Yangiliklar

Volkswagenning asosiy aksiyadori bo‘lmish Porsche SE 2024-yil uchun o‘z aksiyalaridagi ulushining qiymatini 20 mlrd yevrogacha (taxminan $21 mlrd) kamaytirishni rejalashtirayotganini e’lon qildi. Bu haqda Reuters axborot agentligi ma’lum qildi.

Volkswagen hozirda yuqori ishlab chiqarish xarajatlari, Osiyodagi kuchli raqobat va Germaniyadagi zavodlarni yopish va maoshlarni kamaytirish bo‘yicha kasaba uyushmalari bilan davom etayotgan nizolar tufayli qiyinchiliklarga duch kelmoqda. Kompaniya joriy yil uchun moliyaviy rejalashtirishni yakunlay olmagan va o‘z prognozlarini analistlarning kutishlariga asoslanib shakllantirmoqda.

Porsche SE, shuningdek, o‘zining 12.5% ulushiga ega bo‘lgan Porsche AGdagi qiymatni ham pasaytirishni rejalashtirmoqda. Kompaniya bozordagi noaniqliklar talabning kutilganidan pastroq bo‘lishi va geopolitik tarangliklar tufayli bu zararni kutganini...

Madinadan Namanganga uchayotgan Centrum Air aviakompaniyasining C63338 reysi shahar aeroportiga qo‘na olmadi. Bu haqda Tashkent Sky News Telegram-kanali xabar berdi.

Unga ko‘ra, hodisaga uchish-qo‘nish yo‘lagidagi qor tozalash ishlari sabab bo‘lgan. Shundan so‘ng samolyot ekipaji Farg‘onadagi aerodromga jo‘nab ketishga qaror qildi.

Eslatib o‘tamiz, bugun O‘zbekistonda havo harorati -5° gacha tushadi.

Kursiv Uzbekistan nashrining yozishicha, bundan bir kun avval, 15 dekabr kuni Samarqanddagi noqulay ob-havo sharoiti tufayli Ural Airlinesning ikkita samolyoti Toshkentga qo‘ngan.

Xalqaro havo transporti assotsiatsiyasi (IATA) joriy yilda aviatsiyaning O‘zbekiston iqtisodiyotiga qo‘shgan hissasini $795,5 mln yoki yalpi ichki mahsulotning 0,9 foizi deb baholadi.

Aviatsiyaning iqtisodiyotga bevosita ta’sirining ikkita asosiy ko‘rsatkichi, bu – ish o‘rinlari soni va aviatsiya sektori, shu jumladan aviakompaniyalar, aeroportlar operatorlari va ularning hududidagi korxonalar, aeronavigatsiya xizmatlarini yetkazib beruvchilar va ishlab chiqaruvchilar tomonidan yaratilgan YaIMga qo‘shgan hissasi.

Oʻzbekistonda aviatsiya sohasida bevosita 12 400 kishi band boʻlib, ular $96,5 millionlik tovar va xizmatlar ishlab chiqaradilar, bu mamlakat yalpi ichki mahsulotining 0,1 foizini tashkil etadi.

Aviatsiyaning iqtisodiyotga ta’siri faqat bevosita parvozlar bilan cheklanmaydi. Kengroq ta’minot zanjirlari, turizm va boshqa sohalardagi...

Bugun, 16-dekabr kuni Farg‘ona viloyatining ba’zi hududlarida qor yog‘adi. Boshqa viloyatlarda yog‘ingarchilik kuzatilmaydi. Yo‘llarda yaxmalaklar bo‘ladi. O‘rtacha havo harorati 5 daraja sovuq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo ochiq bo‘ladi. Yo‘llarda yaxmalaklar bo‘ladi. Kunduzi havo 3-5 daraja sovuq, kechasi 13-17 daraja sovuq bo‘ladi.

Tog‘li hududlarda ham yo‘llarda yaxmalak bo‘ladi, biroq yog‘ingarchilik kuzatilmaydi. Kunduzi 8-13 daraja sovuq bo‘ladi.

11-dekabr kuni Toshkentdagi First Dry Port Terminal terminalidan Braziliyaga yoʻnalgan birinchi blok-poyezd yoʻlga chiqdi. Tarkib 54 ta qirq futli konteynerdan iborat boʻlib, ularning har biri 28 tonna karbamid bilan toʻldirilgan, deya xabar berdi Logistan.

