Yangiliklar

5-iyun kuni respublika hududida yog‘ingarchiliksiz, biroz bulutli ob-havo saqlanib turadi. Ayrim hududlarda kuchli shamol va chang-to‘zonlar kuzatilishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Sloveniya, Migratsiya agentligi va «Kolektor Construction» korxonasi hamkorligida bo‘sh ish o‘rinlari taklif etilmoqda. Bu haqda agentlik rasmiy sahifasida ma’lum qildi.

Jami 35 ta vakant lavozim mavjud bo‘lib, unda beton aralashtiruvchi yuk avtomobil haydovchisi, qurilish og‘ir texnikasi operatori (gidravlik ekskavator) va asfalt yotqizish ishchisi sifatida ishlash imkoniyati taqdim etiladi. Oylik ish haqi 200 soat uchun 1000 yevro miqdorida belgilangan.

Nomzodlardan 25-45 yoshdagi erkaklar qabul qilinadi. Ular ingliz tilini muloqot darajasida bilishi, o‘rta maxsus diplomga ega bo‘lishi, shuningdek, O‘zbekistondan chiqishga ta’qiqi bo‘lmasligi kerak. Bundan tashqari, tanlangan sohalarda kamida 5 yillik ish tajribasi va sudlanmaganlik talab etiladi.

Imtiyozlar sifatida viza va ishlash...

2025-yil 3-iyun kuni Toshkent davlat transport universitetida O‘zbekiston – Xitoy transport fakulteti rasman ochildi. Bu haqda universitet rasmiy sahifasida ma’lum qilindi.

Tadbirda Oliy ta’lim, fan va innovatsiyalar vazirining birinchi o‘rinbosari Shohrux Daliyev hamda universitet rahbariyati ishtirok etdi.

Shuningdek, Xitoyning Shensi provinsiyasi delegatsiyasi, jumladan, gubernator Zhao Gang va Changan universiteti vakillari ham qatnashdi. Ular yangi fakultetning ochilishida ishtirok etib, Changan universiteti tomonidan ajratilgan 40 ta magistratura va PhD grant sertifikatlarini talabgorlar orasida taqdim etdi.

Eslatib o‘tamiz, avvalroq O‘zbekiston eksport mahsulotlari Qirg‘iziston orqali Xitoyga yuborilishi haqida yozgan edik.

Qurbon hayiti munosabati bilan 2025-yil 6-iyun kuni butun O‘zbekiston bo‘ylab jamoat transporti odatdagidan ertaroq harakatlana boshlaydi. Bu haqda Transport vazirligi ma’lum qildi.

Unga ko‘ra, mazkur chora-tadbirlar namozga o‘z vaqtida yetib borishni osonlashtirish va yo‘llardagi tirbandliklarni kamaytirishga qaratilgan. Fuqarolarga qulaylik yaratish maqsadida jamoat transportidan foydalanish tavsiya etiladi.

Eslatib o‘tamiz, avvalroq Toshkentda Hayit kuni jamoat transporti harakati soat 03:00 dan boshlanishi haqida yozgan edik.

2-iyun kuni Samarqand shahrida o‘tkazilgan O‘zbekiston – Xitoy biznes forumida «B2B» uchrashuvlar doirasida «O‘ztemiryo‘lkonteyner» AJ va «Gansu International Logistics Group Co. Ltd» o‘rtasida hamkorlik kelishuvi imzolandi. Bu haqda aksiyadorlik jamiyati matbuot xizmati ma’lum qildi.

Unga ko‘ra, uchrashuvda «O‘ztemiryo‘lkonteyner» AJ boshqaruv raisi o‘rinbosari Adil Axmedov va Gansu provinsiyasi vitse-gubernatori Lei Siwei ishtirok etdi. Kelishuvga ko‘ra, Xitoy – Qirg‘iziston – O‘zbekiston multimodal yo‘nalishi orqali konteyner tashuvlarini rivojlantirish va O‘zbekistondan eksport uchun Xitoyga Qirg‘iziston orqali ilk blok poyezd jo‘natish rejalashtirilmoqda. Shuningdek, forum doirasida Samarqanddagi «O‘ztemiryo‘lkonteyner» AJning Ulug‘bek logistika markazi infratuzilmasi bilan tanishildi.

