12-yanvar kuni O‘zbekiston valyuta birjasida dollarning qiymati 14,12 so‘mga pasaydi. Bugun uning kursi 12 401,88 so‘mni tashkil qildi.
Respublika banklari AQSh valyutasini 12 355 – 12 400 so‘mdan xarid qilishmoqda va 12 420 – 12 480 so‘mdan sotishmoqda.
Eslatib o‘tamiz, 11-yanvar kuni dollarning qiymati 2,03 so‘mga pasaygan edi.
Ekologiya, atrof-muhitni muhofaza qilish va iqlim oʻzgarishi vazirligi Toshkentda havo sifatini yaxshilash uchun «Yevro-4» toifasidan past boʻlgan AI-80 rusumli benzindan foydalanish hamda 2010-yilgacha ishlab chiqarilgan barcha toifadagi mashinalar harakatini taqiqlashni taklif qildi.
Bundan tashqari, vazirlik tomonidan poytaxtda kunning tigʻiz vaqtlarida yuk mashinalari harakatini cheklash taklifini ham ilgari surilgan. Bu tirbandliklar hosil boʻlishi ehtimolini kamaytirishi va yoʻllardagi xavfsizlikni taʼminlashga yordam berishi aytilmoqda.
Vazirlik shuningdek, shaharning markaziy koʻchalarida mashinalardan xoli hududlar, poytaxt atrofida esa chang zarralariga qarshi kurashish uchun «yashil» belbogʻ barpo etishni taklif qilgan.
Avvalroq, «Kursiv» 11-yanvar kuni Toshkent havosidagi zararli zarralar miqdori meʼyoriy koʻrsatkichdan 17 barobarga oshgani haqida...
Yangi yildan keyin O‘zbekistonda olma narxi 20%ga, mandarin esa 13%ga oshdi, deb xabar beradi EastFruit.
«Golden Delicious» navli olma eng tez qimmatlashdi – bir hafta ichida 40% ga. Taqqoslash uchun: eng arzon olma navlari 10 ming so‘mdan (0,81 dollar), «Golden» navli olma esa bir kg 14 ming so‘mdan (1,14 dollar) sotilmoqda.
Mandarinlar narxi oshganiga qaramay, ulgurji narx nisbatan pastligicha qolmoqda – 1 kg uchun 9 ming so‘m (0,73 dollar).
Biroq bayramlar oldidan O‘zbekistonda mandarin narxi 20%ga arzonlashdi. Bundan tashqari, o‘tgan yilning 20-oktabridan 15-dekabriga qadar O‘zbekistonda ushbu mevaning o‘rtacha tannarxi 3,5 barobardan ziyod arzonlashgan.
Avvalroq, «Kursiv» O‘zbekistonda Kabarda-Balkaryadan olmalar...
Toshkentdan Dehli tomon uchgan UzAirways samolyoti aeroportga qoʻna olmagani tufayli ortga qaytishga majbur boʻldi.
Ekipaj Dehli aeroportidagi quyuq tuman sabab hududga qoʻna olmagan va Toshkentga qaytishga qaror qilgan.
«FlightRadar24» maʼlumotlariga koʻra, havo kemasi 3 soatlik parvozdan keyin qoʻnishga harakat qilgancha 1 soat mobaynida Dehli shahri ustida aylangan. Urinishlar muvaffaqiyatsiz kechganidan soʻng samolyot ortiga burilib, Toshkent tomon parvoz qilgan.
Avvalroq, Buxoroda chang boʻroni aeroportning ish faoliyatidagi cheklovlarga sabab boʻlgani, buning natijasida ikkita reys Samarqand va Navoiydagi qoʻshimcha aerodromlarga yoʻnaltirilgani haqida xabar berilgan edi.
Makroiqtisodiy va hududiy tadqiqotlar instituti (MHTI) mutaxassislari jamoaviy ish omili ishchilarning ish haqiga qanday ta’sir qilishini aniqlash uchun tadqiqot o‘tkazdilar.
Tahlil qilish uchun MHTI’ning mutaxassislari 2356 nafar respondentdan test o‘tkazishdi. «Jamoaviy ishlash qobiliyatlarini baholash so‘rovnomasi» natijalari asosida modeldan foydalanildi.
