Yangiliklar

Mercedes «raketa» tezligiga o‘xshash yangi elektromobilini taqdim etdi. Bu haqda kompaniya rasmiy sahifasida ma’lum qildi.

Uchinchi avlod axial-flux motorlar umumiy 1 340 ot kuchi (985,5 kVt)ga ega va 220 mil/soat (354 km/soat) maksimal tezlikka erisha oladi.

Yangi axial-flux motorlar oddiy motorlarga qaraganda kichikroq, yengilroq va samaraliroq ishlash uchun yaratilgan. Hozirgi ko‘pchilik elektromobillarda radial-flux dizayni qo‘llaniladi – unda trubasimon stator motor miliga perpendikulyar tarzda aylanadi. AMG’ning axial-flux motorlarida esa disk shaklidagi stator milga parallel tarzda aylanadi. Bunday dizayn natijasida motor oddiy dizaynli motorlarga qaraganda 67% kichikroq va yengilroq bo‘ladi. Bu esa 3 barobar yuqori quvvat zichligi va 2 barobar...

Vivo kompaniyasi yangi bukiluvchi flagman smartfoni – Vivo X Fold 5 modelini taqdim etdi. Bu haqda kompaniya rasmiy saytida ma’lum qildi.

Qurilma yuqori texnik ko‘rsatkichlari, yupqa korpusi va noodatiy funksiyasi Apple Watch’ni qo‘llab-quvvatlashi bilan ajralib turadi.

Qurilmaning asosiy xususiyatlari quyidagicha:

Ijtimoiy tarmoqlardagi O‘zbekistonda pensiya yoshini oshirish rejalashtirilayotgani haqida xabarlar rad etildi. Bu haqda Pensiya jamg‘armasi rasmiy bayonot berdi.

«Bugungi kunda O‘zbekistonda pensiya yoshini oshirish bo‘yicha hech qanday yakuniy qaror qabul qilinmagan», – deyiladi xabarda.

Jamg‘arma ma’lumotiga ko‘ra, pensiya tizimini isloh qilish doirasida xalqaro ekspertlar tomonidan berilgan takliflar ayni paytda O‘zbekiston sharoitiga mosligi, aholining turmush darajasiga ta’siri va iqtisodiy oqibatlari nuqtai nazaridan tahlil qilinmoqda.

Pensiya tizimiga oid istalgan o‘zgarish, jumladan, pensiya yoshi bilan bog‘liq masalalar keng jamoatchilik muhokamasi asosida, xalq fikri va manfaatlarini inobatga olgan holda, bosqichma-bosqich amalga oshiriladi.

Avvalroq «Kursiv» nashri O‘zbekistonda pensiya oluvchilar...

Tinch okeanida Xitoydan Meksikaga 3048 ta avtomobil olib ketayotgan Morning Midas kemasi cho‘kib ketdi. Bu haqda Marinelog nashri xabar berdi.

Kema 23-iyun kuni Alyaska sohillaridan taxminan 770 km uzoqlikda, 5 ming metr chuqurlikka cho‘kdi.

Kemaning cho‘kishiga unda yuz bergan yong‘in sabab bo‘lgan. Bunga kemaning korpusi shikastlanishi va keyinchalik yomon ob-havo sharoiti sabab bo‘lgan bo‘lishi mumkin.

Kemani boshqaruvchi xalqaro kompaniya Zodiac Maritime ma’lumotiga ko‘ra, bortda 3 mingga yaqin avtomobillar bo‘lgan, ulardan 70 tasi elektromobil, 681 tasi esa gibrid modellardir. Bortdagi 22 kishilik ekipaj a’zolari omon qoldi va zudlik bilan evakuatsiya qilindi.

Yong‘in qaysi avtomobildan boshlanganiga oid aniq ma’lumotlar yo‘q. Biroq...

Shavkat Mirziyoyev 26–27-iyun kunlari Belarus Respublikasi prezidenti Aleksandr Lukashenkoning taklifiga binoan amaliy tashrif bilan Minsk shahriga boradi. Bu haqda prezident matbuot xizmati xabar bermoqda.

