Yangiliklar

Pokiston Eronning zarbalariga ikki kundan keyin javob berdi. «Pokistonga qarshi» guruhlar jangarilarining bazalariga hujum uyushtirildi, deb xabar berdi Reuters razvedka xizmati vakiliga tayanib.

Eron OAV’ga ko‘ra, Pokistonning bir necha raketalari Siston va Balujiston viloyatidagi qishloqqa tushgan. Uch nafar ayol va to‘rt nafar bola halok bo‘lishdi. Pokiston tomonidan bu fakt tasdiqlanmagan.

Eslatib o‘tamiz, Eron hafta boshida Pokistonga zarbalar bergan. Nishon Eronning amaldagi hukumatiga qarshi kurashayotgan «Adolat armiyasi» guruhining bosh qarorgohi edi.

Investitsiyalar, sanoat va savdo vaziri Jamshid Xoʻjayev oʻz lavozimidan ayrilishi mumkin. Prezident Xoʻjayev chorak yakuniga qadar investitsiyalar sohasida oʻzgarish qilmasa, uning oʻz lavozimiga loyiqligi masalasi koʻrib chiqilishini aytib ogohlantirdi.

Davlat rahbari investitsiyalar tizimida juda koʻp muammolar mavjud ekanligini sanab oʻtdi. Misol uchun, oʻtgan yili yalpi ichki mahsulot ham, sanoat ham 6 foizga oʻsgan. Biroq, tovarlar eksportida kutilganidek oʻsish boʻlmagan.

Bundan tashqari, hududlarda moliyalashtirish toʻliq yakunlangan 8 trillion soʻmlik 1 mingta loyiha haligacha ishga tushmagan.

Tizimda kamchiliklar hamda sustkashlikka yoʻl qoʻygani uchun Investitsiyalar, sanoat va savdo vaziri oʻrinbosari B.Abidov, shuningdek Texnik tartibga solish agentligi rahbari D.Sattarov ishdan boʻshatildi.

Eslatib...

Ayni vaqtda Oʻzbekiston prezidenti Shavkat Mirziyoyev raisligida eksport, investitsiya va mahalliy sanoatda 2024-yilda turgan vazifalar boʻyicha yigʻilish boʻlib oʻtmoqda.

Davlat rahbari yalpi ichki mahsulotni oshirishning yagona yoʻli – xorijdan investitsiyalarni faol jalb qilish va eksportni koʻpaytirish ekanligini taʼkidladi. Prezident shuningdek, YaIMni oshirish boʻyicha yirik natijalarni ichki bozorning oʻzi bilan qoʻlga kiritish imkonsiz ekanligini qayd etdi.

Prezident investitsiya, sanoat va eksport uchun masʼul boʻlgan tashkilotlar faoliyati sust ekanligini tanqid qildi.

Eslatib oʻtamiz, Shavkat Mirziyoyev 16-yanvar kuni boʻlib oʻtgan videoselektor vaqtida 2024-yilda YaIM 6 foizga oshirilishini aytib oʻtgandi.

«Uzbekistan Airways»ning Rossiyadan uchayotgan samolyotlari tuman sabab Toshkentga qo‘na olmadi. Ekipaj guruhi muqobil aerodromga uchishga qaror qildi, deb xabar berdi UzAirways.

2024-yil 18-yanvar kuni noqulay ob-havo sharoiti tufayli kompaniyanig bir necha reyslari yo‘nalishini o‘zgartirishga majbur bo‘ldi. HY602 Moskva – Toshkent va HY708 Vladivostok – Toshkent reyslari Samarqand muqobil aeroportiga yo‘naltirildi. Bunga Toshkent xalqaro aeroportida ob-havo sharoitining keskin yomonlashgani sabab bo‘lmoqda.

Avvalroq, «Kursiv» Uzbekistan Airways Rimga parvozlarni qayta tiklaydi, deb e’lon qilgan edi.

Picodi portali 2024-yil yanvar holatiga ko‘ra 67 mamlakatda eng kam ish haqi miqdorini hisoblab chiqdi. Tahlilchilarga ko‘ra, O‘zbekistonda bu ko‘rsatkich 922 950 so‘mni (75 dollarga yaqin) tashkil qilgan.

Shu bilan birga, mamlakatimiz eng kam ish haqining o‘sishi bo‘yicha reytingda 16-o‘rinni egallashga muvaffaq bo‘ldi. Bir yil avvalgi qiymatga nisbatan eng kam ish haqi 14,1%ga oshdi.

