Yangiliklar

Xiaomi kompaniyasi Redmi A5ʼni taqdim etdi. Bu haqda kompaniya rasmiy saytida maʼlum qilindi.

Smartfon zamonaviy tekis ramka va takomillashtirilgan kamera bilan jihozlangan. Ushbu smartfon murakkab rang variantlarida taqdim etiladi. Redmi A5 8,26 mm ingichka korpusga ega.

Yupqa profiliga qaramay, Redmi A5 120 Gts gacha boʻlgan katta 6,88 dyuymli displey bilan imkoniyatlarni kengaytirdi. U videolarni tomosha qilish, koʻrish yoki oʻqish kabi chinakam immersiv tajribani taklif etadi. Qoʻllar nam boʻlsa ham hoʻl teginish texnologiyasi sezgirlikni saqlashga yordam beradi.

Displeyni toʻldiruvchi Redmi A5 oʻzining kuchli 32 megapikselli sunʼiy intellektga ega qoʻsh kamerasi orqali texnika olamidagi yangilikni yarata oldi. Uning selfi kamerasi...

27-mart kuni imzolangan prezident farmoni bilan Vazirlar Mahkamasi huzurida Energiya samaradorligi milliy agentligi (Agentlik) tashkil etiladi. Bu haqda Adliya vazirligi xabar berdi.

Yangi agentlik energiya samaradorligini oshirish bo‘yicha yagona davlat siyosatini shakllantiradi va amalga oshiradi.

Shuningdek, 1-iyuldan boshlab aholi uy-joylarining energiya auditi bo‘yicha xarajatlari davlat tomonidan qoplanadi. Quyosh panellari va geliokollektorlar narxining 20 foizi, havo, suv va geotermal issiqlik nasoslari narxining 40 foizi davlat tomonidan to‘lab beriladi. Lekin subsidiyalar miqdori BHMning 50 baravaridan oshmagan holda taqdim etiladi.

Shu bilan birga, 1-sentabrgacha Energiya samaradorligini oshirish raqamli platformasi ishga tushiriladi. Ushbu platforma orqali energiya tejovchi texnologiyalarni targ‘ib qilish, monitoring o‘tkazish va...

Fransiya Madaniyat vazirligida O‘zbekiston Madaniyat va san’atni rivojlantirish jamg‘armasi raisi Gayane Umerovaga «San’at va adabiyot» ordeni kavaleri nishoni topshirildi. Bu haqda «Dunyo» axborot agentligi xabar berdi.

Unga ko‘ra, Fransiya madaniyat vaziri Rashida Dati O‘zbekistonda madaniyat sohasini rivojlantirishga qaratilgan izchil siyosat va uning Fransiya bilan strategik sheriklikni mustahkamlashdagi rolini e’tirof etdi.

Ushbu mukofot O‘zbekistonning xalqaro madaniy aloqalarni rivojlantirish va san’at sohasidagi muloqotni mustahkamlash borasidagi sa’y-harakatlarini tan olish sifatida taqdim etildi. So‘nggi yillarda ikki davlat o‘rtasidagi hamkorlik Luvrdagi o‘zbek merosiga bag‘ishlangan ko‘rgazma va turli madaniy tadbirlar orqali yangi bosqichga ko‘tarildi.

Fransiyaning ushbu ordeni har yili san’at va adabiyotga katta hissa qo‘shgan...

Raqobat qo‘mitasi Uzum Tezkor MCHJni tayyor ovqat va iste’mol mahsulotlarini yetkazib berish bozorida ustun mavqega ega raqamli platforma operatori sifatida e’tirof etdi. Bu haqda qo‘mita matbuot xizmati xabar berdi.

Mazkur qaror tegishli buyruq asosida qabul qilingan bo‘lib, u Uzum Tezkor kompaniyasining bozor ustunligini belgilaydi. Endilikda kompaniya monopoliyaga qarshi qonunchilik doirasida majburiy tartibda Monopoliyaga qarshi komplayens tizimini joriy etishi shart bo‘ladi.

Qo‘mita ma’lumotiga ko‘ra, ushbu tizim kompaniyaning ustun mavqeyidan noqonuniy foydalanishining oldini olishga qaratilgan. Shu bilan birga, kompaniya faoliyati doimiy ravishda nazorat qilinadi va tegishli monitoring olib boriladi.

Avvalroq Kursiv Uzbekistan Uzum Market bozoridagi ustun mavqeyi yuzasidan rasmiy munosabat bildirgani...