Eslatib o‘tamiz, avvalroq Jalolobod va Namangan o‘rtasidagi tovar ayirboshlash hajmi...

«GlobalHR» agentligi Mongoliyada qurilish yo‘nalishida ishlash istagida bo‘lgan yurtdoshlarimizni ishga taklif etadi. Bu haqda Migratsiya agentligi ma’lum qildi.

Bo‘sh ish o‘rinlari soni – 50 ta. Ish haqi sinov muddatida $800, sinov muddatidan so‘ng esa $1000 va undan yuqori miqdorni tashkil etadi (to‘g‘ridan to‘g‘ri qo‘lga beriladigan summa).

Oshpaz, opalubkachi va yordamchi ishchi lavozimlari taklif etilmoqda. 25 yoshdan 45 yoshgacha bo‘lgan erkaklar murojaat qilishi mumkin. Ish jismoniy kuch talab etgani sababli, nomzodlar og‘ir mehnat sharoitlariga moslasha olishi zarur. Shuningdek, tanlangan kasb yo‘nalishi bo‘yicha tajribaga ega bo‘lish talab etiladi.

Nomzodlarga bir qator qulayliklar taqdim etiladi. Ular uchun bepul turarjoy va kunlik uch...

Humans Mobile PTE LTD (Singapur) kompaniyasi O‘zbekiston va Markaziy bankning ayrim harakatlari bitim talablariga zidligi yuzasidan Jahon banki huzuridagi Investitsiya nizolarini hal qilish bo‘yicha xalqaro arbitraj markaziga ariza kiritdi. Bu borada Markaziy bank o‘z munosabatini bildirdi.

Markaziy bank munosabatida kompaniya haqiqatdan O‘zbekiston davlat organlari, jumladan, Markaziy bankning harakati 2003-yil 15-iyuldagi «Singapur Respublikasi hukumati va O‘zbekiston Respublikasi hukumati o‘rtasida investitsiyalarni rag‘batlantirish va himoya qilish to‘g‘risida»gi bitimning ayrim talablariga zidligi ta’kidlanib, 2025-yil 20-mayda xalqaro arbitraj markaziga ariza bilan murojaat qilganini keltirib o‘tgan.

Ariza ish yurituviga qabul qilinib, hozirda arbitraj nizosi mazmunan ko‘rib chiqishga tayyorlanmoqda. Jarayon davomida qo‘shimcha ma’lumotlar berib boriladi.

Shuningdek...

Centrum Air aviakompaniyasi iyun oyidan boshlab Rossiyaning yirik shaharlariga 15 dan ortiq yangi yo‘nalishlarni ishga tushiradi. Bu haqda aviakompaniya «Kursiv» nashriga ma’lum qildi.

Yangi reyslar Samarqand, Namangan, Urganch va Toshkent shaharlaridan amalga oshiriladi.

«Yo‘nalishlar tarmog‘ini kengaytirish – mintaqalarni rivojlantirish va millionlab yo‘lovchilar uchun havo transporti qatnovlarining mavjudligi va qulayligini yaxshilashga qo‘shgan hissamizdir. Biz O‘zbekistonning har bir fuqarosi qulay, tez va maqbul narxlarda sayohat qila olishini istaymiz», – dedi Centrum Air asoschisi va kuzatuv kengashi raisi Abdullaziz Abdurahmonov.

Unga ko‘ra, Samarqanddan:

Soʻnggi bir hafta ichida Oʻzbekistonda tarvuzning ulgurji narxlari deyarli uch barobar kamaydi. Bu haqda East Fruit portali xabar berdi.

