Yangiliklar

BMT Oʻzbekiston va Qozogʻistonda radioaktiv va yadroviy materiallarning noqonuniy aylanishining oldini olish dasturini ishga tushirdi. Bu haqda Oʻzbekiston Bojxona qoʻmitasi ma’lum qildi.

Dasturning maqsadi huquqni muhofaza qiluvchi organlarning radioaktiv moddalar kontrabandasiga qarshi kurashish salohiyatini oshirishdir. Tegishli idoralarning ehtiyojlarini tahlil qilish, instruktorlar tayyorlash va qoʻshma tadbirlar oʻtkazish rejalashtirilgan.

Dastur ikki yil davomida amal qiladi. Uni Norvegiya radiatsiya xavfsizligi agentligi (DSA) moliyalashtiradi. Oʻzbekistonda dastur koordinatori etib Sanoat, radiatsiya va yadro xavfsizligi qoʻmitasi tayinlandi.

Loyihani muhokama qilishga bagʻishlangan birinchi uchrashuv 2-3-dekabr kunlari Turinda boʻlib oʻtdi. Tadbirda dasturning Oʻzbekistondagi milliy koordinatori Otabek Qosimov respublikada radiatsiyaviy vaziyatni monitoring qilishning avtomatlashtirilgan tizimi yaratilayotganini ma’lum qildi.

Shavkat Mirziyoyev Oliy Majlis Senatiga Markaziy bank raisi Mamarizо Nurmuratovni o‘z lavozimidan ozod etish to‘g‘risida taklif yubordi. Bu haqda prezident matbuot xizmati ma’lum qildi.

Nurmuratov 2017-yil yozidan buyon O‘zbekiston Markaziy bankini boshqarib kelmoqda. 2022-yilda parlamentning yuqori palatasi uni ikkinchi marta, besh yil muddatga saylagan edi.

Ma’lumot uchun, Mamarizо Nurmuratov 1960-yilda tug‘ilgan bo‘lib, Toshkent xalq xo‘jaligi institutini va Leningrad iqtisodiyot va moliya institutini (hozirgi Sankt-Peterburg davlat iqtisodiyot universiteti) tamomlagan.

U 1993-yildan beri O‘zbekiston Markaziy banki tizimida ishlamoqda. 2000 – 2004-yillarda u O‘zbekiston Moliya vaziri bo‘lgan, 2004 – 2006-yillarda esa Samarqand viloyatini boshqargan.

Eslatib o‘tamiz, avvalroq O‘zbekiston bosh vaziri yordamchisi almashgani...

Google 2024-yilda foydalanuvchilarning eng mashhur qidiruvlari ro‘yxatini e’lon qildi. Bu statistik ma’lumotlar qidiruv tizimining rasmiy veb-saytida e’lon qilindi.

O‘tgan yilda foydalanuvchilar eng ko‘p Amerika kubogi (Copa America) qidirishdi. Ushbu musobaqa AQShda o‘tkazilib, Argentina terma jamoasi chempion bo‘ldi.

Ikkinchi o‘rinda ham futbol musobaqasi – 2024-yilgi Yevro chempionati (UEFA European Championship) turibdi. Musobaqa Germaniyada o‘tkazilib, Ispaniya terma jamoasi finalda Angliya ustidan g‘alaba qozondi.

Eng ko‘p qidirilgan uchinchi so‘rov kriket bo‘yicha Jahon chempionati (ICC Men’s T20 World Cup) bo‘ldi. Musobaqa g‘olibligiga Hindiston terma jamoasi sazovor bo‘ldi.

Yangiliklar so‘rovlarida birinchi o‘rinni AQSh prezidentlik saylovi egalladi. Ikkinchi o‘rinda g‘ayritabiiy issiqlik to‘g‘risidagi so‘rovlar, uchinchi...

Oʻzbekistonda bosh archa Toshkentdagi Alisher Navoiy nomidagi Milliy kutubxona oldidagi maydonga oʻrnatiladi. Bu haqda poytaxt hokimligi axborot xizmati xabar berdi.

Ma’lum qilinishicha, bosh archa 25-dekabrdan 10-yanvargacha har kuni soat 11:00 dan 23:00 gacha tashrif buyuruvchilar uchun ochiq boʻladi.