Poyezd Oʻzbekiston, Turkmaniston, Ozarbayjon va Gruziya hududlari orqali oʻtadi. Gruziyaning Poti portida konteynerlar dengiz orqali Braziliyaning Paranagua portiga olib boradigan kemaga yuklanadi.

Qayd etilishicha, yuklar Oʻzbekiston kimyo sanoatida eksport-import operatsiyalari boʻyicha yagona agent — «Oʻzkimyoimpeks» kompaniyasi tomonidan yuborilgan.

Yukni yetkazib berishning umumiy muddati 60 kundan 70 kungacha boʻladi. Oʻzbekistondan Poti portigacha boʻlgan temir yoʻl qismi 20 kunda bosib oʻtiladi. Poti shahridan...

Samarqanddagi noqulay ob-havo sabab Ural Airlines aviakompaniyasining ikkita reysi Toshkentdagi Islom Karimov nomidagi xalqaro aeroportga qoʻnishga majbur boʻldi.

Ma’lum qilinishicha, U6-2771 Moskva – Samarqand (Airbus A321-211, RA-73793) va U6-2871 Yekaterinburg – Samarqand (Airbus A320-214, RA-73809) reyslari kuchli qor yogʻishi, koʻrish yomonlashgani va uchish-qoʻnish yoʻlagining sirpanchiqligi tufayli oʻz manzilini oʻzgartirdi.

Avvalroq Kursiv Uzbekistan Nyu-Yorkka uchgan samolyot Toshkentga qaytishga majbur boʻlgani haqida xabar bergan edi.

Kelgusi ikki yilda barcha kommunal xizmatlar bitta paketda taqdim etiladi. Ular boʻyicha qarzlar jamlanadi. Bu haqda «Milliy tiklanish» partiyasi rahbari Alisher Qodirov ma’lum qildi.

Uning aytishicha, deputatlar qonunni birinchi oʻqishda ma’qullagan. Bundan tashqari, hujjatda sifatsiz xizmat koʻrsatish uchun chora nazarda tutilgan.

Avvalroq Kursiv Uzbekistan kommunal tarmoqlarni boshqarish xususiy sektorga oʻtkazilishi haqida yozgan edi.

Amerikaning Apple kompaniyasi 2025-yil 1-yanvardan boshlab Yevropa hududida iPhone SE 3 va iPhone 14 sotuvini toʻxtatishini ma’lum qildi.

Ta’kidlanishicha, bu Yevropa Ittifoqining yangi talablari bilan bogʻliq boʻlib, unga koʻra barcha elektron qurilmalar, shu jumladan, smartfonlar 2024-yil oxirigacha USB-C quvvatlash portlaridan foydalanishi kerak.

2022-yilda qabul qilingan qonun elektron chiqindilarni kamaytirish va zaryadlash qurilmalaridan foydalanishni soddalashtirishga qaratilgan. Biroq iPhone SE 3 va iPhone 14’da ishlatiladigan joriy Lightning razyomi yangi standartlarga mos kelmaydi, bu esa kompaniyani ushbu modellarni Yevropa bozoridan olib tashlashga majbur qildi.

Mutaxassislarning ta’kidlashicha, Yevropa Apple uchun asosiy bozorlardan biri boʻlib, bunday qaror kompaniya daromadiga ta’sir qilishi mumkin.

Shu bilan...

Abbosbek Fayzullayev 2024-yildagi Oʻzbekistonning eng yaxshi futbolchisi deb topildi. Bu haqda Oʻzbekiston futbol federatsiyasining hisobot kongressida ma’lum qilindi.

Moskvaning «SSKA» klubi va Oʻzbekiston milliy terma jamoasining 21-yoshli yarim himoyachisi ketma-ket ikkinchi marta mamlakatning eng yaxshi futbolchisi unvoniga sazovor boʻldi.

Shu bilan birga, ushbu unvonga da’vogarlar orasidan Eronning «Fulad» klubi darvozaboni Oʻtkir Yusupov va Fransiyaning «Lans» klubi himoyachisi Abduqodir Husanov bor edi.

