Yangiliklar

Samarqand shahrida respublika miqyosida birinchi marta yarim yerosti chiqindi saqlash majmuasi foydalanishga topshirildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Qorasuv massividagi Obod maskan mahallasida o‘rnatilgan mazkur majmua ikki metr chuqurlikda joylashgan bo‘lib, har birida ikkitadan jami to‘rtta maxsus konteyner mavjud. Har bir konteynerning sig‘imi 550 litrni tashkil etadi va 1000 – 1500 nafar aholiga xizmat ko‘rsatadi. Bu tizim chiqindilarning atrofga sochilib ketishi hamda issiq havoda noxush hidlarning oldini olishga yordam beradi.

Agentlik xabariga ko‘ra, kelgusida Samarqandda yana beshta shunday yerosti majmuasini qurish rejalashtirilgan.

Bundan avval O‘zbekistonda shina va batareyalarga ekosbor joriy etilishi mumkinligi haqida...

Xitoylik BYD kompaniyasi tomonidan BYD Qin Plus Progressive gibrid modelining yangi versiyalarini taqdim etdi. U 79,8 ming yuan ($11 ming) narx bilan sotuvga chiqdi. Bu haqda ITHome nashri xabar bermoqda.

Model ikkita turda taqdim etilgan: gibrid va to‘liq elektr. Elektrli versiyaning masofasi 420 yoki 510 km bo‘lib, batareya hajmiga qarab farqlanadi. Gibrid esa bitta benzin baki bilan 2055 km yo‘l bosadi. Shu bilan birga, faqat elektr rejimida 128 km yurish imkoniyati bor.

BYD Qin Plus Progressive gibridining o‘rtacha yonilg‘i sarfi atigi 2,69 litrni tashkil etadi. Model 136 ot kuchiga ega elektromotor bilan jihozlangan. Gibrid versiyaning o‘lchamlari 4780 x...

Qozog‘istonda 25-sentabr kuni kechga borib shamol kuchaygani kuzatildi. «O‘zgidromet» ushbu tabiat hodisasini O‘zbekistonga ta’siri bo‘yicha izoh berdi.

Unga ko‘ra, Qizil-O‘rda viloyatida soat 17:00 da shamol tezligi 15–20 m/s gacha yetgan, ko‘rish masofasi esa 10 km ni tashkil etgan.

Prognozlarga ko‘ra, 25-sentabr soat 23:00 da shamol tezligi 10–12 m/s, 26-sentabr tonggi 02:00 da esa 7–10 m/s bo‘lishi kutilmoqda.

Mutaxassislar ma’lumotiga ko‘ra, Qozog‘iston ustidagi havo massalari Toshkentga ta’sir ko‘rsatmaydi. Biroq ertaga, 26-sentabr kuni poytaxtda shamol tezligi 3–8 m/s, ba’zan 10–12 m/s gacha kuchayishi mumkin. Ayrim hududlarda chang-to‘zonlar ham kuzatilishi ehtimoli bor.

Avvalroq Kursiv Uzbekistan 26-sentabr kuni qanday ob-havo kuzatilishi haqida...

Qozog‘iston prezidenti farmoniga muvofiq, Yermek Kosherbayev mamlakat tashqi ishlar vaziri (TIV) lavozimiga tayinlandi va avvalgi lavozimidan ozod etildi. Bu haqda To‘qayev matbuot xizmati xabar berdi.

Bungacha TIV rahbari lavozimida ishlab kelgan Murat Nurtleu lavozimidan ozod etilib, Prezidentning xalqaro investitsiyalar va savdo hamkorligi bo‘yicha yordamchisi etib tayinlandi.

Avvalroq Qozog‘istonda tashqi ishlar vaziri, sobiq Milliy xavfsizlik qo‘mitasi (KNB) mulozimi Murat Nurtleu va hibsga olingani haqida xabarlar tarqalgandi.

Orda.kz’ning yozishicha, ularning uylarida tintuv o‘tkazilgan, shuningdek, bir nechta yuqori lavozimli lavozimli xodimlar ham qo‘lga olingan. Rasmiy vakillar esa tarqalgan ushbu xabarlarni inkor etgan edi.

