29-yanvar kuni O‘zbekiston valyuta birjasida dollarning o‘rtacha tortilgan qiymati 24,00 so‘mga ko‘tarildi. Bugun Amerika valyutasining qiymati 12 424,00 so‘mni tashkil qildi. Davlat Markaziy banki ham dollarni shu darajada belgiladi.
Mamlakatning tijorat banklari dollarni 12 340 – 12 390 so‘mdan xarid qilishmoqda va 12 425 – 12 470 so‘mdan sotishmoqda.
Avvalroq, «Kursiv» 26-yanvar kuni AQSh valyutasining qiymati 12,00 so‘mga pasaygani haqida yozgan edi.
2024-yil 28-yanvar kuni Veyk-an-Zi shahrida ohirgi 13-tur bo‘lib o‘tdi. 12- yanvarda boshlangan 86-Tata Steel Chess turniri butun dunyodan shaxmat ixlosmandlarining e’tiborini tortdi. O‘n uchta tur natijasiga ko‘ra, o‘tgan yilgi chempion Anish Giri hindistonlik Gukesh D, Nodirbek Abdusattorov va xitoylik Vey Yi bilan birinchi o‘rinni bo‘lishdi.
Yakunda g’olibni aniqlash uchun tay-breyk (qo‘shimcha raund) o‘tkazildi. Tay-brekda Vey Yi hamyurtimizni mag‘lub etdi va Gukesh D esa Niderlandiyalik o‘tgan yilgi chempion ustidan g‘alaba qozondi. Finalda Vey Yi Gukesh Dni mag‘lub etdi va turnir g‘olibiga aylandi.
Nodirbek Abdusattorov faxrli uchinchi o‘rinni egalladi va sovrindorlar ro‘yxatiga kirdi.
Eslatib o‘tamiz, Tata Steel turnirida Nodirbek Abdusattorov...
O‘zbekistonda aholining elektromobillarga o‘tishi rag‘batlantiriladi. Bu «Yashil energetika”ni qo‘llab-quvvatlash, ekologik muammolarning oldini olish va zararli oqibatlarni kamaytirish chora-tadbirlari doirasida amalga oshiriladi. Bu haqida prezident matbuot kotibi Sherzod Asadov maʼlum qildi.
Prezident bugun bo‘lib o‘tgan yig‘ilishda tirbandliklar havo sifatiga salbiy taʼsir ko‘rsatayotganini alohida taʼkidlab, jamoat transportini rivojlantirish borasidagi ishlar yana-da jadallashtirilishi kerakligini qayd etgan.
Shunga ko‘ra, endilikda avtobuslar xarid qilishda asosiy eʼtibor ularning yo‘lovchi sig‘imiga qaratiladi. Bundan tashqari, metro vagonlari sonini oshirish bo‘yicha amaliy choralar ko‘riladi.
Xitoyning China Comform Tourism turoperatori Oʻzbekistonga 50 ming sayyohni joʻnatishni rejalashtirmoqda, deb xabar qildi Turizm qoʻmitasi.
Bu borada qo‘mita rahbari Umid Shodiev sayyohlik kompaniyasi rahbariyati bilan kelishuvga erishdi.
China Comform Tourism 1984 yilda tashkil etilgan Xitoyning yirik sayyohlik kompaniyasidir. Yillik daromadi 1,5 milliard dollar. Kompaniyaning Xitoyda 300 ta filiali bor.
Avvalroq, Kursiv 2023-yilda O‘zbekistonga 6,6 million sayyoh tashrif buyurgani haqida yozgan edi.
Prezident Shavkat Mirziyoyev Atrof-muhitni muhofaza qilish vazirligi va viloyat hokimlariga «Noqonuniy kesilgan har bir daraxt o‘rniga 100 ta ko‘chat ekish» tizimini joriy qilish vazifasini topshirdi. Bu haqida prezident matbuot kotibi Sherzod Asadov maʼlum qildi.
Ohangaron va Yangiyo‘l hududida joylashgan sobiq chiqindi poligonlarida yashil bog‘lar barpo etiladi. O‘zidan zararli chiqindilarni ko‘p chiqarayotgan korxonalar bilan maxsus dastur bo‘yicha ishlanadi.