Ilk marotaba Olimpiada yoʻllanmasini qoʻlga kiritib, jamoasi bilan birgalikda tarixiy natija qayd etgan Oʻzbekiston U23 terma jamoasi bosh murabbiyi Timur Kapadze «Yilning eng yaxshi murabbiyi» deb topildi.

Shuningdek, Oʻzbekiston ayollar milliy terma jamoasi yetakchisi Diyora Habibullayeva – «Yilning...

Sobiq futbolchi Mixail Kavelashvili Gruziyaning yangi prezidenti boʻldi. Uning nomzodini saylovchilar hay’atining 300 nafar a’zosidan 224 nafari qo‘llab-quvvatladi. Kavelashvili avvalroq uch marta parlament deputati boʻlgan.

Gruziya tarixida birinchi marta prezidentlik saylovi toʻgʻridan-toʻgʻri ovoz berish orqali emas, balki 300 nafar ishtirokchidan iborat saylovchilar hay’ati orqali oʻtkazildi. Muxolifat vakillari amaldagi hokimiyatning noqonuniyligini aytib, jarayonda ishtirok etishdan bosh tortdi.

Saylov jarayonini Gruziya Markaziy saylov komissiyasi nazorat qildi. Ovozlarni sanab chiqish yakunlangach aynan MSK Mixail Kavelashvilini rasman mamlakatning yangi prezidenti deb e’lon qildi.

Kavelashvili noyabr oyi oxirida hukmron «Gruziya orzusi» partiyasi tomonidan prezidentlikka nomzod qilib koʻrsatilgan. U oʻtmishda iste’dodli futbolchi boʻlib, Tbilisining «Dinamo...

Energetika vazirligi sovuq havo oqimi tufayli gaz zapravkalariga kiritilgan qisqa muddatli cheklovlar sabab birja savdolariga chiqarilayotgan avtobenzin hajmini sezilarli darajada oshirganini ma’lum qildi.

2024-yil 6-dekabriga qadar Ai-80 markasidagi benzinning kunlik hajmi 2000 tonnani tashkil etgan boʻlsa, 10-dekabrdan boshlab bu miqdor toʻrt baravarga koʻpaytirilib, hozirda 8000 tonna qilib belgilandi. Ai-92 benzini hajmi ham oshirilib, birja savdolariga kunlik 4000 tonna miqdorida chiqarilmoqda.

13-dekabr kuni birja savdolariga yana 8000 tonna Ai-80 benzini joylashtirildi, uning 7780 tonnasi xaridorlar tomonidan sotib olindi.

Vazirlik ma’lumotiga koʻra, talab va taklifdan kelib chiqib, benzin hajmini yanada oshirish imkoniyati mavjud. Ushbu choralar bozorni barqarorlashtirish va iste’molchilarning yonilgʻi ta’minotiga...

Bahraynda oʻtkazilgan ogʻir atletika boʻyicha jahon chempionatida Oʻzbekiston terma jamoasi muvaffaqiyatli ishtirok etib, musobaqani 3 ta oltin, 1 ta kumush va 2 ta bronza medal bilan yakunladi.

Musobaqaning eng yorqin yutuqlaridan biri Olimpiya chempioni Ruslan Nurudinovning -109 kg vazn toifasida erishgan gʻalabasi boʻldi. Dast koʻtarishda 182 kg bilan beshinchi oʻrinni egallagan Nurudinov siltab koʻtarish boʻyicha oʻzining 3-yil avvalgi jahon rekordini yangiladi va 242 kg koʻtarib, umumiy hisobda 424 kg natija bilan uchinchi bor ikki kurash boʻyicha jahon chempioni boʻldi.

Yana bir oʻzbekistonlik atlet Sharofiddin Amriddinov esa dast koʻtarishda 184 kg natija bilan oltin medalni qoʻlga kiritdi. U siltab koʻtarishda...

2024-yil 14-dekabr Monako poytaxti Monte-Karloda katta boks oqshomi boʻlib oʻtdi. Kechaning markaziy jangida oʻzbekistonlik taniqli bokschi, yarim yengil vazn toifasida sobiq jahon chempioni Murodjon Ahmadaliyev (12-1, 9 KO) ringga chiqdi. U meksikalik tajribali bokschi Rikardo Espinosa Frankoga (30-4, 25 KO) qarshi jang qildi.

