Yangiliklar

2025-yil 13-iyun kuni Toshkent tumanlararo iqtisodiy sudida «Octobank» AJ va «Humans» MCHJ o‘rtasida davom etayotgan moliyaviy nizo bo‘yicha hal qiluv qarori e’lon qilindi.

Sud qaroriga ko‘ra, «Humans» MCHJ bank oldidagi qarzdorlikni qoplashi lozimligi belgilandi.

«Octobank» ushbu qarorni o‘zining qonuniy manfaatlarini himoya qilish yo‘lida muhim yutuq sifatida baholab, barcha hamkorlar bilan shaffof va adolatli munosabatlarni davom ettirishga tayyorligini bildirdi. Shuningdek, bank 2025-yil 13-iyundan boshlab «Humans» kartalari bo‘yicha kliring va barcha operatsiyalarni to‘liq to‘xtatganini ma’lum qildi.

Bunga javoban, Humans kompaniyasi o‘zining rasmiy veb-saytida holat bo‘yicha bayonot e’lon qildi. Unda Octobank’ning 500 mlrd so‘mlik da’vosi sudda ko‘rib chiqilayotgani, ammo...

O‘zbekistonda «10 777 ZZZ» kombinatsiyali «chiroyli» avtoraqam 1,56 milliard so‘mga onlayn auksion orqali sotildi. Bu haqda O‘zbekiston Respublikasi Tovar-xomashyo birjasi (O‘zRTXB) xabar berdi.

Mazkur raqam uchun savdo 8 kun davom etib, boshlang‘ich bahosi 187,5 million so‘m edi – bu degani, oxirgi taklif boshlang‘ich qiymatdan 8,3 barobar yuqori bo‘ldi.

Xaridor ushbu avtoraqamni rasmiylashtirish uchun 5 ish kuni ichida to‘lovni amalga oshirishi va Yo‘l harakati xavfsizligi xizmatida ro‘yxatdan o‘tkazishi lozim.

Bu natija O‘zbekistondagi avvalgi rekordlarni ham ortda qoldirdi. 2023-yilda 01 888 BBB kombinatsiyasidagi raqam 965,25 mln so‘mga (taxminan $75 ming) baholangandi. Yana bir misol: 01 777 RRR raqami 893 mln so‘mga...

Xalqaro reyting agentligi Moody’s 2025-yil 13-iyun kuni O‘zbekistonning uzoq muddatli suveren kredit reytingini Ba3 darajasida saqlab qolgan holda, unga bo‘lgan prognozni «barqaror»dan «ijobiy»ga o‘zgartirdi. Bu mamlakatda olib borilayotgan iqtisodiy va institutsional islohotlarning samaradorligiga berilgan ijobiy baho sifatida talqin qilinmoqda.

Moody’s agentligi izohiga ko‘ra, prognozning ijobiyga o‘zgartirilishi mamlakatda davlat boshqaruvi tizimini isloh qilish, energetika sohasini erkinlashtirish, shuningdek, xususiylashtirish jarayonlarini jadallashtirish kabi yo‘nalishlardagi aniq yutuqlar bilan bog‘liq.

Xususan, davlat korxonalari va banklar faoliyatini oshkora va samarali qilish maqsadida kuzatuv kengashlariga mustaqil a’zolar jalb etildi, manfaatlar to‘qnashuviga oid qonunchilik takomillashtirildi, korrupsiyaga qarshi kurashish bo‘yicha qat’iy choralar ko‘rilmoqda. Energetika tariflarining bosqichma-bosqich erkinlashtirilishi 2027–2028-yillarda...

Samsung o‘zining o‘rta narx toifasidagi qurilmalar qatorini yangi model – Samsung Galaxy F36 bilan kengaytirishga tayyorlanmoqda. Bu haqda Sammobile nashri ma’lum qildi.

Qurilma hali rasman e’lon qilinmagan bo‘lsa-da, Google Play Console ma’lumotlar bazasida «SM-E556B» model raqami bilan paydo bo‘ldi. Aytishlaricha, u tez orada Galaxy F56 nomi ostida ayrim bozorlar, jumladan Hindistonda, hamda boshqa nomlar bilan boshqa hududlarda sotuvga chiqariladi.

