Yangiliklar

Prezident Shavkat Mirziyoyev aholini ijtimoiy qoʻllab-quvvatlash masalalariga bagʻishlangan yigʻilishda 1-iyunga qadar 500 nafar yetim bolaga uy-joy berish toʻgʻrisida topshiriq berdi.

Yigʻilishda davlat rahbari yetim bolalarni uy-joy bilan taʼminlash tizimini toʻliq qayta koʻrib chiqish zarurligini taʼkidladi.

Buning uchun «Inson» markazi uy-joyga muhtoj yoshlar roʻyxatini tuzadi. Ularga beriladigan uy-joyning narxi maʼlum bir hududning bozor narxidan kelib chiqib belgilanadi va bu uchun joriy yil 140 milliard soʻm yoʻnaltiriladi.

Shuningdek, davlat rahbari yetim va ota-ona qaramogʻisiz qolgan yosh bolalarni kasb-hunarga oʻrgatish, ularga dehqonchilik qilish uchun yer berish boʻyicha koʻrsatmalar berdi. Vazirlar Mahkamasiga ota-onasiz qolgan oliy oʻquv yurtlari bitiruvchilarini davlat tashkilotlariga ishga joylashtirish boʻyicha...

20-fevral kuni O‘zbekiston Respublika valyuta birjasida dollarning o‘rtacha kursi 4,63 so‘mga pasaydi va 12 475,51 so‘mni tashkil qildi.

Bugun fuqarolar mamlakatning banklarida AQSh valyutasini 12 480 – 12 545 so‘mdan xarid qilishlari va 12 415 – 12 440 so‘mdan sotishlari mumkin.

Avvalroq, Kursiv 19-fevral kuni dollarning qiymati 9,78 so‘mga arzonlashgani haqida yozgan edi.

Oʻzbekistonda 1-oktabrdan boshlab aholiga koʻrsatiladigan barcha ijtimoiy yordamlar «ijtimoiy karta» orqali amalga oshiriladi. Bu haqda Oʻzbekiston prezidenti Shavkat Mirziyoyev maʼlum qildi.

«Saxovat va koʻmak», «Ayollar», «Yoshlar» daftarlari jamgʻarmalari, keyinchalik bosqichma-bosqich 74 turdagi ijtimoiy nafaqa va yordamlar oʻtkaziladi.

Bundan tashqari, ijtimoiy karta egalari transport va kommunal xizmatlar uchun toʻlovlarni amalga oshirishda imtiyozlardan foydalanishlari mumkin boʻladi.

Shuningdek, davlat rahbari nogironlarga yordam berish haqida ham gapirdi. Prezidentning soʻzlariga koʻra, ayrim hokimlar bu muammoni eʼtiborsiz qoldirmoqda.

Davlat rahbari nogironligi boʻlgan shaxslarni ishga olgan korxona va tashkilotlar uchun bir qator imtiyozlar yaratilgan boʻlishiga qaramasdan 500 mingdan ortiq korxona va tashkilotdan bor-yoʻgʻi 43 ming tasida...

Bugun, 20-fevral kuni soat 08:00 atrofida Olmaliq shahridagi sanoat zonasida qurilayotgan 3- misni boyitish fabrikasida avariya yuz berdi, deb xabar berdi OKMK matbuot-xizmati.

Dastlabki ma’lumotlarga ko‘ra, temir konstruksiyalar qor yog‘ishi tufayli qulab tushgan. Natijada 32 hindistonlik ishchilar jarohat olishdi. Uch kishi halok bo‘ldi, 29 nafari turli darajadagi tan jarohatlari olib, kasalxonaga yotqizildi.

Biroz vaqt o‘tib, OKMK matbuot-xizmati ma’lumotni o‘zgartirdi. Xabarga ko‘ra, kuchli qor yog‘ishi va shamol natijasida «Enter Engineering» korxonasi sexidagi vaqtinchalik inshootning tomi qulab tushgan va fojiaga olib kelgan. Hindistonlik uch ishchi voqea joyida halok bo‘ldi, 29 kishi turli tan jarohatlari bilan kasalxonaga yotqizildi. To‘rt nafariga shifoxonada...

Tuman va shahar kengashlariga fermerlar uchun suv olish limitini belgilashga ruxsat beriladi. Qonun loyihasi Oliy Majlis Qonunchilik palatasi deputatlari tomonidan birinchi o‘qishda ma’qullandi.

