Yangiliklar

WikiLeaks asoschisi Julian Assanj AQSh rasmiylari bilan kelishuvga erishgach, qamoqdan ozod etildi. Uning ozod etilishi haqidagi bayonot X ijtimoiy tarmogʻidagi portal sahifasida e’lon qilingan.

«Julianning ozodligi, bu – bizning ozodligimiz», deyiladi WikiLeaks xabarida.

Assanj besh yildan ortiq Britaniyada qamogʻida oʻtirdi. Ma’lum qilinishicha, u garov evaziga ozod qilingan, soʻngra Shimoliy Mariana orollariga yoʻl oladi va u yerda sud jarayoni oʻtkaziladi.

Avstraliya rasmiylariga koʻra, Assanj oʻz aybiga iqror boʻlgach, besh yillik qamoq jazosiga hukm qilinadi. Britaniyada qamogʻida oʻtirgan vaqti belgilangan muddatgacha hisobga olinadi. Bu Assanjga ozodlikka chiqish imkonini beradi.

AQSh rasmiylari WikiLeaks asoschisini mamlakat Mudofaa vazirligining maxfiy ma’lumotlarini tarqatishda ayblagan...

25-iyun kuni O‘zbekiston Respublika valyuta birjasida dollarning o‘rtacha tortilgan qiymati 13,51 so‘mga pasaydi va 12 586,41 so‘mni tashkil qildi.

Respublika tijorat banklari AQSh valyutasini 12 530 – 12 595 so‘mdan xarid qilishmoqda va 12 605 – 12 660 so‘mdan sotishmoqda.

Eslatib o‘tamiz, 24-iyun kuni dollarning o‘rtacha narxi 25,26 so‘mga pasaygan edi.

Apple kompaniyasi App Store’dagi ba’zi cheklovlari sabab katta jarimaga tortilishi mumkin. Bu haqda Yevrokomissiya o‘zining rasmiy veb-saytida xabar berdi.

24-iyun kuni Yevropa komissiyasi bu haqidagi dastlabki ma’lumotlarni e’lon qildi. Unga ko‘ra Apple joriy yilning mart oyida qabul qilingan «Raqamli bozorlar to‘g‘risida»gi qonunni  buzishda ayblanmoqda. Bunga App Store’da dastur ishlab chiquvchilarga foydalanuvchilar uchun to‘lov usullaridan erkin foydalanish imkoniyatini berishga ruxsat bermayotgani sabab sifatida ko‘rsatilgan. Ushbu qonunbuzarlik uchun birinchi martasida global aylanmaning 10 foizgacha, ikkinchi marta takrorlansa 20 foizgacha miqdordagi jarima qo‘llanilishi mumkin.

Qonun kuchga kirganidan buyon Alphabet, Amazon, Apple, Meta, Microsoft, ByteDance kabi texno-gigantlarning faoliyatini tartibga solib kelmoqda. Chunki yirik...

O‘zbekistonda valyuta ayirboshlash bilan shug‘ullangan fuqarolar qo‘lga olindi. Ushlangan shaxslarning yonidan jami 18,2 ming AQSh dollari, 50,4 ming Rossiya rubli va 37 million so‘mga yaqin pul miqdori chiqqan. Bu haqda Bosh prokuratura departamentining rasmiy Telegram sahifasida quyidagicha bayonot berildi.

O‘tkazilgan tezkor tadbirda valyuta ayirboshlash bilan shug‘ullanib kelgan S.R fuqaro M.T.ga 5,1 ming AQSh dollarini 64,7 mln so‘mga sotgan vaqtida ushlangan. Fuqaroning yonidan jami 8,2 ming AQSh dollari, 39,2 ming Rossiya rubli, 50 yevro va 33,2 mln so‘m ashyoviy dalil sifatida olingan.

Shuningdek, Sho‘rchi tumanida o‘tkazilgan tezkor tadbirda  ham shu kabi jinoyatchilikka chek qo’yildi. Voqea joyida valyuta ayirboshlash bilan shug‘ullanib...