Mutaxassislarning fikricha, har bir qo‘shimcha yillik tajriba ish haqining 1,8%ga oshishiga olib kelishi mumkin.
Jamoaviy ish ko’rsatkichi jamoa faoliyati bilan bog’liq 9 ta savol asosida aniqlandi. Tadqiqot shuni ko‘rsatdiki, jamoaviy ish indeksining 1 ballga oshishi ish haqining 0,9%ga oshishiga olib kelishi mumkin. Model natijalarining aniqligini oshirish uchun multikollinearlik va heteroskedastlik testlari qo‘llanildi.
Avvalroq, «Kursiv» Qaysi sohada oylik maoshi yaxshi...
Janubiy Koreya parlamenti 9-yanvar kuni Koreya aerokosmik boshqarmasi (KASA) ni tashkil etish toʻgʻrisida qonun qabul qildi, deb xabar bermoqda «The Korea Times» nashri.
Fan va axborot texnologiyalari vazirligi tasarrufidagi yangi tashkilot oʻz faoliyatini may oyidan boshlaydi.
«KASAning tashkil etilishi aerokosmik sanoatni faollashtirish hisobiga mamlakatni kosmik derjavaga aylantirish yoʻlidagi yirik qadam boʻladi, bu esa Koreyaning turgʻun holatdagi iqtisodiyoti uchun rivojlanishning yangi dvigateli vazifasini oʻtaydi», – dedi Fan va axborot texnologiyalari vaziri Li Chon Xo.
Uning taʼkidlashicha, Seul 2032-yilda Oyga qoʻnish, 2045-yilda esa Mars sayyorasini oʻrganishni rejalashtiryapti. Bundan tashqari, KASA Janubiy Koreyaning aerokosmik bozordagi ishtirokini oshirish uchun xizmat qiladi.
Eslatib oʻtamiz...
Toshkent shahrida sintetik giyohvandlik moddalarini ishlab chiqarish bilan shugʻullangan yashirin narkolaboratoriya faoliyatiga chek qoʻyildi. Bu haqida DXX matbuot xizmati maʼlum qildi.
Aniqlanishicha, 1986 va 1988-yillarda tugʻilgan ikki nafar shaxs logistika faoliyati bilan shugʻullanish niqobi ostida Shayxontohur tumanida sintetik giyohvandlik moddalarini ishlab chiqarish bilan shugʻullanishgan.
Binoni koʻzdan kechirish vaqtida bu yerdan 56 ta oʻramda salkam 26 kg «Mefedron» giyohvandlik moddasi, 400 kg xomashyo topilgan.
Tekshiruv ishlari davomida giyohvandlik moddalarini tayyorlashda ishlatiladigan asbob-uskunalar xorijdan keltirilgani, «tayyor mahsulot» internet orqali sotilgani aniqlangan.
Narkolaboratoriyadan topilgan xomashyo 80 ming «doza»ga yetishi, qora bozordagi narxi 900 ming dollarga teng ekani va undan 50 kg giyohvand...
Toshkentning Yunusobod tumanida Binkat va Rixsiliy ko‘chalari to‘sib qo‘yildi, deb xabar berdi poytaxt hokimligi.
Bunga drenaj va kanalizatsiya tizimlarini modernizatsiya qilish ishlari sabab bo’ldi, dedi hokimlik.
«Shu ishlar doirasida, poytaxtimizning Binkat ko’chasi to’liq, Rixsiliy ko’chasi 2024-yil 12-yanvar soat 10:00 dan 14-yanvar 21:00 gacha qisman yopildi», — deyiladi shahar hokimiyati xabarida.
Ta’mirlash ishlari davomida avtotransport vositalari harakati Rixsiliy ko’chasining bir tomonida amalga oshiriladi.
Avvalroq, «Kursiv» Toshkentning ikki tumanida elektr tarmog‘idagi ta’mirlash ishlari tufayli elektr energiyasi o‘chirilgani haqida yozgan edi.
O‘zbekistonda qayta tiklanadigan energiya manbalari (QTEM) importi uchun bojxona to‘lovlarini kechiktirib to‘lash tartibi joriy etiladi. Bu haqda mamlakat hukumati qarori qabul qilingan.