Tashrif doirasida O‘zbekiston yetakchisi Oliy Yevroosiyo iqtisodiy kengashining navbatdagi yig‘ilishida kuzatuvchi davlat rahbari sifatida ishtirok etadi.

Sammit kun tartibidan tashkilot doirasidagi ko‘p tomonlama hamkorlikni kengaytirish masalalari o‘rin olgan bo‘lib, unda amaliy hamkorlikning ustuvor yo‘nalishlari muhokama qilinadi.

Eslatib o‘tamiz, Kursiv Uzbekistan nashri Mirziyoyev Mo‘g‘ulistonga tashrifi haqida yozgan edi.

WhatsApp foydalanuvchilarga chatlardagi o‘qilmagan xabarlarni sun’iy intellekt yordamida tezda umumlashtirib olish imkonini beruvchi yangi funksiyani ishga tushirdi.

«Xabarlar xulosasi» deb nomlangan ushbu imkoniyat yordamida foydalanuvchilar chatdagi o‘qilmagan xabarlar ustiga bosish orqali ularning qisqacha mazmunini ko‘rishlari mumkin.

Funksiya Meta AI texnologiyasiga asoslangan bo‘lib, xabarlarni maxfiy va tez tarzda umumlashtiradi. Kompaniyaning ta’kidlashicha, bu jarayonda Meta, WhatsApp yoki uchinchi tomonlar xabarlarga kira olmaydi. Hatto suhbatdoshlaringiz ham sizning xulosa matningizni ko‘ra olmaydi.

Yangi imkoniyat sukut bo‘yicha o‘chirilgan holatda bo‘ladi. Foydalanuvchi xohishiga ko‘ra uni «Kengaytirilgan chatlar maxfiyligi» sozlamasi orqali faollashtirishi mumkin.

Hozircha funksiya AQShdagi foydalanuvchilar uchun ingliz tilida ishga tushirilgan. WhatsApp 2025-yil oxiriga qadar...

Huawei kompaniyasi bir necha hafta oldin Xitoyda taqdim etgan Huawei Pura 80 smartfonlar seriyasini tez orada xalqaro bozorga olib chiqadi. Bu haqda kompaniya ma’lum qildi.

Seriyaga to‘rt model kiradi: Pura 80, Pura 80 Pro, Pura 80 Pro+ va Pura 80 Ultra. Kompaniya barcha modellar jahon bozoriga chiqadimi, degan savolga hozircha aniq javob bermagan. Biroq Pura 80 Ultra modeli aniq taqdim etiladi, chunki aynan shu qurilma 10-iyul tadbirining reklamasida aks etgan.

Pura 80 seriyasi hozircha Yevropa Ittifoqi mamlakatlarida reklama qilinmayapti.

Reklamalar asosan Lotin Amerikasi, Afrika va Osiyo saytlarida paydo bo‘lgan. Bu esa seriya hozircha Yevropada sotuvga chiqmasligini anglatishi mumkin.

Pura...

Davlat budjeti hisobidan imtiyozli toifadagi fuqarolarga ko‘rsatiladigan tibbiy xizmatlar narxi optimallashtirildi. Bu haqda Raqobat qo‘mitasi ma’lum qildi.

Unga ko‘ra, 2023–2024-yillar davomida maxsus tibbiyot markazlari tomonidan taqdim etilgan xizmat narxlari tahlil qilinib, ayrim ortiqcha xarajatlar qisqartirildi. Natijada xizmatlarning bazaviy narxi o‘rtacha 5 – 20 foizgacha pasaytirildi.

2023-yilda ushbu o‘zgarishlar hisobiga 60 milliard so‘m tejaldi. Qo‘shimcha 5 ming bemorga yordam ko‘rsatildi. 2024-yilda esa 80 milliard so‘m iqtisod qilinib, yana 6 mingga yaqin bemor davolanish imkoniga ega bo‘ldi.

Ma’lumot uchun, prezident 2024-yil 5-sentabrdagi qaroriga ko‘ra, sog‘liqni saqlash sohasidagi narxlar va kasalliklar ro‘yxati tegishli vazirlik hamda tashkilotlar bilan kelishilgan holda yangilanmoqda.