Ish haqining eng katta o’sishi Argentina (138,4%ga – 297 dollar), Turkiya (99,9%ga – 596 dollar), Nigeriya (83,3%ga – 68 dollar) va Pokistonda (29,3%ga -114 dollar) Moldova (23,1%ga – 239 dollar).

Tahlilchilar O‘zbekistonda eng kam oylik ish haqining oshishi narxlar oshishidan ham oshib ketganini iddao qilmoqda...

AQSh Yamandagi husiylarni mamlakatga tegishli yana bir kemaga hujum qilganidan soʻng terroristik tashkilotlar roʻyxatiga kiritdi, deb xabar berdi Reuters agentligi.

Ushbu bayonotdan so’ng AQShning husiylar pozitsiyalariga qayta-qayta zarba bergani ma’lum bo‘ldi. AQSh qurolli kuchlari qo‘mondonligi ma’lumotlariga ko‘ra, husiylarning raketa qurilmalariga raketa zarbalari berilgan.

Reuters eslatishicha, husiylar bir hafta ichida Qizil dengizida Amerikaning ikkita yuk kemasiga hujum qilgan. Gibraltar Eagle dushanba kuni, Genco Picardy chorshanba kuni hujumga uchradi. Halok bo‘lganlar va jabrlanganlar haqida ma’lumotlar yo‘q.

Husiylar vakili agentlikka Isroilga ketayotgan kemalarga hujumlar davom etishini aytdi. Guruhga terrorchi maqomini berish bunga ta’sir qilmaydi.

Husiylarning kemalarga hujumlari global savdoga ta’sir qildi...

Dominika Respublikasida joylashgan kompaniyalar 4 kunlik ish haftasiga oʻtishni rejalashtirmoqda.

Mazkur tashabbus fevral oyidan amalga tatbiq etiladi, xodimlarga 5 kunlik ish haftasi uchun belgilangan maosh miqdori oʻzgarishsiz qoladi. Ish haftasi dushanbadan payshanbagacha davom etadi, ish vaqti esa haftasiga 44 soatdan 36 soatgacha qisqartiriladi.

«Biz uchun odamlar, ularning salomatligini yaxshilash va farovonligi oshirish – ustuvor masaladir», – dedi mamlakatning Mehnat vaziri Luis Migel de Kamps.

Mahalliy universitetlardan biriga xodimlar salomatligidagi har qanday oʻzgarish, ularning ishi va shaxsiy hayoti oʻrtasidagi aloqani tahlil qilib borish vazifasi yuklatilgan.

Bugungi kunda Dominika Respublikasida xodimlar 6 kunlik ish haftasi boʻyicha ishlaydilar. Ish vaqti esa bir...

Toshkent shahrining Bektemir tumanida yongʻin yuz berdi. Hodisa konteyner ichidagi qurilish materiallarining yonishi natijasida sodir boʻlgan. Bu haqida FVV maʼlum qildi.

Yongʻin 17-yanvar kuni Porloq koʻchasida yuz bergan. Olovni oʻchirishga 4 ta yongʻin-qutqaruv brigadasi jalb etilgan.

Hodisa oqibatida tan jarohati olganlar yoki vafot etganlar yoʻq.

Bugun, 18-yanvar kuni respublika boʻylab tumanli ob-havo kuzatiladi, yogʻingarchilik kutilmaydi. Harorat 8-13, shimolda 0-5 darajada iliqni tashkil etadi. Bu haqida «Oʻzgidromet» maʼlum qildi.

Kunning birinchi yarmida Toshkent shahrida tuman tushishi mumkin. Havo harorati 10-12 daraja iliqni tashkil etadi, yogʻingarchilik kutilmaydi.

Respublikaning togʻli hududlarida shamol 7-12 m/s tezlikda esadi, havo harorati 3-8 daraja iliq boʻladi. Yogʻingarchilik ehtimoli yoʻq.

Qishloq xoʻjaligi va xizmat koʻrsatish sohasi 2023-yilda Oʻzbekistonda ishbilarmonlik muhitining asosiy omiliga aylandi. Buni Iqtisodiy tadqiqotlar va islohotlar markazi hisoboti ma’lumotlari tasdiqlaydi.

Ishbilarmonlik muhitining umumiy ko‘rsatkichi yil davomida keskin tebranishlarsiz ijobiy zonada qoldi.

Qishloq xo‘jaligi va xizmat ko‘rsatish sohasidagi ko‘rsatkichlarning yaxshilanishi hisobiga birinchi chorakda biznes optimizmi o‘sdi. Ikkinchi chorakda 57 ballga tuzatish kiritildi.

Iyul oyida indeks yana 70 va 67 punktlarga ko‘tarilgan agroanoat kompleksi va xizmat ko‘rsatish sohalari ta’sirida 65 punktga oshdi.

