Yangiliklar

O‘zbekistonda axborot texnologiyalari yo‘nalishiga ixtisoslashtirilgan maktablar tarmog‘i yanada kengayadi.

2025-yil 14-iyun kuni Vazirlar Mahkamasining tegishli qarori qabul qilindi. Hujjatga ko‘ra, Toshkent shahridagi Muhammad al-Xorazmiy nomidagi ixtisoslashtirilgan maktab ushbu yo‘nalishda tayanch maktab etib belgilandi.

Yangi qaror bilan quyidagi tartiblar belgilandi:

Ma’lumot uchun, prezident farmoniga muvofiq, 13 ta ixtisoslashtirilgan maktab-internat negizida Muhammad...

Realme o‘zining Narzo 80 liniyasini yangi model – Narzo 80 Lite 5G smartfoni bilan to‘ldirdi. Qurilma budjet toifasidagi bo‘lishiga qaramay, 5G tarmog‘ini qo‘llab-quvvatlaydi va yaxshi texnik xususiyatlarga ega. Bu haqda kompaniya saytida xabar berildi.

Smartfonga 6,67 dyuymli HD+ (1604×720) o‘lchamdagi 120 Gts yangilanish chastotasiga ega LCD displey o‘rnatilgan. Uning maksimal yorqinligi 625 nitga yetadi. Narzo 80 Lite 5G MediaTek Dimensity 6300 chipi asosida ishlaydi. 4 yoki 6 GB tezkor, 64 yoki 128 GB doimiy xotira bilan taqdim etiladi. Shuningdek, 12 GB gacha virtual xotirani kengaytirish imkoniyati ham mavjud.

Smartfon 6000 mA·soat sig‘imli akkumulyator bilan jihozlangan. U 15 vattli...

Vivo kompaniyasi o‘rta narx toifasidagi yangi Y400 Pro smartfonini chiqaryapti. Y400 Pro 2025-yil 20-iyun kuni taqdim etiladi.

Vivo e’lon qilgan tizerda smartfonning umumiy ko‘rinishi ham ochiqlangan. Qurilma zamonaviy dizaynga ega bo‘lib, u bozorga AMOLED ekran va kuchli akkumulyator bilan kirib keladi. Mish-mishlarga ko‘ra, Vivo Y400 Pro 6,77 dyuymli AMOLED-displey, MediaTek Dimensity 7300 protsessori, 50 megapikselli asosiy va 32 megapikselli old kamera, 5500 mA/soat sig‘imli akkumulyator va 90 vattli tez quvvatlash funksiyasiga ega bo‘ladi.

Shuningdek, fotosuratlarni optimallashtirish uchun sun’iy intellekt funksiyalari to‘plami bilan jihozlanadi. Qurilmaning Hindiston bozoridagi taxminiy narxi $290 atrofida bo‘lishi kutilmoqda.

Y400 Pro o‘rtacha narxdagi kuchli va samarali...

Infinix kompaniyasi yangi Smart 10 va Smart 10 HD smartfonlarini taqdim etdi. Ikkala model ham arzon narxda yaxshi imkoniyatlar bilan ajralib turadi. Bu haqda Gizmochina xabar bermoqda.

Smart 10’da 6,67 dyuymli HD+ LCD ekran mavjud. U 120 Gts yangilanish tezligi va 700 nit yorqinlikni taklif etadi. Smart 10 HD esa 6,6 dyuymli HD+ IPS displeyga ega, 90 Gts yangilanish va 500 nit yorqinlikni qo‘llab-quvvatlaydi.

O‘lcham va vazn jihatidan Smart 10 – 162,62 x 77,01 x 8,25 mm, vazni 187 g. HD variantda esa 163,6 x 75,6 x 8,5 mm, vazni 184 g. Smart 10 – Unisoc T7250 protsessori...

Uzbekistan Airways va Azerbaijan Airlines (AZAL) o‘rtasida 13-iyun kuni aviaqatnovlarni birgalikda amalga oshirish (code-share) bo‘yicha bitim imzolandi. Bu haqda Uzbekistan Airways matbuot xizmati xabar berdi.

Mazkur kelishuvga ko‘ra, har ikki aviakompaniya bir-birining reyslariga o‘zining aviakompaniya kodi ostida chipta sotish huquqiga ega bo‘ladi.