Oʻzbekistonda 2024-yil 1-iyun holatiga koʻra, chet el investitsiyasi ishtirokida 14,3 mingta korxonalar faoliyat koʻrsatmoqda. Shulardan 4,4 mingtasi qoʻshma va 9,9 mingtasi xorijiy korxona hisoblanadi. Bu haqda Statistika agentligi axborot xizmati xabar berdi.

Korxonalar sohalar kesimida quyidagicha:

savdo sohasida – 5,05 mingta;

sanoat sohasida – 3,15 mingta;

qurilish sohasida – 1 mingta;

axborot va aloqa sohasida – 0,97 mingta;

yashash va ovqatlanish boʻyicha xizmatlar sohasida – 0,55 mingta;

tashish va saqlash sohasida – 0,5 mingta;

qishloq, oʻrmon va baliqchilik xoʻjaligi sohasida – 0,4 mingta;

sogʻliqni saqlash va ijtimoiy xizmat koʻrsatish sohasida – 0,2 mingta;

boshqa sohalarda – 2,5 mingta.

Avvalroq...

Bugun, 25-iyun kuni oliy va professional ta’lim muassasalariga abituriyentlarni roʻyxatga olishning soʻnggi kuni boʻlib, soat 23:59 da roʻyxatdan oʻtish toʻliq yakunlanadi.

Qabulning soʻnggi kunlarida roʻyxatdan oʻtuvchi abituriyentlar soni keskin ortishi sababli abituriyentlardan imkon qadar ertaroq roʻyxatdan oʻtish tavsiya qilinadi.

Ma’lumot uchun, abituriyentlar my.uzbmb.uz saytidan roʻyxatdan oʻtishlari mumkin.

Statistika agentligi taqdim qilgan ma’lumotlarga koʻra, 2024-yilning yanvar–may oylarida ta’lim sohasidagi xizmatlar hajmi 9,3 mlrd soʻmni yoki koʻrsatilgan bozor xizmatlari umumiy hajmining 4,4 foizini tashkil etdi.

Avvalroq «Kursiv» oliy oʻquv yurtlariga hujjatlar qabuli boshlangani haqida xabar bergan edi.

Oʻzbekiston Bosh prokuraturasi tomonidan 12 ta arxeologik yodgorlikni saqlash boʻyicha qonunbuzarliklarga chek qoʻyildi, deb xabar bermoqda davlat organi Telegram-kanalida.

Gap mamlakatning Qashqadaryo, Jizzax, Toshkent, Sirdaryo va Navoiy viloyatlaridagi obyektlar haqida bormoqda. Yodgorliklar hududida ular uy-joy va imoratlarni qurishga, vannalar va hatto hojatxonalarni tashkil etishga harakat qilishdi.

Ushbu harakatlar natijasida yetkazilgan jami zarar 8,3 mlrd so‘mni tashkil etadi. Holat yuzasidan jinoyat ishi qo‘zg‘atilib, tergov harakatlari olib borilmoqda.

Avvalroq «Kursiv» o‘zbek va xitoylik olimlar Surxondaryoda qadimiy shahar xarobalarini topgani haqida e’lon qilgan edi.

Oʻzbekiston va Xitoy oʻrtasida muntazam aviaqatnovlar soni haftasiga 100 taga yetkaziladi. Bu haqda Transport vazirligi axborot xizmati xabar berdi.

Joriy yil 17–21-iyun kunlari Xitoyning Sian shahrida oʻtkazilgan «C5+1 Xitoy-Markaziy Osiyo fuqaro aviatsiyasi konferensiya»si boʻlib oʻtdi. Konferensiya doirasida Oʻzbekiston va Xitoy aviatsiya hukumatlari oʻrtasida havo qatnovi toʻgʻrisidagi ikki tomonlama bir qancha bitimlar imzolandi.

Unga ko‘ra, ikki davlat oʻrtasidagi muntazam aviaqatnovlar soni yangi kelishuv boʻyicha 50 taga oshiriladi. Ya’ni ikki mamlakat oʻrtasidagi haftalik muntazam yoʻlovchi aviaqatnovlari sonini jami 100 taga yetkazish huquqi berildi.