Shuningdek, Quvasoydagi Suv xoʻjaligi vazirligining irrigatsiya boshqarmalari va xizmatlari negizida «Suv yetkazib berish xizmati» muassasasi tashkil etiladi.

Shuningdek, qishloq xo‘jaligi ishlab chiqaruvchilariga suv yetkazib berish xizmatlari uchun to‘lovlar bekor qilinishi kutilmoqda. Xarajatlar suv resurslaridan foydalanganlik uchun to‘lanadigan soliqlarning 40 foizi hisobidan qoplanadi.

Avvalroq «Kursiv» O‘zbekiston qo‘shni davlatlar bilan kelgusi yil uchun suv olish limiti bo‘yicha kelishib olgani haqida yozgan edi.

Joriy yilning mart oyida Oʻzbekistonda oʻrtacha havo harorati +4…+9°, janubiy viloyatlarda — +10…+11° boʻladi, deb xabar qildi Oʻzgidromet.

«Jahon prognozlash markazlarining dastlabki hisob-kitoblariga ko‘ra, mart oyi nisbatan salqin bo‘lishi kutilmoqda», — deyiladi sinoptiklar bayonotida.

Havo harorati kechasi 0…-5° dan +5…+11° gacha, kunduzi +5…+10° dan +17…+22° gacha o‘zgarishi kutilmoqda.

O‘zbekistonning janubiy viloyatlarida sinoptiklar havo harorati +20…+25° gacha isishini taxmin qilmoqda.

Avvalroq, Kursiv 20-fevral, seshanba kuni O‘zbekistonda +2…-3° bo‘lishi kutilayotgani haqida yozgan edi.

O‘zbekistonda nogironligi bo‘lgan shaxslar uchun qulay muhit yaratish maqsadida bino va inshootlarni qurish loyihasi majburiy ekspertizadan o‘tkaziladi. Bu haqda prezident Shavkat Mirziyoyev 20-fevral kuni bo‘lib o‘tgan videoselektor yig‘ilishida ma’lum qildi.

Joriy yilda xorijlik mutaxassislar ishtirokida nogironligi bo‘lgan shaxslar uchun to‘siqsiz muhit yaratish uchun kamida 500 nafar dizayner va arxitektor tayyorlash maqsad qilingan.

Poytaxtdagi bekatlarni va jamoat transporti, jumladan, metropolitenni nogironlar uchun moslashtirish bo‘yicha ikki yillik dastur amalga oshiriladi.

Barcha davlat organlarining veb-saytlari imkoniyati cheklangan shaxslar uchun qulay shaklda bo‘lishi zarurligi ta’kidlandi.

Avvalroq «Kursiv» O‘zbekiston ijtimoiy himoyaga muhtoj fuqarolarni qanday qo‘llab-quvvatlashi haqida yozgan edi.

O‘zbekiston prezidenti Shavkat Mirziyoyev 20-fevral kuni tegishli mavzuga bag‘ishlangan yig‘ilishda ijtimoiy himoyaga muhtoj fuqarolarni qo‘llab-quvvatlash chora-tadbirlarini ishlab chiqish to‘g‘risida topshiriq berdi.

Unga koʻra, ehtiyojmand toifani belgilash boʻyicha dastur ishlab chiqiladi va yordamga muhtojlar belgilab olinadi.

Shuningdek, muhtoj fuqarolarga xizmatlar dasturi, qolaversa, mahalladagi «yettilik» boʻyicha yagona soʻrovnoma ham ishga tushadi.

Avvalroq «Kursiv» mahallalarda «yettilik» tizimi ishlab chiqilganligi haqida maʼlum qilgan edi.

Aprel oyi boshidan Nukus va Istanbul oʻrtasida aviaqatnovlar yoʻlga qoʻyilishi rejalashtirilgan. Bu tashabbus O‘zbekiston prezidenti Shavkat Mirziyoyevning Qoraqalpog‘istonni rivojlantirish to‘g‘risidagi farmonida belgilab berilgan.

Parvozlar Istanbul – Nukus – Toshkent va Samarqand – Nukus – Istanbul yo‘nalishlarida amalga oshiriladi. Parvozlarga mahalliy va xorijiy aviatashuvchilarni jalb etish rejalashtirilgan.