Bundan tashqari, ushbu kunlarda poytaxtning barcha tumanlarida bayram tadbirlari oʻtkaziladi. Bayram archalari roʻyxati bilan Toshkent shahar hokimligining Telegram kanalida tanishish mumkin.

Eslatib oʻtamiz, 2023 – 2024-yillarda poytaxtdagi mamlakatning asosiy archasi Alisher Navoiy nomidagi Milliy kutubxona atrofida oʻrnatilgan.

Avvalroq Kursiv Uzbekistan Yangi yilda jamoat transporti qanday ishlashi haqida yozgan edi.

Siyosiy faol, «Milliy tiklanish» DP raisi Alisher Qodirovning fikriga ko‘ra, Markaziy Osiyo va O‘zbekiston Rossiya bilan viza tartiblarini kuchaytirish va relokantlarning sonini nazorat qilish kabi siyosiy tashabbuslarni qo‘llab-quvvatlashi zarur. Bu haqda u o‘zining Telegram kanalida ma’lum qildi.

Shuningdek, u O‘zbekistonda yashovchi har bir fuqaro o‘zbek tili, madaniyati va mahalliy qadriyatlarni hurmat qilishini ta’kidlaydi.

«O‘zbekistonda yashaydigan hamma o‘zbek tili, madaniyati va mahalliy qadriyatlarni bilishi va hurmat qilishi kerakligini biz ham shart deb hisoblaymiz va xorijga ish izlab borayotgan vatandoshlarimizni ham mahalliy til, madaniyat, qonunlar va qiladigan ishini yaxshi bilishi zarurligini tan olamiz», – dedi u joylagan postida.

Qodirov hayotini sotib...

10-dekabr, seshanba kuni Hyatt Regency Tashkent mehmonxonasida Kursiv Uzbekistan nashri «Tenglar orasida birinchi» mukofotini topshirish marosimini tashkil etdi. Ushbu mukofot yetakchi, tadbirkorlar, faol xotin-qizlarning xizmatlarini e’tirof etdi, shuningdek, Markaziy Osiyoda xotin-qizlar yetakchiligini qo‘llab-quvvatlayotgan loyiha va tashkilotlar uchun taqdim etildi.

Xotin-qizlar yetakchiligi nima?

Kursiv Uzbekistan bosh muharriri Anastasiya Novikova o‘z nutqida ayol yetakchiligining ahamiyati haqida gapirdi. U o‘z nutqida quyidagilarni ta’kidladi: «Haqiqiy yetakchilik bu — hokimiyat uchun kurash emas. Bu odamlarni ilhomlantirish, yaxshi muhit yaratish va oqilona qarorlar qabul qilishdir. Ayollar yetakchiligi g‘oyalari jamiyat, iqtisodiyot, fan va san’atning rivojlanishiga katta hissa qo‘shadi. Biz bu...

Janubiy Koreyaning sobiq mudofaa vaziri Kim Yong Xyun qamoqda oʻz joniga qasd qilishga urindi. Uning sogʻligʻi hozirda normal holatda, deb xabar bermoqda Yonhap agentligi.

Harbiy holat rejasining asosiy ishtirokchilaridan biri Kim Yon Xyun konstitutsiyaviy tuzumni agʻdarish maqsadida isyon koʻtarganlikda gumon qilinmoqda. Seshanba kuni kechqurun u tergov hibsxonasida oʻz joniga qasd qilishga uringan, lekin muassasa xodimlari bu urinishni toʻxtatgan.

OAV ma’lumotlariga koʻra, Kim Yon Xyun amalda harbiy holat joriy etish jarayonini nazorat qilgan va harbiylarga koʻrsatmalar bergan, shu jumladan, deputatlarni parlamentdan chiqarib yuborgan. Bunday harakatlar umrbod qamoq yoki oʻlim jazosi bilan jazolanishi mumkin.

Avvalroq Kursiv Uzbekistan Janubiy Koreya prezidenti Yun...

Donald Tramp NBC telekanaliga bergan intervyusida yillik $400 minglik prezidentlik maoshini va umrbod pensiyani qabul qilmasligini ta’kidladi.