Oʻzbekiston va Xitoy oʻrtasida muntazam parvozlarni amalga oshirish huquqiga ega boʻlgan aviakompaniyalar soni 2 baravarga oshirildi. Shuningdek, OʻzR...

O‘zbekistonda tadbirkorlarning malinaga qiziqishi yana kuchaymoqda. Bundan tashqari, tadbirkorlar ushbu rezavor mevalarni qo‘shni Tojikistondan sotib olishadi, deya xabar beradi «EastFruit» portali tahlilchilari.

 «Ikki yil avvalgidek, 2024-yilda ham o‘zbekistonlik tadbirkorlar tomonidan Tojikistonda muzlatish uchun yangi malina ulgurji xarid qilinmoqda» deyiladi materialda.

Internet nashrlarining hisob-kitoblariga ko‘ra, Tojikistondan O‘zbekistonga har kuni 20 tonna malina olib kelinadi. Bir kilogramm uchun o‘rtacha narx $1,3 tashkil qiladi.

O‘zbekistondan muzlatilgan malina Rossiya bozoriga bir kg taxminan $2 ga sotilmoqda.

2022 va 2023-yillarda mahalliy malina bozori jahon bozorlarida ushbu mevaning narxi tushib ketishi tufayli deyarli yo‘q bo‘lib ketgan edi.

O‘tgan yili «Kursiv...

Jahon bozori hafta oxirigacha Amerika Qoʻshma Shtatlarining (AQSh) iqtisodiy rivojlanishi haqidagi hisobotlarning e’lon qilinishini kutmoqda. Shu sababli oltin narxi tushib ketdi. Qimmatbaho metallning unsiyasi taxminan $2320 baholanmoqda, deya xabar beradi «Trading economics» portali.

Investorlar AQSh Federal zaxira tizimi tomonidan foiz stavkalarini oʻzgartirish vaqtini aniqlashtirish uchun hisobotlarni kutishmoqda. Iste’mol xarajatlari va daromadlari toʻgʻrisidagi ma’lumotlar, PCE biznes indeksi va 2024-yilning birinchi choragi uchun yalpi ichki mahsulot oʻsishining taxminlarini koʻrib chiqishi kerak.

Kumush narxi ham sanoat ishlab chiqarish istiqbollari yomonlashgani sababli unsiya uchun $29,6 tushdi. Xitoyda bozor ishtirokchilari quyosh energetikasini qoʻllab-quvvatlash boʻyicha hukumat dasturini amalga oshirish fonida ortiqcha ishlab chiqarish quvvati tufayli...

Yong‘in 25-iyun tunida, soat 02:12 da Surxondaryo viloyati Denov tumani Bobur mahallasidagi bozorda sodir bo‘lgan. Holat yuzasidan viloyat Favqulodda vaziyatlar boshqarmasi matbuot xizmati shunday xabar berdi.

Xabarda aytilishicha, yong‘in «Bek» MCHJga qarashli savdo majmuasi hududidagi 4 ta asosiy va 8 ta kichik savdo do‘konlarida kelib chiqqan. Uning oqibatda 90 kvadrat metr maydoniga teng 12 ta savdo do‘konidagi buyum va kiyim-kechaklarga zarar yetdi.

02:20 da Denov, Sho‘rchi, Oltinsoy, Sariosiyo va Qumqo‘rg‘on tumanlari FVBlarining 9 ta yong‘in-qutqaruv ekipajlari voqea joyiga yetib borgan va 03:50 da yong‘inni batamom o‘chirgan.

Hozirda hodisaning kelib chiqish sabablari va moddiy zarar miqdori aniqlanmoqda.

Eslatib o‘tamiz, sal avvalroq, Janubiy Koreyadagi zavodda sodir bo‘lgan yong‘in haqida ham xabar...

Badiiy gimnastika boʻyicha Oʻzbekiston terma jamoasi Italiyada oʻtkazilgan jahon kubogida ikkita bronza medalini qoʻlga kiritdi. Bu haqda Milliy olimpiya qoʻmitasi axborot xizmati xabar berdi.

