Yangiliklar

Qozogʻiston bosh vaziri Oljas Bektenovning ma’lum qilishicha, mamlakat ichki bozorni himoya qilish maqsadida Rossiya donlarini Xitoy va Oʻzbekistonga reeksport qilishga taqiq qoʻyilgan. Bu haqda Knews nashri xabar berdi.

Bosh vazir aytishicha, ushbu qaror uchinchi davlatlar va Yevroosiyo iqtisodiy ittifoqi (YEOII) mamlakatlaridan bugʻdoy import qilishga qoʻyilgan cheklovlar bilan bogʻliq. Bu cheklovlar ichki bozorni himoya qilishga qaratilgan.

Hozirgi kunda Qozogʻistonning qishloq xoʻjaligi mahsulotlari temir yoʻl orqali quyidagi yoʻnalishlarda tashilmoqda: «Qozogʻiston – Turkmaniston – Eron» (Inche-Burun) va «Qozogʻiston – Oʻzbekiston – Turkmaniston – Eron» (Sheroz). Ushbu yoʻllar orqali mahsulotlar Eronga, keyinchalik Bender-Abbas porti orqali Fors koʻrfazi mamlakatlariga yuboriladi.

Avvalroq Kursiv Uzbekistan Oʻzbekiston...

Oʻzbekiston oltin zaxiralari mamlakat ichkarisida saqlanadi. Bu haqda Behzod Hamrayev Kursiv Uzbekistan muxbiriga ma’lum qildi.

Uning soʻzlariga koʻra, ba’zan oltin tashqariga kichik hajmda va qisqa muddatga sotish uchun chiqariladi.

«Oltinni tashqariga ba’zida sotishga chiqarilganda yoki narxida keskin oʻzgarish boʻlganda kichik hajmda va qisqa muddatga olib chiqamiz (-tahr.)», – dedi Hamrayev.

Tashqariga olib chiqilgan oltin sotilgandan soʻng qayd etilgan tartibda, hajmda va kelishilgan shartlarga muvofiq belgilangan omborga yetkazib beriladi.

Eslatib oʻtamiz, avvalroq Kursiv Uzbekistan 2024-yilning 1-noyabr holatiga koʻra, Oʻzbekiston oltin-valyuta zaxiralari $43,14 milliardga yetgani haqida xabar bergan edi.

26-noyabr kuni O‘zbekiston Respublikasi valyuta birjasida dollarning rasmiy kursi 5,69 so‘mga o‘sib, 12 820,47 so‘mni tashkil qildi.

Tijorat banklari ushbu valyutani 12 750 – 12 810 so‘mdan xarid qilishmoqda va 12 830 – 12 880 so‘mdan sotishmoqda.

Eslatib o‘tamiz, mamlakatda 25-noyabr kuni dollarning qiymati 14,29 so‘mga pasaygan edi.

Toshkent shahar Bektemir tumanida Saneg kompaniyasi poytaxtdagi birinchi yonilg‘i quyish shoxobchasini ochdi. Bu haqda Kursiv Uzbekistan’ga kompaniya xabar berdi.

Bu shoxobcha poytaxtda kompaniya tomonidan to‘g‘ridan-to‘g‘ri boshqariladigan birinchi stansiya hisoblanadi.

AYOQSH kuniga 1300 tagacha avtomobilga xizmat ko‘rsatish quvvatiga ega bo‘lib, sakkizta yonilg‘i quyish kolonkasi bilan jihozlangan. Bu yerda haydovchilar AI-80, AI-92, AI-95 va AI-98 markali benzinning to‘liq assortimenti, dizel yonilg‘isi va elektromobillar uchun quvvatlash imkoniyatidan foydalanishlari mumkin.

Mijozlar qulayligi uchun shoxobcha hududida qahvaxona va do‘kon faoliyat yuritmoqda.

Kelgusida poytaxtda yangi multimodal AYOQSH ochilishi rejalashtirilgan.

Avvalroq Kursiv Uzbekistan Italiyada Saneg avtomobil moylarini ishlab chiqarish va sotish yo‘lga qo‘yilgani haqida yozgan

2024-yil 1-noyabr holatiga ko‘ra, 1,2 mingdan ortiq O‘zbekiston fuqarosi rasmiy ravishda Qozog‘istonda ishlamoqda. Bu haqda Qozog‘iston Mehnat vazirligi xabar berdi.

