishi bilan uni erkin agent sifatida jamoaga o‘tishga ko‘ndirishga urinmoqda. Boshqa tomondan MLS klubi esa Messini tarkibda saqlab qolish uchun barcha choralarni ko‘rmoqda.

Eslatib o‘tamiz, Saudiya klubi tarkibida Eduar Mendi, Merix Demiral, Riyad Marez va Roberto Firmino kabi yulduz futbolchilar to‘p surmoqda.

Avvalroq Kursiv Uzbekistan «Paxtakor» portugaliyalik murabbiy bilan xayrlashgani haqida xabar bergan edi.

Taniqli rejissyor Rauf Nabiyev tomonidan futbol bo‘yicha O‘zbekiston milliy terma jamoasining tarixiy natijasi sun’iy intellekt yordamida oʻzgacha uslubda aks ettirildi.

Eslatib o‘tamiz, Jahon chempionatiga yo‘llanma olishdagi harakati uchun terma jamoa va bir qancha qatnashchilar mukofotlangan edi.

Unga ko‘ra:

Shuningdek, terma jamoaning shifokori Alisher Aripov II darajali «Salomatlik» ordeni bilan, fizioterapevtlari (Bezborodov, Usmanov, Hasanov) esa «Sog‘lom turmush» medali bilan taqdirlandi.

O‘zbekiston futbol...

O‘zbekistondagi quyosh va shamol elektr stansiyalari ishlab chiqargan energiya hajmi 5 mlrd kilovatt/soatga yetdi. Bu haqda Energetika vazirligi xabar qildi.

Bu ko‘rsatkich yil boshidan beri kuniga o‘rtacha 26,7 mln kVtsoat «yashil» energiya ishlab chiqarilganini anglatadi.

Hozirda respublikaning 10 ta viloyatida umumiy quvvati 4 119 megavattlik 11 ta quyosh va 4 ta shamol elektr stansiyasi ishlamoqda. Yil boshidan buyon quyosh stansiyalari 3,1 mlrd kVt/soat, shamol stansiyalari esa 1,9 mlrd kVt/soat elektr energiyasi ishlab chiqardi.

Mazkur natijalar 1,5 mlrd kub metr tabiiy gaz tejalishiga, atmosferaga 2,2 mln tonnadan ortiq zararli gazlar chiqishining oldi oldi.

Shuningdek, 7-iyul soat 08:00 ga qadar O‘zbekistondagi...

«Toshkent» respublika fond birjasi (RFB)da joy olgan yuqori likvidli aksiyalarning aksariyati 30-iyundan 4-iyulgacha bo‘lgan davrda turli dinamikani ko‘rsatib, UCI fond indeksi 0,8 foizga yuqoriladi.

«O‘zbektelekom» aksiyalari eng katta o‘sishga erishib, 6,35 foizga qimmatlashdi. Shuningdek, «Aloqabank» (+4,88%), «O‘zbekgeofizika» (+3,78%) aksiyalarida ham o‘sish qayd etildi.

Biroq «Hamkorbank» aksiyalari 5,51 foiziga arzonlashib, haftaning eng katta pasayishini qayd etdi. «O‘zRTXB» ( – 4,76%), «Kvarts» (– 4,15%) aksiyalari ham pasayish bilan ajralib turdi.

Faqat «Chilonzor buyum savdo kompleksi» aksiyalari narxida esa o‘zgarish kuzatilmadi.

Ushbu davrda bitimlar soni bo‘yicha «O‘zRTXB» (758 ta), «Qizilqumsement» (352 ta) va «Chilonzor buyum savdo kompleksi» (341 ta) peshqadam bo‘ldi.

Aksiyalar...

O‘zbekiston Superligasining 15-turidan o‘rin olgan «Dinamo» – «Nasaf» uchrashuvidan keyin yuzaga kelgan mojaro keng jamoatchilik e’tiborida bo‘lmoqda. Qarshi klubi matbuot xizmati xodimi Sarvar Bobonazarovning ijtimoiy tarmoqdagi nomaqbul fikrlari Samarqand va Andijon klublari tomonidan keskin qoralandi.