Avvalroq Kursiv...

Xiaomi kompaniyasi o‘tgan yilgi Xiaomi 14T seriyasining davomchisi sifatida Xiaomi 15T va 15T Pro smartfonlari ustida ish olib bormoqda. Bu haqda Gizmochina ma’lum qildi.

Xabarlarga ko‘ra, Pro versiya 50 megapikselli OmniVision OVX9100 asosiy kamera va 50 megapikselli Samsung JN5 telefoto kamerasi bilan jihozlanadi. Ushbu kameralar Xiaomi 15 modelida ham mavjud. Ularga 13 megapikselli ultrakeng burchakli OV13B sensorli modul hamrohlik qiladi. Selfi uchun esa Samsung S5KKDS oldi kamera ishlatiladi.

Kutilishicha, Xiaomi 15T Pro 5500 mA/soat sig‘imli akkumulyator va 90 vattli tez zaryadlashni qo‘llab-quvvatlaydi. Oddiy 15T modeli ham ayni sig‘imdagi batareyaga ega bo‘ladi, biroq uning tez zaryadlash imkoniyati 67 vatt bilan...

Toshkentda qurilish ishlari vaqtida ming yildan oshiq tarixga ega «Xonobodtepa» arxeologik yodgorligiga zarar yetkazildi. Bu haqda Bosh prokuratura xabar berdi.

Kanalizatsiya yotqizish bilan shug‘ullangan kompaniya 257 metr uzunlikdagi quvurni to‘g‘ridan to‘g‘ri yodgorlik hududidan o‘tkazgan. Natijada deyarli 1000 kub metr yer buzilib, 27 mlrd so‘mlik zarar yetkazilgan.

Bundan tashqari, ekskavator yordamida yana 160 kub metr yer qazilgan bo‘lib, bu esa qo‘shimcha 4,5 mlrd so‘mlik zarar keltirgan.

Mazkur holat yuzasidan jinoyat ishi qo‘zg‘atilgan. Aybdorlar 7 yilgacha ozodlikdan mahrum etilishi mumkin.

Avvalroq Kursiv Uzbekistan Samarqanddagi ko‘chalardan biriga Rim nomi berilgani haqida yozgandi.

Jinoyat sodir etganlikda gumon qilinib, xalqaro qidiruvga berilgan 12 nafar O‘zbekiston fuqarosi Birlashgan Arab Amirliklari (BAA)dan olib kelindi. Bu haqda Ichki ishlar vazirligi (IIV) xabar berdi.

BAA politsiyasi vakillari bilan o‘tkazilgan onlayn uchrashuv davomida jinoyatchilarni qidirish va ularni topshirish bo‘yicha hamkorlik masalalari muhokama qilindi. Tomonlar o‘z hududida yashirinib yurgan gumonlanuvchilarning ro‘yxatlarini o‘zaro almashdi.

Abu-Dabi va Dubayda o‘tkazilgan muzokaralar natijasida O‘zbekiston Interpol xodimlari tomonidan qidiruvdagi 12 nafar shaxsni topshirish bo‘yicha kelishuvga erishildi. Ularning barchasi javobgarlikka tortildi.

Avvalroq Kursiv Uzbekistan Dubayda ikki o‘zbekistonlikning o‘limi yuzasidan 11 kishi hibsga olingani haqida xabar bergan edi.

O‘zbekiston va Yaponiya kompaniyasi biogazdan metan olish bo‘yicha ilg‘or sinov loyihasini amalga oshiradi. Bu haqda Ekologiya vazirligi xabar berdi.

Ekologiya vaziri Aziz Abduhakimov hamda yapon kompaniyasi bosh direktori Xaruki Yamasaki loyihaning asosiy yo‘nalishlari va ustuvor maqsadlarini muhokama qildi. Le One Co., Ltd kompaniyasi $4 millionlik grantni qo‘lga kiritgan. Bu mablag‘ NEDO – Yaponiya energetika va sanoatni rivojlantirish tashkiloti tomonidan ajratilgan.

