Yangiliklar

27-iyun kuni Minskda o‘tgan Oliy darajadagi Yevroosiyo iqtisodiy kengashi yig‘ilishida Shavkat Mirziyoyev nutq so‘zladi. Bu haqda davlat rahbari matbuot xizmati ma’lum qildi.

Unga ko‘ra, prezident Belarus tomonidan kengashga raislik qilinayotgani va ko‘p tomonlama hamkorlik faollashganini e’tirof etdi.

Davlat rahbari global iqtisodiy beqarorlik, proteksionizm va sanksiyalar tufayli yuzaga kelgan muammolarni tilga olib, Yevroosiyo iqtisodiy ittifoqi (YOII) bilan hamkorlik O‘zbekiston uchun tashqi iqtisodiy siyosatning ustuvor yo‘nalishi ekanini ta’kidladi.

«Bizning tabiiy va an’anaviy sheriklarimiz bo‘lgan Yevroosiyo iqtisodiy ittifoqi mamlakatlari bilan o‘zaro manfaatli hamkorlikni yanada kengaytirish va chuqurlashtirish tashqi iqtisodiy siyosatimizning ustuvor yo‘nalishlaridan biri ekanini ta’kidlab o‘tmoqchiman», – deydi Mirziyoyev o‘z nutqida.

Davlat...

Ko‘plab aviakompaniyalar Yaqin Sharq yo‘nalishidagi reyslarini uzoq muddatga to‘xtatdi. Bu haqda Reuters xabar berdi.

Yaqin Sharqda Eron va Isroil o‘rtasidagi havo urushi sulh bilan yakunlangan bo‘lsa-da, ko‘plab aviakompaniyalar bu mintaqada parvozlarni hali ham to‘xtatib turibdi. Havo hududlarining yopilishi va xavfsizlik muammolari mintaqa bo‘ylab havo qatnoviga ta’sir ko‘rsatmoqda.

Quyida Yaqin Sharqqa va undan reyslarni bekor qilgan ba’zi aviakompaniyalar ro‘yxati keltirilgan:

Uzbekistan Airways’da holat qanday?

Kursiv Uzbekistan nashri Isroilga reyslar bo‘yicha Uzbekistan Airways’ga so‘rov yubordi. Matbuot xizmati bu borada batafsil ma’lumotlar yaqin orada rasman e’lon qilinishini bildirdi.

Ma’lumot o’rnida, O‘zbekistondan Eronga to‘g‘ridan to‘g‘ri reyslar mavjud emas.

Avvalroq Kursiv Uzbekistan...

Davlat ekologik nazorat inspeksiyasi tomonidan so‘nggi yillarda 3500 dan ortiq reyd o‘tkazildi. Bu haqda Ekologiya vazirligi ma’lum qildi.

Unga ko‘ra, 2023 – 2025-yillar davomida ekologik qonunbuzarliklarni aniqlash maqsadida 250 mingdan ortiq fuqarolar va korxonalar bilan profilaktika ishlari olib borildi.

110 941 nafar shaxsga 115 mlrd so‘m ma’muriy jarima qo‘llanilib, 32 mlrd so‘mlik zarar bo‘yicha da’vo kiritildi. Undirilgan mablag‘lar 66 milliard so‘mni tashkil etdi.

Shuningdek, 5439 ta xo‘jalik subyekti tekshirilib, 3433 ta qonunbuzarlik aniqlangan. Sudlarga 1738 nafar mansabdor shaxsga oid hujjatlar taqdim etildi, 245 ta korxona faoliyati vaqtincha to‘xtatildi.

So‘nggi 3 yilda 429 ta ekologik jinoiy ish prokuraturaga yuborilib...

Qoraqalpog‘iston va Qashqadaryoda tabiiy gaz hamda elektr energiyasidan noqonuniy foydalanish holatlari fosh etildi. Bu haqda Bosh prokuratura departamenti ma’lum qildi.

Xususan, Nukus shahrida joylashgan MChJga tegishli yangi bino tabiiy gaz tarmog‘iga ruxsatsiz ulanib, 165,5 million so‘mlik gazdan noqonuniy foydalangan.

Shuningdek, Qashqadaryo viloyati Ko‘kdala tumanidagi fermer xo‘jaliklari rahbarlari suv nasoslarini elektr tarmog‘iga o‘zboshimchalik bilan ulab, jami 182,9 mln so‘mlik elektr energiyasini noqonuniy ishlatgani aniqlangan.

