Yangiliklar

Xiaomi kompaniyasi yangi Redmi Book Pro 2025 seriyasini taqdim etdi. Ular nafaqat kuchli va yupqa dizaynga ega, balki nisbatan arzon ham bo‘lishi bilan ajralib turadi. Bu haqda Gizmochina nashri ma’lum qildi.

Yangi seriya ikkita modelni o‘z ichiga oladi – Redmi Book Pro 14 va Redmi Book Pro 16. Ikkalasi ham yuqori sifatli displeylarga ega: kichikroq model 2880×1800 piksel o‘lchamdagi ekran va 120 Gts chastotaga ega bo‘lsa, 16 dyuymli versiya 3072×1920 piksel ekran hamda 165 Gts yangilanish tezligini taqdim etadi.

Noutbuklar Intel Core Ultra 5 225H yoki Core Ultra 7 255H protsessorlari bilan jihozlangan bo‘lib, ularga 16 yoki...

28-fevral kuni O‘zbekiston musulmonlari idorasida bo‘lib o‘tgan yig‘ilishda tashkiliy masalalar ko‘rib chiqildi. Unda Surxondaryo, Samarqand va Toshkent viloyatlarining bosh imom-xatiblari lavozimidan ozod etilib, o‘rniga yangi vakillar tayinlandi. Bu haqda O‘zbekiston musulmonlar idorasi ma’lum qildi.

Surxondaryo viloyati bosh imom-xatibi Aliakbar domla Sayfuddinov o‘z arizasiga binoan vazifasidan ozod etilib, «Hakim Termiziy» jome masjidi imom-xatibi lavozimida qoldirildi. Uning o‘rniga Rasuljon domla Abdullayev Surxondaryo viloyati bosh imom-xatibi etib tayinlandi. U avval Termiz shahri bosh imomi va «Manguzar» jome masjidi imom-xatibi lavozimida faoliyat yuritgan.

Samarqand viloyatida esa Ahmadxon qori Alimov yangi bosh imom-xatib bo‘ldi. U bungacha Toshkent shahar «Oltintepa» masjidi imom-xatibi lavozimida ishlagan. Bungacha...

Samsung’ning yangi Galaxy S25, S25 Plus va S25 Ultra smartfonlari Janubiy Koreyada super xitga aylandi va 2019-yilda Galaxy Note 10 tomonidan o‘rnatilgan rekordni yangiladi. O‘shanda kompaniya 25 kun ichida 1 mln smartfon sotgan bo‘lsa, Galaxy S25 seriyasi bu natijani 21 kun ichida qo‘lga kiritdi. Bu haqda Sammobile nashri ma’lum qildi.

Xaridorlarning taxminan 50 foizi eng yuqori model – Galaxy S25 Ultra flagmanini tanlagan. Titanium White Silver va Titanium Silver Blue ranglari eng mashhur bo‘lib, Galaxy S25 va S25 Plus modellari orasida esa Silver Shadow va Ice Blue ranglari xaridorlar orasida eng ko‘p talabga ega bo‘ldi.

Avvalroq Kursiv Uzbekistan Samsung...

2025-yil 1-yanvar holatiga ko‘ra, O‘zbekiston davlat qarzi $40,2 mlrdni tashkil etmoqda. Bunda tashqi qarz $33,7 mlrd, ichki qarz esa $6,5 mlrd bo‘lib, umumiy davlat qarzining yalpi ichki mahsulotga (YAIM) nisbati 35 foizligicha qolgan. Shu bilan birga, tashqi qarzning YAIMga nisbati biroz oshib, 29,3 foizga yetdi.

Har bir o‘zbekistonlikka to‘g‘ri keladigan davlat qarzi ilk bor ming dollardan oshib, 1070 ga yetgani qayd etildi.

Qarz mablag‘lari qanday yo‘naltirilmoqda

Davlat qarzining asosiy qismi – $15,3 mlrd budjetni qo‘llab-quvvatlash uchun ishlatilgan. Energetika sektori uchun $5,7 mlrd qarz jalb qilingan.

O‘zbekistonga asosiy qarz beruvchi tashkilotlar Jahon banki va Osiyo taraqqiyot banki bo‘lib, mos ravishda...