Aviaqatnovlar avtonom respublikaga sayyohlar oqimini oshirishi kutilmoqda. Shuningdek, Qoraqalpogʻiston boʻylab parvozlar uchun Chexiyaning Aircraft Industries kompaniyasining Let L-410 Turbolet samolyoti ajratiladi. Samolyot modifikatsiyasiga qarab 17 dan 19 tagacha yo’lovchini tashishga qodir.

Avvalroq, Kursiv Rossiyaning Red Wings aviakompaniyasi Namangan va Qozonni to‘g‘ridan-to‘g‘ri reyslar bilan bog‘lashini yozgan edi.

20-fevral, seshanba kuni Toshkentda havo PM 2,5 mayda zarralari konsentratsiyasi meʼyordan 2,2 baravarga oshdi, deb xabar bermoqda «Oʻzgidromet» matbuot xizmati.

Sinoptiklarning xabar berishicha, poytaxtda havo harorati +1…-1° tashkil qiladi. Shu bilan birga, Oʻzbekistonda oʻrtacha kunlik havo harorati +2…-3° gacha iliq boʻladi.

«Oʻzgidromet»ning maʼlum qilishicha, respublikaning togʻli hududlarida havo harorati -4…-9° gacha tushishi kutilmoqda.

Avvalroq «Kursiv» qor yogʻishi tufayli Toshkent yoʻllarida katta tirbandliklar yuzaga kelgani haqida xabar qilgan edi.

Xitoyning NIO avtokonserni premium elektromobilning yangi modeli — aqlli shassi yordamida qorni silkitishga qodir ET-9 ni taqdim etdi, deb xabar bermoqda Electrek portali.

Elektromobilning narxi $112 ming boshlanadi. Hozircha Xitoyda mashinaga oldindan buyurtma berish mumkin, birinchi yetkazib berish esa kelasi yilning boshida boshlanadi.

NIO kompaniyasi aqlli shassi yordamida qorni silkita oladigan yangi premium elektromobil modeli ET-9 ni taqdim etdi.

Bundan tashqari, mashinada muzlatgich va uchta displey mavjud. Ulardan ikkitasi orqa o‘rindiqdagi yo‘lovchilar uchun mo‘ljallangan.

Avvalroq, «Kursiv» Xitoyning BYD kompaniyasi «lyuks» toifadagi avtomobillarni chiqarishi haqida e’lon qilgan edi.

Oʻzbekistonda qonunlar qabul qilingandan keyin besh yil oʻtgach, ularning samaradorligini baholash amaliyoti joriy etiladi. Tashabbus 2024-yilning mart oyidan boshlab, prezident Shavkat Mirziyoyevning farmoniga koʻra amalga oshiriladi.

Shuningdek, joriy yilning bahoridan boshlab normativ-huquqiy hujjatlarni ishlab chiqish boʻyicha maʼlumotlar Regulation.gov.uz portalida onlayn muhokama uchun joylashtiriladi.

Eslatib oʻtamiz, Oʻzbekistonda meʼyoriy-huquqiy hujjatlarda korrupsiya omillari mavjudligi tekshiriladi. Bunga Korrupsiyaga qarshi kurashish agentligi, Adliya vazirligi va boshqa idoralar masʼul qilib belgilangan. qolaversa, jamoat tashkilotlari, ommaviy axborot vositalari, mahallalar vakillari qonunlarning mazmun-mohiyati yuzasidan takliflar kiritishlari ham mumkin.

Avvalroq «Kursiv» Oʻzbekiston va Vyetnam huquqiy sohada hamkorlik qilishi haqda maʼlum qilgan edi.

O‘zbekiston hukumati mamlakatda maishiy chiqindilarni qayta ishlash hajmini oshirmoqchi. Bu borada bir qator chora-tadbirlar rejalashtirilgan bo‘lib, ular bir kun avval davlat rahbari Shavkat Mirziyoyev bilan uchrashuvda muhokama qilingan edi, deb xabar berdi uning matbuot xizmati.

Shu tariqa, 1-iyundan mamlakatda maishiy chiqindilardan ikkilamchi xomashyoni faqat birjada sotish rejalashtirilgan. Chiqindilarni alohida yig’ish uchta toifaga bo’linadi: «Qayta ishlanadigan», «Qayta ishlanmaydigan» va «Oziq-ovqat».