Galaxy F36 2023-yilda Galaxy A54 modelida ishlatilgan Exynos 1380 protsessori bilan jihozlanadi. Bu hozirda ikki yillik chip hisoblanadi. Qurilma 6 GB tezkor xotira va Full HD+ aniqlikdagi ekran bilan birga keladi. Dizayn jihatidan esa u Infinity-U shaklidagi old kamera kesimi...

Toyota mashhur Land Cruiser 300 modelini yangi gibrid kuch qurilmasi bilan taqdim etdi. Bu haqda Auto.ru nashri ma’lum qildi.

Endilikda u eng kuchli versiyada sotuvga chiqmoqda. Yangi modifikatsiya Lexus LX 700h flagmanidagi gibrid tizim asosida yaratilgan bo‘lib, 400 dan ortiq ot kuchini hosil qiladi.

Yangi gibrid Land Cruiser 300 3,5 litrli V6 benzinli dvigatel, elektromotor va 10 pog‘onali avtomatik uzatmalar qutisidan tashkil topgan kuch qurilmasiga ega. Uning umumiy quvvati 457 ot kuchini, aylanish momenti esa 790 Nm ni tashkil etadi. Shunga qaramay o‘rtacha yonilg‘i sarfi atigi 10,9 l/100 km ni tashkil qiladi.

Toyota ushbu modelda yo‘lsiz joylarda harakat qilish...

Eron – Isroil o‘rtasidagi harbiy ziddiyat tobora kuchayib bormoqda. Eron Isroilga qarshi raketa hujumlarining navbatdagi – uchinchi va to‘rtinchi bosqichlarini amalga oshirdi.

Eron rasmiy agentliklari xabariga ko‘ra, zarbalar orasida Tel-Avivdagi Isroil Mudofaa vazirligi binosi, Dimonadagi yadroviy obyekt va harbiy aviabazalar ham bor.

«Haqiqiy va’da-3» deb nomlangan operatsiya doirasida Eron yuzlab raketalarni, jumladan, gipertovushli raketalarni uchirgan. «Islom inqilobi qo‘riqchilari korpusi» (IRGC) ma’lumotiga ko‘ra, hujumlar Isroil harbiy-siyosiy rahbariyati joylashgan qo‘mondonlik punktlariga, F-35, F-16 va F-15 qiruvchilari saqlanadigan bazalarga, harbiy sanoat obyektlari va boshqa muhim strategik nuqtalarga qaratilgan.

IRNA agentligi Isroil Mudofaa vazirligi binosiga ikki bor raketa zarbasi berilganini xabar qildi. «Rossiyskaya...

14-iyun kuni O‘zbekistonning katta qismida havo biroz bulutli bo‘lib, yog‘ingarchilik kutilmaydi. Harorat kunduz kuni 33–40 daraja atrofida bo‘lib, tog‘li hududlarda esa 23–28° bo‘ladi, deya ma’lum qildi «O‘zgidromet».

Quyida ob-havo ma’lumoti viloyatlar kesimida:

Yo‘lovchilarga qulaylik yaratish maqsadida 2025-yil 15-iyundan boshlab bir nechta poyezdlar jadvaliga o‘zgartirishlar kiritiladi. Bu haqda «O‘ztemiryo‘lyo‘lovchi» AJ matbuot xizmati ma’lum qildi.

«Buxoro/Qarshi – Toshkent markaziy» yo‘nalishidagi 711/703-sonli poyezd Samarqanddan soat 08:07 da harakatlanib, 12:18 da Toshkentga yetib keladi.

«Toshkent janubiy – Shovot/Xiva» (58/56) yo‘nalishidagi poyezd soat 21:40 da harakatlanadi, «Shovot/Xiva – Toshkent janubiy» (57/55) yo‘nalishida esa Kattaqo‘rg‘on – Samarqand oralig‘ida o‘zgarish bo‘ladi.

«Termiz – Toshkent janubiy» (79) poyezdi soat 08:15 da manzilga yetib keladi.

Xojikentdan Toshkent janubiygacha harakatlanuvchi 6430-sonli poyezd 12:32 da yetib keladi.

Sirdaryo va Toshkent o‘rtasida qatnovchi 6407 va 6418-sonli poyezdlar mos ravishda 04:30 va 19:50 da...