Chery kompaniyasi Xitoy bozori uchun yangilangan Arrizo 8 Pro sedanini namoyish etdi. Yangi model tashqi va ichki dizayndagi o‘zgarishlar bilan ajralib turadi. Bu haqda AutoHome xabar berdi.

Dizayndagi yangiliklar

Chery Arrizo 8 ning tashqi qiyofasi sezilarli darajada o‘zgardi: sedan yangi chiroqlar, yangilangan bamperlar, qayta ishlangan kapot hamda o‘ziga xos radiator panjarasiga ega bo‘ldi. Endilikda panjara sakkizburchak shaklga ega.

Ichki qismdagi yangiliklar

Muhim o‘zgarishlardan biri – ilgari birlashtirilgan displey o‘rniga alohida ekranlarning qo‘llanilishi. Media tizim esa zamonaviy Snapdragon 8155 chipiga ega bo‘ldi. Rul avvalgidek saqlanib qolgan bo‘lsa-da, endi unda sensorli tugmalar mavjud. Bundan tashqari, eshik panellari...

Oliy Majlis Senati O‘zbekistonda bukmekerlik kontoralari va qimor o‘yinlarini qonuniylashtirish to‘g‘risidagi qonun loyihasini ma’qulladi, deb xabar berdi parlament yuqori palatasi matbuot xizmati.

Qabul qilingan hujjatda qimor o‘yinlarini tartibga solish va unda fuqarolarning ayrim toifalarining ishtirokini cheklash normalari belgilangan.

Respublikada bukmekerlik idoralari faoliyatini yuritish uchun ular besh yil muddatga litsenziya olishlari kerak bo‘ladi. Lotereya va onlayn o‘yinlar tashkilotchilari shunga o‘xshash ish ruxsatnomalarini olishlari mumkin bo‘ladi.

Eslatib o‘tamiz, joriy yilning yanvar oyida parlament quyi palatasi tomonidan bukmekerlikni qonuniylashtirish to‘g‘risidagi qonun loyihasi qabul qilingan edi.

2024-yilda Vazirlar Mahkamasi mamlakatda bukmekerlik faoliyati mexanizmini tasdiqlagan edi. Demak, kompaniya O‘zbekiston Respublikasida ro‘yxatdan o‘tgan va ustav...

O‘zbekistonda Statistika agentligi qayta tashkil etildi. U endilikda Milliy statistika qo‘mitasi sifatida faoliyat yuritadi. Bu haqdagi farmonni prezident imzoladi.

Respublika statistika kengashi tashkil etildi. Bu kengash rasmiy statistikani yuritish tizimini rivojlantirish, muvofiqlashtirish va samaradorligini oshirish bo‘yicha maslahat organi bo‘lib xizmat qiladi.

2025 yil yakuniga qadar «Hududlar statistikasi» axborot tizimi ishga tushiriladi.

Biznesga yukni kamaytirish maqsadida statistik hisobotlarni qisqartirish va ularni boshqa tizimlar bilan integratsiyalash jarayoni yo‘lga qo‘yiladi.

Farmon bilan belgilangan asosiy yo‘nalishlar:

«Mahalladan – respublikagacha» tamoyili asosida statistik ko‘rsatkichlarni shakllantirish tizimi joriy etiladi, bu esa ma’lumotlarning ishonchliligini ta’minlashga xizmat qiladi.

«Tahlilchi» sun’iy intellekt tizimi ishga tushiriladi, u foydalanuvchilarga statistik...

Fevral oyi oxirida butun dunyo Amerika prezidenti Donald Tramp va Ukraina rahbari Vladimir Zelenskiyning baland ovozda bo‘lib o‘tgan uchrashuviga guvoh bo‘ldi.

Ikki davlat rahbarlari bir-birini qoralashdi va Vashington hamda Kiyev nodir metallar bo‘yicha kelishuv imzolamadi.

Kursiv Uzbekistan nashri ushbu uchrashuv haqida xorijiy davlatlar rahbarlarining fikrlarini to‘pladi.

Buyuk Britaniya bosh vaziri Keyt Stramerning matbuot xizmati Ukrainani qo‘llab-quvvatlashini bildirdi.

Germaniya kansleri Olaf Sholf ham xuddi shunday qo’llab-quvvatlovchi so‘zlarni bildirib, Ukraina Germaniyaga ishonishi mumkinligini ta’kidladi.