Xususan, 23-maydan 30-maygacha boʻlgan davrda bozorlardagi oʻrtacha narx 1 kg uchun 7 ming soʻmdan 2,5 ming soʻmgacha tushib ketdi. Bu pasayish so‘nggi besh yildagi eng keskin arzonlashuv sifatida qayd etildi.

Mutaxassislar narxlarning tushishiga erta hosil sabab boʻlganini ta’kidlashmoqda. Bu yil dastlabki yirik tarvuz partiyalari o‘tgan yilga nisbatan bir hafta oldin savdoga chiqarilgan. East Fruit mutaxassislari fikricha, ichki bozordagi past narxlar eksport hajmining ortishiga olib keladi.

Avvalroq «Kursiv» nashri Oʻzbekistonda gilos narxining yuqoriligi haqida yozgandi.

Qurbon hayiti bayrami munosabati bilan O‘zbekiston – Qatar o‘yiniga chipta sotish kassalari ishlamaydi. Bu haqda O‘zbekiston futbol assotsiatsiyasi (O‘FA) xabar bermoqda.

O‘FAning ma’lum qilishicha, «JCH – 2026» uchinchi saralash bosqichi so‘nggi turidan o‘rin olgan O‘zbekiston va Qatar terma jamoalari o‘rtasidagi o‘yin uchun chiptalar 4 va 5-iyun kunlari ham sotilishda davom etadi. Ammo Qurbon hayiti nishonlanadigan 6-iyun kuni barcha kassalar yopiladi. Sotuvlar 7-iyundan boshlanadi.

Eslatib o‘tamiz, O‘zbekiston milliy terma jamoasi Qatarga qarshi uchrashuvi 10-iyun kuni «Milliy» («Bunyodkor») stadionida bo‘lib o‘tadi. Ushbu uchrashuv uchun chiptalar 3-iyundan boshlab oflayn savdoga chiqarilgani haqida yozgan edik.

Farg‘ona shahrida joylashgan kulolchilik sexi gaz quvuriga noqonuniy ulanib, gazdan o‘g‘rincha foydalangan holat aniqlandi, deb xabar berdi Energetika vazirligi.

«Jo‘ydam» MFY hududida istiqomat qiluvchi fuqaroning mulki hisoblangan kulolchilik sexida tabiiy gaz hisoblagichidan tashqari gaz tarmog‘iga ruxsatsiz ulanish amalga oshirilgani aniqlandi.

Mazkur holat bo‘yicha dalolatnoma rasmiylashtirilib, sarflangan gaz miqdori qayta hisob-kitob qilindi va natijada 7,66 mlrd so‘mlik zarar aniqlangan.

Bundan tashqari, yuzaga kelgan qonunbuzarlik bo‘yicha barcha zarur hujjatlar huquqni muhofaza qiluvchi organlarga topshirildi.

Avvalroq Kursiv Uzbekistan Farg‘onada fermer xo‘jaligi 1,8 mlrd so‘mlik elektrdan noqonuniy foydalangani haqida yozgandi.

Warner Bros. Discovery media korporatsiyasi aksiyadorlarining 60 foizi kompaniya rahbari Devid Zaslavga $51,9 mln miqdorida tovon puli va bonus to‘lovlariga qarshi chiqdi. Bu haqda New York Times nashri xabar bermoqda.

Zaslavning to‘lovlarini tanqid qilganlarning aytishicha, Warner Bros. Discovery aksiyalari 2022-yildan beri 59 foizga arzonlashgan. 2024-yilda aksiyalar 7 foizga qadrsizlangan.

Korporatsiyaning raqobatchilari Netflix va Disney ancha yaxshi ishlamoqda, ularning ulushi o‘tgan yili mos ravishda 80% va 24% ga oshgan.