Ushbu holatlar yuzasidan Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq O‘zbekistonga noqonuniy kiritilayotgan iPhone’lar oqimi to‘xtatib qolingan edi.

25-iyun kuni Nvidia’ning har bir aksiya uchun narx $154,45 ga yetib bordi. Bu natija dunyodagi eng qimmat jamoat kompaniyasi bo‘lishiga sabab bo‘ldi. Bu haqda RBK nashri xabar berdi.

Savdolar yakuniga ko‘ra, aksiyalar $154,31 ni tashkil etdi va kun davomida 4,3 foizga oshdi. 26-iyun ertalabki premarketda kotirovkalar yana 1,02 foizga o‘sib, $155,88 ga yetdi.

Kompaniyaning bozor qiymati $3,76 trillion deb baholandi. Bu ko‘rsatkich Microsoft’ning $3,66 trillionlik kapitalizatsiyasidan yuqori bo‘lib, Nvidia iyun oyida ikkinchi bor kapitalizatsiya bo‘yicha dunyo yetakchisiga aylandi.

Yangi prognozlarga ko‘ra, Nvidia bozor qiymati $4,9 trillionga yetishi mumkin. Bernstein Research va boshqa yetakchi tahlil markazlari Nvidia va boshqa chip...

Geely kompaniyasi Lynk & Co 10 EM-P avtomobilining suratlarini rasmiy ravishda e’lon qildi. Bu haqda CarNewschina xabar bermoqda.

U Xitoy bozoriga 2025-yilning uchinchi choragida chiqariladi. Model 523 ot kuchiga ega va to‘liq elektrda 192 km masofani bosib o‘ta oladi.

Avtomobil 11-iyun kuni ilk bor e’lon qilinib, 20-iyun kuni Xitoy sanoat vazirligi (MIIT) tomonidan asosiy texnik ko‘rsatkichlari oshkor qilingan edi. 27-iyun kuni esa kompaniya rasmiy suratlarini taqdim etdi.

Yangi sedan «Gilded Gold» nomli Xirallic bo‘yoqda bo‘yalgan. Bu rang oltin va yashil tuslarni o‘z ichiga oladi hamda o‘ziga xos yorqinligi bilan ajralib turadi. Kuzov dizaynida ingichka LED chiroqlar, harakatlanuvchi spoyler...

2025-yilning yanvar – aprel oylarida O‘zbekistonning issiqxona pomidorlari eksporti o‘tgan yilning shu davriga nisbatan 23 foizga kamaydi. Bu haqda EastFruit ma’lum qildi.

Shu tariqa eksport hajmi ketma-ket to‘rtinchi yil davomida aynan ushbu davrda qisqarishda davom etmoqda.

EastFruit tahlilchilariga ko‘ra, eksportning barqaror pasayishiga asosan O‘zbekiston tomonidan an’anaviy ravishda yetkazib beriladigan asosiy bozorlarda Turkmaniston pomidorlarining jadal kengayishi ta’sir ko‘rsatmoqda.

O‘zbekiston 2025-yilning dastlabki to‘rt oyida 8,9 ming tonna yangi issiqxona pomidorini eksport qilgan. 2021-yilning shu davrida eksport eng yuqori cho‘qqisiga chiqqan edi, so‘nggi to‘rt yilda esa eksport hajmi 3,5 barobar kamaygan.

Bundan tashqari, O‘zbekiston issiqxona pomidorlari eksportining pasayishiga qo‘shimcha sabab sifatida Rossiya...

Endi qamoqqa olingan shaxslarni tergov hibsxonasiga joylashtirishdan avval ularni majburiy tibbiy ko‘rikdan o‘tkazish talab etiladi. Bu bo‘yicha «Jinoyat ishini yuritish chog‘ida qamoqda saqlash to‘g‘risida»gi qonunga qo‘shimcha kiritildi.

Mazkur ko‘rik hibsxonaning o‘zida, shaxs olib kelinganidan boshlab ikki soat ichida amalga oshirilishi belgilangan. Qamoqqa olinganning roziligi asosida ushbu jarayonda uning advokati ham ishtirok etishi mumkin.