Loyihaga ko‘ra, biologik chiqindilarni qayta ishlash orqali biogazdan yuqori sifatli metan ishlab chiqarish bo‘yicha tajriba zavodi barpo etiladi. Bu zavod bir vaqtning o‘zida bir nechta vazifani bajaradi. Chiqindilar xavfsiz yo‘q qilinadi va issiqxona gazlari miqdori kamaytiriladi. Shu bilan birga...

Amazon asoschisi Jeff Bezos va jurnalist Lauren Sanchesning to‘y taklifnomasi ijtimoiy tarmoqlarda tanqidga uchradi. Bu haqda CNN axborot agentligi ma’lum qildi.

Unga ko‘ra, taklifnomada sovg‘alar qabul qilinmasligi aytilgan va mehmonlarga Venetsiyadagi UNESKO ofisiga xayriya qilish tavsiya etilgan.

Biroq taklifnomaning oddiy dizayni – kabutarlar, kapalaklar va gondola rasmlari bilan bezatilgan, Word dasturidagi tasvirlarga o‘xshashi ko‘pchilikda salbiy taassurot qoldirdi. Tanqidchilar bu oddiylikni milliarderlarga xos emas deb baholashdi.

To‘y 26 – 28-iyun kunlari Venetsiyada bo‘lib o‘tishi kutilmoqda. Shu bilan birga, mahalliy aholi juftlikning shahardagi to‘y marosimiga norozilik bildirmoqda.

Eslatib o‘tamiz, avvalroq Kursiv Uzbekistan Jeff Bezos Venetsiyani toʻyi uchun ijaraga olgani haqida...

Hyundai Creta krossoverining uchinchi avlodi ustida ishlar boshlangan. Yangi modelning taqdimoti 2027-yilda bo‘lishi kutilmoqda. Bu haqda Daily Motor xabar bermoqda.

Yangi Creta dizaynda yangilanishlar bilan birga texnik jihatdan ham o‘zgaradi. Eng katta yangilik – gibrid dvigatel bo‘lishi mumkinligi. Hozircha bu tizim haqida rasmiy ma’lumot yo‘q. Biroq u 1,5 litr hajmga ega benzinli motor, elektromotor va kichik akkumulyatordan iborat bo‘lishi mumkinligi aytilmoqda.

Yangi Creta bozorga Kia Seltos’ning gibrid versiyasi bilan raqobat qilishi kutilmoqda. Kia ham shunday yangilikni taqdim etishga tayyorlanmoqda.

Shu bilan birga, to‘liq elektrli Hyundai Creta Electric modeli ham 2027-yilda yangilanadi. U dizayndagi o‘zgarishlar, ko‘proq texnologiyalar va qulayliklar bilan...

Xitoyda Geely Galaxy A7 PHEV avtomobili dilerlarga yetkazildi. Uning rasmiy sotuvi 2025-yilning uchinchi choragida boshlanishi kutilmoqda. Bu haqda CarNewsChina xabar bermoqda.

Avtomobil Geely Electric Architecture (GEA) platformasida ishlab chiqilgan va EM-i AI Super Hybrid 2.0 tizimi bilan jihozlangan. To‘liq zaryad va yonilg‘i bilan avtomobil 2100 km masofani bosib o‘ta oladi. Boshlang‘ich narxi $14 ming atrofida bo‘ladi.

Galaxy A7 zamonaviy tashqi ko‘rinishga ega. Old qismida 196 ta elementdan iborat LED chiroqlar o‘rnatilgan. 19 dyuymli disklar, xrom bezaklar va aerodinamik orqa chiroqlar uning dizaynini ajratib turadi. Avtomobil o‘lchamlari 4918x1905x1495 mm, g‘ildirak bazasi esa 2845 mm. U Toyota Camry va...

Xiaomi kompaniyasi tomonidan global bozor uchun Poco F7 smartfoni namoyish etildi. Bu haqda Unian agentligi xabar bermoqda.

