Yangiliklar

Angliyaning «Manchester Siti» futbol klubida to‘p surayotgan o‘zbekistonlik Abduqodir Husanov 21 yoshga to‘ldi.

Futbolchi 2004-yilning 29-fevralida Toshkent shahrida tug‘ilgan. Husanov sport faoliyatini poytaxtning «Bunyodkor» klubida boshlagan, keyinroq Belarusning «Energetik-BGU» klubiga o‘tgan.

Transfermarkt ma’lumotlariga ko‘ra, 2023-yildan joriy yilning boshigacha u «Lans» (Fransiya) jamoasida o‘ynagan va 31 ta o‘yin o‘tkazgan. Futbolchiga turli vaqtlarda Angliya va Fransiya jamoalari qiziqish bildirgan.

Shu yilning yanvar oyi oxirida Husanov Angliyaning «Manchester Siti» klubiga o‘tib, ular bilan 4 yillik shartnoma imzoladi. Transfer summasi 40 million yevroni tashkil qildi.

O‘zbekistonlik futbolchi «Manchester Siti» safida oltita o‘yin o‘tkazib, bitta gol urgan. Husanov inglizlar safida 459 daqiqa maydonda...

Telegram messenjerida shaxsiy va guruh suhbatlari uchun pullik xabarlar funksiyasi sinovdan o‘tkazilmoqda. Bu haqda «Telegram Info» kanali xabar berdi.

Unga ko‘ra, guruh yoki chat egasi ushbu funksiyani o‘z xohishiga ko‘ra yoqishi mumkin. Suhbatlashish uchun belgilangan to‘lov amalga oshirilganda, yulduzlar Telegramga emas, balki chat egalariga tushadi.

Hozircha pullik xabarlarni yoqish va o‘chirish funksiyasi faqat shaxsiy suhbatlar hamda guruhlarda mavjud bo‘ladi. Ushbu funksiyaning boshqa jihatlari haqida hozircha aniq ma’lumot berilmagan. Biroq hozirda funksiya faqat ayrim foydalanuvchilar uchun va Telegram sinov serverida sinab ko‘rilmoqda.

Avvalroq Kursiv Uzbekistan Telegram’da «17,5 mln so‘m oling» mazmunidagi yolg‘on xabarlar tarqalayotgani haqida xabar bergandi.

Meeza kompaniyasi O‘zbekistonda IT-ta’limni rivojlantirish, raqamli texnologiyalarni joriy etish va biznes jarayonlari autsorsingini kengaytirishda yordam beradi. Bu haqda O‘zbekiston Respublikasi Raqamli texnologiyalar vazirligi ma’lum qildi.

Qatarning Doha shahrida bo‘lib o‘tgan «Web Summit Qatar – 2025» xalqaro IT-konferensiyasi doirasida O‘zbekiston Raqamli texnologiyalar vazirligi vakillari ishtirok etdi. Sammit davomida vazir o‘rinbosari Rustam Karimjonov, Meeza kompaniyasi bosh direktori Muhammad Ali Al-G‘aytaniy va Uzinfocom biznesni rivojlantirish direktori Baxtiyor Rizayev o‘zaro anglashuv memorandumini imzoladi.

Meeza – Qatarning yetakchi IT-xizmatlar yetkazib beruvchisi bo‘lib, infratuzilmani boshqarish, bulutli texnologiyalar, ma’lumotlarni qayta ishlash markazlari va kiberxavfsizlik kabi yo‘nalishlarda xizmat ko‘rsatadi. Kompaniya moliya, sog‘liqni saqlash, davlat boshqaruvi va neft-gaz...

Range Rover yangi Range Rover Sport transport vositasini taqdim etdi. Modelning narxi salkam $150 mingni tashkil etadi.

Range Rover Sportning oʻlchamlari 4946 x 2209 x 1820 mm, gʻildirak bazasi esa 2997 mmni tashkil etadi. Kompaniyaning ta’kidlashicha, orqa chiroqlar «miltillovchi qizil koʻzlarga» oʻxshaydi.

Ichki makon quyuq granat bilan bezatilgan va yuqori sifatli pardozlash materiallariga ega. Model 22 dyumli gʻildiraklar, moslashuvchan kruiz-kontrol, yoʻlni ushlab turish boʻyicha yordamchi, qulay charm oʻrindiqlar va raqamli orqa koʻzgu oynasi bilan jihozlangan.

