Yangiliklar

Ayrim veb-saytlar va ijtimoiy tarmoqlarda Chevrolet Cobalt Midnight avtomobilini navbatsiz sotib olish mumkinligi haqida ma’lumotlar tarqaldi. Kursiv Uzbekistan nashri «O‘zavtosanoat» AJ matbuot xizmatiga so‘rov yubordi.

Cobalt Midnight’ni navbatsiz, hisob-faktura bilan sotib olish mumkinmi?

«Yo‘q, Cobalt Midnight avtomobilini navbatsiz sotib olishning imkoni mavjud emas», – deya qayd etdi «O‘zavtosanoat».

Narxlarni dilerni o‘zlari belgilamoqdami?

«Yo‘q. Dilerlik markazlari avtomobillar narxini mustaqil belgilash huquqiga ega emas. Savdo faqatgina UzAuto Motors tomonidan belgilangan narxlar bo‘yicha amalga oshiriladi. Agar mijoz xohishiga ko‘ra avtomobilga qo‘shimcha qurilmalar yoki jihozlar (masalan, gaz ballon uskunasi, g‘ilof, masofaviy kalit va boshqalar...

My Freighter aviakompaniyasi ilk bor Keniya poytaxti Nayrobida joylashgan Jomo Kenyatta xalqaro aeroportiga (NBO) qo‘ndi. Bu kompaniya tarixida Keniyaga amalga oshirilgan ilk parvozdir.

Reyslar haftasiga ikki marta amalga oshirilishi rejalashtirilgan. Samolyotlar Keniyadan tez buziluvchi mahsulotlarni – yangi uzilgan gullar, dengiz mahsulotlari, meva va sabzavotlarni yetkazib beradi. Yuklarning bir qismi esa Markaziy Osiyo mamlakatlariga yo‘naltiriladi.

Eslatib o‘tamiz, avvalroq sentabrdan Mo‘g‘uliston aviakompaniyasi O‘zbekistonga parvozlarni boshlashi haqida xabar bergan edik.

Makroiqtisodiy va hududiy tadqiqotlar instituti mutaxassislari tomonidan o‘tkazilgan tahlil natijalariga ko‘ra, uy-joyga investitsiyalardan olinadigan umumiy daromad o‘rtacha 6,2 foizni tashkil etdi. Bu ko‘rsatkich o‘tgan yilning aprel oyida 27,8 foiz bo‘lgan edi.

Daromadlarning kamayishi, birinchi navbatda, uy-joy ijarasi bo‘yicha tushumlarning qisqarishi (10,9%dan 8,1%gacha) va uy-joy narxlarining o‘rtacha 2,4 foizga arzonlashuvi bilan izohlanadi.

Tahlillar shuni ko‘rsatadiki, investitsiya daromadliligi uy-joyning joylashuvi va xonalar soniga qarab keskin farq qilmoqda. Shayxontohur tumanidagi 1 xonali uy eng yuqori daromad (25,1%) keltirgan bo‘lsa, Olmazor tumanidagi 4 xonali kvartiralar zarar keltirgan (-2,5%). Ayni paytda, 1 va 2 xonali uylar o‘rtacha 8,5% va 6,3% daromad ko‘rsatayotgan bo‘lsa...

O‘zbekistonda bolalar orasida onkologik va onkogematologik kasalliklar bo‘yicha ko‘rsatilayotgan tibbiy xizmatlar sifatini oshirish maqsadida xalqaro tajribaga asoslangan yangi tizim joriy etiladi. Bu haqda Adliya vazirligi ma’lum qildi.

Vazirlar Mahkamasining tegishli qaroriga muvofiq, 2025-yil 1-iyulgacha «Elektron sog‘liqni saqlash» axborot tizimida ushbu kasalliklarga chalingan bolalarni ro‘yxatga olish, tashxislash, davolash, dispanser kuzatuvi va yo‘naltirish jarayonlarini raqamlashtirish rejalashtirilgan.

Ushbu tizim orqali bemorlarning holati yagona elektron platforma orqali boshqariladi. Shuningdek, shifokor qabuliga masofadan yozilish va onlayn maslahatlar olish imkoniyatlari yaratiladi. 2025-yil yakuniga qadar mazkur loyiha doirasida sun’iy intellekt texnologiyalari ham joriy etilishi ko‘zda tutilgan.