12 raundga moʻljallangan jangda WBA Interim (vaqtinchalik) chempionlik kamari tikilgan edi. Ahmadaliyev jangni jadal boshladi va 3-raunddayoq raqib ustidan toʻliq ustunlikni qoʻlga kiritdi. Shu raund davomida u Espinosani ikki marta nokdaunga tushirdi. Oxirgi zarbasidan soʻng hakam jangni toʻxtatdi va Murodjon Ahmadaliyev texnik nokaut bilan gʻalabani qoʻlga kiritib, WBA Interim chempioni boʻldi.

Jangdan soʻng Ahmadaliyev kelgusi rejalarini ma’lum...

Adliya vazirligi mediakontentni «ma’naviy ekspertizadan o‘tkazish» amaliyotini bekor qildi. Bu haqda vazirlik matbuot xizmati xabar berdi.

Unga ko‘ra, bunday ekspertizani o‘tkazishni nazarda tutgan hujjat davlat ro‘yxatidan o‘tkazilmagan.

Shu sababli mamlakatda mediaproduct faqat qonuniylik jihatidan ekspertizadan o‘tkazilishi mumkin.

Adliya vazirligi Ma’naviyat va ma’rifat markaziga qonunlarga zid bo‘lgan mediakontentni olib tashlash bo‘yicha tavsiyalar berdi.

«Ma’naviy ekspertiza»ni joriy etish tashabbusi Ma’naviyat va ma’rifat markazi rahbari Otabek Xasanov tomonidan ilgari surilgan edi, bu esa jamoatchilikda turlicha baholandi.

Markaz ma’lumotlariga ko‘ra, loyiha bolalar va yosh avlod ongiga salbiy ta’sir ko‘rsatishi mumkin bo‘lgan mediakontent tarqalishining oldini olishga qaratilgan edi.

Eslatib o‘tamiz, avvalroq farmatsevtika mahsulotlari boʻyicha...

2024-yil 14-dekabr shanba kuni O‘zbekiston Respublikasi valyuta birjasida dollarning o‘rtacha qiymati 12,97 so‘mga oshib, 12 892,97 so‘mni tashkil etdi.

Markaziy bank ushbu valyuta kursini aynan shu darajada belgiladi.

Mamlakatdagi tijorat banklari dollarni 12 820 – 12 830 so‘mdan sotib olib, 12 880 – 12 940 so‘mga sotmoqda.

Eslatib o‘tamiz, avvalroq Markaziy bank eski $100 banknotlari haqida izoh bergan edi.

Prezidentning «Qishloq xo‘jaligini mexanizatsiyalash darajasini yanada oshirish chora-tadbirlari to‘g‘risida»gi qarori qabul qilindi. Bu haqda Adliya vazirligi ma’lum qildi.

Qarorga ko‘ra, 2025-yil 1-yanvardan boshlab qishloq xo‘jaligi texnikalariga qo‘llaniladigan imtiyozlar (subsidiya, soliq va bojxona imtiyozlari) faqat mahalliy ishlab chiqaruvchilar va dilerlar orqali sotiladigan texnikalarga nisbatan tatbiq etiladi.

2027-yil 1-yanvargacha bojxona boji va utilizatsiya yig‘imidan paxta terish kombaynlari, oʻziyurar ozuqa yig‘uvchi va bog‘dorchilik kombaynlari, koʻchat koʻmish va ochish texnikalari, shuningdek, mahalliy ishlab chiqaruvchilar tomonidan xorijdan olib kelinadigan yangi texnikalar ozod qilinadi.

Shuningdek, 2025-yil 1-martdan boshlab, GPS qurilmasi o‘rnatilmagan traktorlar va kombaynlar davlat ro‘yxatidan o‘tkazilmaydi. 2028-yil 1-yanvardan esa aniq donalab ekmaslikka olib keladigan...

Markaziy bankning Bank nazorati qoʻmitasi 8 ta bank, 7 ta toʻlov tashkiloti va 12 ta mikromoliya tashkilotiga nisbatan jarima sanksiyasini qo‘lladi. Bu haqda regulyator matbuot xizmatida ma’lum qilindi.