Kaput ostida turbo zaryadlangan 3,0 litrli dvigatelning ikkita 360 va 400 ot kuchidan iborat versiyalari mavjud. Yevropa bozoridagi narxi $146,5 mingdan boshlanadi.

Eslatib...

Yengil avtotransport vositalarida yoʻlovchilarni tashish faoliyati oʻzini oʻzi band qilgan shaxslar shug‘ullanishi mumkin boʻlgan xizmatlar roʻyxatiga kiritildi. Bu faoliyat shaharda, shahar atrofida va shaharlararo litsenziya varaqasi bilan amalga oshiriladi. Bu haqda tegishli qarorda ma’lum qilingan.

Joriy yil 1-apreldan soliq organlari xodimlari tomonidan ularga biriktirilgan korxonalarda belgilangan soliqqa oid huquqbuzarlik aniqlangan taqdirda ish yangi tartibda koʻriladi.

Tadbirkor soliq organi tomonidan birinchi marta ogohlantiriladi. Undan soʻng uch kun muddatda soliqqa oid huquqbuzarlik bartaraf etilmagani aniqlanganda sayyor soliq tekshiruvi oʻtkazishga asos boʻlishi mumkin. Shuningdek, sayyor soliq tekshiruvini 24 soat ichida «Yagona davlat nazorati» axborot tizimida roʻyxatga olish orqali biznes-ombudsmanini xabardor etish tartibida...

«Kursiv» 2025-yil 1-martdan boshlab O‘zbekistonda amalga oshadigan bir qator o‘zgarishlar haqidagi yangiliklarni keltirib o‘tadi.

Ipoteka subsidiyalariga qabul boshlanadi

Aholiga ipoteka kreditlari asosida subsidiyalar to‘lash bo‘yicha arizalar topshirish 3-mart kuni soat 09:00 dan boshlanadi. Bunda talabgorlar arizalarni Davlat xizmatlari markazlarida yoki Yagona portaldan jo‘natishlari mumkin.

Bu yilgi dastur doirasida 30 ming talabgorga subsidiyalar berish rejalashtirilgan. Subsidiya deganda uy-joy sotib olishda ipoteka kreditining boshlang‘ich to‘lovi va foizlarning bir qismi budjetdan qoplanadigan jarayon tushuniladi.

Bog‘cha xodimlariga onlayn malaka oshirish xizmati yaratiladi

Tajriba-sinov tariqasida respublikaning uzoq va chekka hududlaridagi maktabgacha ta’lim tashkilotlari pedagoglari uchun mobil malaka oshirish xizmatlari tashkil etiladi.

Muqaddas Ramazon oyi kechalarida taroveh namozi o‘qiladigan masjidlar atrofida jamoat tartibini saqlash va harakat xavfsizligini ta’minlash maqsadida transport vositalarining harakati vaqtincha cheklanadi. Cheklovlar 28-fevraldan boshlab har kuni soat 18:00 dan 24:00 gacha amal qiladi. Bu haqda Davlat yo‘l harakati xavfsizlik xizmati ma’lum qildi.

Toshkent shahrining quyidagi tumanlarida transport harakati cheklanadi:

Mirzo Ulug‘bek tumani: Tepa masjidi atrofida Do‘rmon yo‘li ko‘chasidan Olimlar ko‘chasiga qadar.

Bektemir tumani: Alibek masjidi atrofida M.Avezov ko‘chasidan H.Boyqaro ko‘chasiga qadar.

Yashnobod tumani:

Mirobod tumani:

Ekin mavsumida fermer xoʻjaliklari uchun 26-fevraldan boshlab birjada tashkil etilgan savdo seksiyasida sotiladigan dizel narxi birja savdosidagi narxiga nisbatan oʻsish chegarasi eng koʻpi bilan 5 foizgacha etib belgilandi. Bu haqda Raqobat qoʻmitasi matbuot kotibi Otabek Usmanov xabar qilmoqda.

Ushbu holat yuzasidan Respublika tovar xom-ashyo birjasiga (O‘zRTXB) koʻrsatma yuborilgan. Yangi qoida dizel yoqilg‘isi narxining barqarorligini saqlash maqsadida joriy etilgan.

Statistika agentligi bergan ma’lumotga koʻra, yanvar oyida 33,3 ming tonna dizel yoqilgʻisi ishlab chiqarilgan. Bu oʻtgan yilning mos davriga nisbatan 33,2 foiziga yoki 17 ming tonnaga kam.

Ayni paytda O‘zRTXBda dizel yoqilgʻisining bir tonna narxi 13,28 mln soʻm etib...

