Yangiliklar

Chevrolet Silverado HD pikapi zamonaviy va hashamatli uy mashinasiga aylantirilgani aks etgan videolar tarqaldi. Bu haqda GMAuthority xabar bermoqda.

Renderda Silverado HD pikapi kengaytirilgan kampir moduli bilan jihozlangan bo‘lib, unda yotoqxona, oshxona, hammom va dam olish zonasi mavjud. Ichki makon zamonaviy mebellar, yoritish tizimlari va texnologik qurilmalar bilan to‘ldirilgan.

Bu dizayn Chevrolet Silverado HD ning nafaqat kuchli yuk tashish imkoniyatlarini, balki sayohat paytida uy qulayliklarini taqdim etish salohiyatini ham namoyish qiladi.

Ma’lumot uchun, Chevrolet kompaniyasining Silverado HD modeli 2025-yilda yangilangan ko‘rinishda taqdim etildi. Model og‘ir yuk tashish, qurilish ishlari va uzoq masofali yo‘llarda foydalanish uchun mo‘ljallangan. U kuchli...

Andijon, Samarqand va Buxoroda jamoat transportlarining narxlarini asossiz oshirish hamda yo‘lovchiga qo‘pol muomala qilish holatlari kuzatildi. Bu bo‘yicha Raqobat qo‘mitasiga murojaatlar kelib tushgan.

Qo‘mita tomonidan Andijondagi «Asaka – Qoratepa» yo‘nalishida, Buxoro viloyatining Kogondagi 105 va 114-yo‘nalishli taksilarda yo‘lkira sun’iy oshirilgani aniqlanib, holat bartaraf etildi.

Shuningdek, Samarqandda avtobus haydovchisining yo‘lovchiga qo‘pol muomalasi va yo‘lkirani ikki marta olish holati aniqlanib, haydovchiga ogohlantirish berildi. Jizzaxda Chery Tiggo 7 Pro avtomobilidagi nosozlik kafolat asosida ta’mirlandi.

Shu bilan birga, Qashqadaryoda Yandex taksi orqali fuqaroning kartasidan noqonuniy pul yechilgan, Toshkent shahrida esa YandexGo xizmatidagi asossiz qarzdorlik bekor qilinib, ortiqcha yechilgan mablag‘ kompensatsiya qilingan.

Avvalroq Kursiv...

Janubiy Koreya O‘zbekistonda statistika tizimni 2028-yilgacha rivojlantirish uchun $3,8 mln miqdorida grant ajratdi. Bu haqda Milliy statistika qo‘mitasi xabar berdi.

Pul mablag‘lari innovatsion raqamli texnologiyalar va xalqaro standartlarni joriy etishga yo‘naltiriladi. Respondentlar bilan intervyu o‘tkazish uchun kompyuter tizimi ishlab chiqiladi, shuningdek, ma’muriy ma’lumotlar integratsiyasi amalga oshiriladi.

Bundan tashqari, grant statistika organi xodimlarini xalqaro o‘qitish va uskunalar xarid qilish imkonini beradi.

Avvalroq «Kursiv» nashri O‘zbekiston BMT Statistika komissiyasi a’zoligiga saylangani haqida xabar bergandi.

2033-yilga borib O‘zbekistonda islom banklari aktivlari hajmi $2,4 mlrdgacha oshadi. Yevroosiyo taraqqiyot bankining (YTB) bazaviy prognoziga ko‘ra, bu ko‘rsatkich bilan mamlakat mintaqada Qozog‘istondan keyingi o‘rinni egallagan.

Shu bilan birga, O‘zbekiston Respublikasidagi sukuk aktivlari 2033-yilga borib $1,8 mlrddan oshadi.

Hujjat mualliflari mintaqada islomiy moliyalashtirish vositalarining yuqori o‘sish salohiyatini qayd etadi. Markaziy Osiyo aholisi tez sur’atlar bilan o‘sib bormoqda. Vaqt o‘tishi bilan mintaqaning islom bankingidan xabardorligi va bunday moliyaviy mahsulotlarga qiziqishi ortib boradi.

Taxminlarga ko‘ra, 2028-yilga borib Markaziy Osiyodagi islom banklari aktivlari $2,5 mlrdgacha oshadi. 2033-yilga kelib ular deyarli $6,3 mlrdni tashkil qiladi. Sukuk aktivlari (obligatsiyalarning islom ekvivalenti) 2028 yilda...