Qozog‘istonda mehnat qilayotgan xorijliklar soni bo‘yicha Xitoy yetakchilik qildi. Mamlakatda 4,6 ming nafar xitoylik ishlab kelmoqda. Ushbu ro‘yxatda O‘zbekiston ikkinchi o‘rinni egallagan bo‘lsa, Turkiya uchlikni yakunlab berdi.

Eslatib o‘tamiz, 2023-yilning yanvar – noyabr oylarida Qozog‘istonda 969 nafar O‘zbekiston fuqarosi mehnat qilgan.

Avvalroq Kursiv Uzbekistan xorijga ishlash uchun ketmoqchi bo‘lgan O‘zbekiston fuqarolariga 10 million so‘m miqdorida mikrokreditlar berilishi haqida yozgan edi.

Kia Motors kompaniyasining Hindistondagi shuba korxonasi 2024-yilda O‘zbekiston, Ekvador va Vyetnam bozorlariga kichik qismlardan yig‘ilgan (CKD) avtomobil to‘plamlarini yetkazib berish hajmi 38 ming donadan oshishini taxmin qilmoqda.

Kia India 2020-yilning iyun oyidan boshlab Anantapur zavodidan eksportga 100 mingdan ortiq CKD komplektini ishlab chiqardi.

Ushbu yutuq tufayli Kia India butun dunyo bo‘ylab Kia Motors Corporationning global eksport strategiyasida muhim o‘rin egalladi. Kompaniyaning umumiy eksportida kichik qismlardan yig‘iladigan avtomobillarning 50 foizini tashkil etadi.

Hindistonning Kia kompaniyasi asosan mahalliy ishlab chiqarishga asoslangan Seltos, Sonet va Carens modellarini eksport qiladi.

Kia korporatsiyasi Hindistonda ishlab chiqarilgan CKD’larni Yaqin Sharq va Afrika kabi yangi bozorlarga...

Bitkoin kursi $93 mingdan pasaydi hamda xaridorlar kutilmaganda bitkoin sotib olishga bo‘lgan qiziqishlarini kamaytirdi.

FalconX brokerlik kompaniyasi analitiklari o‘z fikrlarini likvidlikni o‘rganish asosida bildirgan, ya’ni ushbu jarayon turli savdo platformalarida bitkoinni sotib olish va sotish bo‘yicha talab va takliflar soni va miqdorini solishtirishni o‘z ichiga oladi.

«Bitkoin $100 mingga yaqinlashar ekan, likvidlikning og‘ishishi 2022-yildan beri uch marta kuzatilgan darajaga yaqinlashdi. Garchi bu o‘rta muddatli ralliga tahdid solmasa ham, biroq $100 minglik darajani yengish bo‘yicha kurashning qiyin bo‘lishi mumkinligini ko‘rsatadi», – deb yozgan FalconX.

Ma’lumotlarga ko‘ra, mutaxassislar tomonidan so‘nggi kunlarda bitkoinning boshqa kriptovalyutalarga nisbatan dominatsiyasining...

Toshkent shahrining Yangihayot tumanidagi Yo‘ldosh (sobiq Sputnik) massivida yashash uchun yaroqsiz deb topilgan 409 ta ikki qavatli yog‘och uylar buziladi. Bu haqda Tashkent Invest xabar berdi.

Aholi uchun Gulshanobod mahallasida joylashgan Yangi mahalla turarjoy majmuasi barpo etiladi.

Loyihani «GC-Group Industries» MChJ 2024 – 2027-yillar davomida amalga oshiradi. 24 gektar maydonda 93 ta 16 qavatli zamonaviy uy qurilib, ularda jami 13,3 ta xonadon bo‘ladi. Majmua hududida 1600 o‘quvchilik maktab, 600 o‘rinli bolalar bog‘chasi, sun’iy ko‘l, shuningdek, maishiy xizmat ko‘rsatish zonalari va avtoturargohlar qurilishi rejalashtirilgan.

Hozirda aholi bilan shartnomalar tuzish ishlari davom etmoqda.

Avvalroq Kursiv Uzbekistan Yangihayot tumanida umumiy qiymati...

Donald Tramp prezidentlikning ilk kunidayoq Xitoy, Meksika va Kanadadan import qilinadigan mahsulotlarga yangi tariflar joriy etishini e’lon qildi. Bu haqda BBC axborot agentligi ma’lum qildi.