Yo‘lovchilar uchun ikki aviakompaniyaga tegishli jami to‘qqizta yo‘nalishda parvozlar mavjud bo‘ladi. Shuningdek, Uzbekistan Airways mijozlari Boku – Samarqand – Boku yo‘nalishida AZAL samolyotlarida parvoz qiladi.

AZAL tijorat direktori Jamil Manizade bu hamkorlik haqida quyidagicha izoh berdi:

«Uzbekistan Airways bilan hamkorlik nafaqat yo‘nalishlar tarmog‘ini kengaytirish, balki ikki xalq o‘rtasidagi aloqalarni mustahkamlashga qaratilgan».

Ushbu...

«Tolibon»ning «axloq politsiyasi» 40 yoshgacha bo‘lgan ayollarning Afg‘oniston – O‘zbekiston chegarasidagi bozorga kirishini taqiqlagan, deya ma’lum qilishmoqda mahalliy savdogarlar va do‘kon egalari. Bu haqda AmuTv ma’lum qildi.

Tadbirkorlarning aytishicha, yosh ayollar bozordagi mijozlarning asosiy qismini tashkil qilgan va ularning kirishiga ruxsat berilmasligi natijasida savdo hajmi keskin kamaygan.

«O‘tmishda mijozlarimizning asosiy qismini oilalar, jumladan, ayollar tashkil qilardi. Endi yosh ayollarga taqiq qo‘yilganidan so‘ng sotuvlarimiz keskin pasayib ketdi», – deydi savdogarlardan biri.

Bu haqda Kursiv Uzbekistan Tolibon stol futbolini taqiqlashga oid qaror qabul qilgani haqida xabar bergan edi.

Niderlandiyadagi TTF markazida iyul oyiga mo‘ljallangan gaz fyuchersining narxi 2,21% ga oshib, eng yuqori nuqtada €38,73 ($41,44) ni tashkil etdi. Bu joriy Forex bozoridagi kursga ko‘ra, 1 ming kub metr gaz uchun $470,92 ga teng. Bu haqda Bloomberg xabar berdi.

Eron va Isroil o‘rtasidagi ziddiyat keskinlashgani bois tabiiy gaz narxlari oshmoqda. Bloomberg’ning yozishicha, investorlar Yaqin Sharqda keng ko‘lamli urush boshlanishidan xavotirda.

Ayni paytda gaz savdogarlari uchun eng katta xavotiralardan biri mojarolar kuchaysa, dengiz orqali gaz tashiladigan muhim yo‘lak – Ormuz bo‘g‘ozidagi ta’minot to‘xtab qolishi mumkinligi.

Shanba va yakshanba kunlari Isroil Fors ko‘rfazidagi Eronning «Janubiy Pars» gaz koniga zarba berdi...

Ayni paytda mamlakat ichida ayrim oziq-ovqat narxlari oshgani kuzatilmoqda. Bu haqda Turkmen.news xabar berdi.

Isroilning Eronga hujumlari sababli Turkmaniston o‘z hududi orqali xorijiy diplomatlar, ularning oilalari hamda boshqa fuqarolarning Eronni tark etishiga ruxsat berdi. Shu bilan birga, ayni paytda Turkmaniston ichki bozorida turli mahsulotlar, ayniqsa oziq-ovqat mahsulotlari narxi oshmoqda.

Xabarga ko‘ra, bir necha kun avval Ashxobodda Eron sigaretlarining bir qutisi 55 manat ($2,75) turgan bo‘lsa, hozirda uning narxi 75 – 80 manat ($3,75–$4) ga yetgan.

Shuningdek, ayrim oziq-ovqat narxlari, masalan, sut mahsulotlari va bozorlardagi sabzavotlar ham qimmatlashgan. Misol uchun, ilgari narxi 3 manatdan ($0.86) oshmagan piyoz hozirda...

Dubayda joylashgan yoqilg‘i quyish shoxobchasida aprel oyida yuz bergan ikki guruh o‘rtasidagi janjalda ikki o‘zbekistonlik fuqaro halok bo‘ldi, deb xabar berdi Khaleejtimes nashri. Hozirda ushbu hodisa yuzasidan tergov ishlari davom etmoqda.