Tibbiy ko‘rik yakunida belgilangan namunadagi ma’lumotnoma rasmiylashtiriladi. Agar ko‘rik davomida qamoqqa olingan shaxs tanasida jarohat, shikastlanish yoki yara alomatlari aniqlansa, bu holatlar tartibga muvofiq qayd etiladi. Shaxsning o‘ziga bu haqda xabar beriladi va holat to‘g‘risida zudlik bilan prokurorga axborot kiritiladi.

Mazkur qo‘shimcha qamoqqa olinganlarning huquqlarini himoya...

City Football Group (CFG) – «Manchester Siti» egasi O‘zbekistondagi futbol klublaridan birini sotib olish masalasini ko‘rib chiqmoqda. Bu haqda O‘zbekiston Milliy olimpiya qo‘mitasi raisining birinchi o‘rinbosari Otabek Umarov jurnalistlar bilan uchrashuvda ma’lum qildi.

Uning aytishicha, yaqinda o‘zbekistonlik futbolchi Abduqodir Husanovning «Manchester Siti» safiga o‘tishi klubga mintaqadan millionlab yangi muxlislarni jalb qildi.

«Agar O‘zbekistonda 37-38 million aholi istiqomat qilsa, bu futbolchimiz tufayli Markaziy Osiyoning boshqa davlatlaridan ham muxlislar «Manchester Siti»ni muntazam kuzatib borishni boshladi», – dedi Umarov.

Shuningdek, u City Football Group tomonidan yana bir o‘zbekistonlik futbolchini taklif qilish va O‘zbekistondagi klubni o‘z tizimlariga qo‘shish...

O‘zbekistonga noqonuniy kiritilayotgan iPhone’lar oqimi to‘sib qo‘yildi. Bu haqda Qirg‘iziston Milliy xavfsizlik davlat qo‘mitasi xabar berdi.

Qirg‘izistondan O‘zbekistonga telefon va dori-darmon kontrabandasi bilan shug‘ullanuvchi jinoiy guruh faoliyati fosh etildi.

Huquq-tartibot organlari uch nafar jinoyatchini qo‘lga oldi va O‘sh viloyatida tovar vaqtincha saqlangan joylarda tintuv o‘tkazdi. Qo‘mita xodimlari yuzdan ortiq iPhone smartfonlari va o‘nlab quti dori vositalarini musodara qildi.

Jinoiy guruh a’zolari bu kabi tovarlarni Qirg‘izistonga noqonuniy ravishda olib kirib, keyin ularni Qirg‘iziston – O‘zbekiston chegarasidagi himoyasiz hududlar orqali yashirincha o‘tkazish bilan shug‘ullanib kelgan. Qo‘lga olinganlarga nisbatan kontrabanda bo‘yicha jinoyat ishi qo‘zg‘atildi, ular vaqtinchalik qamoqqa olindi.

Maxsus xizmatlar...

Pokistonning Tranzum Courier Service (TCS) kompaniyasi O‘zbekistonda logistika markazi ochishi mumkin. Bu haqda Savdo-sanoat palatasi xabar bermoqda.

Rejalarda markazni Navoiy yoki Termizda ishga tushirish ham ko‘zda tutilgan.

Qo‘shma loyihalarni amalga oshirish masalasini palata raisi o‘rinbosari Akobir To‘xtayev kompaniya rahbariyati bilan muhokama qildi. Ular orasida Pokiston – O‘zbekiston – YOII mamlakatlari bo‘yicha pilot logistika yo‘nalishi ham bor.

O‘zbekiston elektron tijorat va raqamli logistika sohasida ham hamkorlikni taklif qildi. Uchrashuv yakunlari bo‘yicha tomonlar o‘zaro anglashuv memorandumini imzolagan.

Avvalroq Pokiston Trampni Nobel Tinchlik mukofotiga tavsiya qilgani haqida yozgan edi.

Chevrolet 62 mingdan ortiq o‘rta yuk mashinalarini chaqirib olmoqda. Bu haqda Speedme nashri xabar berdi.

Chevrolet AQSH bozorida ishlab chiqarilgan 62 468 ta Silverado 4500 HD, 5500 HD va 6500 HD o‘rta tonnali yuk mashinalarini rasman ortga chaqirish bo‘yicha keng ko‘lamli aksiyani boshladi. Sabab tormoz suyuqligining xavfli sizib chiqishi bo‘lib, u qisqa tutashuvga va eng og‘ir holatda kapot ostida yong‘inga olib kelishi mumkin.