Trampning aytishicha, bu qaror davlat xarajatlarini qisqartirishga qoʻshadigan hissasi sifatida qabul qilingan. Shuningdek, u ehtimol, Jorj Vashingtondan tashqari, AQSh prezidentlari orasida ish haqi olmagan yagona shaxs boʻlishini qayd etdi.

Tramp birinchi prezidentlik muddati davomida ham maoshidan voz kechgan va uni xayriya va ijtimoiy loyihalarga sarflagan edi. Shunga qaramay Forbes ma’lumotlariga koʻra, uning boyligi $2,3 mlrd.ga baholanadi.

Eslatib o‘tamiz, avvalroq e’lon qilingan 2024-yilgi «Yil odami» mukofoti uchun 10 nafar nomzodlar ichida Tramp ham bor.

Rossiya joriy yilning yanvar – sentabr oylarida Oʻzbekiston iqtisodiyotiga kiritgan investitsiyalarini 17 foizga koʻpaytirdi. Bu ma’lumotni mamlakat bosh vazirining birinchi oʻrinbosari Denis Manturov hukumatlararo komissiya yigʻilishida e’lon qildi.

Manturovning soʻzlariga koʻra, Oʻzbekistonda Rossiya sarmoyasi ishtirokidagi uch mingdan ziyod korxonalar faoliyat yuritmoqda.

Rossiyalik bosh vazir oʻrinbosarining qoʻshimcha qilishicha, Rossiya Oʻzbekistonga don, goʻsht va qandolat mahsulotlari yetkazib berishni ham koʻpaytirishga tayyor.

Oʻzbekiston Statistika agentligi ma’lumotlariga koʻra, ikki davlat oʻrtasidagi tovar aylanmasi toʻqqiz oy ichida $8,6 milliarddan oshib, yillik oʻsish 22,8 foizni tashkil etdi. Mamlakatimiz $2,8 milliardlik, Rossiya esa $5,8 milliardlik mahsulot yetkazib berdi.

Avvalroq Kursiv Uzbekistan Rossiyaning Oʻzbekistonga gaz...

O‘zbekiston Ichki ishlar vazirligi (IIV) internetda «Abu Valid» nomi bilan tanilgan Xudoyor Nuriddinovga nisbatan jinoyat ishi qo‘zg‘atdi. Vazirlik ma’lumotlariga ko‘ra, u provokatsion yoki taqiqlangan mazmundagi video materiallarni tarqatmoqda.

Huquqni muhofaza qiluvchi organlar uni qidiruvga berdi va fuqarolarni uning ishtirokidagi videoyozuvlarni saqlash va tarqatish oqibatlari haqida ogohlantirdi. Bunday harakatlar uchun jinoiy javobgarlikka tortilish mumkin.

Avvalroq Kursiv Uzbekistan nashri «Vesti» dasturining sobiq boshlovchisi Farida Kurbangaleyeva xalqaro qidiruvga berilgani haqida xabar bergan edi.

Bugun, 11-dekabr kuni O‘zbekiston bo‘ylab yog‘ingarchilik kuzatilmaydi. O‘rtacha havo harorati 5 daraja iliq va 2 daraja sovuq bo‘ladi, deb xabar beradi Gidrometeorologiya xizmati agentligi.

Toshkentda havo ochiq bo‘ladi. Kunduzi harorat 2-4 daraja iliq, kechasi esa 6-8 daraja sovuq bo‘ladi.

Tog‘li hududlarda ham yog‘ingarchilik kuzatilmaydi. Kunduzi 0-5 daraja sovuq, kechasi esa 13-18 daraja sovuq bo‘ladi.

Respublika oliy ta’lim muassasalarida tahsil olayotgan talabalar uchun qishki ta’til davrida mahalliy yo‘nalishdagi poyezdlar uchun 50% chegirma e’lon qilindi. Bu haqda «O‘zbekiston temir yo‘llari» AJ matbuot xizmati ma’lum qildi.

Unga ko‘ra, chegirma 2024-yil 23-dekabrdan 2025-yil 10-yanvargacha amal qiladi. Biroq bu chegirma SV/VIP klass vagonlari va yuqori tezlikdagi «Afrosiyob» elektropoyezdlari uchun amal qilmaydi.