Hyundai Motor kompaniyasi 27-maydan 30-maygacha Janubiy Koreyadagi Ulsan Plant 1 zavodida elektromobillar ishlab chiqarishni vaqtincha to‘xtatishini e’lon qildi. Bu haqda IThome xabar berdi.

Zavodda Hyundai Ioniq 5 hamda Hyundai Kona krossoverining elektr versiyalari ishlab chiqariladi. Ishlab chiqarishning to‘xtatilishiga sabab elektromobillarga global talabning keskin pasaygani, ayniqsa, Yevropa, Kanada va AQSh kabi asosiy eksport bozorlarida. Kompaniya bu holatni bojxona to‘lovlarining oshishi bilan ham bog‘lamoqda.

Hyundai vakillariga ko‘ra, Janubiy Koreyadagi ishlab chiqarishning to‘xtatilishi Yevropa, AQSh va boshqa mintaqalarga eksport hamda sotuvdan keyingi xizmatlarga ta’sir qilmaydi.

Avvalroq Kursiv Uzbekistan Toyota kompaniyasi avtomobillarining narxini oshirishi haqida xabar bergandi.

Samsung Galaxy Z Fold 7 hamda yangi Tri-Fold (uch buklamali) smartfonlari uchun titan korpusni tayyorlamoqda. Bu haqda DGL nashri ma’lum qildi.

Ma’lumotlarga ko‘ra, ushbu qurilmalar orqa panel va sharnir qismlarida titandan foydalanadi. Bu esa ularni avvalgilariga nisbatan yengilroq va mustahkamroq qiladi.

Oldingi Galaxy Z Fold 6 uglerod tolali orqa panel bilan jihozlangan bo‘lsa, Fold 6 Special Edition’da titan ishlatilgan edi. Yangi modellarda esa bu material asosiy konstruktiv element sifatida ishlatilishi mumkin. Titan o‘zining yuqori mustahkamligi, korroziyaga chidamliligi va nisbatan yengil vazni bilan ajralib turadi, biroq ishlab chiqarish jarayoni murakkabligi tufayli narxga ta’sir qilishi mumkin.

Ingichkaroq va S...

AQShda Apple kompaniyasining App Store do‘konida mashhur ko‘p o‘yinchili otishma o‘yini Fortnite yana paydo bo‘ldi. Bu o‘yin besh yillik taqiqdan keyin qayta tiklandi, deya xabar bermoqda Reuters.

Unga ko‘ra, Epic Games va Apple o‘rtasidagi sud jarayoni 2020-yildan beri davom etmoqda. Sud qaroriga ko‘ra, Apple o‘zining App Store’da ilovalar ichidagi to‘lovlarda komissiya olish amaliyotini o‘zgartirishi kerak. Sud Apple kompaniyasining ushbu qoidani buzganini aniqladi va kompaniyani raqobatni oshirishga chaqirdi.

Fortnite dastlab Android qurilmalarida va Yevropa Ittifoqidagi iOS platformalarida qayta paydo bo‘lgan edi. Endilikda esa u Apple qurilmalarida ham o‘ynalishi mumkin.

Eslatib o‘tamiz, avvalroq Siri tasodifan yoqilgan bo‘lsa, Apple sizga pul to‘lashi...

Huawei va JAC kompaniyalari hamkorligida ishlab chiqilgan Maextro S800 ultra-luxury sedani 30-may kuni rasman taqdim etiladi. Bu haqda CarNewsChina nashri xabar bermoqda.

Avtomobil Xitoy bozorida Mercedes-Maybach S-Class’ga bevosita raqib sifatida ko‘rilmoqda. Model premium darajadagi ichki dizayn, sun’iy intellektli boshqaruv tizimlari va yuqori texnologik imkoniyatlarga ega.

Huawei Maextro S800 texnik xususiyatlari quyidagi jadvalda keltirilgan:

Avtomobil HarmonyOS asosidagi boshqaruv tizimi, to‘liq SI yordamchi tizimlar, sun’iy yo‘ldosh aloqasi, raqamli yon oynalar va premium salon qulayliklariga ega.

Huawei’ning ADS idrok etish tizimi DATS (Dinamik Moslashuvchan moment tizimi) va Xmotion korpus boshqaruvi yanada xavfsiz va sezgirroq ishashga hissa qo‘shadi.

Avtomobilning narxi...

Prezident farmoni bilan Tashqi ishlar vazirligi uch oy muddatda AQSh fuqarolari uchun O‘zbekistonga 30 kunlik muddatga vizasiz kirish rejimini joriy qilishi belgilandi.