O‘tgan yil davomida Netflix bosh direktor uchun umumiy miqdori $61,9 mln, Disney kompaniyasi esa $41,1 mln miqdorida bonuslar va tovon puli bergan.

Eslatib o‘tamiz, Kursiv Uzbekistan nashri «Kalmar o‘yini»ning uchinchi mavsum...

Ijtimoiy tarmoqlarda yangilangan Chevrolet Cobalt avtomobili ishlab chiqarilishiga oid tasvirlar tarqaldi. Tarqalgan tasvirlarda Chevrolet Cobaltning dizayni va narxi yangilanishi, model sentabr oyida taqdim etilishi aytiladi. Kursiv Uzbekistan nashri «O‘zavtosanoat» AJ matbuot xizmatiga bir nechta savollar bilan murojaat qildi.

Tahririyat taqdim etgan savollar quyidagicha:

Kompaniyaning javobi quyidagicha bo‘ldi:

«Cobalt avtomobilining yangi modeli narxi, texnik xususiyatlari, dizayni va chiqarilish muddati haqidagi ma’lumotlar tijorat ma’lumoti hisoblanadi. Yangi modelga oid barcha yangiliklar kompaniyaning...

2025-yilning 30-avgustidan boshlab O‘zbekistonda faoliyat yuritayotgan nodavlat notijorat tashkilotlari (NNT) o‘z xodimlarining chetga safarlari haqida Adliya vazirligiga oldindan xabar berishi shart bo‘ladi. Bu haqda Adliya vaziri buyrug‘i qabul qilindi.

Buyruqqa ko‘ra, xabarnoma safar boshlanishidan kamida yetti kun oldin yuborilishi kerakligi ta’kidlangan.

Xabarnomada safarning asoslari va maqsadi, moliyalashtirish manbalari hamda uchrashuv yoki tadbir o‘tkaziladigan manzil ko‘rsatilishi lozim.

Bildirishnoma shakli bilan ushbu static.norma.uz saytdan olishingiz mumkin.

Avvalroq Kursiv Uzbekistan endilikda nodavlat notijorat tashkilotlari mablag‘lari haqida ommaga ochiq ma’lumot berib borishi haqida yozgandi.

O‘zbekiston Respublikasi valyuta birjasi (UZCE) ma’lumotlariga ko‘ra, 4-iyun kuni dollar kursi 25,54 so‘mga pasayib, 12 831,81 so‘m etib belgilandi.

Dollar kursining yetti kunlik o‘zgarish jadvali

Shuningdek, Markaziy bank ma’lumotlariga ko‘ra, yevro 66,36 so‘mga tushib, 14 606,45 so‘mni, rubl esa 0,30 so‘mga oshib, 163,75 so‘mni tashkil qildi.

Banklardagi eng maqbul kurslar

«Pultop» kanali ma’lum qilishicha, 4-iyun kuni dollarning maqbul kurslari quyidagi banklarda kuzatilgan:

Banklarga sotish (USD – UZS):

«Navoiy» chegara bojxona posti orqali harakatlar soni keskin ko‘paydi. So‘nggi sutkada postdan 40 ming fuqaro va 2 mingga yaqin yengil avtotransport vositalari harakatlandi. Bojxona qo‘mitasi axborot xizmati rahbari Husan Tangriyevning ta’kidlashicha, hayit bayrami kunlari bu raqamlar yanada ortishi mumkin.

Tangriyevga ko‘ra, ushbu holat yuzasidan ikki davlat chegara post rahbarlari uchrashuv o‘tkazadi. Hozirda «Navoiy» chegara bojxona postiga qo‘shimcha kuchlar safarbar qilingan.

«Shunday paytda Qozog‘iston va O‘zbekiston fuqarolariga kunduz kuni 08:00 dan 18: 00 gacha Sirdaryo viloyatidagi «Oqoltin» va «Malik» postlari orqali foydalanish tavsiya etiladi», — deydi Tangriyev

«Navoiy» chegara bojxona postida yengil avtotransport vositalarining nazorati...