Shu bilan birga, Bolalar onkologiyasi, gematologiyasi va immunologiyasi ilmiy-amaliy tibbiyot...

Xitoy Jahon sog‘liqni saqlash tashkiloti (JSST)ga qo‘shimcha ravishda 500 million dollar ajratishga tayyor va AQSh o‘rniga uning eng yirik homiysiga aylanishi mumkin, deb xabar berdi Reuters.

Qo‘shimcha moliyalashtirish besh yil davomida amalga oshiriladi va yillik badallarni oshirish hamda tashkilot loyihalari uchun ixtiyoriy to‘lovlarni o‘z ichiga oladi. Biroq ajratilgan mablag‘lardan qanday foydalanish bo‘yicha kelishuv zarur.

Hozirgacha tashkilotning asosiy homiysi AQSh bo‘lib kelgan. Biroq 2025-yil yanvar oyida AQSh prezidenti Donald Tramp mamlakatning JSSTdan chiqishi haqida qaror qabul qildi.

AQSh rasman 2026-yil boshida tashkilot a’zoligidan chiqadi.

Avvalroq «Kursiv» nashri Jahon banki O‘zbekistonda sug‘orish tizimiga $200 million kredit berishi haqida yozgan edi...

Yevropa Ittifoqi Rossiyaga qarshi 17-sanksiyalar paketi doirasida O‘zbekistonning Trade Engine System kompaniyasiga ham sanksiya qo‘lladi.

Kompaniya ustav kapitali 10 mln so‘m bo‘lib, 2022-yilda tashkil etilgan. Temir yo‘l, avtotransport, dengiz yoki havo orqali transportda tashishni tashkil qilish bilan shug‘ullanadi. Uning yagona ta’sischisi va direktori Akbarov Nasirjan Xamitjanovich hisoblanadi.

Avvalroq «Kursiv» Ukraina O‘zbekistondagi uchta kompaniya va bir fuqaroga sanksiya e’lon qilgani haqida yozgandi.

«Barselona» yarim himoyachisi Rafinya La Liganing eng yaxshi futbolchisi deb topildi. Bu haqda The Athletic xabar bermoqda.

Braziliyalik o‘yinchi ajoyib mavsum o‘tkazdi va jamoaning asosiy hujumchi kuchlaridan biriga aylandi. Uning barqarorligi, gol urishi va yuqori saviyali o‘yini uni «blaugrana» uchun almashtirib bo‘lmaydigan futbolchiga aylantirgan.

Rafinya «Real Madrid» ustidan qozonilgan g‘alabalarga katta hissa qo‘shdi va «Barselona»ning Chempionlar ligasi yarim finaliga chiqishiga ham yordam berdi.

Lamin Yamal: Jahon futbolining ko‘tarilgan yulduzi

17 yoshli Lamin Yamal mavsum kashfiyoti bo‘ldi va haqli ravishda The Athletic tomonidan La Liganing yilning eng yaxshi yosh o‘yinchisi deb topildi.

U muntazam ravishda yoshiga xos bo‘lmagan yetuk va ishonchli...

Kia Telluride flagman krossoverining ikkinchi avlodi joriy yilda taqdim etilishi kutilmoqda. Bu haqda Daily-motor nashri ma’lum qildi.

Hyundai Palisade bilan bir platformada qurilgan ushbu model EV seriyasiga xos dizayn elementlari, yangi LED optika, yashirin eshik tutqichlari va zamonaviy radiator panjarasi bilan jihozlanadi.

Tashqi ko‘rinishda avtomobil qo‘polroq shakllar va zamonaviy chiziqlar uyg‘unligi, salonda esa kattalashtirilgan multimedia ekranlari, Dynamic Body Care o‘rindiqlari va massajli tirsak qo‘ygichlar bilan farqlanishi kutilmoqda.