Mazkur medallarga Taxmina Ikromova halqa va toʻpdagi mashqlarda egalik qildi. Shuningdek, u koʻpkurash va tasma bilan mashq yoʻnalishlarida ham kuchli sakkiztalikdan joy oldi.

Musobaqa Italiyaning Milan shahrida 21–23-iyun kunlari boʻlib oʻtdi.

Avvalroq «Kursiv» Ikromova oʻtgan yilgi jahon chempionatida ham bir nechta medallarni qoʻlga kiritgani haqida xabar bergan edi.

Bugun, 25-iyun kuni Oʻzbekistonda yogʻingarchilik kuzatilmaydi. Havo quruq va issiq boʻladi. Respublikaning janubiy hududlarida havo 41 daraja isishi kuzatiladi. Boshqa viloyatlarda kunduzi havo harorati 34-39 daraja issiq boʻladi, deb xabar beradi «Oʻzgidromet».

Toshkent shahrida havo biroz bulutli boʻladi va oʻzgarib turishi mumkin. Yomgʻir yogʻmaydi. Kunduzi havo harorati 35-37 daraja issiq, kechasi esa 21-23 daraja iliq boʻladi.

Respublikaning togʻli hududlarida havo biroz bulutli boʻladi, ayrim joylarda qisqa muddatli yomgʻir yogʻishi, momaqaldiroq boʻlishi mumkin. Kunduzi havo 20-25 daraja iliq va kechasi 11-16 daraja iliq boʻladi.

Soʻnggi yillarda Oʻzbekistonda koʻplab banklar tashkil etilishi orqasidan banklar oʻrtasidagi raqobatlar kelib chiqyapti. Shu sababdan banklar mijozlar uchun bir-biridan jozibador takliflarni berishga harakat qilmoqda. «Kursiv» bugungi kunda banklar tomonidan taklif qilinayotgan soʻmdagi eng yuqori foizli omonatlarni oʻrganib chiqdi.

Davr bank

Bugungi kunda «Davr bank» mijozlar uchun eng yuqori foizli omonatlarni taklif qilayotgan banklardan biri hisoblanadi. Bankda yillik 27 foiz bilan omonatlarni qoʻyish mumkin. Omonat muddati esa 24 oyni tashkil qiladi. Minimal summa 100 ming soʻm boʻlsa, omonat toʻldirib borish dastlabki 6 oy uchun mavjud. Ochish usuli bank ofisi yoki mobil ilova orqali amalga oshiriladi.

TBC Bank

Eng yuqori foiz omonatlarini...

Bu hafta O‘zbekiston hududiga yana issiq havo oqimi kirib keladi. Bu haqda O‘zgidromet xabar beradi.

Xabarda aytilishicha, 25-28-iyun kunlari yog‘ingarchilik kutilmaydi. Harorat asosan kechalari 20-25 daraja, kunduzi 25-iyunda 35-37 daraja, 26-28-iyun kunlarida esa 37-40 darajagacha issiq bo‘lishi kutilmoqda. Shamol sharqdan 3-8 m/s tezlikda esadi, 28-iyun kuni ba’zi hududlarda 12-14 m/s gacha kuchayishi, chang-to‘zonlar kuzatilishi mumkin.

Eslatib o‘tamiz, oldinroq O‘zbekistonda jazirama issiq va chang-to‘zonlar kutilayotgani haqida xabar bergan edik.

Bugun, 24-iyun sanasida Janubiy Koreyadagi lityum batareyalar zavodida sodir bo‘lgan yong‘in oqibatida kamida 22 kishi halok bo‘ldi, ularning aksariyati chet el fuqarolari. Bu haqda xalqaro CNN nashri xabar berdi.