Ijtimoiy tarmoqlarda va Telegram messenjeridagi turli kanal va guruhlarda yolg‘on ma’lumotlar tarqalmoqda. Ularda go‘yoki «Kriptovalyuta Savdosi O‘zbekisonuz» kanali orqali 17,5 mln so‘m olish mumkinligi ta’kidlanib, foydalanuvchilardan havolaga o‘tish so‘ralmoqda. Bu haqda Kiberxavfsizlik markazi ma’lum qildi.

«Bu xabarlar haqiqatga mos kelmaydi va firibgarlik sxemalaridan biri hisoblanadi. Bunday havolalar orqali kiberjinoyatchilar shaxsiy ma’lumotlaringizni qo‘lga kiritishi yoki moliyaviy zarar yetkazishi mumkin», – deyiladi Kiberxavfsizlik xabarida.

Shubhali havolalarga o‘tishdan va ishonchsiz manbalarga shaxsiy ma’lumotlaringizni kiritishdan ehtiyot bo‘lish tavsiya qilindi.

Avvalroq Kursiv Uzbekistan kreditni 0% bilan olish mumkinligi haqiqatga mos kelmasligi haqida xabar bergan edi.

O‘zbekiston Markaziy bankida RegTech loyihasi doirasida bank va nazorat qilinadigan tashkilotlar o‘rtasida axborot almashish hamda tahlil qilish jarayonini soddalashtirishga mo‘ljallangan ma’lumotlarni boshqarish tizimini tashkil etish yuzasidan forum bo‘lib o‘tdi. Unda Markaziy bank va KPMG kompaniyasi vakillari, bank xodimlari qatnashdi.

Forumda asosan ma’lumotlarni boshqarish yo‘nalishlari, shuningdek, ushbu tizimning operatsion modeli, jarayonlari, rollari va texnologiyalari haqida ma’lumotlar berib o‘tildi. Shu bilan birga, tadbir doirasidagi panel sessiyada tijorat banklari vakillari ishtirokida ma’lumotlarni boshqarish bo‘yicha yangi yondashuvlarni yo‘lga qo‘yishda banklar duch kelayotgan dolzarb muammolar va ularning yechimlari to‘g‘risida ochiq muhokama qilindi. Shuningdek, mazkur yo‘nalishda amalga oshirilayotgan ishlar bo‘yicha tajriba almashish maqsadida muntazam ravishda uchrashuvlar...

«Roma» klubi bosh murabbiyi Klaudio Ranyeri Eldor Shomurodovning «Monsa»ga qarshi o‘yinini baholadi, deb xabar berdi RomaPress portali.

«Samaradorlik insonning o‘zi va uning irodasiga bog‘liq. Bu yerda hamma mashg‘ulotlarda 100% harakat qiladi», – dedi Ranyeri.

Uning qo‘shimcha qilishicha, jamoaning har bir futbolchisi maydonga tushishni istaydi. Sportchilar orasidan tanlov qilish qiyin, ammo Ranyerining fikriga ko‘ra, agar murabbiy xatoga yo‘l qo‘ysa ham, bu katta xato bo‘lmaydi. Chunki barcha futbolchilar astoydil shug‘ullanmoqda.

Avvalroq hafta boshida «Roma» «Monsa»ni 4:0 hisobida mag‘lub etgani haqida yozgan edik. Shomurodov 32-daqiqada gol urdi, shuningdek, Aleksis Salemakersga golli uzatma berdi va u ushbu...

Samsung o‘zining o‘rta toifadagi yangi smartfoni Galaxy A56 modelining rasmiy premyerasini 2-mart kuni o‘tkazishi kutilmoqda. Ammo uning texnik xususiyatlari va narxi allaqachon oshkor qilindi. Germaniyaning WinFuture resursi bergan ma’lumotga ko‘ra, Yevropada smartfon 480 yevrodan sotuvga chiqadi.

Smartfon Exynos 1580 chipi va AMD Radeon grafik protsessori bilan jihozlangan bo‘lib, operativ xotirasi 8 Gb ni tashkil etadi. Dasturiy ta’minot esa Android 15 asosidagi OneUI 7.0 bo‘lib, Samsung ushbu model uchun 6 yil davomida yangilanishlar taqdim etishini tasdiqlagan.

Galaxy A56 6,7 dyuymli Super AMOLED ekranga ega bo‘lib, u Full HD+ o‘lcham va 120 Gts yangilanish tezligiga ega. Displey Corning Gorilla Glass Victus...