Bu qurilma ilgari faqat Xitoyda chiqarilgan Redmi Turbo 4 Pro modelining xalqaro talqinidir. U Poco F7 Ultra va F7 Pro modellari qatorini to‘ldiradi.

Smartfon narxi $399. U deyarli flagman darajasidagi quvvat, katta batareya va 6 yil davomida yangilanishlarni taklif qiladi.

Qurilma dizayni esa nothing uslubida, zamonaviy va futuristik.

Poco F7 6,83 dyuymli AMOLED ekran bilan jihozlangan. Ekran 1,5K aniqlikka, 120 Gts yangilanish chastotasiga ega va 3200 nit yorug‘lik darajasini ta’minlaydi. Ramkalar juda ingichka.

Smartfon Snapdragon 8s Gen 4 chipida ishlaydi...

Andijon va Toshkent viloyatlarida imtiyozli kredit olib berishni va’da qilib, fuqarolardan pul olgan shaxslar ushlandi. Bu haqda Bosh prokuratura departamenti ma’lum qildi.

Unga ko‘ra, Andijonda fuqarolar ilgari sudlangan boshqa fuqaroga o‘zlarini tijorat bankidagi tanishlari orqali 300 mln so‘m kredit rasmiylashtirib berishini aytib, fuqarodan $1 mingni olayotgan paytda qo‘lga olindi.

Toshkent viloyatining Ohangaron tumanida esa fuqaro 150 mln so‘m imtiyozli kredit olib berishini va’da qilib, fuqarodan $1,1 mingni olayotganida ushlandi.

Holatlar yuzasidan Jinoyat kodeksining firibgarlik va pora berish moddalari bilan jinoyat ishlari qo‘zg‘atilib, tergov harakatlari olib borilmoqda.

Eslatib o‘tamiz, avvalroq Farg‘onada do‘kon qurishga ruxsat olib berishni va’da qilgan shaxs...

Xitoy 2028-yilda Marsga uchuvchisiz dron yuboradi. Bu haqda Bu haqda Nature Astronomy nashri ma’lum qildi.

U Tianwen-3 missiyasi doirasida qo‘nish platformasidan 100 metrga uchib, hayot izlari bo‘lishi mumkin bo‘lgan toshlarni yig‘adi. Dron robot qo‘l bilan jihozlanadi va namunalarni keyinchalik Yerga yuborish uchun qaytaradi.

Mars sirtida bur va robot qo‘l yordamida 2 metrgacha qazish ishlari ham olib boriladi. Missiya 2031-yilgacha kamida 500 gramm Mars tuprog‘ini Yerga yetkazishni maqsad qilgan. Olimlar bu orqali hayot izlarini aniqlashga umid qilishmoqda.

Eslatib o‘tamiz, avvalroq Kosmik chiqindilarga qarshi yangi texnologiya kashf etilgan edi.

Jogorku Kenesh Qirg‘izistonda davlat tilidan foydalanish bo‘yicha qonunlarga o‘zgartish kiritish loyihalarini ma’qulladi. Bu haqda 28 kanali ma’lim qildi.

Yangi normalarga ko‘ra deputatlar, sudyalar, vazirlar, prokurorlar, tergovchilar hamda huquqni muhofaza qiluvchi organ xodimlari qirg‘iz tilini bilishi majburiy bo‘ladi.

Shuningdek, advokat va notariuslar litsenziya olish uchun tilni yetarli darajada bilishi shart. Davlat tilidagi tele va radioefir hajmi kamida 60 foiz bo‘lishi kerak. Tilni bilmaslik ayrim fuqarolarga yashash huquqini olish yoki immigrant maqomini egallash imkonini cheklaydi.

Qonunni buzgan shaxslarga 5 ming som, tashkilotlarga esa 17 ming som jarima belgilangan. Nazoratni Davlat tili va til siyosati bo‘yicha Milliy komissiya olib boradi.

Eslatib o‘tamiz...

Farg‘ona viloyatida fuqaro o‘zini qurilish sohasida aloqalari bor deb tanishtirib, boshqa fuqarolardan biriga savdo do‘koni qurish uchun yer maydoni ajratib berish va ruxsatnoma olib berishni va’da qilgan. Bu haqda Bosh prokuratura departamenti ma’lum qildi.