Imtiyozlar qayta tiklanadigan energiya manbalarini import qilishda qo’llaniladi: asbob-uskunalar, xomashyo, butlovchi va ehtiyot qismlarini import qilishda bojxona to‘lovlarini 120 kun muddatga foizlar undirilmagan holda kechiktirib to‘lashga ruxsat beriladi.
QTEM uch yildan ortiq import qilib kelayotgan va bojxona to‘lovi majburiyatlarini o‘z vaqtida bajarayotganlar uchun bu muddat olti oygacha oshiriladi.
1-martdan boshlab texnik hujjatlari yoki yorlig‘ida «A», «B», «C» va «D» klasslari to‘g‘risidagi ma’lumotlar bo‘lmagan quyosh batareyalarini xorijdan olib kirish taqiqlanadi. Ushbu klasslar uskunaning sifatini aks ettiradi.
Endi quyosh...
Toshkent shahrida noma’lum shaxslar bank kartasidan 460 mln so‘m pulni o‘g‘irlab ketishdi, deb xabar berdi O‘zR IIV matbuot xizmati.
Maʼlum boʻlishicha, jinoyatchimar shaxsiy ma’lumotlarni bilib, mobil ilova orqali pul oʻtkazgan.
Mazkur holat yuzasidan O‘zR Jinoyat kodeksining 169-moddasi (O‘g‘irlik) bilan jinoyat ishi qo‘zg‘atilgan. Ular uch yilgacha ozodlikdan mahrum etilishi mumkin. Shuningdek, qo‘lga olinganlarning boshqa o‘g‘irliklarda ishtirok etgan-bo‘lmagani ham tekshirilmoqda. Markaziy Ichki ishlar boshqarmasining qoʻshimcha qilishicha, gumonlanuvchilarning harakatlaridan jabrlanganlar 71 206 49 44 telefon raqamiga murojaat qilishlari mumkin.
Avvalroq, «Kursiv» kiberfiribgarlik qurboniga aylangan odamlar bank kartalaridan o‘g‘irlangan mablag‘larni qaytarishga muvaffaq bo‘lganini yozgan edi. Bu haqda «Universalbank» kuzatuv kengashi raisi Anvar...
Dunyodagi eng qimmat kompaniyalar reytingida koʻp yillardan buyon birinchilikni boshqalarga bermay kelayotgan texnologik gigant – «Apple» kompaniyasi yetakchiligi xavf ostida. «Microsoft» kompaniyasi reytingning eng yuqori oʻrniga tobora yaqin kelmoqda. Kompaniya oʻtgan haftaning yakshanba kuni «Apple»ni qisqa vaqtga ortda qoldirdi, ammo kechga yaqin vaziyat avvalgi holiga qaytdi, deb xabar bermoqda «SkyNews».
«Apple» kompaniyasi aksiyalari qiymati Nyu-York fon birjasida 1 foizga tushgan. Aynan shu vaqtda «Microsoft» kompaniyasi narxi 2,87 trillion dollargacha koʻtarilgan. Bu esa «Microsoft»ga azaliy raqibidan oʻzib ketishga imkon berdi. Biroq kun soʻngida «Apple» yetakchilikni raqibidan qaytarib olgan.
Maʼlumotlarga koʻra, «Microsoft» bunday natijaga sunʼiy intellekt (SI) ni rivojlantirish uchun tikilgan...
Mirzo Ulug‘bek tuman sudi «Hello Tashkent» va «Salom Tashkent» Telegram kanallari administratorlariga hukm chiqardi. Ayblanuvchilar qator jinoyatlar, jumladan, pornografiya tarqatish uchun ozodlikdan mahrum etildi, dedi O‘zbekiston Oliy sudi jamoatchilik bilan aloqalar markazi rahbari Aziz Abidov.
«E’lon qilingan sud hukmiga muvofiq guruh aʼzolariga 3 yildan 7 yilgacha muddatga ozodlikdan mahrum qilish jazosi tayinlandi», — deyiladi xabarda.
Belgilangan Telegram kanallari bloklanadi.
Kanal administratorlariga nisbatan O’zR Jinoyat kodeksining bir qator moddalari bilan ish ko’rib chiqildi: 130-modda (Pornografik mahsulotni tayyorlash, olib kirish, tarqatish, reklama qilish, namoyish etish) 2-qismi «b» bandi, 139-moddasi (Tuhmat) 3-qismi «a», ”g” bandlari, 140-moddasi (Haqorat qilish) 2-qismi, 141-3-moddasi (Shaxsning shaʼnini...