«Hech kim ukrainaliklardan ko‘ra tinchlikni ko‘proq xohlamaydi. Shu bois biz barqaror va adolatli tinchlik sari harakat qilyapmiz. Ukraina Germaniya va...

Joriy yilning fevral oyida O‘zbekistonda inflyatsiya yillik ko‘rsatkichda 10,1 foizni tashkil etdi. Hisobot Statistika agentligi tomonidan e’lon qilindi.

Yil davomida oziq-ovqat mahsulotlari 2,9 foizga, xizmatlar 27,1 foizga, nooziq-ovqat mahsulotlari 7,7 foizga oshgan.

Agentlik ma’lumotlariga koʻra, bir yil davomida respublikada kommunal xizmatlar narxi 36,5 foizga, sogʻliqni saqlashda 20,9 foizga, transport 11 foizga qimmatlashgan.

Shu bilan birga, go‘sht mahsulotlari 14,4 foizga, sabzavotlar 6,1 foizga, yog‘ va yog‘lar 15,9 foizga qimmatlashgan, shakar va qandolat mahsulotlari 18,8 foizga kamaydi.

Avvalroq Kursiv Uzbekistan Toshkent supermarketlarida fevral oyida oziq-ovqat narxlari qanday o‘zgargani haqida xabar bergan edi.

Ukraina delegatsiyasi prezident Vladimir Zelenskiy boshchiligida Vashingtonda AQSh prezidenti Donald Tramp ma’muriyati bilan muzokaralar olib borish uchun Oq uyga kelgan edi. Biroq delegatsiya muzokaralarni yakunlamasdan, binoni muddatidan oldin tark etdi, deb xabar bermoqda Reuters.

Jurnalistlar oldidagi suhbat keskin tus oldi. Zelenskiy Trampdan Rossiyaning Ukrainaga bosqinini qoralashni talab qildi.

Biroq bunga javoban Tramp va vitse-prezident Jey Di Vens Ukraina prezidentiga keskin tanbeh berib, Kiyevning eng muhim harbiy ittifoqchisi bilan munosabatlarini inqiroz darajasiga olib kelganini hurmatsizlik deb baholadi.

«Siz bunday holatda emassiz. Qo‘lingizda hech qanday karta yo‘q. Biz bilan bo‘lsangiz, kartalaringiz bo‘ladi», – dedi Tramp.

Buxoro viloyatining G‘ijduvon tumanida noqonuniy yo‘l bilan kriptovalyuta qazib oluvchi mayning ferma aniqlandi. Bu haqda Bosh prokuratura ma’lum qildi.

Tergov ma’lumotlariga ko‘ra, fuqaro Sh.S.ga tegishli noturarjoy binosida 22 dona «Antminer L3+» rusumli qurilmalar yordamida noqonuniy mayning faoliyati yo‘lga qo‘yilgan. Dastlabki hisob-kitoblarga ko‘ra, mazkur noqonuniy faoliyat natijasida 2,1 mlrd so‘mlik elektr energiyasi talon-toroj qilingan.

Bundan tashqari, binoni ko‘zdan kechirish vaqtida elektr tarmog‘idan uzilgan holatdagi 4 dona «Whatspower P21» hamda 28 dona nosoz «Antminer L3+» qurilmalari ham aniqlanib, tegishli tartibda musodara qilindi. Hozirgi kunda mazkur holat yuzasidan tergovga qadar tekshiruv harakatlari olib borilmoqda.

Avvalroq Kursiv Uzbekistan Samarqandda mebel ustaxonasi noqonuniy mayning...

Shavkat Mirziyoyev butun xalqimizni va barcha mo‘min-musulmonlarni muborak Ramazon oyining boshlanishi bilan tabrikladi.

Unga ko‘ra, davlat rahbari o‘z murojaatida mazkur qutlug‘ oy ezgulik, xayr-saxovat va mehr-oqibat ramzi ekanini ta’kidlab, yurtimiz tinchligi, xalqimiz farovonligi yo‘lida qilinayotgan islohotlarning inson qadri va baxt-saodatiga xizmat qilishini alohida qayd etdi.