Yangi avlod 2,5 litrli turbo dvigatel va gibrid tizim asosidagi 300 ot kuchiga ega quvvat birligi, 10 pog‘onali avtomatik uzatmalar qutisi bilan jihozlanadi. Ma’lumotlarga ko‘ra, bunday yo‘ltanlamas 965 kilometrgacha yo‘l bosishga qodir...

Budapeshtda o‘tgan Turkiy davlatlar tashkilotining norasmiy sammiti doirasida «Turkiy dunyo birligiga qo‘shgan hissasi uchun» Alisher Navoiy nomidagi mukofot Nobel sovrindori Aziz Sanjarga topshirildi.

O‘zbekiston prezidenti Shavkat Mirziyoyev mukofotni topshirar ekan, uni ilm-fan sohasidagi olimlarga berilishi yosh avlodga ilhom bo‘lishini ta’kidladi.

Alisher Navoiy nomidagi mukofot 2021-yilda O‘zbekiston tashabbusi bilan ta’sis etilgan bo‘lib, u har ikki yilda bir marta turkiy xalqlar o‘rtasidagi hamkorlikka hissa qo‘shgan shaxslarga beriladi. Ilk bor 2022-yilda marhum Chingiz Aytmatov ushbu mukofotga sazovor bo‘lgan.

Avvalroq Kursiv Uzbekistan mamlakat prezidenti turkiy davlatlar o‘rtasida «Turk-treyd» platformasini yaratishni taklif etgani haqida xabar bergan edi.

20-maydagi auksionda eng qimmat chiroyli avtoraqam 722,3 mln so‘mga sotildi. Bu haqda Respublika tovar-xomashyo birjasi (O‘zRTXB) matbuot xizmati Kursiv Uzbekistan nashriga xabar berdi.

Birja matbuot xizmatiga ko‘ra, hali to‘lov qilinmagan. Raqamni to‘liq rasmiylashtirish uchun 30 kun muddat belgilangan.

Bu yil boshidan buyon qayd etilgan rekord ko‘rsatkichdir. Yanvar oyida eng qimmat sotilgan raqam 509,6 mln so‘mni tashkil etgandi.

O‘tgan yilning 24-dekabr kuni o‘tkazilgan auksionda chiroyli avtoraqam rekord darajada qimmat – 965,3 mln so‘m yoki $75 mingga sotilgan edi.

Ma’lumot o‘rnida, O‘zbekiston valyuta birjasiga ko‘ra, 21-may kuni dollarning o‘rtacha kursi 12 937,93 so‘mni tashkil qilib, oldingi kun bilan solishtirganda 45,02 so‘mga oshdi.

Joriy yilning aprel oyida soliq tushumlari o‘tgan yilning mos davriga nisbatan 18,7 foizga o‘sdi. Bu haqda Iqtisodiy tadqiqotlar va islohotlar markazi (ITIM) tahlillarida ma’lum qildi.

Jumladan, Toshkent, Andijon, Namangan, Sirdaryo, Buxoro va Farg‘ona viloyatlari hamda Toshkent shahrida soliq tushumlarida yuqori o‘sish qayd etildi.

Daromad solig‘i 18,5 foizga, mulk solig‘i qariyb 22 foizga, yer solig‘i esa 18 foizga o‘sgani iqtisodiy faollik va investitsiya muhitining yaxshilanishidan dalolat beradi. Tashqi iqtisodiy faoliyat sohasida bojxona to‘lovlari tushumlari 15 foizga oshdi.

Aprel oyida eksport hajmi 6,5 foizga yuqoriladi. Eksportdagi eng yuqori o‘sish Surxondaryo, Samarqand, Xorazm va Namangan viloyatlarida kuzatildi. Shu bilan birga, moliya...

Xorazm viloyatida ichimlik va oqova suv xizmatlari bo‘yicha yangi tariflar tasdiqlandi. Ushbu qaror xalq deputatlari viloyat Kengashining 20-maydagi qarorida ma’lum qilindi.

Yangi tariflarga ko‘ra, 5-iyundan boshlab ichimlik suvi narxi bir kubometr uchun quyidagicha bo‘ladi:

Oqova suvi xizmati uchun:

Mazkur tariflar qo‘shilgan qiymat solig‘isiz (QQS) hisoblangan.