Talabalar chiptalarni temir yo‘l kassalaridan pasport bilan yoki elektron tarzda eticket.railway.uz sayti orqali sotib olishlari mumkin. Mobil ilovalar orqali ham chipta xarid qilish imkoni mavjud.

Eslatib o‘tamiz, avvalroq UzAirways talabalar uchun 50 foizgacha chegirma e’lon qilgan edi.

Shavkat Mirziyoyev Toshkent viloyatida iqtisodiy rivojlanish va investitsiya imkoniyatlarini oshirish masalalariga bag‘ishlangan yig‘ilish o‘tkazdi. Bu haqda prezident matbuot xizmati ma’lum qildi.

Viloyatda sanoat, qishloq xo‘jaligi, xizmatlar va turizm sohalarida ulkan imkoniyatlar mavjud bo‘lsa-da, ularning ko‘pi hali to‘la ishga solinmagan.

Yerdan foydalanish samaradorligini oshirish va mahsulot eksportini ko‘paytirish bo‘yicha aniq chora-tadbirlar belgilandi. Kelgusi yilda 3,5 mln tonna meva-sabzavot yetishtirib, 500 mln dollar eksport qilish rejalashtirilgan. Bundan tashqari, investitsiya uchun bo‘sh turgan davlat yerlarini tadbirkorlarga qulay shartlarda taklif etish topshirildi.

Yig‘ilishda sanoat va xizmatlar nisbatan sust rivojlangan hududlarda qo‘shimcha loyihalar amalga oshirib, ish o‘rinlari yaratish masalasi alohida muhokama qilindi. Viloyatda...

Shavkat Mirziyoyev oziq-ovqat sanoatida erishilgan natijalar va 2025-yilgi rejalar bo‘yicha hisobotni qabul qildi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda mahalliy ishlab chiqarishni rivojlantirish va eksportni kengaytirish masalalari muhokama qilindi. Masalan, qandolat mahsulotlari eksporti 4 barobar oshgan, ammo ishlab chiqaruvchilarga berilgan imtiyozlarni yana 2 yilga uzaytirish taklif etildi.

Yog‘-moy sanoatida yangi korxonalar ochilib, eksportni rag‘batlantirish natijasida ishlab chiqarish ko‘lamini kengaytirish imkoniyati mavjud. Go‘sht mahsulotlarini eksport qilishni rivojlantirish uchun saqlash standartlarini xalqaro talablar darajasiga moslashtirish rejalashtirilmoqda.

Tabiiy sharbat va alkogolsiz ichimliklar eksporti so‘nggi 5 yilda 9 barobar oshdi. Lekin tropik mevalar konsentratiga bojxona bojini bekor qilish...

Prezident farmoniga ko‘ra, 2024-yilda bayram kunlari munosabati bilan ish va dam olish kunlari jadvaliga o‘zgarishlar kiritildi. Bu haqda «Toshshahartransxizmat» AJ ma’lum qildi.

Unga ko‘ra, avtobus yo‘nalishlarining faoliyati quyidagicha tashkil etiladi:

Eslatib o‘tamiz, avvalroq Yangi yilda qayerga borish mumkinligi va bu qanchaga tushishi haqida yozgan edik.

O‘zbekistonlik sportchi Farzona Fazilova Osiyo boks chempionatida oltin medalni qo‘lga kiritdi. Bu haqda «Yangi O‘zbekiston» nashri ma’lum qildi.

Unga ko‘ra, 48 kg vazn toifasida ishtirok etgan Fazilova final jangida vetnamlik Ling Chin Goni 4:1 hisobida mag‘lub etdi.

Sportchini birinchilardan bo‘lib O‘zbekiston boks federatsiyasi bosh kotibi Shohid Tillaboyev tabrikladi.

Osiyo boks chempionati 28-noyabrdan 12-dekabrgacha Tailandda o‘tkazilmoqda. Dastlab musobaqa Iordaniyaning Amman shahrida o‘tkazilishi rejalashtirilgan edi.

Eslatib o‘tamiz, avvalroq Bahodir Jalolovning professional boksdagi navbatdagi raqibi ma’lum boʻlgani haqida yozgan edik.