2023-yilda O‘zbekiston hududiy yo‘nalishlari bo‘ylab tezyurar konteyner poyezdlarida 201 ta yuk tashish amalga oshirildi. Bu o‘tgan yilga nisbatan 101 taga ko‘p, deb xabar berdi «Temiryulargo».
Respublikada jami 7,5 ming konteyner yordamida 177 ming tonnadan ortiq turli yuklar tashildi.
«Temiryulargo» Toshkentdan Jizzax, Samarqand va Buxoroga yuk tashish hajmini ham oshirishni rejalashtirgan.
Avvalroq, «Kursiv» 2023-yilga borib O‘zbekiston-Yevropa yo‘nalishi bo‘yicha yuk tranziti hajmi 71 foizga oshishi haqida yozgan edi.
O‘zbekiston Markaziy banki tomonidan Toshkent shahridagi Yevroosiyo banki aksiyadorlik jamiyatiga bank faoliyatini amalga oshirish huquqini beruvchi litsenziya berildi.
Bunday qaror Markaziy bank boshqaruvi tomonidan qabul qilingan bo‘lib, bankga mamlakat moliya bozorida operatsiyalarni amalga oshirish imkonini beradi.
Qozog‘iston Yevroosiyo banki O‘zbekiston Markaziy bankiga respublika hududida sho‘ba korxonasini ochishga dastlabki ruxsatnoma olish uchun 2022-yil dekabr oyida ariza topshirgan edi. Moliya instituti boshqaruvi raisi Lyazzat Satieva aytishicha, O‘zbekistonda iqtisodiy o‘sish va talabning ortishi bilan chakana kreditlashda kuchli raqobat mavjud. Yevroosiyo banki bozor ehtiyojlarini qondirish maqsadida raqamli bank mahsulotlarini ishlab chiqishda faol ishtirok etishga intiladi.
Yevroosiyo banki O‘zbekistonning 36-banki va...
Sirdaryo viloyatida joylashgan metan gaz quyish shoxobchasida 62,4 milliard soʻm (oʻrtacha $5 million) lik tabiiy gaz oʻmarilgani maʼlum boʻldi. Bu haqida Energetika vazirligi xabar berdi.
Holat Boyovut tumanida qayd etilgan boʻlib, shoxobchaga tortilgan gaz quvuri koʻzdan kechirilganda gaz qudugʻiga oʻzboshimchalik bilan rezina shlang ulangani, yoqilgʻi isteʼmolchilarga mana shu yerdan yetkazib berilgani aniqlangan.
Tekshiruv davomida toʻplangan hujjatlar aybdorlarni javobgarlikka tortish uchun huquqni muhofaza qilish organlariga topshirilgan.
Avvalroq, «Kursiv» Qoʻqonda joylashgan qonuniy mayning fermasida qariyb 1 milliard soʻmlik elektr energiyasi oʻgʻirlangani haqida yozgandi.
Uranning jahon narxlari o‘tgan yil davomida ikki baravar oshdi va o‘sishda davom etmoqda, deb yozadi «Kommersant».
Shunday qilib, uran oksidining narxi hozirda bir funt uchun 94,4 dollarni tashkil etadi. Bu ko‘plab davlatlar yadroviy loyihalarni faol rivojlantirayotgan 2007-yildan beri eng yuqori ko‘rsatkichdir.
Metall narxining oshishi sabablari orasida: Rossiya atom sanoatiga qarshi mumkin bo’lgan sanksiyalar, Nigerda uran qazib olishni to’xtatish va investitsiya fondlari faolligini oshirish.
Uran yadro yoqilg’isini ishlab chiqarishda qo’llaniladi va atom elektr stansiyalari operatorlari tomonidan sotib olinadi.
Avvalroq, «Kursiv» AQSh Rossiyadan uran importini taqiqlashni rejalashtirmoqda, deb xabar bergan edi.
Oʻzbekistonda 2023-yilning yanvar-noyabr oylarida yoʻl-transport hodisalari oqibatida 2 ming kishi halok boʻldi, 8 ming kishi jarohatlandi.