Prezident kelgusi 5 yil ichida Toshkent shahri va Toshkent viloyatining shaharga tutash bo‘lgan tumanlari yashillik bilan qoplanishi, buning uchun kamida 3 ming gektar yerda «yashil belbog‘», 200 gektar yerda «yashil bog‘lar» tashkil etilishini maʼlum qildi.
Prezident Shavkat Mirziyoyev turli uslubdagi binolar yonma-yon qurilib, shaharlarning arxitektura qiyofasi buzilayotgani, qurilish sohasida ko‘chalarning yagona qiyofasini hisobga olish tizimi yo‘qligini tanqid qildi.
Davlat rahbari raisligida o‘tayotgan yig‘ilishda so‘nggi ikki yil ichida ko‘p qavatli uylarga tutash maydonlarda 7 mingdan ortiq o‘zboshimcha qurilish bo‘lgan maʼlum qilindi. Yana 5 mingta holatda umumiy foydalanishdagi joylar to‘sib olingan.
Qayd etilishicha, o‘tgan yilning o‘zida 4 mingga yaqin noqonuniy qurilish aniqlangan.
Prezident Toshkent shahridagi ko‘p qavatli uylar atrofida noqonuniy avtoturargohlar qurilayotgani va «blokatorlar» o‘rnatish avj olganini qayd etib, mutasaddilarni aholi punktlarining bosh rejalari va rejalashtirish loyihalarini o‘z holiga tashlab qo‘yganini tanqid qildi.
Minskda Oʻzbekiston Savdo-sanoat palatasi (SSP) Savdo uyi ochildi, deb xabar qildi tashkilot matbuot xizmati.
Uning ochilishi Belarus va O‘zbekiston Savdo-sanoat palatalari vakillarining uchrashuvi doirasida bo‘lib o‘tdi. Savdo uyi ikki davlat oʻrtasida eksport-import operatsiyalarini amalga oshiradi.
Uchrashuv yakunlari bo‘yicha tomonlar Belarusda logistika markazi ochishga ham kelishib oldilar.
Avvalroq, Kursiv Polsha va O‘zbekiston ishbilarmonlar kengashini tuzishi haqida yozgan edi.
Kompyuter va mobil oʻyinlar ishlab chiqaruvchilari 2023-yil yakuniga koʻra 184 mlrd dollar daromad olishdi. 12 oy ichida daromad biroz – 0,6 foizga oshdi, biroq uning oʻsish faktining oʻziyoq sanoat COVID-19 pandemiyasi tufayli yuzaga kelgan muammolardan qutulayotganidan dalolat beradi. Bunday xulosaga ushbu sohada ma’lumotlarni to‘playdigan va tahlil qiladigan Newzoo kompaniyasi tadqiqotchilari keldi.
Qaysi o‘yin bozorlari eng daromadli
2023 -kompyuter o‘yinlari segmentidan tushgan daromad eng faol o‘sdi. Tahlilchilar bu faktni boshqa narsalar qatori past tayanch effekt bilan izohlaydilar: pandemiya davrida sanoat ko’rsatkichlari past edi.
Mobil o‘yinlarga kelsak, ular hali ham bozordagi daromadlarning katta qismini – taxminan yarmini ta’minlaydi. Biroq, 2023-yilda ularning...
Hisob palatasiga Adiz Boboev rahbarlik qiladi. Uning tayinlanishi O‘zbekiston prezidenti Shavkat Mirziyoyev boshchiligidagi onlayn yig‘ilishda ma’lum qilindi.
Boboyev 2023-yil fevralidan 2024-yil yanvarigacha respublika iqtisodiyot va moliya vaziri o‘rinbosari lavozimida ishlagan.
Shu bilan birga, Hisob palatasi raisining o‘rinbosari Mehriddin Abdullayev raisning birinchi o‘rinbosari lavozimiga ko‘tarildi.
Eslatib o‘tamiz, O‘zR Hisob palatasi 2002-yildan buyon faoliyat yuritib kelmoqda. Tashkilot respublika budjeti ijrosini nazorat qilish hamda oltin-valyuta zaxiralarini boshqarish bilan shug‘ullanadi.