Toyota kompaniyasi 2026-yilda arzonroq Land Cruiser FJ modelini taqdim etishni rejalashtirmoqda. Bu haqda Carscoops nashri xabar bermoqda.

Dastlabki chiqishi 2024-yilning kuzida amalga oshirilishi kutilgan edi. Lekin sertifikatlashdagi qiyinchilik va boshqa texnik muammolar sababli bu muddatlar biroz kechiktirildi.

Yangi Land Cruiser FJ modeli 4500 mm uzunlikdagi ramkaga ega boʻladi. Bu uni oʻrta oʻlchamdagi SUV sifatida mashhur boʻlishini taʼminlashi mumkin. Model toʻliq haydovchi tizimiga ega boʻlib, 2,7-litrli benzin dvigatel bilan jihozlanadi. Bu dvigatelning quvvati yuqori darajadagi jamoat yoʻllari va qiyin sharoitlarda yaxshi ishlash imkonini beradi.

Yangi Land Cruiser FJ modelining narxi Shimoliy Amerikada $35 ming atrofida boʻladi. Bu, albatta, Land Cruiserning...

Deutsche Bank tahlilchilari shina ishlab chiqaruvchi Goodyear Tire & Rubber Co. kompaniyasi aksiyalari boʻyicha tavsiyalarini «Ushlab turish»dan «Sotib olish»ga oʻzgartirdi. Bank ekspertlari AQShning import avtomobillarga qoʻyayotgan yangi bojlar fonida kompaniya oʻsish imkoniyatiga ega ekanini taʼkidlamoqda.

Tahlilchilarning fikricha, shina ishlab chiqaruvchi bir necha sababga koʻra bozor sharoitidan yutadi:

Goodyear aksiyalariga boʻlgan qiziqish Argus tahlilchilari tomonidan ham qoʻllab-quvvatlandi. Ularning taʼkidlashicha, 2024-yilning toʻrtinchi choragida kompaniya foydaga qaytgan. $291 millionlik zarardan $76 millionlik sof foydaga erishilgan.

Global miqyosda...

Degas Energy kompaniyasi yangi avlod batareyalarini ishlab chiqarishni boshladi. Bu haqda ITHome nashri xabar bermoqda.

Ushbu batareyalar nafaqat juda tez zaryad olish imkoniyatiga ega, balki juda past haroratda ham yuqori samaradorlikni saqlab qoladi.

Yangi batareya texnologiyasi uch daqiqada toʻliq 100% zaryad olish imkoniyatini taqdim etadi. Bundan tashqari, batareyalar -40°C darajadagi sovuqda ham 90% sigʻimni saqlab qoladi. Bu juda past haroratlarda ishlashni talab qiladigan muhitlarda, masalan, sovuq iqlim sharoitida foydalanish uchun qulaydir.

Yangi batareyaning yana bir xususiyati shundaki, u zarar koʻrgan taqdirda ham ishlashni davom ettiradi. Batareyada yuzaga kelgan sinish yoki boshqa mexanik shikastlanishlarga qaramay u samarali ishlashni davom ettiradi...

Samsung Galaxy S25+ smartfoni uchun AQSh bozorida $100 chegirma taqdim etdi. Endilikda 256 GB modeli $899(avvalgi narx – $999), 512 GB versiyasi esa $1019 evaziga sotib olinishi mumkin. Bu haqda Sammobile nashri ma’lum qildi.

Ushbu chegirma barcha yetti rang variantiga taalluqli. Bundan tashqari, savdo-sotiq dasturi orqali eski telefonni topshirgan holda $630 gacha chegirma olish mumkin. Agar xaridor yangi Galaxy S25+ bilan aksessuarlar ham xarid qilsa, taqiladigan Galaxy qurilmalarida 43% gacha chegirma taqdim etiladi.

Galaxy S25+ xususiyatlari:

Toshkentda jamoat transportlarida yo‘l haqini to‘lamagan yo‘lovchilar 37,5 ming so‘m jarimaga tortiladi. Bu haqda Transport nazorat inspeksiyasi xabar berdi.

2025-yil 1-yanvardan boshlab Toshkent avtobuslarida naqd pulda to‘lov qilish amaliyoti to‘liq bekor qilingan bo‘lib, yo‘lovchilar elektron to‘lov yoki bir martalik QR-chiptalar yordamida to‘lovni amalga oshirishlari talab etiladi.