Bundan tashqari, mamlakatda chiqindilarni buning uchun mo‘ljallanmagan joylarga tashlash uchun javobgarlik kuchaytiriladi. Davlat bu sohada xususiy sheriklikni rivojlantirib, chiqindixonalar yaqinida iqtisodiy zonalar tashkil etmoqchi.

O‘zbekistonda har yili o‘rtacha 6,8 million tonna maishiy chiqindi hosil bo‘ladi. Ayni paytda mamlakatimizda uni qayta...

O‘zbekistonda 1-martdan boshlab xalqaro IT sertifikatlarini olish uchun to‘lovlar miqdori oshiriladi. Endi to‘lov avvalgidek umumiy xarajatlarning 50 foizini emas, balki 60 foizini qoplaydi, deya xabar qildi O‘zR Raqamli texnologiyalar vazirligi hukumat qaroriga tayanib.

Agar IT-sertifikati egasi ingliz tilini B2 (ilg‘or) va undan yuqori darajada bilishini tasdiqlovchi hujjatga ega bo‘lsa, u holda davlat xarajatlarning 100 foizini qoplaydi.

Kompensatsiya olish uchun Yagona interaktiv davlat xizmatlari portali orqali ariza topshirish kerak bo‘ladi. Abituriyent sertifikat nusxasini, imtihon toʻlovi uchun kvitansiyani va IT-kurslarini tamomlaganligi haqidagi hujjatlarni taqdim etishi kerak. 16 yoshga to‘lmagan O‘zbekiston fuqarolari ham ota-onalari yoki vasiylari to‘g‘risidagi ma’lumotlarni taqdim etishlari shart.

Eslatib...

Seshanba kuni ertalab Toshkent yoʻllarida tirbandlik yuzaga keldi. «Yandex» yoʻl harakati xizmati maʼlumotlariga koʻra, tirbandlik toʻqqiz ballga yetganini koʻrish mumkin.

«Yandeks»ning yogʻingarchilik xaritasining maʼlum qilishicha, Toshkentda qor soat 16:00 gacha toʻxtamasdan yogʻishda davom etadi. Shuningdek, ertaga ertalab ham yengil qor yogʻishi kutilmoqda.

Maʼlumot uchun, poytaxtda qor oʻtgan haftaning juma kunidan yogʻa boshlagan edi. Avvalroq «Kursiv» Toshkent shahri hokimligi fuqarolardan shaxsiy avtomobillardan foydalanishni minimallashtirish va zarurat boʻlmasa, uylaridan chiqmaslikni so‘ragani haqida ma’lum qilgan edi.

Amerika Qo‘shma Shtatlari (AQSh) Birlashgan Millatlar Tashkiloti Xavfsizlik Kengashiga (BMT XK) G‘azo sektorida vaqtinchalik o‘t ochishni to‘xtatishga chaqiruvchi rezolyutsiya loyihasini taklif qildi, deb xabar berdi Reuters agentligi.

«Xavfsizlik Kengashi G‘azoda barcha garovga olinganlarni ozod qilish formulasi asosida imkon qadar tezroq vaqtinchalik o‘t ochishni to‘xtatishni qo‘llab-quvvatlaydi va keng miqyosda gumanitar yordam ko‘rsatish yo‘lidagi barcha to‘siqlarni olib tashlashga chaqiradi», — deyiladi rezolyutsiya loyihasida.

Hujjatda Isroilning Rafahdagi keng ko‘lamli yerdan qilinadigan hujumga qarshi pozitsiyasi ham aks ettirilgan. Jurnalistlar matn bilan tanishishga muvaffaq bo‘lishdi.

Qo‘shma Shtatlar ushbu hujjatni G‘azoda zudlik bilan o‘t ochishni to‘xtatishni talab qiluvchi Jazoir rezolyutsiyasi loyihasiga javoban ishlab chiqdi.

20-fevral holatiga koʻra, dollarning rasmiy kursi — 12 480 soʻmni, yevro esa — 13 447 soʻmni tashkil qildi. «Kursiv» Oʻzbekistondagi qaysi banklar kassalaridan xorijiy valyutani sotib olish va sotishda qulay tariflar mavjudligini oʻrganib chiqdi.