Avvalroq, «Kursiv» Shavkat Mirziyoyev Transport vazirligi rahbariga so‘ngi ogohlantirish bergani haqida yozgan edi.
Prezident Shavkat Mirziyoyev raisligida o‘tkazilayotgan yig‘ilishda qurilish sohasidagi korrupsiya bilan kurashish uchun bir qator dolzarb vazifalar belgilab berildi. Bu haqida davlat rahbari matbuot xizmati maʼlum qildi.
Unga ko‘ra, joriy yilning 1 iyul sanasidan boshlab qurilish sohasiga oid barcha shartnomalar raqamlashtiriladi. Pudratchi tashkilotlar bajargan qurilish ishlarini moliyalashtirish faqatgina soliq organiga taqdim etilgan elektron hisob-fakturadan kelib chiqib amalga oshiriladi.
Bundan tashqari, obyektni foydalanishga qabul qilish jarayoni raqamlashtirilgan holda dalolatnomalar «Shaffof qurilish» orqali tasdiqlanadi.
Qiymati 10 milliard so‘mdan ortiq loyihalar bo‘yicha subpudratchilar faqatgina «Shaffof qurilish» tizimi orqali tanlanadi. Xalqaro moliya tashkilotlari bilan amalga oshirilayotgan loyihalarda ham shu tartibga amal qilinadi.
Ishlab chiqaruvchi...
Prezident Shavkat Mirziyoyev Transport vaziri Ilhom Mahkamovga hayfsan berdi. Shu bilan birga, uning birinchi o‘rinbosari Mamanbiy Omarov, IIV Yo‘l harakati xavfsizligi xizmati boshlig‘i Olim Saidov va «Toshshahartransxizmat» AJ raisi Anvar Jo‘rayevga ham hayfsan eʼlon qilindi.
Mansabdorlarga oxirgi ogohlantirish berildi. Bu haqida prezident matbuot kotibi Sherzod Asadov maʼlum qildi.
Prezident raisligida bo‘lib o‘tayotgan uy-joy, qurilish, kommunal xo‘jaligi, transport va ekologiya sohalarida amalga oshirilgan ishlar va ustuvor vazifalar yuzasidan yig‘ilishda tizimda 3 ta vazirlik va idora, 3 ta inspeksiya, 5 ta kompaniya va ko‘p sonli masʼullar borligiga qaramay, xalq ushbu sohadan norozi ekanligi taʼkidlandi.
Prezident ichimlik suvi tannarxini kamaytirish, mahalliy aviareyslarni...
2023-yilda O‘zbekistonda ro‘yxatga olingan nikohlar soni 283,8 mingtani tashkil etdi. 2022-yilga nisbatan bu ko‘rsatkich 4,3 foizga kamaygan, deya xabar berdi Statistika agentligi.
O‘tgan yilning oxirida ayollarning o‘rtacha turmush qurish yoshi 22 yoshni, erkaklarniki 27 yoshni tashkil qildi. Bundan tashqari, barcha nikohlarning 81,3 foizi 25 yoshgacha bo’lgan ayollar o’rtasida to’g’ri keladi.
Eng ko‘p nikohlar Samarqand (32,2 ming), Farg‘ona (31,1 ming) va Qashqadaryo (30,9 ming) viloyatlarida qayd etilgan.
Avvalroq, Kursiv O‘zbekistonda ajralishlar soni qariyb 75 foizga oshgani haqida yozgan edi.
«Dok-1 Maks» siropini ichish oqibatida vafot etgan Mansur Nosirovning otasi Nodirbek Nosirov sudlanuvchilarning umrbod qamoq jazosiga mahkum etilishi, shuningdek 500 mlrd so‘m miqdorida tovon puli undirib berilishini so‘radi. Bu haqida O‘zA maʼlum qildi.
Jabrlanuvchilardan yana biri, siropni qabul qilish oqibatida vafot etgan Sherzodbek Eliboyevning otasi Samit Otaboyev ham sudlanuvchilarni umrbod qamoq jazosiga mahkum qilishni, shuningdek ulardan 50 mlrd so‘m miqdorida tovon puli undirib berilishini so‘radi.