Toshkent amerikalik qo‘shiqchi Jennifer Lopes Up All Nightning gastrol safariga qo‘shildi. Bu haqda Kursiv Uzbekistan muxbiri xabar berdi.

Toshkentdagi konsert 7-avgust kuni «Milliy» (sobiq «Bunyodkor») stadionida bo‘lib o‘tadi. Yaqin kunlarda chiptalarni oldindan sotish boshlanadi.

Bungacha xonandaning gastrol dasturiga shahar kiritilmagani uchun uning konserti Toshkentda bo‘lib qolmasligi mumkinligi ma’lum edi.

Lopes, shuningdek, 1 va 10-avgust kunlari Ostona va Olmaota shaharlarida ikkita konsert beradi. Ayni paytda xonandaning Qozog‘iston poytaxtidagi muxlislari chiptalarni xarid qilib bo‘lishgan. Qozog‘iston matbuotiga ko‘ra, chipta narxi 40 ming tengedan (1 mln so‘m) boshlanadi.

Eslatib o‘tamiz, Kursiv Uzbekistan nashri O‘zbekiston – Qatar o‘yini chiptalarining narxi haqida yozgan...

Surxondaryoda Twix va Bounty kabi tovar belgilaridan foydalanib mahsulot ishlab chiqarayotgan korxona jarimaga tortildi. Bu haqda Raqobat qo‘mitasi ma’lum qildi.

Xabarga ko‘ra, Mars kompaniyasi tomonidan ishlab chiqarilgan mahsulotlarning tovar belgisi «Surxon Oshpazi» MChJ tomonidan noqonuniy tarzda ko‘chirilayotgani bo‘yicha murojaat kelib tushgan va u asosida tegishli tekshiruvlar o‘tkazilgan.

Tekshiruvlar davomida, ushbu tovar belgilari Mars kompaniyasining aynan shu nomdagi mahsulotlari bilan iste’molchilarni adashtirish darajasida o‘xshash ekani tasdiqlandi.

Natijada Raqobat qo‘mitasi huzuridagi Maxsus komissiya qaroriga asoslanib «Surxon Oshpazi» MChJga nisbatan moliyaviy jarima qo‘llanildi hamda qonunbuzilish holatini bartaraf etish bilan birga, kelgusida bunday holatlarga yo‘l qo‘ymaslik bo‘yicha majburiy ko‘rsatma berildi.

Avvalroq Kursiv Uzbekistan...

Xalqaro sport tadqiqotlari markazi (CIES) reytingiga ko‘ra, Lamin Yamal dunyoning eng qimmat futbolchisiga aylandi. Uning transfer qiymati 402,3 million yevro ($458,6 mln) deb baholandi.

«Barselona» vingeri 2031-yilgacha shartnomasini uzaytirgani narxining keskin oshishiga sabab bo‘lgan.

Avvalroq Kursiv Uzbekistan Abbosbek Fayzullayevning 5-iyun sanasidagi BAAga qarshi o‘yin oldidan bergan intervyusi haqida yozgandi.

Xitoyning SAIC Motor kompaniyasi MG 4 Electric elektrokarining yangilangan versiyasini taqdim etdi. Bu haqda 32cars nashri xabar bermoqda.

Model ilk bor 2022-yilda Xitoyda namoyish etilgan bo‘lsa-da, endilikda u Yevropa bozoriga ham kirib kelmoqda. Kompaniya Yevropa patent byurosida yangi dizaynni ro‘yxatdan o‘tkazgan.

Yangi MG 4 Electric avvalgi avloddan farqli ravishda yumaloqroq va zamonaviy ko‘rinishga ega bo‘ldi. Avtomobil uzunligi 4,4 metrga yetdi, bu avvalgi modeldan 11 sm uzunroq. G‘ildirak bazasi ham 4 sm kengaydi va endi 2,75 metrni tashkil etadi. Bu esa salonda yanada kengroq joy bo‘lishini anglatadi.