Ta’kidlanishicha, u bunday chora-tadbirlarni noqonuniy immigratsiya va AQShga narkotik moddalar, xususan, fentanil olib kirilishini to‘xtatish uchun qo‘llashini ma’lum qildi.

Trampning rejasiga ko‘ra, Meksika va Kanadaga 25 foizlik, Xitoyga esa 10 foizlik tariflar joriy qilinadi. Ushbu chora mamlakatlarning noqonuniy faoliyatlarga qarshi keskin choralar ko‘rmagunicha amal qiladi.

Bu qaror AQShning uch yirik savdo sherigi bilan munosabatlarni taranglashtirishi kutilmoqda. Ayniqsa, Meksika va Kanada eksportlarining katta qismi AQShga to‘g‘ri kelishi bois bu mamlakatlar iqtisodiyotiga sezilarli ta’sir qilishi mumkin.

Yandex Go xizmati joriy yilning o‘n oyi davomida 125 mlrd so‘m soliq to‘ladi. Bu haqda Soliq qo‘mitasi raisi Sherzod Kudbiyev va Yandex global bosh direktori Daniil Shuleyko o‘rtasida bo‘lib o‘tgan uchrashuvda ma’lum qilindi.

Yil boshida soliq tushumlari 100 mlrd so‘m atrofida bo‘lishi kutilgan edi. Uchrashuvda taksi agregatorlari orqali yo‘lovchi tashish sohasida shaffof soliqqa tortishning ahamiyati va fiskalizatsiya natijalari muhokama qilindi.

Shuningdek, xizmat ko‘rsatish sohasida shaffoflikni ta’minlash va faoliyat turlarini legallashtirish yo‘lida hamkorlik davom ettirilishi ma’lum qilindi.

Eslatib o‘tamiz, Yandex Maps ilovasiga Oʻzbekistonning diqqatga sazovor joylarining 3D modeli qoʻshilgan edi.

Avvalroq Kursiv Uzbekistan Yandex Toshkentda Lavka tezkor oziq-ovqat yetkazib...

AQShning amaldagi vitse-prezidenti Kamola Harris 2028-yilda yana prezidentlik uchun kurashishi mumkin. Bu haqda Politico nashri manbalariga tayanib, xabar berdi.

Nashr ma’lumotlariga ko‘ra, Harris o‘z siyosiy faoliyatini davom ettirish niyatida va u bu bo‘yicha yaqinlari hamda yordamchilaridan turli variantlarni taklif etishni so‘ragan.

Taklif etilgan variantlar orasida 2028-yilgi prezidentlik saylovlarida qatnashish yoki 2026-yilda lavozimini tark etishi kutilayotgan Kaliforniya gubernatori Gevin Nyusomning o‘rnini egallash imkoniyatlari mavjud.

Agarda Harris 2028-yilda prezidentlikka nomzod bo‘lsa, uning qo‘llab-quvvatlash darajasi 41 foizni tashkil etadi. Ushbu ko‘rsatkich Demokratik partiyadagi boshqa potensial nomzodlar – Gevin Nyusom, Pit Buttijich va boshqalarning reytingiga nisbatan yuqoridir.

Eslatib o‘tamiz, avvalroq...

Milliy olimpiya qoʻmitasining 41-bosh assambleyasida qoʻmita rahbariyati tarkibi qayta shakllantirildi. Bu haqda qo‘mita matbuot xizmati ma’lum qildi.

Unga ko‘ra, tadbirda bosh vazir Abdulla Aripov va boshqa yuqori martabali shaxslar ishtirok etdi.

Majlis davomida Oʻzbekiston Respublikasi prezidenti Shavkat Mirziyoyev Milliy olimpiya qoʻmitasi raisi etib saylandi. Shuningdek, Otabek Umarov MOQ raisining birinchi oʻrinbosari, Oybek Kasimov bosh kotib, Sherzod Tashmatov esa rais oʻrinbosari lavozimlariga tasdiqlandi.

Tadbirda «Los-Anjeles – 2028» Olimpiya oʻyinlariga puxta tayyorgarlik koʻrish zaruriyati va sportdagi imkoniyatlarni toʻliq ishga solish masalalariga alohida e’tibor qaratildi.

Shuningdek, MOQning yangilangan ustavi tasdiqlandi.