Amazon Prime obunasida mijozlarni chalg‘itgani uchun Federal savdo komissiyasi (FTC) tomonidan katta jarimaga tortildi. Bu haqda Reuters agentligi ma’lum qildi.

Unga ko‘ra, kompaniya jami $2,5 mlrd tovon to‘laydi. Undan $1,5 mlrd qismi Prime obunachilariga qaytariladi, $1 mlrd esa jarima sifatida FTCga beriladi.

Sud hujjatlariga muvofiq, 2019–2025-yillar oralig‘ida Prime xizmatiga yozilib, undan deyarli foydalanmagan mijozlarga avtomatik tarzda $51 dan to‘lab beriladi. Shuningdek, obunani bekor qila olmagan foydalanuvchilar ham kompensatsiya olishlari mumkin.

Amazon obuna shartlarini aniqroq ko‘rsatish, «obuna bo‘lmaslik» tugmasini qo‘shish va bekor qilish jarayonini soddalashtirishga rozi bo‘ldi. Kompaniya bu kelishuv unga mijozlarga ko‘proq e’tibor qaratishga imkon berishini ta’kidladi.

Tahlillarga ko‘ra...

Oppo kompaniyasi tomonidan Oppo A6 Pro 5G va Oppo A6 Pro 4G smartfonlari taqdim etildi. Bu haqda Gizmochina xabar bermoqda.

Smartfonlarning 5G versiyasi MediaTek Dimensity 7300 platformasida, 4G esa MediaTek Helio G100 asosida ishlaydi. Har ikkala model AMOLED displeyga ega bo‘lib, uning diagonali 6,57 dyuym, tasvir aniqligi Full HD+, yangilanish tezligi 120 Hz, yorqinligi esa 1400 nitga yetadi. Qurilmalar ostida barmoq izi skaneri mavjud.

Smartfonlar 7000 mA/soat sig‘imli katta batareya va 80 Vt tezkor quvvatlash funksiyasi bilan jihozlangan. Bu ko‘rsatkich arzon segmentdagi qurilmalar uchun sezilarli afzallik hisoblanadi.

Asosiy kamera ikkita moduldan iborat: 50 MP asosiy va 2 MP mono...

Ijtimoiy tarmoqlarda yaqinda turmushga berilgan 15 yoshli maktab o‘quvchisining otasi Abdumalik Hasanovning murojaati tarqaldi. Uning aytishicha, unga qizining to‘yi haqida hech kim xabar bermagan. U bu qarorni qaynonasi qabul qilganini ta’kidlagan.

Hasanovning so‘zlariga ko‘ra, bir necha yil avval uning rafiqasi kasallikni bahona qilib Rossiyaga ketgan va qizini onasining (qaynonasining) qaroviga qoldirgan. Keyinchalik buvi uning ikki o‘g‘lini ham olib ketgan. Hasanovning o‘zi esa bolalarini ko‘rish imkonidan mahrum bo‘lgan. Ularni ko‘rishga uringanida 15 sutkaga hibsga olinganini aytmoqda.

«Men bunga aslo ruxsat bermasdim va to‘yni to‘xtatish uchun hamma chorani ko‘rgan bo‘lardim. Men uning otasiman – ular qanday huquq...

Shu yilning 25-sentabridan Azimut aviakompaniyasi Krasnodar — Samarqand yo‘nalishi bo‘yicha muntazam parvozlarni boshladi. Bu haqda «Kuban-Inform» nashri xabar berdi.

Krasnodar aeroporti matbuot xizmati xabariga ko‘ra, reyslar haftasiga ikki marta — dushanba va payshanba kunlari amalga oshiriladi.

Yo‘lovchilar 100 o‘rinli SSJ-100 samolyotlarida tashiladi. Krasnodardan uchish soat 16:40 da, Samarqandga esa mahalliy vaqt bilan 22:05 da yetib keladi. Parvoz davomiyligi — 3 soat 25 daqiqa.

Avvalroq Kursiv Uzbekistan «UzCargo» Buyuk Britaniyaga yuk jo‘natish huquqini tasdiqlagani haqida yozgandi.