Xabarga ko‘ra, tormoz bosimi datchigida ishlatilgan muhrlash membranasi uchun yetkazib beruvchi tomonidan tasdiqlanmagan kimyoviy tarkib qo‘llanilgan. Bu xatolik vaqt o‘tishi bilan membrananing yemirilishiga va natijada sizib chiqishga sabab bo‘ladi.

General Motors ma’lumotiga ko‘ra, kompaniya ushbu datchik yig‘ilishini...

Tinch okeanidagi Tuvalu orolining aholisi Avstraliyaning yangi iqlim vizasi uchun faol ariza bermoqda. Bu haqda BBC nashri xabar berdi.

16-iyundan boshlab ochilgan dastlabki navbatda 1124 ta ariza qabul qilindi. Bu esa oila a’zolarni hisobga olgan holda 4052 fuqaroni, ya’ni aholining uchdan bir qismini tashkil etadi. 2022-yilgi aholini ro‘yxatga olish ma’lumotlariga ko‘ra, mamlakatda jami 10 643 kishi yashaydi.

Avstraliya Tashqi ishlar vazirligi tomonidan «muqarrar iqlimiy ko‘chishga qarshi tarixiy javob» sifatida taqdim etilgan viza har yili tasodifiy tanlov asosida atigi 280 nafar tuvalulik fuqaroga beriladi.

Ma’lumot uchun, Tuvalu – dengiz sathidan bor-yo‘g‘i 5 metr balandlikda joylashgan. Bu uni sayyoradagi eng ko‘p...

O‘zbekiston valyuta birjasi (UZCE) ma’lumotlariga ko‘ra, 27-iyun kuni dollar kursi 67,72 so‘mga yuqorilab, 12 654,13 so‘m qilib belgilandi.

 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 245 so‘mga oshib, 14 770,00 so‘mni, rubl esa 0,76 so‘mga oshib, 161,18 so‘mni...

O‘zbekistonda aliment to‘lovlari miqdorini qayta ko‘rib chiqish taklif etildi. Bu haqda Yuqori palata matbuot xizmati xabar berdi.

Senatning sakkizinchi yalpi majlisida voyaga yetmagan bolalarning ta’minoti uchun aliment undirish va to‘lash tizimini takomillashtirish masalasi muhokama qilindi.

Senatorlar aliment undirish tizimida qator muammolar mavjudligini qayd etishdi. Ayrim ota-onalar farzandlariga moddiy ta’minot berish bo‘yicha o‘z majburiyatlarini bajarmayotgani ta’kidlandi. 2023-yilda 5 697 nafar, 2024-yilda esa 8 833 nafar shaxs aliment to‘lashdan bo‘yin tovlaganlik uchun ma’muriy javobgarlikka tortilgan. Bundan tashqari, o‘tgan yili jinoyat ishlari bo‘yicha sudlar tomonidan 1 109 ta ayblov hukmi chiqarilgan.

Alimentni ish joyi va daromadi bo‘lmagan qarzdorlardan undirish bo‘yicha...

Kichik atom elektr stansiyasi (AES)ning birinchi energiya bloki uchun yoqilg‘i yig‘malari O‘zbekistonga 2029-yil o‘rtalarida yetkazilishi rejalashtirilgan. Bu haqda AES qurilishi direksiyasi boshlig‘i o‘rinbosari Otabek Amanov Toshkentda bo‘lib o‘tgan MINEX Central Asia 2025 xalqaro forumida ma’lum qilgan.

Yoqilg‘i uchastkaga 2029-yil oxiriga mo‘ljallangan birinchi energiya bloki ishga tushirilishidan olti oy oldin yetkazilishi kerak.

Reaktor uchun yonilg‘i agregatlari O‘zbekiston xomashyosidan Rossiyada ishlab chiqariladi. O‘zbekiston 2027-yilda tabiiy uranni Rossiya tomoniga topshirishni kutmoqda.

Avvalroq Rossiyaning «Rosatom» va O‘zbekistonning «Uzatom» agentligi atom elektr stansiyasi (AES) qurilishi loyihasiga oid hujjatlarni imzolagan edi.