Yong‘in mahalliy vaqt bilan soat 10:31 da Seuldan 50 kilometr janubi-g‘arbda joylashgan Xvason shahrida joylashgan Aricell akkumulyator ishlab chiqaruvchi korxonada sodir bo‘lgan. Yong‘in soat 15:10 atrofida o‘chirilgan. Halok bo‘lganlarning ikki nafari koreyalik va 20 nafari xorijlik ishchilar bo‘lib, ularning aksariyati Xitoy fuqarolari ekanligi ma’lum bo‘ldi.

Yong‘inga lityum-iondan noto‘g‘ri foydalanish va eski batareyalarning yonuvchan materiallar bilan foydalanilgani asosiy sabab sifatida ko‘rsatilmoqda.

Eslatib o‘tamiz, sal avvalroq Qozog‘istondagi savdo markazi hududida sodir bo‘lgan...

Bugun, 24-iyun kuni Toshkent shahrida Moʻgʻuliston elchixonasi rasman ochildi. Bu haqda Oʻzbekiston prezidenti Shavkat Mirziyoyev va Moʻgʻuliston prezidenti Uxnaagiyn Xurelsuxning ommaviy axborot vositalari vakillari oldidagi bayonotida ma’lum qilindi.

«Moʻgʻuliston biz uchun Osiyo mintaqasidagi an’anaviy va ishonchli hamkordir. Oʻzbekiston – Moʻgʻuliston munosabatlari doʻstlik, oʻzaro hurmat va qoʻllab-quvvatlash tamoyillariga asoslangan boʻlib, konyunkturaga bogʻliq emas», dedi Oʻzbekiston prezidenti.

Avvalroq «Kursiv» Oʻzbekiston va Moʻgʻuliston hamkorligini kengaytirishga qaratilgan 14 ta hujjatni imzolagani haqida xabar bergan edi.

Oʻzbekistonda 2024-yil yanvar–may oylarida jami 162 ming dona avtomobil ishlab chiqarildi, deya xabar berdi «Oʻzavtosanoat» axborot xizmati. E’lon qilingan ma’lumotlardan ko‘rinib turibdiki, Kia va BYD bozorda ikkinchi o‘rin uchun kurashmoqda.

Qayd etilishicha, mazkur davrda eng koʻp avtomobil UzAuto Motors tomonidan (144,8 ming dona) ishlab chiqarilgan. Keyingi oʻrinlarda ADM Jizzakh (11,6 ming), BYD Uzbekistan Factory (5,6 ming) kompaniyalari joy odi.

«O‘zavtosanoat» ma’lumotlariga ko‘ra, respublikada jami oltita avtomobil ishlab chiqaradigan zavod mavjud. Ammo BYD Uzbekistan Factory va Jizzakh Auto korxonalari tomonidan ishlab chiqarilgan avtomobillar qatoriga Completely Built Unit (CBU) mashinalari ham kiradi. Bu so‘zma-so‘z «to‘liq yig‘ilgan» degan ma’noni anglatadi...

Oʻzbekiston prezidenti Shavkat Mirziyoyev va Moʻgʻuliston prezidenti Uxnaagiyn Xurelsuxning samarali muzokaralari yakunida ikki tomonlama hujjatlarni imzolash marosimi boʻlib oʻtdi. Bu haqda O‘zR rahbari matbuot xizmati xabar bermoqda.

Yetakchilar davlatlararo munosabatlar va hamkorlik toʻgʻrisidagi qoʻshma bayonotni imzoladi.

Davlat tashrifi davomida jami 14 ta hujjat imzolandi. Savdo, iqtisodiy va investitsiyaviy hamkorlik toʻgʻrisidagi 2024–2026-yillarga moʻljallangan hukumatlararo dastur, turizm sohasidagi hamkorlik toʻgʻrisida hukumatlararo bitim, xalqaro avtomobil aloqasi toʻgʻrisida hukumatlararo bitimlar shular jumlasidan.

Avvalroq «Kursiv» Koʻksaroyda Moʻgʻuliston prezidentini rasmiy kutib olish marosimi boʻlib oʻtgani haqida xabar bergan edi.