Statistik maʼlumotlar Senatning Mudofaa va xavfsizlik masalalari boʻyicha qoʻmitasi yigʻilishi vaqtida eʼlon qilindi. Qayd etilishicha, mamlakatda oʻtgan yilning 11 oyida 8,6 mingta YTH sodir etilgan.
Eslatib oʻtamiz, 2023-yilning 7 oyi ichida respublikada 4,7 mingta avtohalokat qayd etilgan, ular 1,1 ming kishi oʻlimiga sabab boʻlgandi. Yoʻl-transport hodisalari oqibatida 4,5 ming kishi jarohatlangan.
Avvalroq, «Kursiv» Oʻzbekiston yoʻllariga oʻrnatilgan videokameralar xavfsizlik kamarini taqmagan haydovchilarni ham qayd eta boshlagani haqida yozgandi.
AQSH va Buyuk Britaniya Yamandagi husiylarning pozitsiyalariga zarba berdi, deb xabar bermoqda Reuters.
Avvalroq, Yaman husiylari Qizil dengizdagi kemalarni bir necha bor o‘qqa tutgan edi.
«Bizning maqsadli zarbalarimiz Qo‘shma Shtatlar va hamkorlar hujumlarga toqat qilmasliklari yoki dushman tomonlarning navigatsiya erkinligini buzishiga yo‘l qo‘ymasliklari haqida aniq signal beradi», — agentlik AQSh prezidenti Jo Baydenning so‘zlarini keltiradi. Uning qo‘shimcha qilishicha, agar kerak bo‘lsa, qo‘shimcha choralar ko‘riladi.
Husiylar orasida bu hodisani «Amerika-sionist-Britaniyaning tajovuzkorligi» deb atashdi.
Avvalroq, «Kursiv» hutiy hujumlari jahon dengiz savdosining deyarli 20%ini to‘xtatgan,deb xabar bergan edi. Vaziyat jahon neft narxiga ta’sir qildi.
«Amerika Tayvandagi saylovlarga aralashishni bas qilishi kerak, chunki oroldagi saylov jarayoni Xitoyning ichki ishi hisoblanadi» – dedi XXR Tashqi ishlar vaziriligining rasmiy vakili Mao Nin. Bu haqida «Sinxua» agentligi xabar berdi.
Maoning aniqlik kiritishicha, AQSH saylov jarayoniga hech qanday shaklda aralashmasligi shart. Rasmiy vakil AQShni ikki mamlakat oʻrtasidagi munosabatlarga, shuningdek Tayvan boʻgʻozining ikki tomonidagi tinchlikka putur yetkazadigan har qanday harakatdan tiyilishga chaqirdi.
Siyosatchi AQSH saylov jarayoniga aralashgan taqdirda Xitoy «oʻz suvereniteti, xavfsizligi va hududiy yaxlitligini himoya qilish uchun aniq va qatʼiy choralar» koʻrishini taʼkidladi.
Tayvan bugungi kunga qadar Xitoy va AQSH munosabatlarining ziddiyatli nuqtasi boʻlib qolmoqda. Avvalroq, «Kursiv» AQSH...
12-yanvar kuni Oʻzbekiston hududi boʻylab havo harorati 9-14 daraja iliq boʻladi, shimoliy hududlarda 0-5 darajagacha pasayishi mumkin. Kunduzi yogʻingarchilik kutilmaydi. Bu haqida «Oʻzgidromet» maʼlum qildi.
Faqatgina Qoraqalpogʻiston Respublikasi va Xorazm viloyatida kunning ikkinchi yarmida yomgʻir va qor yogʻishi mumkin. Baʼzi joylarga tuman tushadi.
Toshkent shahrida tumanli ob-havo kuzatiladi, yogʻingarchilik kutilmaydi. Havo harorati 10-12 darajani tashkil etadi.
Toshkent va Namangan viloyatlarining togʻli hududlarida qor koʻchishi xavfi bor. Havo harorati 4-9 daraja iliq boʻladi.
Oq uy milliy xavfsizlik kengashi Rossiyaning Qoʻshma Shtatlardagi muzlatilgan aktivlarining bir qismini musodara qilish fikrini qoʻllab-quvvatladi. Bu haqida Bloomberg nashri xabar berdi.
«Qonun loyihasi ijrochi hokimiyatga Rossiyaning suveren aktivlarini Ukraina foydasiga musodara qilish uchun zaruriy vakolatlarni taqdim etadi», – deyiladi xabarda.