O‘zbekistonda xodimlarning 64 foizi sun’iy intellektdan ish jarayonida foydalanmoqda. Bu haqda HeadHunter tomonidan o‘tkazilgan tadqiqotda keltirilgan. Tahlillar «Kursiv» nashriga taqdim etildi.

Unga ko‘ra, 190 dan ortiq respondent qatnashgan so‘rov natijalariga ko‘ra, sun’iy intellekt (SI) eng ko‘p ishlab chiqarish, IT va moliya sohalarida qo‘llanilmoqda. Shu bilan birga, logistika, biotexnologiya va huquq kabi noan’anaviy yo‘nalishlarda ham SI’ga qiziqish ortib bormoqda.

So‘rov qatnashchilarining katta qismi, ya’ni 64 foizi sun’iy intellektdan ishda foydalanayotganini bildirgan. Ulardan 22 foizi bu texnologiyani kundalik faoliyatining ajralmas qismiga aylantirgan. Yana 20 foizi yaqin kelajakda uni ish jarayoniga joriy etishni rejalashtirmoqda.

Ishchilarning fikricha, sun’iy intellekt asosan vaqtni tejaydi, ortiqcha...

General Motors (GM) rasmiy ravishda Apple Watch qo‘llab-quvvatlashini myChevrolet, myCadillac, myBuick va myGMC mobil ilovalari uchun qayta tikladi. Bu haqda Speedme nashri xabar berdi.

Yangilanish allaqachon mavjud va endi aqlli soat egalari to‘g‘ridan-to‘g‘ri bilagidan dvigatelni masofadan ishga tushirish, eshiklarni qulflash yoki ochish hamda signalni yoqish imkoniyatiga ega.

Cadillac Lyriq, Chevy Blazer EV va GMC Hummer EV kabi elektromobillar uchun kengaytirilgan funksiyalar ham mavjud. Bular real vaqt rejimida zaryad holatini ko‘rish, xatoliklar haqida ogohlantirishlar va zaryadlash eslatmalari.

Ilovalar avvalgidek App Store va Google Play da mavjud. GM’ning hozirgi strategiyasi raqamli brendlarni soddalashtirishga qaratilgan. Iyun oyida butun dasturiy ta’minot ekotizimi...

Chevrolet kompaniyasi 2025-yilgi model qatori bo‘yicha to‘liq o‘lchamli Tahoe va Suburban SUV modellarini Chili bozorida rasman savdoga chiqardi. Bu haqda Speedme nashri xabar berdi.

Ushbu modellar brendning Janubiy Amerikadagi flagmanlariga aylandi. Kolumbiyada debyut qilganidan bir oy o‘tib sotuvga chiqarildi.

Ikkala yangi model ham Z71 yo‘ltanlamas versiyasida taklif etiladi. Bu versiya to‘liq uzatma, blokirovka, past darajali uzatmalar qatori va pnevmatik osma tizimni o‘z ichiga oladi. Kapot ostida – sinovdan o‘tgan 5,3 litrli atmosferаli V8 dvigatel joylashgan. U 355 ot kuchi va 518 Nm aylanish momenti ishlab chiqaradi. Bu dvigatel 10 pog‘onali avtomatik uzatmalar qutisi bilan birga ishlaydi.

Ayniqsa, Suburban...

Xiaomi tomonidan 26-iyun kuni Xiaomi YU7 elektromobili rasmiy taqdim etildi. Taqdimotdan so‘ng avtomobilga bo‘lgan talab juda yuqori bo‘ldi. Atigi bir soat ichida 289 mingdan ortiq odam avtomobilga oldindan buyurtma berdi.

Bu ko‘rsatkich Xiaomi’ning birinchi modeli SU7’ga nisbatan ancha yuqori natija bo‘ldi. YU7 uch xil to‘plamda taqdim etilgan bo‘lib, narxlari 253 ming yuandan ($35 ming) boshlanadi.

Shu bilan birga, avtomobil atrofida muammolar ham yuzaga chiqdi. Ayrimlar buyurtmalarni internetda yuqori narxlarda qayta sotishni boshladi. Sotuvchilar buyurtmalarni 1000 ($139) dan 20 ming ($2700) yuangacha ustama bilan taklif qilishmoqda.