«Rossiya pochtasi» mijozlari shoshilinch pul o‘tkazmalari xizmatidan – O‘zbekistonga PostTransferdan foydalanishlari mumkin. Bu haqdagi bayonot tashkilot saytida e’lon qilingan.

O‘zbekiston pochtasi bo‘limlarida pul olish uchun o‘tkazma raqamini ko‘rsatish kerak. Transfer narxi 1 foizni tashkil qiladi.

«Rossiya pochtasi»ning ta’kidlashicha, o‘tkazmaning maksimal summasi 300 ming rubl yoki 24-iyundagi kurs bo‘yicha $3,4 mingni tashkil qiladi.

Bungacha tashkilot Armaniston, Belarus va Qirg‘izistonga pul o‘tkazmalarini yo‘lga qo‘ygan.

Avvalroq «Kursiv» joriy yilning may oyi o‘rtalarida Rossiyaning PSB banki O‘zbekiston va Markaziy Osiyoning boshqa mamlakatlariga pul o‘tkazmalarini yo‘lga qo‘ygani haqida yozgan edi.

24-iyun kuni O‘zbekiston Respublika valyuta birjasida dollarning o‘rtacha tortilgan qiymati 25,26 so‘mga pasaydi va 12 599,92 so‘mni tashkil qildi.

Mamlakat banklari AQSh valyutasini 12 565 – 12 620 so‘mdan xarid qilishmoqda va 12 640 – 12 690 so‘mdan sotishmoqda.

Eslatib o‘tamiz, 21-iyun dollarning o‘rtacha narxi 14,63 so‘mga pasaygan edi.

«Silk Avia» aviakompaniyasi Toshkent va Zomin o‘rtasida muntazam qatnovlarni tikladi. Bu haqda aviakompaniya matbuot xizmati xabar berdi.

Bunga Zomindagi aeroportning uchish-qo‘nish yo‘lagini ta’mirlash ishlari yakunlangani sabab bo‘ldi.

Parvozlar har kuni Let L-440 samolyotlarida amalga oshiriladi. Bir tomonga chipta narxi 109 ming so‘mdan, ikki tomonga 217 ming so‘mdan boshlanadi.

Avvalroq «Kursiv» joriy yilning iyun oyidan Ural Airlines Moskva va Samarqand o‘rtasida parvozlarni boshlagani haqida yozgan edi.

Statistika prognoziga koʻra, Oʻzbekistonda muzqaymoq narxi yiliga oʻrtacha 8,3 foizga oshadi va 2029-yilda har bir kg uchun $7,12 tashkil qiladi.

Ushbu mahsulotni sotuvchilarning umumiy daromadi olti yil ichida ikki barobarga oshib, $425,7 millionni tashkil etadi.

Jismoniy nuqtai nazardan, bu vaqt ichida bozor atigi 24 foizga o‘sadi, ya’ni 48,02 milliondan 59,81 mln kg gacha. Bir O‘zbekiston fuqarosiga nisbatan bu ko‘rsatkich bundan ham kamroq — 1,4 dan 1,6 kg gacha yoki o‘tgan yilga nisbatan +12 foizni tashkil etadi.

Hozirda O‘zR Qirg‘iziston bilan yiliga aholi jon boshiga muzqaymoq sotish bo‘yicha Markaziy Osiyoda ikkinchi o‘rinni egallaydi. Birinchi o‘rinda Qozog‘iston, bir kishi boshiga...

Jahon bozorida oltin narxi 24-iyun, dushanba kuni 0,03 foizga o‘sib, $2322 yetdi, deb xabar bermoqda «Trading Economics» portali. Shu bilan birga, kumush narxi 0,13 foizga tushib, $29,5 tashkil qildi.

Birjada Nvidia (-3,81 foiz), Goldman Sachs (-1,56 foiz) va JPMorgan (-1,12 foiz) aksiyalari pasaygan. Tesla va Microsoft qimmatli qog‘ozlari esa mos ravishda 0,74 va 0,98 foizga o‘sdi.

Avvalroq «Kursiv» o‘tgan haftada bug‘doy narxi olti haftalik eng past darajaga tushganini e’lon qilgan edi.