Banklar 26-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.   

Chery kompaniyasi Fulwin T11 avtomobili uchun buyurtmalar qabul qilishni boshladi. Bu haqda Autohome nashri xabar bermoqda.

Yangi Fulwin T11 tashqi ko‘rinishda Range Rover’ni eslatadi. Avtomobilning uzunligi 5150 mm, eni 1995 mm, balandligi 1800 mm, g‘ildirak bazasi esa 3120 mm. Uning kuzoviga lidar o‘rnatilgan.

Mashina oltita o‘ringa ega bo‘lib, «2+2+2» tartibida joylashtirilgan. Ikkinchi qatorda alohida kreslolar qo‘yilgan. Ular isitish, ventilyatsiya va massaj funksiyalariga ega. Salon 30 dyuymli 6K displey bilan jihozlangan, shuningdek, AR-proyeksiya, 256 rangli yoritish va 23 dinamikli audio tizim mavjud. Orqa o‘rindagilar uchun 17,3 dyuymli ekran va 9,2 litrli mini-xolodilnik ham o‘rnatilgan.

Fulwin T11 1,5 litrli turbomotor va...

FIFA 2026 Jahon Chempionati uchun uch rasmiy ramz tanishtirildi. Ular Kanadani ifodalovchi Meypl — Shimol bug‘usi(Kanada ramzi), Zayu — Yaguar (Meksika ramzi), Klach— Kal burgut (AQSh ramzi) obrazlaridir.

Har bir ramz o‘z mamlakatining madaniyati, merosi va ruhini aks ettirib, birlik, xilma-xillik hamda futbolga bo‘lgan umumiy muhabbatni ifodalaydi.

FIFA prezidenti Janni Infantino yangi ramzlarni «quvonch, energiya va birlashtiruvchi ruh bilan to‘la» deb ta’rifladi. Uning so‘zlariga ko‘ra, bu uch ramz nafaqat Shimoliy Amerikada, balki butun dunyo bo‘ylab futbol muxlislarining qalbini zabt etib, bayramona kayfiyat ulashadi.

Ramzlarning yana bir yangiligi shundaki, ular ilk bor videoo‘yinlarda ham ishtirok etadi. 2026-yilda taqdim etiladigan FIFA...

Ijtimoiy tarmoqlarda tarqalayotgan «O‘zbekistonda super-kontrakt to‘liq bekor qilindi» degan xabar haqiqatga to‘g‘ri kelmaydi. Oliy ta’lim, fan va innovatsiyalar vazirligi bu borada rasmiy munosabat bildirdi.

Vazirlar Mahkamasining 2025-yil 13-sentyabrdagi 578-sonli qarori bilan 2017-yilgi 393-sonli qaror o‘z kuchini yo‘qotdi. Mazkur qarorga ko‘ra, avval 56,7 balldan past natija ko‘rsatgan abituriyentlarga 10 barobar oshirilgan to‘lov asosida o‘qishga kirish huquqi berilar edi. Endilikda ushbu tartib bekor qilindi.

Yangi tartibga ko‘ra, qabul chegarasiga yetmagan abituriyentlar uchun to‘lov-kontrakt miqdori tabaqalashtirilgan holda belgilanadi:

Ispaniya La Ligasi 6-turidan oʻrin olgan «Barselona» va «Real Oviyedo» oʻrtasidagi bahs boʻlib oʻtdi va unda kataloniyaliklar iroda ko‘rsatib, yakunda gʻalabani qoʻlga kiritdi.

Dastlab hisob 33-daqiqada Reyna tomonidan ochildi. 54-daqiqada esa Erik Garsiya muvozanatni tikladi.

70-daqiqada Levandovski mehmonlarni hisobda oldinga olib chiqqan boʻlsa, 86-daqiqada Arauxo uchrashuvga mantiqiy nuqta qoʻydi.

Shu tariqa «Barselona» ushbu gʻalabadan soʻng oʻz ochkolari hisobini 16 taga yetkazib oldi va turnir jadvalida ikkinchi oʻrinda bormoqda. «Real Oviyedo» esa 3 ochko bilan 18-o‘rinni band etgan.