Shuningdek, O‘zbekiston fuqarolariga AQShga kirish uchun viza talablarini yengillashtirish yuzasidan muzokaralar boshlash va yakuni bo‘yicha taklif kiritish topshirildi.

Shuningdek, Rossiya, Qozog‘iston va Ozarbayjon fuqarolari uchun O‘zbekistonga ichki hujjat yoki ID-karta bilan, 16 yoshga to‘lmaganlar uchun esa «kinder pasport» orqali 30 kungacha kirish imkoniyati yaratiladi.

Shuningdek, Bahrayn, Kuvayt va O‘mon fuqarolari uchun O‘zbekiston hududida 30 kunlik vizasiz rejim joriy etilishi haqida yozgandik.

Avvalroq «Kursiv» O‘zbekiston va Xitoy o‘rtasida o‘zaro vizasiz rejim joriy qilingani haqida yozgandi.

General Motors (GM) konserni Amerika zavodlarida yig‘ilgan avtomobillarni Xitoy bozoriga yetkazib berishni to‘xtatadi. Bu haqda Bloomberg nashri xabar bermoqda.

Qayd etilishicha, Xitoyda GM sotuvida import qilingan avtomobillarning ulushi unchalik katta emas va 0,1 foizdan kamroqni tashkil qiladi – bular asosan premium modellar. GMda cheklovlarning joriy etilishi konsernning mahalliy bozordagi faoliyatini qayta qurish va optimallashtirish deb ataldi.

GMning Xitoydagi import bilan shug‘ullanuvchi vakillari allaqachon bu qarordan xabardor qilingan.

GM o‘z bayonotida Xitoyda rivojlanishni davom ettirishga sodiqligini, biroq «iqtisodiy sharoitlarda sezilarli o‘zgarishlar» bilan duch kelayotganini qayd etgan. GM hali ham Buick Envision’ni Xitoydan AQShga import qilmoqda. GM’ning Xitoyda mahalliy hamkorlar...

Prezident farmoniga asosan, Al-Beruniy nomidagi xalqaro maktab-internat faoliyati 2025/2026-o‘quv yilidan boshlab yo‘lga qo‘yiladi. Bu haqda Adliya vazirligi ma’lum qildi.

Unga ko‘ra, maktab bitiruvchilariga shahodatnoma bilan birga xalqaro ta’lim dasturi diplomi – International Baccalaureate beriladi. Ushbu diplom yetakchi xorijiy oliy ta’lim muassasalariga o‘qishga kirishda qo‘shimcha imtiyozlar yaratadi.

Ta’lim jarayonida o‘quvchilar bilan individual ish tizimi joriy etiladi. Bunda 1 nafar maslahatchi va pedagogga to‘g‘ri keladigan o‘quvchilar soni tegishli normativlar asosida 1:15 va 1:8 nisbatida belgilanadi. Shuningdek, maktabda variativ o‘quv rejalariga muvofiq ta’lim beriladi va o‘quvchilarga ingliz tilidan tashqari kamida yana bitta xorijiy til o‘qitiladi.

Davlat budjeti mablag‘lari hisobidan o‘qitiladigan o‘quvchilar soni...

2025-yil 1-iyuldan boshlab O‘zbekiston talabalari talabalik guvohnomasini yonida olib yurishlariga hojat qolmaydi. Ular guvohnomaning faqat elektron shaklidan foydalanishlari mumkin bo‘ladi.

Mazkur yangilik Yagona interaktiv davlat xizmatlari portali va «Ijtimoiy karta» mobil ilovasida joriy qilinayotgan raqamli hujjatlar tizimining bir qismidir.

Yagona tizim orqali quyidagi 17 turdagi hujjatning elektron varianti mavjud bo‘ladi: biometrik pasport, ID-karta, haydovchilik guvohnomasi, tug‘ilganlik va nikoh guvohnomalari, texnik pasport, pensiya guvohnomasi, nogironlik haqidagi ma’lumotnoma, ta’lim diplomi, yakka tartibdagi tadbirkor guvohnomasi, sug‘urta polisi va boshqalar.

Raqamli hujjatlar tizimi fuqarolarga tez, ishonchli va zamonaviy xizmatlardan foydalanish imkonini beradi hamda ortiqcha hujjatlar olib yurish zaruratini bartaraf etadi.

Eslatib o‘tamiz, avvalroq...