Unga ko‘ra, roʻyxatga olish va ruxsat berish yoʻnalishida 13 ta masala, shu jumladan, 1 ta kredit tashkilotlari ustaviga kiritilgan oʻzgartirishlarni roʻyxatdan oʻtkazish, 1 ta banklarda audit oʻtkazish huquqini berish uchun auditorlik malaka sertifikatini taqdim etish, 3 ta kredit tashkilotlarining ustav fondidagi ulushiga egalik qilish uchun ruxsat berish hamda tijorat banklari kuzatuv kengashi va 8 ta boshqaruvi a’zolari hamda muhim ahamiyatga ega xodimlarining nomzodlarini koʻrib chiqishga doir masalalar koʻrildi.

Shu bilan birga...

Janubiy Koreya parlamenti prezident Yoon Suk Yeolga qarshi impichment jarayonini boshladi. Bu haqda CNN xalqaro axborot agentligi ma’lum qildi.

Bu qaror prezident Yoonning 3-dekabrda qisqa muddatga mamlakatda harbiy holat joriy qilishga urinishidan keyin chiqdi. Yoon hukumatni siyosiy turg‘unlikdan chiqarish niyatida parlamentga askarlarni yubordi. Ammo qonun bekor qilindi va bu harakat aksincha uning lavozimidan chetlatilishiga olib keldi.

Prezidentning hukmron Xalq kuch partiyasi a’zolaridan ko‘pchiligi impichmentga qarshi chiqqan bo‘lsa-da, oxir-oqibat parlamentda 204 deputat impichmentni qo‘llab-quvvatladi. Bu Janubiy Koreya tarixida qisqa muddat ichida ikkinchi marta bo‘layotgan impichment jarayoni bo‘ldi. Hozir prezident Yoonning vakolatlari to‘xtatilgan bo‘lib, uning taqdiri konstitutsiyaviy sud tomonidan hal qilinishi...

NASA olimlari Mars vertolyoti Ingenuity’ning halokatga uchrash sababini aniqladilar. Bu haqda IXBT sahifasi ma’lum qildi.

Unga ko‘ra, vertolyot Jezero krateri atrofidagi nisbatan tekis yuzada yetarlicha ma’lumot ololmagan. Natijada navigatsiya tizimi aniq joylashuvni belgilay olmadi. Pasayish jarayonida vertolyot vertikal yo‘nalishda emas, balki gorizontal harakatlanib, yerga urilgan va barcha to‘rtta qanoti sinib ketgan.

Tadqiqotchilar bu xulosaga chegara bilan ishlangan ma’lumotlar va tasvirlar asosida keldi. Chunki vertolyotda «qora quti» yo‘q edi. NASA reaktiv harakat laboratoriyasining birinchi piloti Xovard Gripning so‘zlariga ko‘ra, yuzaning teksturasining yetishmasligi navigatsiya tizmasiga juda kam ma’lumot berib, bu holat vertolyotning ag‘darilishiga olib keldi.

Ma’lumot uchun, Ingenuity Marsda amalga oshirgan...

Dubayda Huawei Consumer Business Group (CBG) bir nechta yangi qurilmalarni taqdim etdi. Bu haqda Economist axborot agentligi ma’lum qildi.

Unga ko‘ra, qurilmalar orasida HUAWEI Mate X6 joriy yilning yangi avlodli yig‘iladigan smartfoni, HUAWEI nova 13 seriyasidagi yangi smartfonlar, HUAWEI FreeBuds Pro 4 quloqchinlari va pushti-tillarang tusdagi HUAWEI FreeClip, shuningdek, HUAWEI MatePad 11,5 plansheti mavjud.

Yangi HUAWEI Mate X6 yig‘iladigan smartfoni yuqori darajada sifatli suratga olish uchun takomillashtirilgan kamera, ingichka, ammo mustahkam korpus va o‘ziga xos funksiyalarni o‘z ichiga olgan.

HUAWEI Mate X6 smartfonining kamera modulining dizayni yulduzlar atrofida aylanish halqasi shaklida ishlab chiqilgan. «Qorong‘i kulrang» rangidagi variant o‘ziga xos...

Qirg‘iz Respublikasi prezidenti Sadir Japarov O‘zbekiston madaniyat vaziri Ozodbek Nazarbekovni qabul qildi. Bu haqda O‘zR Madaniyat vazirligi ma’lum qildi.

Unga ko‘ra, uchrashuvda ikki mamlakat o‘rtasidagi madaniy aloqalar va do‘stlikni mustahkamlash masalalari muhokama qilindi.