Jabrlanuvchilar o‘z talablarini 26-yanvar kuni bo‘lib o‘tgan sud majlisi vaqtida bildirishgan.
Avvalroq, «Kursiv» uchta mamlakatda bolalarning ommaviy vafot etishi bilan bog‘liq voqealardan keyin Hindiston sirop ishlab chiqaruvchi kompaniyalar ustidan nazoratni kuchaytirgani haqida yozgandi.
Qatarning Power International Holding kompaniyasi Toshkent viloyatidagi Silk Road Land o‘quv-ko‘ngilochar bog‘i qurilishida ishtirok etish imkoniyatini ko‘rib chiqmoqda, deb xabar berdi «Dunyo» agentligi.
Bir kun avval, Dohada Qatar kompaniyasi rahbariyati va loyihani amalga oshirayotgan O‘zbekistonning SilkRoadInvest Group kompaniyasi vakillari o‘rtasida uchrashuv bo‘lib o‘tdi. Tomonlar istirohat bog‘i qurilishini muhokama qilish uchun xorijlik mutaxassislarning qurilish maydoniga tashrifini tashkil etishga kelishib oldilar.
Silk Road Land 180 gektar maydonni egallashi kutilmoqda. Obyektning qiymati 300 mln dollar.
Power International Holding Qatardagi eng yirik xususiy kompaniya hisoblanadi. U 19 mamlakatda faoliyat yuritadi va beshta sho‘ba korxonasiga ega.
Avvalroq, «Kursiv» Power International Holding O‘zbekiston poytaxtida shifoxona...
Armaniston hukumati Ozarbayjon bilan munosabatlardagi keskinlikni kamaytirish uchun bir qator chora-tadbirlar ishlab chiqdi. Bularga hujum qilmaslik toʻgʻrisidagi kelishuv va oʻzaro qurol-yarogʻ nazorati choralari kiradi, dedi Armaniston bosh vaziri Nikol Pashinyan.
«Shuningdek, biz Ozarbayjonga chegarani demilitarizatsiya qilishni, (…) oʻzaro qurol nazorati mexanizmini, (…) hujum qilmaslik toʻgʻrisidagi paktni imzolashni taklif qildik», — deya Pashinyanning soʻzlaridan iqtibos keltiriladi ArmenPress internet portalida. Bu haqda bosh vazir 28-yanvar kuni Armaniston armiyasining 32-yilligiga bag‘ishlangan tadbirda bayonot berdi.
Pashinyanning tushuntirishicha, agar Ozarbayjon bilan tinchlik shartnomasini imzolash tartibi cho‘zilsa, bu choralarni amalga oshirish taklif qilinmoqda.
Bosh vazirning soʻzlariga koʻra, Armaniston «oʻz suverenligidan boshqa hech qanday hududga daʼvo...
2023-yilda O‘zbekiston va Rossiya o‘rtasidagi tovar ayirboshlash hajmi $9,8 milliardga yetdi. Bu haqida O‘zbekiston Respublikasining Rostov-Don shahridagi Bosh konsuli Burhon Aliqulov taqdim etgan maʼlumotlarga tayanib TASS xabar berdi.
Bosh konsulning aytishicha, ikki mamlakat o‘rtasidagi savdo-sotiq hajmi yildan yilga oshib bormoqda. O‘tgan yili bu ko‘rsatkich 5 foizga o‘sgan.
«Birgina o‘tgan yilning o‘zida Rostov viloyatining ishbilarmon doirasi vakillari O‘zbekistonga uch marta tashrif buyurishdi. Bizda huquqiy baza mavjud, Jizzax va Rostov viloyatlari o‘rtasida mintaqalar aro hamkorlik bo‘yicha shartnoma imzolangan. U iqtisodiy aloqalarni yana-da rivojlantirish uchun ajoyib imkoniyatlar taqdim etadi», – dedi Aliqulov.