«Prezident iqtidorli farzandlari» tashabbusini amalga oshirish bo‘yicha milliy dastur amalga oshiriladi. Bu haqda prezident farmoni qabul qilindi.

Farmon bilan iqtidorli yoshlarni erta aniqlash va ularni har tomonlama qo‘llab-quvvatlash orqali inson kapitalini rivojlantirish hamda yoshlar bilan manzilli ishlash asosida global mehnat bozorida raqobatbardosh mutaxassislar tayyorlash ko‘zda tutilmoqda.

Shu munosabat bilan Ixtisoslashtirilgan ta’lim muassasalari agentligi tizimida Al-Beruniy nomidagi xalqaro maktab-internat tashkil etiladi. Bundan tashqari, Iqtidorli yoshlarni qo‘llab-quvvatlash hamjamiyati faoliyati yo‘lga qo‘yiladi.

Shuningdek, milliy dastur doirasida «Yorqin iste’dod» loyihasi bosqichma-bosqich amalga oshiriladi.

Loyihada har yili xorijiy oliy ta’lim muassasalarida o‘qish salohiyatiga ega bo‘lgan 1,5 ming nafargacha 9-sinf bitiruvchisi imtihon orqali saralab olinadi...

Formula 1’ning mashhur jamoasi Aston Martin yetakchi smartfon ishlab chiqaruvchi Realme bilan ko‘p yillik hamkorlik shartnomasini imzoladi. Bu haqda f1news nashri ma’lum qildi.

Bu doirada kompaniyalar har yili ikki dona qo‘shma smartfon chiqarishni rejalashtirmoqda. Birinchi hamkorlik mahsuloti – GT 7 Dream Edition – kelasi seshanba kuni taqdim etiladi. Realme bu flagman smartfon yuqori unumdorlik, zamonaviy dizayn hamda Aston Martin logotipi bilan ta’minlanishini va’da qilmoqda.

Aston Martin’ning litsenziyalash bo‘limi rahbari Mett Chapman:

«Biz Realmeni jamoamizga va birinchi hamkorlikdagi smartfonimizga xush kelibsiz. GT 7 Dream Edition yuqori unumdorlikni innovatsion dizayn bilan uyg‘unlashtiradi. Biz kelajakdagi modellar ustida...

Qarshi shahrida faoliyat yurituvchi advokatlik byurolarida noqonuniy harakatlar aniqlanib, jinoyatga aloqadorlikda gumon qilingan 3 nafar advokat qo‘lga olindi. Bu haqda Davlat xavfsizlik xizmati ma’lum qildi.

Dastlab aniqlangan holatda Chiroqchi tumani jinoyat ishlari bo‘yicha sudining ikki fuqaro haqida qo‘llagan qamoqqa olish ehtiyot chorasi o‘rniga yengilroq chorani qo‘llatib berishni va’da qilgan advokat $4 ming olayotgan vaqtda qo‘lga olindi. U bu ishni sud tizimida faoliyat yurituvchi tanish amaldorlari orqali hal qilishi mumkinligini bildirgan.

Keyingi vaziyatda esa, advokat fuqarolik ishi yuzasidan murojaat qilgan shaxsdan yuridik xizmatlar uchun 2 mln so‘m va davlat boji uchun 1,5 mln so‘m oladi. Shundan so‘ng u ishni tanish mansabdorlar yordamida ijobiy hal etishini va’da qilib, qo‘shimcha ravishda $500 olayotgan paytda dalillar bilan ushlandi.

Yana bir holatda esa, advokat hech qanday rasmiy shartnoma tuzmagan holda...

Toyota kompaniyasi Donald Tramp joriy etgan bojlar sababli AQShda avtomobillar narxini oshirmoqchi. Bu haqda Carcoops xabar bermoqda.

Toyota AQShda sotiladigan avtomobillarning deyarli yarmi Yaponiyadan (4Runner, Crown Signia, Land Cruiser, GR86) va Meksikadan (Tacoma) import qilinadi. Yangi bojlar bu modellarning narxini oshiradi, shuningdek, ehtiyot qismlar narxining ko‘tarilishi tufayli ta’mirlash xarajatlari ham ortadi.

Kompaniya AQShda 11 ta zavodga va 48 ming xodimga ega bo‘lib, bu holat jiddiy muammolarni keltirib chiqarishi mumkin.

Kompaniya ma’muriyatning boj siyosati global ta’minot zanjirining nozikligiga salbiy ta’sir ko‘rsatishini tushunishini bildirgan.