Dollar

20-fevral holatiga koʻra, AQSh dollarini xarid qilish qulay kurs Garant bankda — 12 445 soʻm, Infinbank — 12 440 soʻm, Oʻzbekiston milliy bankida — 12 430 soʻmni tashkil qiladi.

Shuningdek, dollar sotishning eng yaxshi kursi, Infin bank kassalarida — 12 480 soʻm, Asia Alliance Bankida – 12 485 soʻm, Hayot bankida – 12 490 soʻm qilib belgilangan.

Yevro

Yevroni sotib olish eng qulay kurs Oʻzbekiston...

Eronda yengil atletika bo‘yicha yopiq inshootlardagi Osiyo chempionati yakunlandi. Oʻzbekiston terma jamoasi toʻrtta medalni qoʻlga kiritdi, deb xabar qildi Milliy olimpiya qoʻmitasi.

Yadro uloqtirishda Malika Nasriddinova va ko‘pkurashda Zaxriddin Shokirov kumush medallarni qo‘lga kiritishdi. Bronza – uch hatlab sakrashda Ivan Denisov va 400 m estafetada o‘zbekistonlik sportchi qizlar medallarga sazovor bo‘lishdi.

Avvalroq, «Kursiv» 2023-yilning iyun oyida yengil atletikachi Anvar Anvarov uzunlikka sakrash bo‘yicha O‘zbekiston rekordini o‘rnatganini yozgan edi. U 8,22 m masofaga sakragan edi.

17-19 fevral kunlari yengil atletika bo‘yicha yopiq inshootlarda Osiyo chempionati bo‘lib o‘tdi.

Moskvada Oliy Majlis Qonunchilik palatasi spikeri Nuriddin Ismoilov va RF kengashi raisi Valentina Matvienko o‘rtasida uchrashuv bo‘lib o‘tdi. Tomonlar parlamentlar oʻrtasidagi hamkorlikni muhokama qildilar, deb xabar qildi Rossiya tomoni matbuot xizmati.

Qonunchilik palatalari rahbarlari O‘zbekiston va Rossiya o‘rtasidagi munosabatlar darajasi bugungi kunda «har tomonlama strategik sheriklik va ittifoqchilik» sifatida tavsiflanayotganini ta’kidladilar.

«Davlatlarimiz rahbarlari o‘rtasida alohida ishonch munosabatlari o‘rnatilgani o‘zaro hamkorligimiz uchun qulay muhit yaratmoqda. Rossiya prezidenti va O‘zbekiston prezidenti parlamentlar o‘rtasidagi hamkorlikni rivojlantirishga katta e’tibor qaratmoqda», — dedi Matvienko.

Uchrashuvda savdo-iqtisodiy aloqalar, mintaqaviy aloqalar va ta’lim sohasidagi hamkorlik muhokama qilindi. Bundan tashqari, Oʻzbekiston parlamentariylari 2024-yil sentabr...

Bugun, 20-fevral kuni havo biroz bulutli bo‘lishi kutilmoqda, kunduzi va kechasi qor yog‘ishi kutiladi, yo‘llarda yaxmalak bo‘lishi mumkin. Harorat darajasi 0- 5 sovuq bo‘ladi, deb xabar beradi O‘zgidromet.

Poytaxtda havo biroz bulutli bo‘ladi, ertalab va kechasi biroz qor yog‘ishi va tuman tushishi mumkin. Havo kunduzi 0-1 daraja iliq bo‘ladi, kechasi esa 1 sovuq bo‘ladi.

Tog‘li hududlarda ham havo bulutli bo‘ladi, vaqti-vaqti bilan qor yog‘adi. Yo‘llarda yaxmalak kuzatiladi va qor ko‘chishi xavfi bor. Havo harorati kunduzi 4-9 daraja sovuq, kechasi esa 8-13 sovuq bo‘ladi.

Yaponiya O‘zbekistonga iqtisodiy va ijtimoiy rivojlanish dasturlari uchun $246,2 milliondan ortiq mablag‘ ajratadi. Bitimni Iqtisodiyot va moliya vazirining birinchi o‘rinbosari Ilhom Norqulov va Yaponiya xalqaro hamkorlik agentligining (JICA) O‘zRdagi vakolatxonasi rahbari Yoshibumi Bito imzoladi.