Mashina 163 ot kuchiga ega elektromotor bilan jihozlangan. Avtomobilning og‘irligi 1485 kg bo‘lib...

Eng zamonaviy va mustahkam Starlink qurilmasi — Starlink Performance namoyish etildi. Bu haqda kompaniya X ijtimoiy tarmog‘ida ma’lum qildi. 

Ushbu qurilma 400 Mbit/s dan yuqori yuklab olish tezligiga ega va ishonchli yuqori tezlikdagi internetni taqdim etadi.

Ishlab chiquvchilarning ta’kidlashicha, ushbu to‘plam alyuminiy korpus, IP69K darajadagi suv o‘tkazmaslik himoyasi va modernizatsiyalangan quvvat bloki bilan jihozlangan.

Bundan tashqari, 270 km/soatgacha bo‘lgan shamol tezligiga, -40°C dan +60°C gacha bo‘lgan haroratlarga, kuchli vibratsiyalarga bardosh bera oladi. Shuningdek, sho‘r suvli yuqori korroziyali muhitda ham 10 yil ishlashga mo‘ljallangan.

Alyuminiy korpusdagi Starlink Performance uzoq hududlar, og‘ir ob-havo sharoitlari va harakatdagi holatlarda barqaror internet aloqasini...

Honor 400 Pro smartfonining batareyasi bir nechta qurilmalar bilan taqqoslandi. Bu haqda GSMArena nashri xabar bermoqda.

Telefon 100 Vt simli va 50 Vt simsiz zaryadli 5300 mA/soat batareyaga ega. Bu Honor 200 Pro‘dan 100 mA/soat ko‘proq, lekin Yevropadan tashqarida sotilgan versiyadan ham 700 mA/soat kam. Simli quvvatlash tezligi bir xil, ammo simsiz tezlik 66 Vt dan kamayadi.

Honor 400 Pro o‘zidan oldingisiga nisbatan yaxshiroq faol foydalanish ko‘rsatkichiga erishgan. Bu esa umumiy 3 soatga yaqinroq degani. 400 Pro barcha toifalar bo‘yicha 200 Pro‘ni ortda qoldirgan.

Smartfon qo‘ng‘iroq qilishda taxminan 8 soat, ko‘rish testida qariyb 4 soat, videoni ko‘rishda taxminan...

Kadastr hujjatlarini rasmiylashtirish jarayoni endi biroz ko‘proq vaqt olishi mumkin. Bu haqda hukumatning yangi qarori qabul qilindi.

Yangi muddatlar quyidagicha:

Yashash uchun mo‘ljallanmagan obyektlar maydoniga qarab:

Ko‘p yillik daraxtzor yerlar uchun:

Shavkat Mirziyoyev Koreya Respublikasi prezidenti Li Chje Myonni ushbu lavozimga saylangani bilan tabriklab, eng ezgu tilaklarini bildirdi. Bu haqda davlat rahbari matbuot xizmati ma’lum qildi.

Tabrik maktubida prezident Li Chje Myon rahbarligida Koreya Respublikasining intellektual va iqtisodiy salohiyati yanada oshishiga, xalqaro maydondagi nufuzi mustahkamlanishiga ishonch bildirgan.

«Biz Koreya Respublikasi bilan do‘stona va keng qamrovli aloqalarni yangi bosqichga ko‘tarishga alohida e’tibor qaratamiz. Aminmanki, Sizning prezidentlik davringizda alohida strategik sheriklik munosabatlarimiz barcha ustuvor sohalarda jadal rivojlanadi», — deyiladi maktubda.

Mirziyoyev ikki mamlakat o‘rtasidagi ko‘p qirrali va uzoq muddatli hamkorlikni yanada mustahkamlash maqsadida Li Chje Myonni O‘zbekistonga...