Japarov o‘z nutqida Qirg‘iziston va O‘zbekiston xalqlarini ko‘p asrlik do‘stlik va qo‘shnichilik rishtalari birlashtirib turishini ta’kidladi. U, shuningdek, 1992-yilda o‘rnatilgan diplomatik munosabatlar va madaniy hamkorlikni yanada rivojlantirish zarurligini qayd etdi. 2025-yilda Qirg‘izistonda bo‘lib o‘tadigan O‘zbekiston madaniyati kunlari ikki xalqni yanada yaqinlashtirishda muhim ahamiyatga ega bo‘lishiga ishonch bildirdi.

Prezident Japarov Ozodbek Nazarbekovning madaniy aloqalarni rivojlantirishdagi hissasini alohida ta’kidlab, uni «Qirg‘iz Respublikasi xalq artisti» unvoni bilan taqdirladi.

Iqtisodiy konsentratsiyaga doir monopoliyaga qarshi talablarni buzgan «Vivo Conformation» MCHJga moliyaviy jarima qoʻllanildi. Bu haqda Raqobat qo‘mitasi matbuot xizmati ma’lum qildi.

Unga ko‘ra, «Raqobat toʻgʻrisida»gi Qonuni 26-moddasiga muvofiq, iqtisodiy konsentratsiyani tashkil etuvchi bitimlarda monopoliyaga qarshi organning oldindan roziligini olish talab qilinadi. Agar bitim tomonlarining aktivlari va tushumlari belgilangan me’yorlarga yetsa, ular monopoliyaga qarshi organning oldindan roziligini olishlari shart.

Bundan koʻra, «Vivo Conformation» MCHJ tomonidan 2023-yil 24-sentabrda «Bek Max House» MCHJni qoʻshib olish bitimi tuzilib, monopoliyaga qarshi organning roziligisiz amalga oshirilgani aniqlandi.

Qoʻmitaning Toshkent viloyati hududiy boshqarmasi Maxsus komissiyasi «Raqobat toʻgʻrisida»gi Qonun talablarining buzilishi bo‘yicha «Vivo Conformation» MCHJga moliyaviy jarima...

Makroiqtisodiy va hududiy tadqiqotlar instituti (MHTI) mutaxassislari 2024-yilning dekabr oyida Toshkent shahridagi yirik supermarketlarda 21 nomdagi oziq-ovqat mahsulotlari narxlarini o‘rgandi. Monitoring natijalariga ko‘ra, 10 ta mahsulotning minimal narxi o‘tgan oydagiga nisbatan pasaygan.

Shu jumladan, lavlagi narxi 21,8 foizga, limon narxi 16,7 foizga, qizil sabzi narxi 14,4 foizga, grechka narxi esa 10,7 foizga arzonlashgan. Shakarning narxi 2,8 foizga, guruch narxi 2,8 foizga, sut narxi 2,8 foizga, banan narxi 2,0 foizga, mol go‘shti narxi 1,7 foizga, bug‘doy uni narxi esa 0,6 foizga pasaygan.

Biroq ba’zi mahsulotlarning narxi oshgan. Oqbosh karam narxi oshishi bo‘yicha yetakchi o‘rinni egalladi, ammo Toshkentda oqbosh karamning narxi...

Oʻzbekiston Milliy akademik drama teatri atoqli san’atkor, oʻzbek dublyaj san’ati ustasi va Oʻzbekiston xalq artisti Toʻlqin Tojiyevning 88 yoshida vafot etgani haqida xabar berdi.

«Milliy teatr jamoasi marhumning oila a’zolari va yaqinlariga chuqur hamdardlik bildiradi», – deyiladi teatr matbuot xizmati tomonidan tarqatilgan xabarda.

Toʻlqin Tojiyev 1936-yil 13-aprelda Toshkent shahrida tugʻilgan. U 1959-yilda Aleksandr Ostrovskiy nomidagi Toshkent teatr va rassomlik san’ati institutining aktyorlik fakultetini tamomlab, Hamza nomidagi Oʻzbek davlat akademik drama teatrida faoliyatini boshlagan.

U «Oʻzbekfilm» kinostudiyasida oʻzbek tiliga dublyaj qilingan mingdan ortiq xorijiy filmlarga ovoz bergan. U ovoz bergan mashhur filmlar orasida «Qilich va...