UzAuto Motors Chevrolet Cobalt GX-STYLE AT PLUS va Chevrolet Cobalt GX-MIDNIGHT AT avtomobillari xaridi uchun avvalgi kontraktatsiyada tuzilgan shartnomalar boʻyicha toʻlovi belgilangan muddatlarda amalga oshirilmagan avtomobillarni qayta kontraktatsiyaga qoʻyilishini maʼlum qiladi.

Avtomobillarni xarid qilish uchun shartnomalar onlayn tarzda 11-dekabr kuni soat 10:00 dan savdo.uzavtosanoat.uz sayti orqali tuzilishi mumkin.

Shuningdek, Telegram-bot hamda UzAvtosavdo ilovasi navbatni kuzatish xizmatini hamda mavjud avtomobillar haqida ma’lumotni taqdim etadi.

Eslatib oʻtamiz, avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozim.

Avvalroq UzAuto Motors shartnoma olingan Cobalt uchun toʻlov muddatini ma’lum qilgani haqida xabar bergan edi.

Oʻzbekiston Pokiston bilan JSTga a’zo boʻlish boʻyicha muzokaralarni yakunladi. Bu haqda Pokistonning tashkilotdagi vakili Ali Sarfraz Husayn oʻzining LinkedIn sahifasida xabar berdi.

U muzokaralar yakunida tomonlar protokolni imzolaganini qoʻshimcha qildi. Husayn mazkur hujjat Oʻzbekistonni tashkilotga toʻlaqonli a’zo boʻlishga yanada yaqinlashtirishini ta’kidladi.

Oʻzbekiston JSTga a’zo boʻlish boʻyicha 20 dan ortiq davlatlar, jumladan, jahon iqtisodiyotining asosiy oʻyinchilari boʻlmish Xitoy va AQSh bilan muzokaralarni allaqachon yakunlagan.

Avvalroq Kursiv Uzbekistan Tailand Oʻzbekistonning JSTga a’zo boʻlishini ma’qullagani haqida xabar qilgan edi.

10-dekabr kuni Oʻzbekiston Respublikasi valyuta birjasida AQSh dollarining kursi 12,77 soʻmga oshib, 12 847,02 soʻmni tashkil etdi.

Tijorat banklari dollarni 12 780 – 12 830 soʻmdan xarid qilinayotgan boʻlsa, 12 840 – 12 925 oraligʻida sotib olmoqda.

Eslatib oʻtamiz, 6-dekabr kuni dollar kursi 24,15 soʻmga oshgan edi.

Oʻzbekiston Jahon savdo tashkilotiga (JST) a’zo boʻlish boʻyicha muzokaralarni tezlashtirishni rejalashtirmoqda. Bu haqda JST matbuot xizmati mamlakat bosh vaziri oʻrinbosari Jamshid Xoʻjayevning soʻzlariga asoslanib xabar berdi.

«Biz 2026-yilga qadar Oʻzbekiston nafaqat JSTning toʻlaqonli a’zosi, balki koʻp tomonlama savdo tizimiga muvaffaqiyatli integratsiya modeliga aylanishiga intilamiz», – dedi u Oʻzbekiston Respublikasining tashkilotga kirishi boʻyicha ishchi guruh yigʻilishida.

Xoʻjayev Oʻzbekiston JSTga a’zo boʻlish boʻyicha barqaror kursni saqlab qolgan holda islohotlarni davom ettirishga tayyorligini qoʻshimcha qildi. 2025-yilda Toshkent muzokaralarni yakunlash va huquqiy hujjatlarni uygʻunlashtirish boʻyicha sa’y-harakatlarni faollashtirishi kutilmoqda.

Eslatib oʻtamiz, 2024-yil dekabr holatiga koʻra, mamlakat JSTga a’zo boʻlish...

«Toshkent» respublika fond birjasidan (RFB) joy olgan yuqori likvidli aksiyalarning aksariyati ortda qolgan haftani pasayish bilan yakunladi. Kursiv Uzbekistan hafta davomida RFBdagi qimmatli qogʻozlarning oʻzgarish dinamikasini oʻrganib chiqdi.