La Liga. 6-tur

«Real Oviyedo» — «Barselona» 1:3

Gollar: Reyna (33) — Erik Garsiya (54), Levandovski (70), Arauxo (86).

Real Oviyedo — Eskandel...

Yevropa ligasi 1-turidan oʻrin olgan bir qator bahslar boʻlib oʻtdi.

Jumladan, oʻz maydonida «Bolonya»ni qabul qilgan «Aston Villa» minimal hisobda gʻalaba qozondi. Uchrashuvdagi yagona gol 13-daqiqada Makginn tomonidan kiritildi.

Yevropa ligasi. 1-tur
«Aston Villa» — «Bolonya» 1:0
Gollar: Makginn (13).

Shuningdek, safarda «Zalsburg» mehmoni boʻlgan «Portu» ortga uch ochko bilan qaytadigan boʻldi. Portugaliyaliklar uchrashuvning soʻnggi daqiqalarida Gomes kiritgan gol evaziga zafar quchdi.

«Zalsburg» — «Portu» 0:1
Gollar: Gomes (90+4).

Bundan tashqari kun davomida quyidagi bellashuvlar boʻlib oʻtdi:

«Shturgart» — «Selta» 2:1
Gollar: Buanani (51), Al Hannus (68) — Iglesias (86).

«Utrext» — «Lion» 0:1
Gollar: Tessmann (75).

«Reynjers» — «Genk» 0:1
Gollar: Oh Hyon Gyu (55).

Saudiya Pro ligasi 4-turidan oʻrin olgan bahsda «Al Hilol» va «Al Ahdud» oʻzaro toʻqnash keldi va yakunda mezbonlar 3:1 hisobida gʻalaba qozondi.

Dastlab hisob 14-daqiqada Haled Narey tomonidan ochildi. 45-daqiqada esa Markos Leandro muvozanatni tikladi.

45+4-daqiqada Teo Ernandes riyodliklarni hisobda oldinga olib chiqqan boʻlsa, 79-daqiqada Leandro dublni rasmiylashtirdi.

Shu tariqa «Al Hilol» ushbu gʻalabadan soʻng oʻz ochkolari hisobini 8 taga yetkazib, turnir jadvalida 4-o‘ringa koʻtarilib oldi. «Al Ahdud»da esa hali ochko yoʻq va jamoa soʻnggi oʻrinda bormoqda.

Saudiya Pro ligasi. 4-tur

«Al Hilol» — «Al Ahdud» 3:1

Gollar: Leonardo (45, 79), Teo (45+4) — Narey (14).

Al Hilol — Bunu...

Oʻzbekiston kubogi yarim finalidan oʻrin olgan uchrashuvlar boʻlib oʻtdi.

Dastlab «Buxoro» oʻz maydonida «So‘g‘diyona»ni qabul qildi va yakunda 3:2 hisobida gʻalaba qozonib, oʻz tarixida ilk bor kubok finaliga yoʻllanma oldi.

Dastlab hisob 16-daqiqada Dominik Begich tomonidan ochildi. 28-daqiqada Frane Ikich ustunlikni mustahkamladi.

«So‘g‘diyona» ikkinchi boʻlimda biroz jonlandi va hujumlarni ko‘paytirdi. Bu esa 72-daqiqaga kelib oʻz samarasini berdi. Jasur Jaloliddinov ajoyib zarbasi bilan hisobni qisqartirdi.

Ikkinchi boʻlimga qoʻshib berilgan daqiqalarda, aniqrogʻi 90+1-daqiqada Filip Ivanovich chap qanotdan uzatilgan toʻpni boshi bilan darvozaga joylab qoʻydi va hisobni tenglashtirdi.

Asosiy vaqt durang natija bilan yakunlangach jamoalar qo’shimcha boʻlimlarga murojaat qilishdi. Ekstra-taymlarda esa «Buxoro» gʻalabani...