«Parij – 2024» Olimpiya oʻyinlari chempioni Diyora Keldiyorova dzyudo sport klubi faoliyatini boshladi. Bu haqda MOQ ma’lum qildi.

Poytaxtdagi 17-maktabda klub zalining tantanali ochilish marosimi boʻlib oʻtdi. Tadbirda Xalqaro dzyudo federatsiyasi, Sport vazirligi, Oʻzbekiston milliy olimpiya va Paralimpiya qoʻmitalari hamda mamlakat dzyudo federatsiyasi vakillari ishtirok etdi.

Rasmiylar yurtimizda dzyudo rivojiga alohida e’tibor qaratilayotganini ta’kidlab, ushbu klubdan kelajakda yangi chempionlar yetishib chiqishini tilab qolishdi.

Eslatib o‘tamiz, avvalroq prezident Xalqaro dzyudo federatsiyasi rahbarini «Do‘stlik» ordeni bilan taqdirlagan edi.

Shavkat Mirziyoyev sud tizimini takomillashtirish va raqamlashtirish bo‘yicha yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, sudlar faoliyatining samaradorligini oshirish, ochiqlikni ta’minlash hamda aholi uchun qulayliklar yaratish asosiy maqsad sifatida belgilandi.

So‘nggi yillarda sud tizimini rivojlantirish uchun 70 ga yaqin qonun, farmon va qarorlar qabul qilindi. Natijada sud ishlarini elektron shaklda yuritish va onlayn xizmatlardan foydalanish kengaydi. Bugungi kunda sud jarayonlarining 14 ta xizmati raqamlashtirilgan bo‘lib, 17 milliondan ortiq sud ishi axborot tizimlari orqali yuritilgan.

Yig‘ilishda sud faoliyatini to‘liq raqamlashtirish maqsadida «Raqamli sud» konsepsiyasini joriy etish rejalashtirilayotgani ta’kidlandi. Shu maqsadda Oliy sud huzurida Axborot texnologiyalari...

Toshkentda havo biroz bulutli bo‘ladi, yog‘ingarchilik kutilmaydi. Kechasi 1-3° sovuq, kunduzi 6-8° iliq bo‘ladi. Bu haqda «O‘zgidromet» agentligi ma’lum qildi.

Qoraqalpog‘iston va Xorazmda ba’zi joylarda qor yog‘ishi mumkin. Shamol ba’zi hududlarda 20 m/s gacha kuchayadi. Harorat kechasi 4-9° sovuq, kunduzi 2-7° iliq.

Buxoro va Navoiy viloyatlarida biroz yomg‘ir yoki qor yog‘ishi mumkin. Kechasi 2° sovuq -3° iliq, kunduzi 3-8° iliq bo‘ladi.

Toshkent, Sirdaryo, Samarqand va Jizzax viloyatlarida ayrim joylarda yomg‘ir yoki qor yog‘ishi mumkin. Harorat kechasi 3° sovuq-2° iliq, kunduzi 3-8° iliq.

Qashqadaryo va Surxondaryoda biroz yog‘ingarchilik kuzatilishi mumkin. Harorat kechasi 2° sovuq-3° iliq, kunduzi 7-12° iliq.

Andijon, Namangan...

Runking Motor Co. Ltd O‘zbekistonda Changan va Deepal avtomobillarini ishlab chiqarish yo‘lga qo‘yish bo‘yicha kelishuv imzoladi. Bu haqda Autostrada nashri ma’lum qildi.

Unga ko‘ra, mahalliy ishlab chiqarish Deepal S07, S05 hamda Changan Nevo Q05 va A05 modellari narxini pasaytirishi kutilmoqda. Hozirda Deepal S07 avtomobili $27 ming turadi.

Loyiha tashabbuskori 2024-yilda O‘zbekistonda ro‘yxatdan o‘tgan Runking Motor Co. Ltd kompaniyasi bo‘lib, ishlab chiqarish Central Asia Motors Co zavodida yo‘lga qo‘yiladi.

Eslatib o‘tamiz, avvalroq yangilangan Lada Largus modelida bir qancha kamchiliklar aniqlangan edi.

Shavkat Mirziyoyev Xalqaro dzyudo federatsiyasi rahbari Marius Vizer bilan mamlakatimizda dzyudo maktabini rivojlantirish va ushbu sport turini ommalashtirish masalalari bo‘yicha muzokaralar olib bordi. Bu haqda davlat rahbari matbuot xizmati ma’lum qildi.