«Dinamo» futbol klubi Bobonazarovning VAR texnikasining yetib kelmasligiga oid izohlarini nafaqat klubga, balki butun viloyat muxlislariga nisbatan haqorat sifatida baholadi. Klub bu borada «Nasaf»dan rasmiy tushuntirish so‘rab, mazkur holatni jiddiy tarzda ko‘rib chiqish va chora ko‘rishni talab qildi.

«Andijon» klubi esa o‘z bayonotida Bobonazarovning bu kabi harakatlari birinchi marta kuzatilmayotganini bildirdi. Klub matbuot xizmati «Nasaf» vakillari bilan bog‘lanib, vaziyat yuzasidan tushuntirish talab qildi...

Siti Ruhaini Juhayatin Indoneziyaning O‘zbekistondagi yangi elchisi lavozimini egalladi. Bugun, 7-iyul kuni O‘zbekiston tashqi ishlar vaziri Baxtiyor Saidov diplomatning ishonch yorliqlari nusxalarini qabul qildi.

Uchrashuvda Indoneziya bilan siyosiy muloqotdan tortib iqtisodiy diplomatiyagacha bo‘lgan barcha sohada ikki tomonlama aloqalar jadal rivojlanib borayotgani ta’kidlandi.

Bundan avval O‘zbekiston va Indoneziya diplomatik pasport egalari uchun viza rejimini bekor qilgani haqida yozgandik.

Unga ko‘ra, uchrashuvda ikki davlat o‘rtasidagi hamkorlikni yanada rivojlantirish, iqtisodiy diplomatiya va xalqlarni yaqinlashtirish masalalari muhokama qilingan.

Shuningdek, diplomatik pasport egalari uchun viza talablaridan ozod qilish haqidagi kelishuv imzolandi. Bu ikki mamlakat o‘rtasidagi aloqalarni mustahkamlashga yangi imkoniyatlar yaratadi.

AQSh tomonidan Ukrainaga ko‘rsatilgan yordamning umumiy miqdori $123,3 milliardga yetdi. Bu haqda «RIA Novosti» nashri Germaniyaning Kiel jahon iqtisodiyoti instituti va ochiq manbalarga tayanib, xabar bermoqda.

Institut ma’lumotlariga ko‘ra, shu yilning aprel oyi holatiga ko‘ra AQSh Ukrainaga ko‘rsatgan yordamning eng katta ulushi, ya’ni $69,5 milliardi harbiy yo‘nalishga to‘g‘ri keladi. Moliyaviy yordam $50,1 milliardni, gumanitar yordam esa $3,7 milliardni tashkil qiladi.

Nashr tahlillariga ko‘ra esa maydan iyul oyi boshigacha AQSh Ukrainaga yangi yordam ajratmagan. Bu holat bir necha bor yordamning vaqtincha to‘xtatilgani bilan bog‘liq.

Shu yilning fevral oyida AQSh Ukrainaga qurol-yarog‘ yetkazib berishni to‘xtatgandi. Biroq bu yetkazib berishlar keyinroq qayta...

O‘zbekiston valyuta birjasi (UZCE) ma’lumotlariga ko‘ra, 7-iyul kuni dollar kursi 70 so‘mga yuqorilab, 12 676,73 so‘m qilib belgilandi.

30-iyun kuni dollar 40,84 so‘mga oshib, 12 694,97 so‘m etib belgilandi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab esa pasayish bosqichma-bosqich boshlandi. 1-iyulda dollar 18,86 so‘mga tushib, 12 676,11 so‘mga yetdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mni tashkil qildi. 3-iyulda yana pasayish davom etdi: 34,15 so‘mga kamayib, 12 557,56 so‘mga tushdi.

4-iyul kuni esa vaziyat o‘zgardi – dollar kursi...

«Paxtakor» klubi bosh murabbiy Pedru Moreyra va uning murabbiylar shtabi bilan ikki tomonlama kelishuv asosida hamkorlikni to‘xtatdi.

Portugaliyalik mutaxassis bilan birga besh nafar yordamchi murabbiy ham jamoani tark etdi.

Klub rahbariyati Moreyra va uning shtabiga olib borgan faoliyati uchun minnatdorchilik bildirdi hamda ularga keyingi faoliyatlarida omad tiladi.

Bundan tashqari, «Paxtakor» jamoasi braziliyalik yarim himoyachi Jonatan Lukka bilan shartnomani bekor qilganini ham ma’lum qildi. Futbolchi may oyida og‘ir jarohat olgan va uzoq muddatli tiklanish jarayoniga kirgani sababli safdan chiqqan edi.

Eslatib o‘tamiz, klub joriy yil boshida portugaliyalik murabbiyni jamoaga taklif qilgan edi.

Avvalroq Kursiv Uzbekistan Shomurodov Turkiya klubi bilan shartnoma...

Uzbekistan Airways’ga ko‘ra, 7-iyul kuni Sankt-Peterburg aeroporti hududida parvozlar xavfsizligini ta’minlash maqsadida havo hududi vaqtincha yopiladi. Shu sababli Uzbekistan Airways’ning Sankt-Peterburg yo‘nalishidagi ayrim reyslari jadvali o‘zgartirildi.

Unga ko‘ra, 7-iyul kuni HY9639 qatnovi quyidagi jadval bo‘yicha amalga oshiriladi.

8-iyul kuni:

9-iyul kuni:

2025/2026-o‘quv yili uchun oliy va professional ta’lim muassasalariga kirish test sinovlari 14-iyuldan 23-iyulgacha o‘tkaziladi. Bu haqda Bilimni baholash agentligi ma’lum qildi.

Test sinovlari har kuni ikki smenada tashkil etiladi: 1-smena soat 08:00 da, 2-smena esa 15:00 da boshlanadi. Abituriyentlardan sinov boshlanishidan kamida 1,5 soat oldin test o‘tkaziladigan hududga yetib kelishlari so‘ralmoqda.

Test sinovida ishtirok etish uchun onlayn ro‘yxatdan o‘tgan abituriyentlarga my.uzbmb.uz platformasi orqali «Abituriyent ruxsatnomasi» berilmoqda. Ruxsatnomani yuklab olib, chop etish majburiy hisoblanadi.

Har bir abituriyent aynan ruxsatnomada ko‘rsatilgan manzil, sana va smenaga muvofiq test sinovida qatnashadi. Boshqa kunda, hudud yoki smenada test topshirishga ruxsat berilmaydi.

Pasport nusxasi...

Zeekr kompaniyasi Zeekr 001 FR elektromobilining yangi versiyasini tayyorlamoqda. Bu haqda CarNewsChina xabar bermoqda.

Yangi model ikki ming ot kuchidan ko‘proq quvvatga ega bo‘lishi mumkin. Bu Xitoyda bunday quvvatga ega bo‘lgan ilk avtomobil bo‘ladi. Yangi avtomobil yengil kuzov bilan taqdim etiladi. Tormoz tizimi, shinalar va boshqa qismlar kuchli quvvatga moslashtiriladi.

Hozirgi 001 FR 2023-yilda taqdim etilgan. Uning quvvati 1 300 ot kuchi, u 100 km/soat tezlikka 2 soniyada chiqadi.

Mashina to‘rt motor va 100 kVt/soatli akkumulyator bilan ishlaydi. Uni 15 daqiqada 80 foizgacha quvvatlash mumkin.

Avtomobil maxsus haydash rejimlariga ega. Raikkonen rejimi F1 uslubini takrorlaydi. Overclocking esa qo‘shimcha quvvat...

Bugungi kunda dollar dunyo bo‘yicha eng ko‘p ishonch bildiriladigan valyutalardan biri hisoblanadi. Jahondagi 100 dan ortiq davlatda AQSh dollari zaxira valyuta sifatida ishlatiladi. Xalqaro savdo bitimlarining katta qismi aynan shu valyutada tuziladi. Biroq bu kuchli va global ahamiyatga ega valyutaning yaratilish tarixi, kupyura dizayni va muomaladan chiqqan pullarning keyingi taqdiri ko‘pchilikka unchalik ma’lum emas. Kursiv Uzbekistan nashrining ushbu maqolasida AQSh dollarining tarixi haqida so‘z yuritiladi.

Ushbu maqoladan quyidagilarni bilib olasiz:

Dollardan oldingi Amerika puli

Dollar kupyuralarining yaratilishi va dizayni

Federal zaxira tizimi va dollar emissiyasi

Muomaladan chiqqan va o‘zgargan kupyuralar

Dollardan oldingi...