Shu munosabat bilan Transport nazorati inspeksiyasi hamda Toshkent shahar jamoat transportini monitoring va nazorat qilish davlat muassasasi tomonidan muntazam ravishda tushuntirish ishlari olib borilmoqda.

Aksariyat yo‘lovchilar yangi tizim qulayligini e’tirof etib, yo‘l haqini o‘z vaqtida to‘lagan bo‘lsa, ayrimlari sababsiz to‘lovni amalga oshirmasdan avtobusdan tushib ketayotgani kuzatilmoqda.

Mazkur holatlarning oldini olish maqsadida jamoat transportida...

AnTuTu 2025-yil mart oyi uchun eng kuchli flagman smartfonlar reytingini e’lon qildi. Reytingda Samsung Galaxy S25 Ultra yoki Xiaomi 15 Ultra emas, balki Vivo X200 Pro birinchi o‘rinni egalladi.

Unga ko‘ra, ushbu model MediaTek Dimensity 9400 chipsetida qurilgan bo‘lib, 2,9 mln ball natija ko‘rsatdi.

Ikkinchi o‘rinni Snapdragon 8 Elite chipiga ega iQOO 13 egalladi, uning natijasi 2,88 million ballga yetdi. Kuchli uchlikni esa Dimensity 9400 protsessorida ishlovchi iQOO Neo10 Pro yakunlab, 2,81 million ballga erishdi.

Shunday qilib, top – 3 ichida ikkita smartfon MediaTek chipsetida ishlaydi, bu esa Dimensity 9400’ning Snapdragon 8 Elite bilan teng darajada kuchli...

AQSh prezidenti Donald Tramp ma’muriyati harbiy texnika eksportini osonlashtiruvchi ijroiya farmonni tayyorlamoqda. U seshanba yoki chorshanba kuni e’lon qilinishi kutilmoqda, deya xabar berdi Reuters.

Unga ko‘ra, bu farmon AQShning yirik mudofaa kompaniyalari – Lockheed Martin, RTX Corp va Boeing savdolarini oshirishi mumkin. Hujjat AQSh Qurol eksporti nazorati qonunini o‘zgartirib, qurol savdosi bo‘yicha Kongress ko‘rib chiqishi shart bo‘lgan minimal miqdorni oshirishni nazarda tutadi.

Tramp birinchi prezidentlik davrida Kongressning qurol savdosi bo‘yicha cheklovlaridan norozi bo‘lgan edi. 2019-yilda u favqulodda holat e’lon qilib, Saudiya Arabistoni, BAA va Iordaniyaga Kongress ruxsatisiz $8 mlrddan ortiq qurol sotgan edi.

Eslatib o‘tamiz, avvalroq Tramp joriy qilayotgan...

Apple iOS 19.4 bilan birga Apple Health ilovasining yangilangan versiyasini taqdim etadi. Bu haqda 9To5Mac nashrida xabar berildi.

Unga ko‘ra, ushbu ilovaga sun’iy intellekt agenti qo‘shilib, u foydalanuvchilarga salomatlik va ovqatlanish bo‘yicha maslahatchi sifatida xizmat qiladi.

Ilova foydalanuvchilarning sog‘liq ma’lumotlarini tahlil qilib, shaxsiy tavsiyalar beradi. Agar Apple Watch ishlatilsa, ma’lumotlar yanada batafsil bo‘ladi. Shuningdek, ovqatlanishni kuzatish funksiyasi ham joriy qilinadi, biroq buning uchun foydalanuvchilar ovqatlanish kundaligi yuritishi kerak bo‘ladi.

Apple sog‘liqni saqlash sohasidagi mutaxassislarni jalb qilib, ilova uchun aniq va foydali kontent ishlab chiqmoqda. Bu yangilik sun’iy intellekt tibbiyotda qanday inqilob qilishini ko‘rsatadigan yana bir muhim qadam bo‘lishi mumkin.

2-aprel kuni O‘zbekiston bo‘ylab havo biroz bulutli bo‘ladi, yog‘ingarchilik kutilmaydi, deya yozmoqda «O‘zgidromet».

Shamol sharqdan 3-12 m/s tezlikda esadi. Harorat Toshkent shahrida kechasi 10-12°, kunduzi 24-26° bo‘ladi. Qoraqalpog‘iston, Xorazm, Navoiy, Buxoro, Qashqadaryo va Surxondaryoda kechasi 10-15°, kunduzi 25-30° issiq bo‘lishi kutilmoqda.