U Farg‘ona shahri Shodiyona mahallasida joylashgan yer uchun go‘yo auksion savdolari orqali joy olib berishini, shuningdek, qurilish inspeksiyasida ishlovchi tanishlari orqali ruxsatnoma hujjatlarini rasmiylashtirib berishini aytgan.

Evaziga fuqarodan $2,7 mingni olayotgan vaqtida DXX va Ichki ishlar organlari bilan hamkorlikda o‘tkazilgan tezkor tadbirda ushlandi.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, hozirda tergov harakatlari olib borilmoqda.

26-iyun kuni O‘zbekiston bo‘ylab harorat kechasi 16-27°, kunduzi 28-39° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

2025-yil may oyida O‘zbekiston bank tizimining umumiy kredit portfeli 0,4% ga oshib, 567,7 trln so‘mni tashkil etdi. Bu haqda Markaziy bank rasmiy sahifasida ma’lum qilindi.

Unga ko‘ra, banklar bo‘yicha muammoli kreditlar ulushi (NPL) 4,2% dan 4,1% gacha pasaydi.

Eng katta ijobiy o‘zgarishlar Garant bank (22,4% → 18,9%) va AVO bank (12,7% → 11,7%)da kuzatildi. Asia Alliance Bank, Turon bank va Yangi bank ham muammoli kreditlarini qisqartirdi.

Biroq ayrim banklarda bu ko‘rsatkich oshgan. Ziraat bankda NPL ulushi 3,1% dan 6,3% gacha ko‘tarilgan. Orient Finans Bank, TBC Bank va Anor Bankda ham biroz o‘sish qayd etilgan.

Eslatib o‘tamiz, avvalroq XJV O‘zbekiston...

Qozog‘istonda Chevrolet avtomobillarining turli jihozlanishdagi modellari sezilarli darajada arzonlashdi. Bu haqda Kursiv Kazakhstan xabar berdi. Narxlar ro‘yxatidagi o‘zgarishlarga xaridorlar e’tibor qaratgan, keyinroq bu ma’lumotni rasmiy distribyutor ham tasdiqladi.

Jumladan, Chevrolet Cobalt’ning Optimum AT komplektatsiyasidagi narxi 8,2 mln tengedan (197 mln so‘m) 7,3 mln tengega (175 mln so‘m) tushgan. Onix’ning mexanik uzatmalar qutisiga ega bazaviy modeli 7 mln tengega (168 mln so‘m) arzonlashtirilgan.

Tracker krossoverining boshlang‘ich narxi esa 10 mln tenge (240 mln so‘m) atrofida belgilandi.

Chevrolet brendining Qozog‘istondagi rasmiy vakillari bu qarorni bozor sharoitlarini hisobga olgan holda muntazam narx siyosatini qayta ko‘rib chiqish doirasida qabul qilinganini bildirdi.

Meta va Apple sun’iy intellektga ixtisoslashtirilgan Perplexity startapini sotib olish masalasini ko‘rib chiqmoqda. Bu haqda Bloomberg nashri ma’lum qildi.

Bloomberg’ning xabar berishicha, Meta aprel-may oylarida kompaniya bilan muzokaralar olib borgan, ammo kelishuvga erishilmagan. Apple esa ichki muhokamalarda Perplexity xaridini muhokama qilgan.

Ma’lumot uchun, Perplexity – AI asosida ishlovchi qidiruv tizimi bo‘lib, foydalanuvchilarga aniq va manbali javoblar taqdim etadi. Kompaniya kengaytirilgan xizmatlar uchun obuna asosida ish olib boradi va yangi AI brauzer ustida ham ishlamoqda.

Texnologik gigantlarning Perplexity’ga bo‘lgan qiziqishi AI sohasidagi keskin raqobat va innovatsion yutuqlarga bo‘lgan ehtiyoj bilan izohlanmoqda. Shu bilan birga, startap ayrim nashrlar tomonidan mualliflik huquqlarini...