Optimizmning minimal darajasi noyabr oyida qayd etilgan – 52 ball.

Yil davomida joriy biznes holatining eng yuqori darajasi qishloq xo‘jaligida – fevral va iyun oylarida 52%, qurilishda esa...

Uzum Market omborlardan birida yong‘in chiqqani haqidagi mish-mishlarga izoh berib, bu ma’lumotni rad etdi.

Avvalroq, internetda tutun chiqqan video tarqaldi. Mualliflarning yozishicha, Qo‘yliq hududidagi Uzum Market omborlaridan birida yong‘in kuzatilgan.

«Uzum Market» ombori odatdagidek ishlamoqda, barcha xodimlarimiz va sotuvchilarimiz tovarlari xavfsiz, butun va buzilmagan”, — deyiladi matbuot xizmati xabarida.

Yong‘in qo‘shni hududda sodir bo‘lgan, o‘t o‘chiruvchilar allaqachon joyida va yong‘inni o‘chirishmoqda.

Avvalroq, «Kursiv» FVV Sergeli tumanidagi do‘konlardan birida sodir bo‘lgan yong‘inga izoh berdi, deb xabar bergan edi.

«Vatandosh» viloyatlararo oʻzbeklar jamiyati rahbari Usmon Baratovga nisbatan jinoiy ish ochiladi, deb xabar qildi Rossiya Federatsiyasi Tergov qoʻmitasi.

Qo‘mitaning maʼlumotlariga koʻra, Baratov Rossiya-Ukraina mojarosida ishtirok etayotgan rossiyalik askarlarni haqorat qilishda ayblanmoqda.

News.ru’ning xabar berishicha, rossiyalik harbiy muxbir Yuriy Kotenok Baratovning Odnoklassniki sahifasida tovuq «frontdagi xo‘rozlarni» qaytarishni so‘ragani tasvirlangan postni topdi. Jurnalist buni Rossiya Qurolli kuchlari askarlariga nisbatan haqorat sifatida baholadi.

Baratov Instagram’dagi sahifasida voqeani qisqacha izohladi: «Bizga xakerlik hujumi uyushtirildi».

Avvalroq,«Kursiv» O‘zbekiston fuqarolarini xorijdagi harbiy mojarolarda qatnashmaslikka chaqirilgani haqida yozgan edi.

«Uzbekistan Airways» kompaniyasi Rim shahriga aviaparvozlarni qayta tiklaydi. Bu haqida kompaniya matbuot xizmati xabar berdi.

Bugungi kunda aviatashuvchi Italiyaning kattaligi jihatidan ikkinchi shahri – Milanga parvozlarni amalga oshirib kelmoqda.

Avvalroq, «Kursiv» «UzAirways» kompaniyasi Tokioga qishki aviaparvozlarni yoʻlga qoʻygani haqida yozgandi.

Fransiya tez orada Ukrainaga 40 ta «Scalp» qanotli raketasi, yuzlab bomba va «Caesar» oʻziyurar artilleriya qurilmalarini yetkazib beradi. Bu haqida mamlakat prezidenti Emmanuel Makron Kiyev safari oldidan maʼlum qildi, deb xabar bermoqda «Le Monde» nashri.

Prezidentning aytishicha, u fevral oyida Ukrainaga borishni rejalashtirgan.

Bundan tashqari, Ukrainaga qurol-yarogʻ yetkazib berish va mamlakat xavfsizligi kafolati toʻgʻrisidagi bitim matni ham allaqachon tayyor boʻlgan. Tez orada Fransiya Ukrainaga Makron nazarda tutgan qurol-yarogʻni yetkazib berishni boshlaydi.

Makron bir muddat avval Vashingtonning pozitsiyasi oʻzgargan holatda ham Bryussel Kiyevga yordam koʻrsatishda davom etishi kerakligi, chunki bu Yevroittifoq uchun oʻzining xavfsizligi masalasi ekani haqida aytib...

17-yanvar kuni O‘zbekiston valyuta birjasida dollarning o‘rtacha tortilgan qiymati 12 427,00 so‘mni tashkil qildi. 16-yanvar kungi ko‘rsatgichga nisbatan uning narxi 11,95 so‘mga ko‘tarildi.

Bugun respublikaning tijorat banklari AQSh valyutasini 12 355 – 12 400 so‘mdan xarid qilishmoqda va 12 435 – 12 480 so‘mdan sotishmoqda.

Eslatib o‘tamiz, 15-yanvar kuni dollarning qiymati 12 409,01 so‘mni tashkil qilgan edi.