Rasmiy ma’lumotlarga ko‘ra, janjal jabrlanuvchilar mashinasining g‘ildiraklarini shishirish uchun kelganida yuzaga kelgan. Bu avvalgi shaxsiy kelishmovchilik ortidan boshlangan bo‘lishi taxmin qilinmoqda. Voqea joyida tasodifan bo‘lgan politsiya xodimi zudlik bilan rasmiy idoralarni xabardor qilgan.

Dastlabki surishtiruv natijalariga ko‘ra, ikkala guruh bir-biridan alohida avtomobillarda kelgan. Jabrlanuvchilardan biri g‘ildirakni tekshirish uchun mashinadan tushganida unga hujum uyushtirilgan. Ikkinchi jabrlanuvchi voqea joyidan qochishga uringan, biroq boshqa shaxslar tomonidan quvib yetilib, unga ham zo‘ravonlik...

O‘zbekiston valyuta birjasi (UZCE) ma’lumotlariga ko‘ra, 17-iyun kuni dollar kursi 45,83 so‘mga pasayib, 12 715,13 so‘m qilib belgilandi.

Shuningdek, Markaziy bank ma’lumotlariga ko‘ra, yevro 25,61 so‘mga oshib, 14 730,48 so‘mni, rubl esa 1,67 so‘mga yuqorilab, 161,75 so‘mni tashkil qildi.

Qaysi banklarda AQSh valyutasini qulay narxlarda almashtirish mumkin?

Shuningdek, «Pultop» kanali ma’lum qilishicha, 16-iyun kuni soat 15:30 holatiga ko‘ra dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish...

Ostona shahrida 10 gigabit/sekundgacha tezlikdagi yuqori samarali internet joriy etiladi. Bu haqda Kursiv Kazakhstan xabar berdi.

Loyiha Huawei Technologies Kazakhstan kompaniyasi bilan hamkorlikda amalga oshiriladi va 50G PON texnologiyasi asosida quriladi.

Kelishuv «Xitoy – Markaziy Osiyo» forumi doirasida Ostona ma’muriyati va Huawei o‘rtasida imzolangan. Maqsad – ilg‘or telekommunikatsiya yechimlarini poytaxt infratuzilmasiga joriy etish va internet xizmatlarini yangi bosqichga olib chiqish.

10G – bu 4G yoki 5G kabi avlod nomi emas, balki real uzatish tezligini anglatadi. Bu texnologiya foydalanuvchilarga juda yuqori tezlik, minimal kechikish va barqaror ulanish imkonini beradi. U uylar, ofislar va korxonalar uchun mo‘ljallangan.

Ayni damda 10G internet...

Red Magic kompaniyasi Red Magic 10 Air modelining Flame Orange rangli versiyasi sotuvga chiqqanini e’lon qildi. Bu haqda ITHome nashri xabar bermoqda.

Qurilma kuchli texnik xususiyatlari va noan’anaviy dizayni bilan ajralib turadi. Smartfon Snapdragon 8 Gen 3 protsessori, 16 GB LPDDR5X tezkor xotira va 512 GB UFS 4.0 doimiy xotira bilan jihozlangan.

Kompaniya uni «Red Magic tarixidagi eng yupqa to‘liq ekranli telefon» deb atamoqda. Korpus qalinligi atigi 7,85 mm bo‘lib, og‘irlik 1:1 nisbatda taqsimlangan. Old panel 2,5D oynadan tayyorlangan.

6,8 dyuymli ekrani 93,7% foydali maydonga ega. U 120 Gts yangilanish chastotasi, 1600 nit gacha yorqinlik va Magic Touch...

Isroil va Eron o‘rtasidagi keskinlik tobora kuchaymoqda. Isroil harbiy-havo kuchlari Golan tepaliklari ustida sharqdan kirib kelgan navbatdagi shubhali dronni urib tushirgan. Bu haqda Times of Israel xabar bermoqda.

Eron harbiylari havo hujumi orqali faollashmoqda. Bu hodisa so‘nggi bir soat ichida Isroil havo hududiga kirishga uringan uchinchi dron bo‘ldi. Golan tepaliklaridagi Alonei Habashan hududida to‘rtinchi dron xavfi haqida ogohlantirish berilgan.