Avvalroq, «Kursiv» Rossiya va Qirg‘iziston o‘rtasidagi tovar ayirboshlash hajmi 8 barobarga...
2023-yilda O‘zbekistonda 49,2 mingta ajrim holati qayd etildi. Bu 2020-yilga nisbatan 74,4 foizga ko‘proq. Raqamlar Statistika agentligi tomonidan eʼlon qilindi.
Ajrimlarning 60,7 foizi shahar, 39,3 foizi esa qishloq aholisi ulushiga to‘g‘ri kelmoqda.
50 foiz holatda farzandsiz, 27,7 foiz holatda esa bir nafar farzandi bor juftliklar ajrashishga qaror qilishgan.
Ajrim uchun murojaat qilgan erkaklar o‘rtasidagi o‘rtacha yosh ko‘rsatkichi 37,2, ayollar orasida esa 32,8 bo‘lib turibdi.
Avvalroq, «Kursiv» Toshkent shahrida istiqomat qiluvchi har o‘ninchi fuqaro yolg‘iz o‘zi hayot kechirishi haqida yozgandi.
Bugun, 29-yanvar kuni respublika bo‘ylab yomg‘ir va qor yog‘ishi kutilmoqda. Shamol 7-12 m/s tezlikda esadi, ba’zi joylarda 17-22 m/s gacha kuchayib, 25-28 m/s gacha yetishi mumkin. Ayrim hududlarga tuman tushadi. Bu haqida «O‘zgidromet» ma’lum qildi.
Toshkent shahrida havo harorati 5-7 daraja iliqni tashkil qiladi. Vaqti-vaqti bilan yomg‘ir yog‘ishi, shamol 5-10 m/s tezlikda esishi mumkin.
Respublikaning tog‘ oldi va tog‘li hududlarida qor yog‘ishi kutilmoqda. Ayrim joylarga tuman tushadi. Toshkent va Namangan viloyatlarining tog‘li hududlarida qor ko‘chishi xavfi e’lon qilingan.
Statistika agentligi maʼlumotlariga koʻra, 2023-yil oxirida Oʻzbekistondan 17,3 ming kishi chet davlatlarga ko‘chib o‘tgan.
O‘zbekiston fuqarolarining aksariyati Qozog‘istonga — 14 ming kishi, Rossiyaga – 2,6 ming kishi, Janubiy Koreyaga – 107 kishi ko‘chib ketgan.
Shu bilan birga, yashash joyini o‘zgartirgan O‘zbekiston fuqarolarining 81,4 foizi mehnatga layoqatli yoshdagilardir.
O‘zbekistonga doimiy yashash uchun 2,9 ming kishi kelgan. Ularning asosiy qismini ruslar tashkil etadi – 1,1 ming.Keyingi o’rinlarda Qozog’iston — 726 va Tojikiston — 286 kishi.
Avvalroq, Kursiv O‘zbekistonda doimiy aholi soni 2,2 foizga oshgani haqida yozgan edi.
O‘zbekiston prezidenti Shavkat Mirziyoyev va qirg‘izistonlik hamkasbi Sadir Japarov telefon orqali muloqotda ikki tomonlama munosabatlar yuksak darajada ekanini ta’kidladilar.
Ikki davlat rahbarlari hukumatlar, idoralar, hududlar va ishbilarmon doiralar o‘rtasida yaqin aloqalar va almashinuvlarni davom ettirish muhimligini ta’kidladilar.
Mirziyoyev va Japarov, shuningdek, Oʻzbekiston va Qirgʻiziston oʻrtasidagi savdo hajmini oshirish, turli sohalarda sanoat kooperatsiyasini rivojlantirishga qaratilgan tadbirlarni ham qoʻllab-quvvatladilar.
Eslatib o‘tamiz, O‘zbekiston va Qirg‘iziston o‘rtasidagi savdo hajmi olti yil ichida sakkiz baravar o‘sib, 1,3 milliard dollarga yetgan.
Avvalroq, Kursiv Qirg‘izistonning O‘sh shahrida O‘zbekiston bosh konsulligi ochilgani haqida yozgan edi.