Toshkent, Sirdaryo, Jizzax, Samarqand, Andijon, Namangan va Farg‘onada kechasi 7-12°, kunduzi 22-27° atrofida bo‘ladi. Tog‘li hududlarda esa harorat kechasi 2-7°, kunduzi 13-18° iliq bo‘lishi prognoz qilinmoqda.

O‘zIQMK va Osiyo taraqqiyot banki o‘rtasidagi muzokaralar muvaffaqiyatli yakunlandi. Natijada O‘zIQMK davlat kafolatisiz $30 mln miqdorida kredit jalb qilish bo‘yicha shartnoma imzoladi. Bu haqda kompaniya LinkedIn sahifasida ma’lum qildi.

Unga ko‘ra, ajratilgan mablag‘lar tijorat ipotekalari va «yashil uy-joy» loyihalarini moliyalashtirish hamda tijorat banklari orqali qayta moliyalashtirishga yo‘naltiriladi.

«Ushbu kelishuv O‘zIQMK va OTB hamkorligida muhim qadamdir. OTB bilan hamkorlikni kengaytirish, tijorat banklari uchun barqaror resurslar yaratish va aholining uy-joyga bo‘lgan ehtiyojini qondirish ipoteka kreditlari sharoitlarini yaxshilashda muhim ahamiyatga ega», – dedi O‘zIQMK bosh direktori Murodjon Farmanov.

Eslatib o‘tamiz, avvalroq OTB Oʻzbekistonda kichik biznesni qoʻllab-quvvatlash uchun...

Davlat aktivlarini boshqarish agentligi «Kvarts» AJning 89,78% aksiyalar paketi davlat mulkiga qaytarilganiga izoh berdi.

Agentlikning ma’lum qilishicha, 2023-yilda «Quvasoysement» tomonidan 265 mlrd so‘mga sotib olingan aksiyalar bosqichma-bosqich to‘lov sharti bilan berilgan edi. Biroq xaridor to‘lov jadvaliga rioya qilishda qiyinchiliklarga duch kelgan va oldi-sotdi shartnomasini bekor qilish taklifi bilan chiqdi.

2025-yil 14-fevralda tomonlarning kelishuviga ko‘ra shartnoma rasman bekor qilindi va «Kvarts» AJning Kuzatuv kengashi tarkibiga DavAktiv vakillari kiritildi.

Agentlik bu jarayon xususiylashtirish natijalarini qayta ko‘rib chiqish emas, balki shartnoma majburiyatlari bajarilmagani bilan bog‘liq texnik qaror ekanini ta’kidladi. Hozirda korxonani moliyaviy sog‘lomlashtirish bo‘yicha chora-tadbirlar amalga oshirilmoqda.

Eslatib o‘tamiz, avvalroq «Kvars» yana...

Shavkat Mirziyoyev «Euronews» telekanaliga bergan intervyusida hamkorlikning yangi bosqichi haqida fikr bildirdi. Bu haqda davlat rahbari matbuot xizmati ma’lum qildi.

Prezidentning ta’kidlashicha, Yevropa Ittifoqi va Markaziy Osiyo davlatlari o‘rtasidagi iqtisodiy va siyosiy aloqalar tobora mustahkamlanib bormoqda. So‘nggi yillarda savdo aylanmasi keskin oshgan bo‘lib, investitsion hamkorlik ham rivojlanmoqda. O‘zbekiston Italiya, Fransiya va Germaniya kabi davlatlar bilan strategik sheriklikni kengaytirgan.

Biz Yevropa biznesining O‘zbekiston va mintaqadagi boshqa mamlakatlar bilan savdo va investitsiyaviy hamkorlik qilish imkoniyatlariga qiziqishi kuchayib borayotganini mamnuniyat bilan kuzatmoqdamiz, – deydi davlat rahbari.

Sammitning Samarqandda o‘tkazilishi ham bejiz emas. Bu qadimiy shahar tarixiy jihatdan...

O‘zbekiston Texnik jihatdan tartibga solish sohasida nazorat inspeksiyasi xitoylik Leapmotor brendiga tegishli avtomobillarning sertifikatsiyasini to‘xtatganini ma’lum qildi. Bu haqdagi qaror Ijro.uz portalida e’lon qilindi.

Bunga Leapmotor C16 elektromobilidagi nosozlik sabab bo‘lgan. Muammo avtomobil elektronikasining ishlashida nuqsonlarga, ayrim hollarda esa transport vositasining asosiy tizimlarida uzilishlarga olib kelishi mumkin.