Unga ko‘ra, O‘zbekiston xalqaro dzyudo musobaqalarida faol ishtirok etib kelmoqda. 2022-yilda jahon chempionati, 2023-yilda harbiy xizmatchilar o‘rtasida jahon birinchiligi yurtimizda o‘tkazildi. Parij Olimpiadasida Diyora Keldiyorova tarixda ilk bor dzyudo bo‘yicha O‘zbekiston uchun oltin medalni qo‘lga kiritdi.

Marius Vizer O‘zbekistonda sport infratuzilmasini rivojlantirish, yoshlar, ayniqsa, qizlarni dzyudoga jalb etish bo‘yicha olib borilayotgan islohotlarni yuqori baholadi. Federatsiya sportchilar va murabbiylarni tayyorlashda texnik ko‘mak ko‘rsatish hamda mamlakatimiz hududlarida xalqaro musobaqalar o‘tkazish...

O‘zbekistonda muborak Ramazon oyini yuqori saviyada o‘tkazish maqsadida prezident qarori qabul qilindi. Bu haqda davlat rahbari matbuot xizmati ma’lum qildi.

Unga ko‘ra, hujjatda vijdon erkinligini ta’minlash, diniy qadriyatlarni asrab-avaylash hamda ehtiyojmand fuqarolarni qo‘llab-quvvatlash masalalariga alohida e’tibor qaratilgan.

2025-yilda Ramazon 1-martdan boshlanishi belgilandi. Hududiy hokimliklar, ijtimoiy tashkilotlar va mahallalar hamkorligida saxovat tadbirlari o‘tkaziladi. Oila rishtalarini mustahkamlash, yoshlarni ilm-ma’rifatga rag‘batlantirish va atrof-muhitni asrashga alohida urg‘u beriladi.

Ommaviy axborot vositalariga Ramazon oyiga oid tadbirlarni keng yoritish tavsiya etildi. Qaror ijrosi hukumat va prezident maslahatchisi nazoratida bo‘ladi.

Eslatib o‘tamiz, avvalroq Qozog‘istonda Ramazon oyi qachondan boshlanishi ma’lum qilingan edi.

O‘zbekistonda, Armanistonda, Qozog‘istonda va Qirg‘izistonda yangi elektron karta – «Rodina» ishga tushirildi. Bu haqda «Russkaya gazeta» nashri ma’lum qildi.

Unga ko‘ra, mazkur raqamli xizmat Rossiyaga ko‘chib o‘tmoqchi bo‘lgan xorijliklar uchun hujjatlarni rasmiylashtirish jarayonini soddalashtiradi.

Loyiha Rossotrudnichestvo va «Uyga yo‘l» (Путь домой) ko‘ngillilar tashkiloti tomonidan ishlab chiqilgan. Hozircha xizmat faqat ushbu davlatlarda mavjud bo‘lib, sinov bosqichidadir. 2025-yil oxiriga qadar uni 12 ta mamlakatda ishga tushirish rejalashtirilgan.

Elektron karta xorijiy fuqarolarga migratsiya ro‘yxatidan onlayn o‘tish imkonini beradi, ro‘yxatdan o‘tish haqidagi bildirishnomalar esa Rossiya Ichki ishlar vazirligiga elektron shaklda yuboriladi.

Tahliliy markaz direktori Iliya Dimitrovning so‘zlariga ko‘ra, ushbu kartani muhojirlarning SIM-kartalariga bog‘lash...

Savdo-sanoat palatasi hamda xalqaro «Better Cotton» tashkiloti vakillari o‘zaro hamkorlikni mustahkamlash maqsadida uchrashuv o‘tkazdi. Bu haqda palata matbuot xizmati ma’lum qildi.

Unga ko‘ra, muzokaralar davomida O‘zbekistonda paxta yetishtirish sohasida barqarorlikni ta’minlash, fermerlarni ilg‘or agrotexnologiyalarga o‘rgatish va tashqi bozorlarga chiqishga ko‘maklashish masalalari muhokama qilindi. «Better Cotton» tashkiloti vakillari mamlakatda 2022-yildan buyon faoliyat yuritayotganliklarini va shu kungacha 9 ta paxta klasteriga xalqaro sertifikat olishda yordam berilganini ta’kidlashdi.

Tomonlar kelgusida hamkorlikni davom ettirishga va O‘zbekiston paxtasini global miqyosda yanada raqobatbardosh qilishga kelishib oldilar.