Isroil Eron ichkarisiga yangi hujumlar boshlagani haqida ham xabarlar tarqaldi. Ijtimoiy tarmoqlarda Mashhad shahrida yuz bergan aviazarbadan so‘ng osmonni qoplagan qora tutun aks etgan videolar paydo bo‘ldi. Bu hujumlar joriy to‘qnashuvlar boshlanganidan beri Eron hududiga uyushtirilgan eng chuqur zarbalar sifatida...

«Toshkent» respublika fond birjasida (RFB) joy olgan yuqori likvidli aksiyalarning aksariyati 6-iyundan 13-iyungacha bo‘lgan davrda turli dinamikani ko‘rsatib, UCI fond indeksi 1,2 foizga o‘sdi.

«Universal bank» aksiyalari eng katta o‘sishga erishib, 7,78 foizga qimmatlashdi. Shuningdek, «Uzbekinvest» (+4,56%), «Ipak Yo‘li banki» (2,07%) va «O‘zsanoatqurilishbank» (2,89%) aksiyalarida ham o‘sish qayd etildi.

Biroq «UzAuto Motors» aksiyalari 6,45 foizga arzonlashib, eng katta pasayishni ko‘rsatdi. «Qizilqumsement» (-6,32), «Olmaliq KMK» (-5,06 %) va «O‘zbekgeofizika» (-4,5%) kompaniyalari ham aksiyalarining keskin qadrsizlanishi bilan ajralib turdi.

Boshqa bir qator kompaniyalar, jumladan, «O‘zmetkombinat» va «Chilonzor buyum savdo kompleksi» aksiyalarining narxida esa o‘zgarish kuzatilmadi.

Ushbu davrda bitimlar soni bo‘yicha «Chilonzor...

O‘zbekiston terma jamoasi hujumchisi Eldor Shomurodov AQShning MLS (Major league soccer) ligasiga yo‘l olishi mumkin. Bu haqda Fransiyaning L’Équipe nashri xabar berdi.

29 yoshli futbolchiga ayni paytda nomi oshkor qilinmagan MLS klubi qiziqish bildirmoqda. Shomurodovning «Roma» bilan amaldagi shartnomasi 2026-yil yozigacha davom etsa-da, klub uni sotishga tayyor.

O‘tgan mavsumda Eldor «Roma» safida 37 o‘yinning barchasida maydonga tushdi. Natijada 7 ta gol va 5 ta golli uzatma bilan ishtirok etdi. Uning Transfermarkt portali bo‘yicha bozor qiymati hozirda 4 million yevroni tashkil qilmoqda.

Ma’lumot uchun, Shomurodov 2020-yil kuzida «Rostov»dan A seriya vakili «Jenoa» klubiga transfer qilindi. Shu tariqa Eldor Italiya...

Yaponiyaning mashhur dzyudochisi, «Tokio – 2020» Olimpiadasi chempioni va endilikda 5 karra jahon chempioni Uta Abe yaqinda Vengriyadagi jahon chempionatidagi g‘alabasidan so‘ng Diyora Keldiyorovaga murojaat qildi.

«Parij – 2024» Olimpiadasining ilk bosqichidayoq o‘zbek sportchisi qo‘lidan sensatsion tarzda yengilgan Abe, hali ham bu mag‘lubiyatni unutmagan ko‘rinadi.

«Olimpiada o‘tganiga ham ancha bo‘ldi, men bu musobaqa medalini qo‘lga kiritishni juda ham xohlagandim. Keldiyorova bu yerda bo‘lmaganidan hafsalam pir bo‘ldi. Umid qilamanki, u qaytadi, shunda men undan revansh olaman», – dedi Abe jurnalistlarga bergan intervyusida.

Ammo Uta Abe istagan revansh yaqin orada bo‘lmasligi aniq: Diyora Keldiyorova ayni damda...

Xitoyning Huawei kompaniyasi o‘zining HarmonyOS operatsion tizimi asosida 2019-yildan buyon 100 milliondan ortiq smartfonlar ishlab chiqargan. Bu haqda ITHome nashri ma’lum qildi.