Avvalroq Kursiv Uzbekistan 1-iyundan Qoraqalpog‘istonda ichimlik suvi narxi oshishi haqida yozgandi.

O‘zbekistonda $1 mlnlik sintetik narkotiklar partiyasi topildi. Ular mamlakatimizga Qozog‘istondan tibbiy buyumlar ichida olib kelingan. Bu haqda DXX xabar bermoqda.

Yuk ichiga 4,2 kg mefedron va 3,9 kg alfa-pirolidinopentiofenon a-PVP yashiringan. Noqonuniy mollar «Navoiy» nazorat-o‘tkazish punktida aniqlangan.

Tergov jarayonida huquq-tartibot idoralari xodimlari Toshkent shahri va poytaxt viloyatida yashovchi besh nafar fuqaroni qo‘lga oldi. Hibsga olinganlarning xatti-harakatlari Telegram orqali rossiyalik tomonidan muvofiqlashtirilgan.

Shuningdek, «Navoiy» nazorat-o‘tkazish punktida gaz plitasida 1,9 kg a-PVP olib kirishga urinish ham to‘xtatildi. Bunda giyohvand moddalarni qo‘lga olingan voyaga etmagan O‘zbekiston fuqarosi olishi kerak bo‘lgan.

Eslatib o‘tamiz, Kursiv Uzbekistan nashri Tojikistondan kontrabanda qilingan narkotik moddalar O‘zbekistonda to‘xtatib...

O‘zbekistondagi IT oliygohlarini har yili 25 mingdan ortiq talabalar tamomlaydi. Bu haqda IT Parkda o‘tkazilgan «O‘sish nuqtasi» forumidan «Kursiv» muxbiri xabar berdi.

Mamlakatda axborot texnologiyalariga ixtisoslashtirilgan 80 dan ortiq oliy ta’lim muassasasi faoliyat yuritmoqda. Bundan tashqari, respublikada 21 ta raqamli texnologiyalar maktabi ham ishlamoqda.

May oyiga qadar O‘zbekistonda 14 ta IT Park filiali va 500 dan ortiq IT markazlar faoliyat olib bormoqda. Joriy yil boshidan buyon Toshkentdagi texnoklaster rezidentlari soni 48 foizga oshib, 1,6 mingga yetdi.

Avvalroq Kursiv Uzbekistan IT’ning eng talabgor sohasi ma’lum bo‘lgani haqida yozgandi.

Aholiga ajratilayotgan kreditlar bo‘yicha o‘rtacha yillik foiz stavkasi 2025-yil aprel oyida 22,6 foizni tashkil etdi. Bu ko‘rsatkich bir yil avvalga nisbatan 2 foizga kamaygan. Bu haqda Markaziy bank ma’lumot berdi.

2024-yil aprelidan 2025-yil aprelgacha bo‘lgan davrda kreditlar bo‘yicha stavkalar pasayish tendensiyasini ko‘rsatdi. Aholi uchun ajratilgan kreditlar foizi aprel oyida 24,6% bo‘lsa, sentabrda 23,8 foizga tushgan. Dekabrda 24,9 foizga ko‘tarilgach, keyingi oylar davomida asta-sekin kamayib, aprelga kelib 22,6 foizni tashkil qildi.

Tadbirkorlik subyektlariga ajratilgan kreditlar stavkasi esa nisbatan barqaror bo‘lib, 22,4-22,9% oralig‘ida saqlangan. Eng yuqori daraja 2024-yil iyul oyida qayd etilgan.

Depozitlar bo‘yicha ma’lumotlarga ko‘ra, jismoniy shaxslarning muddatli omonatlari foiz...

2025-yil 21-may kuni Budapesht shahrida o‘tgan Turkiy davlatlar tashkilotining norasmiy sammitida O‘zbekiston prezidenti Shavkat Mirziyoyev tashkilot doirasida savdo-iqtisodiy hamkorlikni kengaytirish bo‘yicha bir qator tashabbuslarni ilgari surdi.

Davlat rahbari tashkilot mamlakatlarining o‘zaro tashqi savdo ulushini oshirish maqsadida «Turk-treyd» nomli onlayn savdo platformasini yaratish va tovar ayirboshlashni ko‘paytirish bo‘yicha amaliy dasturni qabul qilishni taklif qildi.