Ajratilgan mablag‘lar mamlakatning bozor iqtisodiyotini rivojlantirishga qaratilgan islohotlarni qo‘llab-quvvatlashga, shuningdek, aholining ijtimoiy himoyaga muhtoj qatlamlariga yordam ko‘rsatishga yo‘naltiriladi.

Kredit yapon iyenasida 30 yil muddatga, o‘n yillik imtiyozli davr bilan ajratiladi. Foiz stavkasi yiliga 1,8% ni tashkil qiladi.

Bugungi kunda JICAning O‘zbekistondagi ustuvor yo‘nalishlari iqtisodiy infratuzilmani, xususiy sektorni va qishloq joylarini rivojlantirishni qo‘llab-quvvatlashdir.

1993-2021-yillarda JICA kreditlari ko‘magida mamlakatimizda 1,5 milliard dollarlik tashabbuslar amalga oshirilgan edi.

Kelgusida...

Oʻzbekistonda endi jismoniy yoki yuridik shaxslar, hududiy yoʻl harakati xavfsizligi boshqarmalariga xat bilan murojaat etgan holda, oʻzlari istagan joyda svetofor oʻrnatishlari mumkin haqidagi xabarlar tarqaldi. Yoʻl harakati xavfsizlik xizmati mazkur xabar haqiqatga toʻgʻri kelmasligini maʼlum qildi.

O‘zbekistonning amaldagi qonunchiligiga ko‘ra, svetoforlarni o‘rnatish va ularga xizmat ko‘rsatish mahalliy hokimiyat organlariga yuklatilgan.

«Yoʻl harakatini tartibga solish vositalarini oʻrnatish vazifasi masʼul idora va tashkilotlar zimmasiga aniq yuklatilgan boʻlib, istalgan jismoniy yoki yuridik shaxslar bunday vositalarni oʻzboshimchalik bilan yoki qandaydir ruxsat asosida oʻrnatish vakolatiga ega emasligini maʼlum qilamiz», — deyiladi rasmiy munosabatda.

Avvalroq poytaxtdagi chorrahalarga 605 ta aqlli svetofor o‘rnatilishi...

Polshaning LOT Polish Airlines kompaniyasi 13-martdan boshlab Varshava-Toshkent-Varshava yoʻnalishi boʻyicha parvozlarini yoʻlga qoʻyadi, deb xabar bermoqda «Dunyo» axborot agentligi.

Polsha aviakompaniyasining sotuv departamenti direktori Marta Visnevskaning soʻzlariga koʻra, Yevropa Ittifoqiga aʼzo davlatlar Oʻzbekiston bilan oʻzaro sayyohlik aloqalarini rivojlantirishdan manfaatdor.

Aviakompaniya maʼlumotlariga koʻra, parvozlar Boeing 737 MAX 8 samolyotlarida amalga oshiriladi. Avia chiptalar narxi 2,8 million soʻmdan (213 yevro) boshlanadi.

LOT Polsha Airlines aviakompaniyasi 1929-yilda tashkil topgan. Kompaniyaning bosh ofisi Varshavada joylashgan. Aviakompaniya parki Boeing, Embraer va Bombrdier samolyotlaridan iborat.

Maʼlumot uchun, 2023-yil bahorida Polshaning boshqa bir aviakompaniyasi Varshava-Toshkent oʻrtasida charter reyslarini yoʻlga qoʻygan edi. Taʼkidlab oʻtish joizki, oʻtgan yilning yanvar-sentyabr oylarida...

O‘zbekistonning Surxondaryo viloyatida umumiy qiymati 10 milliard so‘mlik Esse Change sigaretlarining noqonuniy aylanishining oldi olindi, deb xabar berdi viloyat hududning Bojxona boshqarmasi.

Tamaki mahsulotlari Tojikistonga ketayotgan vagonda topildi. Ularni kir yuvish mashinasi, changyutgich, quruq sut sifatida maishiy texnika solingan qutilarga solib olib o‘tishga urinishgan.

Huquq-tartibot idoralari xodimlari mazkur holat yuzasidan tergovga qadar tekshiruv ishlarini olib bormoqda.

Avvalroq, Kursiv Toshkent viloyatiga go‘sht niqobi ostida o‘q olib kirishga uringanliklari haqida yozgan edi.