AQShda Rossiyaning jami 300 milliard dollarga yaqin aktivlari muzlatib qoʻyilgan. Agentlik maʼlumotlariga koʻra, AQSH prezidenti Jo Bayden Kongressda Respublikachilar partiyasi aʼzolari Ukraina uchun 60 milliard dollardan koʻp mablagʻ ajratishga toʻsqinlik qilganlaridan keyin shu qarorga kelgan.
Bayden maʼmuriyati ushbu masala boʻyicha «Katta yettilik» mamlakatlarining rahbarlari bilan maslahatlashish niyatida. Bundan tashqari, Yevropada ham Rossiyaning 200 milliard dollarga yaqin aktivlari muzlatib...
Saudiya kompaniyalari O‘zbekistondan o‘g‘it yetkazib berishga qiziqish bildirmoqda, deb xabar berdi «Dunyo» axborot agentligi.
Saudiya Arabistonining chorvachilik uchun ozuqa yetishtiradigan korxonasi UFMC va oziq-ovqat va uglevodorodlar savdosi bilan shug‘ullanuvchi Muhaidib Group kompaniyasi O‘zbekiston mahsulotlariga qiziqish bildirdi.
Har ikki kompaniya karbamid, azot va kaliyli o‘g‘itlarni o‘zbekistonlik ishlab chiqaruvchilardan xarid qilishni rejalashtirgan.
Bu masalani O‘zbekistonning Jiddadagi bosh konsuli Nodirjon Turg‘unov mazkur kompaniyalar vakillari bilan muhokama qildi.
Avvalroq, «Kursiv» O‘zbekiston Qirg‘izistonga o‘g‘it yetkazib berishi haqida e’lon qilgan edi.
Penza viloyatining Nijnelomovskiy tumanida sodir bo‘lgan avtohalokatda YAC M3 mikroavtobusida O‘zbekiston fuqarolari bo‘lgan. Bu haqda Nijnelomovskiy tumanlararo prokurori Andrey Yarosh ma‘lum qildi.
Yo‘l-transport hodisasi soat 02:10 da 42-yoshli haydovchi boshqaruvidagi xorijiy davlat avtonomerlariga ega JAC M3 mikroavtobusi qarama-qarshi harakatga chiqib ketib, Penza davlat nomerlariga ega Volvo og‘ir yuk mashinasi bilan to‘qnashib ketganida sodir bo‘lgan.
Hodisa oqibatida yetti kishi, jumladan mikroavtobus haydovchisi tez yordam yetib kelguniga qadar halok bo‘lgan. Yana ikki kishi jarohat olib, shifoxonaga yetkazilgan.
Mazkur fakt asosida Rossiya Federatsiyasi Jinoyat kodeksining 238-moddasi 3-qismi bilan jinoyat ishi qo‘zg‘atilgan.
Avvalroq, «Kursiv» Toshkent aeroportida avtobus samolyotga urilib ketgan, deb...
Kiberfiribgarlikdan jabr ko‘rgan fuqarolarga kartalaridan o‘g‘irlangan pullar qaytarildi. Bu haqda «Kursiv»ga Universalbank kuzatuv kengashi raisi Anvar Irchayev ma’lum qildi.
Eslatib o‘tamiz, voqea 2023-yilning noyabr oyida sodir bo‘lgan. Firibgarlar Unired ilovasi orqali O‘zbekiston fuqarolarining kartalaridan yuzlab million so‘mlarni o‘g‘irlab ketishga muvaffaq bo‘lishgan. Anvar Irchaevning so‘zlariga ko‘ra, 13 nafar fuqaroga bank hisobidan o‘g‘irlangan pul mablag‘lari qoplangan. Ammo bu ish bo’yicha tergov hali ham davom etmoqda.
Avvalroq, «Kursiv» firibgarlar O‘zbekiston fuqarolariga aldov yo‘li bilan kredit rasmiylashtirib, pulni o‘zlari uchun olishni o‘rganganini yozgan edi. Oqibatda firibgarlarning qurbonlari banklarga katta miqdorda qarzdor bo‘lib qolishdi. Markaziy bank o‘zbekistonliklar sharlatanlarning yo‘lg‘onlariga qanday tushib qolganiga misollardan...