Shuningdek, prezident Mirziyoyev Transkaspiy xalqaro yo‘lagi bo‘yicha yuk tashish hajmini oshirish uchun «yagona darcha» va «yashil yo‘laklar» tizimini joriy etish, Turkiy investitsiya jamg‘armasi doirasida qo‘shma venchur kompaniya tuzish, sanoat sohalarida yirik qo‘shma loyihalarni ishlab chiqish, shuningdek, fan, ta’lim va ekologiya sohalarida hamkorlikni chuqurlashtirish takliflarini bildirdi.

Sammit...

Zeekr brendi o‘zining yangi elektr krossoveri – Zeekr 7X modelini Yevropa bozorida taqdim etdi. Ushbu model Tesla Model Y va Audi Q4 e-tron’ga raqobatchi sifatida ko‘rilmoqda. Bu haqda Speedme xabar bermoqda.

Zeekr 7X Yevropada ilk bor Norvegiyada sotuvga chiqdi, bu yerda uning boshlang‘ich narxi 539 900 norveg kronasi ($53 ming)ni tashkil etadi. Shuningdek, model Niderlandiya va Shvesiyada ham taqdim etiladi. Niderlandiyada narxlar 52 990 yevrodan, Shvesiyada esa 579 000 ($58 ming) shved kronasidan boshlanadi.

Zeekr 7X’ning Privilege AWD versiyasi 100 kVt·soatli NMC batareyasi, 470 kVt (639 ot kuchi) quvvatga ega va 543 km (WLTP) masofani bosib o‘tishga qodir...

Shu yilning yanvar – aprel oylarida O‘zbekistonda Cobalt avtomobili 44,7 ming dona ishlab chiqarildi. Bu ko‘rsatkich o‘tgan yilning shu davriga nisbatan 7,3 foizga oshgan. Bu haqda Milliy statistika qo‘mitasi xabar berdi.

Mahalliy bozorda ikkinchi o‘rinni 30 mingga yaqin ishlab chiqarish bilan Damas egalladi. Bu ko‘rsatkich yillik hisobda 28,9 foizga oshdi.

Uchinchi o‘rinda esa Chevrolet Onix joy oldi. Bu modeldan 15,2 ming dona ishlab chiqarilib, o‘tgan yilga nisbatan 31,6 foizlik o‘sishga erishildi.

Umuman olganda, yengil avtomobillar ishlab chiqarish hajmi 4 oyda 6,9 foizga oshib, 122,4 ming donani tashkil etdi. Yuk avtomobillari ishlab chiqarish esa 19,6 foizga ko‘payib, 1,2 ming...

O‘zbekiston valyuta birjasi ma’lumotlariga ko‘ra, 21-may kuni dollarning o‘rtacha kursi 12 937,93 so‘mni tashkil qilib, oldingi kun bilan solishtirganda 45,02 so‘mga oshdi.

Dollar kursi bu haftani pasayish bilan boshladi: 20-may kuni 34,76 so‘mga oshib, 12 892,91 so‘mni, 19-may kuni 58,95 so‘mga tushib, 12 858,15 so‘mni tashkil qildi.

Mamlakatdagi tijorat banklari 21-may kuni bir AQSh dollarini 12 830 – 12 890 soʻmdan sotib olayotgan boʻlsa, 12 905 – 13 000 soʻm oraligʻida sotmoqda.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

Jinoyat kodeksining odam savdosi bilan bog‘liq moddalaridagi jinoyatlar uchun jazo choralarining og‘irlashtirilishi belgilandi.

Endilikda odam savdosi qalbaki hujjatlar orqali yoki jabrlanuvchining shaxsini tasdiqlovchi hujjatlarni musodara qilish, yashirish yoki yo‘qotish yo‘li bilan amalga oshirilsa, bunday jinoyat uchun 5 yildan 10 yilga qadar ozodlikdan mahrum qilish jazosi qo‘llaniladi. Oldingi tartibda bu jazo muddati 5 yildan 8 yilga qadar edi.