Surxondaryoda 15 yoshli qizni turmushga berish holati yuzasidan jinoyat ishi qo‘zg‘atildi

Surxondaryo viloyatining Denov tumanida voyaga yetmagan qizni turmushga berish holati yuzasidan jinoyat ishi ochildi.

Aniqlanishicha, 2009-yilda tug‘ilgan qizni uning buvisi, 1958-yilda tug‘ilgan ayol, tumanda yashovchi 1997-yilda tug‘ilgan erkakka turmushga berish marosimini tashkil qilgan. Voyaga yetmaganligi sababli nikoh qonuniy tartibda qayd etilmagan bo‘lsa-da, 1950-yilda tug‘ilgan shaxs moddiy manfaat evaziga ularga shar’iy nikoh o‘tkazib bergan.

Dunyoda kriptomillionerlar soni 40 foizga oshdi

2024-yilda kriptovalyuta egalari orasida millionerlarga aylanganlar soni keskin ko‘paydi. Henley&Partners va New World Wealth hisobotiga ko‘ra, dunyoda kriptomillionerlar soni 241 ming nafarga yetdi, bu o‘tgan yilga nisbatan 40 foiz...

26-sentabr kuni O‘zbekiston hududida havo kechasi o‘rtacha 10–17 daraja iliq, kunduzi esa 24–30 daraja atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Germaniyalik mudofaa startapi Helsing «CA-1 Europa» nomli avtonom jangovar dronni tanishtirdi. Bu haqda Reuters agentligi ma’lum qildi.

To‘rt tonnalik ushbu qurilma 2027-yilda ilk parvozni amalga oshirishi va to‘rt yil ichida harbiy operatsiyalar uchun foydalanishga topshirilishi rejalashtirilgan.

Yangi dron sun’iy intellekt yordamida mustaqil ishlashi, boshqa pilotsiz qurilmalar bilan klaster bo‘lib harakat qilishi yoki jangovar samolyotlarga «wingman» sifatida qo‘shilishi mumkin. Bu texnologiya an’anaviy samolyotlarga qaraganda arzon va xavfli sharoitlarda qo‘llashga qulay hisoblanadi.

Helsing yuz millionlab yevrolik sarmoya kiritishni rejalashtirmoqda va loyihada boshqa Yevropa kompaniyalari bilan hamkorlik qiladi. Kompaniya dronning aniq narxi yoki qanday qurollar bilan jihozlanishini hozircha ochiqlamadi. Mazkur loyiha AQSh...

AQSh prezidenti Donald Tramp bu yilgi Nobel tinchlik mukofotini qo‘lga kiritishi kutilmayapti. Mutaxassislarning fikricha, u xalqaro tartibni buzuvchi qarorlari va ziddiyatli siyosati bilan mukofot mezonlariga zid harakat qilmoqda, deya xabar berdi Reuters.

Trampning Isroilni urushda qo‘llab-quvvatlashi, Rossiya prezidenti Vladimir Putin bilan yaqinlashishga urinishlari ham uning imkoniyatlarini yanada kamaytirgan. Shu bois ekspertlar «Trampning Nobel mukofotiga hech qanday imkoni yo‘q» deb hisoblamoqda.

Nobel qo‘mitasi odatda mustaqil qaror qabul qilishni afzal ko‘radi. Lobbi yuritish esa, qo‘mita a’zolarining fikricha, salbiy ta’sir ko‘rsatadi. Tramp esa prezidentlik davrida bir necha bor ochiqchasiga o‘zini mukofotga loyiq deb e’lon qilgan.

Bu yilgi mukofot g’oliblari 10-oktabr kuni e’lon...

Migratsiya agentligi, Germaniya Federal bandlik agentligi va Hunarmandlar uyushmasi hamkorligida «Germaniyada iqlim biznesi uchun kelajak iste’dodlari» loyihasining uchinchi bosqichi boshlandi. Bu haqda Migratsiya agentligi ma’lum qildi.

Loyiha doirasida Germaniya bo‘ylab 50 ta ish o‘rni taqdim etiladi. Tanlov jarayonida 100 nafar mutaxassis suhbat va test asosida saralab olinadi. Tanlovni Germaniya Federal bandlik agentligi tashkil qiladi.