Unga ko‘ra, 2024-yil oxiriga kelib Huawei bozorga jami 103 million HarmonyOS qurilmasini yetkazib bergan, shundan faqat o‘tgan yilda 46 millioni ishlab chiqarilgan.

AQSh sanksiyalariga qaramay Huawei ichki bozorda yetakchilikni saqlab qolmoqda.

Kompaniyaning asosiy ustunligi HarmonyOS’ni o‘zining barcha qurilmalari – smartfon, planshet, noutbuk, aqlli soat va boshqa gadjetlar uchun yagona platformaga aylantira olganidir.

Canalys statistikasi quyidagicha:

Instagram yaqin kunlarda bir nechta yangi funksiyalarni joriy etadi. Endi foydalanuvchilar lenta (profil tasmalari)dagi postlarning joyini o‘zgartirishi va ayrim yozuvlarni kuzatuvchilarga ko‘rsatmasligi mumkin bo‘ladi. Bu haqda Instagram rahbari Adam Mosseri xabar berdi.

Lentani boshqarish imkoniyati

Instagram foydalanuvchilari uzoq vaqtdan beri kutayotgan funksiyalardan biri – profil postlarining o‘rnini o‘zgartirish imkoniyati edi. Ilgari faqat ayrim postlarni lenta tepasiga biriktirish mumkin bo‘lgan bo‘lsa, endi esa istalgan postni xohlagan joyga ko‘chirish mumkin bo‘ladi. Shuningdek, foydalanuvchilar lentani o‘z istaklariga qarab boshqarishi, tartiblashi mumkin bo‘ladi.

Adam Mosserining aytishicha, bu funksiyaga so‘nggi yillarda eng ko‘p talab bo‘lgan. 2022-yilda bu imkoniyat sinovdan o‘tkazilgan, ammo faqat shu...

1-avgustdan barcha viloyat va tuman hokimliklari xodimlarining ish haqi oshiriladi. Bu haqda Shavkat Mirziyoyev bugun bo‘lib o‘tayotgan yig‘ilishda ma’lum qildi.

Shuningdek, Sirdaryo tumaniga hokimi tumanning ijtimoiy-iqtisodiy rivojiga xizmat qiluvchi «Islohotlar shtabi» tuzish topshirildi. Yangi tuzilma 9 ta muhim idora vakillari, Savdo-sanoat palatasi, bank, soliq, kadastr xodimlari hamda yetakchi tadbirkorlarni birlashtiradi.

Shtabning asosiy vazifasi – 38 ta mahalla kesimida infratuzilma, loyiha, moliya va kadrlar bilan bog‘liq uch yillik kompleks dastur ishlab chiqishdan iborat. Bu dastur asosida kelgusi yilga mo‘ljallangan budjet, ishlab chiqarish, xizmatlar sohasi, investitsiya va bandlik rejalari shakllantiriladi.

Ushbu tajriba muvaffaqiyatli deb topilsa, 2026-yildan boshlab barcha hududlarda joriy etilishi...

Endi tuman hokim o‘rinbosarlari soni to‘rtta bo‘ladi. Bu haqda Shavkat Mirziyoyev raisligida o‘tayotgan videoselektor yig‘ilishida ma’lum qilindi. Rivojlanish rejasiga qarab hokimning o’zi qaysi masalalarda o‘rinbosar bo‘lishini o‘zi tanlaydi.

Shuningdek, Sirdaryo tumani budjetida ma’muriy va moliyaviy jarimalar hamda ko‘rsatilgan davlat xizmatlari uchun tushumlarning bir qismi qolishi ma’lum qilindi.

Endi Sirdaryo tumani budjeti yiliga qo‘shimcha 12 mlrd so‘m daromadga ega bo‘ladi.

«Hokim, uning o‘rinbosarlari KPIni to‘liq bajarsa, keyingi yil hududga beriladigan mablag‘ 10 – 15 foiz ko‘paytiriladi. Aksincha bo‘lsa, mablag‘ oshirilmaydi va mas’ul rahbar ishdan ketadi», – deyiladi prezident matbuot xizmati xabarida.

Avvalroq 15 ta tumanda...

Prezident Shavkat Mirziyoyevning topshirig‘iga ko‘ra, 15 ta tuman va shaharda yangi boshqaruv tizimi joriy etiladi. Ushbu model yil yakunigacha Surxondaryo viloyatida to‘liq, qolgan hududlarda esa tanlab olingan tuman va shaharlarda bosqichma-bosqich joriy qilinadi.