Uchtepa tumanidagi «Nigora Go‘zal Nur Sado» Shanxayning Jiangsu Goostars Hometextiles Co., Ltd kompaniyasi bilan drel mahsulotini ishlab chiqarish bo‘yicha 5 mln dollarlik yangi shartnoma tuzdi, deb xabar berdi Uchtepa hokimligi matbuot-xizmati.

Bitim tuman hokimining Xitoyga xizmat safari chog‘ida tuzilib, foydali kelishuvlarga erishildi.

Avvalroq, «Kursiv» Xitoyning JA Solar kompaniyasi O‘zbekistondagi ACWA Power loyihalari uchun uskunalar yetkazib berdi, deb e’lon qilgan edi.

Chorshanba, 17-yanvar kuni Toshkent havosidagi PM2,5 zarralari miqdori meʼyoriy koʻrsatkichdan 23,8 barobarga oshdi. Bu haqida «Oʻzgidromet» maʼlum qildi.

Atmosferada bunday zarralarning mavjudligi yurak-qontomir tizimi va oʻpka kasalliklariga chalinish ehtimolini oshirib yuboradi.

Shu bilan birga poytaxt havosidagi PM10 zarralari hamda uglerod oksidi (CO) miqdori ruxsat etilgan meʼyordan oshmagan.

«Kursiv» 16-yanvar kuni havodagi PM2,5 zarralari miqdori meʼyoriy koʻrsatkichdan 13 barobarga oshib ketgani haqida yozgandi.

BMB Holding kompaniyasi AQSh bozorida za’faron savdosi huquqini beruvchi USDA Organic sertifikatini oldi. Bu haqda «Dunyo» axborot agentligi yozgan.

Buning uchun Euro Cert mutaxassislari bir yil davomida mahsulot yetishtirish jarayonlarini kuzatib borishdi. Kompaniya «BMB Za’faron» brendi ostida za’faronni AQShga eksport qiladi.

Avvalroq, mahsulot Yevropaning Analisi Chimiche Ed Ecologiche Sas, Laboratori di Ricerche Analitiche e Tecnologiche su Alimenti e Ambiente (Italiya), QC LAB McCormick France (Fransiya) va Chong Kiningson (Janubiy Koreya) laboratoriyalarida sinovdan o‘tkazilgan. Natijada BMB Zafaron za’faron I toifali sifat sertifikatiga ega bo‘ldi.

Avvalroq, Oʻzbekistonda 2026-yilga borib 36 ming gektar maydonda yangi dorivor oʻsimliklar plantatsiyalari barpo etilishi xabar...

Qahramon Quronboyev Oʻzbekiston mahallalari uyushmasi raisi etib saylandi. Bu haqida «OʻzA» xabar berdi.

Tashkilotni taʼsis etishga bagʻishlangan konferensiya ishtirokchilari uning rahbari lavozimiga Quronboyev nomzodini bir ovozdan maʼqullashgan. Uyushma butun respublika boʻylab joylashgan mahallalarni birlashtirishi rejalashtirilgan.

Qahramon Quronboyev ushbu lavozimiga saylanguniga qadar Prezident administratsiyasi huzuridagi Yoshlar siyosati departamenti rahbari lavozimida faoliyat olib borgan. U mazkur lavozimda 2023-yilning avgust oyidan 2024-yilning yanvar oyigacha ishlagan.

Mahallalar uyushmasini taʼsis etish haqidagi prezident farmoni oʻtgan yilning oxirida imzolangan edi. Yangi tashkilot zimmasiga Oʻzbekiston boʻylab joylashgan 9 mingdan ortiq mahallani rivojlantirish vazifasi yuklatilgan.

Bundan tashqari, uyushma milliy qadriyatlar va anʼanalarga nisbatan chuqur hurmat hissini targʻib...

Oliy Majlis Qonunchilik palatasi deputatlari bolalar oromgohlarini majburiy sertifikatlashtirishni bekor qilish to‘g‘risidagi qonun loyihasini ma’qulladi.

Shuningdek, kasaba uyushmalari tizimidagi mavsumdan tashqari faoliyat yurituvchi bolalar oromgohlari ma’lum muddatga daromad solig‘ini to‘lashdan ozod qilinadi.

Qonunchilarning fikricha, taklif etilayotgan tashabbuslar lagerlarning moliyaviy barqarorligini ta’minlaydi va chiptalar narxlarini barqarorlashtiradi.

Eslatib o‘tamiz, o‘tgan yilning yozida prezident Shavkat Mirziyoyev qaror imzolagan edi, unga ko‘ra 65 ta bolalar oromgohi Kasaba uyushmalari federatsiyasi tizimiga o‘tkazildi.