Agentlik ushbu muammo bartaraf etilgunga qadar Leapmotor avtomobillari sertifikatsiyasi bo‘yicha arizalar qabul qilinmasligini ta’kidladi. Kursiv Uzbekistan muxbiri Leapmotorning O‘zbekistondagi vakolatxonasi bilan bog‘lanishga harakat qilgan, biroq kompaniya ofisi qo‘ng‘iroqlarga javob bermagan.

2025-yil aprel oyi boshlariga kelib, Leapmotor C16 narxi 459,8 million so‘mdan boshlanmoqda. Avtomobil maksimal 170 km/soat tezlikka erisha oladi, dvigatel quvvati esa...

Mart oyining yakunlariga ko‘ra, O‘zbekistonda inflyatsiya yiliga 10,3% gacha tezlashdi. Milliy statistika qo‘mitasi ma’lumotlariga ko‘ra, iste’mol narxlari bir oyda 0,9% ga oshdi.

Oziq-ovqat mahsulotlari narxi bir oyda 1,5% ga oshgan bo‘lsa, nooziq-ovqat mahsulotlari va xizmatlar narxi mos ravishda 0,3% va 0,7% ga oshdi.

Eng yuqori oylik inflyatsiya Surxondaryo viloyatida qayd etilib, u 1,2% ni tashkil etdi. Ikkinchi va uchinchi o‘rinlarni esa narxlarning 1% ga oshishi bilan Navoiy va Jizzax viloyatlari egalladi.

Respublika bo‘ylab eng katta narx oshishi yoqilg‘i, uy-joy va kommunal xizmatlarda kuzatildi. Bu sohalarda narxlar oxirgi 12 oy ichida 36,1% ga oshdi. Tibbiy xizmatlar narxi 18,9% ga, ta’lim xizmatlari esa...

Forbes jurnali har yili dunyoning eng boy insonlari ro‘yxatini e’lon qiladi. Bu yilgi ro‘yxatda O‘zbekistonlik Alisher Usmonov ilk bor vakil sifatida qayd etildi.

Avvalgi yillarda USM Holdings asoschisi doimo Rossiya vakili sifatida ko‘rsatilgan bo‘lsa, 2024-yilda u O‘zbekiston nomidan ro‘yxatga kiritildi. Forbes ma’lumotlariga ko‘ra, Usmonovning boyligi $16,7 mlrdga yetib, o‘tgan yilga nisbatan $3,3 mlrdga oshgan. Natijada u jahon reytingida 144-o‘rindan 125-o‘ringa ko‘tarildi.

Forbes ro‘yxatini tuzishda tadbirkorlarning hozirgi yashash joyi hisobga olinadi. Masalan, Telegram asoschisi Pavel Durov uchta milliy pasportga ega bo‘lsa-da, Birlashgan Arab Amirliklari tadbirkori sifatida qayd etilgan. Alisher Usmonov 2022-yildan beri Toshkentda yashayotganligi sababli, u endilikda O‘zbekiston vakili...

IT Park Uzbekistan va Qozog‘istonning Astana Hub texnoparki Central Asian Innovation Hubs brendi ostida hamkorlikni kengaytirib, Xitoy va BAAda xalqaro markazlar ochishni rejalashtirmoqda. Bu haqda IT Park Uzbekistan Kursiv’ga ma’lum qildi.

Jumladan, kompaniyalar birgalikda 2030-yilgacha IT-eksport hajmini $10 milliardga yetkazish va sakkizdan ortiq «yakkashox» kompaniya yaratish maqsad qilingan. Bu rejalar O‘zbekiston va Qozog‘iston prezidentlarining AlmatyFair.ai ko‘rgazmasiga tashrifi chog‘ida e’lon qilindi.

«O‘zbekiston va Qozog‘iston allaqachon texnologiyalar sohasida sezilarli natijalarga erishdi: IT Park Uzbekistan ishonch bilan mamlakatni mintaqaviy xizmat ko‘rsatish va IT-autsorsing markaziga aylantirmoqda, ‘Astana Hub’ esa innovatsiyalar yaratilishiga hissa qo‘shadigan kuchli startap ekotizimini shakllantirmoqda. Kuchlarni birlashtirish, kuchli...

Xitoyning China Southern Airlines aviakompaniyasi Toshkent – Pekin va Toshkent – Urumchi yo‘nalishlari bo‘yicha parvozlar chastotasini haftasiga 7 martagacha oshirish masalasini ko‘rib chiqmoqda. Hozirda bu reyslar mos ravishda haftasiga 4 va 5 marta amalga oshirilmoqda.