Hozirgi vaqtda barcha soha va tarmoqlardagi islohotlarimiz muqaddas islom dinining odamiylik mohiyatiga uyg‘un bo‘lgan «Inson qadri uchun, inson baxti uchun» degan ezgu g‘oya asosida amalga oshirilayotganini ko‘plab misollarda ko‘rish mumkin.

Jumladan, ijtimoiy himoya tizimi samarasini yuksaltirish, bemorlar, nogironligi bo‘lgan, keksa va yordamga muhtoj insonlarni, yoshlar va xotin-qizlarni, chet ellardagi fuqarolarimizni har...

Donald Tramp ingliz tilini AQShning rasmiy tili sifatida belgilovchi farmonni imzolashi kutilmoqda. Bu haqda AP axborot agentligi ma’lum qildi.

Oq uyning ma’lumotiga ko‘ra, ushbu qaror hukumat va federal mablag‘ oluvchi tashkilotlarga hujjat va xizmatlarni faqat ingliz tilida taqdim qilish yoki boshqa tillarda ham davom ettirish bo‘yicha tanlov imkoniyatini beradi.

Farmon Bill Klinton davrida joriy etilgan, ingliz tilida so‘zlashmaydigan fuqarolarga til bo‘yicha yordam ko‘rsatish talabini bekor qiladi. Oq uy bu qaror davlat boshqaruvida samaradorlikni oshirish va milliy birlikni mustahkamlashga xizmat qilishini ta’kidlamoqda.

Hozirgacha AQShning 30 dan ortiq shtatlari ingliz tilini rasmiy til sifatida tan olgan. Kongressda ham shu masalada turli...

Transport vositalarini ishlab chiqaruvchi yuridik shaxslarga transport vositasining identifikatsiya raqamini (VIN) shakllantirish bo‘yicha davlat xizmati ko‘rsatish tartibi tasdiqlandi. Bu haqda Adliya vazirligi ma’lum qildi.

Unga ko‘ra, mazkur tartib Vazirlar Mahkamasining qaroriga muvofiq muomalaga chiqarilayotgan g‘ildirakli transport vositalarining xavfsizligi bo‘yicha umumiy texnik reglament asosida amalga oshiriladi.

Davlat xizmatlari markazlari yoki my.gov.uz platformasi orqali ko‘rsatiladigan ushbu xizmat doirasida VIN kodini shakllantirishga O‘zbekiston standartlar instituti mas’ul hisoblanadi.

VIN kodi uch qismdan iborat: ishlab chiqaruvchining xalqaro identifikatsiya kodi (WMI), tavsiflovchi qism (VDS) va ko‘rsatuvchi qism (VIS).

Ma’lumot uchun, VIN kodi transport vositalarini aniqlash va identifikatsiya qilish uchun muhim texnik belgilar kombinatsiyasidir.

Eslatib...

20 ming gektar maydonda bunyod etilayotgan «Yangi Toshkent» loyihasi doirasida qurilish sohasi mutaxassislari uchun ish o‘rinlari taklif etilmoqda. Bu haqda Bandlik vazirligi ma’lum qildi.

Unga ko‘ra betonchi, payvandchi, santexnik, g‘isht teruvchi, elektrik, suvoqchi kabi 38 ta yo‘nalish bo‘yicha 10 mingga yaqin ishchilar jalb qilinadi.

Oylik maosh 8 – 15 million so‘mni tashkil etadi. Ishchilar yotoqxona, maxsus kiyim-kechak, transport va uch mahal issiq ovqat bilan ta’minlanadi.

Eslatib o‘tamiz, avvalroq Latviya yuk mashinasi haydovchilari uchun bo‘sh ish o‘rinlari e’lon qilgan edi.

«Uzbekistan Airports» kompaniyasi Mo‘g‘ulistonning «Hunnu Air» aviakompaniyasi bilan hamkorlik masalasida muzokaralar olib bormoqda. Bu haqda Uzbekistan Airports ma’lum qildi.

Unga ko‘ra, uchrashuvda Toshkent – Ulan-Bator yo‘nalishida to‘g‘ridan to‘g‘ri muntazam reyslarni yo‘lga qo‘yish imkoniyati muhokama qilindi.