Avvalroq, «Kursiv» Buxoroda ko‘zi ojiz va ko‘zi zaif bolalar uchun maktab binosi foydalanishga topshirilgani haqida e’lon qilgan edi.

Apple o‘tgan yili bozorda yetakchilikni qo‘lga kiritib, smartfon ishlab chiqarish bo‘yicha o‘zining asosiy raqobatchisi Samsungni chetlab o‘ta oldi. Buni IDC guruhi ma‘lumotlari tasdiqlaydi. Janubiy Koreyaning texnologik giganti so‘nggi 12 yil davomida ro‘yxatda birinchi o‘rinni egallab turibdi.

2023-yilda iPhone ishlab chiqaruvchisi ishlab chiqarish hajmining o‘sishini ko‘rsata olgan yagona kompaniya bo‘ldi. Kompaniya etkazib berishni 3,7%ga oshirib, 234,6 mln donaga yetdi. Samsung esa 226,6 mln dona smartfon ishlab chiqargan.

Shunday qilib, o‘tgan yilning oxirida Apple’ning jahon bozoridagi ulushi 20,1%ga, Samsungniki esa 19,4%ga yetdi.

Kuchli uchlikni Xiaomi 145,9 mln dona smartfon va 12,5% bozor ulushi bilan yakunladi.

2023-yilda global smartfonlar yetkazib berish...

Yevropa ittifoqi HAMAS tashkilotining Gʻazo sektoridagi yetakchisi Yahyo Sinvarni 2023-yilning 7-oktyabr kuni Isroilga uyushtirilgan hujumga aloqador shaxs sifatida terrorchilar roʻyxatiga kiritdi. Bu haqida Yevropa kengashi saytida maʼlum qilindi.

Endilikda Yahyo Sinvarning mablagʻ va aktivlari muzlatib qoʻyiladi, YeI mamlakatlari fuqarolariga u bilan hamkorlik qilish taqiqlanadi. Yevropa Ittifoqining hech bir tuzilmasi Sinvarni pul bilan ham, boshqa turdagi iqtisodiy manbalar bilan ham taʼminlay olmaydi.

Avvalroq, Falastinning HAMAS islom harakati Yevropa ittifoqi tomonidan terroristik tashkilot sifatida tan olingan edi.

AQSH hukumati esa Sinvarni 2015-yilda terrorchilar roʻyxatiga kiritgan.

Avvalroq, «Kursiv» HAMAS bilan urush Isroilga qanchaga tushgani haqida yozgan edi.

O‘zbekistonda umumta’lim fanlari bo‘yicha milliy test sinovlaridan muvaffaqiyatli o‘tgan abituriyentlar oliy o‘quv yurtlariga kirish imtihonlaridan ozod qilinadi, mamlakat hukumati qaroriga kiritilgan o‘zgartirishlar bo‘yicha.

Test sinovlari A+, A, B+, B, C+ va C darajali sertifikatlar berishni nazarda tutuvchi metodologiya bo‘yicha baholanadi.

A+ darajasi 70 ball va undan yuqori, A darajasi – 69,9 dan 65 gacha, B+ – 64,9 dan 60 gacha, B – 59,9 dan 55 gacha, C+ – 54,9 dan 50 gacha, C – 49,9 dan 46 ballgacha belgilanadi.

A+ yoki A darajasidagi sertifikatga ega bo‘lgan abituriyentlar bakalavr bosqichiga kirish uchun eng yuqori ball oladi.

B+, B, C+ va...

Xalq deputatlari Kengashi qarori bilan Baxtiyor Begmatov Toshkent viloyatining Buka tumaniga yangi rahbar etib tayinlandi, deb xabar qildi poytaxt viloyati hokimligi.

Tumanning sobiq hokimi Nizomiddin Abbosov sog‘lig‘i yomonlashgani sababli o‘z xohishiga ko‘ra lavozimini tark etdi.

Begmatov 1976 yilda tug‘ilgan. Taʼlimni Toshkent davlat iqtisodiyot universitetida olgan. 2001-yilda O‘zbekiston prezidenti huzuridagi Davlat va jamiyat qurilishi akademiyasini tamomlagan. Hokim etib tayinlanguniga qadar Toshkent viloyati Kambagʻallikni qisqartirish va bandlik bosh boshqarmasi boshligʻi oʻrinbosari lavozimida ishlagan.

Avvalroq, Kursiv O‘zbekiston prezidenti Shavkat Mirziyoyev tomonidan yuzdan ortiq hokim o‘rinbosarlarini ishdan bo‘shatish to‘g‘risida buyruq berilgani haqida yozgan edi.