Eslatib o‘tamiz, Kursiv Uzbekistan nashri Toyota RAV4 avtomobili qanday xususiyatlarga egaligi haqida yozgan edik.

«O‘zatom» agentligi va Vengriyaning MVM EGI Zrt. davlat korxonasi o‘rtasida atom energiyasidan tinch maqsadlarda foydalanish bo‘yicha hamkorlik bitimi va anglashuv memorandumi imzolandi. Bu haqda agentlik matbuot xizmati ma’lum qildi.

Mazkur hujjatlar Shavkat Mirziyoyevning 19–20-may kunlari Vengriya bosh vaziri Viktor Orbanning taklifiga binoan Budapesht shahriga amalga oshirgan rasmiy tashrifi doirasida imzolandi.

Bitim doirasida ilmiy tadqiqotlar o‘tkazish, yangi texnologiyalarni ishlab chiqish va joriy etish, atom elektr stansiyalarida quruq sovitish tizimlarini yetkazib berish, infratuzilmani yaratish hamda kadrlar tayyorlash kabi yo‘nalishlarda hamkorlik rejalashtirilgan.

Anglashuv memorandumi esa uzoq muddatli va o‘zaro manfaatli sheriklikni yo‘lga qo‘yishni, O‘zbekiston hududida atom elektr stansiyalari qurilishi bo‘yicha qo‘shma loyihalarni...

Angliya Premyer-ligasining 37-turi doirasidagi o‘yinda «Manchester Siti» o‘z maydonida «Bornmut»ni ishonchli tarzda 3:1 hisobida mag‘lub etdi.

Uchrashuvning birinchi bo‘limidayoq mezbonlar tashabbusni qo‘lga oldi: 15-daqiqada Omar Marmush uzoq masofadan bergan zarbasi bilan hisobni ochdi, 38-daqiqada esa Ilkay Gyundoganning uzatmasidan so‘ng Bernardu Silva hisobni 2:0 ga yetkazdi.

Kovachich qizil kartochka oldi, biroq «Siti» ustunlikni saqlab qoldi

Ikkinchi bo‘limning 68-daqiqasida Mateo Kovachich Evansonga nisbatan qo‘pollik qilgani uchun qizil kartochka olib maydondan chetlatildi va jamoasini bir kishilik kamlikda qoldirdi. Shunga qaramay, Gvardiola shogirdlari o‘yin nazoratini o‘z qo‘lida saqlab qoldi.

Oradan bir daqiqa o‘tib, «Manchester Siti» sardori Kevin De Bryuyne maydonni tark etdi. Bu uning...

Bugun, 21-may kuni O‘zbekiston bo‘ylab havo biroz bulutli, ammo yog‘ingarchilik kutilmaydi. Aksariyat hududlarda osmon ochiq, quyoshli ob-havo kuzatiladi, deya xabar bermoqda «O‘zgidromet».

Toshkent shahrida havo ochiq bo‘ladi, harorat kunduz kuni 35-37 darajagacha ko‘tariladi.

Qoraqalpog‘iston va Xorazmda shamol kuchayishi va chang-to‘zonlar kuzatilishi mumkin. Harorat kechasi 17-22, kunduzi 32-37 darajada bo‘ladi.

Buxoro va Navoiyda issiq ob-havo kuzatiladi, harorat 40 darajagacha ko‘tariladi.

Toshkent, Sirdaryo, Jizzax va Samarqand viloyatlarida harorat 38 darajagacha yetadi.

Qashqadaryo va Surxondaryoda ham kunduzgi issiqlik 40 darajaga yaqinlashadi.

Farg‘ona vodiysida havo issiq, lekin biroz yengil shamol esadi.

Tog‘li hududlarda esa salqin ob-havo kuzatiladi – kunduzi 23-28 daraja atrofida...

Pfizer va Xitoyning 3SBio kompaniyasi saraton kasalligiga qarshi yangi preparat – SSGJ-707 ni ishlab chiqish va global bozorga chiqarish bo‘yicha hamkorlik shartnomasini imzoladi. Bu haqda Investing nashri ma’lum qildi.

Unga ko‘ra, ushbu dori ikki maqsadga yo‘naltirilgan bispesifik antitana bo‘lib, PD-1 va VEGF ga qarshi qo‘llaniladi. Hozirda u Xitoyda o‘pka, ichak va ayollar saratoni turlarini davolash uchun klinik sinovdan o‘tmoqda.