Aviakompaniya 2025-yilning ikkinchi yarmida parvozlarni boshlashni rejalashtirmoqda. Dastlabki rejaga ko‘ra, reyslar Embraer 190 samolyotlarida amalga oshiriladi. «Hunnu Air» 2011-yilda tashkil etilgan bo‘lib, ichki va xalqaro qatnovlarni bajaruvchi xususiy aviakompaniya hisoblanadi.

Eslatib o‘tamiz, avvalroq Air Arabia 27-dekabrdan Toshkentdan Ras al-Xaymaga toʻgʻridan toʻgʻri reyslarni yoʻlga qoʻyishi haqida yozgan edik.

Shavkat Mirziyoyev Rossiya hukumati raisining o‘rinbosari Marat Xusnullin boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra uchrashuvda Rossiya prezidenti Vladimir Putin va Hukumati Raisi Mixail Mishustinning salomi va ezgu tilaklari yetkazildi.

Tomonlar qurilish sohasida hamkorlikni kengaytirish, infratuzilma obyektlarini loyihalashtirish va qurish, qurilish materiallari yetkazib berish masalalarini muhokama qildi. Shuningdek, ulushli qurilish, loyihalashtirish, ekspertiza va davlat xaridlari bo‘yicha tajriba almashish muhimligi ta’kidlandi.

Eslatib o‘tamiz, avvalroq prezident Xalqaro dzyudo federatsiyasi rahbarini «Do‘stlik» ordeni bilan taqdirlagan edi.

Daryo transporti sohasida davlat xizmatlarini ko‘rsatishda yangi qulaylik joriy etildi. Bu haqda Transport vazirligi ma’lum qildi.

Unga ko‘ra, endilikda kemalarni ro‘yxatga olish va qayta ro‘yxatga olish uchun arizalarni Yagona interaktiv davlat xizmatlari portali my.gov.uz hamda Transport nazorati inspeksiyasining rasmiy sayti uztn.uz orqali topshirish mumkin.

Eslatib o‘tamiz, avvalroq telefonni bojxona orqali qanday olib kirish va UzIMEI tizimida ro‘yxatdan o‘tkazish mumkinligi to‘g‘risida yo‘riqnoma tayyorlagan edik.

AQShdan Panamaning Darien provinsiyasidagi «San-Visente» immigratsion markaziga deportatsiya qilingan migrantlar kelajagi noma’lumligicha qolmoqda. Bu haqda Reuters agentligi xabar berdi.

Fevral oyi o‘rtalarida agentlik Panamadagi lagerga deportatsiya qilingan 119 nafar xorijlikni, jumladan, o‘zbekistonliklarni joylashtirish niyatida ekanini xabar qilgandi.

Shuningdek, lager o‘rmon hududida joylashgani uchun ayni paytda migrantlarning advokatlari ular bilan bog‘lana olmayotgani haqida xabarlar mavjud.

Reuters ma’lumotiga ko‘ra, hozirda lagerda 112 nafar migrant bor. Panama rasmiylari esa bu odamlar repatriatsiyadan voz kechganini ta’kidlagan. Panama prezidenti Xose Mulino migrantlar huquqiy yordam ko‘rsatilishidan nega voz kechganliklarini bilmasligini aytdi. Shuningdek, u 113 nafar migrant Vataniga qaytganini, yana 58 nafari esa uyga qaytish uchun...

Tailandning Bangkok shahrida xokkey bo‘yicha yoshlar o‘rtasidagi jahon chempionatining III divizion «B» guruhidagi bahslari boshlandi. Musobaqadagi ilk o‘yinda O‘zbekiston yoshlar terma jamoasi Janubiy Afrika Respublikasi jamoasiga qarshi muzga tushdi va raqiblarini yirik 12:0 hisobida mag‘lubiyatga uchratdi.

Bu O‘zbekiston yoshlar terma jamoasi uchun jahon chempionatlaridagi ilk uchrashuv bo‘ldi va tarixiy g‘alaba sifatida qayd etildi.

Xokkey bo‘yicha yoshlar o‘rtasidagi jahon chempionatining III divizion «B» guruhidagi bahslari Tailandning Bangkok shahrida boshlandi. O‘zbekiston terma jamoasi musobaqadagi ilk uchrashuvini Janubiy Afrika Respublikasi jamoasiga qarshi o‘tkazib, 12:0 hisobida g‘alaba qozondi. Uchrashuvning birinchi davrasida vakillarimiz 4:0 hisobida oldinga chiqishdi, ikkinchi davrada yana 6 ta gol urib...