Nomzodlarga oyiga 2050 yevrodan boshlanadigan maosh taklif etiladi. Ish haftasiga 5 kun, kuniga 8 soatdan uch smenali jadvalda olib boriladi. Sinov muddati 3 oy etib belgilangan.

Turar joy Germaniya standartlariga mos ravishda taqdim etiladi va oyiga 300–500 yevro atrofida to‘lanadi. Ovqatlanish esa nomzod hisobidan bo‘ladi...

Xitoyda Changan CS55 Plus’ning to‘rtinchi avlodi rasmiy savdosi boshlandi. Bu haqda ITHome nashri ma’lum qildi.

Krossover 190 ot kuchiga ega 1,5 litrli Blue Whale turbodvigatel bilan jihozlangan bo‘lib, bitta to‘ldirishda 1000 km gacha yo‘l bosishi mumkin.

Modelning narxi 78,9 ming yuandan ($11 ming atrofida) boshlanib, 96,9 ming yuangacha yetadi (taxminan $13,5 ming). Avtomobil o‘lchamlari avvalgi avloddan kattaroq — uzunligi 4550 mm, g‘ildirak bazasi esa 2656 mm.

Salonida 10,25 va 14,6 dyuymli displeylar, ergonomik o‘rindiqlar hamda old yo‘lovchi uchun ventilyatsiya, isitish va massaj funksiyali maxsus kreslo o‘rnatilgan. Yuqori komplektatsiyada esa haydovchiga yordam beruvchi Tianshu tizimi mavjud.

Eslatib o‘tamiz, sal avvalroq...

«Uzbekistan Airports» tarkibidagi yuk operatori «UzCargo» xalqaro RA3 (Regulated Agent Third Country) maqomini muvaffaqiyatli qayta tasdiqladi. Bu kompaniyaga Buyuk Britaniyaga yuk va pochta jo‘natmalarini tayyorlash huquqini beradi.

Mazkur maqom mustaqil Yevropa Ittifoqi yoki Buyuk Britaniya auditorlari tomonidan o‘tkazilgan tekshiruvdan so‘ng beriladi. Yangi manzilga ko‘chirilgan «UzCargo» terminali joriy yilda qayta akkreditatsiyadan o‘tdi.

Kompaniya vakillarining ta’kidlashicha, bu O‘zbekistonning xalqaro yuk tashish logistikasi xaritasida o‘rnini mustahkamlab, to‘g‘ridan-to‘g‘ri Buyuk Britaniyaga eksport va tranzit imkoniyatlarini kengaytiradi.

«RA3» maqomi «UzCargo»ni Markaziy Osiyoda aviakompaniyalar uchun ishonchli hamkor sifatida yanada mustahkamlaydi.

Eslatib o‘tamiz, avvalroq O‘zbekiston va Gonkong o‘rtasida to‘g‘ridan to‘g‘ri aviqatnovlar yo‘lga qo‘yilishi haqida yozgan edik.

Toshkentning Yakkasaroy tumanida joylashgan Xalq banki ofisi yana savdoga qo‘yildi. Bu haqda E-auksion platformasida e’lon joylandi.

Shota Rustaveli ko‘chasi va Janubiy vokzal yaqinida joylashgan uch qavatli bino 23 sotix hududni egallagan. Uning umumiy maydoni 2061 kvadrat metrni, xo‘jalik qismi esa 1644 kvadrat metrni tashkil etadi. Elektr, suv va kanalizatsiya tizimlari mavjud bo‘lsa-da, gaz tarmog‘i ulanmagan.

Obyektning boshlang‘ich bahosi 27,64 mlrd so‘m qilib belgilangan. Auksion 24-oktabr kuni ertalab o‘tkazilishi rejalashtirilgan, arizalar esa soat 9:00 gacha qabul qilinadi.

Bank boshqaruvi qaroriga ko‘ra, savdoda g‘olib chiqqan ishtirokchi bilan shartnoma tuzilganidan keyin uch oy muddatda bino bo‘shatiladi.

Eslatib o‘tamiz, avvalroq Toshkent shahri Olmazor...