O‘zbekistonda 377 833 ta kichik tadbirkorlik subyekti (fermer va dehqon xo‘jaliklarisiz) faoliyat yuritmoqda. Bu yil boshidan buyon 19 717 taga ko‘paygan, deya ma’lum qilmoqda Milliy statistika qo‘mitasi.

Unga ko‘ra, eng ko‘p kichik tadbirkorlar Toshkent shahrida to‘plangan – 88 883 ta, bu esa umumiy ko‘rsatkichning 23,5 foizini tashkil etadi. Keyingi o‘rinlarda Toshkent viloyati (36 619 ta), Samarqand (32 901 ta) va Farg‘ona (29 523 ta) viloyatlari qayd etilgan.

Eng kam ko‘rsatkich esa Sirdaryo viloyatida – 9 403 ta kichik tadbirkorlik subyekti faoliyat yuritmoqda.

Eslatib o‘tamiz, avvalroq O‘zbekistonda bozor xizmatlari hajmi 12,6 foizga o‘sgani haqida xabar bergan edik.

2025-yilning birinchi choragida Rossiyada xorijliklar tomonidan sodir etilgan jinoyatlar soni 15,3 foizga oshdi. Bu haqda Rossiya Ichki ishlar vazirligi vakili Vitaliy Yakovlev «Tinchlik, barqaror rivojlanish va migratsiya» xalqaro konferensiyasida ma’lum qildi, deya yozmoqda Tass.

Unga ko‘ra, ushbu davrda migrantlar tomonidan 12,5 mingta jinoyat sodir etilgan. Eng ko‘p jinoyat O‘zbekiston (35,5%), Tojikiston (16,6%) va Qirg‘iziston (11,5%) fuqarolari tomonidan sodir etilgan.

Shu bilan birga, chet elliklarga nisbatan tuzilgan ma’muriy bayonnomalar soni 1,1 foizga kamayib, 668,9 mingta bo‘lgan. Konferensiyada Markaziy Osiyo davlatlari va boshqa xalqaro tashkilotlar vakillari ishtirok etdi.

Eslatib o‘tamiz, avvalroq Rossiyada 772 ming xorij fuqarolari nazorat ostidagi shaxslar reyestriga...

Transport vaziri Ilhom Mahkamov ijtimoiy tarmoqlarda tarqalgan «faqat propiska bo‘yicha taksichilik qilish mumkin» degan xabarlarga izoh berdi. Bu haqda vazirlik matbuot xizmati ma’lum qildi.

Unga ko‘ra, Vazirlar Mahkamasining qarori faqat statistik maqsadlarda hududlar kesimida hisob-kitob yuritish uchun qabul qilingan. Bu esa taksichilik faoliyatiga hech qanday hududiy cheklov kiritmaydi.

Vazir ta’kidlaganidek, litsenziya olishda na haydovchining propiskasi, na avtomobilning davlat raqami muhim hisoblanadi.

Masalan, Surxondaryoda propiskada bo‘lgan haydovchi Toshkentda bemalol litsenziya olib, taksichilik qilishi mumkin.

Shunday qilib, O‘zbekiston bo‘ylab istalgan hududda taksichilik qilish huquqi mavjud bo‘lib, buning uchun faqat litsenziya talab etiladi.

Eslatib o‘tamiz, avvalroq taksichilikka qo‘yilgan cheklov natijasida...

Xorazm viloyatiga xos bo‘lgan mashhur «Tuxum barak» taomi endilikda huquqiy jihatdan himoyalangan gastronomik boylik sifatida tan olindi. Bu haqda Adliya vazirligi xabar berdi.

Ushbu maqom taomning sifati, tarkibi, tayyorlanish usuli va tarixiy ildizlarini e’tirof etadi.

Mazkur taom o‘ziga xos tayyorlanishi va tarkibi bilan ajralib turadi. Xorazm aholisi orasida keng tarqalgan bo‘lib, hududning boy madaniy-gastronomik merosining yorqin namunasi hisoblanadi.

Ma’lumot uchun, geografik ko‘rsatkich maqomi mahsulotning aynan ma’lum bir hududga xosligi va o‘sha hudud sharoitlari, urf-odatlari bilan bog‘liq maxsus xususiyatlarga ega ekanini bildiradi.

Natijada, taom huquqiy himoyaga ega bo‘ladi, sifati va nufuzini saqlab qolish kafolatlanadi hamda hududiy brend sifatida targ‘ib etiladi.