Rossiyaning «Pobeda» loukoster tashuvchisi 16-fevraldan boshlab Sankt-Peterburg – Samarqand – Sankt-Peterburg yo‘nalishi bo‘yicha parvozlarni yo‘lga qo‘yish imkoniyatini ko‘rib chiqmoqda, deb xabar berdi Uzbekistan Airports.
Parvozlar haftada bir marta – juma kunlari Boeing 737-800 samolyotlarida amalga oshiriladi. Bugungi kunda kompaniya har kuni Moskva va Samarqand o’rtasida parvoz qiladi.
«Pobeda» Aeroflotning sho»ba korxonasi bo’lib, aviatsiya xizmatlari bozorida 2014 yil dekabr oyining boshidan beri faoliyat yuritib kelmoqda. 2023 yil iyun holatiga ko’ra, aviakompaniya 41 ta Boeing 737-800 samolyotiga ega edi.
Avvalroq, Kursiv Red Wings Qozondan Namanganga muntazam yo‘lovchi reyslarini yo‘lga qo‘ygani haqida yozgan edi.
O‘zbekistonda fevral oyi boshidan «Tashabbusli budjet»ning yangi mavsumi boshlanadi, deb xabar qildi Iqtisodiyot va moliya vazirligi matbuot xizmati.
O‘zbekiston fuqarolaridan takliflar to‘plash 20 fevralga qadar qabul qilinadi. Ularni saralash 21 fevraldan 11 martgacha bo’lib o’tadi.
Vazirligning taʼkidlashicha, aholi tashabbuslari boʻyicha ovoz berish 12-martdan 31-martgacha davom etadi.
Joriy mavsumda tuman va shahar byudjetlaridan 3 trillion so‘mdan ortiq mablag‘ yo‘naltiriladi. Bitta loyihaning maksimal qiymati 1,36 milliard so‘mni tashkil qiladi.
Tashabbus byudjeti 2021 yilda ishga tushirilgan. Loyiha O‘zbekiston fuqarolariga infratuzilmani yaxshilash, bolalar maydonchalari qurish, yo‘llarni, maktablar va bolalar bog‘chalarini ta’mirlash bo‘yicha tashabbuslar bilan chiqish imkonini beradi.
Avvalroq, Kursiv O‘zbekiston...
2024-yil boshida O‘zbekistonda doimiy aholi soni 36,79 million kishini tashkil qildi, deya xabar berdi Statistika agentligi.
Respublika doimiy aholisining umumiy o‘sishi 774,9 ming kishiga yetdi. Mamlakatimizda istiqomat qilayotgan 36,7 million aholining 18,5 millioni erkaklar, 18,2 millioni ayollardir.
Shahar aholisining ulushi 51 foizni, qishloq aholisi esa 49 foizni tashkil etdi.
Respublikamizning eng ko‘p fuqarolar yashovchi hududlari Samarqand va Farg‘ona viloyatlaridir. Joriy yil boshida Samarqand viloyatida 4,2 million, Farg‘ona viloyatida 4 million aholi istiqomat qilgan.
Avvalroq, Kursiv O‘zbekistonda aholi boshiga kuniga taxminan 4,7 ming litr suv to‘g‘ri kelishi haqida yozgan edi.
O‘zbekiston prezidentining yordamchisi Saida Mirziyoyeva Samarqand shahrida qurilishi rejalashtirilgan «Buyuk ipak yo‘li» muzeyi loyihasi taqdimoti bilan tanishdi.
Shuningdek, uni YuNESKOning sobiq rahbari Irina Bokova, Og‘a Xon jamg‘armasining madaniyat bo‘yicha katta maslahatchisi Franchesko Bandarin va Wilmotte & Associés arxitektura byurosining boshqaruvchi direktori Borina Andriu ham ko‘rib chiqdi.
Bundan tashqari, ularga Mirzo Ulug‘bek rasadxonasini rekonstruksiya qilish loyihasi taqdim etildi. Bu joy tashrif buyuruvchilar uchun barcha qulayliklarga ega inklyuziv muhit yaratadi.
Avvalroq, Kursiv Toshkentda uy muzeylari ta’mirlanishi haqida yozgan edi.