Shartnoma Pfizerga Xitoy tashqarisida ushbu preparatni tijoratlashtirish huquqini beradi, Xitoy ichida esa kompaniyaga opsion (tanlov huquqi) taqdim etiladi. 3SBio kompaniyasiga dastlabki to‘lov sifatida $1,25 mlrd ajratiladi. Shuningdek, ma’lum bosqichlarga erishilganda qo‘shimcha to‘lovlar $4,8 mlrdgacha yetishi mumkin.

Kompaniya, shuningdek, 3SBio aksiyalariga...

TBC Uzbekistan raqamli bank ekotizimi sun’iy intellekt asosidagi texnologiyalar orqali mijozlarga xizmat ko‘rsatishni boshladi. Bu haqda bank vakili Kursiv Uzbekistan nashriga ma’lum qildi.

2024-yilda bank o‘zbek tiliga mos nutqni tanish va sintez qilish texnologiyalarini ishlab chiqib, ularni qo‘ng‘iroqlarda ovozli SI-agent sifatida joriy etdi. Bu agentlar yuklamaga qarab avtomatik ravishda ishga tushadi yoki to‘xtaydi, mijozlar esa ularni ko‘pincha inson deb o‘ylashadi.

2025-yil boshida TBC ikki tilli katta til modelini ishlab chiqdi va mahsulotlarni sotish jarayonida muvaffaqiyatli qo‘llay boshladi. Model mijozlar so‘rovlarini tushunib, aniq va tezkor javoblar beradi. Bu esa savdolar hajmining sezilarli o‘sishiga olib keldi, reklama xarajatlarisiz mijozlar sonini oshirdi.

TBC...

Budapeshtdagi tarixiy «Karmelita» saroyida Shavkat Mirziyoyev va Vengriya bosh vaziri Viktor Orban o‘rtasida tor doirada va delegatsiyalar ishtirokidagi hamkorlik muzokaralari tashkil etildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda ikki davlat o‘rtasidagi strategik sheriklikni yanada chuqurlashtirish, savdo, investitsiya, moliya, transport va madaniyat sohalarida hamkorlikni kengaytirish masalalari muhokama qilindi.

Yetakchilar o‘zaro savdo hajmini 500 mln yevroga yetkazish, qo‘shma loyihalarni amalga oshirish, «OTP» banki faoliyatini kengaytirish, Sirdaryoda parrandachilik klasterini barpo etish kabi tashabbuslarni ilgari surdi. Yevropa kompaniyalari uchun sanoat zonasi tashkil etish va ta’lim almashinuvi bo‘yicha ham yangi kelishuvlarga erishildi.

Madaniy-gumanitar sohada esa «Lazgi» baletining Budapeshtda sahnalashtirilishi...

Chery kompaniyasi 2025-yilning oxirida iCar subbrendi ostida yangi V27 gibrid yo‘ltanlamasini taqdim etadi. Bu haqda CarNewsChina ma’lum qildi.

Burchakli dizayni bilan Mercedes-Benz G-Class’ni eslatadigan ushbu model allaqachon «xitoycha G-Class» deb nom olgan.

V27 1,5 litrli turbomotor va elektromotorlar bilan ishlovchi EREV gibrid tizimi bilan jihozlanadi. Elektrda 200 km, umumiy yurish zaxirasi esa 1 ming km.dan oshadi. Model to‘liq holatda 4,8 metr uzunlikda bo‘ladi.

Avtomobil Auto Shanghai 2025 ko‘rgazmasida taqdim etilishi kutilmoqda. Uning Xitoydagi narxi 200 – 250 ming yuanni ( $27, 7 mingdan $34,6 minggacha) tashkil etadi.

Eslatib o‘tamiz, avvalroq Chery avtosalonlari endi mijozlarga odamsimon robotlar bilan xizmat qilishi...

Milliy statistika qo‘mitasi ma’lumotiga ko‘ra, 2025-yilning yanvar – mart oylarida O‘zbekistonda jami 198 089 ta tug‘ilish holati qayd etildi. Bu ko‘rsatkich o‘tgan yilning shu davriga nisbatan 3,7 foizga kamaygan.

Shu davrda 193 370 ta holatda yakka chaqaloqlar tug‘ilgan. Egizaklar soni esa 4 582 tani tashkil etdi. Bundan tashqari, 137 ta holatda uch yoki undan ortiq chaqaloq bir vaqtda dunyoga kelgan.

Eslatib o‘tamiz, avvalroq Oʻzbekistondan xorijga koʻchib ketayotganlar soni 8,3 foizga kamaygani haqida xabar bergan edik.