Mazkur masala China Southern Airlines hamda Uzbekistan Airports kompaniyasi o‘rtasida o‘tkazilgan muzokaralar chog‘ida muhokama qilindi. Uchrashuvda, shuningdek, O‘zbekiston aeroportlariga yangi yo‘nalishlar ochish imkoniyatlari yuzasidan ham fikr almashildi.

Bundan tashqari, Uzbekistan Airports kompaniyasi Andijon, Namangan va Farg‘ona aeroportlaridan Xitoyning turli shaharlariga yangi yo‘nalishlarni ochishni taklif etdi.

China Southern Airlines Guanchjou shahrida joylashgan bo‘lib, ichki, mintaqaviy va xalqaro reyslarni amalga oshiruvchi Xitoyning yetakchi aviakompaniyalaridan biridir.

Avvalroq...

1-aprel kuni Shavkat Mirziyoyev Xitoy Kommunistik partiyasi Markaziy qo‘mitasi Xalqaro aloqalar bo‘limi mudiri Lyu Szyanchao boshchiligidagi delegatsiyani qabul qildi. Uchrashuv avvalida mehmon Xitoy Raisi Si Szinpinning samimiy salomi va ezgu tilaklarini yetkazdi.

Tomonlar O‘zbekiston-Xitoy strategik sheriklik munosabatlarini yanada rivojlantirish, o‘zaro savdo va investitsiyalar hajmini oshirish, shuningdek, Xitoy – Qirg‘iziston – O‘zbekiston temir yo‘li loyihasini tezkorlik bilan amalga oshirish masalalarini muhokama qildi.

Shuningdek, hududlararo hamkorlikni kengaytirish, madaniy-gumanitar almashinuvni faollashtirish hamda parlamentlararo va partiyalararo aloqalarni mustahkamlash muhimligi qayd etildi. Oliy va professional ta’lim sohasidagi hamkorlik doirasida O‘zbekistonda Xitoyning yetakchi universitetlari filiallarini ochish masalasi ham muhokama qilindi.

Shu bilan birga, joriy yilda...

1-aprel kuni O‘zbekiston Respublikasi prezidenti Shavkat Mirziyoyev va Eron Islom Respublikasi prezidenti Mas’ud Pezeshkiyon telefon orqali muloqot o‘tkazdi. Yetakchilar bir-birlarini hamda ikki xalqni Navro‘z bayrami va Ramazon hayiti bilan tabriklab, tinchlik va farovonlik tiladilar.

Suhbat davomida qabul qilingan «yo‘l xaritasi» asosida O‘zbekiston-Eron munosabatlarini yanada rivojlantirish masalalari muhokama qilindi. Tomonlar savdo va yuk tashish hajmining oshishi, qo‘shma korxonalar sonining ortishi, shuningdek, Toshkent va Tehron o‘rtasida muntazam aviaqatnovlar yo‘lga qo‘yilganini mamnuniyat bilan qayd etdilar.

Yetakchilar kimyo va neft-kimyo, to‘qimachilik, oziq-ovqat sanoati, qishloq xo‘jaligi va qurilish materiallari sohalaridagi hamkorlikni kengaytirish hamda Tehronda o‘tkazilishi rejalashtirilgan Hukumatlararo komissiya yig‘ilishi, biznes forumi va sanoat ko‘rgazmasini...

Yaponiya Bosh vaziri Shigeru Ishiba 2025-yil 1-aprelda Bosh vazirning ofisida boʻlib oʻtgan matbuot anjumanida AQShdan tariflarini bekor qilinishini talabi haqida maʼlum qilgan. Bu haqda Reuters agentligi xabar bermoqda.

AQSh payshanba kunidan boshlab avtomobil importiga 25 foizlik tariflarni joriy qiladi. Yaponiya Qoʻshma Shtatlarni avtomobil tariflaridan ozod qilish uchun harakat qilishda davom etadi. Ishiba matbuot anjumanida hukumat iqtisodiyotni yuqori tariflardan himoya qilish uchun koʻrishi mumkin boʻlgan choralar qatorida pul mablagʻlari taqchil boʻlgan firmalarni moliyaviy qoʻllab-quvvatlash lozimligini qayd etgan.

Hukumat idoralari amerikalik hamkasblari bilan Vashingtonning tarif rejalari boʻyicha batafsil maʼlumot olish uchun muzokaralar olib bormoqda.

«Hukumatimiz tez orada...