Isroil tomonidan yaqinda Eronga uyushtirilgan hujum ortidan, marhum Vladimir Jirinovskiyga tegishli eski video tarmoqlarda tarqaldi. Unda siyosatchi olti yil avval Yaqin Sharqdagi mojaroning rivojini oldindan aytib o‘tgan.

2019-yilda davlat Dumasi majlisida yozib olingan ushbu videoda LDPRning sobiq rahbari shunday deydi:

«Isroil uran boyitish markazlari, balki yadroviy qurollar ishlab chiqarilishi mumkin bo‘lgan obyektlarga zarba beradi».

Keyin uning aytishicha, Eron javob qaytaradi va AQSh mojaroga aralashadi:

«AQSh NATOni safarbar qiladi va Eronga bombardimon boshlaydi. Bu lokal yadroviy zarba bo‘lishi mumkin. Juda dahshatli qurol».

Jirinovskiyning aytgan gaplari tarmoq foydalanuvchilari tomonidan tez-tez eslanadi...

AQShning Kaliforniya shtatida joylashgan JetZero startapi o‘zining mutlaqo yangi avlod yo‘lovchi samolyotlari – JetZero Z4 ishlab chiqariladigan zavodni qurish uchun Shimoliy Karolina shtatini tanladi. Bu haqda Aviadispetcher nashri ma’lum qildi.

Yangi zavod joylashuvi sifatida Grinsborodagi Pemont-Triad aeroporti yaqinidagi hudud belgilanishi kutilmoqda.

JetZero Z4 — bu 200 – 250 o‘ringa ega bo‘lgan, o‘rta masofali, 9300 km parvoz oralig‘iga ega layner bo‘lib, o‘zining qanot va fyuzelyaj birlashtirilgan g‘ayrioddiy dizayni bilan ajralib turadi. Ushbu konstruksiya orqali yoqilg‘i sarfi an’anaviy samolyotlarga qaraganda ikki baravar kamayadi. Samolyot, shuningdek, sig‘imi va parvoz masofasi bo‘yicha Boeing 737 Max 10’ni ortda qoldiradi.

Loyihaga AQSh Harbiy-havo kuchlari va...

«Barselona» yarim himoyachisi Lamin Yamalning transfer qiymati 2024-yil iyulidan beri 110 mln yevroga oshdi. U dunyoning eng qimmat futbolchilari reytingida birinchi o‘rinni egalladi. Bu haqda Forbes xabar bermoqda.

Hozirda Yamalning qiymati 200 mln yevroga baholanmoqda va bu ispan klubi futbolchisini eng qimmat futbolchiga aylantirmoqda.

Reytingda ikkinchi o‘rinni Yamalning jamoadoshi Pedro Gonsales Lopes egallab, 60 mln yevroga oshdi. Uning narxi 150 mln yevro etib baholanmoqda.

Kuchli uchlikni PSJ futbolchisi Desire Douai yopdi. Uning narxi ham 60 mln yevroga oshib, 90 mln yevroni tashkil qildi.

Eslatib o‘tamiz, Kursiv Uzbekistan nashri Abbosbek Fayzullayev «Real» yoki «Barsa»da o‘ynashni orzu qilishini qayd etgani haqida...

Yevropa tiklanish va taraqqiyot banki (YeTTB) O‘zbekistonda 110 ta sug‘orish nasos stansiyalarini modernizatsiya qilish uchun $250 mln miqdorida moliyaviy yordam ajratadi. Bu haqda O‘zbekiston Investitsiyalar, sanoat va savdo vazirligi xabar berdi.

Mazkur bitim Toshkent xalqaro investitsiya forumi (TIIF – 2025) doirasida imzolangan.
Ushbu kredit mablag‘lari:

Shu orqali O‘zbekiston yiliga 251 ming kVt/soat elektr energiyasini tejaydi va yiliga 117 ming tonna issiqxona gazlari chiqindilarini kamaytiradi.

Vazirlikning qayd etishicha, YeTTBning O‘zbekistondagi sarmoya portfeli hozirda 5,6 mlrd yevro (taxminan $6,05 mlrd) qiymatidagi 181 ta loyihani o‘z ichiga oladi.