Yangi tizim tatbiq etiladigan hududlar:

Qo‘ng‘irot, Chimboy, Asaka, G‘ijduvon, G‘allaorol, Yakkabog‘, Xatirchi, Chortoq, Bulung‘ur, Sirdaryo, Quva, Shovot, Hazorasp tumanlari, Marg‘ilon va Yangiyo‘l shaharlarida, Toshkent shahrida esa Bektemir tumanida.

Prezident Shavkat Mirziyoyev yangi boshqaruv modelini Sirdaryo tumani misolida tushuntirib berdi. Endilikda tumanlarni kompleks rivojlantirish uchun mas’ul 9 ta asosiy vazirlik va idoraning hududiy bo‘linmalari hokimlik tizimiga birlashtiriladi.

Qaysi vazirliklar bo‘limlari hokimlik tasarrufiga o‘tadi

Sony o‘zining kelgusi avlod o‘yin konsoli – PlayStation 6 haqida muhim bayonot berdi. Kompaniyaning o‘yinlar bo‘limi prezidenti Xideaki Nishino bergan intervyusida ta’kidlanishicha, yangi platforma faqat bulutli tizimga asoslanmaydi, balki an’anaviy konsol shaklida bo‘ladi. Bu haqda gamemag nashri ma’lum qildi.

Nega bulut emas

Nishino bu qarorni quyidagicha asoslagan:

«Bulutli texnologiyalar bizda mavjud va ularni xizmatlarimizda ko‘rsatib kelmoqdamiz. Biroq bu texnologiyalar hozircha global miqyosda barqaror emas. Internet sifati har doim ham bir xil emas, narxi esa ko‘p mintaqalarda yuqori. Shu sababli, o‘yinchilarning aksariyati hanuzgacha tarmoqqa ulanmagan holatda o‘ynashni afzal ko‘rmoqda».

PlayStation 4 hali ham muhim rol...

Xitoyning Zeekr kompaniyasi 2021-yil oktabrda taqdim etgan 001 modelidan hozirgacha 500 ming dona ishlab chiqardi. Bu haqda Speedme nashri xabar berdi.

Kompaniyaning yubiley modeli Zeekr 009 Light and Shadow flagman elektrominiveni bo‘ldi.

Yangi model narxi 789 ming yuan (taxminan $110 ming) bo‘lib, 3,9 soniyada 100 km/soatgacha tezlikka chiqa oladigan ikkita elektromotordan iborat. Zaxira yurish masofasi 702 kmni tashkil etadi. 108 kVt 5C akkumulyator tizimi va 800 voltli elektr arxitekturaga ega.

Salon qismi maxsus devor bilan bo‘lingan, 43 dyuymli ekran, sovutkich, 31 ta dinamikli Yamaha audio tizimi (3000 Vt) va Qualcomm 8295 ikki platformali tizim, 64 ta fon ilovasini qo‘llab-quvvatlaydi.

O‘zbekiston Respublikasi hududiga 16 – 19-iyun kunlari janubdan juda issiq havo oqimlari kirib kelishi kutilmoqda. Bu haqda «O‘zgidromed» xabar bermoqda. 17-iyun kuni ob-havo nisbatan issiq va quruq bo‘ladi.

16 – 17-iyun kunlari Qoraqalpog‘iston Respublikasi va Xorazm viloyatida, 17 – 19-iyun kunlari esa respublikaning boshqa hududlarida harorat kunduz kunlari 40–42 darajagacha, ayrim janubiy va cho‘l hududlarda esa 43–44 darajagacha ko‘tarilishi kutilmoqda.

Shuningdek, mamlakat bo‘yicha shamol tezligi 13–18 m/s gacha kuchayishi, ba’zi hududlarda esa chang-to‘zonlar kuzatilishi mumkin.

Quyidagi jadvalda hududlar kesimida ob-havo ma’lumoti bilan tanishishingiz mumkin:

Eslatib o‘tamiz, Kursiv Uzbekistan nashri 16-iyun kuni qanday ob-havo kutilayotgani haqida yozgan edi. 16-iyun...