Eslatib o‘tamiz, avvalroq O‘zbekiston bosh vaziri yordamchisi almashgani haqida yozgan edik.

Forbes Middle East nashrining 2024 yilgi «30 Under 30» reytingida Yaqin Sharq va Shimoliy afrikalik 30-yoshgacha bo‘lgan yosh mutaxassislar orasidan o‘zbekistonlik tadbirkorlar Alisher Akbarov va Amal Abdullayev ham joy oldi.

Mazkur reyting yosh yetakchilarning yutuqlarini tan olish, ularning innovatsiyalarini qo‘llab-quvvatlash va boshqa startaplar uchun ilhom manbasi bo‘lishda muhim ahamiyatga ega. Bu esa mintaqaviy iqtisodiyot rivojiga yordam beradi.

26 yoshli o‘zbekistonlik Alisher Akbarov va Amal Abdullayev BAAda joylashgan Comfi platformasining asoschilaridan hisoblanadi. Ushbu «B2B» platforma kichik va o‘rta bizneslar uchun to‘lov va kreditlash xizmatlarini taklif qiladi. Kompaniya Abu-Dabidagi xususiy oilaviy ofisdan $5 mln qarz mablag‘ jalb qilgan va Sanabil...

Jaguar kompaniyasi 2019-yilgi modeldagi 2,7 mingta avtomobilni AQShda egalaridan sotib olishga rozi bo‘ldi. Bu haqda Carscoops xabar berdi.

Ma’lum qilinishicha, Britaniyaning avtomobil ishlab chiqaruvchi kompaniyasi I-Pace EV modelidagi yong‘in xavfi muammosi bilan kurashish uchun ekstremal choralarni ko‘rgan.

Muammo batareyalarning haddan tashqari qizib ketishi va yong‘in xavfi bilan bog‘liq. Bundan avval kompaniya dasturiy ta’minot asosida 2019-yilgi modeldagi ba’zi mashinalarga tuzatish kiritilgan, biroq avtomobilda hali ham ortiqcha issiqlik mavjud.

Hozirgi kunga qadar 2019-yilgi uchta elektr mashinasi, dasturiy ta’minot yangilanishiga qaramay yonib ketgan.

Avgust oyida kompaniya mashina egalariga tashqarida va binolardan uzoqroq joyda qo‘yishni tavsiya qilgan va yana bir...

Joriy yilning 6-dekabr kuni Marg‘ilon shahrida Oʻzbekiston FinTech assotsiatsiyasi, The Stirling Foundation va IT Park Uzbekistan hamkorligida We (Women enterpreneurs) fintech bepul trening mashgʻulotlarining ikkinchi davrasi boshlanadi. Bu haqda Oʻzbekiston FinTech assotsiatsiyasi xabar berdi.

Treningda ishtirokchilar quyidagi mavzularda bilim va koʻnikmalarni egallashadi:

Elektron tijorat bilan ilk tanishuv;

Onlayn tizimda oʻz oʻrnini topish;

Analitika bilan ishlash;

Mahsulot xarid qilish va kartasini toʻldirish.

Trening oʻzbek tilida oʻtkaziladi va dasturda ishtirok etish uchun roʻyxatdan oʻtish zarur. Trening soat 09:30 dan 13:30 gacha bo‘lib o‘tadi.

Manzil: Fargʻona viloyati, Margʻilon shahri, IT Park, Xiyobon koʻchasi, 65.

Avvalroq «Kursiv» Oʻzbekiston FinTech assotsiatsiyasi va Loialte kiberxavfsizlik boʻyicha...

Oʻzbekistonning Dubaydagi bosh konsulxonasi ravvin Svi Koganni oʻldirishda gumon qilinayotgan Oʻzbekiston fuqarolarini ushlab turilishi munosabati bilan BAA idoralari bilan doimiy aloqada ekanini ma’lum qildi.

“Mazkur masala yuzasidan oydinlik kiritish maqsadida tegishli ishlar olib bormoqda. Tafsilotlar yuzasidan qoʻshimcha ma’lumot beriladi», – deyiladi bosh konsulxona bayonotida.

Eslatib oʻtamiz, Svi Kogan 21-noyabrda BAA hududida yoʻqolgani haqida xabar bergandi. Oradan 3 kun oʻtib, 24-noyabr kuni esa shu yerdan uning jasadi topildi.