29-noyabrdan 6-dekabr sanasigacha UCI fond indeksi 1,1 foizga pasaydi. Oʻtgan hafta bilan taqqoslaganda kompaniyalar aksiyalari katta oʻsishga erishmadi. Qisman oʻsishga erishgan aksiyalar qatoridan «Hamkorbank»ning imtiyozli aksiyalari (+5,98 foiz), «Aloqabank» (+2,17 foiz) va UzAuto Motors (+1,82 foiz) joy oldi.

Oʻz navbatida, haftani salbiy yakunlaganlar kompaniyalar qatoridan «Aloqabank»ning imtiyozli aksiyalari (-18,83 foiz), «Oʻzsanoatqurilishbank»ning (-12,19) va «Oʻzbekneftegaz»ning (-11,24) imtiyozli aksiyalarini ko‘rish mumkin.

Hafta davomida eng koʻp bitimlar amalga oshirilgan kompaniyalar roʻyxatidan esa «OʻzRTXB...

Bugun soat 18:00 da Hyatt Regency Toshkent mehmonxonasida xotin-qizlar yetakchiligi bo‘yicha «Tenglar orasida birinchi» xalqaro mukofotini topshirish marosimi bo‘lib o‘tadi. Mazkur tadbirni «Kursiv» biznes nashri Osiyo taraqqiyot banki (OTB) va Coca-Cola kompaniyasi koʻmagida tashkil etildi.

Mukofot Markaziy Osiyo mamlakatlarida xotin-qizlar yetakchiligi g‘oyalarini rivojlantirishga hissa qo‘shayotgan yetakchi ayollar, tadbirkorlar, faollar, shuningdek, tashkilot va loyihalarning xizmatlarini e’tirof etishga qaratilgan. Ayollar yetakchiligining yangi shaxslarini izlab topish, ayollar yetakchilik madaniyatini shakllantirish, xotin-qizlar o‘rtasida ta’limni ommalashtirish va jamiyatda stereotiplarga qarshi kurashishga alohida e’tibor qaratildi.

Marosim doirasida qishloq xoʻjaligi, qurilish, sanoat, axborot texnologiyalari, tadbirkorlik, ommaviy axborot vositalari, fan sohalaridagi yutuqlar, shuningdek, ayollarni qoʻllab-quvvatlovchi eng yaxshi xalqaro...

Huquqni muhofaza qiluvchi organlar tomonidan Jizzax viloyatida oʻtkazilgan tezkor tadbirda Fargʻona viloyatida yashovchi uch nafar fuqaro qalbaki 998 million 740 ming soʻmlik kupyuralarni $27,2 ming evaziga sotayotgan vaqtida qoʻlga olindi.

Tergovga qadar tekshiruv jarayonida aniqlanishicha, ushbu shaxslar 200 ming, 100 ming va 20 ming soʻmlik kupyuralar koʻrinishidagi qalbaki banknotlarni purkagichli printer yordamida chop etgan.

Mazkur holat boʻyicha toʻplangan barcha ashyoviy dalillar tergov organlariga taqdim etilib, qonun doirasida chora koʻrilishi belgilandi.

Avvalroq Kursiv Uzbekistan Toshkentda qalbaki dollar sotayotgan shaxslar qoʻlga olingani haqida xabar bergan edi.

Galaxy S25 Ultra modeli 16 GB gacha operativ xotira bilan taqdim etilishi kutilmoqda. Oddiy S25 va S25+ modellari esa 12 GB maksimal xotira bilan qoladi. Bu haqda Rozetked.me portali xabar berdi.

512 GB va 1 TB ichki xotiraga ega 16 GB versiyalari ham taklif etiladi. Taqqoslash uchun, S24 Ultra modeli faqat 12 GB operativ xotira bilan savdoga qo‘yilgan.

Shu bilan birga, S25 Ultra Samsung kompaniyasining 16 GB operativ xotiraga ega birinchi flagmani emas. 2021-yilda chiqarilgan S21 Ultra’da ham shunday hajm mavjud edi, ammo keyingi modellarda kompaniya 12 GB bilan cheklangan. Hozirda 16 GB xotiraga ega yagona model Galaxy Z...