Qozog‘istonning Raqamli rivojlanish, innovatsiyalar va aerokosmik sanoat vazirligi SpaceX’ning Starlink kompaniyasi bilan rasmiy kelishuvga erishdi. Kelishuvga ko‘ra, Starlink Qozog‘istonda sun’iy yo‘ldosh orqali internet xizmatlarini taqdim etishda mahalliy qonunchilikka rioya qilishi shart.

Shu yilning uchinchi choragidan boshlab Qozog‘iston fuqarolari Starlink qurilmalarini rasmiy ravishda xarid qilish imkoniyatiga ega bo‘ladi. Bu orqali, ayniqsa, olis va qiyin yetib boriladigan hududlardagi maktablar hamda tibbiyot muassasalari yuqori tezlikdagi internet bilan ta’minlanadi.

«Qozog‘iston katta hududli va aholisi tarqoq joylashgan mamlakat. Internetdan sifatli foydalanishni barcha qatlamlarga yetkazish uchun turli texnologik yechimlardan foydalanamiz: optik tolali tarmoqlar, uyali aloqa minoralari va endi – Starlink...

Buxoro va Navoiyda 2025-yilning ikkinchi yarmida mavjud «Chirchiq» va «Jizzax» sanoat zonalariga qo‘shimcha bo‘ladigan texnoparklarni ochish rejalashtirilgan. Ularni ishga tushirish masalasi Toshkent investitsiya forumida O‘zbekiston va Rossiya vakillari tomonidan muhokama qilindi.

Yangi sanoat zonalarining ochilishi O‘zbekiston Respublikasi va Rossiya Federatsiyasi investorlari uchun imkoniyatlarni kengaytirishi kutilmoqda.

Forum davomida Rossiya iqtisodiy rivojlanish vaziri Maksim Reshetnikov O‘zbekiston bosh vaziri o‘rinbosari Jamshid Xo‘jayevga ikki davlat o‘rtasidagi savdo hajmi besh yil ichida deyarli ikki baravar oshganini ma’lum qildi.

2030-yilga borib Rossiya O‘zbekistondan mahsulot yetkazib berishni 3,6 barobarga oshirib, $11,8 milliardga yetkazishni rejalashtirmoqda.

Avvalroq Kursiv Uzbekistan Rossiya O‘zbekistonda farmatsevtika mahsulotlari ishlab chiqarishni rejalashtirayotgani haqida...

Eron va Isroil o‘rtasidagi harbiy ziddiyat natijasida 95 kishi yaralangani aytilmoqda. Bu haqda «TASS» xabar bermoqda.

Toshkent vaqti bilan soat 16:15 gacha Eronning 12 viloyatida kamida 95 kishi tan jarohati olgan, bir qutqaruvchi halok bo‘lgani aytilmoqda.

«Mamlakatning 12 viloyatida qutqaruv ishlari davom etmoqda. Voqea vaqtida 95 nafar vatandoshimiz tan jarohati olib, tibbiy markazlarga yetkazilgan. 26 nafarga voqea joyida yordam ko‘rsatildi. Afsuski, Sharqiy Ozarbayjon viloyatidagi qutqaruvchilarimizdan biri operatsiya davomida halok bo‘ldi”, – deya ta’kidlagan Eron qizil yarim oy jamiyati vakili Mojtaba Xolidiy.

Harbiy keskinlashuv qanday yuz berdi?

Isroil Eronga qarshi «Yuksalayotgan sher» operatsiyasi...

O‘zbekistonda piyoz narxi bir oyda 40% ga tushdi, ammo o‘tgan yilga nisbatan uch baravar yuqoriligicha qolmoqda. Bu haqda East Fruit xabar berdi.

O‘zbekistonda yangi hosil piyozining ulgurji narxlari may oyining ikkinchi yarmidan boshlab pasaya boshladi va so‘nggi hafta davomida tushishda davom etdi. So‘nggi bir oy ichida narxlar 40% ga arzonlashdi. Bunga bozorga yangi mavsum piyozining asta-sekin kirib kelishi sabab bo‘lgan.

EastFruit tahlilchilarining ma’lumotlariga ko‘ra, hozirgi narxlar o‘tgan yilning shu davriga qaraganda uch baravar yuqori bo‘lib, bozor ishtirokchilari narxlar kamida avgust oyigacha yuqori bo‘lib qolishini kutmoqda.