Xiaomi bu holatlarga javoban, buyurtmalar boshqa odam nomiga o‘tkazilmasligini, faqat rasmiy kanallar orqali...

Xiaomi kompaniyasi Xiaomi Smart Band 10 fitnes-bilaguzuk modelini taqdim etdi. Bu haqda kompaniya «Kursiv» nashriga xabar qildi.

Qurilma yangi dizayn, kengaytirilgan sport funksiyalari va sog‘liqni kuzatish imkoniyatlari bilan chiqdi. Ushbu model 1,72 dyuymli AMOLED ekran bilan jihozlangan bo‘lib, yorqinligi 1500 nitgacha yetadi. Bu esa to‘g‘ridan to‘g‘ri quyosh ostida ham ekranni aniq ko‘rish imkonini beradi.

Bilaguzuk Pearl White (Marvarid o‘qi) keramik korpusda ishlab chiqilgan, uni osma kulon tarzida ham taqish mumkin. Qurilma 150 dan ortiq sport rejimini qo‘llab-quvvatlaydi. Yangilangan suzish rejimi yurak urishini real vaqtda o‘lchash va basseyndagi aylanishlarni hisoblash imkonini beradi. Bilaguzuk 5ATM suv o‘tkazmaslik darajasiga ega va 9-o‘qli...

Oppo kompaniyasi tomonidan yangi Oppo Reno 14 Pro smartfoni xalqaro bozorda taqdim etildi. Bu haqda gizmochina xabar bermoqda. Dastlabki savdolar Tayvanda boshlangan.

Smartfon 6,83 dyuymli OLED LTPS ekran bilan jihozlangan. Uning aniqligi 2800×1272 piksel, yangilanish tezligi 120 Gts.

Ekran 1200 nitgacha yorqinlikka ega bo‘lib, 3840 Gts chastotali ShIIM texnologiyasi bilan ko‘zni kamroq charchatadi. Kristall himoya oynasi ostida barmoq izlari skaneri joylashgan.

Reno 14 Pro Android 15 operatsion tizimida ishlaydi va ColorOS 15 grafik qobig‘iga ega. U Oppo AI sun’iy intellekt funksiyalarini ham qo‘llab-quvvatlaydi.

Kamera bo‘limi juda kuchli: smartfonda uchta 50 MP sensor mavjud – asosiy kamera OIS optik...

Aholiga ijtimoiy pulli xizmatlar ko‘rsatish bilan shug‘ullanuvchi «Mahalla servis» kompaniyalari uchun bir qator soliq imtiyozlari joriy qilindi. Bu haqda yangi qonunda qayd etildi.

Qonun bilan bu kompaniyalar tomonidan amalga oshiriladigan obodlik ishlari va qonunchilikda belgilangan ijtimoiy pulli xizmatlardan olingan mablag‘lar soliq solinmaydigan daromadlar toifasiga kiritildi.

Shuningdek, ushbu xizmatlar ko‘rsatiladigan binolar joylashgan yer uchastkalari endilikda yer solig‘i solish obyekti hisoblanmaydi.

Qonunga ko‘ra, quyidagi daromad turlari ham soliqdan ozod qilinadi:

Jizzax viloyatining Sharof Rashidov va Toshkent viloyatining Ohangaron tumanlarida...

Saudiya Arabistonida navbatdagi hashamatli dam olish maskani qurilishi yakunlandi. Shebara Resort nomli ushbu loyiha Qizil dengiz ustida yaltirab turgan kapsula shaklidagi villalar majmuasidan iborat.

Shebara Resort Dubaydagi mashhur Kelajak Muzeyi loyihasini yaratgan Killa Design kompaniyasi tomonidan ishlab chiqilgan. Interyerlari esa Studio Paolo Ferrar tomonidan bezatilgan. Kurort Saudiyaning Tabuk sohilidan uzoqda, yakka holda joylashgan bo‘lib, u yerga dengiz samolyoti orqali boriladi.

Kurort jami 73 ta villadan iborat: 38 tasi dengiz ustidagi villalar, 35 tasi esa quruqlikdagi uylar. Dengiz ustidagi villalar zanglamaydigan po‘latdan yasalgan pod shaklidagi ko‘rinishga ega. Ular xuddi dengiz ustida suzib turgandek tuyuladi, aslida esa ularni maxsus konstruksiya ushlab...