Shuningdek, agar jinoyat jabrlanuvchining o‘limi yoki og‘ir asoratlar bilan yakunlansa, jinoyatchi 10 yildan 15 yilga qadar ozodlikdan mahrum qilinishi mumkin. Avval bu holatlarda jazo 8 yildan 12 yilga qadar belgilangan edi.

Ushbu qonun kuchga kirishi e’lon qilingan kundan boshlab amal qiladi.

Yangi kashf qilingan, uy hajmidagi asteroid 21-may kuni Yerga juda yaqin, ammo mutlaqo xavfsiz tarzda yaqinlashadi. Bu haqda Space nashri xabar berdi.

U Yer bilan Oy orasidagi masofaning uchdan biriga teng bo‘lgan masofadan o‘tadi.

Unga ko‘ra, bu yaqinlashuv Toshkent vaqti bilan soat 22:30 da sodir bo‘ladi. Shu vaqtda «2025 KF» deb nomlangan asteroid Yerga atigi 71 700 mil (115 000 km) masofadan o‘tadi.

Yaqinlashuv chog‘ida asteroid Yerga nisbatan soatiga 25 880 mil (41 650 km/soat) tezlikda harakatlanadi. Uning trayektoriyasi Yerning janubiy qutb hududiga eng yaqin nuqtadan o‘tadi va so‘ngra Quyosh atrofidagi uzun, egri orbitasida harakatni davom ettiradi.

«2025 KF...

Jahon banki O‘zbekistonda irrigatsiya infratuzilmasini modernizatsiya qilishga qaratilgan loyihaga $200 mln imtiyozli kredit ajratishni ma’qulladi. Bu haqda bank rasmiy sahifasida ma’lum qildi.

Bundan tashqari, loyiha uchun O‘zbekiston hukumati ham qo‘shimcha $23,2 mln miqdorida mablag‘ ajratadi.

Loyiha Suv xo‘jaligi vazirligi tomonidan amalga oshiriladi. Qoraqalpog‘iston Respublikasi, Buxoro, Qashqadaryo, Namangan va Surxondaryo viloyatlari loyihaning asosiy hududlari sifatida belgilangan.

Loyiha doirasida quyidagi ishlar amalga oshiriladi:

Ford Motor kompaniyasi AQSHning Kentukki shtatidagi yirik akkumulyator zavodining bir qismini Nissan kompaniyasiga foydalanish uchun topshirmoqda. Bunga elektromobil (EV) bozoridagi past talab va yuqori ishlab chiqarish xarajatlari sabab bo‘lgan. Bu haqda The Wall street journal (WSJ) narxi xabar bermoqda.

2021-yilda Ford SK On kompaniyasi bilan hamkorlikda Kentukkida ikkita akkumulyator zavodi qurish uchun $7 mlrd sarmoya kiritgan edi. Biroq hozirda ulardan biri to‘liq ishlamayapti, ikkinchisi esa faqat qisman faoliyat yuritmoqda. Ford ushbu zavodning bo‘sh turgan quvvatlarini Nissan’ga ijaraga berib, u yerda Nissan uchun akkumulyatorlar ishlab chiqarishni rejalashtirmoqda.

Nissan uchun bu imkoniyat AQSHda ishlab chiqarishni mahalliylashtirish orqali import bojlari...

Xorazm viloyatida joylashgan «Deshon qal’a» tarixiy obidasi sayyohlik maskaniga aylantiriladi. Bu haqda Ekologiya vazirligi xabar berdi.

Loyiha doirasida Shixlar mahallasidagi 55 ta turar va noturar obyekt ko‘chiriladi. Ularning o‘rnida yashil maydonlar, bog‘lar barpo etiladi, obodonlashtirish va daraxt ekish ishlari olib boriladi.

Qal’a devori milliy me’morchilik uslubida tiklanib, atrofida 1,5-2 metrli yo‘laklar quriladi. Shuningdek, Shixlar va Angarik mahallalarida zamonaviy sayyohlik majmuasi tashkil etilishi rejalashtirilgan.

Avvalroq Kursiv Uzbekistan Xiva shahrida «Arda Xiva» xalqaro turizm markazi ochilgani haqida yozgandi.