Oʻtgan bir yil ichida Oʻzbekiston tovar xom-ashyo birjasi birja savdolari orqali 2912,1 kg oltin va kumush sotgan. Bu haqda OʻzRTXB axborot xizmati maʼlum qilmoqda.

Birja orqali 2535,1 kg oltin , 377 kg kumush sotilgan. Oltin va kumushning birja kotirovkasi mos ravishda 1 gramm uchun 977,5 ming soʻm va 11325,2 soʻmni tashkil etgan.

Birja bozorida «Olmaliq KMK» AJ va «Navoiy KMK» AJ qimmatbaho metallarni sotuvchilari sifatida ishtirok etmoqda.

Hozirda oltinning 1 unsiyasi uchun Londonning qimmatbaho metallar bozori uyushmasining fiksing narxi 2 931,9 AQSH dollarni belgilagan.

Avvalroq Kursiv Uzbekistan o’zbek zargarlari qanday qilib 2023-yilda ishlab chiqarish hajmini 70 % oshirmoqchi ekanligi haqida...

Musulmonlari idorasi Fatvo markazining milodiy 2025 / hijriy 1446–yilgi Ramazon oyi uchun zakot nisobi, fitr sadaqasi va fidya miqdori bo‘yicha qarori tasdiqlandi. Bu haqda Musulmonlar idorasi ma’lum qildi.

Zakot

Zakot nisobi ≈ 85 gramm 585 probali tillaning qiymatidan kelib chiqib 61 mln 200 ming so‘m etib belgilandi. Bunda zaruriy ehtiyojidan tashqari kamida yuqorida ko‘rsatilgan qiymatidagi pul mablag‘i yoki ushbu qiymatdagi savdo-tijorat moli bo‘lganlar, jami mablag‘ining qirqdan biri (2,5 foizi)ni zakot niyatida haqdorlarga berishi kerak.

Fitr

Fitr sadaqasining miqdori quyidagicha:

≈ 2 kg bug‘doy unidan – 10 ming so‘m,

≈ 4 kg arpadan – 16 ming so‘m,

O‘zbekiston Kubogi bahslarining sovrin jamg‘armasini tasdiqlandi. Bu haqda O‘zbekiston futzal federatsiyasi ma’lum qildi.

Musobaqaning yarim final ishtirokchilari har biri 50 mln so‘mdan mukofot puli oladi. Finalga chiqqan jamoalardan ikkinchi o‘rin sohibiga 100 mln so‘m, chempionlikni qo‘lga kiritgan jamoaga esa 200 mln so‘m mukofot taqdim etiladi.

Joriy mavsumda O‘zbekiston Kubogida 16 ta jamoa qatnashadi. Qur’a tashlash natijasida quyidagi guruhlar shakllandi:

Avvalroq Kursiv Uzbekistan rasman Oʻzbekiston futzal federatsiyasi tashkil etilgani haqida xabar bergan edi.

O‘zbekistonda ID-karta uchun «chiroyli» raqamni oshirilgan narxda sotib olishga ruxsat berish rejalashtirilmoqda. Ichki ishlar vazirligi tegishli qaror loyihasini jamoatchilik muhokamasiga kiritdi.

Siz onlayn raqamlarni tanlashingiz va sotib olishingiz mumkin. Siz arizani Ichki ishlar vazirligi sayti, mobil ilovasi yoki Yagona interaktiv davlat xizmatlari portali (YIDXP) orqali topshirishingiz kerak. To‘lovdan so‘ng, raqam egasiga uning shaxsiy identifikatsiya kodi (️JSHSHIR) orqali ulanadi. Pullik xizmat 1-martdan ishga tushirilishi rejalashtirilgan.

Raqam hujjatning butun amal qilish muddati davomida egasida qoladi. Agar ID karta almashtirilgan bo‘lsa (masalan, ism o‘zgarishi, yo‘qolishi yoki shikastlanishi sababli), sotib olingan raqam avtomatik ravishda yangi hujjatga o‘tkaziladi.

To‘lovdan so‘ng, raqam egasi uchun...