EastFruit narx monitoringiga ko‘ra, 2025-yil 9-maydan 6-iyungacha yangi hosil piyozining o‘rtacha ulgurji...

Farg‘ona shahrida qiymati $20 million bo‘lgan yangi ishlab chiqarish korxonasi ochiladi. Bu haqda Farg‘ona viloyati hokimligi ma’lum qildi.

Farg‘ona viloyati hokimi Xayrullo Bozorov Janubiy Koreyaning «AHA Co., Ltd» kompaniyasi rahbari Ku Gi Don bilan uchrashuv o‘tkazdi.

Uchrashuv chog‘ida Farg‘onada qiymati $20 million bo‘lgan zamonaviy ishlab chiqarish korxonasi ochilishi rejalashtirilayotgani ta’kidlandi.

Loyiha doirasida interaktiv elektron doskalar (IFPD), elektr transport vositalari uchun zaryadlovchi stansiyalar, sog‘liqni saqlash sohasiga mo‘ljallangan qurilmalar ishlab chiqariladi. Mahsulotlar nafaqat ichki bozorga, balki eksport uchun ham mo‘ljallanadi.

Tomonlar loyihani bosqichma-bosqich amalga oshirish, aniq takliflar asosida hamkorlikni kuchaytirish borasida kelishuvga erishdilar. Viloyat hokimi Xayrullo Bozorov mazkur tashabbusni qo‘llab-quvvatlashga tayyorligini...

Volkswagen o‘zining ilk T1 modeli 75 yilligiga bag‘ishlab ID.Buzz Cargo‘ning maxsus yubiley versiyasini chiqardi. Modelning tasvirlari kompaniyaning saytida e’lon qilindi.

32cars nashri xabar berishicha, angi model kuchliroq akkumulyator, zamonaviy texnologiyalar va qulayliklarga ega.

Mashina 59 yoki 79 kVt/soatli batareyalar bilan ta’minlangan. Elektr motorlari 170 dan 340 ot kuchigacha quvvat beradi. To‘liq zaryad bilan 331 km.dan 455 km.gacha yo‘l bosadi. 4Motion to‘liq yurituv tizimli versiyasi ham mavjud.

Ushbu maxsus modelda bir qator jihozlar bor. LED faralar, Discover Pro multimedia tizimi, DAB+ radio, simsiz quvvatlovchi, orqa kamera, xavfsizlik paketlari (Travel Assist va Pre-Crash), charm rul va logotip proeksiyasiga ham...

O‘zbekiston valyuta birjasi (UZCE) ma’lumotlariga ko‘ra, 13-iyun kuni dollar kursi 54,42 so‘mga oshib, 12 760,21 so‘m qilib belgilandi.

Shuningdek, Markaziy bank ma’lumotlariga ko‘ra, yevro 0,46 so‘mga oshib, 14 704,87 so‘mni, rubl esa 0,88 so‘mga yuqorilab, 160,08 so‘mni tashkil qildi.

Banklardagi eng maqbul kurslar

Shuningdek, «Pultop» kanali ma’lum qilishicha, 13-iyun kuni soat 15:30 holatiga ko‘ra dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish (UZS – USD):

O‘zbekiston Tashqi ishlar vazirligi (TIV) Yaqin Sharqda vaziyatning keskinlashuvi hamda insonlar halok bo‘lishiga olib kelgan Isroilning Eron Islom Respublikasiga nisbatan harbiy amaliyoti yuzasidan chuqur xavotir bildiradi. Bu haqda vazirlik rasmiy sahifasida ma’lum qildi.

«TIV barcha tomonlarni vazminlikka chaqiradi hamda harbiy harakatlarni darhol to‘xtatish va mavjud nizoni siyosiy-diplomatik yo‘l bilan hal etish zarurligini ta’kidlaydi.
Keng ko‘lamli to‘qnashuvga olib kelishi mumkin bo‘lgan jiddiy vaziyatning yanada kuchayishi O‘zbekistonni jiddiy tashvishga solmoqda», – deyiladi xabarda.

Shuningdek, xabarda O‘zbekiston mintaqaviy barqarorlikni ta’minlashga sodiqligini yana bir bor tasdiqlab, mojaroni yumshatishga qaratilgan xalqaro sa’y-harakatlarga o‘z hissasini qo‘shishga tayyorligini bildirgan.

Avvalroq Kursiv Uzbekistan...