Avvalroq Kursiv Uzbekistan Komil Allamjonovga uyushtirilgan suiqasd boʻyicha 5 nafar shaxs hibsga olingani haqida xabar bergan edi.

Joriy yilning 26-noyabr holatiga ko‘ra, O‘zbekistonda 5 grammlik oltin quymalarining narxi deyarli 5,6 mln so‘mni tashkil qilmoqda. Bu haqda Markaziy bank axborot xizmati xabar berdi.

Ma’lumotlarga ko‘ra, bir kun avval 25-noyabr kuni 5 grammlik oltin quymasining narxi 5,7 mln so‘mni tashkil qilgan.

Ushbu ko‘rsatkichlar solishtirilganda narx bir kun ichida 133 ming so‘mga yoki 2,3 foizga pasaydi.

Jahon bozorida ham shu kabi holat, LBMA ma’lumotlariga ko‘ra, 25-noyabr kunduzgi narxlar $2670,4 ni, kechki vaqtga kelib esa $2635,4 ni tashkil qilib, $35 ga pasaygan.

Eslatib o‘tamiz, avvalroq Kursiv Uzbekistan joriy yilning 4-oktabr holatida oltin quymalarining narxi...

So‘nggi haftalarda Erondagi afg‘on muhojirlari, hatto huquqiy hujjatlari bor bo‘lsa ham, politsiya tomonidan hibsga olinib, deportatsiya qilinmoqda. Bu haqda TOLOnews nashri ma’lum qildi.

Unga ko‘ra, muhojirlar hukumatdan ularning muammolarini jiddiy ko‘rib chiqishni talab etishmoqda.

«Hujjatlarimizni politsiya inobatga olmadi. Kecha zarur narsalarni olish uchun ko‘chaga chiqqanimda, meni hibsga olishdi», – deydi muhojirlardan biri Khalid Sultoni.

Shuningdek, ish o‘rinlaridagi cheklovlar va deportatsiyalar oxirgi kunlarda sezilarli darajada oshgani ta’kidlanmoqda.

Islom Amirligi vakili Zabihulloh Mujohid muhojirlarning muammolarini hal qilish uchun choralar ko‘rilayotganini aytib, noqonuniy yo‘l bilan chiqib ketgan fuqarolarni vataniga qaytishga chaqirdi.

Shu bilan birga, Xalqaro migratsiya...

Oʻzbekistonning Saudiya Arabistonidagi elchisi Nodirjon Turgʻunov Islom hamkorlik tashkilotidagi (IHT) doimiy vakili lavozimiga tayinlandi. Bu haqda «Dunyo» axborot agentligi xabar berdi.

Uchrashuvda ikki tomonlama hamkorlikning joriy holati va istiqbollari muhokama qilindi. Tomonlar, ayniqsa, ta’lim, yoshlarni qoʻllab-quvvatlash va innovatsiyalar sohalarida oʻzaro hamkorlikni kuchaytirishga manfaatdor ekanliklarini bildirdi.

Shuningdek, bosh kotib Oʻzbekistonning islom sivilizatsiyasi, ilm-fan va madaniyatiga qoʻshgan hissasini yuqori baholadi va mamlakatning tarixan islom olamida ilmiy kashfiyotlar va ma’naviy meros markazi boʻlganini ta’kidladi. Bugungi kunda Oʻzbekiston IHT maqsadlarini amalga oshirishda muhim hamkorlardan biri hisoblanadi.

Eslatib oʻtamiz, Nodirjon Turgʻunov 2016-yildan buyon Tashqi ishlar vazirligi tizimida ishlamoqda. U 2019 – 2021-yillarda Oʻzbekistonning Qozogʻistondagi...

2025-yil 1-yanvardan Toshkent shahridagi jamoat transporti – avtobus va metropoliten yo‘nalishlarida yangi yo‘lkira tariflari joriy etiladi. Bu haqda Transport vazirligi xabar berdi.

Naqd to‘lov orqali bir martalik yo‘lkira haqi – 3 000 so‘m;

Elektron to‘lov orqali – 1 700 so‘m;

Bagaj tashish xizmati – 4 000 so‘m;

Transport kartalaridan foydalanilganda qatnovlar soniga bog‘liq tarif – 1 600 so‘m.

Shuningdek, imtiyozli va bepul tarif rejalarining narxlari o‘zgarmaydi.

Mazkur qarorga muvofiq, avtobus salonlarida yo‘lkira haqini naqd pulda qabul qilish amaliyoti to‘xtatiladi. To‘lovlar faqat elektron usulda amalga oshiriladi.

Avvalroq Kursiv Uzbekistan Farg‘ona viloyatida jamoat transporti narxi oshirilishi haqida yozgan edi.

26-noyabr kuni O‘zbekiston bo‘ylab yog‘ingarchilik kutilmaydi. Farg‘ona vodiysida tuman tushishi mumkin. O‘rtacha havo harorati 20 darajagacha ko‘tariladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘lishi mumkin, biroq yomg‘ir yog‘maydi. Kunduzi havo 18-20 daraja iliq, kechasi esa 3-5 daraja iliq bo‘ladi.

Tog‘li hududlarda quruq ob-havo kuzatiladi, faqat Toshkent viloyatining balandliklarida yomg‘ir va qor yog‘adi. Kunduzi havo 12 darajagacha isiydi, kechga kelib havo 0-5 daraja iliq bo‘ladi.

Toshkent shahrining Yakkasaroy tumanida joylashgan Askiya bozori hududi va binolari E-auksion platformasida sotuvga qo‘yildi.

Maydoni 1,83 gektarni tashkil qiluvchi bozorning 0,68 gektar qismi binolar bilan band. Auksion 20-dekabr kuni soat 10:00 da boshlanadi, boshlang‘ich narx 214,85 milliard so‘m qilib belgilangan.

Lot tarkibiga binolar va yer uchastkasidan foydalanish huquqi kiradi. Binolarning narxi 9 milliard so‘m, yerning qiymati esa 180 milliard so‘mni tashkil etadi.

Sotib oluvchi bozorni rekonstruksiya qilish majburiyatini oladi, bunda bozorda savdo faoliyati davom ettirilishi shart. Yangi loyiha zamonaviy savdo majmuasini, kamida 3 ming kvadrat metr maydonda ekobozor, 1,2 ming kvadrat metrli sovutgich ombor va 400 ta avtomobil uchun...

Shavkat Mirziyoyev oziq-ovqat xavfsizligini ta’minlash va hosildorlikni oshirishga qaratilgan rejalar bilan tanishdi. Bu haqda prezident matbuot xizmati ma’lum qildi.

Unga ko‘ra, davlat rahbari aholi sonining o‘sishi va cheklangan tabiiy resurslar sharoitida ichki bozorni barqarorlashtirish uchun innovatsion yondashuvlar zarurligini ta’kidladi. Kelgusi yilda 4,8 mln gektar yerda ekinlar yetishtirilishi, ulardan katta qismi meva-sabzavot va boshqa zarur mahsulotlarga ajratilishi rejalashtirilgan.

Tomorqalardan samarali foydalanish, texnologik yangiliklar joriy etish va dehqonlarning zararini sug‘urta qilish bo‘yicha yangi qonun loyihasi ishlab chiqildi.

Shuningdek, xorijiy tajribani o‘rganish va zamonaviy agrotexnologiyalarni joriy etish bo‘yicha topshiriqlar berildi. Chet ellik mutaxassislar bilan «Qishloq xo‘jaligi tavakkalchiliklarini sug‘urta qilish to‘g‘risida»gi qonun...

Shavkat Mirziyoyevga avtomobilsozlikdagi yutuqlar va kelgusi rejalar haqida axborot berildi. Bu haqda prezident matbuot xizmati ma’lum qildi.

Unga ko‘ra, o‘tgan 10 oyda 338 mingta avtomobil ishlab chiqarilib, eksport $455 mln.ni tashkil etdi. Tannarxni 4 foizga kamaytirish va 1 400 turdagi butlovchi qismlarni mahalliylashtirishga erishildi.

2025-yilda 450 mingta avtomobil ishlab chiqarish va eksportni $700 mlnga yetkazish rejalashtirilgan. Mahalliylashtirishni kuchaytirish uchun 700 ta detalni o‘zlashtirish bo‘yicha 325 million dollarlik 63 loyiha amalga oshiriladi.

Shuningdek, Jizzaxdagi «BYD» zavodida elektromobil ishlab chiqarish kengaytiriladi. Kelgusi bosqichlarda yillik hajmni 500 ming donaga yetkazish maqsad qilingan. Davlat rahbari qo‘shimcha quvvatlarni barpo etish va ehtiyot qismlar ishlab...