Eslatib o‘tamiz, avvalroq Qatar O‘zbekistondagi IT startaplarga moliyaviy ko‘maklashishi haqida yozgan edik.

Toshkent aholisi poytaxt havosining yuqori darajada ifloslanishidan ogohlantiriladi. Bu haqda Sputnik Uzbekiston matbuot markazida boʻlib oʻtgan anjumanda davlat ekologik ekspertiza markazi direktori oʻrinbosari Vyacheslav Shi-Syan maʼlum qildi.

Uning soʻzlariga koʻra, Oʻzbekistonda havoning oʻta yuqori ifloslanishi haqida ogohlantirish tizimi ishlab chiqilmoqda.

«Tez orada har bir smartfon atmosferadagi zararli moddalar darajasi haqidagi maʼlumotlarga ega boʻladi», – deya qoʻshimcha qilgan u.

IQAir agentligining soat 16:15 holatidagi ma’lumotiga koʻra, Toshkent shahrida havoning ifloslanish darajasi me’yordan 9,3 baravarga oshgan.

Avvalroq Kursiv Uzbekistan nashri O‘zbekistonda ov mavsumi yopilishi haqida yozgan edi.

Germaniyaning «Simson Private gGMBH» kompaniyasi o‘zbekistonliklarga kasbiy ta’lim olish va ishlash bo‘yicha 61 ta bo‘sh ish o‘rinlarini e’lon qildi. Bu haqda Migratsiya agentligi xabar berdi.

Maktab yoki texnikumni tugatgan, 18 – 35 yosh oralig‘idagi nomzodlar nemis tilini «B1» darajasida bilishi va xalqaro til sertifikatiga ega bo‘lishi talab etiladi.

Ausbildung dasturi 3 yil davom etadi. Haftasiga 5 kun, 35 – 40 soat ishlash mumkin. Bunda qabul qilinganlar 30% nazariy bilim olishadi va 70% amaliyotda qatnashadi.

Stipendiya miqdori 800 – 900 yevroni tashkil qiladi. Ishga qabul qilinganlar viza to‘lovi (90 yevro), aviachipta (400 – 450 yevro atrofida), agentlik to‘lovi (2 BHM...

SAIC-Volkswagen kompaniyasi Xitoy bozorida ID.4 X elektr krossoveri narxini 13% ga arzonlashtirdi. Endi avtomobil 139,9 ming yuan ($19,2 ming) narxda sotilmoqda. Bu modelning 2021-yildagi 193,9 ming yuan ($26,7 ming dollar) narxidan 30% ga arzonlashgani deganidir. Bu haqda CarNewsChina nashri ma’lum qildi.

Volkswagen Xitoyda SAIC-VW va FAW-VW qo‘shma korxonalari orqali faoliyat yuritadi. Ushbu kompaniyalar ko‘pincha bir xil modellarni ishlab chiqarib, sotuvga chiqaradi, biroq ularni farqlash uchun SAIC versiyalari «X», FAW versiyalari esa «Crozz» nomi bilan ajratiladi.

Narxning tushirilishi Volkswagenning boshqa hamkorlikdagi modeli ID.4 Crozz arzonlashuvi bilan bir vaqtda amalga oshirildi. Shu orqali kompaniya SAIC va FAW qo‘shma korxonalari o‘rtasidagi raqobatni...

Oʻzbekiston Markaziy banki mikroqarzlar boʻyicha yangi choralarni joriy etmoqda. Endilikda ushbu kreditlarning bank portfelidagi ulushi 25 foizdan oshmasligi lozim. Markaziy bankning prognoziga ko‘ra, ushbu o‘zgarish yangi kreditlar hajmiga sezilarli ta’sir ko‘rsatmasligi kerak. Hozirda beshta bank yangi talablarga mos kelmayapti. Biroq ushbu chora-tadbirlar bank tizimidagi xavflarni kamaytirish hamda qarz oluvchilarni ortiqcha kredit yukidan himoya qilishga qaratilgan. Mazkur mavzu 25-fevral kuni Markaziy bankda bo‘lib o‘tgan mediamuloqot chog‘ida muhokama qilindi. Kursiv Uzbekistan asosiy fikrlarni jamladi.

Mikroqarzlar konsentratsiyasining oshishi Markaziy bankning xavotiriga sabab boʻlmoqda

Markaziy bank maʼlumotlariga koʻra, soʻnggi yillarda mikroqarz oluvchilar soni va tuzilgan shartnomalar soni muntazam oʻsib bormoqda: