Yangiliklar

O‘zbekistonda oltin qazib olish hajmi yiliga 100 tonnani tashkil etadi. Ammo bu hajmning atigi 6 foizi qayta ishlanadi. Bu haqda O‘zR prezidenti Shavkat Mirziyoyev «Gavhar grup» zargarlik fabrikasiga tashrifi chog‘ida ma’lum qildi.

«Mamlakatimizda yiliga 100 tonna oltin qazib olayapmiz. Uni zargar tadbirkorlarga bo‘lib to‘lash sharti bilan sotishga ruxsat berilgan. Ochig‘i, bunday imkoniyatlar hech qaysi davlatda yo‘q. Lekin, yurtimizda oltinning atigi 6 foizi qayta ishlanayapti. Oltin qazib olinmaydigan mamlakatlar bizdan ko‘p eksport qilayapti. Bu sohada biroz kechikdik. Shuning uchun ishlab chiqarishga qo‘shimcha sharoitlar yaratayapmiz. Bu hali boshlanishi. Sohani hali yana rivojlantiramiz», – dedi Shavkat Mirziyoyev.

Oʻzgidromet 26—31-mart kunlari Oʻzbekistonning togʻ va togʻ oldi hududlarida sel kelishi xavfi borligini maʼlum qildi.

Togʻ oldi va togʻli hududlar aholisi, shuningdek, togʻli hududlarda dam oluvchilar ehtiyot choralarini koʻrishga chaqirildi.

Oʻzgidrometning xabar berishicha, 26—30-mart kunlari Oʻzbekiston boʻylab yomgʻir yogʻib, momaqaldiroq boʻlishi kutilmoqda. 26-28-mart kunlari shamol 15-20 m/s gacha kuchayishi, ayrim tumanlarda 22-25 m/s gacha kuchayishi mumkin.

Kuchli yomgʻirlar natijasida ayrim hududlarni suv bosishi mumkin.

25-mart, dushanba kuni Toshkentda havo harorati +25…+27° gacha koʻtarilishi va yomgʻir yog‘masligi haqida avvalroq xabar berilgan edi.

Avvalroq «Kursiv» kuchli sel surxondaryoliklarning uylarini vayron qilgani haqida yozgan edi.

Yagona korporativ axborot portali maʼlumotlariga koʻra, Uzum Bank qoʻshimcha kapitallashuv uchun 150 milliard soʻmlik aksiyalar chiqardi.

Qimmatli qogʻozlar Continent Arm Investments MChJda joylashtiriladi. Ushbu kompaniyaning taʼsischisi Uzum Holding Ltd hisoblanadi.

Eslatib oʻtamiz, Oʻzbekistonda mamlakat banklari uchun ustav kapitalini bosqichma-bosqich oshirish joriy etilmoqda. Aprel oyining boshidan bu koʻrsatkich 350 milliard soʻmgacha boʻlishi kerak.

Oʻtgan yilning iyul-sentyabr oylarida Uzum Bankning sof foydasi 17,4 milliard soʻmga yetgan.

Avvalroq «Kursiv» oʻzbekistonliklar Uzum Bank ilovasidan muddatli toʻlovga xarid amalga oshirishlari mumkinligi haqida xabar bergan edi.

Ozarbayjon fuqarosi Kamil Nesibov Moskva viloyatidagi Crocus City Hall konsert zalida sodir etilgan terakt chog‘ida yuzdan ortiq odamni qutqardi, deb xabar berdi SHOT Telegram-kanali. (Xabar yangilandi. Avvalroq ushbu Telegram kanalida O‘zbekiston fuqarosi 100 dan ortiq odamni qutqarib qolgani haqida xabar bergan edi).

Nesibovning so‘zlariga ko‘ra, u dugonasi bilan ushbu majmuada ofitsiant bo‘lib ishlagan. Ularning smenasi 19:55 da tugagan. Biroq, portlash va shovqinni eshitib, ular Crocus ga qaytib kelishgan.

Ozarbayjonlik yigit bir necha yaradorni yo‘l chetiga sudrab olib, konsertga kech qolganlarni tarqatib yuborgan. Nesibov shuningdek, 80 nafar jabrlanuvchini binodan chiqishiga yordam bergan.

Terakt 22 mart kuni sodir...

Toshkentda isitish mavsumi 26-mart kunidan yakunlanishi rejalashtirilgan, deb xabar qilmoqda poytaxt hokimiyati.

Poytaxtda isitish tizimi oʻtgan yilning noyabr oyi boshidan yoqilgan edi. Toshkentda undan oldingi isitish mavsumi 2022-yilning oktyabr oyi oxiridan oʻtgan yilning mart oyining oʻrtalarigacha davom etgan edi.

Eslatib oʻtamiz, Toshkent shahrida isitish mavsumi yakunlangach, isitish va issiq suv uchun tariflar 15 foizga oshirilishi kutilmoqda. Narxning oshishiga elektr energiyasi va boshqa kommunal xizmatlar narxining oshgani sabab boʻlgan.

Avvalroq «Kursiv» Toshkentda tadbirkorlar uchun issiq suv tariflari oshirilishi haqida maʼlum qilgan edi.

Oʻzbekiston Bosh vaziri Abdulla Aripov Rossiya elchixonasiga tashrif buyurib, ushbu mamlakat xalqiga hamdardlik bildirdi. Bu haqda Bosh vazir matbuot kotibi Bekzod Hidoyatov xabar bermoqda.

Eslatib oʻtamiz, 22 mart kuni kechqurun Moskva yaqinidagi Crocus City Hallʼda terakt sodir boʻlgan edi. Bugunga kelib, 137 kishi halok boʻlgani, 180 dan ortiq kishi jarohat olgani maʼlum.

Shuningdek, Terakt vaqtida bedarak yoʻqolgan ikki qirgʻizistonlik ayol haqida ham xabarlar bor. Qirgʻizistonning Rossiya federatsiyasidagi elchixonasi ularni qidirmoqda.

Ertasi kuni Bryansk viloyatida terakt sodir etgan toʻrt nafar jinoyatchi qoʻlga olindi. Ulardan ikki nafari Tojikiston fuqarolari ekanligi maʼlum bo‘ldi.

Bundan avval Oʻzbekiston prezidenti Shavkat Mirziyoyev, Tashqi...

Butunjahon boks kengashi (WBC) yanvar oyidagi eng yaxshi bokschilar reytingiga O‘zbekistondan yetti nafar sportchi kirdi.

O‘ta og‘ir vazn toifasida Bahodir Jalolov 13-o‘rinni, Bektemir Meliqo‘ziev esa o‘rta vazn toifasida 13-o‘rinni egalladi.

Sakkizinchi o‘rinda yarim o‘rta vazn toifasida Isroil Madrimov joylashgan.

Yarim o’rta vazn toifasida Shahram G’iyosov 14-o’rinni, Jahongir Rasulov 31-o’rinni egalladi.

WBC, shuningdek, Murodjon Ahmadalievni yengil vaznda to’rtinchi, Hasanboy Do’smatovni esa beshinchi deb tan oldi.

Avvalroq Kursiv o‘zbek bokschilari Great Silk Way turnirining ikkinchi bosqichiga chiqqani haqida yozgan edi.

Statista tahliliga ko‘ra, 2023-yilda O‘zbekistonda taksi operatorlarining daromadi $63,16 mln tashkil etdi, bu 2022-yilga nisbatan 30,4 foizga ko‘pdir.

2020-yilda 19,9 foizga pasayganidan keyin bozor 33,5 foizga, 2021-yilda esa 39,5 foizga oshdi. Ushbu o’sish keyingi 4 yil ichida yillik 17,15% darajasida davom etishi kutilmoqda, natijada 2028-yilga kelib bozor hajmi $141,10 mln tashkil qiladi.

ARPU (mijoz boshiga o‘rtacha daromad) 2023-yilda 30 foizga, ya’ni 13,63 dollardan 17,9 dollargacha o‘sdi. 2028-yilga kelib, ARPU 41,35 dollarga yetishi kutilmoqda.

Shu bilan birga, taksidan foydalanuvchilar soni 3,55 million kishidan 3,53 million kishiga kamaydi va bundan keyin ham qisqarishda davom etadi.

Eslatib oʻtamiz, Raqobatni rivojlantirish va isteʼmolchilar...

25-mart, Dushanba kuni ertalab Osiyo bozorlarida neftning narxlari Yaqin Sharq va Ukrainadagi mojarolar fonida xomashyo yetkazib berishning qisqarishi xavotirlari tufayli oshib bormoqda, deb yozmoqda Reuters.

Unga koʻra, Brent markali neftning narxi bir barrel uchun $85,67 ga, WTI bo‘lsa $80,88 gacha koʻtarildi. Narxlar taxminan 0,3% ga oshdi. Harbiy mojarolardan tashqari, vaziyatga Amerika burgʻilash qurilmalari sonining qisqarishi haqidagi maʼlumotlar taʼsir koʻrsatdi.

Oʻtgan haftada dollarning mustahkamlanishi fonida oltin bir unsiya uchun $2,17 minggacha arzonlashdi. Dushanba kuni qimmatbaho metallning narxi koʻrsatilgan narx darajasidan biroz oʻzgarib turadi.

Texnologiya giganti Appleʼning aksiyalari 22-mart kuni 0,53 foizga qimmatlashdi. Bitta qimmat qogʻoz $172,28 tashkil qilgan bo’lsa, bugun, 25-mart kuni ertalab kompaniya uchun biroz...

Britaniyaning Sturgeon Capital investitsiya fondi SBI Ventures Asset Pte. Ltd. bilan birgalikda O‘zbekistonda va Markaziy Osiyoning boshqa mamlakatlarida fintechni rivojlantirish niyatida. Bu haqda tashkilot saytida aytilgan.

Tomonlar mintaqada, xususan, O‘zbekistonda biznesni rivojlantirish bo‘yicha strategik hamkorlikni e’lon qildi. Shunisi e’tiborga loyiqki, SBI Ventures Asset Yaponiyaning SBI Group kompaniyalari moliyaviy guruhi tarkibiga kiradi.

Sturgeon Capital kompaniyasi 2016-yilda tashkil etilgan. Kompaniyaning bosh qarorgohi Londonda joylashgan. Jamg‘arma Markaziy Osiyo mamlakatlariga sarmoya kiritishga ixtisoslashgan.

Bundan tashqari, Sturgeon Capital Bangladesh, Misr va Pokiston, Armaniston va boshqa mamlakatlarga faol sarmoya kiritadi.

Eslatib o‘tamiz, avvalroq «Kursiv» O‘zbekiston va Rossiya sarmoya fondi tashkil etishni rejalashtirayotgani haqida yozgan...

Buxorodagi neftni qayta ishlash zavodida quyosh elektr stansiyasi ishga tushirildi, deb xabar qildi O‘zbekiston Energetika vazirligi.

Vazirlik maʼlumotlariga koʻra, elektr stansiyasining quvvati 3,5 megavattni tashkil qiladi. Ob’ekt ishga tushirilishi bilan korxona tomonidan kuniga iste’mol qilinadigan elektr energiyasining 20 foizi qayta tiklanadigan manbalar hisobidan qoplanadi.

Avvalroq «Kursiv» O‘zbekistondagi fotoelektr stansiyalarining umumiy quvvatini 2,6 gigavattgacha oshirish rejalashtirilayotganini yozgan edi.

Boks bo‘yicha O‘zbekiston terma jamoasi to‘liq tarkibda Ozarbayjonda bo‘lib o‘tayotgan Great Silk Way turnirining ikkinchi bosqichiga yo‘llanma oldi, deb xabar berdi O‘zbekiston Olimpiya qo‘mitasi.

Ikkinchi bahsda Asilbek Jalilov, Xo‘janazar Nortojiyev, Qodir Axtamov, Baxtiyor Asadov va boshqa sportchilar ishtirok etadi.

Ta’kidlash lozimki, Great Silk Wayning ikkinchi bosqichi 25-mart, dushanba kuni bo‘lib o‘tadi.

Avvalroq Kursiv o‘zbekistonlik sportchi Isroil Madrimov Butunjahon boks assotsiatsiyasiga ko‘ra jahon chempioni bo‘lgani haqida yozgan edi.

Amerika Qoʻshma Shtatlari (AQSh) prezidenti Jo Bayden va Yaponiya Bosh vaziri Fumio Kisida aprel oyida uchrashuv oʻtkazadi. Financial Times (FT) xabariga koʻra, soʻnggi 60 yil ichida mamlakatlar oʻrtasidagi xavfsizlik paktining eng yirik yangilanishi boʻyicha qaror qabul qilinishi kutilmoqda.

OAV manbalarining xabar berishicha, rasmiylar Yaponiyadagi AQSh harbiy kuchlarini qayta qurishni rejalashtirmoqda. Bu qoʻshma mashqlar samaradorligini oshiradi. Shuningdek, Xitoy oʻz hududi deb hisoblaydigan Tayvandagi harbiy mojarolar xavfi tufayli ham qabul qilingan.

FT jurnalistlarining qayd etishicha, Yaponiya soʻnggi yillarda mudofaa xarajatlarini oshirgan. biroq Amerika ittifoqchilari bilan muvofiqlashtirish hali ham qiyin, sababi xavfsizlik pakti 1960-yildan beri tubdan yangilanmagan.

Avvalroq «Kursiv» Xitoy AQShni Tayvandagi...

Toshkent shahrining Yangihayot tumanida «Yangi avlod» maxsus industrial zonasi tashkil etiladi. Bu haqdagi qaror O‘zbekiston prezidenti Shavkat Mirziyoyev tomonidan imzolangan.

Maydoni 660 gektar boʻlgan sanoat zonasini barpo etish tashabbusi fevral oyi oxirida davlat rahbari boshchiligidagi yigʻilishda eʼlon qilingan edi.

2025-yil oxirigacha hududni rivojlantirish 1,5 milliard dollargacha miqdorda xorijiy investitsiyalarni jalb etishi rejalashtirilgan.«Yangi avlod»ning eksport salohiyati yiliga 5 million dollarga baholanmoqda.

«Yangi avlod»dagi yer uchastkalari «E-auksion» platformasi orqali onlayn-auksionda ijaraga beriladi.

Avvalroq «Kursiv» Andijon viloyatida «Ipak yo‘li» erkin iqtisodiy zonasi tashkil etilishini yozgan edi.

Tokio Oʻzbekistonga Markaziy Osiyodagi strategik hamkor sifatida qaraydi va respublikada amalga oshirilayotgan islohotlarni ijobiy baholaydi. Bu haqda Yaponiya tashqi ishlar vazirining parlamentar oʻrinbosari Yoichi Fukazava Oʻzbekiston delegatsiyasi bilan uchrashuvda taʼkidladi.

Shuningdek, yaponiyalik diplomat mamlakatimizdagi siyosiy va iqtisodiy barqarorlikni ham qoʻshimcha qildi.

Yaponiya Oʻzbekiston mustaqilligini birinchilardan boʻlib tan olgan davlatlardan biri boʻlib, 1992-yildan boshlab davlatlar oʻrtasida diplomatik munosabatlar oʻrnatilgan.

Oʻzbekiston respublikasi Statistika agentligi maʼlumotlariga koʻra, 2024-yilning yanvar-fevral oylarida Oʻzbekiston va Yaponiya oʻrtasidagi tovar aylanmasi hajmi $105,2 millionni tashkil etib, bu bir yil davomida 4,3 baravarga oshganini koʻrish mumkin.

Avvalroq «Kursiv» Tokioning ustuvor yoʻnalishi Markaziy Osiyo davlatlari bilan munosabatlarni mustahkamlash...

Janubiy Koreyaning Asiana Airlines aviakompaniyasi may oyida Toshkent va Seul o‘rtasidagi reyslar sonini haftasiga uchtadan to‘rttagacha oshiradi, deb xabar bermoqda Yonhap axborot agentligi.

25-martdan boshlab Asiana Airlines aviakompaniyasida ekonom-klassdagi aviachiptalar narxi 11,5 million so‘mdan boshlanadi.

Aviakompaniya, shuningdek, Olmaota va Seul o‘rtasidagi reyslar sonini haftasiga uchtadan beshtagacha oshiradi.

Eslatib o‘tamiz, Janubiy Koreyaning yana bir aviatashuvchisi – Korean Air 2024-yil 1-martdan O‘zbekistonga parvozlarni to‘xtatdi. Bunga aviachiptalar sotuvining pasayishi va kompaniya siyosatining o‘zgarishi sabab bo‘lgan.

Avvalroq «Kursiv» Uzbekistan Airways 7-apreldan Toshkentdan Londonga qo‘shimcha reysni yo‘lga qo‘yadi, deb yozgan edi.

25-mart, dushanba kuni Toshkentda havo +25…+27° gacha isiydi, poytaxtda yog‘ingarchilik kutilmaydi, deb xabar berdi «O‘zgidromet».

IQAir monitoring resursiga ko‘ra, soat 9:34 da poytaxtdagi havo sifati yaxshi deb baholanmoqda. Shu bilan birga, PM 2,5 zarralarining konsentratsiyasi ruxsat etilgan me’yordan 1,1 barobarga oshdi.

Oʻzbekistonda bugun oʻrtacha kunlik havo harorati +23…+28°, togʻli hududlarda +12…+17° boʻladi.

Avvalroq «Kursiv» hafta boshida O‘zbekistondagi ob-havo haqida yozgan edi.

Isroil mamlakat qamoqxonalarida saqlanayotgan 700 ga yaqin falastinlikni HAMAS guruhining garovga olinganlariga almashtirish taklifiga rozi bo‘ldi. Bu haqda CNN manbalari xabar berdi.

Odamlar almashinuvi tashabbusi Amerika Qo’shma Shtatlari Markaziy razvedka boshqarmasidan chiqqan. Isroil bunga rozi bo‘ldi, ammo HAMASning munosabati hali noma’lum.

Agar kelishuv amalga oshsa, 40 dan 100 nafargacha isroillik garovga olinganlar uylariga qaytishlari mumkin bo’ladi. Bular keksalar, kasallar, yaradorlar, ayollar va askarlardir.

Isroil va HAMAS o‘rtasidagi mojaro 2023-yil oktabr oyida, guruh Isroil hududiga hujum qilganda keskinlashgan. Bunga javoban harbiy operatsiya boshlandi.

HAMAS hujumi chog‘ida Isroil tomonida 1,2 ming kishi halok bo‘lgani taxmin qilinmoqda. Harbiy harakatlar 32 mingga yaqin...

Moskva viloyatidagi Crocus City Hall savdo markazida halok boʻlganlarga hamdardlik bildirish maqsadida Toshkent shahri aholisi va mehmonlari Rossiyaning Oʻzbekistondagi elchixonasida memorial yodgorlik tashkil qilindi. «Kursiv» fotomuxbiri Roman Fedotov diplomatik missiyadagi eng dolzarb foto suratlarni jamladi.

memorial yodgorlik 23-mart kuni ertalabdan tashkil qilindi. Poytaxt aholisi Rossiya elchixonasiga gul va shamlar olib kelishda davom etmoqda.

Diplomatik missiya Oʻzbekiston xalqiga koʻrsatgan qoʻllab-quvvatlashi uchun minnatdorlik bildirdi.

Bundan tashqari, hamdardlik bildirmoqchi boʻlganlar soni koʻp boʻlgani uchun Rossiya elchixonasida kitob qoʻyildi. Unda yigʻilganlarning har biri oʻz tilaklarini yozdi.

Jamoat tartibini saqlash maqsadida Oʻzbekiston huquq-tartibot idoralari xodimlari diplomatik vakolatxona binosida navbatchilik qilmoqda.

Avvalroq «Kursiv» Shavkat Mirziyoyev Rossiya...

Rossiya prezidenti Vladimir Putin Moskva viloyati Crocus City Hallʼdagi teraktdan soʻng rossiyaliklarga murojaat qildi.

Ular (terrorchilar) qochishga urinib, Ukraina tomon harakatlanishgan. Dastlabki maʼlumotlarga koʻra, ular uchun Ukraina tomonida davlat chegarasini kesib oʻtish uchun darcha tayyorlangan, dedi Rossiya prezidenti Vladimir Putin.

«Ushbu jinoyatning barcha aybdorlari, tashkilotchilari va buyurtmachilari adolatli va muqarrar jazoga tortiladi. Ular kim boʻlishidan qatʼi nazar, kim yoʻl-yoʻriq koʻrsatgan boʻlishidan qatʼi nazar, biz hammani aniqlaymiz va jazolaymiz», — dedi Putin.

Terakt uyushtirganlikda gumon qilinib, jami 11 kishi qoʻlga olindi, ulardan toʻrt nafari bevosita jinoyatchilar.

Soʻnggi maʼlumotlarga koʻra, vafot etganlar soni 143 nafarga yetgani aytilmoqda.

Moskva yaqinidagi Crocus City Hallʼdagi teraktda gumonlanib ushlangan shaxslardan biri soʻroq qilindi.

Gumondor 4-mart kuni Turkiyadan uchib kelganini aytib, terakt uchun unga 500 ming rubl ($5,5 ming atrofida) taklif qilinganini taʼkidlagan.

Kadrda erkak oʻzini Fariddun Shamsutdin deb tanishtirgan, shuningdek, 1998-yilda tugʻilgan ekanini aytgan. Unga zaldagi barcha odamlarni oʻldirish topshirigʻi berilganini qayd etgan.

Avvalroq «Kursiv» Tojikiston oʻz fuqarolarini Moskva viloyatidagi teraktga aloqadorligini rad etgani haqida xabar bergan edi.

Qazaq Air aviakompaniyasi Air Marakanda bilan hamkorlik aloqalarini yoʻlga qoʻydi. Kelishuv doirasida Qozogʻiston aviakompaniyasi Turkiston – Samarqand – Turkiston yoʻnalishi boʻyicha parvozlarni amalga oshiradi.

Birinchi parvoz 23-martga oʻtar kechasi amalga oshirildi. Samarqand aeroportida anʼanaga koʻra havo kemasi suv arkasi va oʻzbek milliy musiqasi bilan kutib olindi.

Ushbu yoʻnalish boʻyicha parvozlar haftasiga ikki marta De Havilland Dash-8-Q400NG samolyotlarida amalga oshiriladi.

Avvalroq «Kursiv» Polshaning LOT aviakompaniyasi Varshava va Toshkent oʻrtasida muntazam parvozlarni yoʻlga qoʻyishi haqida xabar bergan edi.

Oʻzbekiston respublikasi prezidenti Shavkat Mirziyoyev bugun, 23-mart kuni Vladimir Putin bilan telefon orqali Crocus City Hallʼda yuz bergan terrorchilik harakati oqibatida koʻplab insonlar qurbon boʻlgani munosabati bilan chuqur hamdardlik bildirdi.

«Davlat rahbari Oʻzbekistonning koʻp millatli xalqi nomidan vafot etganlarning oila aʼzolariga bardamlik, jarohatlanganlarga tez fursatda shifo topishlarini tiladi. Begunoh insonlarga qarshi qaratilgan ushbu jinoyat yana bir bor qatʼiy qoralandi», — deyiladi prezident matbuot xizmati xabarida.

Vladimir Putin, oʻz navbatida, Shavkat Mirziyoyevga ushbu ogʻir damda bildirilgan dalda soʻzlari va zarur koʻmakni koʻrsatishga tayyorligi uchun minnatdorlik bildirdi.

Soʻnggi maʼlumotlarga koʻra, terakt oqibatida 115 kishi halok boʻlgan, qurbonlar soni hali oshishi mumkinligi...

Oʻzbekistonning Saudiya Arabistonidagi elchisi Ulugʻbek Maqsudov diplomatik missiyasini yakunladi. Bu haqda «Dunyo» axborot agentligi xabar bermoqda.

Maqsudov ushbu lavozimda 2018-yildan beri ishlab kelayotgan edi. Qirollik rasmiylari bilan oʻtgan xayrlashuv uchrashuvlarida taʼkidlanganidek, soʻnggi yillarda Oʻzbekiston-Saudiya Arabistoni munosabatlari sezilarli darajada faollashdi.

Ayni paytda Saudiya Arabistonining Oʻzbekiston iqtisodiyotiga kiritgan jami sarmoyasi $30 milliarddan ortiqni tashkil etadi.

Avvalroq «kursiv» Oʻzbekiston Vengriyadagi yangi elchisi tayinlanganligi haqida xabar bergan edi.